جيتك وكلي جروح وابي منك تداويني - الفصل 12 | روايتك

البارت الثاني عشر ـــــــــــــــــــــــــــــ التفتتو الحريم وفهو من الملاك الي داخل عليهم بفستان عودي بموديل تركي وجزمه لون عودي، ومسويه شعرها ويفي، وحاطه بنسه بشعرها على شكل نجم البحر بالون الذهبي، ولابسه سلسال ذهبي على شكر فراشه، وساعه ذهبيه ومسويه ميك اب سموكي وحاطه بعيونها كحل ابيض الي زاد من وسع عيونها وجمال لونهم، وروج عودي، كان شكلها يسحر زي الملاك دخلت عليهم بخطوات ثابته وراسها مرفوع بشموخ وكلها كبرياء وغرورو وعلى ثغرها ابتسامه تاخذ العقل، ريفان قررت تلبس قناع الغرور عشان تبين للكل انو محد هامها وتوريهم الهيبه قبل يتمادو اكثر كل الحريم فاتحين فمهم بصدمه من جمالها حتى طيف ماتوقعت تكون بالحلا ذا سمعت همسات الحريم الي كانت عباره عن بنت منو مخطوبه او لا؟ ياحظ من ياخذها يااالبيه وش هالجمال مشت بشموخ وهي تدري انو فيه عيون حاسده تراقبها بس ماتدري عيون مين ريفان بصوت هادي : السلام عليكم صحيو الحريم من الفهاوه، وعج المجلس بردهم الحريم باصوات متفرقه : وعليكم السلام ، ياهلا والله، تو مانور المجلس راحت ريفان من جهت اليمين وصارت تسلم عليهم، كانت حركتها حلوه، وبالحركه ذي بينت للكل انو بنت محترمه وتعرف الادب والاصول سلمت على الكل وراحت جهت البنات تبي تقعد بس استوقفها صوت الجده الي بصدر المجلس الجده : ريفان يمه تعالي اقعدي يمه راحت ريفان ماتبي تكسر بخاطرها مع انو تكره تقعد مع الحريم الي بيقعدو يسألوها بنت منو متزوجه او لا ومن الكلام راحت ريفان وقعدت جنب جدتها وكانت ام راكان على يمينها والجده على يسارها التفتت على صوت ام راكان الي قالت بصوت واطي ام راكان بانبهار : ماشاء الله وش هالزين ياريفان غطيتي ؏الكل خجلت ريفان من كلام ام راكان وتوردت خدودها من الخجل اما الي بالمجلس زاد اعجابهم فيها من خجلت اكثر وتورد خدودها حلاها التفتت ريفان على صوت الحرمه الي قاعده يم جدتها الحرمه : اشلونك يبنيتي ريفان بادب : زينه زان حالك انتي كيفك يخاله الحرمه باعجاب : من شفتك وانا زينه الجده بغمزه للحرمه : اش عندك يم حمد ام حمد بضحكه : هههههههه عندي كل خير يا ام عبد العزيز ، والنيه انتي ادرا فيها الجده بضحكه : الحلا مايطلع من المجلس يا ام حمد ام حمد بصراحه : بنتكم عاجبتني وابيها لولدي حمد تكلمت ام سلطان الي كانت مقابل لام حمد ام سلطان : العذر منك يا ام حمد بنتنا لولدنا وانا ابيها لولدي سلطان ام حمد : اذا ولدك سلطان مايبيها انا ابيها لولدي حست الجده انو السالفه راح تكبر قررت تقطعها من بدايتها الجده : اشوفكم قاعدين تخطبو من عندكم ريفان عندها اهل والي يبيها وشاريها يروح بيت اهلها ويطق الباب سكتت ام حمد وام سلطان اما ريفان دوروها ماتلقوها حمرو خدودها والخجل كاسيها ماتحب اجواء انو احد يخطبها بوجودها حبت ام راكان تطلع ريفان من جوها. ام راكان بغمزه : الظاهر اليوم ماراح توقف عروض الخطبه خجلت ريفان اكثر وقالت ريفان بصوت خجول : خالتي ام راكان بضحكه : خلاص خلاص سكتنا بجهها اخرى من المجلس كانت طيف قاعده تولع من القهر والغيض ناظرتها من فوق لتحت وهي مقهوره ماتوقعت تكون بالجمال ذا ناظرت طيف ل اختها ام همام وشافتها تاكل سالتها طيف بقهر : تهاني مين احلا انا ولا هي بلعت ام همام الاكل الي بفمها وناظرت لاختها طيف بتامل ، كان شكلها حلو، بنت بعمر 23 طويله، وجسمها حلو، شعرها لين اكوفها كيرلي بخفيف، وصابغته اشقر ، بشرتها حنطيه، ووجهها دائري، وعيونها وسط لونهم بني، ورموشها وسط، فمهم وسط، وشفايفها كبار وانفها صغير وكانت لابسه فستان فيروزي قماش حرير بموديل فرنسي بفتحه لين نص الفخذ، وشعرها مستشورتها وميك اب ثقيل كانت حلو ناظرت ريفان بنظرات تفحص وشافتها قاعده تسولف مع الجده تاملتها شوي كانت زي الورده وسط القمح بنت تعطيها من العمر 18 سنه جميله جمال ملفت، جسمها حلو بخصر رياني، بشره بيضاء ، ووجهها دائري بفك حاد ، وعيون كبار ورموش كثيفه وطويله وذا واضح لانو مو مكثفه الماسكار ، بلونهم الجميل الي بين الون الزيتوني والرصاصي، بانف طويل وصغنون، وفم كرزي، ناظرتها شافتها وهي تبتسم لاحضت الغمازات الي بخدودها الي معطينها فوق الجمال جمال، وشعرها الغجري الي لين نهاية خصرها بكثافته المتزاحمه ولونه الممزوج بين الزيتوني والاسود، ناظرتها بنظره اخير ماتقدر تقيمهم لانو ريفان تفوز، جمالها جمال طبيعي وطيف جمالها مبالغ فيه بالميك اب عكس ريفان الي تحب الاشياء الهادئه بس ماتقدر تقول لطيف كذا مضطره تكذب ناظرت طيف وقالت ام همام بكذب : مافي مقارنه انتي الاجمل ابتسمة طيف بغرور ورجعت شعرها لورا بتكبر وتعالي اما عند البنات روان بصدمه : غيدا متاكده ذي اختك غيدا : ايوا اختي ناظرتها روان وناظرت ريفان شافت فرق كبير هيام بخقه : ياااالبييييه اروح انا من غمازتها يبنااااات تجنن هيفاء باعجاب : ماشاء الله يختي وش هالزين غاده ناظرت طيف تبي ترد حركتها الي مسويتها قبل تدخل ريفان قالت بمكر غاده : طيف طيف بغرور : نعم غاده : ينعم عليك الا ماقلتي لي شرايك باختي طيف بغرور : مافيها شي حلو عاديه البنات بصدمه : عاديه تكلمت ملاك الي طيف فاقعه مرارتها من الاول ملاك : ماعندك عيون انتي، ماتشوفي زين قال عاديه قال طيف بتكبر : وانا الصادقه ماتجي يمي القرويه روان بغيض : معندك سالفه اجل ذي الملاك عاديه يالشيفه والله انتي الي ماتجي يمها طيف بغضب : الحين انا الشيفه ياوجه العنز روان باستهزاء : شايفه انعكاس وجهك فيني لحتى تسميني بالعنز يا العنزه هيفاء بهدوء : بنات بسكم الكل قاعد يطالعكم احترمو المكان الي قاعدين فيه *وقالت بكلام قاصده فيه طيف *او اطلعو برا، مو مرحب بالناس الي ماعندها ادب طيف بغضب : وش تقصدي يا هيفاء هيفاء بهدوء : مقصد شي كلامي واضح ناظرت طيف لاختها ام همام وعيونها تطلع شرار. طيف بغضب : عاجبك كلام بنتك ياتهاني ام همام : لا مو عاجبني بس مقدر اتكلم والحريم موجودات طيف بتوعد : اوريك ياهيفاء والايام بيننا هيفاء بهدوئها المعتاد : اعلى ما فخيلك اركبيه ماغلطت بشي طيف : نشوف يابنت *وبستهزاء *اختي. بجهه اخرى من المجلس ناظرت ريفان الجده وقالت ريفان : انا رايحه للبنات تامري ؏لى شي مسحت الجده على كتف ريفان الجده بابتسامه : لا يمه روحي تونسي معاهم ريفان : طيب وقفت ريفان ومشت متوجهه للبنات عند البنات طيف والبنات للحين قاعدين يرمو الكلام على بعض ناظرت روان لورا وشافت ريفان جايه جهتهم ضربت هيفاء الي قاعده جنبها وقالت بهمس روان : اجت الخقه بسكم هواش لاتفشلونا عند البنت ناظرتها هيفاء وسكتت وصلتهم واشرت لها غاده تجي تقعد جنبها وراحت تقعد جنبها ريفان بابتسامه تشرح الخاطر : كيفكم صبايا روان بخقه : هاه ضربتها ملاك على فخذها وقالت بصوت هامس ملاك : لمي فمك اشفيك فهيتي روان باستيعاب : هاه هلا هلا تمام انتي كيفك غاده بضحكه : هههههههه روان اشفيك مفهيه كذا روان بصراحه : ب لله عليك احد يشوف الخقه وما يفهي استحت ريفان وتوردت خدودها وقالت بصوت خجول ريفان : تسلمي انتي الحلوه روان بهبال : خلاص يناس حبيتها، انتي من اليوم خويتي ريفان بابتسامه : لي الشرف اكون خويتك غيدا : اقول بطلي هبال ياروان ،انا راح اعرف اختي عليكم غيدا : ذي روان بنت عمي عبد العزيز والي قاعده جنبها اختها ملاك وذي *اشرت لهيفاء * هيفاء بنت عمي ناصر والي جنب ملاك تكون اختها هيام *واشرت على الريم الي توها داخله وقالت *وذي ريم عمتنا الصغنونه *واشرت لطيف وقالت بدون نفس * وذي طيف خالة هيفاء وهيام ريفان بابتسامه : تشرفت فيكم انا ريفان البنات : لنا الشرف قعدت تسولف مع البنات وطيف قاعده تاكله بنظراتها وريفان ملاحظه الشي ذا بس مطنشه ماتدري ليه مارتاحت لها بيت الجده نوره ـــــــــــــــــــــــــ المجلس ملك لهم المملك وطلع، كانت الجده نوره قاعده مع خلف، وجا الوقت الي راح تدخل فيه وله ويلبسها خلف الشبكه دخلت وله شايله العصير ويدينها ترجف من التوتر وعيونها بالارض ناظرها خلف اول مادخلت تاملها شوي كانت بنت قمه بالنعومه والرقه وملامحها بدويه ماينكر اعجابه فيها وبشكلها ناظر لبسها الي عباره عن فستان كحلي موديل سعودي طويل وجزمه كعب كحلي باكسسوارات فضي وميك اب خفيف وصلت وله لين الكنبه الي قاعد عليها خلف قدمت لها العصير اخذ الكاس وحطه على الطاوله بينما وله عطت الجده العصير وتوجها طالعه بس استوقفها صوت الجده نوره الجده نوره : وين وين ياوله اقعدي مع رجلك انصدمة وله اشلون تقعد معاه وكبرت صدمتها لمن الجده الي قالت لها تقعد، لانو تدري انو عقليتها شوي متحجره اشارت الجده نوره لوله على الكنبه الي قاعد عليها خلف تقعد راحت وله وهي خجلانه وقعدت على نفس الكنبه الي قاعد عليها خلف ناظرها خلف وقال خلف : كيفك وله وله بصوت خجول : تمام الحمدلله انت كيفك خلف : الحمدلله بخير وقف خلف واخذ الشبكه الي كانت محطوطه على الطاوله وقفت وله من شافته واقف اخذ خلف العقد منها وانحنا لها يلبسها لانو هو طويل وهي قصيره وبعدها اخذ الحلق لبسهم لها وبعدها الساعه واخر شي الخواتم لبسها الخاتم وهي لبسته ويدينها ترجف لاحظ خلف توترها بس قال بنفسه خلف بنفسه : لاتغرك حركاتها ياخلف كلهم كذا وبعدين يبانو على حقيقتهم تذكر الموقف الي كرهه بالحريم وحس بالاشمئزاز من وله ولاحظت وله الشي ذا بس قالت بنفسها : يمكن تتوهمي ياوله خلصو الشبكه عطاها رقمه واخذ رقمها وطلع من البيت بينما وله راحت غرفتها اخذت شور تريح فيه اعصابها وبعدها انسدحت على السرير بالعرض وقعدت تفكر اشلون راح تكون حياتها مع خلف وهل يحبها من جد او بس شفقه عليها لانو ما معاها اهل وامها تركتها قعدت تفكر وتفكر لين ماغلبها النوم ونامت اما خلف من طلع من البيت فسخ الخاتم وحطه بدرج السياره وتوجه لفيلا مهند وهو ناوي يسوي شي قصر الجد سلطان ـــــــــــــــــــــــــــ مجلس الحريم ــــــــــــــــــــــ حسن البنات بملل قررو يروحو الصاله ويسولفو براحتهم اما طيف غمزت لام همام واشرت لها على التلفون انو راح تطلع وتضبط لها الوضع مع سلطان اشرت لها ام همام بالموافقه وطلعت طيف مع البنات قعدو يسولفو وطيف مو معاهم ابد قاعده تكتب شغله لام همام وام همام ردت لها بالموافقه مجلس الرجال ــــــــــــــــــــــ قاعد يسولف مع ذا ويرد على ذا حس باهتزاز تلفونه بجيب الثوب طلعه وكان خويه منصور الي معاها بالقسم طلع يرد عليه بالحديقه لانو المجلس ازعاج سولف معاه شوي وتوجه داخل بس استوقفه صوت تلفونه من ثاني، ناظر المتصل وكانت ام همام استغرب اش عندها بس قرر يرد ويشوف وش تبي فتح الخط ورد سلطان : هلا عمتي بغيتي شي تلبكت ام همام من صوته وهيبته الي باينه بالصوت بس قررت تكمل خطتها ام همام بتمسكن : ايوا يولدي عمك ابو همام نسي ادويته، وهمام مو موجوده اتصل له وما يرد ممكن تجي يم المطبخ اعطيك اياهم سلطان : ابشري بس شوفي لي درب لايكون احد بالحديقه ام همام : ابشر غلقت ام همام من سلطان وهي ترجف خافت يحس انو تكذب، الي احكم خطتها انو ابو همام من جد نسي ادويته وذا ساعدها بالخطه ارسلت رساله لطيف وكان محتواها : طيف بسرعه اطلعي للحديقه سلطان جاي وسوي نفسك تكلمي صحبتك عشان ما احد يشك ناظرت طيف لتلفونها وشافت اشعار الرساله من ام همام فرحت وطلعت الحديقه بسرعه قالت بنفسها : اذا شافني كذا ماراح يناظرني ويصد بسرعه لازم الاقي شي بخليه يتامل فيني اكثر ناظرت حولها وشافت علبه زجاج فاضيه كسرتها بسرعه قالت بنفسها : تحملي ياطيف تحملي كله عشان سلطان كله عشانه شالت جزمتها رمتها بعيد بحيث مايشوفها سلطان وداست على الزجاج برجلها وحست بأللم طلعت الحبوب الي اخذتهم من دواء ابو همام الي كانو مسكنات والاللم خف، شافت سلطان جاي، بسرعه طيحت نفسها وقعدت تبكي بتمثيل شافها سلطان وفكر نفسه يتوهم تعوذ من ابليس فكرها جنيه بس الصوت ماراح تاكد انو بشريه راح لها سلطان ووقف بعيد عنها وهو صاد سلطان : مين هني طيف ببكى : سلطان انا طيف تافف سلطان وقال بنفسه : ياليل النشبه وذي طالعه لي بكل مكان سلطان : اشفيك ليه تصيحي طيف ببكى : طحت وانجرحت رجلي تكفى تعال ساعدني مو قادره اتحمل الاللم ناظر سلطان حوله يشوف احد يساعدها ويفتك من زنها بس ماكان فيه احد راح لها وهو صاد رما عليها شماغه وقال سلطان : استري نفسك فيه لين اشوف رجلك اخذته طيف وهي تبكي بكى كاذب وغطت فيه وجهها اما سلطان نزل لمستواها وشاف رجلها الي تنزف وتعمدت تكشف ساقها اكثر لحتى تغريه بس على مين ذا سلطان سحب الفستان وغطا ساقها بدون مايطالعها وطلع من جيبه منديل ابيض مكتوب عليه اسمه بالون الذهبي بخط صغير بطرف المنديل طلع الزجاج من رجلها ولف المنديل حول رجلها يوقف النزيف حست طيف انو راح يروح قبل يشوفها قررت تسوي حركه عشان تغريه اكثر طيحت نفسها بحضنه ولفت يدينها حول خصره وطاح الشماغ وسوت نفسها دايخه بنفس الحظه كانت ريفان رايحه المطبخ تاخذ مويه قالو البنات انو تقول لشغاله وبتجيب لها بس عيت تبي تخدم نفسها بنفسها ماتعودت احد يخدمها راحت المطبخ اخذت مويه وشربتها توجهت طالعه بس شافت باب المطبخ الي يودي للحديقه مفتوح لفتها منظر الحديقه وقررت تطلع تشوف المنظر طلعت ومشت شوي تخبت بسرعه من شافت طيف بحضن شخص بس ماتدري مين حست باشمئزاز منها اشلون قاعده بحضن رجال غريب توجهت راجعه للمطبخ بس استوقفها صوت طيف الي نادت الشخص وقالت طيف : سلطاني لاتروح مره تعبانه انصدمت ريفان ذا سلطان الي الكل يهابه قاعد مع بنت مو محرم له ضحكت بنفسها باستهزاء الحين ذا مهجد كل حريم العيله بهيبته وطايح حب وغرام وصاير خروف مع طيف استغفرت ربها ودخلت القصر قبل تشوف سلطان وهو يدف طيف بقوه والشرار يتطاير من عيونه سلطان : كنت عارف انو ذي من الاعيبك روحي استري نفسك يابنت الناس ولاتطلعي بطريقي مره ثانيه عشان ما تشوفي وجهي الثاني دفها باشمئزاز منها وطلع تاركها مكانها ضربت طيف الارض بقهر ماتوقعت يكشفها ناظرت شماغه الي طايح بالارض قالت بنفسها طيف : على الاقل اخذت شي يخصه اخذت الشماغ وشمته بعمق شمت عطره الرجال الفخم الي مميز عن العطور وكان خليط بين العود الاماراتي والعود الملكي وصار العطر ريحته تسحر اتصل طيف لاختها ام همام وقالت لها بالسالفه ام همام بصدمه : انتي مجنونه طيف بحب : اي بلله مجنونه بحب سلطاني ام همام : اشك انك مجنونه طيف : انا مجنونه بحب سلطاني ولا ابي اعقل والحين تعالي خذيني ؏المستشفى اضمد الجرح ام همام : مقدر اطلع معاك روحي لحالك او شوفي احد من البنات تروح معاك طيف باستهزاء : وكانك ماتدري عن بناتك الي مايطيقوني وتبغيهم يروحو معاي بعد ام همام : اجل شوفي لك صرفه انا مقدر اروح طيف : خلاص اروح لحالي غلقت الخط بدون ماتسمع رد ام همام مسكت الشماغ وشمته بقوه كانت تبي تسحب اكبر هوء من ريحته وتتخلا عن الاكسيجين ارسلت رساله لشخص يجي يوديها المستشفى ووافق اخذت عباتها وراحت المستشفى مع الشخص المجهول ضمدو لها الجرح ورجعت مع المجهول ووصلت القصر وقبل تنزل ناظرها المجهول بحب وقال المجهول : افا تروحي بدون ماتعطيني اجرتي طيف بضحك : امر وش تبي ناظرها المجهول بعمق وقال المجهول بخبث : بس ابي منك تعيدي قلبي الي انسرق مني ضحكت طيف اكثر وناظرته بنظرات غريبه وقالت طيف : انا نازله قلبك ماراح ارجعه ناظرها المجهول بخبث ونظراته متوجهه على شفايفها فهمت طيف وش يبي، وما مانعت بالعكس استجابت له سرق المجهول قبله عميقه من طيف وبعدها بعد عنها المجهول بهيام : ياليت الوقت يطول والمكان مناسب طيف بخجل مصطنع : بسك عاد انا رايحه نزلت طيف ودخلت القصر راحت للمرايات وعدلت الروج الي اخترب وراحت لجناح الضيوف الي قاعده فيها هي وامها بدون ماتشوف احد اما المجهول حرك السياره قال بنفسه بتوعد المجهول : راح اطيحك بشباك حبي ياطيف وبعدين راح ادمرك زي مادمرتي رنين •• تركيا •• فيلا الكابور ـــــــــــــــــ طلع نايف من غرفته شاف الشغاله قدامه سالها نايف : اين هو الرئيس الشغاله : لقد ذهب الحديقه مع الفتاة الصغيره طلع نايف من القصر وراح الحديقه شاف كابور وكارلا وجاك قاعدي بالحديقه يشربو قهوه راح لهم نايف : عمتم مساءً كارلا وجاك : عمت بخير راحت له كارلا وقدمت له الكرسي زين عشان يقعد معاهم قعد نايف وقال نايف بابتسامه : شكرآ لك كارلا : على الرحب والسعه ناظر نايف للكابور نايف : سيدي اود الرحيل اخي لايعلم عن اختفائي وقد يبدو قلقً بشأندي الكابور بهدوء : لن تذهب يا ناي انت لم تشفاء بعد نايف : لا لقد شفيت الا تراني بحال جيد ناظره الكابور وناظر جرحه رفع عصاته ووجهها لجرح نايف وضغط عليه تاللم نايف حيل بس مابين يبي يطلع من قصر الكابور باي طريقه ناظره الكابور واعجب باصراره الكابور : اسمع ياناي لدي عرضً لك نايف : ماهو عرضك يا رئيس الكابور : لقد اعجبت بك حقآ واود ان تكون احد رجالي المخلصين وسادفع لك مالً لم تحلم به قط نايف : ولما انا لما لم تختار شخص اخر الكابور : يعجبني ذكائك يافتى لما انت لانك من قمت بحمايتي ولم تكن تعلم من انا نايف : حسنآ ولكن ما العمل الكابور : ستكون حارس شخصي لي ثم ناظره بنظرات عميقه وقاا الكابور : ولكن يلزمك بعض التمارين نايف : اممم حسنآ ولكن علي الرحيل الى اخي واخباره بعملي الكابور : حسنآ وقف نايف وتوجه ل الداخل راحت له كارلا وهي فرحانه باست خدوده وقالت كارلا بفرح : ابي انا احبك لم اكن اتوقع ان يوافق ناي الكابور : ساحقق كل ما تتمناه صغيرتي المدلله كارلا : سلمت يا ابي راحت كارلا القصر وبقي جاك والكابور جاك : هل تود تعيين ناي حارس شخصي لك الكابور : اجل ناي شخص ذكي ولديه سرعة بديهيه واود تعيينه جاك : ولكن يارئيس انهو فتى صغير لن يصمد لتدرياتك القاسيه الكابور : سيصمد انهُ فتى عنيد سيقاوم حتى يربح جاك : أامل ذالك قعد الكابور يشرب قهوته وهو يفكر كيف بيهرب المخدرات بدون ماتمسكه الشرطه وفكر بحيله ماكره مستحيل يكشفوها تعالت على فمه ابتسامه ماكره لاحضها جاك بس ماعلق قصر الجد سلطان ـــــــــــــــــــــــــــ الساعه 12:30 راحو المعازيم وبس بقي عائلة الكايد وطيف وامها قعدو الحريم والبنات بالصاله قالت غيدا لامها غيدا : يمه ترا بنبات هني ايدو البنات كلامها والامهات وافقو ناظرت ام راكان لريفان وقالت ام راكان : شرايك ياريفان بتباتي هني او تروحي معاي ريفان : برو امممم ناظرت يد غاده الي سدت فمها وقالت غاده غاده بابتسامه عريضه : معليك يمه بتبات هني بنتونس مع بعض ونسهر للفجر *وناظرت ريفان بغمزه وشالت يدها من على فم ريفان وقالت *ولا وش قولك خيتو ماحبت ريفان ترد غاده. ريفان بابتسامه : خلاص خالتي ببات مع البنات ناظرت غاده وقالت ريفان : بس مامعنا ملابس نغير روان بغمزه : افا عليك كل شي موجود غيدا بضحك : متى خططتو انتو ومتى قدرتو تجيبو الاغراض روان بفخر : احم احم افا عليك دام السالفه فيها روان اكيد بتتم بسريه تامه ضحك الكل على كلامها ناظرت ام سلطان ريفان وسالتها ام سلطان : ريفان انتي تدرسي ريفان بهدوء : لا خلصت الثانويه بس مادخلت جامعه ام سلطان باستغراب : ليه كم مجموعك ريفان : 100% ام سلطان : حلو طيب ليه مادخلتي مجموعك يدخلك باي تخصص ودك فيه ريفان : الجامعه بعيده عنا حيل ومقدر اروح بروحي وجدي مايقدر على الطريق كل يوم ام سلطان : التسجيل بيبتدي من يوم السبت هاتي اوراقك وبسجلك مع البنات ريفان : ما ابي ادرس ام راكان باستغراب : ليه وش يمنعك لازم تخلصي دارستك وتكون شهادتك سلاح لك ريفان : مدري مافكرت اكمل دراستي لاسباب كثيره الجده بحزم : من بكره تروحي مع البنات وتاخذي لك لوازم الجامعه ويوم السبت اشوفك بالجامعه قالت ريفان باعتراض : بس م قاطعتها الجده بصرامه : كلمتي ماتنعاد يابنت فيصل اشرت لها ام راكان بانو تسكت وتفهمها بس ترجع البيت سكتت ريفان وقعدو يسولفو بعد ساعه الكل راح بيته وبقيو البنات راحو الجناح المخصص لهم بقصر الجد سلطان دخلو وتروشو وغيرو لبسهم ولبسو بجايم مريحه وباقي ريفان للحين تتروش طلبو من الشغاله تجيب لهم اشياء يتسلو فيها بسهرتهم راحت وجابت لها شوكلاتات وببسي وشبسات وقهوه وحلا رتبو قعدتهم وبعد شوي جات طيف ودخلت تقعد معاهم غيدا : غاده روحي عطي ريفان البجامه وقفت روان : لا خليك انا بعطيها ياها اساسا رايحه اجيب لي شاحن عطتها غيدا البجامه واخذتها دخلت الغرفه على طلعت ريفان من دورة المياه ناظرتها وهي لافه الروب حول جسمها وشعرها مبلل وكان شكلها خيال روان : هاك البجامه عطتني ياها غيدا ريفان بابتسامه : شكرآ روان : ولو يروحي ماسويت شي اخذت روان الشاحن وطلعت تاركه ريفان تغير لبسها بعد شوي طلعت ريفان من الغرفه لابسه بجامه بنطلون بالون الاسود وتيشيرت بالون الابيض وفيه باندا جففت شعرها وسوته كعكه وطلعت خصل بسيطه من شعرها وطالعه كيوووت صفرت هيفاء : ياااويلي انا ؏الاسود انسدحت روان مسويه نفسها ذايبه وقالت روان : اذوووب انا يا الابيض بحركه عفويه غطت ريفان وجهها بخجل وقفت غاده واخذتها من يدها وقعدتها جنبها غاده : بنات بسكم كلام احنا نبي نطلعها من جو الخجل وانتو ترجعوها له روان : لا خلاص سكتنا اهم شي نسمع صوتها وتندمج معانا بسرعه ناظرتهم ريفان تحس بطيبتهم وخفت دمهم انو بنات طيبات وحبوبات بعكس طيف الي كانت كل نظراتها كره وحقد توعدت طيف لريفان وهي ناويه لها على نيه قشرا اخذت طيف الحلا وقدمته لريفان استغربو البنات حركتها تاكدو انو ناويه على شي بس مايدرو وشو راحت ل الدله واخذت الفناجين عطت البنات اول عشان مايشكو فيها وقعدو البنات وهم في حيره من امرها عطت البنات قهوه لين وصلت عند ريفان سوت نفسها بتملا الفنجان بس فلتت الفنجان ووووو : اءءءءءءهه (( وصلنا لنهاية البارت )) //توقعاتكم // ام سلطان راح تخطب ريفان بجد ؟ ريفان بتفهم انو الموقف الي شافت فيه طيف وسلطان سوء فهم ؟ خلف وش ناوي عليه لمهند ؟ نايف بيقدر يصمد قدام تحديات الكابور عشان يمتحن ثقته ؟ الكابور بيقدر يهرب المخدرات بدون ماتمسكه الشرطه ؟ طيف وش ناويه عليه لريفان ؟ ريفان احترقت او لا ؟ شاركوني توقعاتكم الحلوه يحلوين .