جيتك وكلي جروح وابي منك تداويني - الفصل 22 | روايتك

البارت الثاني والعشرون ـــــــــــــــــــــــــــــــــــــــ رفع يده بقوه وهو  ناوي يضربها كف بس قبل توصل لخد ريفان كان فيه يد مسكت يد عناد بقوه سلطان بغضب  : يدك الي حاولت تمدها على بنت ودعها. لواها بقوه لين حسها انكسرت و صرخ عناد من الالم وطاح بالارض وهو متاللم عناد باللم  : اهههه ناظره سلطان بغضب  : المره هذي عديتها لك بكسر يدك و عشان ما تتمرمط بالسجون بس المره الثانيه لو حاولت تجي يم امي والبنات راح اعلق مشنقتك على بوابة الجامعه وتصير عبره لرايح والجاي **طبعآ الهواش صار قدام كل الي بالجامعه لانو بداية الدوام والكل توه واصل الجامعه** ناظره عناد وهو خايف منه. سلطان جاي بلبس الشغل وكان مسدسه على خصره ناظر لنجوم الي على كتف سلطان وبلع ريقه بخوف واضح انو له مكانته بالشرطه ولو حطه براسه اكيد بيوديه بستين داهيه مسكه سلطان من ياقية التيشيرت الي لابسه وهمس باذنه سلطان بقساوه  : اذا قربت منها او حاولت تلمسها صدقني انا الي راح اتعامل معاك  ويا ويلك لو بس تحاول تقرب منها فهم عناد انو سلطان يقصد ريفان عناد باللم  : ابشر ناظر سلطان  لخويا عناد سلطان  : خذوه للمستشفى ناظرته ريفان وهي ممنونه له التفت ريفان رايحه بس استوقفها همسات البنات وحست بالغيره البنت الاولى بخقه  : ياااالبييه يبنات شفتو الي انا شفته البنت الثانيه بهيام  : ايوا شفته اهه يبنات يذبح من جمال يموت الثالثه بخقه  : ياااااربي  جنتل مان شفتو عضلات صدره الي بارزين ولا عضلات يدينه لمن شد الولد يمه اذوووب الرابعه بذوبان  : انا ما جاب راسي الا هو شفتو عناد وسيم الجامعه صار عنده زي القرد يم الاسد الخامسه بهيام  : اهه تكفو زوجوني ياه مستعده ادفع مهره بس يكون لي وحلالي الرابعه  : لا انا الي راح ادفع المهر بس يعطيني نظره الثانيه بخقه  : يبنات شفتو اشلون ماطالع باحد فوق الجمال والشخصيه هيبه وثقل الخامسه  : اه يبنات ابي بس يلتفت ويعطيني وجه الاولى بتفكير  : بنات هو قال يم امه والبنات تتوقعو مين  امه الرابعه بتفكير  : اممم  عناد كان راح يضرب البنت واكيد مو امه لانو توها سنه اولا وباين انو بعدها صغيره الثانيه  : اممم وليه ماتكون الدكتوره تهاني عناد كان راح يصدمها والبنت تدخلت وحمتها الخامسه  : كفو عليك جبتيها ناظرتهم ريفان بغل وهي ميته غيره اشلون قاعدين يتغزلو بسلطان قدامها ولا احترموها  توجهت لام سلطان تشوفها وشافت سلطان رايح لها سلطان  بقلق  : يمه امشي معاي نروح المستشفى  ام سلطان  بابتسامه مطمنه  : سلطان يمه انا بخير و مافيني شي *ناظرت ريفان *وكله بفضل ريفان الي انقذتني باخر لحظه سلطان بقلق  : طيب خليني اخذك عشان اتطمن عليك ريفان بهدوء  : خالتي انا رايحه محاضرتي بتبدا الحين ام سلطان  : روحي يمه وانتبهي على روحك راحت ريفان لمحاضرتها والتفت ام سلطان لسلطان تسئله ام سلطان  : مافيني شي لاتخافي  *وكانو تذكرت شي *الا انت وش جايبك الجامعه نرجع فلاش باك عشان نشوف ليه سلطان بالجامعه بعدما طلع من القصر توجه للقسم قعد يراجع الملفات وبعدين تذكر انو  ما عطا ريفان مصروف واكيد مامعاها فلوس ترك الملفات الي بايده وطلع من القسم اخذ سيارته وتوجه للجامعه بعد دقائق وصل الجامعه دخل بسيارته بنفس الوقت الي دخل فيه عناد وهو طاير من سرعته شاف الي سواه وانو كان راح يصدم امه عصب ونزل من السياره بس من شاف ريفان تعطيه كف بردت حرته فيه بس جن جنونه لمن شافه ناوي يضربها وبسرعه مشى ومسك يده قبل توصل لخد ريفان  وبكذا نكون عرفنا ليه رجع سلطان ناظر سلطان لامه وقال سلطان  : يمه انا كنت جاي عشان اعطي ريفان مصروف بس من شفت الي قاعد يصير جن جنوني وماصرت اشوف من غضبي ووصار الي صار طلع من جيبه فلوس وعطاها ام سلطان  سلطان  : يمه انا رايح الشغل عطي ريفان الفلوس نسيت اعطيها ياها ام سلطان   : طيب طلع سلطان من الجامعه وراح شغله وام سلطان راحت تعطي ريفان الفلوس وبعدين راحت  غرفة الدكاتره تشوف مواعيد محاضراتها بالمستشفى ـــــــــــــــــ ناظر ليده المكسوره وهو ميت من القهر ناظره خويه وشاف وجهه احمر ساله خويه  : اشفيك ياعناد عناد غضب  : الحين انا عناد لافي يجي الشرطي الغبي يكسر ايدي خويه  : انت الغلطان كنت راح تصدم الحرمه وفوق هذا كنت راح تضرب البنت كف تذكر عناد ريفان وتذكر تهديد سلطان عناد  بقهر  : البنت وبوريها عشان الكف والشرطي بنتقم منه واضح يحبها وراح انتقم منه فيها  وام عيون دواها عندي خويه باسغراب  : وش ناوي تسوي عناد  : البنت دخلت هنا *واشر على راسه *ومو ناويه تطلع منه *وبقهر *يلعن ابليسها ياعليها عيون ودتني بستين داهيه ولولا عيونها كنت عرفت اشلون اربيها خويه بغمزه  : لايكون حبيتها عناد بتنهيده  : وش احبها انت الثاني ترا بس عيونها حلوين ماقلت حبيتها خويه بضحك  : واضح السناره غمزت والمغرور حب ناظره عناد وهو ناوي يهاوشه وينكر كلامه بس كل ما تذكر عيونها سرح قصر الجد سلطان  ـــــــــــــــــــــــــــ قاعدين يفطرو بصمت كان الجد سلطان بصدر الطاوله والجده جنبه وهيفاء مقابل الجده والريم جنبها وهمام جنب الجده تكلم الجد سلطان  الي كان قاعد يفكر بشغله وقرر يطلعو المزرعه عشان احفاده يستانسو ويطلعهم من جو الحزن وعشان ريفان وسلطان الي ماسوو عرس الجد سلطان بهدوء  : جهزو اغراضكم بكره رايحين المزرعه  واحسبو حسابكم بنقعد 4 ايام بالمزرعه وبعدها راجعين عشان المدارس والجامعات وطلبت اذن للكل ليومين لانو بكره خميس وبعد بكره جمعه وطلبت اجازه ليوم السبت والاحد فز همام بفرح وقال  : جد ياجدي يعني بنشوف الخيول ونلعب مع الشباب ونسبح ابتسم الجد سلطان بعدما شاف ابتسامة حفيده الجد سلطان بابتسامه  : ايوا ياروح جدك بتركب الخيل وتلعب وتسبح وتسوي الي ودك فيه الريم بفرح  : انا رايحه اخبر حريم اخواني عشان يخبرو البنات بس يوصلو طلعت الريم من غرفة الطعام وراحت تخبر الحريم اما الجد سلطان  ناظر لهيفاء بابتسامه وقال الجد سلطان  : هيفاء يبه ترا لك مفاجأه انتي واخوانك باليوم الرابع وصدقيني راح تعجبك حيل ابتسمت هيفاء بهدوء وهي فاقده الشغف ماودها تروح المزرعه بس برضو ماودها تكسر فرحة همام الي طاير من الفرحه شركة الوافي ــــــــــــــــــــ قاعد يراجع الصفقه الي بين شركته وشركة الوهم ابتسم بخبث وهو ناوي يكسر راسه ويعلمه ما يتحدى الي اكبر منه بالسوق ارسل رساله لخالد وبعدها غلق تلفونه لانو ناوي يكسب الصفقه باي طريقه وبعد بكره موعد المناقصه ولازم يجهز روحه زين لها مطعم الطاهي ـــــــــــــــــــــــ قاعد يفطر مع سلوى  الي قاعده تبتسم له وتاكله بيدينها *طبعآ خالد كان لابس ملابس عاديه  بنطلون وتيشيرت وكانو عادين مره عشان يبين لها انو فقير لانو مفهمها انو قاعد يشتغل مكنيكي خالد بتمسكن  : سلاوي سلوى بحب  : ياقلبها خالد بتمثيل لاحزن  : انا مقدر اقابلك مره ثانيه سلوى باستغرب  : ليه خالد بتمسكن  : ما ابي اخسرك فلوس وانتي كل شوي تعطيني وكل شوي عازمتيني وانا لانو حالتي الماديه مو احسن شي  مو قادر اطلعك وادلعك زي اي حبيبين تدري ماعندي سياره وما اقدر اطلعك وانتي الي دائمآ تجي تاخذيني سلوى بحب  : خلودي انا وياك واحد وفلوسي فلوسك مسكت يده بيدينها الاثنين سلوى  : بالنسبه لسياره انا حليت امرها باس خالد يدين سلوى الاثنين برومنسيه وقال بحب كاذب خالد   : ادري يروحي بس انتي كل يوم تعطيني واحس نفسي عبأ عليك **اف اف ابوك يا العزة النفس تكفو صفقو له يستاهل هو وعزة نفسه احلى تصفيقه هههههههه ** طلعت سلوى من شنطتها ظرف فيه مبلغ حلو وعطته خالد الي مثل انو مايبيه وعارضها ومن هالكلام وبالنهايه اخذه سلوى بحب : هذا الظرف فيه 70 الف خذ السياره الي تبيها والي ودك فيه وما ابي حبيبي خلودي يكون اقل من احد باس خالد خدها بفرح وهو طاير من الفرحه هذا مبلغ حلو ويقدر يحطه بحسابه ويساعده بالصفقه سمع صوت جواله وكانت رساله من ابو خالد مافتحها ناظر سلوى وقال  خالد باستعجال  : سلاوي ذي رساله من خويي بالورشه  لازم اروح قبل يشوفني المدير ويخصم من راتبي سلوى بحب  : باي بيبي انتبه لروحك ارسل لها خالد بوسه بالهوء وراح اما هي قعدت مكانها وتغيرت ابتسامتها لابتسامه ساخره **راح تنتقم منه باشد الطرق عشان الي سواه ببنت اخوها قبل سنه عارفه انو قاعد يلعب معاها نفس العبه الي لعبها مع بنت اخوها الي انتحرت بسببه بعدما استغلها وقعدت تصرف عليه فلوسها لين صار الي صار باليوم المشؤام واغتصبها وخبرها انو بس قاعد يلعب عليها عشان الفلوس والحين اخذ الي وده فيه وماعاد يبيها وهي انصدمت وقعدت بحاله نفسي كتبت كل الي صار وارسلته لعمتها وبعدين انتحرت وسلوى قاعده تلعب معاه نفس العبه الي يلعبها معاها وهي حالفه لتنتقم منه بابشع الطرق وتذوقه من نفس الكاس اشلون يستغل الحريم عسان فلوسهم و........ وبعدين يرميهم بدون اهتمام لمشاعرهم الي تحطمت** شركة الوهم ــــــــــــــــــ دخل خالد بسرعه ل الشركه و راح المكتب فتح باب المكتب ودخل راح لمكتبه وقعد يراجع الصفقه وهو ناوي على حيله عشان يكسب الصفقه لانو ابو ماجد حذره اذا راح يسوي اي شي يخالف شروط الصفقه راح يحاكمه ابتسم خالد وهو مو مهتم لاي شي غير الفلوس التفت يشوف تلفونه الي يرن وكانت ام همام رد خالد  : هلا حبي ام همام بتعب  : خالد تعالي انا تعبانه خالد باستهزاء  : واذا تعبانه خذيلك بندول ونامي وبس تصحي راح تصيري زينه انا مو فاضي لك معاي صفقه مهمه بعد يومين ولازم اجهز لها ام همام  بتعب  : خالد تكفى تعال مو قادره استحمل الألم خالد ببرود  : ماراح اجي واترك الصفقه الي بتربحني ملايين عشانك ومن الاخر اقلك لاتزعجيني مو فاضي لك ام همام بتعب  : خال غلق خالد التلفون بوجهها وما خلاها تخلص كلامها ضحك بسخريه وقال خالد  : الغبيه تبغاني اخسر فلوسي عشانها لازم اتخلص منها بعد الصفقه والحين لازم اركز زين وما اهتم لاي شي فيلا خالد ــــــــــــــ ناظرت التلفون وهي مصدومه من خالد الي غلق بوجهها قعدت تبكي بنحيب وهي تتذكر معاملة ابو همام معاها وشلون بس تقول راسها ياللمها ياخذها للمستشفى وما بحياته مل او ذم من تعبها او تصرفاتها بعكس خالد الي ما بحياته ساوى لها شي تتعب وتسكت عشان تحبه بس الحين خلاص مو قادره تتحمل تصرفاته بكت وهي تتمنا ماقتلت ابو همام ولا تركت اولادها الي الكل يداري خاطرها ويبي رضاها  والحين اصبحت وحيده بين اربع جدران لا انيس معاها ولا ونيس غير ربها الي عصته وعاقبها قطعت الصلاه وانحرمت من السعاده خانت زوجها وعاقبها الله باشياء كثيره سالت نفسها  الحين هذا عقاب الله لها بالدنياء اجل كيف الاخره الزاني والزانيه يرجمو حتى الموت الي بدون زواج بس الي متزوجه عقابها اعظم وهذا بس بالدنياء وما احد كشفها او كان تنفذ قول الله عليها طيب كيف اخرتها قعدت تبكي وتبكي وتبكي وهي خايفه ومرعوبه اشلون بتلاقي ربها اذا ماتت وهي سوت كل ذول المعاصي وفوق هذا كله قتلت نفس بغير حق قعدت تبكي وترتجف وتهلوس من تعبها لين نامت قصر ابو فارس ـــــــــــــــــــــــ دخل القصر وشاف زوجته بالحديقه راح لها وقعد يمها ابو فارس  : السلام عليكم ام فارس  : وعليكم السلام  ابو فارس  : وينه فارس تقدمت ام فارس تعطيه القهوه وقالت ام فارس  : مدري اخذ يومين اجازه من الجامعه وقال معاه شغل بس مدري عن اي شغل يتكلم ابو فارس  : حال الولد مو عاجبني قلب حايل بكبرها وما حصل لهم اثر لازم ينساهم كذا بيتعب اكثر وهو متامل انو يلاقيهم،بس ما اضن يلاقيهم واحتمال *وسكت * ام فارس بضيق  : احتمال وش كمل ابو فارس  : احتمال يكونو ماتو لانو لو عايشين اكيد بيلاقيهم ام فارس  بضيق  : يارب اذا كانو عايشين المهم فارس يلاقيهم واذا ميتين طيب جروحه ابو فارس  بتغيير للموضوع  : جهزي اغراضك واغراض فارس عمي سلطان عازمنا بكره لمزرعته وراح نقعد اربع ايام ام فارس   : وشغلك وجامعة فارس ابو فارس  : شغلي وبتابعه من المزرعه وجامعة فارس ياخذ له اجازه يومين ماراح يضرو ام فارس  : على خير ان شاء الله جامعة الملك فهد ــــــــــــــــــــــــــ دخل مهند بسيارته جي كلاس الجامعه الي بالون الاسود وهذا الشي الي حاب يوضحه للكل انو غني والبنات بيلتفو حوله زي النمل لانو باعتقاده البنات يحبو الفلوس وعشان الفلوس يمكن يسوو اي شي نزل منها بعدما فتح له السواق وهو كاشخ ولابس بنطلون جنز اسود وقميص اسود وفاتح اول ثلاث ازرار من القميص وكان القميص شوي ضيق عشان يبرز عظلات صدره  ونظاره سوداء  وساعه سوداء وكل شي اسود باسود عشان يبي لهم انو كشخه وشخصيه  ناظر للبنات الي بالحديقه وقاعدين يتهامسو عليه وابتسم وراح الاداره على اساس انو توه طالب جامعي راجع من امريكا وذي السنه الثالثه له بالجامعه  ووقعو له على اوراقه وابتداء يدرس سنه ثالثه  وكان تخصص موارد بشريه زي روان اخذ كتبه وراح للقاعه واول مادخل سكتو البنات والاولاد الي كانو مسوين دوشه وناظرو للباب وشافو الطالب الجديد الي قال لهم عنه الدكتور فاروق واعجبو البنات بشكله ابتسم بنفسه لمن شاف البنات خاقين عليه وعرف انو توزيع المخدرات راح يكون سهل ناظر للبنت الي بثاني مدرج ماسكه كتابها وتكتب ملاحظات ومو مهتم له استغرب الحين كل هالوسامه وما التفتت له راح لها وقعد جنبها وقال بابتسامه مهند  : هاي انا مهند وانتي اغتاضو البنات منها الحين الحلو هذا يقعد جنبها ليه ناظرته روان من فوق لتحت وما ردت شال مهند نظارته مهند  بابتسامه : ترا بنصير زملاء فعادي تسولفي معاي اشرت روان للمدرج وقالت روان ببرود  : الحين من كبر المدرج ضاقت فيك الوسيعه عشان تقعد يمي مهند ببرود  : كيفي اختار المكان الي ابيه روان ببرود  : اوك  تتهنا فيه اخذت كل اغراضها وراحت لاعلى المدرج وقعدت فيه تنرفز مهند منها هو الي كل البنات خاقين عليه ذي تطنشه مين مفكره نفسها حطها براسه وهو ناوي يخليها تدمن وتقعد تبوس رجلينه عشان يعطيها حبه واحده بس اما روان طنشت لانو طقت ببالها فكره وناويه تخبر سلطان فيها لانو شافة صورة مهند عنده بالمكتب •• تركيا •• فيلا ابو مازن ـــــــــــــــــــــ قاعدين بالحديقه ومازن بالجامعه ومنار بالمدرسه ومحمد بالمدرسه وسناء قاعده عند البركه الي بالحديقه وقاعده تاكل البجعات وهي مبتسمه وفراحانه ناظر ابو مازن لام مازن وقال ابو مازن   : ليه ماراحت المدرسه مع منار ام مازن  : رفضت تروح لين تشوف نايف الي اختفاء وانت مو ناوي تخبرنا عنه ابو مازن ببرود  : خذيها السوق ويوم السبت راح تداوم مع منار وما ابي اي اعتراض ونايف معاه شغل وما راح يرجع منه الا بعد وقت ام مازن  : ترا انا امه بعد ومن حقي اعرف وين رايح واذا بخير او لا، قاعد ياكل او جوعان ابو مازن  : تطمني بخير وياكل ومرتاح وهو بس محتاج دعواتك وبس ام مازن  بخوف  : نايف فيه شي ابو مازن  : لاتخافي والله مافيه شي وهذي انا حلفت وانا قلت دعواتك يعني لازم يكون فيه شي ام مازن   : اشوى خفت صاير له شي ابو مازن  : لا تطمني ناظر لسناء ونادها ابو مازن  : سناء تعالي الى هنا تركت سناء الخبز من يدينها وراحت لابو مازن سناء  :  اهلآ عمي ماذا تريد اشر لها ابو مازن تقعد وقعدت ابو مازن   : لما لم تذهبي المدرسه اليوم سناء بتبرير  : لا اريد الذهاب بمفردي اود اصطحاب ناي معي ابو مازن بصرامه : ناي لديه عمل ولا يمكنه الذهاب معك يوم السبت عليك الذهاب ولا اود سماع اي اعذار هل كلامي مفهم سناء بزعل  : حسنآ انا ذاهبه دخلت الفيلا وهي زعلانه ناظرت ام مازن ابو مازن بعتب ام مازن  : ليه زعلتها ابو مازن  ببرود  : بعدين راح ترضا لازم اشد عليها شوي زي ما اشد على منار سكتت ام مازن وقعدت تتقهوى مع ابو مازن اليوم التالي الكل توجهو للمزرعه باستثناء سلطان وريفان وعائلة ابو فارس فيلا  سلطان ـــــــــــــــــــــــ قاعده تاخذ الاغراض الي تحتاجها من غرفة التبديل وبعدها راحت دورة المياه واخذت  معطرات الجسم والوشنات والصابون الخاصين فيها وحطتهم بالشنطه الخاصه فيهم دخل سلطان وشافها قاعده تلم اغراضها سلطان  : ريفان التفتت ريفان له وكانت رافعه شعرها  كعكه وغرته طايحه على وجهها وطالع شكله كيوووت ولابسه بنطلون عودي وبلوزه سوداء  وكانت ماسكه على الخصر شوي وخصرها منحوت نحت فيها ناظر سلطان لخصرها سرح شوي وتذكر الي يقول ;; فصل الخصرين بالملي ؛؛ ريفان  : سم صحي سلطان من سرحانه سلطان   : اذا ماعليك امر ممكن تجهزين اغراضي  بالشنطه لين احط الاغراض بالسياره ريفان  : ابشر بس ممكن تعطيني الشنطه ما اطولها راح سلطان لغرفة التبديل واخذ الشنطه من فوق الدولاب وراح لريفان وعطاها ياها سلطان  : انا رايح احط الاغراض بالسياره بس تخلصي ترتيب الشنط ناديني اخذهم ريفان  بهدوء  : طيب طلع سلطان  وريفان راحت ل الدولاب وقعدت ترتب ملابس سلطان فيها وبعد 20 خلصت ترتيب الشنط غلقتهم وحطتهم على جنب راحت لدولاب اخذت عباتها وجزمه سبورت سوداء عشان تعرف تمشي فيهم براحتها وشنطه سوداء واخذت نقابها وبعدها اخذت احد الشناط وشالتها معا انو ثقيله بس عجلات الشنطه سهلت وزنها وكان عائقها الوحيد الدرج لانو ماراح تقدر تنزلهم بس استحت من سلطان اشلون يرجع مرتين عشان الشنط وصلت ل الدرج ونزلت فيها نزلت الدرج وباقي 5 درجات وتوصل الارض بس داست بالشنطه على طرف عبايتها وهوووب ريفان  : اءءءء غمضت ريفان عيونها ماتبي تشوف شكلها وهي بالارض طاحت من الدرج وقبل توصل الارض كان سلطان اسرع ومسكها من خصرها قبل تطيح والشنطه طاحت بالارض بس ماصار فيها شي حست ريفان بسكون وصوت انفاس استغربت حركت يدينها وحست نفسها بالهوء استغربت بس حست بيدين دافيه ماسكه خصرها فتحت عيونها بشويش وناظرت للي ماسك خصرها وكان سلطان سلطان بخوف  : انتي بخير تلمست ريفان جسمها تتاكد انو ما ماتت وناظرته وقالت ريفان ببرائه    : ماطحت بعدني عايشه ابتسم سلطان على كلامها وحاول يخفي ابتسامته عنها سلطان  : لا ماطحتي الشنطه الي طاحت استوعبت ريفان انو قاعده بحضنه وخجلت ريفان  : امم سلطان ممكن تتركني سلطان بخبث  : ابشري تركها سلطان وهي منحنيه بجسمها وكانت راح تطيح من الدرج بس سلطان مسكها بسرعه وريفان من الخوف مسكت طرف الثوب وهي خايفه ناظر سلطان لوجهها وهي خايفه وكانت نظرة الخوف بعيونها حس بتانيب الضمير سلطان  : لاتخافي امزح معاك اعتدلت ريفان بوقفته وضربت سلطان على صدره والدموع بعيونها ريفان ببرائه ماده البوز وكان شكلها زي الاطفال ريفان  : انت شرير ليه طيحتني ذاب سلطان  على برائتها وكان نفسه يشدها من خدها تكلم سلطان وكانو يكلم طفله سلطان  : كنت امزح ماتوقعتك خوافه ماردت ريفان وهي زعلانه من حركته نزلت من الدرج وراحت لشنطه تشوف اذا صار لها شي وكانت سليمه عدلت الشنطه و وقفتها ومشت فيها بس يدين سلطان كانت اسرع واخذها منها طلع من الفيلا وحط الشنطه بالسياره وراح يجيب الباقي من الشنط شاف ريفان بعدها واقفه مكانها سلطان   : روحي السياره الحين راح نمشي بس اجيب الشنط الي فوق ماردت ريفان بعدها زعلانه راحت السياره بصمت وفتحت الباب وقعدت جنب السواق. زينت نقابها وقعدت تناظر الحديقه من الشباك. اما سلطان جاب الشنط وحطهم بالسياره وغلق الفيلا بعدما اعطا الشغاله اجازه وحركو متوجهين للمزرعه بعد 20 دقيقه وقف سلطان  عند سوبر ماركت واخذ عصير ودونات له ولريفان  واختار دونات بدون فرواله عشان ماتتحسس ومسليات عشان ريفان ورجع السياره وحط الاغراض بينهم وطول الطريق ساكتين تكلم سلطان  سلطان  : ريفان افتحي لي العصير  ما ابي التهي عن السواقه ويصير شي ناظرت ريفان لطريق وتذكرت جدها الي التهى عن السواقه وصار الي صار هزت راسها برفض للحادثه الي مو راضيه تطلع من راسها اخذت العصير فتحته لسلطان وعطته ياه سلطان  : تسلمي لو بعد تفتحي لي كيس الدونات اكون ممنونك فتحت ريفان كيس الدونات وعطته منهم حبه ورجعت تناظر الطريق وهي سرحانه سلطان  : ريفان كلي انتي بعد ترا طريقنا طويل ريفان بنرفزه منه  : مالي نفس كل انت سلطان بصرامه   : طيب ترا اذا ما اكلتي والله لاغير طريقنا وارجع الفيلا واساوي الي انتي عارفته خافت ريفان منه وقررت تاكل  اخذت العصير والدونات وقعدت تاكل وبعد ما خلصت عدلت المرتبه ونامت بينا سلطان قعد يتامل اهدابها المرتخيه وهي نايمه وبعدها ركز بالطريق وقعد يسوق بشويش عشان ما يصحيها بعد ساعتين  وصلو المزرعه الي كانت شوي بعيده عن الرياض كانت المزرعه كبيره حيل وفيها فيلا للحريم وفيلا لرجال وفيها مسبح مكشوف ل الشباب ومسبح مضلل للبنات وفيها حديقه كبيره حيل ومساحتها اميال واميال وفيها اسطبل للخير وبحيره موجود فيها اسماك وبجعات وفيه حيوانات ثانيه اشكال والوان ومنهم ذئب سلطان النازي كانت المزرعه زي الغابه من كثافة الاشجار ومع اصوات العصافير تحسي باجواء الغابات اكثر وقف سلطان السياره بالكراج وناظر ريفان الي للحين نايمه سلطان  : ريفان ريفان صحيت ريفان وناظرته ريفان   : هلا سلطان  : وصلنا ريفان  : اخيرآ سلطان  : وكانك تعبانه بالطريق وانتي نايمه كل وقتك ريفان بنص عين  : لا احسدني على نومي بعد، ترا مانمت من امس وانا قاعده اكتب الوضايف الي علي وانت نايم ولا على بالك وجاي تحاسبني على الساعه الي نمتها سلطان  : هوب هوب بسم لله اشفيك قلبتي علي ترا ماقلت شي روحي شايفه الفيلا ذيك ترا للحريم اسئليهم عن جناحك وبيدلوك ونامي لين تشبعي وبعدين قولي *وقعد يقلدها *احسدني على نومي بعد. ضحكت ريفان على تقليده وهي مستغربه شخصيته الغريبه والتناقض الغريب بشخصيته راحت لفيلا الحريم بنفس الوقت الي دخلت فيها سيارة ابو فارس وراح سلطان يرحب فيهم ويحييهم (( وصلنا لنهاية البارت  )) //توقعاتكم // خالد راح يقدر يكسب الصفقه  ؟ ام همام راح تتوب او لا  ؟ سلوى وش ناويه عليه وكيف راح يكون انتقامها من خالد  ؟ وش المفاجاه الي مخبيها الجد سلطان لاولاد ابو همام ؟ مهند راح يقدر يخلي روان تصير مدمنه   ؟ روان راح تخبر سلطان بفكرتها  ؟ سلطان راح يايد فكرتها او يرفضها  ؟ عناد راح يقدر يأذي ريفان عشان ينتقم منها على الكف وعشان ينتقم من سلطان فيها ؟ عناد حب ريفان على قولت خويه غمزة السناره او بس يمثل الحب قدام خويه  ؟ ريفان راح تشوف فارس وام فارس او القدر له رأي ثاني  ؟ ريفان راح تتقبل تعيش بمزرعه فيها جميع الحيوانات لمدة اربع ايام بدون ماتخاف  ؟ سلطان حب ريفان او مجرد اعجاب  ؟ شاركوني توقعاتكم الحلوه يحلوين .