الفصل 3
البارت الثالث
ــــــــــــــــــــــ
راح راكان لسلطان الي قاعد مكانه وللحين ماصحي من الصدمه
راكان : هيه سلطان اشفيك؟
التفت سلطان له وناظره
سلطان : راكان كلم عمي وخله يجي بسرعه للمستشفى الي فيها اصحاب الحادث
راكان باستغراب : ليه تبغاني اكلم ابوي شسالفه
وقف سلطان بسرعه وقال
سلطان باستعجال : راكان مو وقت اسألتك استعجل الحرمه الي بالحادث طالبته بالحال هي قالت وصيتها قبل تموت ولازم انفذها
زاد استغراب راكان بس قرر يكلم ابوه ويشوف شسالفه
طلع تلفونه من جيبه واتصل
رن رن رن رن
بعدها سمع صوت ابوه
ابو راكان : هلا راكان
راكان : يبه تعال ل حايل بسرعه
ابو راكان بفزع ؏ولده : اشفيه فيك شي انت بخير
راكان : يبه فيه حرمه سوت حادث وشفناها بالطريق وطالبه تشوفك
انصدم ابو راكان الي كان وقف قعد على مكتبه بصدمه وتمنا انو الحرمه مو الي بباله
راكان باستغرب : يبه تسمعني
صحي ابو راكان من صدمته : ايوا اسمعك الحين ترسلي الموقع وانا جاييك
راكان : تمام
غلق راكان من ابوه وتوجه لسياره شاف سلطان فيها حرك وتوجه للمستشفى الي فيها ريفان
اما بشركة ابو راكان
شركة الجاني
ــــــــــــــــــــــ
شركة كبيره حيل من ناطحات السحاب 39 دور والشكل قائمي والقمه على شكل AIG&
بتصميم انيق وجذاب شركه مشهوره بالخليج ومعروفه بنجاحها
بمكتبه
غلق من راكان وبسرعه نزل من الاصنصير وتوجه لباب الشركه بخطوات سريعه طلع وشاف السواق مستنيه فتح له الباب ودخل ابو راكان
السوق : وين حاب تروح ياطويل العمر
ابو راكان : رح حايل وبعطيك الموقع
السواق : ابشر
حرك السواق متوجه لحايل
••حايل••
مستشفى الشفاء
ـــــــــــــــــــــــــــــ
وصلت سيارات الاسعاف بسرعه كان باستقبالهم 3 دكاتره كبار يشوفو الحالات
الاسعاف الاول فيها الجد
شغل الدكتور الكشاف،وفحص عيون الجد وسأل المسعف
الدكتور : وش حالته
المسعف : كسر بسبع اضلع من القفص الصدري وتمزق بالكبد وكسور بالرجل اليمنى والرسغ والحاله خطيره
الدكتور باستعجال : بسرعه غرفة العمليات
توجهو بالجد للعمليات
الاسعاف الثاني فيه ريفان
نزلوها بسرعه من السياره راح الدكتور وسأل المسعفه
الدكتور : كيف حالت المريضه
المسعفه : ضربه قويه بالراس ونزيف داخلي وفك بالكتف الايمن وجرح بالبطن من الحادث وحالتها خطير ونسبة النجاح صعبه
الدكتور : بسرعه غرفة العمليات قبل نفقد المريضه
الاسعاف الثالث
نزلو الجازي
الدكتور : الحاله
المسعف : 3 كسور بالجسم وجرح كبير بالظهر والحاله خطيره
الدكتور : بسرعه العمليات
بعد شوي وصل سلطان وراكان
راح سلطان ل الرسبشن
سلطان : فيه ثلاث حالات وصلتكم قبل شوي ممكن تشوفي لي وش حالتهم
ناظرت النيرس بالكمبيوتر وبحثت عن ارشيف المرضاء
النيرس : ايوا فيه ثلاث حالات وكلهم بالعمليات
سلطان : العمليات باي طابق
النيرس : بالطابق 6 ب
راح سلطان من دون ما تكمل كلامها وراح راكان بعده
ناظرته النيرس وهو رايح الاصنصير، ناظرتها زميلتها وناظرت مكان ما تناظر
النيرس 2 : الرجال راح وبعدك تناظريه
النيرس 1 : طنشني ابن الذينا *وبهيام* بس ياعليه جمال يشلع القلب
النيرس 2 : اقول خلك منه عندك محمود يكفيك
النيرس 1 بهيام : وين محمود عنه ذا حلو ووسيم وهيبه اما محمود خليني ساكته بس
النيرس 2 : اتركي عنك القز بخلق الله وشوفي شغلك احسن
ماردت عليها النيرس
بـ الدور 6
وصل سلطان وراكان وقعدو مستنين يطلعو من غرفة العمليات
بعد نص ساعه طلعت الممرضه من غرفة العمليات الي فيها ريفان
الممرض : نحتاج دم ضروري للمريضه وبنك الدم ماراح يوصل قبل ساعه والمريضه ماتقدر تتحمل الوقت ذا
سلطان : وش فصيلتها
الممرضه : -A
سمعها راكان الي كان رايح يجيب مويه لهم
راكان : انا فصيلة دمي -A
الممرضه : كويس يالله تعال معاي اسحب منك دم
راح راكان مع الممرضه وسحبت منه دم
طلع بعد ساعتين وهو دايخ وتعبان
جابت له الممرضه عصير برتقال يرجع من نشاطه وحيويته ويعوض عن الدم الي خسره
قعد راكان جنب سلطان
راكان : ما احد طلع
سلطان : لا للحين ما احط طلع
بعد3 ساعات
وصل ابو راكان
راح لسلطان وراكان وشافهم قاعدين بالاستراحه الي بممر غرف العمليات
ابو راكان : راكان
التفت راكان لابوه : هلا يبه
وسلطان ناظر عمه وما تكلم
ابو راكان : راكان اشفيه ومين الحرمه الي تبغاني
راكان : مدري يبه الحرمه قالت كلام لسلطان بس مدري عنه وسلطان قال اخبرك بالسالفه
راح ابو راكان لسلطان وسأله
ابو راكان : مين الحرمه ياسلطان؟
ناظره سلطان بشك احساسه يقول انو فيه انٰ بالسالفه قال سلطان وهو مترقب ملامح عمه
سلطان : الحرمه قالت لي تكفى اذا متت دور ؏فيصل سلطان الكاسر *وسكت مترقب ملامح عمه تتوتر
ابو راكان بتوتر : كمل
كمل سلطان الكلام : وقالت ريفان المحبه امانـه ياوجع قلب الجازي
انصدم ابو راكان وناظر سلطان بعدم تصديق
ابو راكان : انت تكذب ياسلطان
سلطان بهيبه وصوت يهابه الكل : ما انعد من الرجاجيل لو كنت كذاب
حس ابو راكان انو خبص الدنياء قال لسلطان كذاب وهو الي كلمته حد سيف وصدقه عند الكل شايع
ابو راكان : ماكنت اقصد يولدي بس * وبنبره حزينه ومكسوره *انت متوكد انها قالت الجازي
استغرب سلطان من نبرة عمه الي تحكي حزن دفين
سلطان : عمي انت تعرفها؟
ابو راكان بتنهيده : ايوا ياسلطان ذي طليقتي
انصدم راكان وسلطان ماكان اقل صدمه منه
راكان بصدمه : يبه انت كنت متزوج قبل امي
ابو راكان : لا تزوجتها لمن كان عمرك 6 سنوات
سلطان باستغراب : ليه ما احد يدري انا بالوقت ذاك كنت واعي وما سمعت عن السالفه
ابو راكان : جدك اجبرني اطلقها من دون ما احد يدري عن السالفه
راكان : ما احد يدري عن السالفه ابد
ابو راكان : لا بس انا وجدك واخوي عبدالعزيز
حط سلطان يده تحت فكه وقال بتفكير : طيب هي ليه وصتني اقلك الكلام ذا
ابو راكان : مدري وذا الي زاد حيرتي
بعد ساعه طلع الدكتور من غرفة العمليات نزل الكمامه وملامحه ماتبشر بالخير وناظرهم
الدكتور : وين اهل المريض
ابو راكان : اهله مو هني بس انا مثل ولده اشفيه
راح له الدكتور وطبطب على كتفه وقال
الدكتور : البقئ لله والوالد عطاكم عمره حاولنا ننقذه بس ماقدرنا حالته كانت صعبه
مسح ابو راكان على وجهه وهو يقول : لاحولا ولا قوة الا بالله
بعد شوي طلعو الممرضين ابو الجازي ووجهه متغطي بشرشف ابيض بياخذوه ل الثلاجه لين يجي اهله
حس ابو راكان برجلينه مو شايلينه شافه سلطان ومسكه بسرعه وقعده ؏الكرسي.
سلطان : اسم الله عليك ياعمي لاتضايق روحك كلنا راحلين
ماقدر ابو سلطان يرد يحس بحلقه متكسر من الغصه مو قادر يتكلم يحس بيبكي مستحيل ينسي صاحب الكرم والطيب والي ما ياكل وغيره جوعان وما يدفاء وغيره بردان
ماقدر يتحمل وبكى
راح له راكان وقعد على ركبه قدام ابو
حاول راكان يخبي تاثره عشان مايزيد ابوه
راكان : يبه ادعيله الله يرحمه ويجعل مثواه الجنه
ابو راكان : الله يرحمه الله يرحمه
سلطان : عمي انت تعرف اهل المرحوم
ابو راكان : المرحوم ماله اهل هو الوحيد لاهله والجازي وحيدته واهل حايل هم اهله
سلطان : طيب لازم نشوف اهل حايل وندفنه اكرام الميت دفنه
ابو راكان : تمام
بعد شوي طلع الدكتور من غرفة الجازي
راح له ابو راكان
الدكتور : انتو اهل المريضه.
ابو راكان : ايوا احنا بشر يا دكتور كيفها
الدكتور : احنا سوينا الي علينا والباقي على الله هي للحين ماتجاوزت مرحلة الخطر ادعولها
ابو راكان : انت تتكلم عن منو
الدكتور : عن الحرمه البنت بعدها ماطلعت
ناظر ابو راكان سلطان وراكان وقال
ابو راكان باستغراب : اي بنت الي معاهم الجازي مالها اخوات ولا اخوان
سلطان بتفكير وكانو ادرك الموضوع
سلطان : اضن انو البنت الي بعدها بالعمليات تكون ريفان الي قالت عنها الحرمه
انصدم ابو راكان وحزن خاف تكون ريفان بنتها من زوجها الثاني
طلعو الجازي للعنايه المركزيه
وريفان للحين ماطلعت
••الرياض ••
قصر الجد
ــــــــــــــــــ
قاعده الجده بغرفتها دخلت الريم بعدما طقت الباب وسمحت لها الجده تدخل
الريم : يمه
الجده : ياروح امك اشفيك عيونك ذبلانه
ريم ناظرت الجده بعيون حزينه : يمه بسألك سؤال وتوعديني تجاوبيني
الجده : اذا بموضوع وضاح لا ماراح اجاوبك
ريم ببكى : يمه تعبت تكفي ارحميني وقولي الحقيقه ابوي هو الي خلا وضاح يتركني بيوم العرس او وضاح الي راح من روحه
الجده : الريم يمه انسي السالفه وعيشي حياتك وابوك سوى كذا لمصلحتك
ريم بانهيار : يمه تكفي ريحيني وربي تعبت خلاااااص تعبت احد يريحني ويقول الحقيقه
ناظرتها الجده بحزن وبدت عيونها تمتلي دموع من حالة بنتها الي تدمرت بسبب زواج فاشل
الجده بتنهيده : بقلك الحقيقه بس توعديني ما تنفعلي ومن بكره اشوفك ريم الي اعرفها
ريم ببكى : يمه قولي وريحيني
الجده : بيوم العرس الـ ......................................................................................
انصدمت ريم من الكلام الي سمعته هي كانت عايشه بكذبه حست بنفسها بداء يضيق والغرفه بدات تصير بالون الاسود حاولت توازن نفسها بس ماقدرت وطاحت فاقده للوعي
خافت الجده على الريم من شافتها طاحت بالارض
الجده : يمه الريم يمه فتحي عيونك
بس الريم لا رد ــــــــــــــــــــــ
نادت الجده بصوت عالي : سيري سيري
جات الخدامه بسرعه من سمعت صوت الجده
سيري : نعم ماما
الجده : ساعديني اشيل ريم لسرير وخبري الدكتوره تجي بسرعه
سيري : حاظر ماما
شالو ريم لسرير وقعدت الجده عندها وهي متحسفه انو قالت لها
دخل الجد بعدما قالت له سيري
الجد سلطان بخوف : اشفيها الريم
الجده بحزن : قلت لها الحقيقه
الجد سلطان بغضب : انهبلتي يامره انا مو قايل لك لاتخبريها
الجده : ماقدرت خلاص لازم تعرف الحقيقه لمتى بنخبي
الجد بضيق : انا خبيت عنها لمصلحتها ما ابيها تنجرح اكثر اكون بعيونها المذنب ولا الي حطت فيه امالها
الجده : الريم تعبانه حيل يا سلطان لازم نوقف جنبها وننسيها الماضي
الجد : مايهون علي دمعه من عيونها بس الوقت اقوى مننا
الجده : احس براسك موال ودك تعزفه
الجد : فاهمتني من دون متكلم
كانت الجده راح تتكلم بس دخول الدكتوره منعها
طلع الجد والجده وبقت ريم والدكتوره
بعد نص ساعه طلعت الدكتوره
الدكتوره : صابها انهيار عصبي طفيف ياليت لو تخففو عنها الضغوطات وما احد يزعلها لانو نفسيتها تعبانه
الجده : تسلمي يبنيتي بنهتم فيها
الدكتوره : يالله انا رايحه
الجد : لحضه طلع من بوكه فلوس ومدها ل الدكتوره
الدكتوره : خيرك سابق يا ابو عبدالعزيز راتبي يجيني شهري وذا من كرمك وطيبك
الجد : ترديني يبه
استحت الدكتوره ترده وخجلانه من كرمه معاها
طلعت من القصر وتوجهة لسيارتها الي مركونه بكراج القصر
شافت بطريقها ابو همام نازل من سيارته بمساعدة الحارس
ناظرته وتذكرت شكله قبل سنتين كيف كان والحين كيف صاير
راحت لسيارتها ومرت من جنب سيارته وشافها ابو همام وهي طالعه سيارتها وبعدها طلعت من القصر بالكامل
ابو همام بنفسه : اه من بختك المايل واه من حظي الاقشر
•• تركيا ••
متجر الامزون
ــــــــــــــــــــــــ
متجر كبير فيه تحف اثريه واشلاء لكانات من نهر الامزون
وصور معبره عن جزر الامزون الشهيره
*كل اشياء جميله تخفي خلفها جانب مظلم خفي *
*متجر الامزون ماهو الا متجر يجلب الزوار لشراء المخدرات والتحف الاثريه المسروقه وكل هذا الاعمال ليست الا قليل من اعمال الكابور الظاهره والمخفيه ابشع من هذا *
دخل نايف المتجر وهو منبهر من جمال المتجر
شافه جاك وراح له
جاك : اهلآ بك ياصاح
نايف : اهلآ بك جاك سررت بلقائك هنا
جاك : هل انت جاهز لبداء العمل
نايف : بالطبع
جاك : حسنآ فل تاتي معي ساريك كيفيت العمل هنا
نايف : حسنآ
راح نايف خلف جاك الي فهمه كيف الشغل بس ماخبره عن المخدرات والتحف المسروقه
طلع جاك من درج المكتب فلوس
جاك : هذا مبلغ مقدم ولكن عليك ان توقع هنا اولآ
نايف بحماس : حسنآ
اخذ نايف الاوراق يقرء الي فيها وكان محتواها ك التالي
انو نايف يشتغل معاهم لمدة ست اشهر واذا عجبه العمل يستمر واذا لا يرحل
والشروط الجزائيه تنص على التالي
اذا طلع اي كلام عن الشغل يدفع 50000$
واذا انسحب قبل المده يدفع 20000$
واذا حاول يهرب قبل مع المبلغ المقدم سيتم سجنه ودفع 30000 $
انصدم نايف من الي قرئه ذول ماعندهم مزح وما يدفعو راتب بالمبلغ الهائل ذا الا ولهم شروط وسياسه خلفها
قعد نايف محتار يوقع او لا يوقع
*نايف لا لا لاتوقع ياغبي لا *
وقع نايف الاوراق وعطاها جاك وهو فرحان مايدري انو طيح نفسها بحفرة مافيا الكابور
فرح جاك وقاله يروح شغله
واتصل على رئيسه
جاك بفرح : لقد وقع بالفخ وانظم لنا
الرئيس : احسنت ياجاك من اي اصول هذا الفتى
جاك : ملامحه تبدو وكانهُ عربي
الرئيس بغضب : هل جننت يا هذا اتود ان اقتلك لما جلبت فتى عربي
جاك بخوف منه : لم اكن اعلم سيدي
فكره بفكره تقدر تخرجه من غضب الرئيس الي بيقتله بكل بساطه
جاك بخبث : ولكن يا رئيس لما لانجعله مخبر لنا في وطنه وهذا قد يسهل علينا عمل كبير
ضحك الرئيس : انت حقآ خبيث يا جاك وتفكيرك المذهل يجعلني فخور بك
جاك : من دواعي سروري ان انال اعجابك سيدي
الرئيس : حسنآ عليك مراقبته،ان قام بفعل غير لائق ساقتلك
جاك : لاتخف لن يفعل فهو بحاجه للمال
الرئيس : حسنآ فل تات به في مساء الغد اريد معرفته
جاك : حسنآ
فيلا ابو مازن
ــــــــــــــــــــــ
قاعدين بالحديقه يفطرو
ام مازن : نادر نايف مابات امس بالبيت
ابو مازن ببرود : خليه يسوي الي براسه
ناظرت ام مازن ابو مازن باستغراب،ابو مازن يخاف ؏نايف لو يتاخر ساعه وهو من امس ماطب الفيلا
ام مازن : نادر لاتشد عليه خذه تحت جناحك قبل يضيع منك واحنا بدول الغرب الي مايعرفو الدين
ابو مازن بغموض : مرده تحت جناحي
منار : بابا متى بنرجع السعوديه
ابو مازن : مو انتي الي ادوشتينا نروح تركيا والحين مليتي
منار : بابا انا مليت هني ومعندي صحاب والي هني مفصخات
ضحك ابو مازن وام مازن عليها.
منار بريئه وتصرفاتها طفوليه رغم انو الي بعمرها تحب تسافر وتتفشخر بمال ابوها والي فسخت حجابها والي تفصخت من حياها واخلاقها وصارت اجنبيه وهي من اصول العرب
ابو مازن : راح نرجع بعد نص شهر
منار : بابا الوقت طويل
محمد : وهي الصداقه يبه، حتى انا اشتقت لخالد ودي اتونس معاه وهني ما احد معبرني
ابو مازن : اصبرو نص شهر وبنرجع بس اخلص الصفقه
منار : اوك
•• بفرنسا ••
فيلا ابو فارس
ـــــــــــــــــــــــ
بالمطبخ واقف فارس خلف امه يشوفها وهي تشرف ؏الخدامه الي تسوي الغداء
قعدت ؏طاولة المطبخ وسرحت شوي
فارس : يمه وين وصلتي
ام فارس بفهاوه : هاه معاك
اخذ فارس تفاحه واكل منها شوي
فارس بضحكه : يمه اشفيك مفهيه اليوم
ام فارس : مدري قلبي ناغزني
فارس بمزح حب يطمنها : لاتخافي * وبغمزه * قلبك ناغزك او مشتاقه للوالد
ضربته ام فارس بعلبة الكلينكس
بس تفاداها فارس جات بوجه الخدامه
الخدامه بغضب بالفرنسي : لما قمت بتفادي الضربه
فارس بضحك بالفرنسي : لم اكون اعلم انكِ بالخلف
راحت الخدامه وهي معصبه من فارس وتصرفاته المجنونه
ام فارس بضحك : ليه تفاديت الضربه المسكينه يوم بتنجن منك
فارس : هههه اعترفي تبيني اتعور
ناظرته ام فارس بيأس فارس ماراح يعقل ابد
فارس : يمه كلمتي خالتي الجازي
ام فارس بضيق : لا اتصل لها ما ترد
فارس : وريفان؟
ام فارس : برضو ماترد قلبي ناغزني مو بالعاده ما يردو.
فارس : ان شاء الله مو صاير شي
•• حايل ••
بـ المستشفى
ــــــــــــــــــــــ
بعد نص ساعه طلع الدكتور من غرفة العمليات
راح له ابو راكان
ابو راكان : طمني يادكتور كيفها
الدكتور : انت والد البنت
ماعرف ابو راكان وش يقول بس قلبه امره يقله ايوا
ابو راكان : اي نعم كيفها الحين
الدكتور باسف : البنت حالتها صعبه والضربه اثرت ؏راسها ودخلت بغيبوبه والجرح الي ببطنها عميق وعمليتها كانت صعبه ودقيقه الله يكون في عونكم ويشفيها ال 24 ساعه الي جايين بيحدد اوا بتعيش او تموت
ابو راكان : مشكور يادكتور
الدكتور : ماسويت الا واجبي
راح الدكتور وبعدها طلعو ريفان من غرفة العمليات واخذوها على العنايه
اما ابو راكان وسلطان وراكان راحو ياخذو ابو الجازي اخذوه لشيخ المغاسل غسلوه وكفنوه وتوجهو فيه للمقبره هم وناس كثير راحو معاهم يدفنوه
لا اله الا الله
﴿ كُلُّ نَفْسٍ ذَائِقَةُ الْمَوْتِ ۗ وَإِنَّمَا تُوَفَّوْنَ أُجُورَكُمْ يَوْمَ الْقِيَامَةِ ۖ فَمَن زُحْزِحَ عَنِ النَّارِ وَأُدْخِلَ الْجَنَّةَ فَقَدْ فَازَ ۗ وَمَا الْحَيَاةُ الدُّنْيَا إِلَّا مَتَاعُ الْغُرُورِ﴾
* يالله كيف كان، ووين صار بلمح البصر خطفه الموت
الموت ياتينا ونحن غافلون ف اللهم احسن ختامنا وختام المسلمين *
*نصيحه لكل احد يقرئ الروايه لايدركك الموت وانتي في غفله الموت ياتينا باليوم 5 مرات ونحن في غفله لاتشغلك الروايات والاغانيه ومتاع الدنياء عن الصلاه فالصلاه عمود الاسلام ومن تركها فقد كفر اطمئني لو كان اذنبتي بذنوب الارض كلها،ان الله غفور رحيم، يقول الله هل من داعي استجيب له هل من مستغفر لاغفر له هل من مهموم لافرج الهم عنه*
((يَا أَيَّتُهَا النَّفْسُ الْمُطْمَئِنَّةُ ارْجِعِي إِلَى رَبِّكِ رَاضِيَةً مَرْضِيَّةً فَادْخُلِي فِي عِبَادِي وَادْخُلِي جَنَّتِي))
نرجع لاحداث الروايه
خلصو الدفن واستأجرو فندق قريب من المستشفى يقعدو فيه
اليوم التالي
قصر ابو راكان
ــــــــــــــــــــــــ
غرفة غيدا صحيت ؏لى صوت غاده الي قاعده تسحب الحاف من على غيدا
غيدا بصوت كله نوم : غادوووه خليني انام لاقوم واتوطا ببطنك
غاده بطفش : اف منك غيود طفشانه يالله اصحي
طنشتها غيدا وسحبت الحاف وتغطت فيه بالكامل
غاده بعصبيه : ياعليك برود يقهر اقلك اصحي وانتي تلحفتي
غيدا من تحت الحاف : اطلعي برا احسن لك
تخصرت غاده بعناد : مو طالعه وريني وش راح تسوي
بعدت غيدا الحاف عنها بغضب وصرخت
غيدا : غادوووووه اقلك روحي عن وجهي خليني انااام
مدت غاده لسانها بعناد : انننن مو طالعه وريني وش بتسوي
نزلت غيدا من السرير بغضب وراحت لغاده الي من شافتها جايه يمها طلعت ركض من الغرفه
راحت غيدا وراها وهي حالفه لتندمها على تخريب نومها
غيدا بغضب : والله لوريك لو تروحي للمريخ لامسكك
ضحكت غاده ونفسها مقطوع من الركض
غاده بمشاكسه : امسكيني اول يا السلحفاء
زادت غيدا من سرعتها وراحت لها وقبل تمسكها طلعت ام راكان بوجههم وغاده استغلت الفرصه واستخبت خلف امها
غاده بتمثيل للبرائه : ماما تكفي شوفيها تبغا تضربني
ام راكان بصرامه : بسكم هواش واتركو حركات البزارين عنكم
غيدا بعصبيه : يمه هي الي جات تنكد علي نومي وتقولي بسكم هواش انا راح اخذ حقي منها
ام راكان : انتي العاقله ياغيدا وخليك منها ماعندها عقل بس ادبيها تستاهل
غاده بصدمه : ابيك لي عون صرتي علي فرعون الحين طالبه فزعتك و تسلميني للمتوحشه على طبق من ذهب
ضحكت غيدا بشر : نيهاهاهاهاهاها تشهدي على روحك
غاده باستسلام : حسنآ ولكن لي امنيه قبل موتي
غيدا بتكميل لتمثيليه : تكلمي يافتاة
غاده بخوف مصطنع : اريد ان تعفو عني فانا لست الجاني الحقيقي لقد امسكتم بي دون ان ارتكب الجريمه
غيدا بضحكه : حسنآ حسنآ ساعفو عنك ولكن بشرط
غاده بفرح : وشو
غيدا : روحي سويلي تشيز كيك وقهوه لين اتروش
غاده باستسلام : تمام بس تخلصي تعالي الصاله بنشوف لنا شي يسلينا
ناظرتهم ام راكان باسف ماراح يعقلو ما تعتب ؏لى غاده دام غيدا الكبيره
•• حايل ••
بالفندق
ــــــــــــــ
صحي ابو راكان وقلبه مقبوض قرر يروح يشوف الجازي ويطمن عليها
راح دورة المياه اخذ شور وبعد 20 طلع راح لشنطه الي جابها السواق بعد ما طلب منه، اخذ له ثوب وشماغ لبس وضبط شكله وتوجه لباب الجناح طالع من الفندق بدون مايفطر
شافه سلطان الي مانام من امس قعد يراجع المهمه الي جا لحايل عشانها
سلطان : على وين ياعمي
ابو راكان : المستشفى تخاويني
وقف سلطان : يالله بس افطر اول
ابو راكان : افطر ب كفتيريا المستشفى ناظر بعيونه يدور راكان
فهمه سلطان : راكان صحي من بدري وراح القسم يشوف الشغل
ابو راكان : تمام يالله نروح
طلع سلطان وابو راكان من الفندق شاف السواق مستنيهم طلع هو وعمه وتوجهو للمستشفى
بعد وقت مو طويل وصلو المستشفى
دخل سلطان المستشفى بهيبته المعتاده ونفس النيرس بالرسبشن، شفت النيرس صباحي لهذا السبب شافت سلطان امس واليوم
ناظرت سلطان وهي خاقه عليه وعيونها شوي وتطلع قلوب من جماله
شافت لبسه وعضلات صدرع الي باينه من التيشيرت الي لابسه وشعره الي مرجعه لوراء ووجهه الي يجبر الي مار يتامل جماله ويذكر الله عليه
راح لها سلطان وسالها عن الدكاتره الي مشرفين عن حالة الحادث الي امس
ناظرته النيرس بخقه وما سمعت الي قاله : اهلين
سلطان بصوت كله ثقه ورزانه : وين الاقي الكادر الطبي
صحيت النيرس من فهاوتها وقالت
النيرس : بالدور السادس
راح سلطان لعمه وخبره انهم بالدور السادس
راحو للاصنصير وضغط سلطان الدور السادس بعد ثواني وصلو
راح سلطان يشوف الدكاتره وقال لعمه يستنا بالاستراحه الي قريب من العنايه المركزيه لانو بنفس الدور
اما ابو راكان قعد مستني سلطان يجي
راح لغرفة الجازي يشوفها وده يروي عيونه بشوفتها بس انصدم لمن شاف الغرفه مزدحمه بالدكاتره والممرضين داخلين طالعين خاف ليكون صاير فيها شي
وقف احد الممرضي
ابو راكان بخوف : اشفيه ليه الدكاتره بغرفة المريضه
الممرض : المريضه صحيت ووضعها صعب ويمكن تموت
انصدم ابو راكان وقعد مستني احد يطلع ويطمنه
شاف الدكتور الي مشرف على حالتها طالع
راح له وساله عنها
ابو راكان بقلق : طمني يادكتور كيفها
الدكتور باسف : للاسف المريضه قاعده تلفض انفاسها الاخيره وطالبه فيصل بالحال، اذا تعرفه ممكن تخبره يجي يشوفها قبل تموت
ابو راكان : انا فيصل
الدكتور باستعجال : تعال معاي
راح ابو راكان مع الدكتور ودخل الغرفه شاف الجازي وحس بقلبه بينفجر من الضيق والحزن
راح لها ووقف جنب السرير
ناظرته الجازي بتعب شديد وصوتها يالله طالع
الجازي بتعب : فيصل
ابو راكان : ياقلب فيصل، الجازي تكفي سامحيني ابوي هو الي اجبرني اتركك
الجازي : ريفان امانتك يافيصل
ابو راكان بحزن : تزوجتي وينه زوجك ليه ماتامنيه عليها
الجازي بتعب : مايصير اب لبنتي غيرك يافيصل بقيت ؏لى العهد وما كسرته وانت الي تركتني باول المشوار
ابو راكان باستغراب : اشلون ماتزوجتي اجل بنت منو
الجازي : ذي ثمرة حبنا ذي بنتك يافيصل كنت بخبرك عنها بس لمن شفتك تخليت عني بسهوله ماخبرتك خفت تبعدها عني ومالي بالدنياء غيرها
انصدم ابو راكان : انتي صادقه يا الجازي ذي بنتي انا
الجازي بتعب : ايوا بنتك تكفي لاتكسرها يا فيصل هي ماتدري عنك ابد انا قلت لها انك متت ماكنت ابيها تتامل بأب ترك امها
ابو راكان بحزن وغصه : وش يثبتلي كلامك
الجازي : سوي تحليل وبتعرف الحقيقه امانتك ريفان يا فيصل
ابو راكان : لاتتعبي روحك يا الجازي
حست الجازي باطرافها ابتدت ترتخي وتبرد
الجازي : اشهد ان لا اله الا الله واشهد ان محمد رسول الله
صفر جهاز القلب طننننننننننننن
توفت الجازي
ناظرها ابو راكان ومو مستوعب انو راحت خلاص و مو باقيه بالدنياء طاحت دموعه ودموع الرجاجيل مو هينه.
دخلو الدكاتره حاولو ينعشو قلبها بس ماقدرو ذا قضاء الله وقدره والموت شي مقدر ومحتوم
انهار ابو راكان وارجوله مو شايلته ناظره سلطان الي كان برا مستنيه يطلع بعدما قاله الدكتور انو المريضه تبيه
راح له سلطان بسرعه ومسكه قبل يطيح بالارض
سلطان بصراخ : احد يساعدني
راح الممرض وجاب سرير وحطو ابو راكان عليه وودوه لاحد الغرفه يرتاح وركبو له سيروم
(( وصلنا لنهاية البارت ))
//توقعاتكم //
وش قالت الجده ل ريم وخلاها تنهار ؟
وش السر الي خبوه عنها بيوم فرحها ومين الي تركها ؟
ريفان بتصحي من الغيبوبه ؟
وهل راح تتقبل موت امها وجدها ؟
وش بيكون وضع ابو راكان وهل بيصدق انو ريفان بنته او بيسوي تحليل ؟
تتوقعو وش بتكون ردة فعل الجد والعائله بس يعرفو الخبر ؟
شاركوني توقعاتكم الحلوه يحلوين.