رجيتك لاتتركني مثلهم - الفصل 23 - بقلم hms - مكتملة | روايتك

البارت الثالث والعشرون قراءه ممتعه للجميع بعد مرور اسبوع −−−−−−−−☤ كانوا متجمعين بالصاله ، راكان وابوه وبالجهه الثانيه بمكان قريب من الصاله بحيث يقدرون يسمعون دخل المحامي وسلم عليهم المحامي ؛ معليش بس الاستاذ سعود الله يرحمه طلب مني اتاكد من حضور الكل راكان ؛ تفضل المحامي ؛ راكان ...' راكان ؛ موجود المحامي ؛ سامي ....' ابو سعود وهو جالس وبهيبته ؛ تقدر تفضل المحامي ؛ نوره .....'و مروى .....' الام ومروى؛ موجودين المحامي ؛ اهم شيء والرساله اللي بيدي او الوصيه تتعلق باسيل موجوده ؟ ابو سعود ؛ استمر هي على الخط تسمعك المحامي وهو يفتح الورق بهدوء ومو مهتم للمرتبكين وبدا يقرا بصوت عالي؛بسم الله الرحمن الرحيم كيفك يبه؟ انا سجلت نص الشركه باسمك بطلبك طلب سلم لي على امي وبوس لي راسها وبوس لي راكان ومروى الحساسه يمه ابوس راسك لا تنزل دموعك انتي الغاليه احبك ومانسيتك روحي المحل الفلاني وقولي له يعطيك الامانه اللي عنده مروى اختي حبيبتي احبك وليتني املك شيء اعطيك اياه بس روحي غرفتك وافتحي الدرج حقك وشوفي هديتي لك راكان اخوي انت سندهم من بعد الله سجلت النص الثاني من الشركه باسمك يبه يمه اذا تبوني ارتاح بقبري 'زوجوا راكان لاسيل' لا تنسوني من دعاكم احبكم وربي سكر المحامي الوصيه وهو يناظر لوجهه راكان المنصدم وفجاءه تحولت الصدمه لعصبيه قام واخذ الرساله من المحامي بقوه ؛ انت من جدك؟ كيف اتزوج زوجه اخوي (وطاح في حضن ابوه) ما اقدر يا يبه ما اقدر هي زوجه اخوي تعرف وش يعني زوجته ابو راكان يقاطعه ؛ بتتزوجها راكان ؛ لا يبه تكفى لا ابو راكان وهو يمسح على ظهر ولده ؛ عشان راحه اخوك بتتزوجها اما بالنسبهه لمروى ركضت فوق وهي تفتح باب غرفتها بقوه وهي تشاهق وصارت تكب كل اللي بدروجها لين وصلت لبوكس وردي صغير فتحته لقت كرت ''مروى اذا تعبتي او طفشتي لا تترددين تكتبين لي ،،،،سعود'' ولقت تحت الكرت دفتر يتوسطه حرفين.. s m ..وكان مزخرف بطريقه رايقه وملون صارت تبكي بقوه وهي تصارخ عند اسيل −−−−−−☤ كانت تسمع الوصيه بكل دقه لين ما وصل عند زواجها مع راكان طاح الجوال منها وانكسر قدامها تحس روحها اللي انكسرت مو الجوال ولازالت منصدمه وتفكر هي وراكان بيت واحد ومتى؟ بعد ما تزوجت اخوه تحس ان روحها تطلع وفجاءه ودون سابق انذار ارتفع بكاها صارت تشاهق تخاف على نفسها من كل شيء ما طمعت انها ارتاحت الا ورجع لها نفس التعب حست بضيق و طاحت من الضيقه صارت تزحف للجوال و لقته مكسور حاولت تطلع صوت او حتى تصرخ بس صوتها خانها عند هنادي وفهد −−−−−−☤ فهد وهو يضحك عليها ؛ تصدقين انك بزر هنادي وهي ترفع راسها له وتداعب خشمها بخشمه ؛ اذا منك ذا الكلمه ما مني مانع ؟! فهد بيغيضها؛ تصدقين كانك اختي هنادي تمثل الزعل ؛ اختك؟ فهد وهي يضمها وينشر قبلاته حولها ؛ وقبلها حبيبتي وحياتي وكل ما فيني عند هدى −−−−−−☤ كانت واقفه عند الباب تنتظر اخوها يجي يوديها للسوق شافت عبدالعزيز يطلع من بيتهم رجعت على ورا ما تبيه ينتبه لها صارت تستحي من اللي سوته عبدالعزيز ؛ وش تسوين هنا ؟ هدى بغباء مصطنع وهي تلف راسها ؛ تكلمني ؟ عبدالعزيز وهو يصر على اسنانه ؛ ايه هدى ؛ انتظر عبدالرحمن عبدالعزيز ؛ اللي ينتظر داخل مو برا هدى ؛ يخصك ؟ يهمك عبدالعزيز ؛ ان قلت لا فانا كذاب لانك بعد كم يوم ان شاء الله بتصيرين خطيبتي هدى وهي تدخل بيتهم ؛ ومن قال بوافق ؟ عبدالعزيز بصراخ عشان تسمعه ؛ انا عذرا على صغر البارت بس وراي اختبارات هالاسبوعين توقعاتكم ؟؟؟!