جيتك وكلي جروح وابي منك تداويني - الفصل 15 | روايتك

البارت الخامس عشر ـــــــــــــــــــــــــــــــــــ حست ام راكان بثقل ريفان بحضنها خافت عليها بعدتها عن حضنها وشاف ريفان مغما عليها خافت عليها وصرخت ام راكان   : ريفاااان يمه تسمعيني بس مافيه اجابه من ريفان طبطبت ام راكان على خدودها وما صحيت طلع ابو راكان من مكتبه خاف لمن سمع صوت ام راكان وراح يشوف اشفيه  ابو راكان  : اشفيه يا ايمان؟ ام راكان   : مدري اشفيها ريفان ناظر ابو راكان لريفان وشافها فاقده الوعي بين يدين ام راكان راح لها ابو راكان وطبط على خدها وهو خايف عليها ابو راكان  : ريفان يبه اشفيك اصحي ريفان  :  ــــــــــــــــ لارد ناظر ابو راكان لام راكان وقال ابو راكان  : امشي افتحي جناحها باخذها له ام راكان   : طيب اخذ ابو راكان ريفان بين يدينه وحملها وطلع من الصاله وتوجه فيها لجناحها فتحت له ام راكان الباب دخل وتوجه لغرفتها حطها ؏السرير وتاملها لفتره ناظرته ام راكان   ام راكان  بعتب : تو قلبك يرق بعد كلامك لها التفت لها ابو راكان. ابو راكان  : قلبي عليها رقيق بس هي الي ماتحس ام راكان  : الحين هذا الي طلع معاك بدال ماتحس بالذنب انو راح تجبرها تتزوج سلطان ابو راكان  : سلطان رجال ونعم فيه وهو الي راح يربيها ويعلمها تحترم الغير ام راكان  : ريفان متربيه احسن تربيه ولا عندك شك بتربية الجازي تنهد ابو راكان بضيق  : لابلله ماعندي شك ابد بس ماشفتي اشلون طولة لسانها علي وفوق ذا كله قالت على سلطان مو رجال ام راكان   : سلطان مو غبي يحط راسه براسها ، وبعدين ريفان ماتقصد هي قالت كذا لانو انفعلت وكانت اعصابها تعبانه ابو راكان  : سلطان رجال ونعم فيه وانا افتخر فيه واعزه وماراح الاقي لريفان احسن منه ام راكان  : الله يرقق قلبوهم لبعض ويكتب الي فيه الخير ابو راكان  : يارب قالت ام راكان وكانو تذكرت شي ام راكان  : فيصل لوشو الدواء الي عطاك ياه سلطان تذكر ابو راكان الدواء واستغرب لانو هو ماطلب منه يجيب شي ابو راكان  : مدري والله ماسئلته ام راكان  : اس قاطع كلامها دخول غاده وغيدا الي توهم جايين من قصر الجد سلطان دخلت غاده بسرعه تفادت امها وابوها وراحت ل ريفان غيدا  : السلام عليكم  ام راكان وابو راكان  : وعليكم السلام  غاده بقلق : كيفها يبه ليه للحين نايمه ابو راكان  : بخير بس فاقده الوعي غيدا بخوف  : اشلون فاقده الوعي ليه ما اخذتوها المستشفى لايكون رجعت تتحسس من ثاني استغرب ابو راكان اي حساسيه وام راكان ماكانت اقل منه استغراب. ام راكان  باستغراب : اي تحسس ليه ريفان متى تحسست غاده : اليوم ؏الفطور جابت لها الشغاله حليب بالفراوله و........................................................................................................... وحكت السالفه من اولها لاخرها ام راكان  : اشلون يعني ريفان عندها حساسيه من الفراوله ولمن وصلها عمي سلطان كانت توها راجعه من الستشفى غيدا  : ايوا ناظرت ام راكان  ابو راكان بعتب ام راكان  : الحين ارتحت وبعدك تسأل اشلون ريفان للحين ماتقبلتك تعرف ليه ماتقبلتك لانو ماشافت منك اي حنان توها جايه من المستشفى تبغا احد يسألها يحسسها بالحنان الي فقدته بس للاسف لا انا ولا انت الي سوينا كذا للاسف كلنا اخطينا بس خطاك اكبر يافيصل ياليت ماتسرعت ووافقت على خطبت سلطان وانت تدري فيه ماعنده قلب ويتعامل مع الكل بصرامه وقلبه قاسي وانت بكل بساطه رميت له ريفان بكل سهوله ابو راكان بندم  : ماكنت ادري وتوي استوعب خطاي صح انفعلت عليها حيل بس برضو ماكان لازم تقول على سلطان الكلام ذا انا مقدر ارفض سلطان وغيري السالفه ولا تنسي ملكتهم الخميس ام راكان  : طول عمرك كذا وماراح تتغير يافيصل الاب الي يحب يكسر قلوب اولاده بتصرفاته المتسرعه ابو راكان ببرود  : انا رايح مكتبي طلع وما اهتم لندائت ام راكان ناظرتها غيدا باستغراب وهي مو فاهمه شي وغاده برضو تناظر امها مستنيتها تتكلم غيدا  : اشفيه يمه اي خطبه واي كلام ام راكان  بضيق  : قبل ساعه كنا قاعدين بالصاله و........................................  وحكت لهم السالفه غيدا  : يمه ابوي تسرع بقراره اشلون يوافق عليه بدون ما يسمع رد ريفان ام راكان  : عجزت اقنعه ابوك يحب سلطان وتدري مايقدر يرد له طلب وبذات انو ريفان غلطة عليه بالكلام غاده بكرهه  : وسلطان الكريه اشعنده قلو بنات الارض لحتى ياخذ ريفان ام راكان  : خلاص غلقو السالفه انا تعبت منها ناظرت غيدا وقالت ام راكان  : غيدا خلك جنب اختك اهتمي فيها واذا صحت اتصلي لي بجهز لها الفطور غيدا  : تمام طلعت ام راكان  من جناح ريفان وتوجهت لجناحها اما غاده وغيدا قعدو مع ريفان مستنينها تصحي •• تركيا •• قصر الكابور ــــــــــــــــــــ دخل جاك ورجاله سأل جاك الشغاله عن الكابور قالت انه بمضمار الخيل راح له بمضمار الخيل قاعد الكابور يتسابق مع بنته كارلا فازت كارلا على الكابور وذا بحركه منه عشان يسعدها مع انو ما احد يغلبه بس خفف سرعة خيله عشان تفوز ضحك الكابور من شاف طفلته فرحانه رجعو لخط البدايه وهو يسولف و يضحك مع بنته   شاف جاك جاي جهته اشر له انو جاي لايدخل المضمار وسمع كلامه نزل الكابور من خيله ومسك يد كارلا ونزلها وبعدها راح لغرفة التبديل الي  جنب اسطبل الخيل غير ملابسه وراح للحديقه  يشوف جاك  اش عنده قعد بالحديقه وجابت له الشغاله قهوته وقعد يشربها مستني جاك يتكلم شافه ماتكلم قرر يسئله الكابور  : هل سلمتم البضاعه جاك بتوتر  : لا لقد امسكت بها الشرطه قاعد الكابور يشرب قهوته ببرود وذا الي زاد من خوف وتوتر جاك لانو يدري انو خلف البرود ذا عاصفه مميته الكابور  : اين هم الرجال جاك  : انهم بالخارج الكابور  : اذهب بهم الى المستودع الخلفي ساتيك بالحال ادرك جاك انو موته اليوم لا محال منه لانو يدري وش معنا المستودع الخلفي راح جاك ينفذ كلامه بينما الكابور وقف رايح للمستودع استوقفه صوت كارلا كارلا  : ابي التفت لها الكابور الكابور بابتسامه  : اهلآ صغيرتي مابك كارلا بحماس  : ابي اريد الذهاب الى السوق هل تسمح لي بذالك الكابور  : اجل ولكن برفقة الحرس كارلا بتافف  : لا ابي لا اريد الكابور بهدوء  : اذا لم تذهبي برفقة الحرس فلن تذهبي الى السوق كارلا برجاء  : ابي ارجوك الكابور بصرامه  : لقد اخبرتك اذا لم تذهبي برفقتهم لن تذهبي كارلا بتافف  : هفف حسنآ ساذهب برفقتهم ولكن عليك اخبارهم بان لايتعرضو لاصدقائي الكابور   : حسنآ ساخبرهم طلع من جيبه كيدرد كارد وعطاها لها الكابور  : اذهبي واشتري ماتودين شرائه كارلا بفرح  : ابي انت اب عظيم وانا احبك ضحك الكابور ومسح على شعرها برفق وقال الكابور  : وانا كذالك  ياعزيزتي باسته كارلا بخده وراحت تاملها الكابور وهي طلعه من القصر مع الحرس وبعدها تحو وجهه من الوجه البشوش الى الوجع الشرير الي يترقب بصمت متى يذهب للقضاء على فريسته تطمن على كارلا ثم اخرج هاتفه وارسل رساله لنايف وبعدها  راح للمستودع الخلفي دخل المستودع المستودع الخلفي  عباره عن مجزره مكونه من جميع ادوات التعذيب كان مستودع كبير فيه طاوله كبيره محطوط عليها ادوات التعذيب وطاوله اخرى محطوط عليها الاسلحه وطاوله اخرى محطوط عليها منشار وقربان باشواك حديديه   وسرير بعيد شوي ل الجراحه كان المستودع يخوف ومرعب لانو الاشياء الي فيه تجيب الرعب من منظرها ناظرهم الكابور بنظره طويله وبعدها قال الكابور  : من منكم الخائن ما احد تكلم الكابور  : جميل لا احد يود ان يخبرني من الخائن راح لطاوله الي محطوط عليها الاسلحه اخذ مسدس وعباه بالرصاص قال وهو يعبي الرصاص الكابور  : حسنآ ساعرف الخائن بنفسي سحب المسدس وصار جاهز للاطلاق ووجهه بوجه رجاله ناظرهم واحد واحد واستقر نظره على  واحد من الرجال ووو طخ  صوب عليه وجات الرصاصه  براسه وطاح ميت الكابور بقلب ميت  : من يود الموت بعده الكل ساكت ماتكلمو ابد سمع صوت الباب واضح فيه شخص ؏الباب ناظر الكابور لجاك. الكابور  : اذهب والقي نظره على الطارق وعد لي بالحال جاك  : حسنآ سيدي راح جاك يشوف مين الي ؏الباب وشاف نايف رجع جاك للكابور واخبره انو نايف ؏الباب الكابور بخبث  :  دعه يدخل راح جاك وفتح الباب لنايف دخل نايف واستغرب من المكان حس بقشعريره من المنظر وريحة الدم تملأ المكان حس نفسه راح يرجع بس تماسك دخل وشاف الكابور ماسك مسدسه وقدامه الرجال وجاك وفيه شخص طايح ؏الارض نايف باستغراب  : ماذا حدث لما الرجال هنا ياسيدي الكابور بخبث  : الا تود الانظمام الى الكابور نايف بحماس مصطنع  : اجل الكابور بخبث  : اذن اعلن ولائك لي وقم بقتل هؤلا الخونه انصدم نايف وكان راح يرفض بس نادها العقيد بالسماعه وقال له العقيد  : نايف سو الي قاله انت الحين شرطي وقتلهم مو جريمه لانو هم مجرمين سمع نايف كلام العقيد وقرر ينفذ تقدم نايف بثقه وقال نايف  : حسنآ سافعل عطاه الكابور المسدس واشر له يقتل كم واحد ماتردد نايف ابد ووجه المسدس للاشخاص الي اشار عليهم وو طخ طخ طخ طخ طخ طخ  طخ قتل سبعه من رجال الكابور بدون مايرف له جفن صفق له الكابور بحماس الكابور بحماس  : احسنت راح له وصافحه الكابور بابتسامه  : اهلآ بك عزيزي ناي بالكابور الان اصبحت فردآ منا نايف  : شكرآ لك سيدي انهُ لشرفآ عظيم ان انظم لك ياسيدي راح له جاك وضمه. جاك بفرح  : اهلآ بك ناي نايف  : اهلآ بك جاك راح الكابور لجاك وقال بضحك الكابور  بضحكه  : هههههههه  لم اود ان اضحك واضيع هيبتك ياعزيزي ولكن شكلك كان مضحكآ وانت خائف مني جاك بضحك  : انك تخيف الاسود يا سيدي فلماذ لا تريد ان اخاف انا ايضآ ضحك جاك والكابور ونايف  وبعدها طلعو من المستودع وامر الكابور رجاله يرمو الجثث الرياض  بيت الجده نوره ــــــــــــــــــــــــــــــــــــــ قاعده تسوي الغداء والجده نوره قاعده تقطع السلطه سمعو طق الباب الجده نوره  : وله يمه روحي افتحي الباب ذي اكيد ام عايد وله  : طيب راحت وله  تفتح الباب بدون ماتسأل مين ؏الباب فتحت وشافت خلف واقف ؏الباب بسرعه مسكت مقبض الباب تبي تغلقه بس استوقفتها يد خلف الي مسكت الباب خلف  : افا تغلقين الباب بوجهي وله بخجل من شكلها  : استنا ارتب شكلي وادخل تامل خلف شكلها وكانت لابسه بنطلون سكيني وبلوزه بالون الاسود ولافه شعرها باهمال بمشبك ولابسه شبشب البيت رغم بساطتها الا انها جميله وجمالها ؏الطبيعه احلا سرح خلف شوي وتامل جمالها قال بنفسه خلف بنفسه  : لاتطيح بشباكها ياخلف هي زي امك راح تخونك وتبيع دينها واخلاقها وتسوي زي امك  بس قلبه قال  : لا ياخلف الحريم مو زي بعض ووله غير هي بريئه وطيبه وعلى نياتها مو زي امك جاوبه عقله  : لا ياخلف لاتطيع قلبك فكر بعقلك شوي هم كذا يستغلو جمالهم للفت الانظار وبعدها يخونو العشره قعد خلف سرحان وهو في صراعات مع نفسه وقلبه وعقله صحي من صراعه الداخلي على صوت وله وهي تقول وله بخجل من نظراته المتفحصه لها  : خلف غض بصرك خلف بروقان  : ملكي وحلالي ليه اغض بصري خجلت وله واكتسى خدودها احمرار من الخجل نادت الجده نوره  من المطبخ. الجده نوره  : وله يمه اشفيك طولتي وينها ام عايد وله  : يمه ذا خلف مو ام عايد طلعت الجده نوره من المطبخ وتوجهت للباب شافت خلف ؏الباب ووله ماسكه الباب الجده نوره  : وله يمه اشفيك موقفه رجلك ؏الباب كانت وله راح تتكلم بس سبقها خلف وتكلم قبله خلف بتمثيل للحزن  : شفتي ياخاله بنت ولدك رافضه تدخلني الجده نوره  : ادخل يمه وله مو مستوعبه شي لانو مفكرتك ام عايد ابتسم  خلف ودخل البيت راح مع الجده الصاله يسولفو بينما الغداء يجهز راحت وله بتغير ملابسها وتتروش من ريحة المطبخ بس وقفها خلف خلف  : وله وين رايحه وله بخجل  : بغير وجايه خلف ناظرها من فوق لتحت  : اشفيه لبسك حلو ترا الجده نوره  : معليه يمه خلها تروح تغير ماراح تتاخر راحت وله بعدما سمعت كلام الجده نوره  الجده نوره  : تكلم يمه ادري بفمك كلام ودك تحكيه خلف بابتسامه  : فاهمتني صح  احم انا جاي احدد موعد العرس ابيه يكون بعد ثلاث ايام اذا يناسبكم لانو مسافر وابي وله تروح معاي الجده نوره  : بدري بعد ثلاث ايام مايمدي ناخذ جهازها خلف  : مافيه داعي انا شريت كل شي بس ابي موافقتها الجده نوره  : ماضنتي توافق خلف  : وش المانع الجده نوره  : انا قلت لها انو انت راح تعيش معانا ماضنتي توافق تتزوج وتتركني بحالي خلف  : ياخالتي ان ادري وانتي تدري انو كل بنت مصيرها بيت زوجها وبعدين ترا حتى انتي بتروحي معانا الجده نوره  : ادري ياوليدي ادري  بس انا مقدر اترك البيت الي عطاني ياه ابو الجازي بس بحاول اقنعها طلع خلف من جيبه مبلغ محترم وقال خلف  : هذا مهرها اقنعيها انا رايح وراي شغل الجده نوره  : وين وين يمه الغداء خلف  : معزوم عند خويي مقدر اتأخر عليه الجده نوره  : اجل معذور طلع خلف من البيت وراح لقصر ابو سلطان اما وله طلعت من غرفتها واستغربت انو خلف راح قبل يتغداء قالت لها الجده نوره  السالفه ورفضت وله رفض تام بس الجده نوره اقنعته مصير كل بنت بيت رجلها والرجال شاريك والجهاز بنخلصه بسرعه ومن هالكلام **اكيد الكل يتسائلو وش سالفة ام خلف انا راح اقلكم خلف لمن كان بعمر 20 بعد عزاء ابوه باسبوع دخل بيتهم وشاف امه مع رجال غريب بوضعيات استغفر الله انصدم وامه انصدمت ماتوقعت انو يجي بالسرعه ذي لانو مايرجع من الجامعه الا الساعه 4 م، طلع من البيت وهو مصدوم بلغ عن امه وانسجنت هي وحبيبها ومن ذيك الحظه صار يكره الحريم وما يطيقهم  ** قصر ابو سلطان ـــــــــــــــــــــــ خبر سلطان اهله بالسالفة الخطبه وانو الملكه بعد يومين يعني يوم الخميس الكل فرح له وبارك وقال لامه تجهز الغداء لانو عازم خوياه راح سلطان للمطبخ يشوف امه اذا خلصت الغداء او بعدها شافها قاعده تظيف المسات الاخيره عليه وكل شي جاهز سلطان  : ها يمه كل شي جاهز ام سلطان  : ايوا بس بتركهم بالقدور لين يوصلو وبعدين بغرف الاكل سلطان  : تسلمي يمه ادري تعبتك معاي ام سلطان  : خوياك بمقامك يولدي وكلهم من غلاتك راح لها سلطان وباس راسها بحب سلطان  : الله لا يحرمني منك يمه ولا من طبخك الحلو ام سلطان بغمزه  : اخاف بس تجي ريفان تنسى طبخي سلطان بسخريه دفينه  : لا ريفان ولا عشره من امثالها ينسيني طبخك ام سلطان بضحكه   : هههههههه  بنشوف ياولد بطني سلطان بغرور  : ماعاش من يمشيني ؏كيفه انا سلطان يمه امشي الكل وما امشي ام سلطان   : بنشوف ياسلطان اذا ما جيتني بيوم تقول يمه ترا طحت بالحب وادمنت اكلها سلطان بغرور  : مابقى الا هي احبها ام سلطان باستغراب  : يمه سلطان الي قاعد تتكلم عليها ترا بتصير حرمتك ليه حرام تحبها وتحب طبخها سلطان ببرود  : هذا اذا تعرف تطبخ اساسآ ام سلطان  : سلطان يمه ريفان ذاقت الحرمان والفقد اذا بتتزوجها وتوريها قسوتك من الاحسن تهون لانو العشره ماتكمل بقساوة القلب وبرود من الطرفين سلطان بتهرب   : يمه ترا تاخرت بشوف روان خلصت او بعدها ام سلطان  : غير الموضوع وتهرب من السالفه بنفس القصر قبل دقائق بمجلس الرجال دخلت تبخر المجلس وترتب الضيافه زين كانت لابسه بنطلون ازرق وتيشيرت ابيض ومسويه شعرها ذيل الحصان ورافعه غرتها لورا ومسويه مرطب شفايف لون توتي شالت اسوارتها وحطتها على طرف الطاوله لانو فيها سلاسل طويله ومأيده حركتها راحت ترتب الضيافه وهي تغني بصوتها الحلو فـي القلب خوف وهم واشواق واوهام ارجوك طمني ترا خافقي جن مدري لمين اشكي عذابي والالام بالله قلي اشكي غيابك لمن اتصل سلطان  سلطان  : روان اطلعي راكان على وصول روان  : ابشر مشت روان طالعه بسرعه من المجلس قبل يوصل راكان بنفس الحظه الي دخل فيها راكان المجلس وو هب تصادمو ببعض وطاحت روان من قوه الصدمه حست نفسها صدمت بحيط وقبل توصل الارض كان فيه يدين ماسكتها من خصرها قبل تطيح ناظرت للي ماسكها كان راكان استحت حيل ماعرفت وش تساوي لو شافها سلطان بالشكل ذا يمكن يذبحها روان بتلعثم  : ممكن تبعد عني سلطان جاي لايشوفنا بالشكل ذا غض راكان بصره وقال راكان  : اعتدلي بوقفتك وروحي ساعده راكان توقف وهو غاض بصره سمع صوت خلف جاي رما راكان شماغه عليه وقال بعصبيه  : تستري فيه واطلعي بسرعه اخذت روان الشماغ وسوته على راسها اما راكان طلع من المجلس وبعد خلف عن طريقها بحجة انو يبيه بكلمة راس اشر لها راكان بيده انو تطلع وطلعت من المجلس وراحت للقصر وتوجهت لغرفتها بدون ماتشوف احد وهي قاعده ترجف من الموقف الي صار اما بالمجلس دخل وراكان وخلف وشاف راكان الاسواره بسرعه اخذها وحطها بجيبه من دون مايحس  خلف بعد شوي وصل سامر وعبدالله ومتعب صحاب سلطان بالشغل قدم لهم سلطان الغداء ورحب فيهم وبعد الغداء قعدو يسولف عن الشغل وبمواضيع مختلفه سلطان شاف ملامح خلف المتضايقه وقرر ياخذه لبرا يشوف اش فيه سلطان  : خلف تعال معاي ابيك بكلمة راس خلف  : ابشر سامر بمرح  : ماينفع تقله هني سلطان  : لا سامر بضحك  : روحو بس لاتتاخرو لانو اذا تاخرتو راح اجي واشوف اش عندكم ابتسم سلطان وطلع مع خلف  للحديقه قعدو يتمشو والصمت يعم المكان كسر حاجز الصمت سلطان سلطان  : خلف اشفيك منت ؏لى بعضك اليوم خلف بضيق  : خايف ياسلطان سلطان باستغراب  : من شو خايف خلف  : خايف اظلم بنت الناس معاي خايف اعذبها وهي مالها ذنب سلطان  : خلف ياخوي انت رجال تعرف الصح من الغلط وانت تدري انو اصابيعك مو سوى لاتضيعها بسبب ماضي راح وطوته السنين عط قلبك فرصه يحبها ويحسسها بحنانه لاتاخذها بذنب مو لها **صدددددمه الحين سلطان ابو قلب قاسي الي قاعد يتكلم طيب يا استاذ سلطان ليه ماعطيت ريفان فرصه؟ ** خلف بضيق  : تعبت ياسلطان وانا اعيش حياه مو لي تعبت  اعيش حياة الشرطي الخفي الي عايش مع اصدقاء الفساد سلطان  : خلف اشفيك ليه قاعد تحكي كذا مو انت الي قلت ارواحنا فدى للوطن اشوف قاعد تتافاف خلف ادري انو الخطه الي سواها العقيد غريبه انو انت تسوي نفسك فقير ولعوب وتروح شقق دعاره بس ذا كله عشان نطهر بلدنا من المفسدين  انت اهون من نايف الي عايش مع رئيس المافيا تخيل لو الكابور شك انو نايف من الانتربول تخيل بس مجرد شك انت تدري انو راح يقتله بدم بارد فخلك واثق انو انت اهون من غيرك انت اصبر علي اسبوع بالكثير وراح اخلصك من مهند وراح ترجع تمارس حياتك المهنيه بدون تخفي ضمه خلف بامتنان سلطان قائده واخوه الي ماجابته امه ودائمآ يلجأ اليه بكل اختيار او شي احتار فيه ويوريه الطريق الصحيح سلطان بابتسامه  : اشفيك خنقتني وبعدين ياولد احترم قائدك اعتدل خلف بوقفته وضرب تحيه عسكريه لسلطان. خلف  : اعتذر من فرحتي ماكنت اقصد سلطان  : خل عنك طق التحيه ترا مو بالقسم خلف  : تبقا القائد وين مانروح سلطان  : يالله نرجع اكيد الشباب مستنينا خلف  : يالله رجعو المجلس وقعدو يسولفو ** خل اعرفكم على صحاب سلطان** سامر العمر 28 والملقب باسم ذياب خلف العمر 28 الملقب باسم نمران متعب العمر 29 الملقب باسم ذيب عبدالله العمر 27 الملقب باسم النسر اما راكان فهو  فهد وسلطان الي هو قائدهم الصقر هذول كلهم فريق الانتربول والعقيد هو رئيس الانتربول ونايف انظم لهم قبل فتره ما احد من اهلهم يدري انو هم في الاستخبارات ولا هم علمو اهلهم قصر ابو راكان ــــــــــــــــــــــ صحيت ريفان وشافت اختها غيدا قاعده جنبها ؏السرير وغاده قاعده ؏الكنبه غيدا بحنان  : اخيرآ صحيتي كيفك استرجعت ريفان الاحداث الي صارت اليوم وامتلت عيونها بالدموع اشلون ابوها يرميها ه‍الرميه ليه تحسه مايحبها ويبي يتخلص منها باي طريقه غيدا بحنان  : ريفان يروحي لاتكدري خاطرك ترا سلطان طيب ورجال الكل يتمناه ابتسمت بسخريه من قالت طيب قالت بنفسها ريفان بنفسها  : قال طيب قال وينه ووين الطيب ذا شيطان مو انسان غاده بحماس  : يعني بعد يومين ملكتك ريفان ببرود  : ايوا غاده  : اجل صحصحي وافطري ويالله نروح السوق نشتري لك فستان للملكه ريفان ببرود  : مين قال رايحه غيدا باستغراب  : اشلون يعني ماراح تروحي السوق ريفان ببرود  : بالضبط غاده بصدمه  : تستهبلي مو ريفان ببرود اكبر  : لا غيدا  : ريفان ترا الملكه مره بالعمر مو كل يوم ريفان بضيق  : مو رايحه لمكان واذا ممكن تطلعو برا وتتركوني بروحي اكون ممنونه حست غيدا انو ريفان محتاجه تقعد لحالها غيدا   : احنا طالعين بس راجعين لك وراح ناخذك السوق نشتري فستان للملكه ريفان برفض تام  : مو رايحه مكان وذا اخر كلامي ولو سمحتو ما احد يزعجني ودي انام طلعت غيدا وغاده من الجناح وغلقو الباب بعدهم صادفو بطريقهم ام راكان طالعه الدرج وشايله بيدينها فطور لريفان غيدا  : لاتروحي لها يمه ام راكان باستغراب  : ليه غيدا  : قالت ودها تنام ام راكان  : اشلون تنام ومتى رايحه السوق غاده  : رفضت تروح ام راكان صارت تعرف بعض الاشياء عن ريفان ومنها انو عنادها مستحيل احد يغلبها فيه واذا رفضت مستحيل ترضاء. ام راكان  : غيدا يمه انتي روحي مع غاده وبنات عمك اختارو لها لبس حلو للملكه وانا رايحه اشوفها يمكن تاكل غيدا  : ابشري راحت غيدا وغاده جناح غيدا وقعدو يسولفو عن الاشياء الي  ودهم ياخذوها للملكه كلمو البنات واتفقو يروحو العصر قصر الجد سلطان  ـــــــــــــــــــــــــــ نزلت طيف وشافت الريم تتكلم مع امها بحماس والجده فرحانه  استغربت وش فيه  راحت لهم طيف  : هاي الجده بحده   : وعليكم السلام طيف بملل  : كلها واحد ياخالتي ماتفرق الجده  :  الا تفرق ذا كلام الكفار وكلامنا السلام قعدت طيف وحطت رجل ؏رجل ضحكت ريم بصمت تدري وش كثر امها تكره كلمة هاي جابت الشغاله لطيف القهوه واخذتها طيف بغيض  : اشفيك تضحكي انتي الريم باغاضه لها  : ابد اليوم فرحانه حيل طيب برفع حاجب  : وش سبب الفرح ذا ناظرت الريم طيف الي قاعده تشرب القهوه قررت تضرب السيخ وهو حامي قالت الريم بابتسامه  : سلطان خطب ريفان وبعد يومين ملكتهم غصت طيف بالقهوه وصارت تكح بقوه طيف  :  كح كحححح كح كح كح كححح كححح راحت لها الريم بابتسامه وعطتها المويه وطبطبت على ظهرها. الريم  بانتصار : اسم الله عليك اشفيك غصيتي ناظرتها طيف بكره وعيونها حمر ومدمعات بسبب غصتها بالقهوه اخذت المويه شربتها دفعه واحده وبعدها طلع من الصاله وراحت الجناح والشرار يتطاير من عيونها وهي متحلفه لريفان وحالفه ماتتم الملكه **بعد يومين** يوم الملكه  الساعه 6:00 م (( وصلنا لنهاية البارت  )) //توقعاتكم // الكابور بيكتشف انو نايف خائن  ؟ خلف بيعطي قلبه فرصه يحب وله  ؟ راكان وروان هل راح يبتدو قصة حب جديده  ؟ طيف راح تقدر تخرب الملكه  ؟ ريفان راح توافق تتزوج سلطان او راح تهون باخر لحضه  ؟ شاركوني توقعاتكم الحلوه يحلوين