جيتك وكلي جروح وابي منك تداويني - الفصل 20 | روايتك

البارت العشرون ــــــــــــــــــــــــــــ الجد سلطان بغضب  : مابقى الا هي ازوجك بنت ولدي سالم بهدوء  : انا اساسآ تزوجتها وعمي ناصر هو الي ملك لي عليها وبعدين اشفيني لحتى تكرهني وترفض الزواج الجد سلطان بغضب   : ابد مافيك شي ماينعرف اصلك وما ارضا ازوج بنت ولدي للقيط انصدم سالم وحس بالاهانه من كلامه سالم محافظ على هدوئه  : ضعت من اهلي وانا صغير ومو متذكر اي شي عنهم ولي اهل بس مو عارفهم وعمي ناصر هو الي رباني ومو كل من ضاع من اهله لقيط ركز بكلامك زين يا ابو عبد العزيز  تراك تضرب السيخ وهو حامي وماكنت اتوقع اسمع الكلام هذا منك ياشيخ الكايد واعذرني انا ماراح اترك هيفاء لو على قص رقبتي وعمي ناصر زوجني ياها باليوم الي مات فيه وحطها عندي امانه ومستحيل افرط بالامانه الي عطاني ياها حس الجد سلطان بالندم وما توقع يخرسه سالم بكلامه حاول يرد عليه بس وش يقول وهو الي قاعد يضربه بالكلام وشكك بتربية ولده ناظره سالم لفتره وحس انو ماعنده رد قال سالم  : انا استئذنك والكلام الي قلت لك عنه اتمنا يكون سر ما احد يدري عنه للوقت المناسب وبتظهر الحقيقه حس الجد سلطان  انو لازم يتكلم وما يرخص بنت ولده ولازم يبين هيبته وما يمشيه ولد بعمر احفاده الجد سلطان بصرامه  : بنت ولدي عزيزه وغاليه ولو كنت شاريها دور عن اهلك وتعال خذها وغير كذا ماعندنا بنات لزواج سالم بتحدي  : ذي حرمتي ومالك حق تاخذها وانا راح انفذ طلبك عشان ابين لك انو لي اهل وماني لقيط الجد سلطان ببرود  : معاك اسبوع تلاقي فيه اهلك واذا خلص الاسبوع وانت ما جبتهم بجاهه وتقدمت لها قدام الكل راح تطلقها وانت ماتشوف الدرب ادرك سالم انو الجد سلطان معطيه تحديات تعجيزيه بس راح يحارب الكل عشان معشوقته وراح يلاقي اهله عشانها مو عشانه سالم بتحدي  : انا موافق عطني اسبوع وراح اتقدم لها رسمي واسوي لها عرس ماصار ولا استوى الجد سلطان ببرود  : مستني اشوف اهلك داخلين بيتي وطالبين بنت ولدي بعد سبع ايام سالم  : ابشر يالله انا طالع طلع من جيبه فيزه وحطها على الطاوله وقال سالم  : هذي الفيزه فيها مبلغ حلو عطها هيفاء وقلها ابوها عطاني ياها اعطيها لها ماتخبرها انو مني ابد الجد سلطان ببرود  : ليه مامعاي فلوس اصرف على احفادي سالم ببرود مماثل  : الا معاك ومامنك قصور مير انا زوجها ونفقتها ملزومه علي وياليت ماترد اول شي اعطيه لهيفاء ماتكلم الجد سالم من شاف الجد سلطان صامت عرف انو وافق وراح يعطيها ياها ابتسم وقال سالم بابتسامه  : تسلم ياشيخ الكايد طول عمرك بقراراتك حكيم يالله استرخصك طلع سالم من المجلس وقعد الجد سلطان يتامل زوله وهو مدرك انو الرجال ذا كفو وراح يعز بنت ولده وواضح انو قد كلامه من نظرات التحدي وكلامه الصارم طلع سالم من القصر بكبره وكان فيه عيون تراقبه وقلبها محطم ومو قادره تسوي شي طلعت من الغرفه الي جنب المجلس احذت القهوه والتمر لجدها وتوجهت للمجلس دخلت المجلس وشافت جدها قاعد وسرحان  وعلى ثغره ابتسامه مشت له وحطت القهوه على الطاوله وتعمدت تحطهم بقوه عشان يطلعو صوت ويحس فيها صحي الجد سلطان من سرحانه على صوت الصينيه الي انحطت على الطاوله واصدرت صوت عالي التفت للي جايبه القهوه وناظرها بحنان وقال الجد سلطان بترحيب  : ياهلا والله ببنيتي هيفاء هلا بمنات الروح فيلا خلف ــــــــــــــ صحيت وله وحست بيدين خلف ملتفه حول خصرها  وراسه مدفون بشعرها حست باحراج لمن تذكرت الي صار امس وخدودها احمرو  التفت بشويش تشوف اذا صاحي او لا تنهدت براحه لمن شافته نايم  ناظرت الساعه وشافتها 8:12 ص بعدت يدينه من على خصرها بشويش وسحبت شعرها لفت المفرش حول جسمها وراحت دورة المياه تاخذ شور صحي خلف من سمع صوت المويه ابتسم بلطف لانو كان يمثل النوم عشان ماتخجل منه اكثر تاكد انو كلام سلطان صح وانو وله غير عن امه وله بنت تنشرى بالماس مو زي امه رخيصه سمع صوت باب دورة المياه انفتح بسرعه رجع يمثل النوم فتحت وله باب دورت المياه وطلعت منه وهي لافه الروب حول جسمها وتاركه شعرها المبلل طايح على ظهرها وكان شكلها جميل راحت لخلف تصحيه عشان مايتاخر على شغله وله بصوت هادي  : خلف خلف تحرك خلف مسوي نفسه توه صاحي ناظرها بعيون شبه مفتوحه وقال خلف بتمغط  : سباه الهير ولاه هاااااااااه وله بخجل  : تمغط اول وبعدين تكلم عشان افهمك ناظرها خلف بحب وقال خلف بحب : صباح الخير يالخير والزين والغيم بسماء صافي خجلت وله من كلامه وله بخجل  : صباح النور روح تروش ترا صارت الساعه  ثمان وانت مارحت لشغلك سحبها خلف وطاحت على صدره وشعرها المبلل على وجهه شال شعرها عن وجهه وعلى فمه ابتسامه تاخذ العقل حاولت وله تقوم بس كان خلف ماسكها من خصرها ومو راضي يتركها وله بخجل  : خلف خلف بهيام  : ياقلب خلف وله بخجل اكبر  : خلف الشغل تاخرت عليه خلف بذوبان  : لابوه من شغل ولا الي جابوه الي يترككك بعد شكلك ذا وله بخجل  : لااا خلف تكفى روح ماسمع لها خلف وووووووووووووووووووووووووووووووووووووووووووووووووووو نترك عرساننا تركيا ـــــــ دخل الكابور وخلفه جاك ونايف وبعض الرجال للبار ومعاهم شنطه راحو لدور الثاني لانو جايين عشان يقابلو شخص بخصوص الشغل دخل الكابور للغرفه الي فيها الشخص وشاف رجاله الي منتشرين داخل الغرفه وخارجها ناظرها الكابور لرجاله واشر لهم  يبقو برا ودخل هو ونايف وجاك وقف الشخص وهو مبتسم وقال بترحيب الشخص  : اهلآ بك لم استغرب مجيئك بعد مهاتفتك لي بالامس الكابور بابتسامه ساخره  : لقد اذهلتني بذكائك ياصاح الشخص بضحك  : هههههههه  لقد اضحكتني ولم يعد بامكاني التوقف عن الضحك الكابور ببرود  : هل تسخر مني يا نيازي نيازي بضحك مجنون  : هههههههههههههههههههههههههههههههه هههههههه  لا ولاكنك تضحكني الكابور ببرود  : كف عن الضحك اشر لنايف يحط الشنطه على الطاوله ويفتحها نفذ نايف كلامه وفتح الشنطه ووجهها لنيازي خفت ضحكت نيازي بالتدريج من شاف الشنطه المليانه فلوس والطمع عمى عيونه حاول يلمس الفلوس بس سحبها نايف لورا وغلق الشنطه بحركه سريعه انصدم نيازي من حركته وعصب قال نيازي بعصبيه  : هل تستهزاء بي يافتى نايف ببرود  : لا ولاكنك من قمت باستفزاز رئيسي ولقد قمت بردة فعل كما فعلت انت نيازي بغضب  : ايها الاحمق وقف وتوجه لنايف بيضربه بس نايف كان اسرع منه ولف يده لورا بقوه  وترك وجهه على الطاوله وجهو رجاله الاسلحه على نايف بس ما اهتم وجه جاك سلاحه على نيازي والكابور قاعد يشرب وسكي بروقان نيازي بصراخ متاللم  : اتركني ايها الاحمق اه يالك من غبي هل تعلم من اكون يمكنني انهاء حياتك حالآ ان لم تتركني نايف بضحكه ساخره  : هههههههه  وان لم اتركك ماذا ستفعل نيازي بغضب  : انت الان تحت رحمتي ولن تنجو فعليك تركي والاعتذار حالآ او ساقوم بقتلك ناظر نايف لرجال نيازي الي كانو ثمانيه رجال وبعدها ناظر جاك وغمز له فهم عليه جاك رفع نايف مسدسه الي كان مسويه كاتم ووووو طخ طخ طخ طخ طخ طخ طخ طخ طاحو رجال نيازي قدام عيونه وهو مصدوم صرخ بصوت عالي عشان الحرس الي برا يدخلو له نيازي  : جونسووووووون استنا جونسون رئيس الحرس بس للاسف دخلو رجال الكابور ورمو رجاله الي كتفوهم وربطو يدينهم وغلقو فمهم انصدم نيازي كل حرسه مكتفين والباقين ماتو ادرك ان موته لامحال منه وقرر يخضع ل الكابور واطاعة كلامه لانو بالحالتي خسران وافضل حل يكون بصفه نيازي بندم  : انا اسف اعدك بان لن يتكرر ذالك الكابور بهدوء  : وماذا يفيدني اسفك ياصاح نيازي برجاء  : ارجوك لاتقتلني وساكون تحت قدماك عبداً الكابور  بابتسامه ساخره  : لقد قمت بتحذيرك ولم تعير اي اهتمام لكلامي والان جد ماقمت بفعله طلع مسدسه الي منحوت عليه اسمه وااا طخ قتله وطاح نيازي على الطاوله غارق بدمه ناظر جاك  للكابور وقال جاك  : ماذا نفعل ب هؤلا الحمقا الكابور بابتسامه مخيفه  : هل اطعمت الوحش اليوم جاك باستغراب  : لا انت امرتني بان لن اطعمه فانت ستاتي له بطعام جيد ناظر الكابور لرجال نيازي العايشين بمكر وقال الكابور بابتسامه مخيفه   : وهاهو طعامه اذهب بهم وارميهم  لوحشي دعه يتمتع بطعامه الذيذ ارتعبو من الي سمعوه مو متخيلين الوحش الي بانتضارهم  انصدم جاك من تفكير الكابور   الوحش مخيف ويمكن ينقض على اي شخص  بسبب الكابور الي صار يطعمه كل شخص يقتله ونايف مو اقل منه صدمه بس اخفى صدمته بسرعه ومثل عدم الأ مبالاه وهو من داخله مرعوب من الكابور الي مايرحم احد وهو يجهل الوحش الي يتكلم عليه الكابور وجاك وقف الكابور وطلع من الغرفه طلع  نايف بعده وتوجهو ل السياره طلعو بالسياره وراحو لمزرعة الكابور وجاك اخذ الرجال الميتين وحطهم بالسياره بمساعدة الحرس والي عايشين بسياره ثانيه ومشو متوجهي بعد الكابور وراحو للمزرعه بعد شوي وصلو للمزرعه فتح لهم الحارس البوابه  ودخلت السيارات من البوابه كانت المزرعه مزرعه جميله الشكل، والعشب الاخضر محيط فيها من كل اتجاه  واصوات العصافير وهي فوق الاشجار جميل جدآ اشر الكابور  ل السواق يروح للجهه الشرقيه للمزرعه ومشى وبعده سيارة جاك والحرس وبعد شوي وصلو للمكان المطلوب نزل الكابور  وبعده نايف الي مستغرب المكان الي كان عباره عن حفره كبيره وسقفها من حديد وفيه مكان زي الشباك ينفته ويتغلق عشان يطعمو الكائن الموجود بالحفره تقدم جاك وبعده الحرس ماخذين رجال نيازي الي عايشين وتوجهو للحفره تقدم الكابور ووقف امام الحفره ونايف جنبه استغرب نايف لانو مافيه اي شي بالحفره وكانت على شكل نفق وفيه زي الغرفه من اربع جهات وهذا الي زاد من حيرته الكابور بابتسامه مخيفه  : هيا ياجاك ضع الطعام لوحشي جاك بابتسامه خائفه  : حسنآ اشر جاك للحرس يجيبو له احد رجال نيازي وجابو له واحد راح جاك وفتح المكان الي على شكل شباك ناظر لرجال الي جابوه الحرس وهو ميت رعب وما يعرف وش الي موجود تحت اخذه جاك بعنف ودفه داخل الحفره وطاح بقاعتها. صرخ الرجل من الالم اول ما طاح على ظهره. وقف على حيله وتلفت   للمكان وهو مرعوب من الكائن المخيف الي قاعد يشوفه كان نمر كبير وضخم وسعابيله تنزل وواضح حيل جوعان كان راح يهرب بس انقض عليه النمر بكل وحشيه وقعد ياكل فيه بكل وحشيه وصراخات  الرجال ماليه المكان وبداء صوته يختفي بالتدريج  وفارق الحياه تحت يدين النمر المتوحش ضحك الكابور بجنون  : هههههههههههههههههههههههههههههههه هههههههه ياله من منظر جميل اعشق منظر وحشي عندما ينقض على فريسته ماتحمل نايف المنظر وراح لمكان بعيد يرجع من بشاعت المنظر اما جاك متعود على الاشياء ذي وكانو ماصار شي الكابور بجنون  : ضع المزيد لوحشي ناظر جاك لرجال نيازي الي قاعدين يرجفو وواحد منهم سواها على نفسه من الخوف ناظرهم الكابور واحد واحد وعلى فمه ابتسامه مخيفه قال الكابور   : اود ان ارا لعبة القط والفار  ارمهم جميعآ فل نرا اذا بامكانهم الفرار من قبضة وحشي نفذ جاك كلامه واشر للحرس يرموهم كلهم للوحش الفتاك وبالفعل رموهم وصار النمر يصتادهم واحد واحد بمناظر وحشيه وبنهاية الامر اصبحو كلهم ميتين والنمر قاعد ينهش في لحمهم نهش ضحك الكابور ضحكه شريره وقال الكابور  : نيهاهاهاهاهاهاهاها نيهاهاهاهاهاهاهاها نيهاهاهاهاهاهاهاها  لقد خسرو امام وحشي ولا شيئ سيغلبه ضحك معاه جاك بتسليك ناظر الكابور حوله وما شاف نايف الي راح لدورة المياه  سال جاك  الكابور  : اين ذهب ناي جاك  بابتسامه  : لم يتحمل المنظر هذا وقام بالاستفراغ الكابور بابتسامه  : ياله من فتى شقي هل اخافه منظر وحشي انهُ وحش اليف ولا يؤذي احد جاك   : ناي قوي ولاكنه ضعيف القلب ولم يتحمل المنظر  شاف جاك نايف جاي من بعيد اشر لنايف. جاك  : هاقد قد اتى ناي ناظر الكابور للمكان الي اشر له جاك  وشاف نايف جاي ووجه اصفر وشاحب نايف بتعب  : سيدي هل بامكاني العوده انني متعب رق قلب الكابور عليه من شاف التعب مرسوم على ملامحه وواضح ماتحمل رؤيه منظر الدم والرجال وهم يصارخو الكابور   : كلنا سنعود هيا بنا راح الكابور لسيارته ومعاه نايف وراحو للقصر  اما جاك والحرس قعدو يرمو رجال نيازي الميتين ل النمر وبعدها نظفو السياره وذهبو للقصر **تصفيقه للكابور الي رق قلبه على نايف هههههههه توه قبل شوي قاعد ومستمتع بالمنظر وش غيره** الرياض شركة ابو همام ــــــــــــــــــــــــــــــــــــ قاعد بالمكتب يراجع الصفقه الي جاته من شركه كبيره حيل واستغرب انو تعاملت معاه بس فرح حيل لانو ذي فرصه لا تتعوض ولازم يستغل الفرصه وينهب شركه الوافي  باي طريقه وبكذا راح يضرب عصفورين بحجر واحد راح يسوي معاه صفقه الي يخسرها تكون شركة الخسران له  دخلت ام همام وهي مبتسمه  وراحت لخالد الي واضح انو قاعد يفكر بشي وواضح المكر من ملامحه راحت له وقعدت على رجاله ولفت يدينها حول رقبته وقالت ام همام بدلع  : بيبي وش قاعد تفكر فيه ناظرها خالد ولف يدينه حول خصرها وحط عيونه بعيونها  وقال خالد بابتسامه ماكره  :  عندنا صفقه لازم نربحها بالشغل او بالمكر ومحتاج مساعدتك يا سعادي ام همام  بهيام  : انا تحت امرك وكلي فداك ابتسم لها خالد وقرر ياجل التخلص منها لوقت ثاني لانو محتاجها عشان الصفقه وبس يربحها راح يتخلص منها وتصير كل الفلوس ذي له لوحده خالد  : سعادي  انا رايح الحين ل الشركه الي ارسلت لي التعاون وراح احاول اقنعهم بالصفقه الي ببالي ام همام  بدلع  : وتتركني لحالي خالد بابتسامه  : ماراح اتاخر انتي خلصي شغلك وابي منك تطبخي لي اكله من يدينك الحلوين مشتاق اكلك ام همام  بخبث  : مشتاق لاكلي او لي خالد بضحك  : الاثنين وقفت ام همام  وباسته من خده واشرت على عيونها وقالت ام همام  : عيوني اطبخ لك كل الي نفسك فيه ارسل لها خالد بوسه بالهوء وتوجهت طالعه من المكتب وصلت لباب المكتب ووقفت وكانو  تذكرت شي والتفتت لخالد ورجعت له وقالت ام همام  : خلودي قال خالد بنفسه  : ياليل اليل ذي مطوله وبعدها قال خالد  بابتسامه  : ياقلب خالد ام همام  : وش راح نسوي بالقصر انت تدري انو ماراح نقدر نعيش فيه لانو راح يشكو فينا والعيون بتكون علينا خالد بمكر  : افا عليك نسيتي منهو خالد اكيد شي مثل هذا ماراح انساه انا اليوم نزلت القصر بالنت للبيع وتركت لهم رقمي لتواصل مع سعر القصر ام همام  بفرح  : ادري انك فهيم ولهذا السبب حبيتك خالد بمكر  : وانا ادري انك خبيثه وانا لهذا السبب حبيتك ام همام   : اوك حبيبي يالله انا رايحه اجهز الغداء لاتتاخر خالد  : اوك طلعت ام همام  اما خالد اخذ ملف الصفقه واخذ جاكيته وطلع من المكتب ونزل من الشركه للدور الاول طلع من الشركه وجاب له السواق سيارته فتح له الباب وراح لشركة الوافي جامعة الملك فهد ــــــــــــــــــــــــــ القاعه (5) قاعدين ومتمللين ذي المحاضره الثانيه والدكتور له ساعتين  ومو راضي يطلع عقلهم عجز يفهم من كثر الشرح بعكس ريفان الي كانت مركزه معاه وتكتب كل الملاحظات وباين انو جاده بالدراسه وواضح عليها انو دافوره وقف الدكتور شرح وناظر لطلاب وقال الدكتور   : ممكن تعطوني شرح مبسط للمحاضره الي عطيتكم ياها الكل ساكت ويناظرو بعض بتوتر لانو اساسآ مو مركزين معاه رفعت ريفان يدها شافها الدكتور وقال الدكتور  : تفضلي ريفان بهدوء زاد من بحت صوتها الجميله قالت ريفان  : محاضرتنا اليوم تتحدث عن ال...........  والم............... العامل.............. وكانت زي................. ومنها................. وانت خبرتنا انو............................................ ................... وما يصير العمل بدون...................................... صفق لها الدكتور وصفق لها زملائها حست ريفان بالخجل ماتحب احد يشجعها على شي تحسه بسيط تكلم الدكتور  : انتي بنت لك مستقبل باهر وذكائك جيد ومعدلك بالفهم مره حلو اتمنا تكوني طالبه متميزه عندي وما تكوني زي زملائك ريفان  : ان شاء الله  اكون عند حسن ضنك بي الدكتور   : تفضلي فيك تقعدي قعدت ريفان وناظر الدكتور ل الطلاب وقال الدكتور  : ياليت تتعلمو من زميلتكم وتكون ناس فاهمه مو  طبول الكل انقهر من كلام الدكتور وانقهرو من ريفان اكثر لانو لو سكتت وما تكلمت كان ماسمعو التهزيئه ذي ناظر سيف لبندر وغمز له. سيف  بغمزه  : فوق القوه ذكاء وبكره الله اعلم وش تعرف من مواهب بعد بندر بنرفزه  : سيف كف شرك عني وخلني فحالي سيف بضحك  : خلاص يارجال اشفيك قلبت علي ماقلنا شي ناظره بندر بنظره ناريه خلت سيف يسكت قبل يقوم بندر ويوطا ببطنه طلع الدكتور من القاعه ونزلت ريفان من المدرج وتوجهت لباب القاعه طالعه لانو معاهم اوف بس استوقفها صوت بنت البنت  : هيه انتي التفتت لها ريفان وشافتها واقفه ومعاها بنتين ريفان بهدوء  : ناديتيني البنت بنرفزه  : ايوا ريفان ببرود  : خير ان شاء الله  كيف اقدر اساعدك البنت بنرفزه من برودها  : بندر لي انا ياويلك تفكري فيه كانت ريفان راح تقلها انو هي متزوجه بس قررت تلعب معاها نفس لعبتها ريفان ببرود  : ومين الاخ بندر اعرفه يعرفني البنت بعصبيه  : الولد الي طحتي بحضنه اول ماوصلتي الجامعه وواضح من حركتك متعمده عشان تلقين لك شخص يلمك ريفان ببرود  : اوووه طلع الاخ خويك حلو تتهنو وانا ما اداور حول الرجال هم الي يدورو حولي وياليت ماتزعجيني مره ثانيه بكلامك التافه التفتت طالعه البنت بعصبيه  : مين مفكره حالك لحتى تعطيني ظهرك انا لمن اكلمه تواجهيني وتحطي عيونك بالارض مشت ريفان لها بخطوات ثابته وحطت عيونها بعيون البنت وبنظره قويه ريفان بقوه  : ومين تكوني ياروح امك عشان احترمك كلك على بعضك بنت زي البنات لاراحت ولا جات فليه اتعب روحي واهاوشك تنرفزت البنت وكلام ريفان طلعها من طورها راحت لها ورفعت يدها ناويه تعطي ريفان كف بس ريفان مسكت يدها قبل تضربها وضغطت عليها بقوه  وقالت بغضب ريفان بغضب  : اذا مديتيها مره ثانيه ودعيها لانو ما احد مد يده علي وبقيت مكانها وترا اذا اشتكيت للاداره راح يفصلوك كم يوم بسبب تصرفاتك الصبيانيه تالمك البنت من مسكت ريفان القويه لمعصمها وحست معصمها تخدر من قوت الضغط عليه وعروق يدينها برزو قالت بالالم  : اتركيني ياحيوانه انا الي راح اشتكي عليك يا متخلفه شافت ريفان بندر جاي جهتهم تركت البنت ودفشتها بقول وطاحت بحضن بندر الي تعصب من تصرفها وقالت ريفان  : هذا هو حبيبك اشبعي فيه ولو سمحتي انتي وكل الي بالقاعه انا جايه ادرس مو جايه اتمشكل وياليت لو تكفوني شركم وتخلوني فحالي طلعت ريفان من القاعه بعدما رمت اخر كلامها  تاركه البنت تغلي وراحت الكفتيريا وشافت هيام قاعده لحالها بالحديقه وماسمه كتبها وتقرء فيه او نقول قاعده تمثل القراءه وهي اساسآ سرحانه ومو يم الكتاب ابد راحت لها وقعدت جنبها صحيت هيام من سرحانها وناظرت للي قعدت جنبها وكانت ريفان تكلمت ريفان ريفان بتنهيده  : حاسه فيك وبالمعانها الي عشتيها فقد الاب شي يكسر الظهر ولمن اختك الي تحسيها امك صارت ماتعرف تتكلم ولمن امك تتركك وانتي بامس الحاجه لها  حاسه فيك وبظروفك الي قاعده تعيشيها وادري انو مره مو مرتاحين بقصر جدي سلطان  بس مجبورين تعيشو معاه وادري انو مره متفشله من عمتي ام سلطان  لانو قاعده تاخذك مع روان للجامعه وتتعنا لك رغم المسافه ادري بتحسي بضيق وما تبي تشوفي شفقت احد بس راح اقلك شغله واتمنا تحطيها ببالك وما تنسيها ابد امك ماتركتكم الا لانو ماحبتكم من البدايه لانو قلبها مو ملكها وعمي ناصر الله يرحمه قلبه مو ملكه وبسبب الشيئ هذا صارت نزاعات بينهم والحب ماصار له اي قيمه بيناتهم وصارت علاقتهم مليئه بالبرود  وثاني شي ادري انو حيل زعلانه على موت ابوك وتتمني لو كان عايش ولو كان عايش ماكان صارت حياتكم كذا كان عشتو بقصركم ومو محتاجين فلوس من احد وادري مره حزينه عليه لانو عوضكم على حنان الام عطاكم قلب الاب وحبه وحنانه وعطفته وكل شي تتمنوه من امكم وصار لكم الام والاب بس حابه اقلك انو الدنياء كذا ماتترك احد سعيد بحياته ودائما تاخذ الي هم غالين علينا ونحبهم بس هذا قضاء وقدر  وقولي اللهم لا اعتراض على قضاء الله وقدره وخلك قنوعه بما كتبه الله لك ولاتصيري عجوله ومتسرعه بحياتك لانو بالنهايه كلنا بنموت وما احد بيبقا عايش والموت مصيرنا كلنا ولازم ندعي للي نحبهم وتاكدي انو هم عند الله بمنازل احسن من الي احنا فيها مرتاحين ومتهنين وعايشين حياه ابديه وادعي لعمي بالرحمه وما تبيني حزنك وضعفك لانو هيفاء قاعده تنهار يوم عن يوم ومافيه اي شي قاعد يفيدها اوقفي معاها وكوني زي العلك بالملابس ماتسيبيها ابد  وتاكدي انو الله ما اخذ شيئ الا ليعوضنا بالاجمل ضمتها هيام وعيونها مليانه دموع كلامها لامس احاسيسها وهي كانت محتاجه احد يقلها الكلام هذا كانت محتاجه احد يشجعها ويخليها تواجه ظروفها بنفسها وتتحدى كل شي وريفان اليوم سوت الشي الي تمنته ووقفت معاها وواستها بكلامها الجميل قالت هيام  : شكرآ ريفان من جد شكرآ كلامك زي المرهم  الشفافي لقلبي بادلتها ريفان نفس الحضن وقالت ريفان   : فديتك تسلمي لي يا عسل ابتسمت لها هيام ريفان  : يالله نروح نفطر ترا حيل جوعانه وقفت هيام مع ريفان وراحو الكفتيرياء. شركة الوافي ــــــــــــــــــــ وصل خالد الشركه فتح له السواق ونزل من السياره ناظر الشركه من برا وكانت شركه مره كبيره وواضح من شكلها انو صاحبها من الاغنياء زي ابو سلطان وابو راكان الي معروفين بغناهم دخل الشركه وراح لرسبشن سال عن الطابق الي موجود فيه مكتب المدير وخبرته انو بالدور 30 راح للاصنصير وضغط زر  الدور الثلاثين وبعد دقائق وصل الدور 30 طلع من الاصنصير وشاف مكتب السكرتيره قدامه قرر يشوف اذا المدير موجود او لا خالد  : مرحبا السكرتيره  : اهلين كيف اقدر اساعدك خالد  : رئيس الشركه موجود السكرتيره  : ايوا موجود معاك موعد خالد بثقه  : لا ممكن تدخلي له وتقولي له رئيس شركه الوهم يبي يناقشك على الصفقه وافقت السكرتيره  دخلت المكتب وخبرت الرئيس وقال لها تدخله طلعت السكرتيره وخبرت خالد انو الرئيس مستنيه بالداخل دخل خالد وانصدم (( وصلنا لنهاية البارت  )) //توقعاتكم // وش راح تكون ردة  فعل ريفان لما تعرف الي سواه سلطان  ؟ تتوقعو الجد سلطان بيوافق على الزواج  ؟ سالم راح يقدر يلاقي اهله  باسبوع  ؟ هيفاء سمعت كلام الجد وسالم وعرفت انو تزوجت سالم او لا  ؟ تتوقعو مين يمكن يشتري قصر ابو همام  ؟ تتوقعو  مين يكون رئيس شركة الوافي؟ وليه انصدم خالد لمن دخل المكتب؟ شاركوني توقعاتكم الحلوه يحلوين .