الفصل 71
بالحديق ....
محمد : وهذى سالفتك والله احسب عندك شي مهم .. ضيعتي وقتي ع القاضي ودخل وهو معصب
أم نوره بينها وبين نفسها على الله تكون نوير سوت اللي ناويه عليه
وكشت على محمد وهو ماشي
دخل محمد المكتب ينتظر يوسف
يوسف : السلام ..
محمد بمسخره : هلا يوسف هلا بصادق الوعد
يوسف : أي وعد ؟؟
محمد : طبعا نايم مع الهانم مها بالعسل وناسي وعدك اللي اتفقنا عليه
يوسف يحط سبابته عند فمه : اصصصص قصر حسك لا تفضحنا
محمد : لا ابغي أعليه وخليها تسمع انك متزوجها علشان فلوسها
يوسف يمسك كتف محمد : أرجوك قصر حسك لا تخرب علي اللي أنا جالس أسويه
(( يجاري محمد علشان ما يغلى صوته وتسمعه مها ))
محمد :وش تسوي .. أنت للحين تمثل على وأنا عرفت الحقيقة كلها
يوسف : وش عرفت ؟؟
محمد : همه ... وش عرفت ... عرفت أن مها مسويه وكاله لخالد زوج عامه بعد
يوسف : شوف الغبي .. ادري أنها سوت وكاله عامه لخالد قالت لي مها ما تخبي عني
محمد باستهزاء : طيب ... وش تنتظر لما خالد يلهف الحلال كله ..؟؟
يوسف : أقول .. يا ذكي بالنسبة لخالد ماهو الا اله تكبر لي الحلال.. وترى لعلمك مها اعرضت على الوكاله .. وانا رفضت
انا ما ابغي شي منها قبل لاتثق في
محمد : اوووووه صار لك سنه وانت تردد نفس الموال ولا سويت شي بس الظاهر أكلت قلبك بنت ذباح ابوك لكن انا اللي ابغي أخرب عليك الأولي والتالي واوريها الورقه
يوسف:ومن قالك اني احبها .. انت تدري اني متزوجها وهدفي انتقم منها ومن ابوها اللي حرمني من أبوي وأنا ما يرضيني .. وكاله واسرقها فيها .. انا ابغاها تتنازل برضاها عن كل شي وانا اعرف اتصرف بعدين
محمد : تكذب يايوسف انت تحبها
يوسف وهو يبغى يقنع محمد بكلامه : تخسي بنت عبدالله مابقى الا هي لكن انا انتظر الفرصه اللي تخلي انتقامي منها عظيم وله اثر .. انا ابغى امحي اثر عبدالله من الارض ماهوبس فلوسه
محمد : ومتى هالوقت يابو وقت
يوسف : هاااا أأأ لما تحمل مني ويصير لها ولد وتصير تتنتظره ذيك الساعه ولدها وحبي مفاتيح عذابها تتنازل عن فلوسها .. وذيك الساعه انا اللي انزله من بطنها وارميها بالشارع واحرق قلبها عليه مثل ما نحرق قلبي على ابوي
محمد : وش ذا الشر انا اول مره اشوفك بالهالقسوه .. على العموم مايهمني المهم الفلوس ترى انا متورط .. بديون واشياء مايعلم بها الا ربك وانتظر هالفلوس تنقذني .. وكل يوم اقول اليوم يجي الفرج .. انا جالس اهدى بالناس وهي تبي أرقبتي .. يوسف إذا ما سويت اللي تقوله في اقرب فرصه .. انا اللي بذبح مها واخليك تورثها
يوسف : مايحتاج هي بتموت لحالها .. وان ما ماتت .. من الصدمه تموت بغيرها .. وان غدا لناظره لقريب
محمد : اذا هذا كلامك ماانت هين ياولد امي .. المهم عجل تري انا على شفا حفرة من نار
يوسف : بس اتركني اشتغل على كيفي والثروه كلها بتصير لنا لا تخاف
محمد : انا للحين ماني مقتنع بكلامك لكن الورقه لسه معاي وهذا اللي مطمني وانت ... تعرف وش بيصير اذا قرتها
يوسف : طيب .. طيب .. الحين ابغى اروح لاتفقدني حبيبتي ههههههههه
محمد : أي بالله .. روح روح
طلع محمد وهو متطمن شوي على مستقبله المادي
اما يوسف النار تاكل بصدره وشلون يقنع مها بالورقه وانه كتبها لمصلحتها وعلشان يحميها من محمد وعمه اللي كانوا فعلا يبغون يهدمون حياتها
حتى ان يوسف ما فكر يسال اخوه عن كلامه وعن الضغوطات اللي عليه ؟؟
ركب محمد سيارة صديقه
ساير صديق محمد : ها ااا وش صار
محمد : اووووف والله مدري وش اقولك يااساير ( ويطلع سجاره وقربها من فمه ) يوسف خرابيطه كثير لكن انا بعطيه فرصه اخيره واشوف عنه والله اذا ما سوي شي لاخرب حياته
ساير : انت حمار اذا خربت حياته تب تستفيد شي .. ما غير تروح عليكم الفلوس وبس
محمد : وهذا اللي مصبرني عليه والا ذابحه من زمان
ساير : وش تبغي تسوي بجراح
محمد : افكر اسوي اللي يبغى المبلغ اللي يطلبني ما هو بسهل
ساير : اتوزع له حبوب ..
محمد : عندك حل ثاني
ساير : اطلب اخوك يمكن يعطيك الفلوس وتخلص
محمد : واقوله إني تسلفت ميتين الف وخسرتها بالقمار
ساير : لا قوله اسهم وخسرت هو ماهو مفتش وراك
محمد : اشوف .. اشوف ... بس امش نشرب لنا كاسين يمكن ننسى الهم هذا
ساير : يالله على قولك
في جناح يوسف
دخل يوسف على مها لقاها تبكي
يوسف : مها وش فيك (( قلبه طاح خاف انها اسمعت شي من اللي دار بينه وبين محمد ))
مها : حلمت ان معاي صوره فيها ابوي وامي وجدتي وعادل وسلمى وانا ماني معاهم وشتقت لهم يايوسف
يوسف : اووووف ...تعوذي من ابليس ياشيخه هي أضغاث احلام
مها تمسح ادموعها : انت وينك
يوسف : هااا ...هنا عندك ... يالله بدلي ابغى اطلع .. انا احس طالعه روحي من المكان
مها : وين
يوسف : أي مكان انا طفشان
اما نوره انتظرت شوي بعد ما طلع محمد ويوسف وجري اخذت التسجيل وطلعت لبيتهم على طول حتى ما انتظرت امها واختها
بعد ساعه جت العنود لقت نوره ترقص بالغرفه
العنود : الحمد لله والشكر .. وش بلاك يابنت
نوره : هههههههههههههههههههه
العنود : نوره بسم الله عليك يمه وش بلاك
نوره : تعالي يا وجهه الخير واسمع اللي انا سمعته وتعذريني
وسمعت العنود التسجيل
العنود بذهووووول : هب واثاري هذي سالفتهم وانا اقووووول كيف يوسف ياخذ بنت اللي ذبح ابوه والله انك منت بهين يايوسف
نوره بفرحه تبغي تنط من عيونها : الحين بس اقدر اقول ان يوسف لي وما احد يشاركني فيه ....... واما انتي يامهيه .. دنا زوالك
العنود : وش نويتي تسوين
نوره : بخاويها
العنود : منهي
نوره : مهيه عيون البقره
العنود : ما ني فاهمه ...... فهميني
نوره : بعدين .. بعدين يمه .. تفهمين كل شي
العنود : مرضعت ابليس ما ينخاف عليك