الفصل 6
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵* *العنقاء.tt ♥️*
*❴🔢❵☟الـــبـــــــــــ❴6️⃣❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
#العنقاء
#مال_الشام
#الجزء_السادس
ملك : يعني مانك عم تفهم علي .. ما في حدا بالبيت ما فيني فوووتك
زيد : لك ليش مكبرتيها انا بقربلك و كمان انتي ...
قبل ما يكمل حكيو اجت شذى ..
شذى : زيد ؟ انت شو عم تعمل هون ؟
زيد : انا ؟ .. لك .. لك ابنك عم يبكي تعي شوفيه مريض
شذى : خدو واطلاع لفوق عالسريع
زيد : طيب يلا الحقيني لا تتأخري عاوزك بموضوع
طلع زيد و وسيم معو وانا حسيت الله رحمني بجيتها لشذى ... اول مره بفرح بشوفتها بس كتير كنت خايفه
قربت لعندي وضلت تراقب اخوها لطلع لفوق بعدين همستلي
شذى : دايئك شي ؟ عملك شي ؟ بتعرفو بعض قبل هالمره ؟
ملك : انا بعرفو بس هو اول مره بشوفني وبدو يفوت على البيت غصب عني وانا عم قلو ما في حدا جوا وهو ما عم يفهم
شذى : طيب فوتي وسكري الباب و مره تانيه لا تفتحيلو ولا تقولي لحدا الي صار
ملك : طيب
طلعت مرت ابي وانا قفلت الباب وفتت اركض على غرفتي وقعدت ابكي .. بدي امي .. بدي امي معي
بدي تحميني من كل شي .. بدي حسها رفيقتي .. يا ربي بدي اميييييييي بدي امييييي بدي اميييي
قبل وصلت امي بنص ساعه قمت غسلت وشي و ربطت شعري و حطيت الكتاب بحضني على اساس عم ادرس
ولما فاتت سالتني شو عملت اليوم وازا مرت ابي نزلت لعندي وقلتلها عادي متل كل يوم ما صار شي
صار كل يوم والتاني زيد يجي يدئ علي الباب وما كنت افتحلو ابداً بس كنت احكيه من ورا الباب وقلو امي بتقفل علي الباب وما معي مفتاح
زيد : طيب ما شفتيلي شذى ؟
ملك : لا بس سمعت صوتها وهي نازله ومعا الأولاد
زيد : ايوه .. طيب انتي شو اسمك ؟
ملك : اسمي ملك
زيد : شو حلو اسمك .. ليكي بما انو نحنا عيله وحده اعتبريني متل خالك واي شي بتعتازيه احكيلي
اديش عمرك انتي ؟ ودايماً بتبقي هيك لحالك ؟
ملك : 14 . .ايه اغلب الأوقات لان امي موظفة
زيد : طيب يلا انا رح روح برجع بشق عليكي بكرا ... محتاجه شي جبلك معي ؟ اكلات طيبه او اي شي؟
ملك : لا شكراً ..
زيد : سلام
بس راح فتت و كان الجو عم يبرد كتير وفتنا بالشتويه .. حسيت حالي دايخه كتير و مرضانه وما في حدا عندي
قعدت على الكنباية و غمرت حالي بالأغطيه وكنت عم ارجف وحاسه بالبرد .
حاولت نام وكنت عم هلوس كتير ... صرت اتخيل ايام زمان ... لما كان ابي ياخدنا سيرانات انا وامي و بعد شوي فتح عيوني و راسي عم يفتل وعيط بكل صوتي
( امييييييي ) .. ( ماااااااماااااا )
قمت على غرفة امي وابي .. كنت عرقانه كتير و حاملة الغطا فوق ظهري .. وقفت بالغرفة وتطلعت حوالي بالتخت وبالصورر وبالخزانة
وبكل زاوية ..
هون كنت عم اركض ويلحقوني
هون كنت نام بالنص بيناتهن
هون كنت لما اصحى مرعوبة اجي وحس بالأمان وهلأ ما ضل مكان حس فيه بالأمان ..
مشيت لجنب التخت ... ورجعت بذاكرتي لليلة الي تزوج فيها ابي .. لما فوتني خالي على غرفتي وصار يشرحلي هلأ كيف رح تصير حياتنا
خالي : ملوكتي انتي صبيه حلوة مو ؟
ملك : ايه
خالي : طيب انا بدي قلك يا خالو انو هلأ ابوكي تجوز وحده تانيه غير امك
سكتت وتطلعت بالسقف وما بعرف شو حسيت .. خفت كتير بس ما كنت فهمانه بالضبط شو الوضع
وقتا نمت وصحيت بالليل ..
حسيت امي عم تقوم من جنبي شميت ريحتها وعرفت انها بتختي بس انتبهت لما تحركت من جنبي و قمت وراها
فتحت شق من الباب .. وشفت ابي واقف على الباب وستي و امي
وكانو التلاته ساكتين وعم يتطلعو ببعض
ابي كان منظرو غريب كتير .. ما بعمري شفتو هيك .. كان ضعيف و مكسور كتير كنت بدي اطلع واركض لحضنو
بس راح فات على غرفتو وفاتت امي وراه
وانا رجعت لفرشتي وصرت ابكي ..
صحيت من كل هالذكريات ... وحسيت حالي عم افقد التوازن .. غبت عن الوعي و وقعت جنب تخت امي ..
ما بعرف بعد اديه من الوقت لرجعت امي ولقتني ملحوشة بالغرفة ومريضه عم آن وارجف ..
بس لما فتحت عيوني كنت بتختي وفي كمادات على جبيني ..
كان كل موقف صعب بمر فيه بيعلمني كيف اعتمد على حالي اكتر .. وبيحسنني بالوجع اكتر لان حاسه حالي وحيده وضعيفه بمواجهة هالحياة الصعبه
بيوم من الأيام وصلتني امي على المدرسة وراحت .. اخدنا اول حصة وبلش ينزل التلج ويمسك بالأرض ..
بلشنا بالدرس التاني و اجت الأذنة وقالت للانسه انو يطلعونا على بيوتنا
فرحنا كتير لان كنا عم نتجمد من البرد .. انا ما عاد حسيت باصابعي وكانو زرق .. خبيتهن بجيبتي و مشيت على البيت
برردت كتير لوقت ما وصلت .. وعلى باب البناية شفت زيد كان واقف وعم يدخن
زيد : اهلين ملك شو راجعه بكير
ملك : ايه لانو تلج اعطونا اذن نطلع
زيد : حليانه .. كأنك بردانه انفك احمر
ملك : ايه كتيييييير بردانه
كنا عم نحكي و وصلنا لباب البيت .. طلعت المفتاح وفتحت الباب
ملك : يلا عن ازنك
بس فت و بدي سكر الباب حط ايدو ودفشو
ملك : شبك؟
زيد : بردان كتير و شذى مو بالبيت خليني فوت ادفى
شديت الباب وحاولت اطبقو : ما فيني فوتك والله ابي بيدبحني لو سمحت
زيد : لك بردان كتير خليني فوتكنت اضعف بكتييييييييير من انو اقدر اغلبو وامنعو يفوت .. دفش الباب و فات و طبقو فوراً وراه وانا قلبي صار يرجف من الموقف الي صار
ملك : لك شو عم تعمل زيد
كان عم يتطلع علي متل الوحش .. نظرات اول مره بشوفهن بحياتي وما بعرف شو معناهن بس خايفه منو
هجم علي وانا عم اصرخ وابكي .. كنت عم اصرخ من كل قلبي .. بكل قوتي ... كان يسكرلي تمي و يمزع تيابي
وانا صرخ ...
بدون وعي قدرت اضربو بس اجت الضربه على المنطقه الحساسه .. و صار يصرخ وبعد عني
زيد : ولك شو عملتي يا حيوااااااااااانه
قمت من مكاني وانا عم ابكي وارجف .. تيابي مقطعه وشعري مقطع حطيت ايدي على تمي وقعدت بالأرض وما كنت بعرف شو رح يصير فيني بعد شوي
*يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```