جيتك وكلي جروح وابي منك تداويني - الفصل 13 | روايتك

البارت الثالث عشر ـــــــــــــــــــــــــــــــــ صرخت طيف بأللم : اءءءءءءه التفتو البنات وشافو القهوه طايحه بالارض وريفان ماسكه يد طيف ولاويتها لورا وطيف تصرخ من الألم قالت طيف من بين سنونها وهي تتاللم طيف : اتركي يدي يا حيوانه ريفان بقوه : انا ادري فيك ماقدمتي القهوه محبتن فيني *ناظرتها وناظرت البنات وقالت *انا طيبه مع الطيبين والاشرار لهم وجه ثاني شرس لاتستهينو فيني انا بتعذر وبعفي بس وقت الجد ماللاعذار عندي مكان من داس لي على طرف ادوس عليه تركت يد طيف ودفشتها بخفيف صرخت طيف : مين مفكره حالك يازباله يابنت ال......... انصدمو البنات من الفاضها البذيئه وكيف تسب امها الميته ريفان ناظرتها بعيون ناريه توجهت لها بتضربها بس الريم مسكتها وهمست لها ريم : ريفان لاتحطي راسك براسها ذي ماعندها اخلاق ولا حيا، تكفي خلك منها ما ابي تكبر السالفه وتقلبها عليك حاولت ريفان تهدي نفسها الكلام الي قالته عن امها مسيئ وما على الميت الا الرحمه تمنت لو انو ريم ما مسكتها كان توطت ببطنها وعرفتها ان الله حق بس احترمت ريم وهيفاء وهيام الي باين عليهم طيبات مو زي خالتهم ريفان : ريم انا عشانك بطلت هواش بس مكان تقعد فيه طيف انا مو قاعده فيه توجهت راجعه للغرفه بس استوقفتها يد هيفاء الي قالت هيفاء : على وين ريفان : هيفاء اعذريني على كلامي بس مكان فيه طيف مو قاعده فيه هيفاء : انتي الدخله ياريفان وطيف الطالعه ذا بيت جدك ولك الاحقيه تسوي فيه الي تبي ناظرت طيف هيفاء : الجناح يتعذرك، مكان ما احترمتي فيه اهله، اهله ماراح يحترموك طيف بغضب : الكلام لي ياهيفاء هيفاء ببرود : اي نعم لك طيف بغضب اكبر : الحين توقفي ضدي عشان القرويه ذي هيفاء : القرويه ذي تسوك وتسوى عشره من امثالك على الاقل احترمتني انا وهيام وما ضربتك مو زيك قاعده تضربي بالكلام وترادين طيف رفعت اصباعها السبابه بتوعد : بتشوفي ياهيفاء والايام بينا * ناظرت ريفان بحقد اكبر وقالت *وانتي بعد الايام بيننا وراح تعرفي انو علقتي مع الشخص الغلط يا *وباستهزاء * القرويه طلعت طيف من الغرفه وهي مولعه من الغضب وراحت جناح الضيوف دخلت وشافت امها نايمه راحت للغرفه الثانيه الي هي تنام فيها وهي تتوعد لريفان وترسم خطط شريره . ام عند البنات قعدو وكان الجو متوتر ناظرت هيفاء لريفان هيفاء بخجل : انا اعتذر بنيابه عن طيف ذي لسانها متبري منها وما تحترم احد ريفان بابتسامه باهته : لاتعتذري انتي مالك ذنب خلونا من سالفة طيف وغيرو الموضوع البنات : اوك غيرو السالفه وقعدو يسئلوها اكثر عن حياتها وهي ترد عليهم وبرضو تسئلهم ويردو انصدمت انو سلطان اخو ملاك وروان ماتوقعت انو بنات زي ذول بالطيبه والحلاوه ذي يكونو اخوات الشخص الي تكرهه ماتنسى اشلون شافته هو وطيف وهي طايحه بحضنه تنرفزت من تذكرت السالفه وحست بالاشمئزاز منه ومن طيف قررت تغير السالفه وقعدو يسولفو بسواليف مختلفه قصر ابو سلطان ــــــــــــــــــــــــ دخل سلطان القصر هو واهله وتوجه لدرج رايح جناحه بس استوقفه صوت امه ام سلطان : سلطان استنا ابيك استدار سلطان راجع وراح لامه الي توجهت لصاله مع ابو سلطان واشرت لسلمان وخالد يروحو وبالفعل كل واحد توجه لغرفته وبقيت ام سلطان وسلطان وابو سلطان قعدو بالصاله وقال سلطان سلطان : سمي يمه ام سلطان : سم الله عدوك سلطان يولدي متى ناوي تفرحني فيك سلطان بضيق من الموضوع الي قاعد بتكرر ومو راضي يتغلق سلطان : يمه انا ما ابي اتزوج ولا لي نيه بالزواج تكلم ابو سلطان الي كان يراقب الكلام وهو عنده خبر بالسالفه الي راح تحكيها ام سلطان ابو سلطان : وش ناقصك؟ استغرب سلطان من سؤال قال سلطان : مو ناقصني شي ابو سلطان : اجل وش السبب الي مانعك ماتتزوج سلطان بضيق : يبه انا ما ابي اتزوج وما عندي سبب بس ما ابي اتزوج وانت ادرا بشغلي ودك بنت الناس تترمل ببداية عمرها ابو سلطان : اسم الله عليك من الموت انت مو اول ولا اخر من يتزوج فيه مليون ضابط متزوج وعايش حياته طول بعرض وانت ودك تحرمنا نشوف عيالك يلعبو حولينا ام سلطان برجاء : برضاي عليك يولدي وافق وافرح قلوبنا حس انو زودها وشاف عيون امه الراجيه وكلام ابوه مايبي يوافق ويندم خاصتآ انو ياما شاف بالقسم بنات اشكال والون بوضعيات مخزيه ومخله للادب وكان سبب سجنهم لاقوهم بشقق دعاره ابو سلطان : تكفى يولدي فرح قلوبنا ووافق يوليدي الي بعمرك عندهم عيال وانت معيي تتزوج حسو انو سلطان بدا يقتنع وزادو من اصرارهم عليه لين تكلم سلطان وقال سلطان : خلاص يمه سوي الي تبغينه ام سلطان بفرح : تقصد اخطب لك شاف سلطان الفرح بعيون امه وما حب يكسر فرحتها قال ببتسامه خفيفه سلطان : ايوا ام سلطان : كلللللللووووووووووش اخيرآ يوليدي اخيرآ بشوفك عريس ابو سلطان : ببالك بنت او تدور لك امك سلطان : لا ما ببالي احد ام سلطان بفرح : البنت عندي ابو سلطان : مين ام سلطان : ريفان بنت فيصل ابو سلطان باستغراب : ريفان بنت اخوي مغيرها انتي تعرفيها زين ماصار لها اسبوع من عرفنا عنها ام سلطان : ريفان بنت طيبه وحلوه وذي الي راح تلين قلب ولدك القاسي ناظرها سلطان بضحكه : افا يمه تقولي عن قلبي قاسي اجل وش تركتي لناس تقول عني ام سلطان : اي بلله قاسي وراسك قاسي اجل انا لي سنين ازن فوق راسك توافق تتزوج وانت معيي توافق سلطان : هههه الله يهداك يمه اذا رفضت الزواج صار قلبي قاسي ابو سلطان بصراحه : اي بلله قاسي وطالع لجدك بس يولدي ابيك تصير لين مع بنت اخوي اذا وافقت تتزوجك سلطان : يصير خير يالله انا رايح اريح ام سلطان : روح يولدي الله يسعدك زي ما اسعدتني بالخبر ذا ابتسم لها سلطان وطلع من الصاله وراح جناحه اما ام سلطان ناظرت ابوسلطان وقالت ام سلطان : ريفان البنت المناسبه لسلطان وهي الي راح تلين قلبه ابو سلطان : انا للحين ماشفتها بس من كلام اخوها راكان تاكدت انو بنت تستاهل الكل يشيلها ؏الراس ام سلطان بعتب : ومتى ناوي تشوفها ان شاء الله ابو سلطان : بكره تدري اليوم عزيمه وانشغلنا مع الضيوف وماكان عندي وقت اشوفها فيه ام سلطان : لاتنسى بكره بنخطبها بعد ابو سلطان : ههه اشفيك محرصه ؏البنت تخافي تطير ام سلطان : اي بلله خايفه تطير عيون الحريم ما انشالت اليوم عنها ابو سلطان : الله يقدر الي فيه الخير ، يالله انا رايح اريح ماودك تروحي معاي ام سلطان : يالله مشينا مشو متوجهين لجناحهم وراحو يريحو فيه ناس نايمه ومرتاحه وناس تصارع اللالم ومعانات الفراق وفيه ناس مجافيها النوم من حنين وفيه ناس قاعده وسهرانه ومستانسه وفيه ناس سهرانه حنين وانين مترقبه متى القاء اليوم التالي الساعه 8:00 ص قصر الجد سلطان ـــــــــــــــــــــــــــ صحيت الجده وام طيف وقعدو يتقهوو شافت الجده غيدا وهي نازله وبيدها كافيه الجده : غيدا يبنيتي وينهم البنات غيدا : للحين ماصحيو الجده : هووو وش عندهم للحين نايمين الناس قيلت وهم نايمين غيدا بضحك : جده احد يصحي الساعه 8 ابشرك اكيد مو صاحين الا العصر الجده : وانتي وش عندك صاحيه ليه مو نايمه مع السلق اخذت غيدا رشفه من قهوتها بروقان : ولا شي بس مافيني نوم سكتت الجده وناظرت الدرج شافت ريفان نازله وباين عليها الارهاق وقاعده تفرك راسها باصبعها الابهام وباين عليها مصدعه نزلت ريفان وراحت جهتهم رسمت على ثغرها ابتسامه لطيفه ريفان : السلام عليكم صبحكم الله بالخير الجده وام طيف وغيدا : وعليكم السلام صبحك الله بالنور راحت جهت جدتها وباست راسها سالتها بابتسامه ريفان : شحالك يمه عساك بخير حست الجده بحب تجاه ريفان الي باين متعلمه الاصول وتقدر الكبير الجده : من الله بخير انتي كيفك يبنيتي نمتي زين ريفان : تمام الحمدلله سلمت على ام طيف وعلى غيدا وقعدت جنب الجده ناظرتها غيدا و غيدا : اشفيك ليه ملامحك مرهقه فيك شي وليه مو نايمه من امس مواصله ليه ريفان بصداع : لا بس مصدعه من امس ومارضي يروح ونزلت اشوف اذا فيه بندول غيدا : بروح اشوف لك راحت غيدا المطبخ تشوف اذا فيه بندول اما ريفان قعدت سمعت الجده تناديها ريفان : سمي الجده : سم الله عدوك تعالي جاي وقفت ريفان وراحت عند الجده تشوف وش تبي راحت لها اشرت لها الجده تقعد وقعدت ريفان الجده : حطي راسك على رجليني وانسدحي نفذت ريفان كلامها مالها حيل تناقشها بالكلام او تعترض الصداع بيفتك راسها سوت زي ما قالت الجده الجده : شيلي المشبك من شعرك شالت ريفان المشبك من شعرها وطاح على رجلين الجده فهت الجده من جماله وعذوبته الجده : ماشاء الله اخذت شعرها وابتدت تسوي لها مساج بخفيف وريفان مستسلمه تبي الصداع يروح باي طريقه ماتدري ليه حست نفسها بتبكي حنان الجده وملمسها لشعرها ذكرها بامها ابتدت اهداب ريفان بالارتخاء والصداع بدا يخف بالتدريج والنوم بدا يتسلل لعيونها وماقدرت تقاومه ونامت على رجل الجده بهدوء تاملتها الجده ودققت بتفاصيل وجهها وشافتها نايمه زي الاطفال ومو حاسه باحد تاملت فيها شوي وشافت رموشها الكثيفه والطويله وذكرت الله ريفان اخذت الشعر والرموش من امها ومعروفين اهل حايل بالشعر الجميل والغجري رجعت غيدا من المطبخ ومعاها بندول شافت ريفان نايمه على رجل الجده راحت غيدا تبي تصحيها تروح الغرفه تنام وعشان ماتتعب الجده من نومتها على رجلها بس استوقفتها الجده الي قالت الجده : خليها لاتصحيها جيبي لها غطا واضح بردانه غيدا : بس يمه تعب عليك الجده : لاتعب ولا شي جيبي الغطا بس راحت غيدا وجابت الغطاء وغطت ريفان فيه طلعت ام طيف لمن سمعت صوت الجد سلطان يتحمحم يبي يدخل وبقيت الجده وريفان وغيدا بالصاله اشرت الجده ل غيدا تخليه يدخل وراحت تقله يدخل دخل الجد سلطان وتوجه لصاله شاف الجده قاعده وفيه بنت نايمه على رجلينها بس مايدري منو راح لها وتوضحت لها الملامح وعرفها ريفان الجد سلطان : اشوفك صايره حنونه حيل يافاطمه من متى وانتي تسمحي لاحد ينام على رجلينك الجده بصوت هادي : شخص عن شخص يفرق *ناظرت ريفان بعمق وقالت *مدري ليه حبيت البنت ذي احس تشبهني الجد سلطان : اي بلله تشبهك وخاصتآ بالعناد الجده : اذا انا عنيده منو ابو قلب قاسي ياسلطان قلي؟ الجد سلطان بابتسامه : لاتبالغي انا صح شوي صارم بس مو قاسي الجده : لا بلله قاسي وقساوتك ذي ورثها سميك *ناظرت ريفان وقالت *وانا البنت ذي ورثتني الجد سلطان فكر بشي يقدر يكسر عناد ريفان فيه والجده عطته الحل بدون ماتدري استأذن الجد وراح جناحه وهو عازم على الي راح يسوي بالغصب او بالرضاء قصر ابو فارس ـــــــــــــــــــــــ نزل بسرعه من الدرج وبعدها توجه لباب القصر وطلع وشاف امه وابوه قاعدين بالحديقه قال فارس باستعجال : السلام عليكم انا طالع ابو فارس : على هونك ياولد وين طاير فارس باستعجال : بس ارجع راح اخبرك انا الحين مستعجل طلع وتوجه لسيارته ام فارس بصوت عالي : انتبه على روحك وخفف السرعه اشر لها فارس باوكيه وطلع من القصر متوجه لمكان معين بينما ام فارس وابو فارس قاعدين يسولف سالت ام فارس ابو فارس على عزيمة اولاد عمه وكيف كانت ابو فارس : العزيمه زينه وبس شافوني ودهم ياخذوني على كفوف الراحه عز الله اولاد عمي نشاما وخلفتهم اسود ذا يرحب بذا وذا يقهوي ذا رغم غناهم بس سلوم الكايد مانسوها ويعطو الضيف القهوه بيديهم مو تاركين الخدم يقهووهم ام فارس : عمي سلطان يعرف بالاصول الا ماقلت لي اشفيها بنت فيصل وليه مسوين العزيمه عشانها ابو فارس : نسيت اسئل بس لمن شفت راكان بالمستشفى كان مع اخته اكيد بتكون تعبانه وسوو العزيمه عشانها ام فارس : يمكن *وتنهدت تنهيده عميقه تعبر عن مدا الحزن الي بقلبها وقالت * اهه ناظرها ابو فارس ابو فارس : سلامتك من كل اه اشفيك امتلت عيون ام فارس بالدموع وقالت ام فارس : قلبي ماكلني على الجازي وريفان ماتركنا مكان ماسلنا عنهم فيه وفارس قاعد يدور زي المجنون الجازي قاعده تجيني بمنامي وتوصيني على ريفان بس معرف ليه ابو فارس تكفى شوف احد من معارفك يشوف السالفه ابي اطمن على بنيتي ريفان والجازي ابو فارس : تعوذي من ابليس ان شاء الله بتلاقيهم ويكونو بخير لاتتركي عقلك يتهيئ اشياء شينه ادعي وربك مايرد احد خايب وانا راح اشوف راكان وسلطان يشوفو لي حل لانو هم بالشرطه ام فارس بغصه : الله لا يحرمني منك اخذها ابو فارس بحضنه وتركها تبكي براحتها يدري انو قاعده تكابر عشان ماتبكي بس مهما كابرت تنهد حصون القوه من تطيح بحضنه قعدت تبكي وتبكي لين ما هديت ناظرها ابو فارس وحب يلطف الجو قال ابو فارس : خلصتي بكى ام فارس بصوت مبحوح : ايوا ليه ابو فارس بضحك : شوفي ثوبي غرقتيه دموع ناظرت ام فارس لثوب ابو فارس وشافته مبلول من دموعها وتوسخ من الكحل الي اخترب بسبب الدموع ام فارس باحراج : امم ليه ماوخرتني عنك شوف اشلون وسخت الثوب ابو فارس بابتسامه : الثوب وراعي الثوب حلالك استحت ام فارس حب ابو فارس يخجلها اكثر قال بصوت شاعري ابو فارس : حلال العين لو طاح دمعها،،، ؏الثوب ولو صار الثوب مبلول،،،،،،،،،،،،،،،، كله ماعاد باليد حيله والقلب صار مغلوب والعاشق يفدي الثوب،،،،،،،،،،،،،،،،،خله استحت ام فارس وضربت ابو فارس على كتفه عشان تبين له انو مو محرجه بس للاسف بان خجلها من احمرو خدودها ابو فارس بضحك : هههههههه اشفيك قلبتي علي وتضربيني تري مادحك مو ذامك ام فارس بخجل : ادري بس ماتبطل حركاتك كبرنا على سوالف الحب والاشعار ابو فارس بحب : مهما كبرنا بالعمر القلوب بالمحبه صغيره والحب مايعرف كبير ولا صغير ياكم شايب طاح بالحب بعمر 60 وياكم شاب طاح بالحب بعمر سنتين وقفت ام فارس رايحه القصر بس استوقفتها يد ابو فارس ابو فارس بغمزه : مستعجله ندخل استحت ام فارس اكثر وضربت ابو فارس. ام فارس ذايبه من الخجل : عن الكلام الماصخ الظاهر جاتك مراهقه متاخره ضحك ابو فارس بقوه :ههههههههههههههههههههههههههههههههه ههههههههههههههههههههههههههههههههههههههههههههههههههههههههههههههههههههههههه تركته ام فارس وراحت القصر وعلى فمها ابتسامه لطيفه تدري لو قعدت معاه مو تاركها بحالها وبيقط كلام غزلي كل شوي اما ابو فارس اخذ نفس بعد الضحك ذا وابتسم وقال بنفسه ابو فارس بنفسه : يزين الصدف الي تجمع قلوب المحبين وياكبرها من يصير ثمرت حبنا فارس •• تركيا •• فيلا ابو مازن ـــــــــــــــــــــ قاعدين بالصاله وكل واحد مشغوله بشغله الي يطقطق على تلفونه والي يقرء مجله والي يشتغل على الابتوب والخخخخخ..... سمعو طق الباب وما احد التفت او فكر يشوف منو لانو الشغاله راحت تفتح **ههههههههه الظاهر اخذو من طباع الاتراك احنا بس نسمع صوت الباب الكل يفز يشوف مين، الي نايم يصحي عشان يشوف مين والي مسافر يرجع عشان يشوف الي ؏الباب ههههههههه امزح فينا فضول نعرف منو بس بالنهايه يطلع بزر ** دخل نايف وشافهم متجمعين بالصاله حس بالحنين لجمعة العيله تمنا لو قعد هني وما عاند اخوه وتورط بمشاكل كثير نايف : السلام عليكم الكل ناظره بصدمه ماتوقعو يرجع هم يدرو انو عنيد وكبريائه مايسمح له يتنازل لاحد حتى لو كان الغلطان رد الكل : وعليكم السلام وقفت ام مازن بفرح وحنين وراحت له ضمته بحب وحنان وسالته عن حاله وشلون عايش وليه ضعفان ناظرها نايف بحزن ماتوقع يكون حالهم كذا فكر مايحبوه بس شاف العكس راح له مازن ضمه بقوه وضربه على كتفه تاللم نايف وحاول مايبين اللمه بس الشي ذا ماخفى على اخوه ابو مازن راحت له ميار وضمته ومحمد بعد والكل رحب فيه *بتسئلو ليه ام مازن ضمت نايف مع انو {قال رسول الله ﷺ الحمي الموت} ويعني حرام تشوفه ويكون بينهم تواصل زي الكلام بالتلفون والمصافحه ولازم تكون محجبه حجاب كامل بس راح اقلكم السبب»» ام نايف ماتت وهي تخلف نايف لانو حملت فيه بعمر متاخر وذا سبب لها مضاعفات وماتت وام مازن اخذته لانو كانت توها مخلفة مازن ورضعته مع مازن صارت امه من الرضاعه ومازن اخوه بتجيني بنت تسئل بس كذا بتكون محرمه لزوجها الاجابه: الحمد لله والصلاة والسلام على رسول الله وعلى آله وصحبه أما بعد: فلا مانع للمرأة من أن ترضع أخاها أو أخا زوجها :: الاجابه من شيخ نرجع لاحداث روايتنا اخذته ام مازن وقعدته ؏الكنبه سالته ام مازن بقلق عليه : اشفيك يانايف ليه كذا ضعفان وليه شكلك مبهذل وين كنت نايف بابتسامه : كل ذي اسئله يمه ام مازن : الام من حقها تسئل والابن من حقه يجاوب لاتغير وجهت الكلام وقلي يانايف وش صار معاك ليه شكلك كذا ماعرف نايف وش يقول بس قرر يكذب نايف : مافيه شي بس اندمجت بالدراسه وذا ارهقني ناظره مازن وكان يبي يتكلم ويقول كذب انت من اسبوع مو مداوم بس استوقفته نظرات نايف المتوعده وبعدها غمز له بانو راح يحكي له السالفه بس يساعده يخلص من زن امه مازن : هااه ايوا صح الدراسه هو كان مشغول بالدراسه لدرجة انو حتى ماصرت اشوفه زين كان كل وقته بالمكتبه يذاكر ناظرهم ابو مازن وابتسم باستهزاء يدري انو الاثنين كذابين ومو غبي يصدق كلام نايف لانو يدري بالسالفه من اولها لاخرها وقف ابو مازن وقال ابو مازن : نايف الحقني ؏المكتب بسرعه نايف : ابشر طلع ابو مازن واستأذن نايف انو راح يشوف اخوه وش يبي وراجع يسولف معاهم توجه لدور الثاني ودخل مكتب ابو مازن راح للمكتب وقعد على الكرسي المقابل لابو مازن نايف : سم ابو مازن : سم الله عدوك شيل التيشيرت نايف بعدم استيعاب : هاه ابو مازن : من قال هاه سمع شيل التيشرت حس نايف بورطه لو شال التيشيرت راح يشوف اخوه الجرح ويسوي لها محاضره حاول يلاقي مخرج باي طريقه بس قطع تفكيره صوت ابو مازن العالي الي خوفه ابو مازن بعصبيه : نايف شيل التيشرت اقلك قبل اشيله لك ناظره نايف بقلة حيله وشال التيشيرت ناظره ابو مازن بضيق وهو مخنوق اشلون يسوي في نفسه كذا لو صار له شي وش راح يسوي نايف وصية امه قبل تموت ماله غيره احد اشلون يعرض نفسه للخطر راح له ابو مازن وووو طخ ضربه كف من قوته دار وجهه للجهه الثانيه وضمه بقوه طاحت دموع ابو مازن وقال بصوت مخنوق ابو مازن : اشلون تسوي كذا يانايف كيف هنت عليك لو صار لك شي وش كنت راح اسوي نايف انت مو بس اخوي انت ولدي وفراق الضنا شي يقتل، ليه ابتعدت وغبت كل هالمده ليه يانايف ليه مارد نايف بس زاد من ضم اخوه وبكى بحرقه هو غلطان والغلط راكبه من راسه لساسه اشلون ترك اخوه عشان طياشته والحين اشلون بيخبره الخبر الصادم بعده ابو مازن عن حضنه وناظره بعمق شاف اشلون نحفان وفكه صار بارز من النحف وشواربه طالو ومو مرتبين وشعره طال ابو مازن بعتب : ليه اشتغلت بالامزون ليه يا نايف *وبصراخ * ليه نايف بندم : ساعة غضب ياخوي ومحد معصوم من الغلط ابو مازن باستهزاء : ساعة غضب الحين ورني اشلون بتطلع من ساعة الغضب ذي، ورني اشلون الكابور بيتركك نايف بصدمه : شعرفك بالكابور ابو مازن : الي عرفك فيه عرفني فيه نايف باستفهام : مين ابو مازن : العقيد هو الي عرفني وجاني قبل يروح لك بس انت مسوي نفسك الرجل القوي الي يحب يسوي المستحيل نايف ارجع لوعيد لو اكتشف الكابور انك جاسوس للانتربول راح يقتلك بابشع الطرق نايف : انا قررت ياخوي وروحي فدا الوطن ماراح اسمح للكابور يدمر شبابنا بالمخدارات وانت تدري من البدايه انو حلمي اكون ضابط وفرد من الانتربول وحلمي قاعد يتحقق ابو مازن برجاء : نايف لسى وقت تقدر تتراجع عن الي ببالك ونرجع لسعوديه مع بعض ونترك كل شي بتركيا وننسى كل الي صار بس وافق نايف : مستحيل تكفى يخوي لاتصر علي انا ابي اخدم وطني ولو متت يقولو عني مات من اجل وطنه حس ابو مازن انو نايف مصر على قراره ماحب يكون عائق بينه وبين انو يحقق حلمه ويكون فرد من الانتربول ابو مازن : انتبه على روحك يانايف وارجع لنا بخير فرح نايف لانو ذا معناته اخوه وافق ينظم للانتربول راح له ضمه بقول وباس راسه ابو مازن ببتسامه باهته : خلاص خنقتني نايف بفرح : شكرا راح متوجه طالع وهو فرحان استوقفه صوت ابو مازن ابو مازن بضحك : هيه هيه وين رايح تستر اول البس التيشيرت لاتطيح علينا ام مازن من الخوف ضحك نايف واخذ تيشيرته لبسه وطلع لام مازن والاولاد وقعد يسولف معاهم لين اخذهم الوقت وراح نايف يرتاح مقر الكابور ـــــــــــــــــ بمستودعاته قاعد يجهز المخدرات بطريقه ماكره عشان يقدر يعدي من دون ما الشرطه تكشف البضاعه ناظر لرجاله وهم يحطو المخدرات بالالعاب والدباديب والدمأ بطريقه ما احد يقدر يشك فيها ناظر هم وهو يضحك بفخر دائمآ ماكر زي الثعالب وزي الاسد يلتهم فريسته بابشع الطرق بعد ساعتين خلصو رجال الكابور من نقل المخدرات للالعاب وحطوهم بالصناديق ودخلوهم ل الشاحنات ومشو فيهم متوجهين لمكان محدد ناظرهم الكابور نظره اخيره وبعدها توجه لقصره اما جاك راح مع الشاحنات وهم بالطريق شافو نقطة تفتيش ووقفتهم الشرطه كان جاك مطمن انو خطتهم راح تتم وماراح تمسكهم الشرطه بس وقفتهم الشرطه ونزلتهم يفتشو الشاحنات فتح الشرطي الشاحنه واول مافتحها .................. شركة الجاني ـــــــــــــــــــــــ قاعد بمكتبه يوقع الاوراق الي جايبهم المساعد ومندمج يقرء التفاصيل سمع صوت تلفونه ناظر المتصل وكان الجد سلطان نزل نظارته الطبيه ورد الجد سلطان : السلام عليكم ابو راكان : وعليكم السلام شحالك يبه الجد سلطان : مو بخير لين تنفذ الي ابيه منك ابو راكان : افا عليك يبه انت تامر وانا البي ابو سلطان : ...................................................................................... انصدم ابو راكان وما عرف وش يقول (( وصلنا لنهاية البارت )) //توقعاتكم // تتوقعو ريفان توافق على سلطان ؟ متى راح يكون لقاء فارس وريفان ؟ الكابور راح يكشف نايف ؟ تتوقعو جاك ورجاله يقدرو يعدو من الشرطه ؟ الجد وش قال لابو راكان ؟ وليه ابو راكان انصدم ؟ شاركوني توقعاتكم الحلوه يحلوين .