أنت قدري - الفصل 76 - بقلم لولة الحلوة - مكتملة | روايتك

وصل يوسف لاقرب كبينة تلفونات بعد ما اخذ الرقم علشان يتصل على مها ما اتصل من جواله لأنها أكيد إذا شافت رقمه ما ترد عليه دق قلب يوسف بسرعة لما مسك معاه الخط وصار يدق مره .. مرتين .. وفي المرة الثالثة جاء صوتها التعبان مره : الو... يوسف زاد نبض قلبه كان متعطش يسمع صوتها ظل ساكت مها : الو .. الو تكلم احد جنبها .. هذي المكالمة من السعودية يمكن خالي لكن ما يسمعني مها : الو .. وسكرت الجوال دق يوسف مره ثانيه مها : الو .. الو.. من ؟؟ يوسف ترك التلفون .. ويقول في نفسه (ياربي وش أقول ؟؟ وكيف أخليها تسمعني ؟؟) وسكر الخط مها في نفسها ( من اللي اتصل ؟؟ خالي ؟؟ منين يتصل ...هذا ما هو رقمه !!) .... : وش فيج مها : مادري يا هدى .. حاسة انه ما هو خالي اللي اتصل قلبي يقول انه .... هدى : وش قصدج .. يوسف مها : مادري .. مادري هدى : لا لا من وين له رقمج هذي بس وهواجيسج مها : أنفاسه وأنا أدرى فيها .. اذا للحين أنا مها وقلبي فيه إحساس هذا اللي اتصل يوسف هدى : وي وي حتى انفاسه تعرفينها؟؟ شنو هذا مها : خلاني احبه لدرجة اني أميزه كيف يتنفسه ويناظر وش يفكر فيه ..خلاني جزء منه .. اعرفه أكثر من معرفتي لنفسي.. هدى : الله لهالدرجه تتنهد مها بتعب : وأكثر يا هدى وأكثر هدى : ياويله من ربه ايل وش كثر غشج .. هذا ما يستاهل منج الا الحتقار .. لان اغرضه دنيئه ..ولا فكر الا بمصلحته وبس .. ونسى انج وحيد وضعيفه هنا دق الجوال مره ثانيه مها : الو يوسف بعد ما استجع قواه: مها .. أرجوك اسمعيني ولا تصكين الخط ارتبكت مها وسكرت الخط بسرعة هدى : هو صح مها : هو يا هدى هو هدى : الحقير وش يبي بعد مها : مدري يوسف ضرب راسه بجدار الكبينه : ااااه انا الغلطان ..انا اللي ضيعت من أيدي يا قلبي رجع لبيته وهو شايل هم الدنيا وعيونه الذابله من يوم ما طلعت مها من البيت صار الهم فيها زايد كان يضن ان حبيبته ابعدها الحزن والمرض والحين عرف بدون شك ان حبيبته ابعدها قلبها اللي قربها اول حصه : هاا ياقلبي مها وشلونها يوسف بياس : مها .......... راحت مها راحت ياحصه ولا لها رجعه حصه بفزع : ماتت ؟؟؟؟!! يوسف : لا مات اللي بيني وبينها حصه: أنت وش تقول انا ما ني فاهمه .. مها وين .. ومن اللي مات بعد يوسف : بالله اتركيني انا مالي نفس اتكلم مع احد حصه بحزم : لا بتكلم .. مها وينها .. يوسف : مدري .. اسالي عمك ومحمد حصه : انت وش تخربط عمي ومحمد وش دخلهم بمرتك يوسف : ااوووووووه اتركيني... ابي اذلف ماني متكلم حصه : يوسف ..يوسف .. مها وين يايوسف ام يوسف تطلع على صوت حصه ام يوسف : مها وش بها لايكون صار لها شي حصه وهي تبكي: مدري عن هالمجنون .. وش يقول ام يوسف : وش يقول؟؟؟! حصه : اكيد مها بها شي وش كبير بعد ام يوسف : ايه وش بها البنت قالت حصه لامها اللي قاله يوسف ام يوسف : محمد واحمد وش لهم بمها ....؟؟ حصه : ابغى اتصل بهيفا وسالها ام يوسف : لا لا يمكن ما تدري وتفضحينا حصه : أنا خايفه عليها ام يوسف : خلي يوسف له كم ساعه وانا اجيب لك العلم منه حصه : يالله ياربي تستر