الفصل الاول
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم ظل الٱثل`*
*❴🔢❵الـــبـــــــــــ❴1️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
النقيب .هاي الرسالة وصلت من رقم مجهول وما قادرين نحدد الموقع لكن موقع بنهايتها إسمك ،بدي افهم كيف بوصلنا رسالة لنروح هناك وسدراك موجود كيف بتوصل رسالة موقعة باسمك فخ لرجالي ؟
عميل 66 .سيادة النقيب بتفهم موقف حضرتك لكن ما فيك تحطني بخانة الشك ،الي سنتين بتعامل معكم ولا مرة بعتت رسالة وبنهايتها اسمي مش غبي لاكشف إسمي الحقيقي ولمن بتواصل مع حضرتكم بالرقم يلي ببينا ؟
خبط النقيب ايديه عالطاولة بعصبية وحكى . لو كنت انت ما رح ارحمكك ياا عميل 66 فهمااان
عميل 66 .رح أثبت لحضرتك اني مو خاين بس وقتها لا تيجي تترجاني لكمل بمهمة (سِدراك) انا من اليوم مستقيل منها 👌🏻
النقيب .انا يلي بقرر مش انت
عميل 66 .ما طلبت منك توافق انا استقلت واعتبرني استقلت من الشغل ازا بدك
النقيب .وقت بتحكي معي لا تنسى اني هون رئيسك مش بشتغل تحت إيدك
عميل 66 .وانت لكان لا تنسى كم مهمة نجحت بفضل دهائي ولو ما كنت ملحق رجالك بآخر لحظات كان فشلتو وانتهيتو عالخالص
النقيب .اكيد ما بنسى لهيك خبرتك بالموضوع لو شكيت فيك اكيد تحققت بنفسي مش جيت قلتلك شاكك فيك
عميل 66 .ما رح كمل بالمهمة نقطة انتهى
النقيب .مش بكيفك ،الجنرال المسا طالبك عنده بالمستودع يلي بلتقي معكم فيه
عميل 66 . لليش!
النقيب .بتروح لعنده وبتعرف بنفسك ، الجنرال ما بثق غير فيك لولا ثقته كان الكل هون حطك تحت الإدانة
عميل 66 .خبره اني مش فاضي
النقيب بصدمة من جوابه .نعم ؟ شايفنا موظفين عندك انت
اتنهد العميل ووقف على حيلو وحكى .اذا بدو ياني بعرف رقمي ،طالما عندكو شك فيني 1% تحلموش أكمل معكم
وقف وهو يلبس نضارتو وأشر بأيدو سلام وهو لافف ظهرو وماشي ما عامل أي اعتبار للنقيب
خبط النقيب رجله بالطاولة وهو معصب وبحكي .يلعنك شو شايف حالك بس لولا عقلك هاد الاجرامي يلي مخليني اتحملك ،لااا والجنرال ما بعجبه يسلم المهمات غير لهاد ،بحطني تحت الامر الواقع اتعامل معه ومع نفسيته المحمضة.
..............................................................
(مراد)
ركبت موتوري جيت بدي حط الخوذة وبطلت خلي راسي وشعري يتنفسو شوي ،شو بحب هالأجواء الباردة ،يلا بسم الله هلق عالشركة لحتى نتصبح بالبهادل من أبوي .
اول ما حطيت رجلي بالمكتب ولسة مش حاكي شي قبل السلام والكلام
طاهر .الله لا كان جاب الغلا ليش مبكر كتير ؟ كان خليك لسة بكير الدكاترة ما داومو
مراد ......
طاهر .يعني بسمع بقولو تلتين الولد لخاله ،لك انت مش طالع ولا لواحد من خوالك لك لحتى لعمك المصروع محمود مش طالعله بدك تجلطنييي انت بدك تجيب اخرتي
نادر .طول بالك
طاهر .لك عبث الحكي معه عبث ،طل هاد منظر واحد جاي يشتغل بشركة ؟شو هالشعر المنكوش؟!و بلاطين ممزعة وبساطير وشو هالسترة هاي شو انت من رجال المافيا ومعيش خبر
رحت اتمددت عالصوفا ع بين ليخلص ، والله هالموشح صرت حافظو كل يوم ،حطيت ايديه تحت راسي ورجليه ع ايد الكرسي
طاهر .ولكك قوم ع حيلككك واحد متلك لازم يخجل لا انت مروق وما هامك شي ،قوم وقف قبالي بأدب
وقفت ع طولي ،حطيت إيدي بجياب بنطلوني وحكيت
مراد .تفضل شبيك لبيك مراد بين ايديك شو اؤمر يا طاهر بيك ولا قول طاهر آغا
عمي نادر هون ما اتماسك حالو وصار يضحك علينا
طاهر .لاخر مرة بنبهك يا مراد ،بتروح بتنقلع عالبيت بتلبس اشي محترم متل المكان يلي انت فيه وبتيجي هون لتتعلم أصول الشغل مش درستك ادارة تصميم عالفاضي يلا خلصني
مراد .اوووووف يابا اوووف
طاهر .وك اتأدب وانت تحاكي ابوك شو اقول بسس ابن امه بدكم تموتيني قبل أواني
مراد .بعيد الشر عنك يا غالي
مسك علبة فيها اقلام عالمكتب ،شال القلام وضربني فيها
طاهر .انقلع من وجهي هس وبترجع مغير هالخلقة بديش اشوف واحد هامل صايع قدامي يلا أرجيني عرض كتافك والله حوينة هالجسم فيك
طلعت من الغرفة بعد ما اخدت نضارتي ومفتاح موتوري عن الطاولة
ومتأكد كملو شلع فيني حاكم أبوي روح قلبو يبهدلني🤦🏼♂ ويحكيلي عن انجازاتو وهو قدي وانه كان مخلص هندسة ودراسات عليا ومأسس هالشركة وإلخخ......
بس بنسى يحكيلي عن مغامراتو مع امي هاد الجزء بقطشه وإنه كان لقبه طاهر المجنون سبحان الله بحكيهوووش
..............................................................
نادر .كانك متقل عيار البهادل اليوم عليه
طاهر .يا رجل لك مقضيلي ياها دشرنة داير ورا شلة همل قال بدو يشتغل بالسلاح ومدري ايش ، بضل لابسلي وجهو بالمقلوب لازم ينضب بس الحق مش عليه ،الحق ع نفس يلي راخيتلو الحبل ،بوقعو هني التنين بطابوسة بعدين برنو عليه طااهر الحقنا هلوكوني يا رجل قسما بالله !
نادر .برضو ان كبر ابنك خاويه
طاهر .ليش هاد بخاوي البشر ،هاد مخاوي شياطين صرت متأكد عالعمايل يلي بعملها ، وآخر طب الكيل جايبلي عالبيت صندوق مصفط m16 ، لا فزق كل هاد نفس خانم عارفة ومتكتمين عالموضوع صلاة النبي السرية عندهم
نادر .لشو هدول ،هاد بدو يحبسكم العيلة بالليلة 😂
طاهر .عم يشتغل مع الدولة ،تاني يوم انقبر قدام عيني راح سلمهن
نادر .طب خلص طالما نظامي
طاهر .لك معو ماجيستير بادارة التصميم ما ينضب ويشتغل فيها لليه هالخطر هاد، لك صرت 60 سنة ما عاد فيني ضل اشتغل لمتى رح ضل اجي على هالشركة والله من حقي ارتاح ،وهاد البغل صار 27 خلص لوينتا بدو يضل هامل وداير ع حل شعرو وانا قدو كنت مأسسها لهاي الشركة ،ليكو ابنك بيجي قبلك بخلص امورو وبمشي بس يلي عندي كيف ينضبط بمرض بصفرن من شي اسمو نظام
..............................................................
(مراد)
دخلت عالبيت وكانت حنونة قلبي عم تشرب إدمانها وعشقها القهوة ،رحت لعندا وبوست راسها وقعدت حدا
نفس .يرضي عليك يا روحي
مراد .امي قليلي لمتى جوزك بدو يضل متسلط عليه ويبهدلني حاجتي كبرت
نفس .ولا هاد ابوك احكي باحترام بلاش قصو للسانك
مراد .امي هلكني تعى عالشركة واشتغل وما بعرف شو امي انا شو بدو يضبطني يروح نص يومي بين هالحيطان والله شي بخنق
نفس .مراد يعني انت لازم تشتغل يعني بنفعش تضل هيك
مراد .ومين قال اني ما بشتغل هيني شو ماخد شي من ابوي من وقت تخرجت لهلق ما سحبت منه دولار واحد
نفس .انت ما دخلت كلية حربية ولا توظفت بالأمن لشو دخلت عميل سري ما بعرف
مراد .امي سنتين بعد جامعتي رحت اتدربت وانا من اول قلتلكم خلوني ادخل هالشي ما قبلتو صحح كلامي ؟؟ أنا هيك بحب ، وهاد الشغل بحبو لأنه سري ،لو كنت ضابط رح انحكم وانجبر داوم انا مستحيل خليه يجي يحجزني بتضيق خلاقي بتحملش
نفس .الله يصبرني عليك النقاش معك عقيم ،ولشو هلا جاي عشان وقت يرجع ابوك تتقاتلو صح؟
مراد .لا طاهر آغا ما عاجبو لبسي
نفس .اي معه حق لانه هاد لبس صيع مش ولاد عالم وناس
مراد .امي من متى بتوقفي معه ضدي
نفس .وقت يكون الحق معك ما بوقف ضدك والحق يقال ابوك بدو مصلحتك
مراد .طالع بدل تيابي وروح بلا ما يعطيني محاضرة عن التزام المواعيد والتأخير
نفس .مراااد اتأدب وقت تحكي عن ابوك ماشي لحتى ما تخسرني بصفك
مراد .تمام يا حنونة ،بس ليكني بخبرك ان بدو يضل ضاغطني رح ارجع عيش ببيتي مش رح ضل معكم هون
مشيت من الصالون مباشرة لغرفتي انا الوحيد فيهم ساكن بالطابق الأرضي ،غرفتي قد الصالون تقريبا وحيطها قزاز مواجه المسبح ،عشقي شي اسمو سباحة حتى بعز المطر والبرد بتسبح
لبست بنطلون كتان رمادي غامق وقميص ازرق بارد وثنيت الكمام واتعطرت زبطت شعراتي كنت عم اتفرج عحالي بالمراي
مراد .اووف شو بحب هالألوان عليه طبق ع لون عيوني دخيلك امي ورثتيني هالعيون
طلعت من الغرفة وقفلتها بمفتاحي ما بحب حدا يدخلها ،مع نزلة اختي عن الدرج
نارة .اوووه اخي شو هالشياكة وقف وقف اخد.سلفي معك
زورتها بنظرة جانبية وانا لسة كم زبط ثنية كم القميص
نارة .ئي لك شبك العمى والله لو وزير ما هيك بتتعامل معنا تضرب شو شايف حالك
مراد .انتي شو وضعك ولي وين صرتي بالجامعة
نارة .واو وكيف اتنازلت وسألت عني
مراد .ترديش بسؤال
نارة .لساتني سنة تانيي اخيي مطوولةةةةة
مراد .حدا قلك تدخلي طب اتحملي
نارة .شو اعمل بحبه
مراد .منيح يلا شقلبي
نارة .لك نفسي افهم لشو بتضل هيك قالب وجهك ئي
نفس .شو طالع ؟
مراد .اي بدك اشي يا حنونة
نفس .لا سلامتك انتبه عحالك ولا تطاول ع ابوك بالحكي
مراد .لك.هاد ابي لو يدعس ع رقبتي بحكيش الا بموضوع الشغل يعتقني
نفس .يلا روح سلملي عليه
نارة .هااا اشتاقتلو ،يمكن هو بدو يستقيل كرمال يضل يشوفها😂 ويبليك انت بالشغل
كنشفت شعراتها لجاكرها ومشيت
نارة .يالله مامااا شوفي ابنك يعني مش عارف لمين هيك طالع جلطة وربي جلطة ديقة عالخليقة لككك وجهوو ما فيه تجاعيد لو يصير 60 سنة لان بحياتو ما ضحك
نفس .ههههههههه عليكي دوام اليوم؟
نارة .لا ماما محاضراتي اونلاين اليوم
نفس .موفقة بنتي
...............................
(مراد)
طلعت برا ركبت سيارتي والله لو بروح عالموتور بطب ساكت أبوي ،والله بحبه وبحترمه بس قسما بالله ضغط يعني اذا هو كان راكز وسيدي واثق فيه انا شو خصني 🤦🏼♂
هيني وصلت لنشوف شو اول بهدلة ، استغفر الله ع هالموظفات تبقى لاطة حالها طن مكياج والله لو جاي ع عرس ما هيك ، يلا هس لكل ببلش بحلقة فيني ونا اصلا مش كرهان هالطابق كله
طلعت بالاصانصير لعند ابوي
مراد .شو عمي نادر فش عندك مكتب بتضل عند ابوي
طاهر .اطرح السلام بالاول
مراد .شو الاخبار
طاهر .عنده ابن مريحه من الشغل متل حكياتي بالضبط
مراد .شو واجعك يا ابو مراد هات لنشوف تا نريحك ليكين جاي اليوم مراد تحت تصرفك
نادر .كيف صار وعاطينا وقتك الثمين
مراد .ولو مو ابي طلبني
طاهر .مراد مخك مظيف وبدي استغل هالافكار يلي عندك بشغلنا ضروري
مراد .تمام
نادر .يلا انا صار لازم امشي
طاهر .خليك قاعدين
نادر .بدي ارجع عالبيت عندي ضيوف اذا احتجتو اشي جهاد بمكتبه
طاهر .راجع بكرا؟
نادر .لا فش داعي الا اذا رحت عالشركة الفرعية
طاهر .عقبال عندي اصير اقعد.وأريح
نادر .انشالله انشالله مراد قدها يلا سلام
طلع وأشرلي أبوي اروح لعندو كان قاعد ع كرسي ورا المكتب ،رحت وقف بحدو وركيت كفوف ايدي ع المكتب
مراد .اؤمر يا آغا اتفضل
طاهر .هون في ملف تصاميم كنا نمشي فيهم وبنص الشغل نوقف تخطيط
مراد .ليه؟
طاهر .كانت تستعصي عليهم ،لكن هني ك فكرة رهيبات ورح ينباعو بأسعار خيالية بتحققلنا أرباح كتيرة
مراد .والمطلوب مراد بيك ينسقهم ع نفس مستوي الدقة والجمالية والقياسات مضبوطة
طاهر .بالضبط
مراد .تمام هني موجودات ع حاسوب مكتبك ؟
طاهر .اي
مراد .هلق بشبكه باللاب بقدرش اضل هون ملزق بالمكتب ،بجهزهم وبعطيك ياهم بس وين انا اقعد اشتغل ؟
وقف ابوي وإشرلي ع كرسته
طاهر .من اليوم انت رح تستلم هون ، و عرين برا شو بتحتاج وبتساعدك
مراد .ابوي انا قلتلك بساعدك بشو بدكم كل مشكلة ممكن حلها بحلها أما اني اضل رسمي بقدرش ،يابا انا عندي شغل تاني
طاهر .يعني انت مصر ما تتركه
مراد .يابا انا شغلي هناك بمشي بدمي وبقدرش ،الجنرال شاهين بعتبرني عيونو المخفية وإيدو اليمين
طاهر .بس
مراد .اسمع انا رح اجتمع مع جهاد واخوه انس ونتفق ،كل اشي بخص التصاميم المعقدة واي اجتماع إداري رح بحضرو ،شغلي حر.يعني ما عندي دوام ووقت ما يكون عندي مهمات بضل هون بالشركة
طاهر .ابني ما بدي أخسرك
مراد .انت ارضى عليه وقتها ربنا بيسر أموري ، شغلي أوقع كل واحد مهرب مجرم قتالين قتلى شغلي مع الدولة يعني لازم تفتخر بعمل إبنك
طاهر .مش عارف شو اقول بس غير الله يحميلي ياك
مراد .اهم اشي محدش يعرف بهاد الموضوع ،عمي نادر عرف غيرو ممنوع يعرف
طاهر .حدا بعرف غيرنا وامك
مراد .لا انتو التلاتة وغيركم لا حتى نارة ما تعرف هيك احسن
طاهر .طيب ماشي ابني ،انا هلق رح اتركك تكمل شغل ،وهون عاامكتب في برنامج اجتماعات يومي واسبوعي بتغيرو عرين هي لحالها انت عليك بس تتبع ،، وهون هيو ملفات التصاميم والعقود يلي بدها موافقتك ،،وهون كل اشي بدو تعديل من عقلك يلي نحنا هلق جد.بحاجته
مراد .لا تقلق
طاهر .يعني بدك تتكرم علينت لو سمحت بهالذكاء يلي عندك
مراد .هههههه من بعض ما عندك يا طاهر آغا
طاهر .يلا سلام موفق بشغلك
مراد .سلام أبي
بلشت بهالتصاميم ونسيت يلي حوالي مع كاسة قهوة ودخان ما خلصت الا الدنيا بلشت تعتم مع رنة تلفوني رفعت ظهري وسندته عالصوفا ورديت
مراد .أمر خير؟
النقيب .الجنرال بستناك بالمستودع
مراد .مش رايح
النقيب .طالبك شخصي فش غيرك موضوع خاص
مراد .خاص؟ شلون هي
النقيب .مش شغلي ،شغلي اخبرك اتفضل روح عنده
مراد .سلام
وشو بدو هاد من وينتا في حكي بيني وبينو شخصي كله شغل
عملت حفظ لكل اشي اشتغلتو وبعتهم ل ايميل جهاد وانس طفيته وطلعت
وقت وصلت المستودع فعلا ما كان في غير سيارة الجنرال وحراسه ،غريب هاي اول مرة بجتمع فيني لحالي بالعادة بكون الكل موجود وبقسم المهمات بسرية تامة من خلال ظرف لكل واحد بعد ما يكون عاطينا قواعده العامة يلي بتنطبق ع كل العملا السريين متل حكايتي ،نزلت من السيارة وحكيت يارب
دخلت و كان قاعد ع كرسي هزاز وهم يطقطق بولاعته
مراد .طالبني شخصي حضرة الجنرال
قسام .اهلا وسهلا مراد
مراد .ممكن ندخل بالموضوع
قسام .شو صاير بينك وبين النقيب
مراد .ههههه اكيد مش مستني تعرف مني ،ما أخبارنا أول بأول بتصلك يمكن شو اكلت اليزم عندك علم
قسام .للأمانة اليوم ما عرفت شو اكلت الظاهر لساتك بلا اكل طول وقتك بالشركة صاير رجل أعمال
كان في طاولة مرتفعة شوي قعدت عليها نص قعدة اجري لسة واقف عليهم وولعت سيجارة وكملنا خراف
قسام .مووضوعك انت والنقيب آخر همي لاني واثق رح تكتشف مين الخاين وتثبتلو غلطه
مراد .اي كمل لنشوف شو الشي الشخصي ؟
قسام .سِدراك ملاحقني ومتبع أخباري
مراد .مش اشي جديد
قسام .ما عندي شي اخسرو بحياتي بتعرف الا شغله وهو عارف انها نقطة ضعفي
مراد .الجنرال قساام وعنده نقطة ضعف ما بصدق
قسام .كل انسان عنده نقطة ضعف
مراد .اكيد مش جايبني لتقلي نقطة ضعفك يعني
قسام .مبلا
مراد .اي شو المطلوب مني يعني
قسام .بنتي هي نقطة ضعفي
مراد بمسخرة .هههههه مش رح تطلب كون حارسها صح
قسام .بتعرف ليه بحبك وبثق فيك لانك بتلقطها
مراد .بدك.حارس ملان عندك رجال وظيفتهم الحراسة
قسام .بس انا ما بدي تكون حارس
مراد .ولا شو بدك يا جنرالنا العظيم
قسام .هو بعرف اني ما بشغل قرايب معي وما بدخلهم ع خطط شغلي
مراد .اي؟
قسام .بدك تتزوج بنتي وتصير صهري وقتها رح يستبعد فكرة انك عميل لالي
كنت عم بسحب نفس سيجارة وانخنقت صرت قح
قسام .شبك
مراد .بتمزح صح؟
قسام .لا ،وبالمقابل رح يكون معك بطاقة صلاحيات معينة موقعة بختم الدولة
مراد .كش غيرها
قسام .لك شو بتحكي مع رفيقك بالمدرسة انت
مراد .مهو حكيك.مش منطقي عشان تمسك واحد تخرب حياة تنين
قسام .مش اول ع آخر بدك تتزوج شو بدك احسن من بنتي
مراد .في حدا بعرض بنته للجواز؟
قسام .احترم حالك ،انا بدي حماية بنتي وبنفس الوقت بديش يشك فيك وانت حواليه ،هيك بتقدر تراقبه وتاخد معلومات وتوصلي ياها بنص بيتي بأريحية
مراد .وليش ما اخترت غيري
قسام .لاني ما بثق فيهم ،انت ابن الطاهر شو بدي احسن من هيك نسيب ،بالنهاية هاي بنتي أهم من كل المهمات ما فيني سلمها لحدا تاني
مراد .وانت واثق انه هلق ما حدا سمع هالخراف ،هاد نقيبك ما بثق فيه
قسام .ههههههههههه صدقت وقت سميتك كهربا ،بتلقط عالسريع😂
مراد .اي بس انتبه تغدر فيني لا تتكهرب
قسام .بدي اجوزك بنتي واغدر فيك ؟
مراد .بس انا ما وافقت
قسام .رح توافق
مراد .لا
قسام .رح تاخد.صلاحيات ،دخلك رح يزيد ،وغير هيك شرف انك صهر الجنرال قسام
مراد .شوف حضرة الجنرال اكيد بشرفني اني كون صهرك وانت بتعرف معزتك عندي لكن اني اتزوج تحت هيك ظرف ولهيك سبب وانسانة ما بعرفها لا
قسام .طيب شوف بنتفق اتفاق
مراد .شو؟
قسام .نعتبره صفقة بتحمي بنتي بعقد الزواج عالورق بس كرمال نتخطى المهمة وانت بالمقابل صلاحيات ودخلك بزيد ،بتوصلني المعلومات بسرية وسهولة
مراد .مش غايتي اوصل ل دخل أعلى هاد شغل بحبه
قسام .شو قلت
مراد .بحميلك ياها بلا العقد
قسام .صعب
مراد .ليه
قسام .انت ما بتعرف بنت الجنرال لسه
مراد .بدك تبلييني يعني بنسخة تانية من الجنرال قسام
قسام .ههههههه قلتلك كهربا
وقف وكمل حكي وهو يمشي ناحي
قسام .اني اقلك بنتي الهادية الراكزة يلي بتسمع الكلمة وقتها عنجد بكون بضحك عليك ، انه تمشيها ع كيفك لتقدر تحميها وانت بس حارس رح تكون صعبة
مراد .تجوزني ياها وتورطني
قسام .وقتها بتكون مرتك والك مطلق حرية التصرف
مراد .يعني بدك.تقنعني انها حتوافق
قسام .مش رح تعرف
مراد .بالله وشلون حنتزوج وهي معهاش خبر
قسام .الجواز انا بقلك زوجتك بنتي وانت بتوافق وهالشي قدام الشيخ
مراد .ما بقبل بدونها
قسام .انا بمشيها واذا حببت انت تخبرها بنوثقه بالمحكمة
مراد .وبلكي غدرت فيك وبنتك ع ذمتي شو هالثقة هي
قسام .انت مش خسران شي
مراد .بدي فكر
قسام .فكر براحتك ،وبكرا متل هاد الوقت مستنيك هون ومعي الشيخ
مراد .ههههه شو عم تحطني تحت الامر ااواقع
قسام .معاك من هون لبكرا فكر براحتك
تركني وطلع وانا مصدوم من حكيو ،انا اتزوج ؟ ومين بنته ؟ شو هالزلمة هاد ؟ هاد خايف ع بنته ولا بدو جد المهمة تتم بدون ما ننكشف مشعارف
..............................................................
دخلت عالبيت وابوي وامي ونارة قاعدين بالصالون
طاهر .انت بنترجاك تروح عالشغل ووقت تشتغل بتبطل ترجع عالبيت
قعدت ع ايد الصوفا واجر ع اجر
مراد .ان استغلنا مش عاجبك وان قعدنا مش عاجبك شو اساوي انا قوليلو بالله امي
نفس .اترك الولد بحالو ،امي عيونك حمر من التعب قوم نام وارتاح ،ماكل شي؟
طاهر .دللليه دلليه
نارة .والله لو نلف الدنيا ما بنلاقي متل حنية امي
طاهر .هههههه امك وقت عرفت انها حامل بهاد الكديش يلي قدامك صارت تعيط
نارة .ليه بقى شكلو كانت حاسه انه جاييها واحد بضحكش للرغيف السخن
طاهر .هههههه في شي من هالشي بس كانت خايفة ما تعرف تحن عليكم وتدللكم
قامت نارة وحضنت امي
نارة .ولكم يماااا يما محلا حنيتها ومطيب قلها أحلا امي بالعالم ،يويليي ريحة القانيلا هي ما بحب نام الا ع ريحة حضنك يا امي
طاهر .اي ما بتغير امك هالريحة من وقت خطبتها
نارة .ههههههه وانت ادمنتها صح بابا
نفس .ولي شو هالحكي هاد
طاهر .ولكم امكم العشق قطتي الشرسة
نفس .ولي شو هالحكي قدام لولاد يا طاهر
طاهر .هههههههه لهلق لساتك عدوتي اللذوذة بتوقف ضدي مع الولاد بكلشي
نفس .ولك حاج اسكت
طاهر .ههههههههه
نارة .خجلتها
نفس .والله كبرنا على هالحكي
طاهر .شو يعني ازا انت 60 وانتي 46 يعني ختيرنا والله الحب بخليني شباب شباب
نارة .ايووووووة يا عمي هيك الحب اما بلا ،لك دخلك ابنكم هاد لمين طالع ليكو كيف صافن فينا ما بعرف غير التكشير والعصبية
نفس .تحكوش عليه هاد ابني بكري ،يقبروني هالعيون يلي متل عيون امه
طاهر .لو سمحتي عيونو زرق ورمادي ماخد مننا التنين
نارة .وطباعو الاجرامية لمين بالله
طاهر .هههههههههههه هاي جينات ضرغام آغا عم تتوارث
نفس .لك طاهر مو ناوي ع خير انت
طاهر .ههههههه وامه المجرمة نفس يلي هلق متأكد.رح باخد قتلة منها😂😂
نفس .شكلك ناوي تاخد طلقة تانية ببطنك
مراد .طلقة شو
طاهر .ييي ييي انتو بتعرفوش مستحيل كيف لسة ما بتعرفو
مراد .شو في
طال ابوي سنسال مخبى تحت بلوزته
نارة .وليي شو هاي
نفس .وك طاهر خلصصص
نارة .بالله شو هاي
طاهر .هاي رصاصة امكو شمطتني ياها وقت قريت فاتحتي عليها بدون علمها
انا ونارة بحلقنا بعيونا مصدومين
نارة .معناها مراد طالع لامي مو لجدي ضرغام
طاهر .مهي بنتو 😂 والعرق دساس
قامت عمي منرفزة ومشيت ناح الباب طالعة
نفس .لا تحلم الليلة تنام بالغرفة
وصدمتنا وقت مسكت وردة صناعية محطوطة عالطاولة رمتها ع ابوي
طاهر .والله توقعت ترميني بالفازة كلها😂
نفس .كان بودي بس ولادك قاعدين بديش يتعلمو
طاهر .فش داعي يتعلمو يا قطة جيناتك فيهم😂
نارة .رمتك بوردة من الحب
نفس .عملتنا مسخرة عند.الولاد امشي خلصني ننام
طاهر .عأساس ممنوع ادخل الغرفة
نارة .هههههه ثوم قوم لا تغير رأيها
مراد .والله عيلة مجنونة
حكيت هالجملة وتركتهم ومشيت وانا سامع اختي نارة عم تحكي .اي صح لانه انت العاقل الوحيد بالعالم
..............................................................
شغلت التدفئة بالغرفة اخدت دوش دافي سريع وطلن تسطحت عالتخت ،اتنهدت وانا عم فكر بطلب الجنرال قسام يلي ماكان بالحسبان .
ما وعيت غير ع ايدين ع جبيني ،اي هاي امي اكيد ،ما حد من الخدم بدخل عندي ولا حتى اختي نارة لاني بنام بلا طنزة بس شورت قصير
مراد .صباح الخير امي
نفس .صباح الورد روحي يلا قوم افطر معنا
مراد .يلا لاحقك امي
نفس .حتروح عالشركة اليوم ؟
مراد .هففف اي
نفس .الله.يرضى عليك هاد ابوك شو حكى ما تجاوبو ومشي متل ما بدو كرمال مصلحتك
مراد .انشالله انشالله
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡