الفصل 1
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵* *أحلام.العمر.tt*🌷
*❴🔢❵☟الـــبـــــــــــ❴1️⃣❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
الجزء الأول
وئت إمتحانات البكلوريا«التوجيهي » النصفية ،متل العادة الكل بكون مشغول بورئت الإمتحان تبعو والكل بكون مركز ،بس ورد كان حامل ورئة الإمتحان مواجيه وجهو وعم يئرا فيها وهوة شبه مجلوط من الأسئلة 😂وهوة عم يئول لحالو :العمئ منين جايبين الأسئلة من المريخ ،ايمتا درسنا كل هاد ؟ 😳
أما بنت. خالتو مريم كانت ئاعدة ئدامو عم تحل فيها ومو هاممها شي 😌
حط ورد الورئة من ايدة وشد شعر مريم وهمسلا :مريم..مريومة يستر علئ اختك انا رح تجيني السكتة
مريم :وك شبدك ماشايفني عم حل الأسئلة
ورد :هي الأسئلة نحنا ايمتا درسناها ؟
مريم :الله يشفيك ورد 😂
ورد :مو وئت مئلستك «غلاظتك »ساعديني يستر علئ عرضك والله ازا مانجحت هالسنة كمان ليحبسني ابي بغرفة الدرج يا اما بيحلئلي شعري عالصفر وبدهنو مربئ وبيسلط عش الدبابير عليي 😂
مريم :غششك اعوز بالله
انتبه عليهون المراقب وصرخ :كل مين عينو بورئتو...😠
ورد :يبعتلك ئتلك ..اي مريومة نرجع لموضوعنا احكيلي جواب السؤال الأول
مريم :...
ورد :حبابة بنت خالتي والله مفي اطيب من ئلبك انتي يستر عإختك
مريم :شو شايف اختي مفضوحة ،لحتئ مبلش يستر عإختك ويستر عإمك
ورد :تعي بوس رجلك ساعديني داخل علئ عرضك انا 😭😭
مريم :وك خص سكوت أمري لألله
وضلت مريم تنئل ورد بالأسئلة وتغافل المراقب لحتئ خلصو وطلعو...😂
وئف ورد و مريم بنص الساحة وبلشو يتخانئو ...
مريم:وك يخربيتك ئلتلك دروس فتح مخك بس لا ....فالج لا تعالج طول عمرك تور وما بتفهم
ورد :هلئ انا تور ازا انا تور انتي شو ...يعني ازا ئدرتي تحلي الأسئلة واطلعتي الاولئ معناتا انتي زكية
مريم :لكن شبدي كون يابعدي مبكفي غششتك جوة
ورد :هلئ عم تهتيني بهالكام كلمة يلي نئلتيني اياهون جوة
مريم :ورد لاتعصبني
ورد :ههههههه يعني شو ازا عصبتي رح تئلبي دراكولا 😂
مريم :عكل حال والله لإحكي لجوز خالتي عن كل شي عملتو بالمدرسة
ورد :الله ياخدك شبدك تحكيلو
مريم :عن طلعاتك وفوتاتك وبواكيت الدخان يلي علئ طول معك وكل مرة بتجي مو دارس وبتصير تترجاني لحتئ غششك يا كسلان 😏
عصب ورد من مريم ومريم معد ئدرت تتحمل ودئو بخونيئ بعض 😂
واجتمعو كل اللي بالساحة عليون ...😂
مريم :وككك تركلي شعري ورد احسلك😠
ورد :ما بتركلك شعرك لتتركيلي شعري يخربيتك نتفتيلي شعري...
نزلو رفئات ورد ومريم عالدرج لئو الطلاب ملمومين عالخنائة ...
مسك شب فيون ولد وئلو :شوفي ليش هيك الطلاب ملمومين بنص الساحة..
الطالب :متل العادة هدول ورد ومريم دائين ببعضون ،تعال فك بيناتون محدا مسترجي يئرب عليهون لأنو اللي عبئرب عم يطعمو ئتلة كمان 😂
كان هاد علاء رفيئ ورد ومريم بالصف
ركد علاء وفات بنص الخنائة وبلش يفك بيناتون...
علاء :ولك بعدو عن بعضكون
مريم :علاء لاتتدخل انتة بعد خليني خلص علئ هالآفة هاد
ورد :شو ئلتي ئافة ،لك رح تاكلي ئتلة عالهلمسبة مع اني مافهمت معناتا 😂
شلحت مريم بوطا وئالت :وهي مشان تتربئ وطوحتو علئ ورد بس اجا بنص وش المسكين علاء
علاء: اااااخ لك مريم روحتيلي انفي 😷
ورد :هههههههههه وحولة كمان 😂😂
مريم :وككك خرااااس انا بورجيك
وفجأة مسكتا بنت من ورا وئالتلا :كرمال الله حاج لساتكون مفكرين حالكون اول ابتدائي 😂
مريم :لينا تركيني خليني ورجي ئيمتو
لينا :اي خلص هي صبغتي..
ورد :لك شفتي لينا ئال انثئ ئال ...لك هي حرام عليها تكون انثئ فيل 😂
مريم :لك لسا بتغلط 😡
علاء :خلص ازرعيها بدئني مرمر وانتة ورد تعال معي..
أخد علاء ورد لبعيد وئاعدت لينا مريم
لينا :هههههه
مريم :وليش عمتضحكي 😒
لينا :ههههه ولاشي ...المهم انتو لإيمتا حتضلو هيك
مريم :لوئت الله ياخدو ويخلصني منو
لينا :يالله ئومي نروح سوا ..
واخيرا طلعو من المدرسة
وعالطريئ كان علاء ماشي مع ورد
ورد :شفلي وشي علاء في شي ضربة واضحة ،حاسس هالمتوحشة شوهتني
علاء :هههههه لا بس خربطلك واجهتك كلا 😂😂
ورد :الله ياخدها ئال بنت اي مافيها جنس الانوثة ولافيها شي من البنات 😒
وصلت مريم عالبيت وأول مافاتت شافتها اختها الكبيرة سمر وئلبت عضهرها من الضحك علئ مريم..😂
مريم :شبكي شوراكبك عفريت اسمو كركرني...😒
سمر :خههههههههه ياأمي فرطت ههههه شورجعتي علئتي مع ورد ابن خالتك ههههه 😂😂
مريم :وشوعرفك انتي بالله ؟😒
سمر :اتطلعي عحالك بالمراية بتعرفي 😂😂😂😂
اتطلعت مريم بالمراية لئت شعرها منكوش وكل خصلة رايحة بئرنة 😂
سمر :لك لك رجعتي من مدرستك بهالمنظر 😂😂😂
مريم :أنا بورجي لهاد ورد والله لخلي...
اجت امها وئاطعتها وئالت :لتخلي شو وليه...اصلا هلئ ورد اتصل فيني وئلي ليش علئتي معو..
مريم :وشو ئلك بالله !!!؟؟
الأم (آمنة ):ئلي انك طلبتي منو يغششك بالمزاكرة
مريم :اناا 😳 يغششني ورد !!
امنة :اي وئلي انك ضليتي تترجي وهوة اتطر يغششك لأنك صرتي تبكي
مريم :هلئ هوة ئلك اني صرت ابكي !؟ يا حبيبي اعمل خيرا شرا تلئئ 😳
امنة :وليه مريم ليش ماعم تدرسي ؟
مريم :ماعم ادرس ؟ ماما ازا انا ماعم ادرس مين اللي عم يضل حابس حالو بالغرفة وعم يروح عليه كل طلعة ومشوار ومناسبة وحفلة مشان يجيب معدل ترفعو راسكون فيه ؟😔
امنة :والله مابعرف شوبتعدي بتعملي ؟اسمعي مريم ازا ماعم تفهمي علئ دروسك بخلي ورد ابن خالتك يدرسك
مريم :لا ماما يستر عاختك بلاها انا بأمرك ئال تجبلي ورد يجي يدرسني هاد اللي كان نائص..
امنة :معناتا يا بتحطي عئلك براسك يا اما بلائيلك واحد أبلي فيكي واخلص منك متل ماعملت مع اختك سمر 😠
سمر :ههه هي هي نحن هنا مبين بلشتي بمئلايتي ماما 😂
امنة :وانتي مانك احسن من اختك لو انك حاطا عئلك براسك وبدراستك وماتعرفتيلي علئ ادهم وصاحبتي كنتي هلئ تخرجتي دكتورة او صيدلانية او حتي مهندسة بس لا ركبتي راسك وصرتي بدك تنضربي علئ ئلبك وتحبي وتعشئي وشوفي وين وصلتي حالك
سمر :اولا هاد ادهم جوزي حبيب ئلبي يئبر ئلبي
امنة :امين يارب
سمر :تانيا انا تركت دراستي لأنك جبرتيني سجل علمي وانا كان بدي ادبي ومافهمت شي من العلمي لهيك رسبت
امنة :لك ...
سمر :تالتا انا رضيانة بحياتي هيك ،شوفي بدك احلا من انو الوحدة تخلص قصة حبها بجواز وببيت لحالها وحماية تحكي عليها 😂 وبنات احما عئارب وولاد بيشبهو ابوهون يئبر ئلبي 😍
امنة :اييي خلص حاج فلسفة انتي التانية لسا مبلشة اولا وتالتا ...لك انا ليش هيك حظاتي بأبوكون ابو كرش اللي بيطلع من الصبح وبيرجع المسا ومابيسئل عليكون وللا بمئصوف الرئبة أخوكون رائد اللي مجنني وكل يوم مع بنت شكل ومو عرفانة لمين طالع نسونجي وللا فيكي انتي وئرودك واللا بهي مئصوفة الرئبة مريم اللي بتعمللي فيها فلطح زمانها وهية مو فاهمة شي..لك شوفو بنات خالتكون نسرين اخواتو لورد وحدة دكتورة ومختصة وئد الدنيا ووحدة مهندسة وانا حظي ليش هيك ياربي..خليني ساكتة احسن..
وفاتت امنة لجوة واطلعت سمر ومريم ببعضون وانفجرو ضحك 😂
سمر :ههههههه ئال خليني ساكتة ،والجريدة اللي حكتا هلئ 😂
مريم :علئ طول هيك بتضل تهتنا ببنات خالتو نسرين ئال شو «شي دكتورة ومختصة وشي مهندسة ئد الدنيا » ههههههههههه اه لو تعرفووو 😂😂😂
*يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```