أنت قدري - الفصل 53 - بقلم لولة الحلوة - مكتملة | روايتك

اما هي زاد كرهها له اضعاف مضاعفه لكن كان في احساس ثاني يزاحم هذا الاحساس احساس طفله مدلله معاها لعبه صح مهملتها وكسرتها لكن لما جاء احد ثاني يبغاها غلت عندها رغم انها ماتحبها وكاسرتها مرت الليله كريهه على مها .. حست انها الليله انسانه ثانيه غير اللى انولدت من اثنين وعشرين سنه هذي الليله تحولت مها الي كاين غريب عنها وعن مشاعرها ما قدرت تنام .. الي ان طلع الصبح وهو بعد مارجع للمكان الساعة ست المغرب حست ارفعت راسها من السرير اللي كانت نايمه عليه بدون غطى وقامت تناظر مكانه .. مافي احد .. يعني مارجع امس مها : يالله وش يقولون الحين ؟؟ العريس المحترم من ثاني يوم ينام برى .. يالله وش هالبلوه مشت لغرفت الملابس علشان تاخذ لها غيار اشقهقت مها وهي تشوف ملابسه منثره وشكله اخذ منها مجموعه مها : وين طس ذا .. يبغي يحرجني .. الله لا يرده .. وش اقول اذا احد سال عنه ياربي .. وش هالادمي المعقد اووووف اخذت لها شور سريع نشفت شعرها ولبست تنوره طويله بيج مكسره من الفخذ الي تحت وبلوزه لونها بني من جينفر ناعمه وبسيطه حطة مسكار وبلشر وردي وقلوس لحمي ولبست اكسسوار ناعم جدا .. وساعة جلد بني من راما بسيطه كان شكلها ناعمه وطلاله حلوه ...... وهي نازله من جناحها فكرت تسال حصه عن الحكايه اللي قالها يوسف لكن خافت تكون حكايه جد .. وتراجعت مها : مساء الخير حصة : مساء الانوار مها لاحظة ان محد رد عليها الا حصة رغم ان الصاله كان فيها ام يوسف والعنود ونوره جلست مها مقابل للعنود مها : يمه كيف حالك ام يوسف : زينه العنود : انت تنامين كثير حتى في بيتكم والا لانك عروس يعني؟؟ حصه : خالتي وش هالسؤال .. خليها على راحتها نوره : انا اخبر يوسف ما هو بيحب النوم ولا عمتى ام يوسف وهي تناظر نوره بطرف عينها : اللي احبه ما صار يانوره .. ماصار غير اللي انا مااحبه حصه : يممممممه مها بلعت ريقها وقالت بحيا : انا ما كنت نايمه بس مااعرف من تحت ومنحرجه انزل حصه بابتسامه : افاااا عليك يامها .. هذا بيتك انزلي وقت ماتبغين.. نوره : وش تنزل متى ماتبغى .. البيت فيه اخو يوسف وعمه عيب تنزل بدون لاتخبر احد حصه : وش فيك يانوير جيتي من اخرك .. محمد بالخرج مايجي اللي يوم واحد واكيد بتدري فيه اما عمي هو عمها اصلا وهو رجال كبير واظن مها ماهي بمتغطيه عنه مها : يوسف له اخو .. ؟؟ نوره والعنود : ههههههههههههههههههه نوره : حتى ذي ماتعرفينها .. وش تعرفين اجل مها غصت بدمعتها وبتسمت غصب عنها وهي منحرجه ولسان حالها تقول (( وانا من وين ابغي اعرف اذا يوسف نفسه مااعرف انه يقرب لي .. تبغوني اعرف اهله بعد )) حصه : طبعا وين لها تبغى تعرف .. مها حتى لو انها بنت الجاسر الا انها طول عمرها بامريكا ..ولا احتكت بااحد ام يوسف : الا ابوك الله يرحمه .. ما قالكم ان له اهل مها : لا عمره ما اطرى نوره : ايه ما يقدر ناظرت لها مها وطنشتها ظنت انها تستهزء ان ابوها كان على خلاف مع عمه زي ما قالت سلمى فتركت الموضوع حصه وهي تخز نوره : نوره !!! ايش هذا مها كانت عيونها تدور بينهم وتقول في بالها (( وش ذا الهجوم )) حصه : مها حياتي تحلى ترى انا اللى مصلحته >>>> تبغى تغير الموضوع مها تبتسم وترفع يدها : شكرا ياحصه انا ما اكل الحلا كثير العنود :اشوفك عود يابس .. كولي كولي ترى يوسف يحب البنت تكون مليانه ام يوسف : ماجت على الكيف حصه تبغى ترقع الموضوع : مها شفتي هذى بنتي اخر العنقود .. ورفعتها لمها حضنتها مها : هلا التفتت لحصه : وش اسمها ؟؟ حصه تناظر بوجه بنتها : قولي لخاله وش اسمك البنت بحيا : جنان مها بابتسامه عريضه : ياحلوها .. انت تدرسين جنان : ايوه .. باول ابتدائى مها تلتفت لحصه : يعني اول سنه ها حصه : ايوه الابتدائي ست سنوات دراسيه وتكون اول شي مها : ههههههه يبغى لى اتعلم شي كثير العنود : وليه وش لك بالتعب انت ما ودك ترجعين المكان اللي جيتي منه مها افهمت امنيتها : احتمال كبير لا .. >> ولاحظت نوره اللي لوت بوزها ما عجبها الكلام وكملت : انا المكان اللي فيه زوجي اكيد بيكون ديرتي وجنتي(( وقالت بقلبها معقوله يوسف يكون صادق وتكون نوروه المقصوده .. وعع)) حصه: مها امانه تحلي اخذت مها قطعت حلا واكلتها علشان حصه حصه : ها وش رايك نوره: اكيد حلو مدامك أنت اللي عاملته يابنت عمتي>> واخذت قطعه كبيره واكلتها مره وحده << حصه : انت من اسالك مها : الله يعطيك العافيه حلو مره نوره : طبعا ما يحتاج تقولين انك عمرك ما دخلتي المطبخ ولا تعرفين طريق القدور ههههههه واضح مها بعد ما ارتفع ضغطها : لا اعرف ... لكن انا انخدم ما اخدم ياااااااااااااا ذكريني وش اسمك نوره : ماله داعي .. وهي منقهره مره من ردها اللي في نفس الوقت عجب حصه وضحكت العنود : اسمها نوره بنت فهد بنت خال رجلك يابنت عبدالله مها لازالت في نفس وضعها:اممممم ....نوره صح ام يوسف بعصبيه : انا عاد ما تعودت احد يخدمني بنت فقر ..اخدم عيالي ورجلي ونفسى .. ماحنا مثلك ننخدم .. وشكلى بخدمك>> وقامت وخلت الجلسه مها وقفت قدامها : محشومه يايمه الكلام ماهو لك حصه : يمه وش تقولين ام يوسف : ماتسمعينها وش تقول حصه : وهي وش قالت غلط >> هي بنت عز ولها خدام نوره : لا لا قصدها شي ثاني حنا فهمناه >> وتناظر بعمتها مشت ام يوسف ودخلت غرفتها ضاقت الدنيا بعيون مها اللي حست بالغربه .. يوسف مايبغاه وامه بعد .... حصه تدارك االموقف : مها تعالى اوريك البيت مها تقوم بتكاسل وتمشى ورى حصه اللي تهمس باذنها : ماعليك مها بعد ما بعدوا عن نوره وامها : حصه ليه امك كذا معي حصه مرتبكه : ترى امي طيبه بسس ااا زعلانه انها ما فرحت بعرس يوسف ولا اخطبت له مها بحزن : طيب انا وش ذنبي اذا كانت ظروفي زفت .. ودمعت عينها وهي منزله راسها وكملت .. انا قلت ليوسف ياجل لكن ما رضى حصه وهي تمسح دموع مها : وين يشوف هالحلا ويجيه قلب ياجل