الفصل 14
(( الجـــزء الرابــ 14 ـع عشر )) ..
مهمـــا .. علآآآ موجـك .. مردّك للبحر رآآجــ ع ..
...................
..
هـذا [ الحنان ] اللي له { القلب } .. محتاج .. }~
. أرجوك . زيد { بالعـطا} و[ احتويني ] ..
وان كان { شفت } في[ وصالي ] لك .. احراج .. }~
فـي { صمت } ..[ أحبك ].. بين { قلبي } وبيني ... }~
في الصآآآله قااعده تتفرج على التلفزيون .. والفطور مجهز قدآآم الطآآوله ..
تقدمّ وجلس قدآمها والمنشفه على كتفه اليسار .. وهو عاقد حواجبه : وراا ماقوّمتيني ؟؟
لفت عليه : قوّمتك لييييين انفقعت مراارتي .. ومافاد فيك ..
بسخريه : مااشاءالله توك تعرفيني ..
أريام بعصبيه : وش فيـك عليّ انت اليوم ؟؟ وانا ماسويت شي غلط عشان تقعد تعصب علي ..
هالمرّه مشاري صرخ بوجهها صرخه نفض جسمها نفض : أنتــــــــي ماتفهمين ؟؟ كم مرره اقولك قوميني .. اضربيني كبي علي موووويه .. مااينفع معك مررره .. والله لو اشرحلك بسبووره فهموا البزارين الا انتي .. اعوووذبالله وجه ينكّد ..
دخل الغرفه معصب وسكر الباب بأقـــوى مااعندهـ ...
وجــه ينكّد ..
وجه ينكّد ..
وجه ينكّد ..
لمعت عينها .. أنــا اللي المفروض اقعد ببيت اهلي معززه ومكرمه .. مو مقآآبله نآآس ماا تشوف خيري .. سبحـان الله اذا صحيته مستحيل يشكرني .. ومستحيـل يقول كلمه شكر .. بس إذا ماقوّمتــه مايخلي شي بالدنيا مايقوله لي .. وانــا وجه ينكّد .. هيّـن يامشاااري هيّن ..
أخذت جوآلها وهي تبكي .. والله ماااقعد هنا دقيقه وحــده .. إهااانه عينك عينك ..
ردت وهي تبكي : ألو يمه ..
أم بندر : هلااا .. " بخوف " يمّه ارياام وش فيك ؟؟
أريام تبكي بهمس عشان مايسمعها : يمّه أرسليلي سوّآق ام سلطـان مااتحمل دقيقه انا ابد ..
أم بندر بخوف : طيب علميني وش فيك ؟؟
أريام تبكي بقوّووه : يمّمه تكفيييين اذا جيت قلت لك .. ابي ارررجع للبيت .. خلاااص مابي اقعد معه دقيقه وحــده ..
ام بندر تهدّي بنتها : خلاص خلاص .. أنـا أرسل لام سلطان اللحين .. هدّي نفسك يمه ولاتنفعلين وتسوين شي تندمين عليه ..
مااهتمت لكلام أمها بس المهم انها سكرت منها ..
مسحت دمعتها بيدهـا .. وهي تحآول إنها تثبت لـ مشاااري عذر .. على عصبيته في اشيااء تآآفهه .. وانه بعــد حآول يضربني كذاا مرره .. وشكّااك درجه أولى .. بس ينقلب حآآله 180 درررجـه وبقوّّووه بعد .. يصير رومانسي والكلمه معه تذّوب بلد .. بس مااقول الا يااشين الحظ اللي جابني معــك .. حسبي الله على الشيطــان .. وصرخ علي صرخه بغى يموّت اللي ببطني .. ويمّوتني معاااه .. إنســـــــــاااان غامض بقوه .. استغفرالله ..
دخل الغرفه وهو ثآآير للآآخر ..
وش فيـك يامشااري .. أول مره تصرخ عليها كذاا ؟؟ وبعدين الحرمــه حآآمل .. حآآآآآمل .. والمفرووض تدآآريها وتحآآول تلبيلها طلاباتها .. واللــه مسكينه .. تتوحم وتخفي توّحمها عشآآنك .. وانت اعووذبالله صرخت صرخه نفضت نفسك فيها انت .. اجل هي وش سوت فيها ؟؟
يووووووووووووه .. وبعديييييين .. موقاادر افكر من هالتأنيب اللي يجيني .. أصلا من تزوّجتها وحناا كذااا .. عآآآآآآآآآآآآآدي .. واذا طآآح حملها .. تجيب ثاني يعني وّقفت في ذي ..؟؟ اوووووووووف ..
لا لا لا يامشااري .. هالمرره غير .. وآآثق مااشااءالله عليك إنها بتجيب .. طيب يمكن هذا اخر ولد اوبنت بيجيك .. أنــت تعلم الغيب ..
لا طبعـاُ مااعلم الغيب .. بس انا واريام الحمـدلله مافينا عيب يخلينا مانجيب الحمدلله .. بس..بس ..
يوووووه ياامشاري بتخلي الشكووك تلعب برآآسك .. روووح رآآضها ولا والله تخسرها وتخسر اللي ببطنهــا .. وعآآآآآد ذآآك الوقت دوّرلك وحده تتحملك زي أريـــام ..
ضررب بيده الكوميدنا بقوّه .. من فكــره انه يخسرها ..
لاااااااااا أريام لي .. لي انـــــــــا وبس ..
صرخ وهو بوسط الغرفه كأنه مجنون : فاااااااااااااااااااااااا ااااااهمييييييييييييييييي ين ؟؟
هـه والله وانهبلت ياا مشاري ..
طلع للصآآله .. مافي احد ..
المطبخ .. قااعده على الكرسي ومعطيه الباب ظهرها ..
تقدم وهو موعاارف وش يقوّلها ..تخووونه التعآآآبير كلها اذا جآآآ يتعذر لها ..
بهمس : أريام ؟؟
رفعت حوآجبها كلها وهي تمسح دموعها ماتبي تبيّن ضعفها وانكسارها قدآم جبروت مشاري ..
قآآمت وقفت .. وجت تبي تطلع من المطبخ .. ..
بس مسكها مع يدينها وهو يضغط على يدينها : آآســف ..
مادرت عليه ..
بهمس : خــلاص ياحياتي .. واللــه ماتتكرر .. والله ..
رفعت عينها ..
شآآف عينها إمتلت دموع ..
رقّ قلبه على دموعها .. رحمهــا بقوه .. متحملتني حتى وهي حآآمل .. ويااقلبي والله .. انا ويييييييييين ألقى مثلهااا وين ؟؟
سمع صوت شهقاتها .. ردّت اخيرا : مشاري انت ليش كذاا ؟؟ دآآآيم تهآآوش وتنفخ علي .. وماتدري اني اتووّحم .. يعني من حقّي اني أهااوش بعد .. بس محترمتك .. ولاني احبــك .. بس انت ماينفع فيك الطيب .. كم مره اجي وأحآآول اراضيك .. تصرخ علي .. ولاتطردني ..حرآم عليك .. والله لوغيري كآن طلبت الطـلآآآق ..
لمعت عيـــونه .. وهو مرّكز عينه على عينها وهي تبكي .. وعلى كل كلمه طلعت من فمها ..
شآآل يدها من فمها .. وبآسها ..
وقربها لصـدره .. وضمّها بقــــوه ..
كأنــه يستورد الحنآآن منها .. أو يفرغ حنـانه بحبها له .. ويحآآول قد مايقدر .. إنه يحآآفظ عليها ويحطــها بوسط ضلوعه .. وبقلبــه ويقفّل عليها ويضيّع المفتـــاح ..
رآآح ترجع مثل قبل يامشــــآآآري .. وماراح تتغير لو على بٌعد ميه سنه ..
قآآلت هالكلمات بنفسها .. وهي بحضنه ..
دفنت وجهها بحضنـه وكأنها تقوول " مهما سويت .. أحبــــــــــــــك " ..
ومافيه أحلى من هالكلمه ..
على الله بس يبقووووووون على هالحآآآآآل..
..........................................
Like
صرخ عليها وهي ورآآ أمها : اقووولك جيبيه ..
أروى وهي تبكي ورآآ امها : يبه حرآآآآم عليك .. هذي هديه مااقدر اعطيك اياها ..
أبو بندر عصّب على الاخير : جيبيــه أقووولك ولا والله ماتشوفين خير ورب البيت ..
خزتها امها وقالت بهمس : يالله يابنتي لاتسوين مشكله .. قولي لريناد تجيبلك غيره ..
ضربت برجلها على الارض بعصبيه وهي تقول من دون شعور : انتم اهل ..؟؟ بالله .. ولا فيه ابو يحســــد بنآآآآته على هديه .. إذا كنت تبي الفلوووس يبه .. خلاص بكره ابدخل الجآآمعه وخذ مصروفي كلّه ماابيه .. بس اترررررركني في حآآآآآآآآلي ..
مآآردّ .. بس عطآآها كـــــف حآآآآآر .. هزّ كيانها من ســآآسها لرآآسها ..
حطت يدها على خدها تكتم ألمها .. رفعت رآآسها بقّوه : هذا اللي انت جنيته يبه .. تضربنا وانت الغلطــــان .. سبحآآن الله .. اللي ربيّتهم على يدك يبه الحيـــن (( وصرخت )) كلهم ضدك ..
كــف حآآآآآآآر أقوى من قبل .. خلاها تطيــح على الارض من قوته .. وشعرها كلها تناثر ولصق بوجهها ..
أم بندر رآآحت لبنتها بسرعه وبخوف : أروى .. أروى جآآك شي ؟؟
رفعت رآآسها بألم .. عآآد اللحين ماتقدر تخفي ألمها .. كفيّن ورااا بعض قوووووويه ..
والدمـــوع إنساااابت على خدودها بحريه ..
بس شآآفت طيف ابوها المعصّب رآآيح لغرفتها هي وريناد ..
فتح الدرووج طلّع كــــــــــــــل شي .. القاااصي والداااااني ..
لقى بدرج أروى .. كرتوون كبييير مرره .. فتحه بقوه ..
لآآب تــــوب توشيبــا .. بـ 4 آلآآف ريال ..
أخذه وطلــع من البيت ..
غمضت عينها بقوه .. حسبي الله ونعـــــم الوكييييييييييييييييييل .. حسبي الله ..
...........................................
دخل عليها لقاها جآهزه .. : يالله مشينـآآ ..
أخذت شنطتها وطلعت ..
ركبوا تااكسي .. ومشوا لبيت عمّ عبـدالمجيد ..
نزلوا .. ودخلوا والسلام وكيفكم .. ومن هالمقدّمآآت ..
عنـد البناات ..
ريم : أمم تدرسين رينآد ..؟؟
ريناد بخجل : إيـه .. بالجآمعه ..
مريم وهي تصب لها القهوه : اي قسم ؟؟
ريناد : امم إنقليزي ..
مريم : تعرفين تتكلمين انقليزي ..
ريناد تضحك : هههههه ايه .. بس طلعت على طول .. ماطوّلت فيه ..
مريم : do you speak english?? >> تعرفين تتلكمين انقليزي ..
ريناد : yes,Ido >> إيه اعرف ..
مريم : what would you like to Drink? >> وش تبين تشربين
ريناد : ooh thanks . nothing I'mdonot thirsty ؟؟ >>أوه شكرا .. مابي شي .. ماني بعطشانه ..
مريم تضحك : هههه ماشاءالله عليك .. اثااريك بلبل ..
ريناد بخجل : ههه تسلمين .. لا مو مرره .. فيه اشياء كثيره للحين مادرستها ..
دخلت ريم : بيدخل عبدالمجيد ..
مريم بابتسامه : واللــه خليه يدخل ..
قطبت حوآجبها .. وشو يدخل .. ورا مااتتغطى طيب ..
إنصــــــــــــــدمت اكثر وهي تشوف عبدالمجيـد يدخل .. والبنات فيه ..
نآظرها عبدالمجيد .. وجلس جبنها : وشلونكم بنآآآآت ؟؟
ريم بجراءه : الحمــدلله .. كيــــفك انت ؟؟
عبدالمجيد : والله الحمدلله دآآمك بخير انــا بألف خير ..
رفعت حآآجب بصدمه .. وهي مومصـــدقه .. هالبنات اللي وااضح عليهم الاخلاق يطلعوون كذاا .. ..
بتمووووت من الغيض .. وش هالابو الغبي اللي يطلع بناااته على ولد عمهم .. صــدق قله حيا .. والله مــــاااقعد هنا دقيقه ..
جلست تهز رجولها وبغيييييض وتتحقرص بمكانها تقول عجيّز ..
لاحظ ضيقها عبدالمجيد .. وسكت ..
.. ريناد تكلم نفسها ..
يووه شكله مو نااوي يطلع .. والله مااقعد في هالملاااقه هنا ابد .. قله حياا .. وتميّع .. ودآآمك بخير انا ابألف خير .. يعني مغازل عينك عينك ..
أخذت جوآلها .. وأرسلت له ..
" لو سمحت خلينا نطلــع " ..
رفع عينه لها بااستغرااب ..
عطتــــه نظره قوّيه ومافهمها ..
إستأذن منهم وطلع .. ومآزالت رينـاد بحآله الغيض .. وموقآآدره تلقى تفسيييير للي قااعد يصير ..
وصلوا للفندق وهم سآآكتين ..
دخلت جوآآ ..
عبدالمجيد : ممكن اعررف ليه انتي متضاايقه لهالدرجه ؟؟
ماردت عليه ..
ثآآآآر وتنرفز وعصّب : ردي علي ؟؟؟؟
رفعت حآآجب : تستقوي عليّ يعني .. ولا ماتدري وش سويت .. يااخي مااتخافون ربكم .. تطلع عند البنااات .. وهم بهالبنااطيل طالعين لك .. خيييير وش هالمهزله .. كآآن قلت لي انكم كذاا .. عشان اريح نفسي ولا احتك فيكم ..
رفع حوآجبه وبسخريه : لا والله .. والله وطلع لك لسآآآآآآن يابنت ابوك ..
ريناد بدفااع : وشو لسآآن ؟؟ انا قآآعده اتكلم عن حق .. عبدالمجيد إذا انت ماتخاف ربـك .. احترمني على الاقل .. حس بوجودي .. حس بغيرتي ..
طلعت منها الكلمات غصب ..
إبتسم على جنب : يقآآلك غيراانه ؟؟
رفعت حواجبها كلها وبملامح جآآمده : ايه غاايره عندك شي ؟؟ يالله روووح لاتكلمني ..
عبدالمجيد ضحك : هههههههههههه ياحبني للي ترضى بسرعه .. يالله امشي عازمك بمطعم ..
ريناد وهي تنزل عبايتها : مااني برآآيحه لمكـآآن ..
عبدالمجيد بإصرآر : طيب انا قلت بترووووحين يعني بترووحين ..
ريناد رفعت حآجب : لا والله .. غصب يعني ؟؟ ماابي ارضى طيب ..
عبدالمجيد يفكّر : أأأمممم .. تبيني اشيلك وسط هالنآآس ونظرآتهم وأحطك بالمطعم وسآآآعتها ماتدلين الفنـدق .. ههههههههههههههه
تنرفزت منه وعصّبت : لاوالله .. وتضحـــك بعد .. ماني برآآآيحه ..
أخذت روبها من الدرج ودخلت الحمــام " وانتم بكرآآمه " وسحبت عليه ..
وهو يموووووت في زعـــلها ههههههههه ..
ابتسمت ابتسامه مصطنعه .. والله وبنشووف اخرتها معك ياااعبدالمجيد ..
.......................................
Like
ضررربت رجلها بالارض بقهررررررررر .. وهي تبكي ..
لييييييييييييييييه اناا انحرم من هالآشياااء ؟ ليييييه ؟؟ مافيها شي اذا لبست توب زي كذآآ .. والله لو يجي ويشوف البنآآت بالحفلـه .. وش بيسوي ؟؟ .. بس مااقول الا الله عطآآآآني أخو غبي .. غـــــــــــــبي ماايعرف وشهي الحياااااااااه ..؟؟؟؟؟؟؟؟
ههه كلش يااا سديم تعرفين الحياه انتي ؟؟ هههه ..
وأنتي يـــا الهنوف شغلك معي .. قآآعده تتفرجين علينا وأكــيد تتشمت اللحين ..
ضربت الارض برجلها مررره ثآآنيه .. تطلـلع طآآقتها القهررريه فييييييييهااا ..
دق جوآآلها ..
نآآظرته بخوووف وقهررر وهي تشووووف رقم اماني .. رفعت السمآآعه ..
أمـاني تصارخ : هيييييه انتي النآآآس تنتظررررررك وش فيييييييك وربي تقهررين سآآعه سآآآآعه ترى الاسترااحه قريبه من الحيّ اللي انتي فيه ..
سديم بتبكي : يووه اماااني .. مااقدر اجي ..
أماني مصدومه : ليش ؟؟
سديم وهي تعض اظآآفرها : نآآيف شاف فستاني ورفض طلعتي بتاتاَ ..
أماني : طيب ليييش ؟؟ عآآتي وش فيها ؟؟
سديم بقهر : انتي عآآآرفه هالنااس المعقدّه ..
أماني : طيب دآآآمك دآآريه ان هالنااس معقده ليييش تورينه فستانك ..
سديم : هو اللي أصر يشوووفه .. ولا بيحرمني من الطلعاات كلها ..
أمآني : طيب وش نسوي في الدي جيه واغااني رآآشد اللي تحبينها .. والقآآتوه اللي جآآآي من بااريس .. وش نسووووي فيه بدوووونك ؟؟
سديم تبكي : أمااااانيوه .. لاتقهررريني .. سكري من عندي اللحيييييييييييين ..
سكرت وهي تشهق قهررررررررر ..
^^ والله هالبنااات خرآآ آآ آآ آآ آآ آآب ..
.........................................
دخل عليها لقآآها بالصآآله .. إبتســم من قلبــه .. : مساااء الخيرآآت ..
نآآظرت فيه وابتسمت : مسااء الانوآآآر .. ويييينك فيه ؟؟
مشاري وهو يستند على الكنب بحريه : اممممم لا زم تعرفين ..
هزت رآآسها بمعنى أيــــه ..
ابتسم وهو ينآآظر بالتلفزيون : كنــت بالمحل اللي فيـه غرف الاطفال ..
استغربت : ليــش ؟؟
نآظرها ونزّل رآسه : بس كذآآآ .. أبشوف لولدي او بنتــي غرفه حلوه واغراااض حلوه بعد ..
إرتبكت اكثر : هاه ..؟؟
نآظرها بقوه : وش فيك ؟؟ أقولك غرفه لعيااالي اللي بالطرررريق ..
أخفت حزنها وهي تنــآآظر بالتلفزيون وتحبس دموعها .. يآآآرب تصبرني ..
سمعت همسآته : بس ماسمعــت ردّك ؟؟
مآآزآآلت منزله رآآسها وبإرتبآآك وبحزن عميييق مخفي : ايه .. حلو .. الله يوفقنا ان شااءالله ..
قآآم وقف : اجل ان شااءالله بنروووح انا وانتي المستشفى ونكـشف على اللي ببطنك ياروحي .. وبـنشوف اذا ولد بنشتري غرفه نصرآآويه .. واذا بنت ورديــه .. يالله مع السلاامه ..
مآآزآآلت منزلـــه رآسها بإنكـسار .. وبأي وجه تقآآبل فيــه مشــــــاري ..
سمعت البـآآآآب يتسكر ..
وهي تــــرمي نفسها على الكنــب وتصييييييييييييح بأقوى مااعندها .. وتفجّر هالطآآقه اللي لها سآآعتين ونــص مكبوووووتــــه بدآآخلها ..
يآآترى .. وش اللي حصــل لك ياا أريـام ؟؟ ووش قصدك بإنكسااار ؟؟ معنـاته مصيبـــه بتحلّ عليك .. وبنعرررف في الايااام الجآآآآآآيه ..
وش اللي حصل لك يآآ تـــركي .. ؟؟ وش اللي خلآآآآك تتغير بعد موت رآكآن .. واللي خـلآآآك تتمنــى ان تولين تمــــــوت وتقتلها بيــدك .. كذاالك بنعررف في البآآرتآآت الجآآيه ..
أم ريّــان .. وضعها مع نآآنسي غير طبيعي .. وش اللي بيصير لك ياا ام ريّان .. بنعررف في البآرتآآت الجـايه ..
رينــاد .. وش فيــه عبدالمجيد صآآير كذاا .. هل معقوله هـذا سرّ .. مآآآتعرفينه .. حركآآآته تقهر وتنرفز .. ومع ذلك مــآآآيغاار أبد .. ومايحترم قوانين ديننا وإسلامنــا ..
سديم .. آآه يااسديم .. طفلــه تربت في احضـآآن الجهلاااء .. والدلع الزآآيد بيدمرها .. وبنشوووف هل كلمـه نآآيف بتمشي عليها ولا لا ؟؟
الهنوف .. الظلــم طآآغي عليها .. بس مع ذلك هي قوّيــه وتقدر تسيطر على وضعها بسهوووله .. بس الكثــــره تغلب الشجـاعه .. وهل بـ تتـحدى نفسها مع الخطيب اللي زوجوها اياه غصـــــــب عنها ..
أروى .. الانســـانه الطمووحه .. المرحــه .. الفرفوشه .. حآآلها يدنوا اكثر واكثر .. وبدت تصير إنطــوائيه وقليلــه كلآآم .. والسبب ...........................
Like