الفصل 2
البارت الثاني
ــــــــــــــــــــ
محمد بخوف : يبه يبه
حاول يصحيه بس ماصحي
نزل الدرج وشاف امه طالعه
محمد بقلق : يمه ابوي مدري اشفيه
راحت ام مازن بخوف تشوف زوجها اشفيه دخلت المكتب وشافت ابو مازن طايح
ام مازن بخوف عليه : نادر نادر
قعدت تطبطب عليه وما صحي اخذت مويه من على المكتب رشته فيها وشوي شوي فتح عيونه
ام مازن بقلق : نادر انت بخير اخذت علاج السكر
ابو مازن بصوت تعبان : بخير لاتخافي ايوا اخذته يمكن نزل عندي شوي
ام مازن : اسم الله عليك وليه نزل
تذكر ابو مازن المكالمه وقال بخوف : نايف
ام مازن باستغراب : اشفيه اخوك نايف
ابو مازن : اخوي نايف بالمستشفى
ام مازن بقلق : اشفيه ماخبروك ليه بالمستشفى
ابو مازن : لا ماخبروني
وقف ابو مازن بمساعدة ام مازن وراح للكنبه الي بالمكتب واخذ تلفونه واتصل على الرقم الي اتصل منه الشخص
ابو مازن بخوف على اخوه : الو انا اخو نايف اشفيه تكفى طمني عنه
المتصل : لاتخاف هو بخير بس تضارب مع خويه بالجامعه وفيه اصابات بسيطه وكنت بقلك بس انت غلقت بدون ماكمل السالفه
ارتاح ابو مازن من كلامه
ابو مازن : الحين جاي وبشوف السالفه
المتصل : تمام
غلق ابو مازن من المتصل وارتاح دام نايف ماصار له شي خاف يفقده ذا وصية ابوه له واخوه الصغير
ام مازن : بشر يا نادر عساه بخير
ابو مازن : بخير بخير لاتقلقي
ارتاحت ام مازن هي تحب نايف وتعتبره ولدها زي مازن وبذات انو بعمر مازن
> _*الشخصيات #*_
الاب نادر 50
الام العذوب 48
> _*الابناء#*_
مازن 20
منار. 18
محمد 16
•• حايل ••
بيت ابو الجازي
ـــــــــــــــــــــــ
غرفة الجازي
نايمه ريفان على السرير وراسها بحضن امها والجازي تلعب بشعرها
ريفان : يمه سولفي لي عن ابوي
الجازي باستغراب : اش ذكرك طاري ابوك
ريفان باستغراب مماثل : ليه يمه احد ينسى ابوه صح من وعيت ؏الدنياء وانا معرفه ولا بحياتي شفتي بس يبقى ابوي وسندي الي احمل اسمه بفخر
حست الجازي انو هببت بالكلام حاولت تغير مسار الكلام
الجازي : الا ماقلتي لي وله ليه مازارتنا اليوم
ريفان : توها مسيره امس وتعرفي جدتي نوره ماتسمح لها تطلع كل يوم
الجازي : بس حنا مو غراب عنها
ريفان : مدري عنها *سكتت شوي وبعدها تكلم * يمه كيف راح تكون حياتنا لو ابوي عايش
الجازي بتنهيده تخفي خلفها اسرار : مدري
ريفان بحزن : اتمنا لو ابوي عايش يدلعني وياخذني كل مكان ويضرب اي احد يناظرني ويسندني من حمول الدنياء الي كسرت ظهري قبل اوانه
حزنت الجازي على حال بنتها بس ماتقدر تتكلم وتبوح بكلام تحاول تنساه
قصر ابو سلطان
ــــــــــــــــــــــــــــ
دخل القصر بهيبته المعتاده وشاف ابوه قدامه
سلطان بهيبه : السلام عليكم
ابو سلطان : وعليكم السلام هلا ولدي
سلطان : هلا بك
نزلت ام سلطان وشافت سلطان قدامها
ام سلطان : هلا يمه احط لك العشاء
سلطان : لا يمه اكلت بالقسم
ام سلطان : تبي اجيب لك عصير
سلطان : لا يمه تسلمي
ام سلطان : الله يسلمك
سلطان : يبه انا بكره رايح حايل
ابو سلطان باستغراب : اشعندك بحايل
سلطان : بروح اشوف شغله تخص الشغل
ابو سلطان : روح وانتبه ؏روحك
سلطان : الحافظ الله يبه
ام سلطان امتلت عيونها بالدموع : الله يحفظك ينور عيني
راح لها سلطان وضمها عشان يطمنها
ابو سلطان : احم احم
سلطان بضحكه : هههههههه اشوف الوالد غار
ابو سلطان بابتسامة : لو ادري انو بتطلع ضحكتك كان تكلمت من زمان
ام سلطان بحنان : فديتك الله يحفظك
ابو سلطان : سلطان رح ارتاح اشوف اكلت الجو علي
سلطان بضحك اكبر : ههههههههههههه خلاص انا رايح اريح
ناظرته ام سلطان وهو طالع وقالت بسرها : الله يحفظك يروحي
ناظرها ابو سلطان سلطان وصل جناحه وهي بعدها سرحانه بالدرج الي طلع منه سلطان
ابو سلطان بمزح : سلطان وصل لجناحه تطمني
صحيت ام سلطان من سرحانها وناظرت ابو سلطان
ام سلطان بتنهيده : عبد العزيز قلبي مو مرتاح لشغل سلطان
ابو سلطان : تعوذي من ابليس يحرمه ذا شغله دخل الشرطه وهو يدري بالمخاطر انتي ادعي ربي يحفظه
ام سلطان بضيق : انت ماشفت باخر مهمه وش صار فيه لولا لطف ربي كان راح فيها *وبغصه * معندي اغلى منه ولو يصير فيه شي بنهبل
دخل سلمان الي راجع من الشركه وسمع كلام امه حب يقلب الكلام ضحك عشان امه تنسى الموضوع
سلمان بطريقه دارميه حط يده على قلبه وقال
سلمان : له له يا ام سلطان تفضلي سلطان علي ومعندك اغلى منه خلاص كسرتي قلبي وجرحتي مشاعري يم سلطان
ناظر ابوه وغمز له بمعنا كمل معي الكلام فهمه ابوه وقال
ابو سلطان باسف : للاسف ياسلمان امك ماتحبك الله يعوض عليك يولدي
سلمان بزعل مصطنع : لنا الله
ام سلطان بحنان : اشفيك يقلبي انتو اولادي كلكم ومحبتكم بالتساوي بس خايفه ؏سلطان لانو شغله خطير
سلمان : شفتي بعدك تميزيه عنا يعني حتى شغلي بالشركه خطير
اخذ ابو سلطان بالمخده وهب ضربها بوجه سلمان .
ابو سلطان : الحين صار رئيس الماليه خطر يامال العافيه كلها توقيع بالقلم
سلمان بضحك : يبه ترا التوقيع يتعب اعصاب اليد وذا اكبر خطر
ابو سلطان : اقول قم من قدامي قم
وقف سلمان بضحكه وتوجه ل الدرج وهو يضحك
ام سلطان : اشفيك عليه
ابو سلطان برومنسيه : ابد قطع سواليفي معك
ضحكت ام سلطان بخجل واحمر وجهها
ابو سلطان : قولي لتورد الخدين مو كفايه خجل
ام سلطان بخجل : كبرنا على الغزل يا عبد العزيز
ابو سلطان بغزل : مهما كبرنا بالعمر يا تهاني يبقى القلب بالمشاعر صغير
نتركهم ونروح لمكان ثاني
•• حايل ••
بيت ابو الجازي
ــــــــــــــــــــــــــ
قاعدين ياكلو بصمت
تكلمت الجازي
الجازي : اقول يبه ماودك بكره نروح المزرعه نشوف الحلال
ناظرت ريفان الي انخرشت وقالت وبتاتأه : م مز مزرعه وحلال
الجازي : ايوا
ريفان : مو رايحه مكان
الجازي بعصبيه خفيفه : بتروحي ياريفان غصب عنك ماصرت كل ذا خوف من الحيوانات السالفه صار لها زمان انسيها
ريفان بغصه : يمه ماراح اروح اي مكان بقعد هني
الجازي بقسوه : بتروحي غصب عنك وذا اخر كلامي
ريفان ناظرت جدها بنظرات رايجه : جدي
ابو الجازي : امك صادقه خلك قويه وواجهي مخاوفك
ريفان بغصه وخوف من السالفه الي مانسيتها
ريفان : يمه ما ابي اروح لاتضغطي علي
الجازي بصرامه : انا قلت كلامي وخلصنا بكر اصحي من بدي
قامت ريفان من الطاوله وراحت غرفتها والدموع ماليه عيونها
راحت غرفتها واخذت تلفونها واتصلت لاكثر شخص تحبه
بعد كم رنه رد
ريفان بضيق : الو فارس
فارس بروقان : ياهلا بقلب فارس *وبضحكه* هلا بالمجنونه
ريفان بضيق اكبر : فارس مو وقت هبالك
فارس : اشفيها ريفان القلب
ريفان بصوت انبح من الغصه : فارس الجازي بتاخذني بكره المزرعه
فارس بضحك اكبر : وينها تسمع وش تقولي عنها
ريفان وشوي وتبكي من روقان فارس الي مو مهتم لامرها
ريفان ببكى : فارس انا وين وانت وين اقلك بروح المزرعه
لعن فارس نفسه على هباله الي مو بوقته
فارس بحنان : لاتبكي يروح فارس
ريفان ببكى : اشلون ما ابكي انت مستوعب انو راح اروح لمزرعه محاطه بالحيوانات
فارس : انتي بنت غريبه ابي افهم انتي اشلون تحبي الجامح وتكرهي كل الحيوانات
ريفان : لانو هو الي انقذني او كنت راح اموت
فارس : رايفان لاتصعبي الموضوع امك تبي تاخذك عشان تتخطي خوفك
ريفان : الخوف ذا ملازمني من كنت بعمر 16 سنه وما قدرت اتخطاه
فارس : عطيني الجازي واحاول اقنعها
ريفان بفرح : طيب
فارس : بس لو ما اقتنع بتروحي ورجلك فوق راسك
ريفان : تمام.
بالصاله
ابو الجازي : ليه مصره تروح وانتي تدري انو تكره المزرعه
تنهدت الجازي بضيق.
الجازي : يبه انا ابيها تصير قويه ما ابيها تضعف بسبب سالفه صار لها وقت
ابو الجازي : ريفان قويه وانتي ادرا فيها بس تضعف من تتذكر سالفة الحيوانات
الجازي بضيق : يبه انا قاعده افكر بالماضي
ابو الجازي بغضب : الجازي اشفيك رجعتي تفتحي اوراق طويتيها من زمان
الجازي بغصه : يبه ريفان كل يوم تجي عندي احكي لها عن ابوها ووين اهله انا تعبت والي تعبني اكثر تمني ريفان الي دائمآ تقول لو كان ابوها عايش ل صارت اسعد بنت بالدنياء
ناظرها ابو الجازي بعتاب : الجازي يبه انتي الي خبيتي عنه حملك لو خبرتيه من البدايه ماصار الي صار
الجازي ببكى : يبه ريفان قطعه من روحي ولو عرف انو كنت حامل ماراح يخليها معاي
وقف ابو الجازي وراح لها ومسح على شعرها بحنان.
ابو الجازي بحنان : خلاص يا الجازي بسك بكى ريفان الحين باحضانك و......... ماراح يدري عن السالفه
الجازي بحرقة قلب : يبه هو فضل الفلوس علي وانا عطيته قلبي لي يتركني بسهوله ليه ماحارب اهله عشاني
ابو الجازي : انسيه يا الجازي انسيه هو ماضي وراح
الجازي بأللم : اشلون انسه يبه وريفان ماخذه طباعه بالعناد والشموخ انا قاعده اشوف ........... باطباع ريفان مو بالملامح
التفت ابو الجازي وشاف ريفان جايه وبيدها تلفونها
ابو الجازي بصوت هامس : امسحي دموعك ريفان جايه
مسحت الجازي دموعها بسرعه
وحاولت قدر الامكان ماتببن بحت البكى بصوتها
ريفان باستغراب من حالهم ووجه امها الاحمر
ريفان بخوف : يمه اشفيك ليه وجهك ليكون تعبانه
الجازي بصوت مبحوح : لا يمه انا بخير بس جدك حكالي عن خويه الي توفى وتاثرت
ناظرها الجد وضحك بسره على الكذبه الي جابتها الجازي
ريفان بقلق : متاكده
الجازي : متاكده لاتخافي * وبسؤال * الا وش عندك راجعه ليه مانمتي
تذكرت ريفان وش كانت راجعه عشانه، وعطت امها التلفون.
ريفان : يمه فارس اتصل ويسأل عنك ليه ماتردين
ضربت الجازي جبينها بخفيف.
الجازي : اووه والله نسيت عطيني تلفونك اكلمه منه
عطتها ريفان التلفون وراحت غرفتها
اما الجازي قعدت تسولف مع فارس هي والجد وقال لها عن المزرعه ورفضت وبعد نص ساعه غلقت منه ووقفت رايحه غرفتها
ابو الجازي : الجازي بكره ابيك تروحين معاي مشوار قبل نروح المزرعه
الجازي : ابشر يبه
وراحت تنام
اليوم التالي
الساعه 4:20 ص
قصر ابو راكان
ـــــــــــــــــــــــــ
••جناح ام راكان ••
نايم ويعيش بحلم غريب
حرمه تناديه وتقوله ماراح اسامحك يافيصل ماراح اسامحك انت السبب انت السبب
ناداها مين انتي بس هي ماسمعته قال بصوت عالي انتي مين
صحيت ام راكان وشافت ابو راكان نايم ويتكلم بكلام مو مفهوم والي فهمته انتي مين
ام راكان : فيصل فيصل
ماصحي هزته بخفيف وصحي من نومه مفزوع ووجهه متعرق.
ام راكان بخوف عليه : اسم الله عليك فيصل اشفيك
مسح ابو راكان وجهه بتوتر
ابو راكان : حلم يا ايمان حلم
اخذت ام راكان جيك المويه الي ؏الكمدينه وملت الكوب وعطته ابو راكان الي اخذه منها وشربه دفعه واحده
ام راكان : على هونك اشرب على مهل
ناظرها ابو راكان ايمان تحبه وحنونه معاه بس هو قلبه ملك غيرها وما يقدر يحب غيرها يبادل ام راكان الاحترام ويحاول يحبها مايبي يكسر خاطرها وهي تحبه
جناح سلطان
ــــــــــــــــــــــ
جناح كبير بتصميم فرنسي..
فيه غرفة نوم وغرفه كبيره ومكتب ودورة مياه وصاله صغيره ومطبخ تحضيري
الغرفه بالون الابيض والذهبي والاثاث بالون الذهبي والابيض مدموجين مع بعض مكونين تحفه فنيه والمكتب لون اسود فخم يعكس هيبة سلطان والصاله فيها ثلاث كنبات لون بني بطراز ذهبي وطاوله بالوسط وTV والمطبخ مفتوح ؏ الصاله.
صحي على صوت تلفونه ناظر المتصل وكان خوي بالشرطه
سلطان : هلا راشد اشعندك متصل هالحزه
راشد : تعالي القسم وبقلك السالفه
سلطان باستغراب : ما ينفع تاجلها لين تطلع الشمس
راشد : لا انا مستنيك لا تتاخر
سلطان : طيب جايك بس بسلم على اهلي
راشد : متى بتروح حايل
سلطان : بشوف سالفتك وبعدها بمشي ل حايل
راشد : تمام
سلطان : يالله فامان الله
راشد : بحفظ الباري
غلق سلطان من راشد وراح دورة المياه اخذ شور ؏ السريع وغير لبسه وتوجه ل الدور الاول وشاف ابوه قاعد بالصاله يستغفر مستني يأذن عشان يروح المسجد راح له سلطان وباس راسه
سلطان : صبحك الله بالخير يبه
ابو سلطان : صبحك الله بنور
سلطان : يبه انا رايح القسم وبعدها بروح حايل خبر الوالده ولا تنساني من دعواتك
ابو سلطان : رح يوليدي الله يسهل دربك
طلع سلطان من القصر وركب سيارته وتوجه للقسم سمع الأذأن
الله أكبر، الله أكبر
الله أكبر، الله أكبر
أشهد أن لا إله إلا الله
أشهد أن لا إله إلا الله
أشهد أن محمدًا رسول الله
أشهد أن محمدًا رسول الله
حي على الصلاة
حي على الصلاة
حي على الفلاح
حي على الفلاح
الصلاة خيرآ من النوم
الصلاة خيرآ من النوم
الله أكبر، الله أكبر
الله أكبر، الله أكبر
لا إله إلا الله
لا إله إلا الله
وقرر يصلي قبل يروح القسم
سفط سيارته عند اقرب مسجد ودخل المسجد
صلى وطلع من المسجد وبعدها راح القسم
•• تركيا ••
بـ الصاله قاعد ابو مازن على الكنبه وعيونه حمر من العصبيه وقدامه مازن واخوه نايف وميار قاعده هي ومحمد وام مازن يتفرجو وش بيصير
ابو مازن بغضب : انا كم مره قلت لك يانايف تبطل هواش انت مو ولد شوارع كل يوم تتضارب
نايف بعصبيه : هو الي تهجم علي اول وسب اهلي
ابو مازن بغضب اكبر : ليه هو مسلم يدري انو مايصلح احد يسب الكبار او الميتين
نايف بغضب : اي احد يطري اهلي ؏لسانه بكلام مو حلو نهايته على يدي
ابو مازن بغضب من اخوه : نايف اعقل انت مو بالسعوديه المره ذي عدت على خير المره الثانيه بيسجنوك وما تنفعك واسطه
نايف بنرفزه : اف انا متى ارتاح
ابو مازن بعضب : احترم نفسك يانايف قبل اعلمك الاحترام
نايف باستهزاء : علم ولدك اول وبعدها علمني
توجه ابو مازن بغضب وهب عطاء نايف كف صدى صوته بالمكان
شهقت ام مازن بصدمه ذي اول مره نادر يضرب نايف
اما مازن وميار ومحمد وطو روسها عشان نايف ما يعصب انو انضرب قدامها وعشان ابو مازن مايكمل عليهم
ابو مازن بعضب : ذي تربيتي فيك يانايف
نايف بغضب : ماني محتاج تربيتك ومن اليوم ما انت مسأول عني *وبصراخ* فاهم
ناظره ابو مازن بصدمه ذا مو اخوه الي رباه وعلمه القيم والاحترام ذا ولد شوارع بقلت ادبه
طلع نايف من الفيلا بغضب وتوجه لكافي كمول وقعد فيه وهو معصب
كان فيه شخص مراقبه من اول وقرر يروح له ويستغل الفرصه
الكلام بالانجليزي بس بكتبه بالفصحى
الشخص : هل بامكاني الجلوس
نايف بالعربي : ياليل الي وانا فاضي له
نايف : اجل
الشخص : هل انت محتاج لعمل
نايف بفرح فرصه وجات لعنده بيعتدم على نفسه ويترك فيلا اخوه ومنه عليه
** نايف مايدري انو اخوه يشد عليه عشان مصلحته وهو باعتقاده اخوه يكرهه **
نايف بفرح : اجل ولكن ما العمل يا
الشخص : جاك
نايف : سررت بمعرفتك انا نايف فل تقول لي ناي
جاك : حسنآ العمل سيكون بان تعمل بمتجر وتقوم ببيع بعض التحف لبعض العملاء
نايف بفرح الشغل سهل ويقدر يوفر منه فلوس
نايف : حسنآ ولاكن كم ستعطني من المال
جاك : كل شهر سيتم اعطائك 10000 $
اصيب نايف بالصدمه المبلغ كبير جدآ
نايف بصدمه : هل انت جاد .
جاك : اجل واذا استطعت جلب الزبائن سيتم مكافئتك ايضآً
نايف : حسنآ انا موافق
وقف جاك ومد كفه ليصافح نايف صافحه نايف
جاك : اهلا بك ناي بمتجر الامزون فل تبدأ عملك من الغد
نايف : حسنآ سافعل
غادر جاك
وبقي نايف الي فرحان انو خلاص لقي وضيفه تقدر تصرف عليه بدراسته وتاجر له شقه
طلع جاك من الكافي واتصل برئيسه
جاك : سيدي بالغد سياتي عضو جديد بالكابو
صدددددددمه جاك طلع من الكابور
الرئيس : ومن يكون
جاك بخبث : انهُ فتى في عمر الزهور جميل وس يجذب الفتيات ل المتجر وذالك سيفيدنا بجمع المال وبيع المخدرات بشكل كبير
الرئيس بضحكه : انت شخصً ماكر ياجاك
جاك بمكر : شرفآ لي ان اكون مثلك يا رئيس
الرئيس : اريد ان ارى الفتى بالغد واأمل ان يكون كما قلت
جاك : ساريك اياه بالغد وس ينال اعجابك
الرئيس : حسنآ بالغد ساتي المتجر
غلق جاك منه وضحك بخبث ومكر وهو يخطط ل شي بنعرفه بعدين
قصر ابو راكان
ـــــــــــــــــــــــ
الساعه 7:00
نزلت غيدا وصادفة بطريقها راكان الي كان نازل مستعجل
غيدا : هوب هوب على هونك وين طاير
ناظرها راكان بنظرات ناريه
راكان من بين سنونه : غيدا كفيني شرك وامشي من قدامي
غيدا ببرود : واذا ما كفيتك شري وش بتسوي
راكان بغضب : احترمي الي اكبر منك لا اعلمك الاحترام
غيدا : عل
قاطعت كلامها غاده الي كانت نازله وشافتهم واقفين ويتهاوشو وباين انو راكان واصل حده من غيدا الي متكتفه ببرود
غاده : ركوني مو قلت رايح القسم ومستعجل ليه بعدك واقف
حاول راكان يكتم غضبه عشان ما يخوف غاده منه لانو اذا عصب ينسى امه وابوه
راكان : انا رايح * وناظر غيدا وقال * ياليت تتعلمي الادب منها
وطلع تارك وراه غيدا تمثل البرود ومن داخلها مجروحه من معاملة راكان لها هي معترفه انو غلطت بس كان لازم راكان ياخذها تحت جناحه ويحسسها انو سندها مو يتركها وبعد ماشافها طاحت بالغلط يعاملها باسلوب يجرح بلعت غصتها بالم والتفت متوجهه لغرفتها من جديد
نادتها غاده الي مستغربه حالتها
غاده : استني غيدآ وين رايح
غيدا ببرود : رايح غرفتي عندك شي قوليه او بطلع
غاده باستغراب : مو توك نازله منها ليه راجعه
غيدا بنرفزه وصراخ : وانتي اشدخلك اروح اجي اش دخلك
ناظرتها غاده وامتلت عيونها بالدموع مو متعوده على احد يصرخ عليها
غاده بغصه شوي وتبكي : اسفه
وطلع غرفتها بسرعه خانتها دموعها هي تتمنا اختها تحن عليها وتمسح على شعرها وتشاركها كل شي تحبه
فتحت باب الغرفه ودخلت وتوجهت لسرير طاحت على وجهها وقعدت تبكي
اما غيدا ناظرتها بضيق تدري باختها حساسه بس هي تعبت وما تبي احد يسألها عن شي وينهم عنها من اول لمن كانت محتاجه احد يحرص عليها بالاسأله ذي وينهم عنها وصرخت بنفسها
غاده : وييييييين
قسم الشرطه
ـــــــــــــــــــــ
سلطان : راشد انا رايح حايل عشان المعلومات الي جمعها القسم الي هناك تخاويني
راشد : لا يخوي مشغول بالقضيه الي معاي
دخل راكان على كلامهم
راشد : هاك راكان جا بيخاويك
راكان باستغراب : وين اخاويه
سلطان : رايح حايل ابيك تخاويني
راكان : ابشر وعز الخوي ياخوك
سلطان : تسلم ياخوي يالله تجهز بنحرك الحين
راكان : ابشر بس بنروح صد رد او بنبات هناك
سلطان : مدري يمكن نبات ويمكن نرجع بنفس اليوم
راكان : طيب يالله انا رايح المكتب اجيب شوي اغراض
سلطان : روح
بعد 20 دقيقه تجهز راكان وسلطان وكانو لابسين لبس الشرطه وتوجهو لسياره ومشو متجهين ل حايل
حايل
بيت الجده نوره
ـــــــــــــــــــــــــ
قاعده تفطر هي و وله سمعت صوت طق الباب
الجده نوره : وله يمه روحي شوفي مين ؏الباب
وقفت وله وتوجهت تشوف مين ؏الباب
وله : مين
الجازي : انا الجازي
فتحت وله الباب
وله : حياك ادخلي
الجازي : الله يحييك معاي ابوي يبي عمتي نوره بسالف
وله : خليه يدخل حياه انا بلبس الشيله واقول لجدتي
الجازي : تمام
دخلت وله واستنت الجازي وابوها برات البيت يدرو انو البيت صغير وما يمديهم يدخلو والجده نوره بالصاله
بعد دقائق رجعت وله وهي لابسه الشيله،ما تلبس نقاب لانو ابو الجازي هو الي رباها مع ريفان وتقله ياجدي
دخل ابو الجازي والجازي وخلفها وله
الجده نوره : حياكم الله
ابو الجازي : المحيي بقى
الجده نوره : خير يابو الجازي
ابو الجازي : ان شاء الله خير
طلع من جيب جاكيته عقد بيت
ابو الجازي : هذا لك يا ام جاسر
الجده نوره باستغراب : وش ذا
ابو الجازي : ذا عقد بيت بالرياض باسمك انتي و وله
الجده نوره : مقدر اخذه
الجازي : ليه ياعمتي
الجده نوره : ما ابي شي من ابو الجازي خيره كثير علينا ومو مقصر بشي بس بيت ذا كثير علينا
ابو الجازي : والله لتاخذيه يا ام جاسر ذا حق الجيره وولدك جاسر الله يرحمه كان له عندي فلوس
الجده نوره بفرح : الله يسعدك ويفرح قلبك ويجعل الجنه مثواه ومثوا والدينك
ابو الجازي : امين يالله يا الجازي تاخرنا واليوم طويل
وله باستغراب : وين رايحين
الجازي : رايحين المزرعه
وله بتسائل : ريفان رايحه معاكم
الجازي : ايوا
وله بصدمه : اشلون وافقت
الجازي : بعد عناء طويل يالله انا رايح بس نرجع بقلك السالفه
راحت لوله وضمتها بقوه وضمت الجده كانو تودعهم وبعدها راحت
بيت ابو الجازي
ــــــــــــــــــــــــ
كانت ريفان قاعده بالصاله مستنيه جدها وامها سمعت صوت جدها ينادي من برات البيت
ابو الجازي : ريفان
ريفان : يالله جايه طلعت من البيت وغلقته بالمفتاح وتوجهت لسيارة جدها الي كانت لكزز
ركبت ورا والجازي ركبت قدام حرك الجد وشغل قرآن بصوت مصطفى شريف والسكينه تعم السياره
مشيو وهم بالطريق التفت الجد ل الجازي
الجد : الجازي يب
اجت شاحنه مسرعه حاول الجد يتفادها بس ماقدر
صوت الاصطدام عم المكان بصوت يخوف
بنفس المكان كان راكان وسلطان ماشين وشافو الحادث
سلطان : وقف وقف خل نشوف اشفيهم واتصل بالاسعاف
وقف راكان ؏جنب واتصل بالاسعاف
راح سلطان بسرعه وشاف السياره متدمره ولو الي فيها عاشو معجزه من رب العالمين
راح سلطان يفتح اي باب بس ماقدر راح لسيارته وجاب قطعة حديد حاول يفتح فيها الباب
بعد وقت قدر يفتح باب ريفان كانت متغطيه ومو باين منها شي بس الدم ينزف بغزاره من فوق النقاب طلعها من السياره وحطها ؏الارض بحذر لايسبب لها تضاعفات بالاصابات الي فيها نادأ راكان
سلطان : راكان جيب الشماغ وحاول توقف النزيف لين اساعد الي بالسياره
راكان : ابشر
راح راكان لريفان وحاول يوقف النزيف
اما سلطان راح لباب الجد وقعد يحاول فيه لين فتحه وطلع الجد وبعدها توجه لباب الجازي الي رفض ينفتح والبنزين بدا يتسرب والسياره باي وقت بتنفجر حاول يطلعها من باب الجد وقدر باخر لحضه وحملها بين يدينه بسرعه وابتعد عن السياره الي انفجرت بعد دقائق من خروج الجازي منها
الجازي بصوت ضعيف وتعبان : ريفا، يبه.
سلطان : هم بخير لاتقلقي
الجازي : لو متت وصل الرساله ذي
سلطان : ان شاء الله بتعيشي لاتتعبي نفسك بالكلام
الجازي بتعب : .............................................
وبعدها فقدت الوعي
انصدم سلطان وكان احد عطاه كف مو قادر يستوعب الي قالته
وصلت الاسعاف واخذتهم للمستشفى
//توقعاتكم //
مين فارس ووش يصير لريفان ؟
نايف خلاص بينظم ل الكابور ؟
غيدا وش سوت وليه راكان يكرهها ؟
مين ابو ريفان وهل هو عايش او لا ؟
وش سر خوف ريفان من الحيوانات ؟
ريفان راح تموت او بتعيش ؟
الجد والجازي وش بيصير فيهم ؟
ليه انصدم سلطان وش الكلام الي قالته الجازي لسلطان ؟
شاركوني توقعاتكم الحلوه يحلوين.