أنت قدري - الفصل 27 - بقلم لولة الحلوة - مكتملة | روايتك

في فندق .الانتر كونتننتال بالرياض قبل العرس بيومين الجدة : مها انت وسلمى لازم تلبسن عبي وغطاوي تراكم بالسعوديه ما انتم بامريكا مها : ههههههههههههههه ههههههههههههههههههههههه ( وعيونها تدمع من كثر ما ضحكت وكانت جدتها تنتظر متى تخلص مها : تخيلي شكلي والله اطيح سلمى : ههههههههههه مها مها انا اضيع الجده : عاد وصلكم العلم وانا ماعليه تبن تلبسن غصب عليكن مها : هههههههههههههههه جدوده انت صادقه ..طيب ما اعرف كيف تنلبس الجده : ما الومك .. وانت وش دراك ... المهم مثل ما انا لابسه البسن ابو عادل دخل السويت بعد ما استاذن : ضحكونا معكم سلمى : بابا صدق جدوده تبغي تلبسنا عبايه لا واغطي وجهى زيها ابو عادل : ايه لازم مها : وش لازم ... طيب ما اعرف ابو عادل : مالك صديقات بالرياض مها : الا ابو عادل : خلصنا .. قوليلها تعلمك ولو انها مايبغالها تعليم مها : طيب ماعندي عبايه ابو عادل : انا اجيبلك الجده : لا ... ((واستدركت )) : انت وش دراك بلبس البنات واللي يبغونه خل صديقتهم تجيبلهم ابو عادل : خلص .. بكيفكم وفعلا .. جت فجر بنت خالت امل وجا بت لهم العبايات والطرح والنقابات فجر بنت حبوبه وملتزمه اول ما تعرفت على مها وسلمى حبتهم مره فجر : شوفي ياعزيزتي هذي العبايه .... مها تضحك فجر : وش اللي يضحك العبايه مش حلوه مها: وانا وش دراني عنها........... انا بيضاء مااعرف شي عن هالاشياء فجر: اذا تبغين تضحكين كذا مااعلمك مها :ما قصدى غصب عني فجر تلتفت لسلمى : ها سلمي مايطلع راسك من السويت الا عبايتك وغطاك على راسك يعني لازم مايشوفك الا ابوك واخوك بس مها : وليه كذا؟؟ سلمى : وانا اشوف بنات السعوديه مايتزوجون بدري اثاري محد يشوفهم هههههههههه فجر : بسم الله على الامريكيات كلهم متزوجات .. اصلن الحجاب ستر وعفاف للبنت ولا تكون بضاعه رخيصه الكل له حق فيها مها : بس ليه الجمال اللي الله رازقني اخبيه فجر : انت لو عندك جوهره ثمينه وهديه من ابوك ترمينها بالصاله مها : لا طبعا احطها في صندوق مجوهراتي فجر : طيب تعطينها أي احد يلبسها ... جين مثلا مها : لا طبعا لا جين ولاغيرها اذاكانت هديه من بابا بتكون اغلي ولا اعطيها لاحد ولايلبسها غير فجر : خلاص يامها هذا جمالك وجسمك اللي خصك الله فيه دون غيرك عامليه مثل الجوهره الغاليه اللي ماتحبين احد يلمسها الا اللي يستاهلها .. ليه يكون مثل أي شي رخيص الكل يشوفه ويلمسه مها ماردت وحست ان الكلام مقنع فجر: ها تبغين اعلمك كيف تلبسي العبايه والا لا مها : ايوه سلمي : وانا بعد في يوم الزواج سلمى تلبس فستانها الابيض االناعم بفخامه ... وتسريحة شعرها الجميله .. اما المكياج كانت اول مره تحط ميك آب ثقيل شوي .. فابرز ملامحها الفاتنه عيونها البني الغامق وشفاهها الممتلئة وانفها الدقيق مع الوجه الدائري الجميل مها وسلمي يتشابهون الا ان مها اوسع عيون قليلا .. واقل بياض من سلمى .. فسلمي بياضها ثلجي آخاذ حتي ان الكوفيره ةهي تحط الكريم حطة لها طبقه خفيفه جدا قالت لها انت ما تحتاجين كريم خلص تجهيز سلمى وصارة عروس في غاية الجمال كانها لوحه مرسومه بدقه وكل شى فيها مختار بعنايه دخلت الجده بعد ما انتهت سلمى من اللبس: ماشاء الله .. الله يكتب لك السعاده سلمى وهي تسلم على راس جدتها : الله يسلمك ياجدوده الجدة : سبحان اللي خلقك ... كا مله والكامل وجه الله تدخل مها : وانا ياجدوده التفتت الجده علشان تشوف مها اللي كانت لابسه فستان اخضر .. اكتاف عاريه وكان مشغول بالكرستال من عند الصدر بكل فخامه علشان كذا ما احتاج تلبس الا حلق من الكرستال الطويل وعملت شعرها تسريحة رومانيه بينة كامل وجهها اما الميك آب ثقيل شوي كانت عيونها فاتنه بالشدو الاسود المدمج بدرجة الاخضر وشفاهها المرسومه بدقة بالون الاورنج مع البلشر المشمشي الجميل فاتنه بكل ماتعنيه الكلمه من معني الجده : ماشالله عيني عليك بارده ... اقري على نفسك ياوليدي ترى الناس ماتعطي خير يالله يمه عادل واقف ينتظركم بالسياره اللي بتاخذنا لمكان العرس اذا خلصتو البسوا عبيكم سلمى : الاحكايه العبايه اللي ما ادري من فين طلعت .. كيف البسها وانا كذا الجدة : زي الناس سلمى: والطرحه؟؟؟؟ مها : لا ياسلمي فجر جابت لك عبايه خاصه بالثوب انا ماقلت لك عليها هذي هي البسيها سلمى : ايوه هذي ارحم (( اسمعوا الباب )) مها : مين ؟؟ عادل : انا مها : ادخل عدول