جيتك وكلي جروح وابي منك تداويني - الفصل 16 | روايتك

البارت السادس عشر ـــــــــــــــــــــــــــــــــ قصر ابو راكان ــــــــــــــــــــــ  الساعه 6:00 م القصر مقلوب فوق تحت هذا جاي وهذا طالع الي يكشخ والي يشرف ؏لى الضيافه والي والي والى ماله نهايه . جناح بطلتنا قاعده بغرفتها ولا طاقه خبر لشي ولا كانو اليوم ملكتها دخلت عليها ام راكان وهي معصبه. ام راكان بعصبيه   : ريفان روحي جهزي روحك المعازيم على وصول والمملك بعد ساعه واصل ريفان ببرود  : اذا يبي يشوفني يشوفني بطبيعتي  ماراح اسوي شي فكرت ام راكان كيف تقنعها وجت لها فكره معا انو راح تجرحها بس مضطره تقول لها كذا ام راكان   : ترضيها على امك يقولو الجازي ماعرفت  تربي بنتها ؏لى سلومنا وماعلمتها كيف ترتب شكلها وتصير بنت حلوه ماردت ريفان لانو حست الكلام بصدرها سكاكين ام راكان بقسوه  : اذا ودك تطلعي كذا اطلعي ووريهم بنت الجازي اشلون وبنت فيصل مين طلعت ام راكان من الغرفه وهي متندمه على الكلام بس ماتبي احد يقلل من ريفان قالت بنفسها ام راكان  بنفسها  : يارب يفيد الكلام وما تفشلنا *طبعآ الملكه عائليه * كل العائله وصلت الا ام همام تعذرت انو تعبانه وما تقدر تجي . الساعه 7:00م قاعدين الحريم بالصاله ناظرت ام سلطان ام راكان وقالت ام سلطان  : وينها عروستنا ماودها تنزل ام راكان  باحراج  : راح تنزل الحين ناظرت غاده وقالت ام راكان   : غاده روحي نادي ريفان ام طيف باستهزاء  : ليكون جابرينها وما ودها تنزل ام راكان  : ما احد يجبر ريفان يا ام طيف ام طيف   : اجل اش عندها متأخره لايكون ماملينا عينها ست الحسن والدلال او م قاطع كلامها صوت من اعلى الدرج ورفعت راسها على صوت خطوات نازله من الدرج رفعت نظرها لاعلى الدرج وشافت ملاك نازل بفستان نيلي مع بياضها صار زي البحر والغيم ولابسه خاتم  على شكل ثعبان ملتف حول الاصبع  وحلق  واسواره من الالماس دائريه حول المعصم وطوق انيق وجذاب ملفوف حول عنقها  ولابسه جزمه لون نيلي، وشعرها مسويتها ويفي وفيه بنسه حاطتها بشعرها من جهت اليمين شكلها ولا غلطه كانت زي الملاك الساحر نزلت من الدرج بخطوات واثقه وكلها شموخ وكبرياء وصلت ل الصاله وسلمت على الكل وقعدت جنب اختها غيدا بثقه وتكلمت. ريفان بثقه  : ماهو ريفان الي تنجبر ياجدتي  وقالت ** باستهزاء مبطن** اووبس قصدي ياخالتي عصبت ام طيف لانو قالت عنها جده لانو تشوف نفسها بعدها صغيره وعمليات التجميل كبرتها من كثرهم بس ماعرفت وش تقول طيف بقهر  : اشوفك شاقه الحلق من الفرحه اخجلي شوي ريفان بابتسامه عشان تقهرها  : وليه ما افرح وانا اخذت شيخ الرجال طيف بحقد  : بس شيخ الرجال حرام فيك يا القرويه ام سلطان بفخر  : لا بلله سعد عينه اخذ زينة البنات واجملهم ، جمال واخلاق وحيا خجلت ريفان واكتسا خدودها احمرار الخجل انقهرت طيف اكثر من كلام ام سلطان عن ريفان  ناظرت ام سلطان لريفان. ام سلطان بمدح  : ماشاء الله وش ه‍الزين وش ه‍الحلا  *قالت بغمزه والابتسامه على وجهها  *اخاف ولدي من يشوفك ياخذك بليا عرس استحت ريفان من كلامها ونزلت راسها الجده بابتسامه  : بسك يا ام سلطان  البنت ذابت من الخجل ام راكان  بفرح الام  : عز الله يا ام سلطان  بتاخذو نور البيت ريفان غلاها عند الكل ثاني ناظرتها ريفان بعيون ممنونه وشلون ما تكون ممنونتها وهي  تقول لها كذا قدام اهلها انو هي غاليه روان بضحك  : يمه بناخذ ريفان ونروح الصاله الثانيه البنت شوي وتختفي من خجلها ام سلطان  بابتسامه  : روحو راحو البنات لصاله الثانيه ومعاهم طيف الي مقرره تنفذ اليوم خطتها اتصل راكان لغيدا وقال لها تخبر ريفان تروح له ل الاستقبال يبيها توقع قالت لريفان وراحت ل راكان وشافته مستنيها بالاستقبال راح لها راكان والفرحه مرسومه على وجهه ضمها بحب وسالها عن حالها **طلعآ راكان مايدري بالمشكله الي صارت بين ابوه وريفان ولا يدري انو ابو راكان اجبرها تتزوج سلطان** عطاها عقد الزواج توقع. راكان بابتسامه  : وقعي هني شافت ريفان فرح راكان واهلها وما حبت تكسر فرحهم لانو كانت راح ترفض بس قالت بنفسها ريفان بنفسها بتحدي : دامه يبيها تحدي ابو قلب قاسي انا بوريه مين تكون ريفان راح الين قلبه واخليه يحبني ونشوف يا انا يا انت يا سلطان شافت ريفان اسمه وتوقيعه تحته دققت بالتوقيع اشلون يعبر عن صاحبه ويظهر من التوقيع انو لشخص ملفت وزاهي بصفاته ناظرت اسمها ووقعت تحته ضمها راكان بفرح  : الف الف مبروح يروح اخوك سلطان رجال والنعم فيه بيشيلك على كفه وبيعز شانك ابتسمت ريفان بسخريه بس مابينت ابتسامتها سمعت صوت الحريم الحريم  : كللللللللللللوووووووووووووووووش كللللللللللللوووووووووووووووووش كللللللللللللوووووووووووووووووش تعالت صوت الزغاريد والفرح عم المكان دخلت ريفان الصاله والكل سلم عليها وبارك لها ام سلطان  بفرح  : الف الف مبروك يروحي الله يتمم لكم على خير ويجعل السعاده لكم بكل خطوه تخطوها ضمتها ام راكان بحب والدموع ماليه عيونها من الفرحه . ام راكان  : الف مبروك يمه الله يوفقك بحياتك ويبعد عنك كل حاسد وشمتان ريفان بخجل  : الله يبارك فيك باركو لها البنات باستثنى طيف الي راح تولع من قهرها راحو البنات الصاله الثانيه يرقصو ويفلو امها كانت طيف قاعده على الكنبه الي قاعده عليها روان شافتها تراسل سلطان وتبارك له هيام بحماس  : روان تعالي ارقصي معاي روان بحماس زيها  : يالله جايه تركت تلفونها على الكنبه وصارت ترقص مع هيام وغاده والريم  والبنات قاعدين يشجعو ناظرت طيف التلفون وابتسمت بخبث واخذت تلفون روان من دون ما احد يشوفها ودزت رساله لسلطان وبعدين حذفتها ورجعت التلفون لمكانه  راحت ل الموسيقى وشغلة اغنيه  الي مسويه نغمة الرنين بتلفونها وسوت نفسها كانو احد اتصل لها ناظرت البنات وقالت  : بنات انا رايحه اكلم خويتي وراجعه اشرو لها البنات بانو تروح ومو طاقين لها خبر اساسآ اتصل راكان على غيدا وقال راكان  : غيدا وينها ريفان غيدا  : هذي هي جنبي راكان  : عطيني ياها عطت غيدا التلفون لريفان وقال لها تجي الغرفه الي قريبه من المجلس بيشوفها سلطان ووافقت اخذت العصير الي كانت الشغاله مجهزته لها  مشت وشافت ام سلطان بطريقها ارتاحت فكرت راح تروح معاها وتقعد معاهم ريفان  : هلا خالتي بتروحي معاي ام سلطان   : امشي الحين جايه بس بنادي روان تجيب الشبكه ريفان  : تمام مشت ريفان متوجهه للغرفه فتحت الباب ودخل واول ما دخلت انصدمت وطاحت الكاسات من يدينها وصدى صوتها بالمكان انصدم سلطان ناظر لطيف الي منكمشه على نفسها وفستانها مقطوع من عند كتفها وشعرها متبهذل وروجها معفوس  وقاعده تبكي وروجها موسخ ثوب سلطان وازرار الثوب مقطوعه وشماغه طايح بالارض انصدمت وحست انو الصدمه شلتها وصلت ام سلطان وشافت باب الغرفه مفتوح وريفان واقفه مكانها ام سلطان  بابتسامه  : ريفان يمه اشفيك ادخلي ترا ولدنا ماياكل بشر ماشافت منها رد دخلت  وشافت الكاسات طايحه ؏الارض وصارت اشلأ بكل جهه دخلت تشوف اشفيها ريفان وانصدمت ام سلطان  من المنظر ام سلطان  بصدمه  : سلطاااااااان طيف سلطان للحين مصدوم مو قادر يحكي شي الحين بيفهمو غلط والتهمه راكبته من ساسه لراسه والادله تثبت انو هو الي مبهذل طيف ناظر لامه وشكلها المصدوم ماعرف وش يسوي والي زاد الطين بله انو ريفان  معاها مهما كان كرهه لها مايحب احد يشوفه بنظره مشمئزه سلطان بتبرير  : يم قاطع كلامه صوت طيف الي تبكي ودموع التماسيح كاله وجهها ** بنفسي اعرف اشلون يطلعو دموع التماسي ذي  لو يحطوها بمسلسل هندي متاكده بتاخذ اوسكار على تمثيلها** اكيد كلكم تتسائلو وش صار وكيف وصلت طيف وليه شكلها مبهذل كذا نرجع فلاش باك لمن اخذت طيف تلفون روان وكتبت رساله لسلطان تقله انو ريفان راح تجيه للغرفه الحين وحذفت الرساله بعدما شافت انو سلطان شافها طلعت بعدما خبرت البنات وراحت الغرفه بنفس الوقت الي راكان اتصل فيه لغيدا راحت للغرفه وقبل تدخل بهذلت شكلها وقطعت الفستان وعفست الروج اخذت الروج وحطته على شفايفها بكثره عشان تنفذ خطتها عفست شعرها بقوه والماسكار وحطت بعيونها قطره مسيله لدموع الي يبتدي مفعولها بعد دقيقتين من الاستخدام وذا عشان متاكده انو بالوقت ذا راح تحارب سلطان ورفضه لها لين ماتوصل ريفان دخلت الغرفه وشافت سلطان قاعد على تلفونه منسجم بالدردشه مع خوياه بقروب الشغل ومو مهتم مين الي داخل لانو مفكرها ريفان ومطنشها ومو طاق لها خبر دخلت طيف واستغلت انشغاله وراحت له بسرعه وضمته بسرعه وعلمت بروجها بالثوب وصار الثوب معفوس من الروج  ما استوعب سلطان حركتها لانو خضته وقف بسرعه و بعدها وهي تمسكت بياقه الثوب بقوه ولمن دفشها بقوه انقطعت ازرار الثوب وطاحت بالارض وطاح شماغه بالارض ناظرها سلطان بصدمه وكان راح يصرخ عليها ويضربها اشلون تدخل مكان فيه رجال مو محرم لها بس انصدم اكثر لمن شافها قعدت على الارض وصارت تبكي بنحيب وانصدم اكثر واكثر لمن دخلت ريفان وشافتهم بالمنظر ذا ماعرف وش يسوي مايقدر يقول شي لانو مايقدر يبرر لها شي  دخلت امه وانصدم الحين كبرت المشكله اكثر نرجع للواقع راحت طيف لام سلطان بشكلها المتبهذل والدموع مغرقه وجهها وتخبت ورا ظهرها وقالت طيف بصوت متقطع من البكى   : ت تكفين  اهئ اهئ بع بعديه عني ولدك اهئ اهئ اهئ ح حاول يغتصبني انصدمت ام سلطان وريفان وسلطان ماكان اقل منهم صدمه ناظرتها ام سلطان  بعدم تصديق  لانو تدري بابنها ماعنده ذي الحركات ومانه مراهق لحتى يسوي الشينه مع ضيفتهم وهو بالذات الي مستحيل احد يصدق فيه الكلام ذا بس المصيبه انو كل شي ضده ومستحيل احد يصدقه انو بريئ ولانو شكله مبهذل وذا الي اثبت عليه كلام طيف اما ريفان قاعده ومصدومه شافته ببيت الجد سلطان  وسكتت بس الحين قاعد يخونها ومع بنت ثانيه بوضع ما يساعد الواحد على انو يفكره بطريقه غير التعدي على طيف حبيبته الي سمتها ريفان حقدت عليك اكثر هي بنت عندها كبرياء سامي وما ترضا على نفسها تقعد مع رجال ماملت عينه وصار يسوي الشينه مع غيرها ويعصي ربه **اه منك ياريفان متى تفهمي انو كل الموقفين سوء فهم وسلطان اطهر من انو يقول عنه ه‍الكلام** راحت ام سلطان لسلطان وووو طخ  ضربت سلطان كف . انصدمت ريفان ماتوقعتها تضربه كف ما ابدا سلطان اي ردة فعل قالت ام سلطان بقهر منه وعليه  : اشلون سويت كذا ياسلطان فهمني اشلون تسوي كذا بيوم ملكتك تروح لطيف وعندك ريفان الي تسوى بنات الكون  *وقالت بقهر اكبر * والله ما عرفت اربيك ياولد بطني ماتكلم سلطان بحرف واحد لانو متاكد لو يتكلم من اليوم لبكره ما احد راح يصدقه شاف طيف طالعه بشكلها المتبهذل وللحين تبكي تاكد انو اليله ماراح تعدي على خير توجهت ريفان للباب طالعه استوقفها صوت ام سلطان  ام سلطان   : وين يريفان ريفان بقهر   : رايحه اسئل ابوي وش شاف في ولدك لحتى يختاره من بين الكل وش شاف فيه زود عن الرجال ام سلطان بصدر ضايق  : ريفان يبنيتي امسحيها بوجهي ريفان بكبرياء  : خلي ولدك يطلقني ياخاله الخاطر عافه خليه يصلح غلطه ويتزوج طيف كانت طالعه على دخلت ام طيف والشرار يتطاير من عيونها دخلت ام طيف ودفشت ريفان من كتفها ودخلت وهي تصارخ. ومن علي صراخها سمعها الرجال الي كانو بالمجلس والغرفه قريبه من مجلس الرجال •• تركيا •• دخل نايف مع سناء شقته ورما جاكيته على الكنبه وهو مرهق توهم راجعين من السفاره تزوجو بعدما خبر اخوه ابو مازن ووافق يتزوجها مادامها مسلمه ناظرها نايف. نايف  : اسمعي يا سناء علاقتنا ستكون بحدود ولا اود تجاوزها لسببً ما انا ساختفي لفتره ولن اتواصل معاك مهما حدث ستعيشين مع اخي وزوجته وابنائهم سيحبوكي وانتي تبادلي معهم الحب والاحترام ولا تعصي لاخي امرآ انا ذاهب لمكان ما، ولا اعلم هل ساعود منه حيًٰ ام لا كوني بخير ولا تسمعي ارأ من حولك كوني قويه وتذكري دائمآ كلام اباك سناء بدموع  : لا ترحل يا ناي لا اود تركك بمفردك انت عائلتي ولا يمكنني التخلي عنك دعنا نعود الى وطنك ونهرب من تركياء ولن يمسك بنا الشرير جاك  ارجوك لاتتركني بمفردي لاتتركني كما فعل ابي ضمها نايف بحنان من شاف بكاها. نايف بحنان  : لاتبكي ياصغيرتي اذا مت ساذهب الى ربنا وهو سيحدد مصيري عليك بالدعاء لي ان اعود حيًٰ لدي مهمه ولا يمكنني اخبارك بها كوني بخير من اجلك ومن اجلي سناء ببكى  : ارجوك ناي لاتذهب لايمكنني العيش بدونك مسح  نايف دموعها بحنيه  : عزيزتي سناء انتي تعلمين اننا ك مسلمون علينا الرضاء بقضاء الله وقدره اليس كذالك سناء ببرائه  : اجل كمل كلامه نايف  : لذالك انا اخبرك اذا ذهبت ولم اعد لاتبكي وتصرخي بصوت عالى فذالك يغضب الاله كوني مؤمنه بلله ولا تعترضي عن المكتوب  امرأة اخي ستعلمك اساسيات الاسلام وكيف يمكنك الصلاه واللجوء الى الله حينما تكوني مرهقه من الحياه ومتعبه من الفراق كلما عليك هو ان توقفي بين يدي لله وتدعيه دعائآ صادق وربنا سيحقق لك ذالك بكل تاكيد سناء بفرح  : اتقصد ان امرأة اخاك ستعلمني كيف اصلي نايف بابتسامه  : اجل سناء بفرح طفولي  : اذا عدت من مهمتك عدني بانك ستاخذني الي بيت لله وساقوم بالدوران حوله كما ارأ بالتلفاز نايف  : اعدك ساخذك اليه باست سناء خده بخجل وقالت سناء بخجل  : شكرنآ ناي نايف بابتسامه  : على الرحب والسعه سمع صوت جرس الباب عرف انو منار الي قال لها تجي مع مازن ياخذو سناء نايف  : الان علي الذهاب ابنت اخي اتت ستذهبيً معها سناء بضيق  : اذهب يحفظك الله ابتسم لها نايف وطلع فتح الباب وكانت منار ومازن  دخلهم وراح طلع من الباب الشقه وراح للكراج الموجود تحت العماره الي فيها شقته اخذ سيارته وتوجه للكابور الي مستنيه عشان اليوم اول يوم له تدريب وهو متحمس يشوف نايف لمتى راح يصمد على تمارينه الشاقه الي اهلكت اغلبية رجاله الرياض  بيت الجده نوره ـــــــــــــــــــــــــــــــــــــــ دخلو البيت وبيدينهم اكياس كثيره توهم راجعين من السوق وخلف هو الي وصلهم  قالو له يدخل يتقهوى معاهم بس عيا لانو يبي يلحق على ملكة سلطان اول ما دخلت وله الصاله رمت الاكياس بالارض ورمت نفسها ؏الكنبه وهي مرهقه وتعبانه من الساعه 7:00ص الى الحين وهي بالسوق قاعدين يفرفرو من محل لمحل واشترو الجهاز كامل حتى خلف كان معاهم وقاعد يساعدهم ذوقه حلو وقرر ياخذ لوله فستان اخذه وخباه من دون ماتشوفه وله او الجده حاسب عليه وحطه بسيارته  وله بتعب وبصوت عالي شوي  : اخ ياظهري اخ يا رجولي مو قادره اوقف عليهم زين قعدت الجده نوره على الكنبه المقابله لها وقالت الجده نوره   : هوو اشفيتس تصارخي علامتس كل ذا عشانتس رحتي السوق اجل لو كنتي مكاني لمن كنت بنيه وش كنتي راح تسوين كنت افرفر سوق حايل باليوم عشرين مره وما اتعب مثلتس بس جيل اليوم مدري علامه وله بتعب ونرفزه من كلام جدتها  : يمه نفدالتس الحين تقارنيني فيس ترا زمان اول تغير واحنا مو زي زمنكم يمه الجده نوره   : هوو اشفيه زمنا زينه الازمان والله وله  : يمه نفدالتس مافيه شي بس اقلتس انو زمان اول الناس اقوياء وعظمهم قوي مو زي زمنا البنت توصل العشرين وهي تصيح من اللام الظهر والركب  الجده نوره  : اكيد وانا امك لانو ماكنا ناكل غير مرقوق وعصيد وحليب نياق ولحم والتمر  مو مثلكم كل اكلكم خرابيط اندومي وشبسات وببسي وذا الي يدمر الصحه وانا امتس والحلا الي جاب لكم السكر وله بملل  : يمه اجل وش ودس ناكل ترا كل البشريه تاكل زينا والخرابيط ذي ترا حتى انتي صرتي تاكليها الجده نوره   : انا ماعرفت اغلبس ياعزتي لك ياخلف ماعرفت تختار الا ام لسان، قصيره ولسانها مترين وله بزعل  : اشوفتس قاعده تجرحيني بالكلام يانوره الجده نوره   : لا وانا امتس ما جرحتس مير ودي لو تصيري سنعه وذربه ولسانتس ما يطيح بلسان غيرك وله بتسليك  : ابشري الجده نوره   : وله يبنيتي  بكره زواجتس  وما ابيك تعاملين خلف بطريقتس ذي كتفت وله يدينها وقالت وله  : اجل كيف ودس اعامله يمه الجده نوره   : وله يبنيتي خلف رجلتس وما يصير تعاملينه كذا لازم تزينين اسلوبتس معاه وتحبيه وتحترميه وتعرفي انو اذا غضب عليك تغضب عليك الملائكه لازم تصيري حرمه سنعه وابي العلوم الزينه تاصلني من خلف نفسه وهو يمدحس بادبتس واخلاقس ويقول عز الله عرفت اختار وله بنت الحمايل ما ابيه يجيني ثاني يوم ويشتكي منس ويقول مزوجيني مهبوله ماتعرف تتحسي ولا تسوي شي ولسانها طايل  وله يمه ابي السمعه الزينه ما ابي يقولو عن نوره ماعرفت تربي تاثرت وله من كلامها وحست انو كلامها صح وقررت تفكر بالاوضاع وتشوف وش راح يصير بكره وله  : ابشري يمه راح تسمعي العلوم الزينه الي تبرد خاطرس الجده نوره   : الله يبشرتس بوج النبي ابتسمت لها وله وقعدو يسولفو والجده تعلمها اشلون تصير حرمه سنعه قصر ابو فارس ـــــــــــــــــــــــ دخل فارس القصر وتوجه طالع لجناحه استوقفه صوت امه ام فارس  : فارس يمه وين رايح تعالي تعشاء فارس بتعب  : مالي نفس يمه ابو فارس بامر  : فارس تعال ابيك راح فارس له وهو متضايق ومخنوق راح لهم وقعد على الطاوله غرفت له امه الاكل وحطته قدامه بس ما اكل منها شي يحس نفسه مسدوده عن الاكل قعد يحرك الاكل بالصحن وهو سرحان ابو فارس   : فارس صحي فارس من سرحان ناظر ابوه فارس   : سم ابو فارس   : سم الله عدوك عاجبك حالك فارس باستغراب  : اشفيه حالي ابو فارس  : اشلون اشفيه حالك ماتشوف اشلون ضعفان وشعرك طايل وشواربك مهمله وماصارت تهتم لنفسك زي قبل فارس بضيق  : ايوا عاجبني شكلي يعني اشلون تبغاني اناظر لشكلي واختي وامي ضايعين ونا ادري وين اراضيهم ابو فارس   : شوف اشلون ضعفان وحالتك حاله والتعب واضح من عيونك ارحم حالك شوي  وادعي لهم يمكن تلقاهم انت تدري انو الشرطه دورت عليهم وما حصلوهم اجل انت بلحالك تقدر تلاقيهم فارس بضيق  : يبه انا راح ادور عليهم لاخر يوم بحياتي وماراح ايأس ابد قال ابو فارس وكانو تذكر شي ابو فارس   : الا اشفيك مارحت اليوم لملكه سلطان ولد عبدالعزيز  فارس بضيق  : يبه تدري معرفهم وانا متغرب من صغري وميانتي معهم مو بذاك الزود وتبغاني اروح لهم  الا انت ليه مارحت ابو فارس   : تعذرت منهم كانت معاي صفقه وخلصتها وتوي راجع قبلك بنص ساعه وجه فارس نظره لامه وسائلها فارس  : طيب ليه مارحتي يمه ام فارس  : اذا رحت بحالي تدري ماراح يتركوني بدون ضيافه وعمي سلطان بيزعل اذا مازرته ببيته وبكون اتورطت بعزايم مع الكل وماراح يتركوني بحالي ابد فارس  : اممم شرايك يبه لو نعزمهم يوم ونتعرف عليهم زين ابو فارس   : حلوه الفكره *ناظر ام فارس وسائلها *عندك شي بكره ودي اعزمهم ام فارس   : لا ماعندي شي اعزمهم حياهم الله باي وقت ابو فارس بفخر من كرم زوجته وجودها  : تسلمي ماتقصري ياروحي فارس بضحك   : دام فيها روحي وغزل انا رايح اريح قبل اصير منحرف بسببكم ضحك ابو فارس وام فارس وقعدو يسولفو بينما فارس راح غرفته وقعد فيها وهو مهموم اشلون بيلاقي الجازي وريفان تعب وهو يدور وما حصل لهم اثر قصر ابو راكان ـــــــــــــــــــــــ دخلت ام طيف وهي معصبه وراحت لسلطان والغضب عامي عيونها. ام طيف  بغضب   : ذي اخرت ثقتي فيك يا سلطان تتعداء على بنيتي سلطان  :  ـــــــــــــــــ ساكت لارد. قاعد يفكر بطريقه تطلعه من مصيبته ذي دخل الجد سلطان وشاف طيف بالمنظر ذا وسلطان واقف مكانه وام طيف قاعده تهزئه وهو واقف وساكت مكانه راح له الجد سلطان  وهو معصب منه قال الجد سلطان  : ماتوقعتها منك ياسلطان بيوم ملكتك تسوي كذا. تكلم سلطان بثقه بعد صمت سلطان بثقه  : تضن فيني الشينه يالغالي وانت تدري منو سلطان  وبعدين لو ابي اعتدى عليها بعتدي عليها بالغرفه الي راح اشوف فيها ريفان  ياجده طيف دخلت علي وانا كنت قاعد على تلفوني فكرتها ريفان وفجأه الا اشوفها تنط علي وتوسخ ثوبي بروجها وقطعت ازرار ثوبي وبعدها قعدت تبكي  ويشهد الله علي ماكذبت بكلمه وهي الي دخل وانا مالمستها وبعدين ياجدي ليه اتعدا عليها واليوم ملكتي ولو ابي اتعدا على احد فهو على حرمتي ومو على احد ثاني لانو حلالي  اقتنع الجد بكلامه بس طيحت طيف اقتناعه بثواني طيف ببكى  : ايوا الف قصص من بالك وخبي فعلتك الشينه لانو انت رجال وحامل عيوبك مو زيي انا الي الناس بتضربني بشرفي وانا بريئه *ناظرت الجد سلطان  *الحين هذا عدلك ياكبير الكايد هذا حكمك ياشيخهم حس الجد سلطان انو لازم سلطان يصلح غلطه حتى لو ماكان غلطان ويتزوج طيف لان مايقدر يساوي شي غير كذا الجد سلطان بصرامه   : بكره ملكتك ياسلطان انت وطيف وغلقو السالفه ناظرته ريفان بكره وقالت ريفان  : وانا ياشيخنا ترضها علي اقعد على ذمت شخص خان ربه ودينه وما احترم حرمت البيت الي قاعد فيه هذا حكمك ياجدي هذا حكمك يا شيخ عجز الجد سلطان  يتكلم اخرسته بكلامها تذكر انو وعد نفسه ليكسر راسها وانو سلطان الشخص المناسب لها قرر يترك القرار الاخير لسلطان الجد سلطان   : هذا هو زوجك قدامك اذا وده يطلقك ماراح اقول لا  *ناظر سلطان *هاه ياسلطان ودك تطلقها سلطان   : لا ياجدي ماراح اطلقها والموت اقرب لها من انو اطلقها  *ناظر ريفان  * راح تبقي على ذمتي يابنت العم معززه مكرمه ويشهد الله مالمست طيف ولا راح المسها مهما كان الشيطان قوي ترا الايمان اقوى وانتي مكانك ؏الراس يابنت عمي ومقامك ماينزل بالعكس يطلع واذا ودك تصدقي السالفه زيهم صدقي انصدمت ريفان  ثقته بالكلام تخليها تشك انو بريئ بس اشلون وهي شافت طيف بقصر الجد قاعده بحضنه ريفان  : اشلون اصدقك وانا شفتها قاعده بحظنك قبل ثلاث ايام سلطان باستغراب : متى  سلطان نسي الموقف لانو حس مو مهم ريفان  : بقصر جدي بالليل لمن رحت اشرب شفت طيف حاضنتك وانت مستسلم تذكر سلطان الموقف وقال سلطان  : هي الي طلعت بوجهي وشفتها طايحه وتتاللم وساعدته حست طيف انو ذي نقطه لصالها ولازم تستغلها طيف ببكى  : لا ماساعدني هو كان يتحرش فيني من اول بس ماحبيت ابلغكم واكون سبب بدمار العائله انصدم سلطان  وريفان مو اقل منه صدمه لانو لمن شافته بقصر الجد سلطان  كانت هي الي حاضنته ريفان بتبرير  : كذابه ماكان يتحرش فيها هي الي كانت ضامته وانا معرفك ولا اعرف سلطان زين وماراح اشهد مع احد زور بس ياجدي سلطان بريئ من التهمه الي بقصرك لانو انا شفتها بعيوني وهي تضمه وتقول سلطان الجد سلطان   : بكره بنشوف السالفه واهم شي ماتطلع برات القصر وانتي ياطيف تعالي معاي القصر وبكره بخلي المملك يجي واملك لكم والحق بيظهر اليوم او بعد شهر الكل راح على بيته والملكه تخربت بسبب الافعى طيف **انا شفت افاعي كثير بس زي الافعى ذي ماشفت يناس شيطانه اشلون فكرت بخطتها ذي** (( وصلنا لنهاية البارت  )) //توقعاتكم // نايف راح يصير له شي   ؟ زواج وله وخلف راح يتم على خير  ؟ سلطان راح يقدر يبرئ نفسه من اتهام طيف  ؟ ريفان راح تصدق انو بريئ  ؟ هل راح تتم الملكه وسلطان يتزوج طيف  ؟ او راح تصير معجزه وتتفركش ملكة طيف وسلطان  باخر لحظه  ؟ شاركوني توقعاتكم الحلوه يحلوين .