جيتك وكلي جروح وابي منك تداويني - الفصل 8 | روايتك

البارت الثامن ــــــــــــــــــــــــ بيت الجده نوره ـــــــــــــــــــــــــــ قاعده عند راس وله مستنيتها تصحي ناظرتها وشافتها قاعده تفتح عيونها ببطئ الجده نوره بفرح : يمه وله صحيتي فتحت وله عيونها بشكل كامل ناظرت جدتها باستغراب وله : اشفيك يمه الجده نوره بغصه : مافيه شي تذكرت وله الحرمه وفزت بخوف وضياع وله ضياع : وش صار، انا، الحرمه كيف ناظرتها الجده نوره بنظرات مطمنه الجده نوره : لاتخافي يمه ماصار لك شي وله : اشلون ماصار شي والحرمه خدرتني انا مدري وش صار بعدها انتي لحقتي علي بالوقت المناسب الجده نوره بعيون مدمعه : انا لحقت عليك بالوقت المناسب ايوا بس لولا الرجال الي لحق الحرمه واخذك منها الله اعلم وش راح يكون حالك وله ياستغراب : اي رجال الجده نوره : بقلك السالفه وله : قولي الجده نوره : انا كنت راجعه البيت ولما وصالت و ................................. وكملت ل وله السالفه وله بغصه : يعني لولا الله ثم الرجال ذا الله اعلم وين كنت راح اكون الحين الجده نوره : الله يعطيه العافيه انشهد انه نشمي وفزعته ذي ماراح انساها ابد وله : شكرتيه ياجده الجده نوره : ايوا شكرته اا سكتت تفكر شوي وله باستغراب : فيه شي يمه الجده نوره : وله يمه احنا بحاجة رجال معنا بالبيت مايصير نقعد بحالنا الرياض تختلف عن حايل العيشه بحايل غير وكلنا امان وجيران من سنين اما هني غير لو صار لك شي اليوم لاسمح الله وش كنت راح اسوي وله بغباء : اشلون بندخل رجال غريب يايمه كذا بيكثر علينا الكلام *وبعدها شهقت بخفيف *بتتزوجي يمه ضربتها الجده نوره على راسها بخفيه من غبائها ذا. الجده نوره : انتي انهبلتي اكيد مو لي وله بفهاوه : اجل لمنو الجده نوره : لك انتي شهقت وله واشرت على نفسها : لي انا الجده نوره : ايوا لك انتي وش ناقصك وتو ام حمدان كلمتني ودها تاخذك لولدها حمدان وله : يمه ما ابي اتزوج انا مرتاحه كذا الجده نوره بعصبيه من استهتار وله : راح تتزوجي ياوله راح تتزوجي، وكلمتي الي راح تمشي، ابي اموت وانا مطمنه عليك وله بغصه : ماراح اتزوج واتركك بروحك الله يطول بعمرك الجده نوره : ومين قال بتتركيني بروحي انتي راح تتزوجي وتعيشي معاي انتي ورجلك وله بضيق : يمه ممكن نتكلم بالموضوع ذا بوقت ثاني الجده نوره شافت الضيق مرسوم على ملامح وله ماحبت تضغط عليها اكثر الجده نوره : تمام فكري زين بكلامي وحمدان رجال ونعم فيه وله بتسليك : تمام انا رايحه غرفتي تبغين شي الجده نوره : لا روحي ارتاحي راحت وله غرفتها والجده قعدت بالصاله تفكر وشلون تقنع وله تتزوج بعد 3 ساعات قصر ابو راكان ــــــــــــــــــــــــــ •• جناح ام راكان •• دخل ابو راكان وشاف ام راكان قاعده ؏السرير ترتب ملابس بشنطه صغيره ابو راكان باستغراب : وين رايحه تكلمت ام راكان وهي ماشيه ل التسريحه تاخذ عطر توها شاريته جديد ام راكان : رايحه المستشفى ابتسم ابو راكان وتاملها وهي قاعده تلم الاغراض بالشنطه ام راكان اخذت كم بجامه جديده من البنات مايمديها تروح السوق قررت تاخذ من البنات وبكره تاخذ لهم ولها من السوق واخذت العطر الي توها شاريته واشياء بسيطه مثل شامبو وصابون ولوشنات عشان الفتره الي بتقعده ريفان بالمستشفى يكون معاها الاغراض الي تحتاجهم غلقت الشنطه راحت ل الشماعه اخذت عبايتها ولبستها واخذت نقابها وناظرت ابو راكان ام راكان : يالله مشينا ابو راكان : يالله اخذ ابو راكان الشنطه بيده ومشى قبل ام راكان وام راكان وراه نزلو من الدرج وطلعو من القصر راح ابو راكان لسياره شافهم السواق راح ل ام راكان و اخذ الشنطه وحطها بالسياره السواق :وين حابب تروح ياطويل العمر ابو راكان : عطني المفتاح انا الي راح اسوق انت ريح اليوم السواق : الي تشوفه ياطويل العمر نزل السواق وعطاء ابو راكان مفتاح السياره شغلها ودخلت ام راكان السياره ربطو حزام الامان ابو راكان : بسم لله شغل السياره وحركو متوجهين للمستشفى بعد 15 وصلو المستشفى نزلو من السياره اخذ ابو راكان الشنطه وتوجها للاصنصير ضغط ابو راكان على رقم الدور وبعد بثواني وصلو راحو لجناح ريفان ردخلت ام راكان وابو راكان وشافوها بعدها نايمه ام راكان : يالله الحين تسهل اشوفك بكره ابو راكان بصدمه : تطرديني ابم راكان بضحكه : ايوا *وبجديه *ما ابي وله تصحي وتشوفك هني ابغا امهد لها الوضع اول ابو راكان بقلة حيله : تمام بس بقعد شوي وبعدها طالع ام راكان : طيب راح ابو راكان لريفان وقعد جنبها يتاملها بحنان بينما ام راكان اخذت منه الشنطه وراحت ل الدولاب الي موجود بالجناح حطت فيه الملابس والاغراض الثانيه وبعدها راحت دورة المياه حطت فيها باقي الاغراض من لوشنات والشامبو والصابون وغيرهم خلصت وبعدها راحت لابو راكان الي كان قاعد على الكرسي الي جنب السرير ام راكان : يالله يافيصل روح الحين بتصحي وخبر البنات انو ببات هني ماخبرتهم وقف ابو راكان ابو راكان : تمام يالله انا طالع انتبهي على روحك وانتبهي لها طلع ابو راكان وراحت ام راكان تقعد مكانه بعد دقائق ابتدت ريفان تفتح عيونها ناظرتها ام راكان بصمت وهي تتامل اهدابها ورموشها الكثيفه والطويله الي ماخذتهم من امها لانو اخواتها مو زي رموشها بالجمال ذا شافت لون عيونها الي كان خليط بين الون الزيتوني والرصاصي الغامق والعسلي ذكرت الله من جمالها تاملتها شوي وسرحت دام ريفان كذا اجل امها الله يرحمها كيف كانت اكيد بتكون ايه بالجمال وما تلوم ابو راكان لو حبها صحت من تاملها على صوت ريفان الي شالت الاكسيجين وقاعده تسألها باستغراب ريفان : مين انتي ام راكان بابتسامه مطمنه : انا ام راكان لاتخافي يمه من سمعت كلمة يمه تذكرت امها ودمعت عيونها قالت بغصه وهي على وشك البكاء وتتمنا الي صار لها حلم وينتهم ناظرت ام راكان مستنيتها تكذب الخبر الي سمعته قبل 4 ساعات ريفان : وينها امي ام راكان بحنان : راحت للي ارحم مني ومنك ادعيلها يمه طاحت دموع ريفان وبكت ماتوقعت تفقد امها بين يوم وليله بكت اكثر وانهارت بالبكى وقفت ام راكان وراحت لها ضمتها بحنان ام راكان : ابكي يروحي بترتاحي وفقد الام فقد الذات ابكي وما عليك من الكل ابكي يمه بكت ريفان اكثر وكانو كانت مستنيه احد يقلها تبكي قعدت تبكي بحضن ام راكان بنحين تبكي فقد الام وفقد السند امها كانت الاب والام والاخ والاخت وكل شي كانت معوضتها عن حنان الكل دخل الدكتور محسن بعدما اتصلت له الدكتوره وقالت له انو فيه زوار دخلو غرفة ريفان تاخر بسبب الاجتماع دخل وشاف ريفان منهاره بحضن ام راكان الدكتور محسن بعصبيه : مين سمح لك تدخلي الحين مو وقت زياره والمريضه بحاجة راحه ام راكان بهدوء : انا الي سمحت لنفسي ولو سمحت يادكتور انا ماراح اترك بنتي تبات بروحها والمرافق مسموح له يبات بالمستشفى او انا غلطانه سكت الدكتور محسن وبعدها طلع يكلم ابو راكان الي فهمه السالفه وانو ام راكان تبي تساعد ريفان تتخطى الي صار لها اما ريفان قعدت على حالها ساعتين تبكي وهي بحضن ام راكان ام راكان بحنان : ارتحتي يمه ريفان ببكى : اهئ اهئ ابيها ليه راحت وتركتني حست ام راكان انو ريفان طفله تحاج لمن يسايرها بالكلام عشان تهدا ام راكان : ادعي لها يمه ماودك تدخل الجنه وتصير مرتاحه ترا دموعك تعذبها ادعيها حاولت ريفان تبطل بكى بس عيت الدموع تتوقف قعدت تبكي وتبكي حنين للام وفراقها بعد نص ساعه هديت راحت ام راكان للبراد جابت كوب مويه وعطته ريفان وساعدتها بالشرب اخذت كلينكس وعطته ريفان تمسح دموعها اخذته ريفان مسحت دموعها ووجهها احمر وعيونها جمر من كثر الدموع ريفان بصوت مبحوح من البكاء وصارت تبكي بخفيف وكانها استوعبت شي : انتي مين ياخاله ام راكان بحنان : انا ام راكان واكون حرمة ابوك ريفان باستغراب : حرمة ابوي اشلون بس ابوي متوفي ريفان لمن كانت منهاره ماركزت بكلام ابو راكان زين ام راكان : بقلك سالفة ابوك ريفان بفضول : قولي ام راكان : ابوك قبل 21سنه راح حايل و ............... .............................. و حكت لها السالفه كامله زي ماقالها ابو راكان ووصيت الجازي له ريفان بصدمه وبكى : يعني ابوي عايش وامي كانت مخبيه عنه حملها طيب ليه جدي اجبره يطلق امي ليه هو قاسي كذا ام راكان : عمي سلطان قاسي من زمان وما يحب احد يعصي له كلمه والصفات ذي انتقلت ل سميه سلطان نفسه بكل شي ريفان باستغراب : مين ذا ام راكان : ولد عمك عبدالعزيز ريفان : يعني حتى هو قاسي طيب وابوه ليه مايعلمه الين ام راكان : ابوه وابوك والكل يهابوه فيه هيبه تخلي الكل يحترمه حتى انا احترمه لعقله الكبير وهيبته الي تخلي الكل يسكت من حضوره ريفان بكره : اكيد بيكون قاسي زي جده الي فرق بيننا احنا وابوي بسبب قساوة قلبه ام راكان : قاسي ايوا بس مع امه واخواته شخص ثاني يكون الين من الين نفسه مايحب يأذيهم شي ويخاف عليهم حيل ملت ريفان من الكلام عن سلطان تحس بالكره تجاهه زي جدها قررت تغير السالفه ريفان : الحين انا عندي اخوان ام راكان بفرح انو تقبلتهم بسرعه : ايوا قعدو يسولفو لين ماحست ريفان بتعب وبعدها نامت ونامت ام راكان ؏الكنبه الي بالغرفه معاها •• تركيا •• قصر الكابور ــــــــــــــــــــــ قاعده بالحديقه مع ابوها وبيدها قهوه بارده ناظرت ابوهم بعمق اشلون يبتسم لها ويكون سعيد معاها وهو الي مخرب الدنياء تذكرت الي صار قبل 5ساعات نرجع 5 ساعات ورا انفتح الباب وطلع الكابور شهقت كارلا بخوف ناظرها الكابور باستغراب من وجودها الكابور : مابك يا صغيرتي هل هناك خطبآ ما كارلا بتاتأه : ل ل لا لا يا ابي الكابور بقلق على صغيرته :ما بالك ياصغيرتي هل تودي استدعاء الطبيب كارلا : لا يا ابي انا بخير لاداعي لذالك حاولت تطلع من السالفه وما يكفشها انو سمعت كلامه كارلا بفرح مصطنع : لقد اتيت الى هنا لاصطحبك معاي الى الحديقه لاحتساء القهوه ولكن عندما اتيت الى هنا اللتوى كاحلي وشعرت بالأللم ولذالك خفت عندما قمت بفتح الباب بشكل مفاجئ وذالك ماجعلني اشهق بقوه راح لها الكابور وحملها بين يديه وتوجه بها الى الحديقه وكارلا تصرخ ان ينزلها فهي تخاف ان يحملها احد الكابور مازال حاملها بين يديه : كفي عن تحريك قدميك فقد اسقط بك وحينها حتمآ ستشعرين بالأللم ولن احملك سكتت كارلا وما نطقت بحرف خايفه يسويها من جد وصلها الحديقه وحطها على الكنبه الطويله الي بالحديقه ونادا بصوت عالي على الخدامه تجيب مرهم يخفف الاللم بعد شوي رجعت الخدامه وبيدها المرهم اخذه الكابور مسك رجل كارلا من كاحلها وحط المرهم بالمكان الي تاشر عليه كارلا حاولت كارلا تصنع الاللم عشان ابوها مايشك انو تكذب ونجحت بذا تاملت ابوها وهو يلف رجلها بشويش وبحنيه خايف تتاللم وبعدها لف رجلها بربط شد الاعصاب عشان يفتك الالتوى بنظرها اشلون لشخص زيه بالحنيه ذي يكون قاتل ورئيس مافيا وبنظري اشلون لشخص قاسي ويخرب البلد والناس بالمخدرات وبيع الاسلحه يكون الشخص ذا الي من حنيته تشك انو يكون ذا الكابور اخطر رئيس مافيا مكان مجهول ــــــــــــــــــــ نزلت ام همام من السياره وقالت لسواق ام همام : استناني هني لا تروح السواق : حاطر ماما توجهت ام همام للمكان المطلوب دخلت للفيلا المطلوبه شافت الشغاله قدامه ام همام : وين خالد الشغاله : اشارت لها فوق لانو الشغاله بكما راحت ل الدور الثاني مشت بالممر الي يودي لمكتب خالد فتحت الباب من دون ماتطقه تعودت تدخل مكتب خالد بدون استأذان فز خالد من شافه راح لها بخطوات سريعه وضمها خالد بخبث : وحشتيني ام همام بخجل : انت الي واحشني خالد بخبث اكبر : اذا وحشتك من جد اثبتي لي ام همام بخجل : خالد بسك كلام الحين معاي لك مفاجأه خالد بمكر : قولي تدري ماعندي صبر للانتظار فتحت ام همام العبايه واخذت الملف الي كانت مخبيته بجيب البنطلون اخذته ومدته لخالد ام همام بحب : جبت لك الملف الي سالتني عنه وذا اثباتي لحبك ضمها خالد بفرح خالد : تهاني احبك انا مو متخيل انو جبتيه ام همام بحب : اي شي تطلبه حلالك خالد بحب كذاب : احبك يا اجمل تهاني ام همام بخجل : وانا بعد خالد بخبث : وانتي بعد وش ام همام بهيام : احبك خالد بخبث : الشغله ماتبيلها كلام ام همام : لا انا رايحه ابو همام بيحس بغيابي خالد بهيام : لابوه من ابو همام اخذها من يدها وتوجه لجناحه وووووووووووووووووووووووووووووووووو خلونا منهم كافيه الاحلام ـــــــــــــــــــــــــ دخلت هيفاء مع ابوها وهي مغميه عيونه والحارس يمشيه بالكرسي المتحرك ابو همام : هيفاء يبه وين ماخذتني هيفاء : يبه لاتصير ابو طبعآ عجول الحين بتشوف سكت ابو همام مستني يشوف المفاجأه اشرت هيفاء ل الحارس يمشي ابوها للمكان الي تدله عليه والحارس مشى وراها دخلو للمكان الي استاجرته هيفاء ليوم كامل وكان المكان عتمه الحارس : انا طالع ياطويلة العمر هيفاء : لاتطلع ياسالم انت من الاهل الحارس سالم : بس يا قاطعه ابو همام : اقول اقعد يوليدي بنشوف اشعندها قلب ابوها هيفاء بضحكه : يالله افتح عيونك فك ابو همام الشال من على عيونه وناظر حوله وكان كل شي ظلام في ظلام ابو همام باستغراب : هيفاء يبه وين جايبتني وليه المكان ظلام هيفاء : هيام شغلي شغلة هيام الشموع وكان المكان مرتب بشكل انيق وضوء الشموع معطيه روقان وشكل جميل وكان فيه موسيقى باغنية هابي بيرتي تو يو شكل المكان كانت غرفه كبيره ل اعياد الميلاد طاوله كبيره بالوسط ومكان لصاحب عيد الميلاد وطاولتين للاهل والديكور كان بالون الذهبي والفضي والاثاث بالون الذهبي شاف ابو همام المكان وحس بفرح شاف قاتو 5 ادوار عليها صورته بخمس مراحل الصوره الاولى بعمر العشر سنين والصوره الثانيه بعمر العشرين والصوره الثالثه بعمر الثلاثين والصوره الرابعه بعمر الاربعين والصوره الخامسه بعمر الخمسين كانت كل صوره محطوطه بالدور المخصص لها والشكل ملفت وجميل القاتو لحالها تعبر عن مدا الاهتمام والحب بجمع كل الصور ذي وبذات انو كانو مفقودين من زمان بس هيفاء عشان بسمة ابوها تسوي المستحيل لمعة عيون ابو همام بالدموع مايدري ليه هل فرح لانو اولاده حوليه او عشان فيه شخص اهتم لادق التفاصيل او عشان المفاجأه الي كان محتاجها تغير نفسيته التعبانه ناظر ابو همام هيفاء وقال ابو همام بامتنان : هيفاء يبه ليه كلفتي على روحك هيفاء بمزح : اقول يالله يبه القاتو بيخرب وانت ماقطعته يالله قطعه بذوق ابو همام هل طعمه حلو بالقاتو او بالواقع ضحك الكل على كلامها الي دائمآ يغير مود الكل همام : يالله يبه اذا بنقعد كذا ماراح ناكل من القاتو ذا ابو همام بضحك : اوكي يالله مشاه الحارس لمكان القاتو هيفاء : تمنا امنيه وطف الشموع ابو همام بضحك : هههههههه يبه هيفاء كبرنا ؏الاشياء ذي هيفاء بتمثيل لزعل : سو الي يريحك غمض عيونه ابو همام مسوي روحه يتمنا وهو يدري انو بس خرابيط بس بيساير هيفاء ابو همام ناظر هيفاء بضحك : خلاص الحين اقدر اطفي الشموع هيفاء بضحكه : ايوا طفا ابو همام الشموع واشتغل النور بنفس الوقت الكل عطاء ابو همام هديته حتى الحارس الا هيفاء كانت اخر وحده طلعت هديتها وكانت على شكل ورقه استغرب ابو همام هيفاء برجاء : يبه ممكن تفتح هديتي لمن تروح البيت ابو همام باستغراب من طلبها : تمام خلصو الحفله ورجعو البيت تعبانيه كل واحد راح ينام من التعب ونسي ابو همام يفتح هدية هيفاء اليوم التالي الساعه 9:00 ص المستشفى ــــــــــــــــــ صحيت ام راكان على صوت النيرس الي داخله النيرس : الدكتور داخل بعد شوي ام راكان : طيب راحت ام راكان دورة المياه بينما النيرس راحت جهت ريفان وشافت بعدها نايمه شالت المغذيه الي خلصت وكبتها بالزباله اكرمكم الله طلعت ام راكان من دورة المياه وشافت ريفان بعدها ماصحيت النيرس : ممكن تصحيها الدكتور جاي ولازم تصحى ام راكان : تمام راحت ام راكان لريفان تصحيها ام راكان : ريفان اصحي تحركت ريفان بانزعاج من الصوت ام راكان بصوت حنون : ريفان يمه اصحي بسك نوم ريفان بصوت كله نوم : همم يمه خليني انام روحي انتي وبصحي بعدين فهمت ام راكان انو ريفان مفكرتها امها حزنت على حالها ام راكان : ريفان اصحي يالله الدكتور على وصول فتحت ريفان عيونها بخمول ريفان : يالله صحيت يمه صحيت ريفان وناظرت للحرمه الي تصحيها ماكانت امها بلعت غصتها بأللم ولمعت عيونها بالدموع تذكرت انو امها خلاص راحت لاحظت ام راكان تغير ريفان وعرفت انو فكرتها امها ام راكان بحنان : ادعيلها بالرحمه وطيبي بسرعه عشان تسوي لها صدقه جاريه تنفعها ريفان بغصه : الله يرحمها ويرحم جدي ويجمعني معاهم بجنات النعيم ام راكان : يالله اساعدك تمشي الدكتور بعد شوي جاي هزت ريفان راسها بالموافقه ساعدتها ام راكان تروح دورة المياه لانو ماتقدر تمشي زين من الجرح الي ببطنها بعد شوي طلعت ريفان من دورت المياه راحت لها ام راكان تساعدها تمشي وصلتها لين السرير وبعدها جابت فوطه ومسحت وجهها بلطف ناظرتها ريفان بامتنان عدلت ريفان قعدتها ؏السرير وراحت ام راكان تجيب لها شيله قبل يجي الدكتور جابت ام راكان الشيله اخذت شعر ريفان بتلفه ام راكان بنفسها : ماشاء الله وش الشعر الغجري ذا اشك انو من نعومته ينلف لفته ام راكان بربطة شعر بس كل شوي ينفك راحت لشنطه جابت بنسه وثبتت الشعر فيها ولفت الشيله زين سمعت طق الباب تنقبت وقالت ام راكان : تفضل دخل الدكتور ومعاه النيرس الدكتور محسن بابتسامه : كيف مريضتي الحلوه *الدكتور محسن كبير بالسن بعمر الستين ويشوف ريفان زي بنته ولانو بنت صديقه ويعزها * ريفان بهدوء : تمام الحمد لله احسن متى راح اطلع الدكتور محسن بمزح : افا مليتي مننا ريفان بابتسامه خفيفه : تبي الصراحه ايوا العيشه بالمستشفى ماتنطاق الدكتور محسن : هههههههه صريحه زي ابوك انعفس وجه ريفان من جاب طاري ابوها ماتدري ليه تحس مو متقبلته ريفان بدون نفس : تسلم ماقلت لي متى بطلع الدكتور محسن : بكره بكتب لك خروج بس لازم تاخذي معاك النيرس عشان تهتم فيك وتطهر الجروح ام راكان بهدوء وحشمه : مافيه داعي انا بهتم فيها واختها درست سنتين تمريض وتعرف للشغلات ذي الدكتور محسن : بس يجي ابو راكان خليه يروح لي المكتب وبشوف اذا يبي النيرس او لا والحين ممكن اشوف الجرح الي براسك ياريفان واشوف كيف كتفك ريفان بخجل : طيب راح الدكتور محسن يشوف راسها بعدما شالت الشيله وشاف الجرح تمام وبداء يلتئم اشر الدكتور محسن ل النيرس تشيل مشد الكتف الي مسوينه عشان يثبت الكتف ويرجع لمكانه بعدما شالته راح الدكتور محسن يشوف كتفها ويفحصه زين ضغط بخفيف على كتف ريفان وتاللمت ريفان بأللم : اه بعد الدكتور محسن يده عنها واشر ل النيرس ترجعه ورجعته الدكتور محسن : راح تخلي مشد الكتف عيك لمدة اسبوعين لانو الكتف للحين مارجع زين ريفان : تمام الدكتور محسن : لاتحركي كتفك ابد وانتبهي وحاولي ماتتروشي كثير عشان الجروح الي بجسمك ماتلتهب بعطيك لصقه مضاده للماء عشان ماتوصل المويه للجرح ريفان : طيب طلع الدكتور محسن والنيرس وبقيت ريفان وام راكان ريفان بضجر من كلامه : هففف اخيرآ طلع ام راكان بضحكه : اشفيك الدكتور يبي مصلحتك ريفان بتقليد لصوته : انتبهي تتروشي كثير *رجعت صوتها الطبيعي * انننننن ذا يبيني اعفن عشان تعليماته المخيسه ام راكان بضحك : هههههههه بس بس الله ياخذ عدوينك اكلتيه بكلامك ريفان بقهر : وانا صادقه اشلون يبيني ما اتروش اخذت ام راكان نفس بعد الضحك وقالت ام راكان بجديه : ريفان يمه هو صادق المويه بتخلي الجرح يلتهب اتروشي باليومين مره عشان الجروح ريفان : بس هو بيعطيني لصقه مضاده للمويه ليه مايبيني اتروش ام راكان : صح بيعطيك بس ممكن تقولي لي اشلون بتحطي الصقه ذي ؏راسك والجرح كبير وبتلصق بالشعر وبتتالمي اكثر قعدت ريفان تفكر وكانو بدت تقتنع ام راكان : وش قلتي ريفان : تمام سمعو صوت طق الباب ام راكان : ادخل طل ابو راكان براسه من الباب وعلى وجهه ابتسامه حلو ابو راكان : ممكن ادخل يا اميرة ناظرته ريفان وما نطقت بحرف ام راكان : حياك فتح ابو راكان الباب بالكامل ودخل باقة ورد جوري كبيره وبوكية اكبر فيها انواع كثيره من الشوكلاته دخل ابو راكان وهو شايل باقة الورد وبوكيه الشوكلاته كل وحده بيد راح جهت ريفان وحطهم على الكمدينه وراح لريفان باس جبينها ابو راكان بحب : اشلونك يبه ان شاء الله احسن ريفان بقهر : كنت احسن قبل اشوفك ابو راكان بمزح : افا تقولي لابوك كذا بثاني لقاء ريفان بقهر اكبر : اقول لابوي الكلام ذا بعد واحد وعشرين سنه حس ابو راكان انو زعلانه منه *له له يا ابو راكان توك تحس بدي انا لو منها بكسر الدنياء * ابو راكان : ريفان يبه انتي تدري انو امك الي خبت علي وانا مالي ذنب بالموضوع ريفان بعصبيه : اشلون مالك ذنب قلي اشلون مو انت الي تخليت عن امي عشان ابوك ابو راكان بعصبيه : ابوي هو جدك احترميه ياريفان احسن لك ريفان باستهزاء : سوري قللت من مقام سمو الامير يعني حلال عليه يفرق بيننا وبينك وحرام علي اقل ادبي معاه حاول ابو راكان يتملك اعصابه لايضربها مايبي يخلق حواجز بينهم من ثاني لقاء ابو راكان بهدوء : ممكن نغلق السالفه انتي الحين تعبانه ومحتاجه لراحه ناظر ام راكان وقال ابو راكان : انا طالع اذا احتجتو شي خبروني طلع من الجناح بدون مايعطي ريفان مجال تتكلم ناظرته ريفان وهو طالع وغلق الباب ريفان بقهر : اتمنا لو امي عايشه وماعندي اب زيك ام راكان بعتب : افا ياريفان تقولي كذا وانتي تدري انو حرام ريفان بقهر : ماراح تحسي بالنار الي احس بصدري ام راكان : لو كانت امك عايشه بترضاء تقولي كذا اكيد لا لانو سمعت انو امك تحب الخير ومو معترضه على قضاء الله وقدره بلعت ريفان غصتها وقالت : ماراح ترضاء بس انا وسكتت ماتدري وش تقول مو متقبله حياتها الجديده ومو متقبله حياه من غير امها راحت لها ام راكان وضمتها ام راكان بحنان : ابكي يمه لاتكتمي بقلبك بكت ريفان بحضنها وكانو كانت مستنيه احد يقلها تبكي بكت حنين وحزن وفقد وفراق لامها وجدها قصر ابو همام ـــــــــــــــــــــــ مكتب ابو همام كان قاعد بمكتبه فتح الدرج وطلع هدية هيفاء الي كانت على شكل ملف فتحه قراء الي فيه وانصدم وطاح الملف من يدينه (( وصلنا لنهاية البارت )) //توقعاتكم // وله راح توافق تتزوج حمدان ؟ تتوقعو الشخص الي يراقب وله راح يعرف انو راح تتزوج ؟ ريفان بتتقبل تعيش بالقصر من دون مشاكل ؟ كارلا وش راح تسوي ؟ وش محتوى الملف الي عطت ام همام لخالد ؟ وهل كلام المجهول الي قال لابو همام حقيقي وانو ام همام خانته من قبل ؟ وش الي بالملف الي عطت هيفاء لابوها هديه ب عيد ميلاده ؟ شاركوني توقعاتكم الحلوه يحلوين