اشواك الماضي - الفصل والاخير 25 - بقلم عشق القاسم - مكتملة | روايتك

الفصل الخامس و العشرون الاخير تميم بخوف:- الو الو رؤى رؤى ردي طلع بعربيته بسرعة رهيبة و و صل عندها في رقم قياسي ، جيه لاقهم واقفين بالعربية بعد ما العربية اللي كانت بتطرداهم مشيت ، جري بسرعة عندهم راح لاقى رؤى قاعدة في العربية و هي حاضنة ياسين بخوف اول اما شافت تميم خرجت من العربية و جريت عليه و حضنته... بخوف شديد تميم :- ميتخافيش يحبيبتى انا معاكي فضلت تتنفض بخوف جوا حضنه.... و خدها في عربيته و راحوا البيت في اوضة تميم تميم :- خلاص بقى اهدي احنا ماشين من هناك اهو و احنا كويسين اهو يحبيبتى اهدي بقى رؤى بخوف :- كنت خايفة اوي يتميم مين دول بجد و عايزين مننا ايه تميم :- مش عارف _في المستشفى _ الدكتور:- انتي ايه اللي اخرك اوي كدا والدتك لازم تدخل العمليات دلوقتي حنين:- انا مقدرتش اجمع الفلوس ممكن تدخلها بس دلوقتي و بعدين هدفعهم و الله الدكتور:- مينفعش دي قوانين المستشفى دياب راح عنده:- فين الحسبات انا هنزل دلوقتي ادفعهم و انت داخلها دلوقتي بسرعة راح الدكتور يجهز غرفة العمليات ، حنين بصيت لدياب و كانت لسه هتتكلم بس سابها و نزل فاطمة بدأت تفوق تدريجياً بتعب و هي حاسة انها دايخة ادم قام بسرعة و قعد جانبها على السرير و مسك ايديها:- انتي كويسة هنادي الدكتورة فاطمة:- انا كويسة خليك جانبي ادم و هو بيقبل... ايديها:- انا اسف اسف يا فاطمة مكنتش اعرف ان هيحصلك كدا حقك عليا ابتسمت بحب :- و لا يهمك انا كويسة دلوقتي ادم :- بحبك و نسيت كل حاجه خلاص كدا احساسي بأني شايفك قدامي و انتي مغمى عليكي خلاني مش عايز غيرك هنفتح مع بعض صفحة جديدة خالص فاطمة بفرحة:- بجد يا ادم ادم و هو بيحضنها:- بجد يعيون ادم تميم فضل قاعد جنب رؤى و حاضن... ايديها بخوف :- كويسة دلوقتي لا حول ولا قوة الا بالله العلي العظيم 🤎 هزيت راسها و حطيت راسها على صدره..... تميم :- لسه زعلانة رؤى :- انت لسه بتحبها ؟ تميم :- لا و الله لا انا مفيش في قلبي غيرك انتي و بس ابتسمت بحب :- و انا كمان بحبك اوي مسك فيها اكتر و هو بيفكر في اللي حصل معاها و يا ترى مين دول ، قاطع تفكيره رنة فونه من المستشفى تميم :- تمام انا جاي حالا رؤى :- رايح فين تميم :- مشوار مهم مش هتأخر عليكي قال كلامه و قبل.... راسها بحب و خرج من الاوضة وصل المستشفى في رقم قياسي و دخل الاوضة توحيدة بتعب مفرط:- تعال يتميم دخل الاوضة و بصلها بغضب توحيدة:- انا عارفة انك دلوقتي بتكرهني... بس انا خلاص هموت.... و عايزة اعمل حاجه حلوة قبل ما اموت.... بص يا تميم انت كنت شغالة مع تجار مخدرات.... كبار اوي كانوا بيجيبوا بضاعة من برا و بنبيعها هنا في مصر انا معايا فيديوهات و تسجيلات ليهم انا هديهملك انا عرفت من رجالتي انهم ضربوا... نار... على رؤى انهاردة دي كانت مجرد قرصة ودن عشان مدورش وراهم انا اسفة يا تميم اسفة سامحني و قولهم كلهم يسامحوني و خصوصاً فاطمة بنتي متخليهاش تكرهني.... كل الادلة دي موجوده في شقة في ******** قالت كلامها و ماتت... ، بصلها تميم بوجع شديد و خرج و بالفعل جابهم و تم القبض عليهم حنين :- دكتور ماما اخبارها ايه :- الحمد لله عديت مرحلة الخطر.... انتي لحقتيها في الوقت المناسب بالعملية حنين راحت عند دياب اللي كان قاعد حنين:- شكرا ليك دياب و هو بيقوم:- العفو عن اذنك بصيت لطيفه بأستغراب حتى هو استغرب نفسه _ بعد مرور ست شهور_ كانت فاطمه حامل في الشهر الرابع و علاقتها بادم بتتطور اكتر و تميم و رؤى اللي عايشين بسعادة مع ابنهم و دياب اللي صورة حنين مش راضية تروح من باله و حاسس انه بدأ يحبها و كمان بدأ يتغير للاحسن و ينزل الشغل مع ابوه و عمه و علاقة تميم بسهير بدأت تتحسن و اتعلق بيها اكتر حنين كانت قاعدة في بيتها مع امها و اختها الصغيرة بيهزروا قاطعهم جرس الباب قامت حنين تفتح اتفاجأت بدياب اللي واقف دياب:- تتجوزيني حنين بصدمة:- ايه دياب:- تتجوزيني صعبة اوي لدرجة دي عزة :- مين يحنين دياب:- انا اعرفك بنفسي دياب السيوفي كنت جاي اتقدم للانسة حنين عزة :- تعال يبني اتفضل دخل دياب و حنين لسه في صدمتها من اللي قاله ،. ابتسم على شكلها دياب :- ممكن انا و هي نعقد لوحدنا شوية سابتهم عزة و رنا اخت حنين دياب:- انا عارف انك مستغربة بس اعمل ايه وقعتيني و حبيتك حنين بتوتر :- انت فاكر انا اتعرفت عليك فين و اصلا انت كنت عايز تعمل فيا ايه استغفر الله العظيم الذي لا اله الا هو الحي القيوم و اتوب اليه 🤎 دياب :- عارف بس دا كان دياب قبل ما يعرفك انا و الله لسه مستغربة نفسي كنت ديما اسمع عن الحب و انه بيغير بس مكنتش اعرف ان دا حقيقة فعلا خدي وقتك في التفكير بس اتمنى انك توافقي و صدقيني عمري ما هندمك شافت في عينيه الصدق اتكلمت بخجل :- هعمل استخارة و ارد عليك دياب :- مستانيكي بعد كام يوم كانت رنا رديت بالموافقة و عملوا الخطوبة و حددوا معياد الفرح _ يوم الفرح_ رؤى كانت واقفة قدام المرايا و بتبص لنفسها بأعجاب ، جيه تميم من وراها و حضنها.... من ضهرها بحب تميم :- ايه القمر دا كله رؤى بخجل :- امممممم تميم :- تصدقي اني مش مصدق ان دياب هيتجوز لحد دلوقتي رؤى :- شوف برغم اني كنت بكره كره العمى الا اني الصراحة احترمته في الفترة الاخيرة دي ربنا يسعده يلا بقى عشان منتأخرش على الفرح ادم :- بقولك ايه فاطمة:- نعم ادم :- ما تيجي نكنسل على الفرح انتي وحشاني اوي الصراحة فاطمة بخجل :- دا ابن عمي يا ادم مينفعش ادم بحب و هو بيحضنها:- تعرفي ان كل يوم بحبك اكتر من اللي قبله كمل و هو بيحط ايده على بطنها:- ربنا يديمكوا ليا _ في الفرح _ دياب:- هو فيه قمر كدا طيب حنين بخجل :- دا عشان عيونك اللي شايفني بس دياب ببأبتسامة عاشق :- و الله أنا محظوظ ان في حياتي هيبقى فيه بنوتة قمر و بريئة و رقيقة زيك كدا ابتسمت بخجل و هي بتوطي وشها في الأرض دياب :- بلاش الطماطم دي بقى عشان انا اصلا ماسك نفسي بالعافية حنين بخجل :- بس يا دياب كامل كان ماسك ايد سهير اللي شايلة ياسين كامل ؛- اوماال تميم فين سهير :- طالعالك خد رؤى و مشي و قالي اخاد بالي من ياسين اللهم صل وسلم وبارك على سيدنا محمد وعلى اله وصحبه اجمعين 🤎 كامل :- شبه تميم اوي صح سهير :- اوي فعلا في عربية تميم رؤى :- هو احنا رايحين فين تميم :- مفاجأة يلا وصلنا انزلي نزلوا قدام مطعم من افخم مطاعم قنا و كان تميم. حجزه كله رؤى ببأبتسامة:- دا عشاني تميم :- عشان اشوف الابتسامه دي انا مستعد اعمل اي حاجه نزل على ركبته قدامها و اتكلم بحب:- تسمحيلي بالرقصة... دي بصتله بحب و مسكت ايديه و بدأوا يرقصوا.. تميم بحب و هو حاضن رؤى:- اسف اسف على كل حاجه عشتيها بسبب الماضي بتاعي تعرفي احسن حاجه في كل اللي حصل دا هو اني اتعرفت عليكي عيشنا حزن كبير و اتخطناه..... مع بعض حطيت راسها على صدره... بحب :- مش عايزة افكر في اي حاجه من الماضي هننساه بكل اشواكه.... و هنبدأ من جديد حياة مليانة حب و سعاده و بس تميم :- بعشقك يا رؤى تمت 🫶♥️♥️♥️ #اشواك_الماضي