جيتك وكلي جروح وابي منك تداويني - الفصل 14 | روايتك

البارت الرابع عشر ـــــــــــــــــــــــــــــــ ابو راكان بصدمه  : بس يبه مستحيل توافق الجد سلطان  : شفلك صرفه معاها انا قلت الي عندي وانتهينا ابو راكان  : بس يبه انا مقدر اجبرها على شي انت تدري انو ماتطيقني ولو اجبرتها تتزوج سلطان راح تكرهني اكثر الجد سلطان بصرامه  : انا ما استشيرك يافيصل انا اعطيك خبر ابو راكان  : بس يب قاطعه الجد سلطان  : مو انت كنت تتمنا سلطان ياخذ وحده من بناتك هذا هو جاي يخطب ابو راكان   : يبه انا تمنيته يخطب غيدا بس انت تبي ريفان الجد سلطان  : انت تدري انو غيدا تشوفه زي اخوها وغاده بعدها صغيره وريفان البنت المناسبه له ابو راكان   : يبه انت تدري بطبع سلطان قاسي وما يلين قلبه ابد والكل يهابه ويحسب له الف حساب وتبي ريفان تاخذه الي عنادها عناد وراسها يابس ولسانها يلعلع الجد سلطان  : وهذا المطلوب سلطان راح يربيها ويعلمها سلومنا زين الظاهر ماخذه طباع امها ابو راكان  بضيق  : يبه الميت ماعليه الا الرحمه ويطروه بالخير الجد سلطان  : وانا صادق ماقلت شي ابو راكان  : يبه تكفى شوف احد غير ريفان يت قاطعه الجد سلطان   : الله معاك كلمتي مثنيها لا انت ولا بنتك راح تكسرو كلمتي غلق التلفون بوجه ابو راكان  الي كان مصدوم كيف راح يخبر ريفان هي ماتطيقه بدون شي اجل لو عرفت انو راح يزوجها اكيد بتقلب الدنياء فوق راسه رفع يدينه لراسه وهو مخنوق •• تركيا •• فتح الشرطي اول شاحنه ودخل داخلها يشوف اذا فيه ممنوعات ماشاف شي ونزل راح لشاحنه الثانيه وبرضو مافيها شي والثالثه والرابعه لين خلص وماشاف اي شي الشرطي  : لاشيئ سيدي الضابط  : دعهم يذهبو فتح لهم الشرطي الطريق ومشى جاك مع رجاله والشاحنات اما الضابط ناظر الشرطي وقال الضابط  : ماذا فعلت الشرطي  : ما امرتني به سيدي الضابط بابتسامه  : احسنت صنعآ الشرطي  : شكرآ لك سيدي راح الضابط لسيارته وطلع تلفونه اتصل لشخص مجهول. الضابط  : لقد اتممنا المهمه ووضعنا باحد الدببه ادات تحديد المواقع تابع الموقع ونحن سنتوجه الى مكان الاستلام ونمسك بهم متلبسين المجهول بفرح  : احسنت يا جون يالك من بطل جون  : سلمت قال بحزن  : ..........  اذا حدث لي مكروه اهتم بصغيرتي واخبرها بانني احببتها اكثر من ذاتي وسالتقي معها بالدار الاخره المجهول بضيق يحس جون يودعه مو مجرد كلام  المجهول بضيق : لاتقل هذا يا جون ستعود لنا بخير وتخبر صغيرتك انك تُحبُها جون  :  ............  انا سعيد جدآ بان لدي صديق مثلك فانت من جعلني ادخل الاسلام واتعلم  الصلاه وما معنا الصبر والكفاح واذا مت بالمهمه لاتدع صغيرتي تحزن واذهب بها معك لاتدعها هنا فعائلتي لايحبونها لانني اعتنقت الاسلام وهم مسيحيين كم اتمنا لو انني اعتنقت الاسلام من قبل وذهبت الى بيت الله المجهول  : لاتقل هذا ياجون ستكون بخير وساذهب معك الى بيت الله جون  : اأمل ذالك سمع صوت الشرطي يناديه الشرطي  : سيدي هيا بنا جون  : وداعآ ياصاح علي الذهاب المجهول  : كن حذرآ ياجون وعد لنا بخير جون  : سافعل مابوسعي وداعآ غلق جون من المجهول وتوجه لسيارته ومشى متوجه لقسم الفريق الاول  بعد شوي وصل دخل القسم وتوجه لغرفة التبديل دخل وشاف اصدقائه موجودين وقاعدين يتجهزو راح لدولابه اخذ سترته ولبسها واخذ مسدسه وحطه بساقه واخذ المسدس الثاني وحطه بخصره واخذ السماعه الاسلكيه وضبطها باذنه واخذ الخوذه ولبسه واخذ القفازات وبعدين اخذ بندقيته ومشى هو والفريق كامل راحو لسيارت الفريق الاول ومشو متوجهين لمقر الاستلام بعد ساعه وصلو نزلو من السيارات بتسحب اشر لهم خمسه من شرق المستودعات وخمسه من الغرب  وخمسه من الشمال واهو والباقين راحو من الجنوب وتوزعو زين وحاصرو المستودعات من كل مكان ضغط جون على السماعه جون  : الى الفريق هل تسمعني الفريق  : اجل سيدي جون  : لاتدعو احدً على قيد الحياه لاتشفقو على احد دعونا ننهي هؤلا المجرمين  كل طلقه تخرج من افواه البندقيه دعوها تنهي حياة مجرم لاتخطئو الهدف الفريق  : حسنآ سيدي جون  : هيا بنا لننهي الاعداء ساطلق ثم اطلقو الفريق  : حسنآ ترك جون السماعه وثبت منظار بندقيته بدقه وقال جون  : بسم لله اطلق او طلقه وطيحت احد افراد العصابه وابتدو الفريق الاول بتبادل اطلاق النار مع العصابه اغلبية العصابه طاحو الي متصاوب والي مات والفريق الاول تصاوب واحد منهم بكتفه  وكان مكانه مكشوف ناظره جون خاف يصير له شي وامه موصيته عليه ناظر للعصابه ثم ناظر صديقه قرر ينقذه قال بالسماعه الاسلكيه جون  : دعو الرصاص لي ستره لكي اقوم بانقاذ جودت الفريق  : حسنآ راح جون ركض ينقذ صاحبه والفريق الاول يحموه بالرصاص لحتى ياخذ جودت راح جون لجودت وانقذه والتف يبي يغطي عليه بالرصاص بس كان فيه قناص وما شافوه اطلق رصاصه صابة جون في قلبه وطاح بين يدين جودت الي انهار وصرخ جودت  : سيديييييييييي ناظرو له الفريق الاول وشافو جون طايح بالارض وقاعد ينزف، انهارو وقررو ينتقمو له قعدو يتبادلو اطلاق النار وقررت العصابه تهرب قبل يقضو عليهم بالكامل وما قدرو ياخذو البضاعه معاهم راحو كل الفريق الاول لجون وشافوه طايح بحضن جودت قال جون قبل يفقد وعيه جون  : هل انتصرنا  الفريق الاول بدموع  : اجل سيدي جون  : الحمد لله . وفقد وعيه وصلت الاسعاف وشالته المستشفى  وتوجهو الفريق الاول بعده وواخذو البضاعه وصلت سيارة الاسعاف واخذت جون لغرفة العمليات وبعد ساعات طلع الدكتور ووجهه مايبشر بخير الدكتور  : لم استطيع انقاذه فالرصاصه قد اخترقت قلبه انهارو الفريق الاول كيف يموت قائدهم كيف يموت الاب الي انتشلهم من همهم وحزنهم كيف قال الدكتور  : من منكم ناي الفريق الاول باستغراب  : لا احد لما تسئل؟ الدكتور  : جون قبل ان يمت قال شيئ لم افهم وبعد ذالك قال دع ناي يتزوج ابنتي سناء وعليكم اخباره بان تلك وصيتي الفريق الاول  : لانعلم من يكن ناي جودت بحزن  : كيف سنخبر سناء عن موت اباها الفريق  : لا نعلم ولكن علينا اخبارها بالحال سنذهب بجثمان ابيها ونخبرها حزن الكل على موت الرئيس جون كان رئيس يحب الخير ويعتبرهم زي اولاده قصر الجد سلطان  ــــــــــــــــــــــــــــ صحيو البنات على الساعه 1:00 م ونادتهم الجده يتغدو صلو ونزلو لدور الاول وراحو غرفة الطعام على الغداء قاعدين كلهم ؏الطاوله  ريم هيفاء هيام روان ملاك غيدا غاده ريفان طيف وام طيف والجده كان ترتيبهم كالتالي  الجده بصدر الطاوله وام طيف مقابلها بالجهه اليمين طيف هيام ريم غيدا جهة اليسار ريفان هيفاء روان غاده وملاك قاعدين يتغدو بصمت بعد شوي وصلت الشغاله وهي شايله عصير بنكهات مختلفه فراوله برتقال اناناس رمان كوكتيل وغيرهم اشرت الجده لشغاله تجيب حليب فراوله لريفان لانو مفيد ويقوي المناعه بعد شوي جابته الشغاله وحطته عند ريفان استغربت ريفان وناظرت الشغاله الشغاله  : هدا من ماما  كبير واشرت على الجده الجده  : اشربيه يمه مفيد ل الصحه ريفان بهدوء  : عندي حساسيه من الفرواله يمه الجده باستغراب  : هوو ليه فيه حساسيه من الفواكه ريفان  : ايوا يمه طيف باستهزاء  : وش يثبت لنا انو انتي صادقه وما تكذبي عشان ماتشربي شي من عمتو  او لايكون خايفه عمتو قايله لشغاله تحط لك فيه سم ناظرتها ريفان بهدوء تهاول تتمالك اعصابها وبعدها ناظرت ام طيف وقالت ريفان  : انا ساكته عنها يخاله احترامآ لك مو خوفً منها خليها تكف شرها عني. ام طيف بحقد  : ليه وشسوت بنيتي وهي صادقه يمكن خايفه تكون مسممتك ناظرت ريفان  للجده  : جده تبغين اشربه واكد لك هيفاء  : ريفان لاتصيري مجنونه احنا مصدقينك وطيف خلك منها ام طيف  : اشوف لسانك يلعلع يابنت ناصر وصار يطول على خالتك عشان بنت توك عرفتيها هيفاء بعصبيه  : جده انا ساكته احترمآ لك وماغلطت وطيف لسانها طايل الجده  : اششش بس مافيه احترام لوجودي فضوها سيره طيف بشر  : لا ماراح نفضها سيره ياعمتو لين تثبت لنا انو عندها حساسيه ريفان  : يمه تبغين اثبت لك الجده  لعب الشيطان براسها وحست انو كلام طيف حقيقي وتبي تتاكد انو طيف صادقه ماعرفت وش تقول بس قالت الجده  : الي يريحك سويه حست ريفان انو الجده مو مصدقتها قررت تثبت لها اخذت الكوب من على الطاوله ريفان  : بسم لله شرت شوي منه قالت طيف طيف  : اشوف شربتي شوي منه خايفه ينتشر السم بجسمك اغتاضت ريفان وهي حالفه لتوريها شغلها بس راح تشرب الحليب ولو على حساب صحتها عشان توري الجده ماتحكم على احد بدون ماتعرفه شربت الكاس بالتوالي لين خلصته طيف  : هذي انتي زي القرده ماصار لك شي ماردت عليها ريفان لانو تحس بنفسها بدا يضيق والتعب بدا يظهر عليها ووجهها بدا يحمر ويدينها ناظروها البنات وهم خايفين عليها واضح انو عندها حساسيه من جد قالت ريفان بتعب ريفان  بتعب : الحين ارتحتي يمه تطمن قلبك حست الجده بالندم لانو باين من احمرار وجه ريفان ويديها انو عندها حساسيه قالت الجده  : مو قصدي يمه ماردت ريفان حاولت توقف على حيله وتطلع بعدت الكرسي  وهي يادوب تمشي بس حست الارض تدور فيها والسواد بداء يغزو عيونها ماقدرت توقف وطاحت ؏الارض صرخت غاده الي كانت قاعده يمها  : ريفاااااان وراحت لها هي والبنات تشوفها والجده معاهم والندم ياكلها . بنفس الوقت دخل قصر الجد سلطان  لانو اتصل له وقال يجي يبغاه بموضوع ضروري دخل القصر قال لشغاله تشوف له درب قالت انو مافيه احد والحريم بغرفة الطعام راح لمكتب الجد دخل وسلم عليه  خبره الجد سلطان انو خطب له ريفان ووافق لانو اساسا اهله خبروه امس قعد يسولف مع الجد شوي واندمجو بالسوالف قطع اندماجهم صوت صارخ الجد سلطان بخوف  : عوذه اشفيهم سلطان  : مدري يايبه الجد سلطان   : تعال معاي نشوف اشفيه طلعو من المكتب وشافو الشغاله بطريقهم رايحه لغرفة الطعام وبيدها مويه الجد سلطان  : هيه سونا اشفيه ليه الصراخ سونا  : هدا ماما صقير في موت انصدم الجد خاف صاير في حفيداته شي راح غرفة الطعام مع سلطان وقال بصوت عالي الجد سلطان  : فاطمه اشفيه ليه صراخكم واصل لاخر الشارع الجده  : ريفان طاحت علينا الجد سلطان  : سوي درب بدخل الجده  : ام طيف ماعليها غطا الجد سلطان  : خليها تروح هي والبنات لاخذ الغرفه بنصد عنهم الجده  : انت ومن داخل الجد سلطان  : انا وسلطان الجده  : ابشر. خبرتهم وراحو لاخر الغرفه وبقي روان وملاك لانو اخوات سلطان والجده الجد سلطان مسك سلطان قبل يدخل وقال الجد سلطان  : شوفها زين واعتبر ذي نظره شرعيه مارد سلطان ودخل هو والجد وشاف بنت طايحه بالارض وشعرها مخطي الارض من كثفه وطوله **سلطان يعشق الشعر الطويل والغجري ودائمآ يقول لاخواته مايقصو شعرهم  ** * ياحظك يسلطان تحقق مناك بتاخذ بطلتنا الجميله ام شعر جميل هههههههه * انبهر سلطان من جمال شعرها شاف ملامح بنت زي الملاك تاملها شوي وبعدها فاق من تامله على صوت الجد الي قال الجد سلطان  : سلطان شيل بنت عمك ودها السياره ناخذها المستشفى روان  :  لحضه ياجدي بجيب عبايتها الجد سلطان  : استعجلي راحت  روان ورجعت بسرعه وبيدها عبايه وشيله ولبستهم ريفان من التوتر ما احد حس انو سلطان قاعد يناظر ريفان وهي مو محرم له الا وحده الي قاعده تشتعل من الغيره وحاقده على ريفان اخذها سلطان بين يدينه حس انو شايل طفله مو بنت شابه اخذها طلع من القصر وتوجه فيها للمستشفى مع الجد بعد شوية وقت وصلو المستشفى فتح باب السياره الوراني واخذها بين يدينه وتوجه فيها لطوارئ حطها على سرير المستشفى وطلعوه من الطوارئ وقعد هو والجد بممرات المستشفى مستنين احد يطمنهم عليها بعد ساعه طلع الدكتور وقف الجد سلطان وسأله الجد سلطان  : طمني يادكتور كيفها الدكتور  : الحين احسن ركبنا لها سيروم واكسيجين وسوينا لها ابر للحساسيه وصارت احسن  انتبهو عليها وما تسمحو لها تاكل فراوله لانو تسبب لها حساسيه شديده *طلع من جيب الابكوت ورقه وقال  *كتبت لها شوي مراهم وادويه خذوهم من صيدلية المستشفى اخذ الجد سلطان منه الورقه وعطاها سلطان وقال الجد سلطان  : رح جيب الدواء وانا بقعد هني لين تصحي راح سلطان يجيب الدواء ناظر الجد سلطان  لدكتور وقال الجد سلطان  : متى راح تصحي الدكتور  : يمكن الحين صحت وتقدرو تاخذوها عليها العافيه الجد سلطان  : تسلم يوليدي، يعافيك راح الدكتور دخل الجد لطوارئ وشاف ريفان صاحيه والممرضه قاعده تشيل المغذيه من يدها  راح لها الجد سلطان  : ماتشوفي شر ريفان  : الشر مايجيك الجد سلطان  : الدكتور كتب لك خروج يالله تغطي زين  راجعين البيت ريفان  : طيب رن تلفون الجد وطلع يرد وكانت الجده طمنهم عليها وغلق على طلعت ريفان وشاف سلطان جاي وبيده كيس فيه الدواء توجهو لسياره كانت ريفان راح تعارض وما تروح مع سلطان بس ماتقدر ماتبي يقولو عنها قاعده ترادد رجال ويقول الجازي ماعرفت تربي دخلت السياره وقعدت ورا سالها الجد سلطان الجد سلطان  : تبغين تقعدين عندي او نروح قصر ابوك ريفان  : لا ابي اروح قصر ابوي الجد سلطان  : سلطان ودنا قصر عمك ابو راكان حرك سلطان السياره بعد نص ساعه وصلو القصر نزلت ريفان ودخلت القصر وحرك سلطان والجد اول مادخل ريفان القصر عطت الشغاله العبايه والشيله ودخلت اول مادخلت شافت ام راكان وابو راكان قاعدين بالصاله ريفان  : السلام عليكم ام راكان وابو راكان  : وعليكم السلام  توجهت رايحه جناحها بس استوقفها صوت ابو راكان  ابو راكان  : ريفان تعالي ابيك بكلمة راس راحت ريفان له مالها حيل تناقش او تعترض بشي قعدت على كنبه بعيده عنه ابو راكان  : ريفان اليوم جاييك خطاب ريفان ببرود  : الزبده ابو راكان  : الي تقدم لك رجال ونعم فيه وانا وافقت ريفان بنرفزه  : نعم نعم توافق على شنو انا ماراح اتزوج ابد وراح اقعد هم على قلبك ابو راكان  بعصبيه  : ريفان تكلمي معاي زين مو اصغر عيالك انا ابوك ترا ضحكت ريفان باستهزاء  : هههههههه احلف توي ادري انك ابوي لو انك اب من جد ماكنت وافقت على احد بدون رأيي بس ابشرك ماراح اتزوج لو تحط السكين ؏رقبتي ابو راكان بغضب  : انا كنت راح ارفض العريس بس عقب كلامك والله لتتزوجيه ياريفان وانتي ماتشوفيً الدرب ريفان بعصبيه  : يخسي والله ما اخذه ابو راكان  بغضب اكبر  : انتي الي تخسي وسلطان كل البنات يتمنونه ريفان بعدم استيعاب  : سلطان وش دخل سلطان ابو راكان  بغضب  : اشلون وش دخله سلطان الي متقدم لك يا انسه جنون الارض كلها اجتمعت بريفان من سمعت اسمه مستحيل تنسى الموقف الي شافته فيه هو وطيف وقفت ريفان بانفعال  : مابقى الا هي اخذ اشباه الرجال انفلتت اعصاب ابو راكان وتوجه لها وهو معصب حيل رفع يده بقوه ووجهها لخدها غمضت ريفان عيونها مستقبله الكف من ابوها بس حست الهدوء طال ومافيه كف فتحت عيونها بشويش وشافت يد ماسكه يد ابوها قبل توصل لخدها ابو راكان بغضب  : سلطان اترك يدي خل اربي الحيوانه. سلطان بهدوء وهو يشتعل من جوه بتستغربو سلطان ليه رجع بقلكم نرجع فلاش باك لمن سلطان وصل الجد سلطان  توجه لقصر ابوه عدل المرايه يشوف الي وراه وشاف ادوية ريفان نسيتهم خذته النشامه وقرر يروح قصر عمه ويعطيهم ياها وصل القصر دخل سيارته وتوجه لباب القصر سال الشغاله اذا احد بالقصر او لا قالت لا انو ريفان بغرفتها وابو راكان بالصاله قاعد لحاله قرر يدخل يسلم عليه بسسسسسس سمع كلام ابو راكان ورد ريفان عليه لمن قالت عنه اشباه الرجال حس بعفاريت الارض تنطنط براسه مين تكون لحتى تقلل من رجولته قرر يتزوجها بالرضاء او الغصب ويوريها منو اشباه الرجال دخل وشاف ابو راكان متوجه لها عرف انو يبي يضربها قال سلطان بنفسه  : ما احد له الاحقيه يعذبها غيري راح لعمه ابو راكان ومسك يده قبل توصل لخدها نرجع لواقعنا سلطان  : انا شاري بنتك ياعم وابيها حليلتن لي ابو راكان  بتسرع  : وانا عطيتك خذها لو تبيها بهدومها الحين خذها سلطان  : ابي الملكه يوم الخميس ملكه بدون زواج تدري ام ريفان توها متوفيه وما نبي ضجه ابو راكان  : صار والحين هذي هي قدامك ناظرها واذا ماتبيها انا معاك وين ماتبي تروح واخطب لك سلطان  : لا ياعم انا اولى ببنت عمي من الغريب ابو راكان  : عز الله انك نشمي وكفو ياسلطان التفت سلطان لريفان وقال لها كلمه بصوت هامس بس سمعتها ريفان سلطان بقساوه وصوت هامس  : يوم الخميس راح تشوفي منو اشباه الرجال عيشي الكم يوم ذي بسعاده لانو راح اعيشك بجحيمي واحرمك من السعاده  جهزي نفسك زين **ناظر جسمها شوي وبعدها قال  ** وقوي عظمك شوي عشان تستحملي التعذيب وما تطيحي من اول يوم انصدمة ريفان ماتوقعته قاسي كذا، ذا مو بس قاسي ذا مجرم، اشلون يقول لها كذا، يعني هو من البدايه ماتقدم لها محبتن فيها، هو تقدم لها عشان ينتقم منها، يمكن عرف انو شافته هو وطيف ويبي يتزوجها عشان ماتقول للاهل عنه عطا سلطان عمه الدواء وطلع من القصر **صراحتآ فيه خير مانسي الدواء هههههههه  ** اما ابو راكان نظرها بعصبيه وراح مكتبه راحت لها ام راكان وطبطبت عليها بحنان هنا انهارت ريفان خلاص مو قادره تتحمل تتمنا لو الزمن يرجع وتمنع من انو يروحو المزرعه كانت الحين قاعده مع امها وجدها بدون مشاكل وماعرفت العائله ذي  بكت بانهيار لين ما اغمي عليها بين يدين ام راكان •• تركيا •• المستشفى ـــــــــــــــــــ اخذ الفريق الاول جثة جون وراحو فيها لبيته وهم منهارين مو عارفين كيف راح يخبرو سناء بموته بعد ساعه وصلو لبيته نزلو جثته الي كانت بتابوت وعلى التابوت علم تركيا وجودت شايل صورته بين يدينه  شافو فيه شاب لابس كمامه سوداء ونضارات سود ولبسه كله اسود باسود قاعد بحديقة البيت مستنيهم يوصل. بسرعه وجهو اسلحتهم فيه فكروه من العصابه ويبي يؤذي سناء رفع نايف يدينه وقال نايف  : انا ناي صديق جون نزلو اسلحتهم توجه له احد افراد الفريق الاول الي اسمه مدحت. مدحت  : جون قبل يمت اوصاك بابنته سناء وامر بان تتزوجها انصدم نايف ماتوقع جون يوصيه على بنته لا ويتزوجها بعد حط يدينه على راسه وهو مهموم مايدري من وين يلقاها من حزنه على موت صديقه او من الكابور او من وصية جون نايف  : سنتحدث بالامر بوقتً لاحق علينا اخبار سناء بموت اباها اولاً. مدحت  : حسنآ رنو الجرس  راحت سناء تفتح وهي فرحانه مفكره انو ابوها الي ؏الباب لانو وعدها لمن يرجع من المهمه راح يجيب لها كتب كثيره عن الاسلام لانو اسلمت مع ابوها بعدما خبرها عن الاسلام وحببها فيه **سناء اسلمت بس للحين ما تحجبت حجاب كامل يعني تاخذ لها شيله وترميها على راسها زي التركيات الي بالعزاء بس ماتلفها حول راسها زين  ان شاء الله افتهم لكم  ** فتحت الباب وشافت الفريق الاول ناظرت لجودت الي ماسك صورة ابوها وناظرت للفريق الاول واحد واحد متامله تلاقي ابوها بينهم طلعت من البيت وراحت لهم وهي تتخبط بمشيتها بوهن ناظرت لوجوه الكل وما شافت ابوها شافت تابوت محطوط وراهم وعليه علم تركيا انهارت مستحيل تصدق انو ابوها استشهد صرخت سناء  : ايييين ابيييي ناظرها نايف والفريق الاول وما احد رد. راح لها جودت عطاها الصوره بحزن. جودت بحزن : لقد استشهد سيدي بالمهمه انهارت سناء وضربت جودت على صدره وهي تقول سناء  : لاااا لااا ابي لن يتركني لقد وعدني برجوعه لن يخلف بالوعد ابي لن يتركني لن يرحل راح لها نايف وصرخ فيها يبيها تصحي من صدمتها نايف  : سناء اباك قد رحل وهو عند الرب عليك الفرح ، البكى يجعله معذب الا تريدين  ان يذهب الجنه  الا تعلمين ماهي الجنه سناء مسحت دموعها زي الاطفال وقالت  سناء  ببكى وبراءه : لا ماهي الجنه  نايف  : الجنه هي كنز لا يفنى فيها مالا عينً رات ولا اذنً سمعت ولا خطر على قلب بشر  انها نادره وفيها كنوز ومال وجمال، وجمال ابدي وليس كالدنياء من دخل الجنه سيعيش حياه هنيئه ولن يمت فيها، الا تريدين انتي ايضآ ان تدخلي الجنه وتلتقي بوالدك سناء ببكى  : اجل لكن اريد ابي ماذا افعل نايف بصبر  :  عليك بالدعاء له دعائك سيجعله سعيدآ وكفي عن البكى سناء ببكى  : لايمكني الدموع تخرج من تلقاء نفسها  **بكت  **لم اعد اتحمل اريد ابي وضمها نايف وهو يدري انو حرام بس هو مقرر راح ينفذ وصية جون ويتزوجها )))))))))))))() سناء  بنت عمرها 17 سنه جميله جمال تركي عيون زرق وشعر اشقر وبياض ناصع توفت امها وهي تلدها وتوفي اباها وهي بعمر 17 والان نايف هو الواصي عليها ))))))))))))))() تعريف بسيط عن بطلنا وبطلتنا ((((((((((())))))))))) سلطان  عبد العزيز سلطان الكايد عمره 29 سنه  ضابط شرطه وله مركز كبير فيها وعضو في الانتربول  وسيييييم لدرجة الخيال  عيون عسليه كبار ورموش طويله وحواجب مرتبه وانفه سلة سيف وشفايفه ورديه وحاده له لحيه خفيفه ومرتبه فكه حاد وملامحه حاده  جسمه معضل شخصيته قاسي القلب ماعنده وقت لسواليف الحب  يكره احد يقلل من رجولته او يقول عنه مو رجال او شبيه الرجال  يمكن ينهي الشخص الي يقول الكلمه ذي ويعذبه بابشع الطرق  ()() يويلك يريفان طحتي وما احد سمى عليك قلتي كذا لسلطان وحفرتي قبرك بيدك()() عنيد وما يحب احد يكسر كلامه  عصامي وغيور اذا حب شخص بيشيله بعيونه واذا كره شخص بيوريه جهنم الحمراء ((((((((((((())))))))))) بطلتنا ريفان فيصل سلطان الكايد عمرها 21 سنه بنت خلصت الثانويه وما كملت الجامعه اقل مايقال عنها قمر بنت جميله حيييل  عيون كبار برموش كثيفه وطويله بفم كرزي وخدود اطفال وانف صغنون وطويل وغمازتين بالخدين بحواجب مرسومه من الله وفك حاد وشعر طويله لنهاية خصرها بكثافته ونعومته الغجريه يسحر،  بخصر رياني وطول حلو وجميل، بشرتها بيضاء زي الثلج باحمرار الخجل الي يخلي خدودها زي الفراوله بالحليب شخصيتها عنييييييييييده حيييل وراسها يابس الي براسها تسويه وما يهمها احد لسانها طويل بس مخبيته للايام الجايه هههههههه  بنت تكره الحيوانات باستثنى الخيل تعشق الخيل لحد الجنون تكره احد يتكلم عن امها او ينقص من مقامها اذا عصبت ماترحم احد اذا حبت تحب من قلب واذا كرهت تكره من قلب ماتحب تحكم على احد من موقف بس سلطان للاسف حكمة عليه من اول موقف ياويلك فيه ياريفان سلطان طيب بس انتي فهمتيه غلط (((((((((())))))))) (( وصلنا لنهاية البارت  )) //توقعاتكم // وش راح يسوي الكابور بس يعرف انو البضاعه انمسكت  ؟ ريفان راح تتسلم وترضا بالامر الواقع وتتزوج سلطان   ؟ سلطان راح ينفذ تهديده ويعذب ريفان  ؟ سناء راح تتقبل موت ابوها  وتسمع كلام نايف  ؟ نايف راح يقبل يتزوج سناء   ؟ كارلا لو عرفت انو نايف راح يتزوج وش راح يكون موقفها   ؟ تتوقعو طيف وش راح تسوي بس تدري انو سلطان راح يتزوج ريفان  ؟ شاركوني توقعاتكم الحلوه يحلوين .