الفصل 70
ومن جهة ثانيه كانت سعادة مها ويوسف تشعل النار بقلب نوره اللي امتلا كله حقد عليهم الاثنين وكانت تنتهز الفرص علشان تنتقم لقلبها وحبها
وجت لها على طبق من ذهب
نوره ...كانت جالسه مع أم يوسف في الصالة الرئيسية ومر محمد طالع لجناحه
نوره أركضت وراه بعد ما غطت وجهها بسرعه : محمد
التفت محمد على الصوت اللي ما اعرفه ابتسم مجامله : هلا بغيتيني
نوره : انا نوره بنت خالك فهد ما عرفتني
محمد : ههه نوره والله ما عرفتك .... وين من زمان عنك ..هلا امريني
نوره : ابغاك بكلمه راس
طبعا ام يوسف كانت في ذهووووووووول والافكار تروح وتجي في راسها وش تبغى نوره من محمد
دخلت داخل غرفت المكتب
وسكرت الباب ومحمد بعد مستغرب من تصرفتها لكن كان صابر يبغي يعرف وش تبغى
نوره : محمد
محمد : نعم امري
نوره : امم .. امم والله ما ادري من وين ابدى
محمد بسرعه : نوره قولي اللي عندك انا ترى مثل اخوك واذا محتاجه فلوس انا حاضر
نوره : ايوه ... فلوس ...هذى هي سالفتي
محمد يسوي نفسه شهم :ايوه حاضر كم تبغين
نوره بخبث : انا ما ابغى انت اللي تبغى
محمد : أنا اللي ابغي...هي الغاز وإلا... وش
نوره : ايوه لغز فلوس مها ورثها اللي انا بحله لك
محمد : وش السالفه ...مها ؟؟ ورثها ؟؟ وش جالسه تهذين انت ؟؟
نوره بثقه : ماهو انت ويوسف بينكم اتفاق مكتوب انه يتزوج مها وبعدين تاخذون ورثها ..
محمد بعصبيه وارتباك ويحاول يداريه : طبعا ..لا وش هالخرابيط
نوره : محمد لا نحاول نكذب على بعض من أولها أنا معاك ماني ضدك
محمد : انت وش تبغين بالضبط
نوره : طبعا الكلام اللي قلته أول صحيح وانت الحين تنتظر اخوك البارد يعمل شي
محمد : ايه ..
نوره : لكن اللي صار انه هايم بحب وغراميات مع مها ونسى الموضوع واللي ماتعرفه انت ولا هو ان مها ,,فلوسها طارت
محمد وقلبه يبغى يطيح : هااااا فلوسها طارت
نوره تكمل بنفس الخبث : ايوه ياحبيبي .. مها عامله وكاله عامه لزوج اختها بعد ماضحكوا عليها
وسيطروا على الحلال كله وطلعوكم من المولد بلا حمص
محمد باندهاش : كيف!!!!
نوره : هذا الكلام صحيح 1000% وتقدر تسأل وتتأكد من كلامي .. وانتم ...هممه ( باستهزاء) ماكسبتوا الا مها بنت ذباح عمك
محمد : انت وش دراك
نوره : مثل ما دريت بالورقه اللي بينك وبين يوسف ... دريت ان خالد صدر بحلال مها وسلمي بعد بالتوكيل اللي معه .. ياحظي
محمد والشرار يتطاير من عيونه : طيب يايوسف الكلب
نوره بكل الحقد اللي بقلبها : يوسف هذا بارد وما كان يبغى الا مها اللي مجننته
طلع محمد جواله ودف على يوسف ..مدت نوره يدها واخذت الجوال وقفلته وقالت : المواضيع هذي ماتنحل بالجوالات وبعدين وش تبغى تعمل الحلال وطار
محمد وهو مقهور : انا ابغى اسأل وان كان كلامك هذا صحيح والله ما اخليه يتهنا بمها ولا يوم
ويكلم نفسه بصوت عالي ك يعني تضحك على يايوسف !!
نوره بخبث : اذا طلع الكلام صحيح وانا متاكده انه صحيح بلغني وانا اعلمك وش تعمل وتخلى مها ما تطيق يوسف
ناظرلها نظره ما فهمت معناها وطلع والحقد مالي قلبه
ام يوسف شافت ولدها طالع مسرع وباين عليه انه معصب : محمد ..محمد
ولا رد عليها التفتت لقت نوره تبتسم وقالت لها : انت وش قلتي لمحمد وخليتيه كذا؟؟
نوره تحاول تداري فرحتها وتمسكن : عمه يو الله ما رزقني اخوان ترى انا اعتبر عياك اخواني
ام يوسف ملهوفه تبغى تعرف وش صار لولدها : اكيد .. بس وش الحكايه ؟؟
نوره تبكي بالكذب : واحد ياعمتى مضايقتي طول هالايام اللي فاتت ولنا عجزت عنه قلت لمحمد وأشوفه عصب
ام يوسف : الله يستر ما يعمل شي بالرجال الله يهداك يا نوره كان قايله ليوسف تراه اشوى من محمد
نوره تزيد بصوت بكاها وتحضن عمتها : يوسف ياحسرتي اخذته كله مها وش خلت
ام يوسف : هدى بالك .. انشالله خير ... ان شالله خير
بعد يومين بالضبط تاكد محمد ان الكلام اللي قالته نوره كله صحيح انجن وشياطين الدنيا صارت برأسه .. كانت كل افكاره وش يعمل بيوسف ما همه الا انه ينفذ حلفه
دخل البيت معصب مره والشرار يتطاير من عيونه
محمد : يمه وين ابوي
أم يوسف : قول السلام اول والا ماتعرف
محمد : سلام هاااا ... وين ابوي
أم يوسف : شوفه منسدح في غرفته .. بس ليه
مارد عليها وراح على طول لابوه دق الباب ودخل بعد ما سمح له ابوه
العم احمد : وش بلاك ما انت على بعضك
محمد وهو يقعد : الفلوس .. الورث اللي كنا متحرينه طار
العم أحمد : أي فلوس ... يووه انت مانسيت
محمد : يبه أنت بعد صرت مثل ولد أخوك البارد
العم أحمد : شلون طار
محمد بعصبيه : الهانم مها مسويه وكاله عامه لرجل أختها يصول ويجول بالحلال على كيفه
العم أحمد ( متفاجاء) وأنت وش دراك
محمد : صدق عاد نوره تدري وحنا أصحاب الشأن ما ندري
العم احمد : نوره وش ذي بعد
محمد : نوره بنت خالي فهد
العم احمد : وهذي وش دراها .. الله يلعنها ويلعن أمها معها
محمد : هذي ماهي المشكله المشكله الحلال اللي طار
العم أحمد : طيب يافهيم وش تبي تسوي ..؟
محمد : أبي أخرب بيت يوسف وأخليه ما يتهنى بمها ولا ثانيه
العم أحمد ((يرحم مها ))وهي وش عليها تخرب بيتها ..
محمد : أشوفك حنيت لبنت اللي ذبح أخوك وسرق حلالك
العم أحمد يدري نفسه كذاب وإن عبد الله ما سوى شي من اللي قاله ليوسف
العم أحمد : أقول لو تناقش يوسف بالأمر يمكن عنده رأي ثاني ..
محمد : كيف؟؟؟ كيف !!!
العم أحمد : أقول يعني يمكن يقدر يتصرف ويسوي شي وخصوصا إن مها الحين تبيه
وما ترفض له طلب
محمد : يعني وش تبيني أسوي
العم أحمد : كلم أخوك بعدين إذا مالقيت منه رجا شوف لك حل
محمد : يبه كن كلامك تغير وش الحكاية
العم احمد: ولا حكاية ولا شي بس البنت مسكينة وش ذنبها نخرب بيتها
محمد : إذا أخذنا الفلوس وتبغي تجلستها وش لنا ببيتها خرب والا عمر
العم احمد : الشرهه على انا اللي ربيتك على كذا وانا الخسران بالأخير
محمد: هذى وش اعملت فيكم .. اسحرتكم ..
وطلع وهو مره منزعج
حس محمد بتهاون ابوه عن اللي اتفقوا عليه وقرر انه يتحرك بدونه
انتظر لين العشاء لما جاء يوسف .. وكانت نوره شبه مقيمه ببيت عمتها لعلى وعسى تلقى منفذ تخرب فيه بيت مها
بالصدفه كانت امها ورنا اختها فيه اليوم هذا
اسمعت نوره محمد يقول للخدامه : روحي نادي يوسف هنا بالمكتب قولي له محمد يبغاك
اركضت نوره لامها وقالت لامها بإذنها : يمه نادي محمد برى وحاولي تأخر ينه شوي امانه
العنود : ليه
نوره ك انت سوي اللي قلت لك عليه وبعدين اعلمك ليه
ام نوره : يا محمد .... يا محمد
محمد : اوووف .. نعم
ام نوره : بغيتك بسالفة يا وليدي وش بك ..
محمد : سالفتك خليها بعدين ... والله مشغول الحين .. ومالي خلق لأحد
ام نوره : انا يامحمد ماعمري طلبتك وقلت سمي .. ولا كني حسبة امك
محمد : اووووف قولي وش عندك
ام نوره : عاد هنا ..ترى السالفه مهمه
محمد : طيب ... تعالي بالمكتب .. يالله خلصيني
ام نوره : لا..لا تعال انت بالحديقه انفه .. >> وجرته من يده للحديقه
محمد : يالله نشوف سالفتك المهمه وش هي
هنا استغلت نوره غياب محمد عن المكتب وبسرعة البرق دخلت وحطت جهاز تسجيل صغير وراحت جري لمكانها وجلست كنها ما سوت شي