الفصل 1
رواية جيتك وكلي جروح وابي منك تداويني
للكاتبة: غزال شعࢪيه
~~~~~~~~~~~~~~~~~~~~~~~~~~~~
مُقدمه
ـــــــــــ
رجعت لكم مع روايتي الثانيه ان شاء الله تنال اعجابكم.
ماراح ابداها مثل الاولى الشخصيات بتتعرفو عليها مع الاحداث
لا تلهيكم روايتي عن الصلاه اللهم بلغت اللهم فشهد
البارت الاول
ــــــــــــــــــــ
> _*الماضي #*_
ــــــــــــ : بغضب: تتزوج من وراي وبنت عمك الي متزوجها وش اقول لها وش اقول لعمك الي حاط امله فيك انك بتعز بنته وما راح تتركها
ــــــــــــ : يبه انا شفت البنت وحبيتها وتزوجتها وبنت عمي معززه مكرمه ومو مقصر معاها بشي
ــــــــــــ : بغضب اكبر: بتنزل راسي عند عمك عشان الي ماتتسمى والله لتطلقها او تنسى امك واخوانك واتبرا منك
ــــــــــــ : بصدمه: يبه ذي حرمتي كيف تبيني اطلقها
ــــــــــــ : بصرامه: انت اختار يا انا وبنت عمك والفلوس او حرمتك
ــــــــــــ : يبه انا احبها اشلون تبيني اطلقها
ــــــــــــ : انا قلت كلامي وخلصنا
ــــــــــــ :يبه انا ماراح اطلق حرمتي
ــــــــــــ :بغضب : والله لو ماتطلقها لاغضب عليك ليوم الدين
ــــــــــــ : بضيق: يبه تكفى لاتقول كذا
ــــــــــــ : بحزم: انت اختار يا رضاي او حرمتك وانسى اهلك
ــــــــــــ : يبه خلاص بطلقها
ــــــــــــ : بسعاده: ايوا كذا انت ولدي الي مايعصي لي كلام
ــــــــــــ :بضيق: طيب يبه وانا رايح
طلع من عند ابوه وهو مهموم حيل كيف يبيه يطلق البنت الي عشقها من اول نظره كيف يبيه يترك قلبه ويعيش مع بنت عمه الي متزوجها من 7 سنوات و مايبيها ولا يحبها رغم انو عنده ولد وبنت منها بس ماحبها هو تزوجها عشان ابوه ولانو بنت عمه
> _*الواقع #*_
حايل _الديره
ـــــــــــــــــــــ
بيت ابو الجازي
ـــــــــــــــــــــــــ
قاعده تسبح وتستغفر الله سمعت صوت طرق الباب
الجازي : ادخلي
طلت بنتها من الباب وعلى ثغرها ابتسامه تشرح الخاطره
ــــــــــــ : يمه انتي اشلون تميزي طقي
الجازي بحنان : احد ما يدري عن طرقات روحه انتي اناملك تشرح خاطري لمن تطق الباب
راحت يم امها وباست راسها وخدودها وقالت بحب
ــــــــــــ : يمه انتي اجمل شي بالدنياء
الجازي : ريفان يمه انتي الشي الوحيد الي طلعت فيه لدنياء وادعي الله يحفظك ولا يحرمني منك ياضي عيني
ريفان بغمزه : انا ضي عينك او ابوي الله يرحمه
الجازي بحزن دفين : الله يرحمه
ريفان حست انو زعلت امها بكلامها وقررت تغير السالفه
ريفان : اقول يالجازي وينه شايبك
الجازي ضربت ريفان ؏راسها بمزح.
الجازي : اصغر عيالك انا تقولي الجازي وبعدين شايبي هو جدك يمال العافيه
ريفان بتمثيل للألم : يمه عورتيني * وبضحكه * هههههههه لا اكبر عيالي.
ناظرتها الجازي بقلت حيله تدري بنتها ماراح تعقل ابد
الجازي بزعل مصطنع : روحي عني راح تجيبي اجلي بهبالك
ضمتها ريفان بحب.
ريفان : يمه نفدالك جعل يومي قبل يومك
الجازي بخوف من فقدها : لا اسم الله عليك لعدوينك ان شاء الله.
ريفان بمزح : اعترفي يا الجازي انك تحبيني
ناظرتها الجازي بحب وحزن وسرحت شوي وتذكرت كلام زوجها لمن قال لها نفس الكلمه ريفان تشبه ابوها بتصرفاتها وقوتها الي ماتظهر الا باوقات الجد
شافتها ريفان سرحانه ومو يمها اشرت بيدينها قدام وجه امها عشان تنتبه لها
الجازي صحت من سرحانه : هاه هلا
ريفان باستغراب : يمه وين سرحتي
شتت الجازي نظرها عن ريفان : مافي شي الحين جدك ؏لى وصول تعالي ساعديني بتجهيز الغداء
ريفان بمرح : من عيوني الثنتين يا الجازي
الجازي بضحك : هههههههه يابنت اعقلي انا امك مو خويتك
ريفان : فديتك يالجازي
ضحكت الجازي وهزت راسها بقلت حيله البنت ذي مستحيل تعقل
> _*الشخصيات #*_
الجد حمد 74
الجده متوفيه
الجازي 40
ريفان 21
•• الرياض ••
بقسم استخبارات الانتربول
ـــــــــــــــــــــــــــــــــــــــــــ
قاعد مع خوياه الي بالاستخبارات ويسمع حواراتهم على الكابور
الاول : تتوقعو المره ذي الكابور وش ناوين عليه
الثاني : مدري بس شي اكيد انو ضربتهم هالمره راح تكون قويه احنا دمرنا لهم السفينه الي ماخذين فيها الاسحله وتركنا لهم تحذير عشان يبطلو يدمرو حياة البشريه وتبغاهم يتركونا بحالنا
الاول : لاتكون غبي هم مايدرون من هم الانتربول واحنا متخفين وحتى اهلنا مايدرو عن شغلنا ذا
الثاني : ادري بس هم ماراح يضرونا احنا لا راح يضرو الناس وانت تدري انهم مستهدفين العاصمه والمناطق السكنيه الي فيها ناس ثقيله بالبلد ؏شان يستحوذو على املاكمهم
الاول بتفكير : صح ولازم نوقفهم عند حدهم قبل يصير فيه ضحايا جديده
الثاني : كيف بنوقفهم وانت تدري فيهم ناس خطيرين واسهل شي عندهم القتل
الاول بغموض : نصير منهم فيهم ونقطع الشجره قبل يقوى غصنها
الثاني باستغراب : صاير غريب وتتكلم بالغاز
تكلم صديقهم الثالث الي كان يراقب الكلام بصمت
صديقهم بابتسامه ماكره : قصدك نصير فيهم وبسلاحهم ننهيهم
الاول بضحكه : طول عمرك فهيم يا الصقر
الثاني باستغراب : قصدك احد مننا يكون عضو في الكابور
الثالث : بالضبط
الثاني : طيب ومين بيدخل بينهم
الاول : لازم شخص يكون مجهول بنسبه لهم ويكون قوي وصارم وقلبه قوي
الثالث : بعد تفكير : انا بكون بينهم
ناظروه خوياه بصدمه وقالو بصوت واحد
خوياه : انت يا الصقر
الاول : بس انت يا الصقر قائدنا وما ينفع تروح لهم تخيل لو عرفو انك جاسوس راح يعذبوك ويمكن يأذو اهلك بعد.
<< الانتربول متسمين باسماء غير اسمائهم الحقيقيه >>
الصقر : انتو بعدي قاده لو يصير لي شي واهلي بإذن الله مو صاير لهم شي واذا انا ماصرت بينهم مين الي بيصير
الاول : انا بس اهم شي ماتروح انت اساس الانتربول وقائدنا
الثاني بتأكيد لكلام الاول : فهد صادق انت ماراح تروح اي مكان الانتربول محتاجك والكابور بنشوف له حل
الصقر : راح افكر بحل الحين انا رايح البيت تامرون على شي
نمران بضحكه : ايوا لاهنت ابيك تجيب لي مرقوق من يدين الوالده
فهد : وانا ابي بعد من الحلا الي ذقته اخر مره ببيتكم خل الوالده تسويلي منه وجبه معاك
الصقر بضحكه : ماتنعطون وجه انا رايح ومرقول وحلا ماراح اجيب شي
فهد بضحك : افا يا الصقر تبخل علينا واحنا خوياك الضعاف الي محتاجين اهتمام واكل
الصقر : رح بيتكم وخل يطبخولك ماراح اتعب الوالده بطلباتكم الي ماتخلص
نمران بتمثيل للحزن : لاتبخل علينا يالصقر تدري امي متوفيه والاهل مايدلو للمطبخ درب
الصقر بضحكه : خلاص رحمتكم بس ذي اخر مره لو تطلبو ثاني بفصلكم من الشغل
فهد : بداء الذل يا الصقر يالله روح ولا تتاخر علينا
الصقر : يالله سلام
طلع من المكان السري الي ما احد يدري عنه وتوجه لمركز الشرطه واخذ بعض الاوراق وبعدها راح البيت
بيت ابو راكان
ـــــــــــــــــــــــ
ماينقال له بيت ينقال له قصر من جماله وحجمه الكبير الي يجبر المار يتامله ويقول ماشاء الله ذا قصر شيوخ مو قصر عادي
بالحديقه الي مليانه ورد واشجار باحجام مختلفه وترتيب حلو وباين انو متعوب عليها باهتمام متكامل.
بوسط الحديقه فيه جلسه كامله طاوله كبيره بشكل دائري وكراسي باشكال جميله بالون الابيض والجلسه مضلله بضلال كامل والضلال على شكل دائري وفيه مسبح كبير قدام الجلسه
قاعد على الطاوله وبيدينه الجريده يقرئها والقهوه قدامه مع صحن مليان شوكلاتات وصحن اخر فيه حلا
رفع راسه من سمع خطوات جايه لعنده ناظر للي جايه له وعلى فمها ابتسامه
ابو راكان : هلا ببنيتي هلا * وبمزح * تو مانورت الحديقه
راحت له غاده وباست راسه وقعدت معاه على الطاوله قالت
غاده بضحك : بابا يحبيبي الحديقه منوره من الشمس انا انور الليل لانو انا * وبغرور * القمر
ابو راكان بمزح : بس القمر ما يجي الا ثلاث ايام الشمس كل يوم
غاده : بضحكه : عادي انا نادره بالايام والكل مستني طلوعي
ابو راكان : هههههههه لا خلاص انتي غلبتيني
غاده بفخر : تدري يا بابا انا مالي منافس بالكلام
ابو راكان : لا لك مافس
غاده : مين انا غلبتك انت يا بابا يعني مالي منافس
ابو راكان بحنين وقال بنفسه : ام العيون السود مالها منافس فاقت وصفك ولوصفي تفوق
غاده : بابا وين سرحت
فاق ابو ركان من سرحانه : هاه لا معاك معاك وش كنا نقول
غاده بضحكه : ايوا ايوا معي * وبمزح * بابا ليكون تحب وتفكر بحبيبتك قول لاتخاف ماراح اخبر ماما
ابو راكان بتنهيده عميقه : اه بس مو بس احبها انا هايمآ فيها هيام
غاده بغمزه : مين ذي يا بابا
استوعب ابو راكان الي قاله شاف ام راكان جايه.
ابو راكان : ايمان هي الي ماخذه قلبي ياغاده
صفرت غاده بقوه : ياويلي على الحب ياويلي
استحت ام راكان وضربت غاده على راسها بمزح وقالت
ام راكان : بنت بسك كلام ويالله روحي ذاكري لك شوي
غاده بضجر : ماما تكفي لاتجيبي طاري الدراسه احنا بيوم الخميس خليني استانس بالويكند
ابو راكان : امك صادقه ذاكري زين ذي اخر سنه لك بالثانويه
غمزة له غاده : عاش المصرف يالله انا رايحه بترك الجو يصفا لكم ياعصافير الحب
اخذت ام راكان علبة الكلينكس الي كانت ؏الطاوله ورمتها على غاده الي التفتت للجهه الثانيه تتخطا الضربه وقالت وهي تضحك
غاده : اخطئتي الهدف يا ماما المره الجايه تدربي زين
ام راكان بعصبيه مصطنعه : غادوووه ؏التبن،لا اجي اكفخك.
راحت غاده وهي تضحك واشرت بيدها لابوها باي
ضحك ابو راكان هي الوحيده الي مسويه جو بالقصر ذا
ناظر ام راكان الي قعدت قدامه
ام راكان : ابو راكان عاجبك حال ولدك
ابو راكان بستغراب : اشفيه راكان
ام راكان : مو راكان ريان
ابو راكان : اشفيه ريان
ام راكان : كل وقته بالاستراحه ومع خوياه بالبراري ومهمل جامعته انت لازم تشد عليه
ابو راكان : مو عاجبني حاله بعلم راكان بس يرجع ويشوف له حل
ناظرته ام راكان بعيون فيها لمعه غريبه وسكتت
> _*الشخصيات #*_
الاب فيصل 57
الام ايمان 52
> _*الابناء #*_
راكان 28
غيدا 25
رائد 23
ريان 20
غاده 18
بقصر الشيخ سلطان شيخ وكبير ال الكاسر
ـــــــــــــــــــــــــــــــــــــــــــــــــــــــــــــــــــ
قصر جميل وانيق بتصميم تركي حديقه كبيره بعشب اخضر ونافوره بوسط الحديقه معطيه الحديقه جمال اخر وفيه حديقه خلفيه للقصر فيها مسبح مضلل لريم والبنات لمن يباتو عندها وينزلو المسبح
قاعد بمجلسه ويتناقش مع ولده عبدالعزيز وشويره ابو لافي وبعض رجال القبيله على سالفة احد جماعتهم الي قتل ولد عمه ويبون من الشيخ يقنعهم بالديه ويتركو الولد يعيش
الشيخ سلطان : الرجال قتل متعمد وانا ماراح اوقف معاكم ولو الي انقتل ولدي لاسمح الله مستحيل اوافق بالديه
ابو لافي : بس يابو عبد العزيز الرجال ندمان وقال ساعة غضب والرصاصه صابت ولد عمه وماكان قاصدها
عبد العزيز : يابو لافي هم خبرو الشرطه وحكمو عليه اعدام وما بيدنا شي
ابو لافي : يابو سلطان الرجال ندمان ومعاه بزران وما احد يعين اسرته من بعده
ابو عبد العزيز بتفكير : بفكر بالسالفه وارد لكم خبر بكره
ابو لافي: الله يعطيك العافيه يا شيخنا يالله انا استأذن
ابو عبد العزيز : وين يابو لافي
ابو لافي : معاي شوي اشغال بخلصها
ابو عبد العزيز : ماشربت قهوتك تقهو والله يسهل دربك
ابو لافي : زاد فضلك يابو عبد العزيز مستعجل
ابو عبد العزيز : روح بس ترا قهوتك بكره عندي
ابو لافي : ماتقصر ياشيخنا وابشر بكره وانا عندك
ناظر للجماعه الي جايين معاه وقالهم يالله ورواحو وبقي بالمجلس ابو عبد العزيز وابو سلطان وقعدو يسولفو بحوارات مختلفه
اما بالجهه الاخرى من القصر، بغرفة الجده قاعده على سريرها وتناظر بنتها الي قاعده تسولف معاها وهي سرحانه
ام عبد العزيز : يمه ريم
ريم بشرود : هلا يمه
حطت ام عبد العزيز يدها تحت فك بنتها ورفعت راسها وناظرت بعيونها وشافت الحزن فيهم
ام عبد العزيز بحنان : الريم يبنيتي الحزن مايليق بعيونك الحلوه اشفيك ياريم
ريم بضيق : مافي شي يمه بس متضايقه بسبب الجامعه
ام عبد العزيز : بس بسبب الجامعه مافي شي ثاني
ريم : ايوا يمه بس بسبب الجامعه انا رايحه غرفتي تامرين ؏شي قبل اطلع
ام عبد العزيز : لا يمه روحي الله يسعدك
ناظرتها ام عبد العزيز وهي طالعه تدري انو بنتها ماتخطت الي صار من سنتين بس تكابر وما تبي تقلقهم عليها
تنهدت بعمق ودعت الله يحفظها ويسعدها وينسيها الماضي
اما ريم طلعت من غرفت امها وتوجهت لغرفتها ولمن دخلت غلقت الباب بالمفتاح وبكت بنحيب ما احد فاهمها هي قاعده تتاللم وما احد يمها يسندها ويداوي جروحها رغم العز الي هي فيه بس مابيوم حست بالسعاده راحت لسرير ورفعت المخده وطلعت صوره من تحتها وناظرتها بحزن وضمتها وبكت
> _*الشخصيات #*_
الجد سلطان 79
الجده فاطمه 75
> _*الابناء #*_
عبد العزيز 61
فيصل 57
ناصر 50
العذوب 48
ريم 26 حملت فيها الجده بعد فتره طويله
قصر ابو سلطان
ــــــــــــــــــــــــــــ
قاعده بغرفتها ماسكه روايه تقرئها ناظرتها اختها بملل
ملاك : اف منك روان بسك قراءة اتركي الروايه وتعالي سولفي معاي
ناظرتها روان من تحت النظاره الي لابستها.
روان : وانت اش عليك مني روحي غرفتك وخليني اقرأ
ملاك باستعطاف : روان يهون عليك اقعد لحال واسولف مع روحي اليوم ويكند وابي استانس
روان : ملاك روحي سولفي مع ماما او خالد
ملاك : ماما مو فاضيه لي وخالد راح المدرسه لو كان سلطان هني ماكنت اجيتك
روان : ابي افهم انتي اشلون تسولفي عادي مع سلطان ذا رعب الجميع
ملاك بزعل : روان ذا اخوك ليه تقولي عنه كذا
روان بصراحه : وانا الصادقه حتى ابوي وعمي ابو راكان يحترموه ويهابوه وقفت عليها الهيبه
ملاك : صح هيبه بس هو طيب وحنون
روان باستهزاء : اي حيل طيب وحنون مستحيل انسى لمن هاوشني ومسح فيني الارض بس لانو شافني راكان بدون شيله
ملاك : لاتكبري الموضوع سلطان غيور وماخذ طباع جدي وجدي رباه على الصلابه والقسوه عشان يصير لنا سند قوي
روان بتسائل : انا دوم يجي ببالي سؤال ليه جدي الي ربا سلطان مو بابا
ملاك : حتى انا يجيني السؤال بس ترا حتى راكان زي سلطان جدي رباه مع سلطان وطلع قاسي زيه بس حنون ببعض الاوقات مع غاده
روان : سلطان حنون معاك وراكان حنون مع غاده وانا وغيدا مالنا اي حنان بس تهزيا
ملاك : سلطان صح حنون بس غامض وابتسامته ماتظهر الا باوقات نادره ودائماً صارم معانا لاتروحو مع السواق لاتتاخرو اذا طلعتو
روان بتنهيده : غلقي السالفه سلطان من عرفته وهو الشخص الجامد الي مايلين قلبه شي الا امي الي يكون معها شخص ثاني
ملاك بحماس : تتوقعي بالمستقبل مين بتكون زوجته وهل راح تستحمل تصرفاته وبروده
روان بتفكير : اممم مدري بس لو تحملت تصرفاته من عندي عطيها شهر ولو كملت معاه لك الي تبينه
ملاك بحماس : اووك بس ياويلك تنسحبي،خل سلطان يتزوج ونشوف وش راح يصير وهل العروس المجهوله بتتحمل تصرفاته
روان بتحدي : بنشوف
> _*الشخصيات #*_
الاب عبد العزيز 61
الام تهاني 56
> _*الابناء #*_
سلطان 30
سلمان 25
روان 22
ملاك 18
خالد 15
بيت ابو الجازي
ــــــــــــــــــــــــ
قاعده الجازي بالصاله ونادت ريفان الي بالمطبخ تجهز القهوه والحلا لجدها والي جايين معاه
الجازي : يمه ريفان استعجلي ضيوف جدك ؏وصول زهبتي القهوه وزينتي الحلا
ريفان : ايوا يمه كل شي جاهز بس متى بيوصل جدي اذا يبغا يسوي لهم عشاء يستعجل بالذبيحه
الجازي : مدري الحين بيوصل ونسأله
بعد دقائق وصل ابو الجازي قلط الضيوف للمجلس وراح للجازي وريفان يسألهم عن القهوه
ابو الجازي : يبه يا الجازي وين القهوه
الجازي : ريفان جايبتها الحين
على كلامها طلعت ريفان من المطبخ وهي مزينه الصحن الي فيه الحلا والفناجين والدله جنبه وعطتهم جدها وقالت
ريفان : سم يا جدي
ابو الجازي : سم الله عدوك
ريفان : جدي بتعشي ضيوفك
ابو الجازي : اكيد يبنيتي ليه تسألي؟
ريفان : عشان تجهز الذبيحه بسرعه وتجيبها نطبخها
ابو الجازي بحب لحفيدته الي تعلمت السناعه من عمر صغير.
ابو الجازي : على خشمي بقهوي الضيوف وبخلي ملفي يجهزها ويجيبها بسرعه
باست ريفان خشم جدها.
ريفان : يسلم خشمك ياجدي
ابو الجازي : يالله انا رايح بتاخر ؏الضيوف
الجازي : روح يابوي.
بنفس المنطقه ببيت بعيد شوي عن بيت ابو الجازي
بببيت متهالك وجدارانه يالله قايمه من جور الزمان
قاعده مع جدتها
وله : يمه لمتى بنقعد كذا
حدتها : قولي الحمد لله يمه غيرنا ماعنده بيت يسكن فيها
وله بضيق : الحمد لله يمه بس البيت متهالك وبيطيح علينا لو جات امطار غزيره وانتي ادرا بامطار حايل
الجده بهم : الله الحافظ يابنيتي انتي ادرا بالحاله مقدر اطلع من البيت ولا معنا حلال نبيعه ونطلع من البيت ذا
وله شافت جدتها تضايقت وما حبت تزيدها ضيق
وله : لا يمه مين قال نبي نغير البيت ذا اخر ريحت الغوالي
ناظرت الجده وله بحزن هي تدري بحفيدتها ماتبي تضغط عليها، ماتنسى فضايل ابو الجازي عليهم هو الي درس وله واهتم بشأون دراستها هي وريفان واعتبرها حفيدته وما تركها بيوم تحتاج لشي وما تبي تطلبه كمان يوفر لهم سكن لانو جمايله عليهم مالهم عدد، دعت الله بسرها ييسر الامور ويزين الاحوال
ناظرت وله لجدتها .
وله : يمه لاتضايقي نفسك الي خلقنا هو بيحميني وياوينا بسكن امن
الجده : ونعم بلله من داعاه ماارتد خايب
وله بمرح : يالله يمه انا رايحه لريفان اشوف اشعندها اليوم قاعده بالبيت وما طلعت
الجده : روحي يمه نفدالتس
وله بضحكه : اشفيك يمه طلعتي عرقك القصيمي من جديد
الجده بحنين : مين ينسى اصله يبنيتي القصيم دار الكرم والعطاء مهما بعدت عنها تبقا عروقي قصيميه
وله بضحكه : نفدالتس يانوره اتحاتسيني قصيمي
الجده بضحكه : وله وانا امتس لا تكثرين الحتسي وروحي يم خويتس احس لتس من كلامتس الي مامنه فايده
راحت وله وباست خد جدتها بقوه.
وله : نفدالك يمه انا رايحه وبعد شوي بسير عليك
الجده : روحي وسلمي لي ؏ الجازي
وله اشرت على عيونها.
وله : من عيوني
> _*الشخصيات #*_
الجده نوره 82
وله 21
الاب متوفي والام تركتها لجدتها تهتم فيها
اخذت نقابها وعباتها الي مهتريه من كثر الاستعمال وراحت لبيت ابو الجازي
طقت باب الحريم وبعد شوي فتحت لها الجازي
الجازي بفرح : هلا والله ببنيتي وله
وله : هلا فيك يخاله
الجازي : ادخلي حياك
دخلت وله مع الجازي الصاله
وله بتسائل : وينها ريفان يخاله
الجازي : بغرفتها راحت تريح لين يجيب جدها الذبيحه
وله باستغراب : جدي عنده ضيوف متى وصلو ماشفت احد
الجازي : دخلو من شوي،تقريبآ قبل نص ساعه، وريفان طلعت بعدها
وله : اهاه * وبمشاكسه * يالله انا رايحه اصحي خيشت النوم وراجعه
الجازي بضحكه : لو سطرتك لا تجي تقولي ياخاله شوفي بنتك
وله بضحكه : لا تخافي ماراح اجي يمك المره ذي باخذ حقي بيدي
الجازي رفعت يدينها : اللهم بلغت
وله : لا تخافي ماراح اجيك المره ذي *وبغمزه* مجهزه لها شي يخليها تصحصح زين
الجازي : انتبهي تصحيها بالمويه الحين بتتعب وانا مو ناقصه تتعب علي وانتي ادرا ببرد حايل
وله بخبث : لا تخافي مو مويه
راحت وله لغرفة ريفان وشافتها متغطيه بالكامل طلعت من جيبها ثعبان لعبه مستغله خوف ريفان من الحيوانات فتحت الحاف عن وجه ريفان.
وله : ريفان اصحي
ريفان بصوت كله نوم : وله ياتبن اطلعي برا وخليني انام
وله بعناد : والله اذا ماصحيتي ياريفان لصحيك بطريقتي وهذي انا حلفت
ريفان طنشت كلام وله وتغطت بالكامل
ناظرتها وله بغضب وقررت تنفذ خطتها دام طنشتها سحبت الحاف بالكامله وناظرتها بخبث
ريفان جلست وناظرتها بتهاوشها بس سكتت لمن شافت نظرات وله الخبيثه
وله : انا حذرتك
رمت الثعبان لوجه ريفان الي جمدت مكانها مو مستوعبه شي ناظرت ببطئ لحضنها وشافت ثعبان اسود صرخت بخوف
ريفان : اءءءءءءءءءءءء يممممممممممممه
نطت ريفان من السرير وقعدت تتنطنط مفكره الثعبان بعده بحضنها
اما وله فقدت تضحك بشكل جنوني على شكل ريفان الي يضحك
ناظرتها ريفان بعيون مليانه دموع استوعبت انو وله مسويه فيها مقلب
ريفان بزعل والغصه بحلقها : وله اطلعي برا
وله بضحك : كيف المقلب ب لله
ريفان بصوت اكبر : وله اطلعي براااااااا
وله شافت نظرات ريفان الخائفه والدموع الي ماليه عيونها
وله بحنان : ريفان الثعبان لعبه مو حقيقي
ريفان بغت تنهبل بس شافت الثعبان وهو لعبه اجل لو حقيقي تكره الحيوانات كره مو طبيعي ماتنسى الموقف الي كرهها بالحيوانات باستثناء حيوان واحد الي تحبه
ريفان ببكى ماتدري ليه تبكي : وله لو سمحتي ممكن تطلعي برا
ناظرتها وله بضيق تكره دموع ريفان الي ماتطيح الا من شي كايد وهي اليوم كانت سبب ه الدموع راحت يمها وضمتها
وله : اسفه والله ماكنت اقصد اسفه
ريفان ماردت كانت محتاجه حضن وله عشان تبكي براحتها اليوم تحس بضيق وما كان ناقصها الا مقلب وله عشان تطيح دموعها
دخلت الجازي وشافت ريفان قاعده ؏الارض وتبكي بحضن وله
الجازي بخوف : ريفان يمه اشفيك
ريفان من شافت امها على طول مسحت دموعها وقالت بصوت مبحوح من اثار البكى
ريفان : مافي شي يمه
الجازي : تخبي عن امك ياريفان
ريفان : مو مخبيه بس مافي شي صدقيني واسألي وله بس مقلبتني زي العاده
الجازي : ريفان يمه انتي تدري وانا ادري انو دموعك مو بسهوله يطيحو والي طيحهم مو مقلب
ناظرت ريفان للارض كلام امها صحيح هي مو ضعيفه عشان يطيحو دموعها بسهوله هي صح خافت بس دموعها مايطيحو من خوف لا دموعها يطيحو من ضيق رغم خوفها الشديد من الحيوانات بس مابحياتها بكت من خوفها
وله شافت ريفان مو حابه تقول لامها اشفيها حبت تنقذها من الموقف
وله : يالله ياريفان لسى ماخلص انتقامي معاك
ناظرتها ريفان وغمزة لها وله بمعنا خلصي التمثيليه
فهمتها ريفان وقالت : ماراح اتركم ياوله
ووقفت وصارت تركض وراها بسرعه وله من شافت ريفان صارت تركض وراها من جد ركضت تنفذ بريشها
ناظرتهم الجازي بحب هم الي معطين البيت جو وحياة السعاد
قصر ابو همام
ـــــــــــــــــــــــــ
قاعد بالصاله على كرسي متحرك
ناظر لبنته هيفاء الي جايه وبيدينها القهوه والتمر حافظه الاوقات الي يحب ابوها يشرب فيها القهوه
هيفاء بحب : وهذي اطلق قهوه ل نصوري الحلو
ابو همام بضحكه : لا تسمعك امك وتعطيك بالدله ؏راسك
هيفاء بضحكه : انت سمعت شي انا ماتكلمت
ابو همام : ههه ولا انا سمعت
اخذت الدله بيدها اليسار والفنجان بيدها اليمين
هيفاء : سم يبه
اخذ ابو محمد الفنجان وقال
ابو محمد : سم الله عدوك.
قدمت له التمر واخذ منها كانت بتزيد له فنجان بس اشر لها بيده يكفي
هيفاء : ازيدك فنجان يبه مايضر
ابو محمد : لا ياعين ابوك فنجان يكفيني
ناظرته هيفاء بحزن وين كان ابوها وكيف صار ذا مو شكل ابوها قبل سنتين كان ابوها واقف بعز وشموخ والحين طايح بحزن وخذلان تمنت لو بيدها تبدل عافيتها بتعب ابوها وتشيل التعب عنه.
> _*الشخصيات #*_
الاب ناصر 50
الام سعاد 49
> _*الابناء #*_
هيفاء 23
هيام 21
همام 15
••تركياء ••
فيلا ابو مازن
ــــــــــــــــــــــ
قاعد بمكتبه يراجع الاعمال الي معاه ويتاكد انو الصفقه المره ذي ناجحه، مو زي المره الي طافت، خسر 5 مليون بسبب صفقه وهميه
سمع صوت تلفونه اخذ التلفون من على طرف المكتب ورد بدون مايشوف المتصر
: السلام عليك
ناظر ابو مازن التلفون وكان رقم مجهول استغرب
ابو مازن : وعليكم السلام
: الاخ فواز
ابو مازن : وصلت
: انا من المستشفى ممكن تجينا
ابو مازن بخوف : عسى ماشر مين الي بالمستشفى
: الـ .........
طاح التلفون من يد ابو مازن وطاح ابو مازن من الصدمه حاول ياخذ نفس بس ماقدر حاول ياخذ دواه من درج المكتب بس ماقدر وطاح فاقد وعيه
دخل ولده الصغير يبي منه فلوس بس شافه طايح وصرخ
: يبببببببببه
*توقعاتكم :*
الانتربول مين راح يحطو جاسوس ل الكابور ؟
ريفان ليه تكره الحيوانات ووش الموقف الي كرهها فيهم ؟
وش صار لابو همام وليه صار معاق ؟
ابو مازن ليه طاح ومين الي بالمستشفى ؟
ريم ليه الحزن بعيونها ؟
شاركوني توقعاتكم الحلوه