الفصل الثاني
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم انتقام وعشق`*
*❴🔢❵الـــبـــــــــــ❴2️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
قصص وروايات 📚📖:
لجزء الثاني….
بعد أسبوع تاني لشغل زمرد بالشركة كانت عم تشوف صرامة كبيرة من سيف كان جامد بتعاملو مع الموظفين وهالشي خلاها تكرهو زيادة لهيك قررت تنهي لعبتابخطة رح تخلي سيف ينزل من عيون الكل ويحتقروبشكل كبير وخاصة ابوه يلي شايف حالو فيه ورح تكسب بالمقابل مبلغ كبير وبهيك بتكون نتقمت لحالا وكملت مسيرتاالي ماشيه عليهامن لماكان عمرا 18سنة والي هي آنا دمر كل رجال بتقابلو .. كانت وائفة بالبوفية وعم تخطط لتنفذ خطتا بعد ماعرفت انو اليوم نور الدين جاي جولة عالشركة ورح يئضي فيهاوئت…. وصلت الاهوة لموظف وسمعت نور الدين عم يحكي مع سيف عالتلفون…
نورالدين:أي سيف اناهون يلا ربع ساعه وبكون عندك… سمعتو وتجهت فورآ للبوفيه حست ببعض الخوف لأنو سيف مو سهل أبدن لكن قوت قلبا جهزت فنجان قهوة لسيف متل مابحبا سادة وتجهت لمكتبو شافتا هيفا…
هيفا:هاتي الأهوة انابدخلا لسيف بيك..
زمرد:ريحي حالك سيف بيك طلبامني وانارح دخلا.. هيفاخافت يصير متل هديك المرة فتركتابقهر دئت زمرد عالباب ودخلت…
كان أعد ورا مكتبو وعم يدقق بوراق قدامو لابس قميص أبيض نص كم وضب عجسمو باينة عضلاتو منو بشكل ملفت كتير.
مشيت بهدوء لعندو رفع راسو وشافا..
سيف:انتي شو عم تساوي..
زمرد:سيف بيك جبتلك فنجان أهوة..
سيف بحدة:مين طلب منك ضراب السخن ..
زمرد:سكرتيرتك استاذ.
سيف بعصبية:أنابفرجيكن انتي وياها.. كان رح يرفع السماعه ويتصل ع هيفا لكن مشت زمرد بسرعة وئفت أدامو وراطاولة المكتب وبأيدا صينية الأهوة…
زمرد:خلص الفنجان وصل مو محرزة تبهدلا تفضل شربو… سيف عصب زيادة من تصرفا وقربامنو. صرخ.
سيف:نئلعي لبرا تحركي… كان فاتل كرسيه وهي قبالو عملت حالا بدا تطلع بس لوت رجلا وتفركشت لقدام ونكب فنجان القهوة عصدر سيف وهو سخن وقف التاني بجنون وهي عم يصرخ..
سيف:ياحيوانة نتبهي شو عملتي والله لأدفنك ..تصنعت الخوف .
زمرد:اسفة اسفه يابيك مو أصدي… كان عم يصرخ وهو عم يفتح زرار قميصو الي توسخ بالقهوة ..
سيف بجنون:طلعي من وشي تحركي ياحمارة شو مابتفهمي..مرة تانية اجت لتبرم ولوت رجلامرة تانية وتفركشت وهالمرة تمسكت بصدر سيف العاري بقوة لدرجة خرمشت صدرو بأضافرا… مسكاسيف من أيديهابقوة ورماها لورا ووقعت عالارض.. وكان جايب آخرو من العصبية..
سيف:خمس دئايئ معك لتنئلعي برا الشركة وأقسم بذات الله اذا بشوف فيهالأدفنك محلك يا حيوانة.. حكاكلماتو وتجه عالحمام الخاص بغرفتو وئف ادام المراية وهو عم يشوف محل أضافيرا عم ينزل منو الدم تلون وشو للحمار من العصبية ..كانت لسازمرد بالارض وعم تبتسم بنصر كبير وئفت عطرف وشئت حرف كنزتا ونزلت دموعا من عيونا… بعد ماغسل وطلع وهو عم يسباويلعنا بسبب قميصو الي توسخ غسلو مكان القهوة وحطو لينشف ويلبسو طلع بصدرو العاري ونصدم لماشافالساواقفة ..
سيف بصراخ:لسامانهفيتي طلعي لبرا تحركي.. بهالوئت دخل نورالدين بس لماسمع صراخ سيف وئف بالممر وهو عم يتسمع.. حست عليه زمرد لان بالا كلو مع الباب بس سيف بسبب عصبيتو مانتبه..
زمرد:سيف بيك مشان الله رحمني لاتعمل فيني هيك الناس شو رح تحكي عني رح صير علكة بتمن.. .. عصب من كلاما الي مافهمو ووقفتاقدامو مشي لناحابجنون ومسكابأيدا وحكامن بين سنانو…
سيف:أنتي اليوم ناوية تخليني أدفنك يازبالة طلعي من وشي تحركي.. بلشت تبكي وتشهق بصوت عالي.
زمرد:بعد ماأخدت مني الي بدك ياه هيك رح ترميني مشان الله لاتعمل هيك والله مالي حدا بوس ايدك ياسيف بيك مستعدة صرلك خدامة… كان مو فهمان كلاماوجانن مناكيف واقفه وعم تعاندو وماحدا قبلا عمل هيك ضرباكف قوي وهو جانن..
سيف:بلعي لسانك ونئلعي،ووشك مابدي شوفو طول ماني عايش طلعي ياحيوانة طلعي….وئعت عركبا وهي عم تمثل البكي وعم تستنانور الدين ليدخل.. نور الدين واقف وهو مصدوم صدمة حياتو بعد ماشاف منظر أبنو وكلامن كان واضح بحياتو ماتوقع سيف يغلط غلطة صغيرة أماهي الغلطة جمدت الدم بجسمو صحي عصوت سيف العالي وهو عم يصرخ بزمرد.
سيف:طللللللعي بررررررراااا… وئفت زمردلتمشي بس دخل نور الدين بعد ماسكر الباب وئفلو بالمفتاح. نصدم سيف لماشاف أبوه فجئة نور الدين قرب من سيف ورفع أيدو وضربو كف صوتو صدح بالغرفه كلا.. نصدم سيف بشكل كبير حط أيدو مكان الكف وهو مو مستوعب شو عمل أبوه الي اول مرة بحياتو بمدأيدو عليه.
سيف بصدمة:باباليش
كانت زمرد وائفة وبئلباعم ترقص من الفرح بس متصنعه البكي والحزن..
نورالدين بألم:بحياتي ماتوقعتك تكون باهالحقارة كنت دايمن شوف حالي فيك أنك أبني وارفع راسي بين الناس بس بعملتك هي نزلت من عيني كتير وخنت الثقة الي عطيتك ياها….صدمة سيف كانت عم تكبر وهو عم يسمع كلام ابوه فاتح عيونو ع أخرن ..
سيف:شو عم تحكي باباشوهالكلام شو عملتلك انا… غمض نور الدين عيونو بألم وقهر ولتفت ع زمرد الي واقفه عم تبكي ستغلت الموقف ورتمت عالأرض مرة تانية وهي عم تبكي وتترجا نور الدين ..
زمردببكي:بوس رجلك يابيك ساعدني مالي حدا غير الله وامي ابنك ضيع مستئبلي ضيعلي حياتي كلا… .كان سيف مو مستوع
ب كلاما وعقلو رح يتفجر من العصبية مشي لناحابجنون ومسكامن زندا بقوة .
سيف:أنتي شكلك مابتفهمي أومي نئلعي لبرا…
زمردببكي:ضيعتلي شرفي وهلئ عم تئلعني حرام عليك والله حرام… .فتح عيونو عوسعن من الصدمة .
سيف بجنون:لك أنتي شو عم تحكي ياحقيرة انو شرف الله ياخدك..
نورالدين بحدة:سيييف لاتغلط وترمي غلطك عغيرك تحمل نتيجة اعمالك يامحترم… وئف أدام ابوه وهو مو مستوعب الكلام..
سيف:باباهي وحدة كذابة حقير أوعا تكون سدئتا… طلع فيه ابوه بقهر وحط،ايدو عصدرو مكان خرمشة اضافر زمرد وصار يضربو عليه…
نورالدين:احكي لواحد اعمى مايشوف شوهاد عصدرك يابيك وشو هالمنظر الي حضرتك أعد فيه بمكتبك وهاد شو… مشي لعند زمرد وئفاوأشر ع كنزتاالمشئوئا:هاد شو فهمني.صرخ:لكككك شووووهاااااد احكككككييي… كان كلامو عم ينزل عراس سيف متل الخناجر الي عم تقطعو…
سيف:بابااقسم بالله كذابة مو اناالي بعمل هيك هي كذابة…
نورالدين:خررررراس لساعم تكذب ياحيوان.
سيف:بابامستحيل سدئ.. سكت لماشاف،أبوه غمض عيونوو حط أيدو عقلبو بقهر وأعد عالكنبة.. ركد وأعد أدامو..
سيف:باباانت منيح…
نورالدين:بعد عني لاتلمسني . ..كانت لسازمرد عم تتصنع البكي وهي طايرة بقلبامن الفرح انو خطتامشيت متل ماتوقعت واحسن.
نورالدين:تعي أعدي ..مشيت لأعدت جنبو عالكنبة….
نورالدين:سيف أنت رح تتزوجا…. وكأن حدا كب ع سيف سطل مي عم تغلي من الصدمة وحتى زمرد نصدمت توقعت رح يعطيهامبلغ كبير من المصاري لحتى مايفضح أبنو لكن ماتوقعت ابدن انو يطلب منو يتجوزا..
سيف بصدمة:باباأنت شو عم تحكي هاد الشي مستحيل…
نورالدين:أدامك خيارين يابتتجوزا وبتصلح غلطك يابتنساأنو اناأبوك وبتطلع من حياتنا.. حمرو عيون سيف صارو بلون الدم من العصبية لناح زمرد ومسكامن زندا بقوة وهو عم يصرخ ..
سيف بجنون:ياكلبة احكي الحئيئة انامالمستك احكي ياحيوانة احكي والله لأشرب من دمك.. كانت عم تنزل دموعا.
زمرد:شو احكي انت غتصبتني ودمرت حياتي شوبدك اكتر من هيك…
سيف بصراخ:كذاااااابة ياحقيرة يازبالة يافلتانة….
نورالدين بحدة:بكككككفي حاجتك مسخرة خليك رجال وتحمل غلطك يابيك يامحترم.. ..
سيف:باباانامستحيل اتجوزاهي وحدة كذابة حقيرة…
نزل نورالدين راسو ونزلو دموعو من عيونو من القهر..
نورالدين:طلاع براحياتناسيف طلاع انت مو ابني… .جن سيف لماشاف دموع ابوه لأول مرة أعد أدامو عالارض…
سيف:باباليش عم تبكي بوس أيدك دبحني موتني أطعني شوبدك عميل بس لاشوف دموعك…
نورالدين:انابحياتي ماوئفت مع ظالم ومستحيل وئف معك لو كنت أبني لهيك لازم تتجوز البنت لتستر عملتك….
سيف بقهر:بابابحلفلك اني مالمس… قطعو ابوه بقوة…
نورالدين:سيييف ختار شو…. ماعاد فيو يناقش أبوه أكتر من هيك هومستعديموت ولايزعل أبوه أبدن.. نزل راسو لتحت بقهر وجسموعم يغلي رفعو مرة تانية وطلع بزمرد بعيون متل الجمر وحكابهدوء…
سيف:متل مابدك رح أتجوزا… ..دق طبول بقلب زمرد من الخوف هاد أخر شي مفكرة فيه انو تتجوز وبهي الطريقة وأنسان قوي متل سيف… رفع نور الدين راسو وطلع بزمرد..
نورالدين:بنتي أومي روحي لبيتك هلئ وعطيناالعنوان وبكرا المسابتخبري أمك رح نجي نطلبك رسمي..
زمردبلبكة:ح حااضررعمو.. كتبتلو العنوان وطلعت من المكتب وهي عم تفكر بعملتا نهرت حالا بقوة
زمرد:بكفي خوف اناوعدت حالي بدي اكسرو وهلئ اجاالوئت يازمرد لازم تكسري وتاخدي الي بدك ياه منو وبعدا بطلئ وخلي يبلط البحر ههههههه والله وشفت الذل بعيونك ياسيف الكلب.
بالمكتب وئف نور الدين بعد ماطلعت زمرد .
نورالدين:أوم لبيس تيابك تحرك خلينانروح عالبيت ونخبر أمك مشان خطبتك…. وئف سيف ومشي خطوتين ووئف حكابقهرالدنياكلا.
سيف:بابالو بتطالع روحي بأيدك مستحيل أتنفس ورح أعمل الي بدك ياه بدون ماأحكي حرف بس تأكد أنك ظلمتني ظلمتني كتير يابابا… حكاكلماتو ومشي للحمام ليلبس قميصو وجسمو عم ينتفض نفض من القهر… نورالدين غمض عيونو بألم عحال أبنو الي كان مضرب مثل بالاحترام والقوة… طلع سيف شال غراضو ومشي ورا أبوه الي مشي قدامو ..لتقو بسليم وهنن طالعين…سليم شاف وجوهن مو طبيعية مشي لناحن…
سليم:خير عمو شبكن لوين رايحين…
نورالدين;سليم دير بالك عالشغل هاليومين لانو سيف مارح يكون فاضي…
سليم بستغراب:أمرك عمي بس شوفي ..طلع بسيف الي وجهو أشكال والوان من العصبية :سيف شوفي.
نورالدين بحزم:سيف بكرا خطبتو وبعدا فورآ العرس لهيك مارح يفضى كتير للشغل…. نصدم سليم صدمة كبيرة سيف الي كان رافض فكرة الزواج نهائي هلئ بهالسرعه بدو يتجوز..
سليم:الف مبروك بس كيف هيك سيف مابتخبرنا…
نورالدين بقهر:هاد الي صار يلاأمشي سيف… مشي نور الدين ومشي سيف وراه مسكو سليم بأيدو وهو حاسس الموضوع مو طبيعي..
سليم:شو القصة سيف زواجك هاد مو عاجبني… طلع بعيون رفيقو بقهر.
سيف:بعدين بفهمك سليم تركني هلئ مالي نفس عالهوا…….فلت أيدو من أيد سليم ومشي ورا أبوه ركبو سيارة سيف ومشي وهنن ساكتين… .سليم نشغل بالو ع سيف وعالخطبة الغريبة الي حتصير لكن رح يستنا ليحكيلو سيف عن الموضوع…… نزل
و من السيارة ومشي نور الدين وفات وسيف وراه كانو أعدين سيرين وأما سلمو عليهن وأعدو……
جمانة:خير شبكن وجوهكن مو طبيعية…
نورالدين:جمانة جهزي حالك بكرا المسارايحين نخطب لسيف… فتحو عيونن عوسعن…..
جمانة:شو هالحكي بكرا خطبة أبني وانااخر من يعلم…
نورالدين:جمانة بكرا المسارايحين وهاد اخر كلام وبس….
جمانة لسيف:شو أستاذ ماكلفت خاطرك تخبر أمك انك حابب وبدك تخطب هيك رح تحطوني تحت الامر الواقع…كان سيف راسو بالارض وماعم يحكي…
نورالدين بحدة:خلصناجمانة هي دريتي مانهدت السما…
جمانة:ومين هي سعيدة الحظ الي رح يخطبا أبني بعرفا انا…
نورالدين:بنت بتشتغل بالشركة…
جمانة:شوووهاد بتشتغل بالشركة والله عال لا تئلي أناموظفة عادية… .نفخ نورالدين بقهر لانو بيعرف مرتو بتحب المظاهروالبرستيج..
نورالدين:بتشتغل بالبوفيه… شهقت جمانة وسيرين مصدومة..
جمانة:أنااخطب لأبني الي نص بنات البلد ومن أرقى العائلات ميتين عليه بالاخر اخطبلو وحدة بتشتغل ببوفيه لا والف لأ مستحيل… ..وئف نورالدين وصرخ..
نورالدين:جمانة بكفي هي البنت بني أدمة متلامتلنا وبكرا رايحين نخطبا ولي بعاندني مالو مكان هون وهاد أخر قرار.. حكاكلماتو وتركن وطلع لغرفتو وهو معصب… ..لتفتت جمانة لسيف وهي مصدومة من زوجا.
جمانة:شو صاير لأبوك ومين هالبنت سيف لو بموت مابروح بخطبلك هيك بنت فهمان ولاتئلي حبيتا…. طلع بأمو بقهر وتركن التاني وطلع لغرفتو ترك أمو مصدومة ومقهورة… خبط الباب وراه بعصبية ورتماعالتخت بتيابو ..شد عقبضة أيدو لبانو عروق أيديه وحكامن بين سنانو .
سيف:زمرد ياحيوانة اقسم بربي لندمك على لعبتك ياحقيرة ان ماخليتك تندمي عالساعه الي شفتي فيهاوشي مابكون سيف الدين المالكي….
… عندزمرد فاتت عالبيت وهي حاسة بالنصر تحممت وسرحت شعرا الدهبي وهي عم تخطط لبكراخلصت و طلعت كانت اماأعدة ..
زمرد:ماما…
هالة:شبك..
زمرد:بكرا جاييني عريس جهزي حالك… رفعت أماحاجبابمسخرة.
هالة:هي خطة جديدة صارو يجو العرسان عالبيت يطلبوكي…
زمرد:أي خطة جديدة ولعلمك العريس غني وأبن عيلة معروفه.
هالة:ولاتئليلي حبك بهداك المنظر مابسدئ.
زمردبملل:أمي خلص انتي عليكي تسئبلين وبس… .
هالةبمسخرة:ورح تفرجين عحئيئتك ولا لأ…
زمرد:لا لساماأجاالوئت المناسب بعدين…… مرت هاليلة الصعبة عئلوب الكل وخاصة سيف الي مانام اليل وهو عم يفكر بزمرد وشو الهدف من ورا الي عملتو حاسس بمخو رح يتفجر من التفكير والعصبية…. أجاالصبح وماحدا راح لشغلو لاسيف ولازمرد…… صار الوقت المغرب وبلشت زمرد تغير شكلا وتحطالكريم الي خلابشرتاتصير سمراكان شكلا أقل من مستوى العادي وموحلوة ابدن بسبب التغيررات الي عملتابوجها…. جهزو نورالدين وجمانة الي ماشية معو غصب عنا أخيرن نزل سيف وهو لابس بدلة سودا مع قميص اسود كان مومهتم بحالو كتير لكن رغم هيك بجنن.. طلع فيه نورالدين بقهر كان ناوي لمايخطب لسيف تكون خطبة ماصارت ولاكانت وهوابنوالبكر وسيف مو حيلاشب كان برغم صغرسنو لكن بالشغل كان أسمو بين أكبر أسماء رجال الاعمال الي بعمرابوه واكبر حتى اسمو غلب اسم ابوه وعمو وكان لقبو(الكاسر)لان مافي شغل بيدخلو بيفلت منو الابيطلع بأكبر الأرباح لكن للأسف تجري الرياح بمالاتشتهي السفن..
مشي ومشيت جمانة وراه وسيف وسيرين. وراهن طلعو بسيارة سيف وتجهو للعنوان الي عطتن ياه زمرد وصلو لأدام البناية وجمانة رح تنجلط من القهر..
جمانة:لاتألولي ست الحسن ساكنة هون..
نورالدين:جمانة حكي زيادة مابدي نتبهي.. مشي ومشيت وراه بعصبية وهي عم تحكي.
جمانة:أنااخرتي اخطب لابني من هون والله لتصير سيرتي عكل لسان بكرا… اخيرن وصلو لأدام الشئة ودئو الباب تجهت أمالزمرد وفتحت ..
نورالدين:السلام عليكم
هالة:وعليكم السلام…
نورالدين:انانورالدين المالكي وهي عيلتي ونحناجايين مشان زمرد….
هالة بحرج:اهلاوسهلاتفضل…. فاتو وأعدو بالصالون وجمانة قرفانة من هالمكان..
هالة:انابكون أمالزمرد..نصدم نورالدين وحتى سيف لان المرا الي أدامن كانت حلو كتير وبيضا قارنو شكلا بشكل زمرد كان الفرق كبير.
نورالدين:اححم تشرفنا
جمانةبقرف:ووين العروس مابدنانشوفا.
هالة:ثواني وبتجي.. مافي خمس دئايئ سمعو صوت الباب رفعو راسن الكل وشافو زمرد وهي داخلة وعوشاابتسامة كبيرة جمانة لماشافتافكرتاالخدامة لهيك ماعطت اي رد فعل…. مشت لعندن .
زمرد:مساالخير…. تمنى سيف يئوم يخنئا من قهرو لكن تمالك أعصابو وهو عم يشد عقبضة أيدو….
نورالدين:مساالنور… أعدت جنب أما
جمانةبملل:ليكون مارح تجي العروس ونحنامو ئد المئام… بتسمت زمرد بستفزاز وهي عم تطلع فيها.. نورالدين تلبك…
نورالدين بحرج:جمانة هي زمرد الي جايين نخطبالسيف.. طلعت شهقة عالية من جمانة وسيرين حطت أيداعتما بصدمة. وئفت جمانة وصرخت.
جمانة:شووووأنت شو عم تحكي هي الي جايين نخطبالسيف ..نحرج نور الدين بشكل كبير من زمرد وأما .
نورالدين بهمس:جمانة أعدي وعدي هاليلة عخيرو ألا رح ندمك اقسم بالله.. لتفت لأمالزمرد:لاتواخزونا ياجماعه بس جمانة خانم تعبانة شوي.. .شد مرتوبأيدا
وأعدا جنبو عالكنبة وهي حاسة حالارح تنفجر…
نورالدين:يامدام نحناجايين نطلب أيد زمرد لسيف…. نقهرت هالة بقلبامن بنتاوتصرفاتاوهي شايفة كيف مالن طايقين هالخطبة..
هالةبحرج:الرأي الاول والأخير لزمرد هي حياتا… لتفت نورالدين لزمرد..
نورالدين:شو موافئة…
زمردببراءةمصطنعه; أكيد عمو موافئة أنت بتعرف قراري… رفع سيف عيونو وطلع فيهانظرات حارقة وهي بادلتو النظرات ببسمة مسخرة…
جمانةبقهر:ومابدك فترة للتفكير كمان… نكشانورالدين بأيدو لتسكت. وكمل…
نورالدين:معناهاعلى بركة الله نحنامستعجلين بعد اسبوع رح يكون العرس شو رأيكن….
زمرد:أنت فصل ونحنامنلبس عمو…
جمانة بهمس:جعلك تلبسي كفن الله ياخدك ..نكشامرة تانية لتسكت..
نورالدين:معناهاتمام ومشان المهر شو عندكن طلبات….تصنعت الحزن والزعل .
زمرد:عمو أنامارح اطلب شي بس أنت عتبرني بنتك وبدك تجوزاوشو ماحكيت اناموافئة…. كلاماجرح ألب نورالدين ..وجنن سيف….
نورالدين:المئدم رح يكون خمسة مليون والمأخر كمان خمسةمليون مع شئة بأسمك شو موافئة… لمعو عيونابفرح تحت صدمة الكل…
زمردبهدوء:الله يطول بعمرك عمو أنت فضلت
نورالدين:أستغفرالله الفضل فضل الله معناهامن بكرا رح أبعتلك المصاري وبلشي تجهزي امورك لاخر الاسبوع….. أخيرن خلصت هالسهرة المشحونة بالكره والحقد والعصبية… مشي سيف مع أهلو لوصللو للبيت فاتو من الباب لتفتت جمانة بعصبية .
جمانة:بكفي اناتحملت هالمسخرة الي صارت هنيك لكن لاتفكرو اني وافئت لو بموت هالبنت مابتفوت هالبيت وبتشيل اسم سيف الدين مستحيل.
سيف تركن وطلع لغرفتو وهو عم يتوعد لزمرد….
نورالدين:أن وافئتي ولاكيفك العرس بعد اسبوع وخلصنا…
جمانة:لك أنت جنيت لك ماشفت شكلا كيف لك ابني أحلابنات البلد بتترمي تحت رجليه وبالأخر ياخد هي الزبالة لك ياالله رح جن لمايشوفوها الناس شورح يحكو والله لننفضح والله..
نورالدين بحدة:الناس مالاشغل معنا جمانة سمعيني وهاد أخر انزار الك هالعرس رح يتم وتحت أشرافك وأذا بتعملي اي حركة ماتعجبني بتعتبري حالك طالئ….. نصدمت جمانة من كلمتو ونزلو دموعا..
سيرين:باباشو هالكلام مشان الله لاتحكي هيك…
جمانةببكي:بدك طلئني يانورالدين مشان هالبنت هي كرامتي عندك….
نورالدين:أستغفر الله أنتي الي جبرتيني هالموضوع خلصنامنو والعرس بعد اسبوع وخلص….. تركن وطلع…بعد يومين نتشر خبر خطبة سيف الدين المالكي والكل صار عندو فضول يشوف البنت الي سرئت الب سيف وقررأخيرن يتجوز ..
دخل نور الدين عالبيت شاف مرتو أعدة عم تبكي… .
نورالدين:خير شوفي .
جمانةبقهر:سامية خانم عاملة حفلة خصوصي ألي لحتى تتعرف ع خطيبة أبني
نورالدين:ووين المشكله ماانتي عطول بتروحي هيك حفلات وبتعمليا كمان….
جمانةبصراخ:لك أديشك بارد انارح جن من قهري كيف بدي أخد هالبنت وألن شوفو خطيبة أبني رح صير مسخرة والله هدول النسوان كانو يرمو بناتن علي وكل وحدة أحلامن التانية لحتى اخطب شي وحدة لسيف وهلئ اخد هي السودا والله لتجيني جلطة وموت والله ريتو الله ياخدني ..
نورالدين:حرام عليكي هالكلام خافي الله كلناخلئة رب العالمين بعدين مابدك تروحي عتزري وخلص موضروري هالعرس كلو… .
جمانة:شو بدي احكي ألن خجلانة فرجيكن كنتي والله لصير علكة بتم الكل،نورالدبن عصب.
نورالدين:جمانة رح ابعت سيف يجيب زمرد وبتجهزياوبتاخديا والي عجبوعجبووالي ماعجبو للهفا وهاد اخر كلام… بعلت غصتابقهر ونحطت تحت الامر الواقع…. طلع نورالدين لعندسيف وفات كان سيف أعد بغرفتو وعم يدخن..
نورالدين:سيف ..وئف سيف:نعم بابا…
نورالدين بجدية:بتروح لعندزمرد وبتاخدا عالسوء خليهاتشتري فسطان المساأمك معزومة على حفلة نسوان ليتعرفو عخطيبتك…
سيف:مالا داعي بلا ماتحضر….
نورالدين بعصبية:كلامي مارح عيدو بتروح بتجيباوبتشتريلا يلي بدا ياه….
سيف بقهر وهو عم يشد ع أيدو
سيف:حاضر ..طلع ابوه وتركو لبس بنطلون أسود مع قميص أسود وساعه جلد سودا بأيدو شال غراضو وطلع ..وصل لبيتاوفتحتلو أما..
هالة:اهلاوسهلاتفضل ابني….
سيف بهدوء:شكرن خلي زمرد تنزل بدا تروح مع امي عحفلة نسوان ليتعرفو عليها.
هالة: تكرم رح خبرا بس فوت رح ضل وائف عالباب..
سيف:رح استناهابالسيارة .ترك ونزل وهو رح يتفجر…. دخلت لعندا كانت عم تلعب بالتلفون..
هالة:أومي جهزي حالك بسرعه خطيبك عم يستناكي بالسيارةبدو ياخدك… فتحت عيوناع وسعن
زمردبصدمة:سيف وين بدو ياخدني…
هالة:عاملينلك حفلة ليتعرفو عليكي موحضرتك خطيبة سيف الدين يلا تحركي عم يستناكي.. وئف بسرعه وطالعت الكريم وبلشت تدهن حالا وتخفي ملامحا وتتنكر كالعادة….
هالةبمسخرة:لأمتا رح تخبي شكلك… .
زمردوهي عم تلبس: ليجي الوئت… لبست جزمتاونزلت وهي عم تقوي حالاللمواجه الاولى مع سيف. نزلت لتحت لمحت سيارتو أخدت نفس طويل ومشيت لعندو… كان صافن ماحس الالماسمع تسكيرة الباب لتفت شافاأعدة كل خلية بجسمو نقزت من العصبية وتلونو عيونو بلون الدم…
زمردببرود:كيفك…مسك زندا بقوة وهو عم يفح متل الافعى…
سيف:رح ندمك يازبالة رح خليكي تكرهي الساعه ألي خلئتي فيهاعالدنيا… فل
تت أيدا منو بقوة وهي عم تبتسم بستفزاز….
زمرد:بكير كتير على هالكلام حبيبي…
مسكابقوة أكتر من الاول ووجهو عم ينقط سم.
سيف:مين دافشك علي لتعملي هالعبة احكي احسلك…حطت أيداعأيدو وبعدتاعناوحكت بحقد ولئم الدنياكلا.
زمرد:أناماحدا بيدفشني هاد كلو تخطيطي لحالي ولاتئلي مو ناجحة والله العظيم شوي تانية كنت أنارح سدئ أنك غتصبتني هههههه. ستفزتو بكلاماوضحكتاصرخ بصوت عالي .
سيف:لييييش احكككككي ياكلبه أحكيييييي…زمرد بقوة كبيرة وعيونابعيونو .
زمردبكره:بدي أنتقم من كل رجال الارض بدي أدعسن واحد واحد كلكن كلاب غدارين وحقيرين بتحبو تستغلو البنات الضعيفات وبعدا بترموهن بس أنارح رد حئ كل بنت مارح خلي رجال يفلت من شري ولعلمك أنت مو أول واحد لا أبلك كتير ضحكت عليهن وخدت منن كلشي بيملكو ورميتن متل الكلاب وراي…. رفع أيدو بجنون وضرباكف خلاوشايبرم لتاني طرف….
سيف:وأنارح ربيكي بتعرفي هلئ أنامصر أكتر منك على هالزراج لربيكي يافاجرة ولعلمك انو سيف الدين مو متل كل الرجال أن مادعستك بصرمايتي وزتيتك متل الكلبة مابكون سيف….. لتفتت عليه وضحكت بمسخرة….
زمرد:الي أكبر وأئوى منك ماأدرولي أنت لسامابتعرف شري.. ..مارد عليهاشغل السيارة وساق بسرعه جنونية وهي طلعت أداماوسكتت وكل واحد عم يفكر كيف رح يكسر التاني ..بعد مدة وئف أدام محل ألبسة فخم كتير…
سيف:نئبري نزلي بسرعه وختاري أي زبالة تلبسيها بدا تاخدك امي على حفله معا تحركي… نزلت وهي عم تبتسم..
زمرد:تكرم حبي ..زورا زورة ومشي أداما فاتو عالمحل ختارت فسطان بلون أحمرالدم طويل وألو لمعه مع حبات الالماس الناعمة ألي عليه نص ضهرو كان فتح وعالصدر موديل قلب كان كتير فخم…
سيف بمسخرة:حرام عليكي رجعي هالفسطان وختاري أي كركوبة تلبسيهالان رح يتنحر هالفسطان أذا لبستو وحدة متلك….
زمردبتحدي:كلامك هاد رح رد عليه لكن مو هلئ ياسيف… عطت الفسطان للبنت الي بالمحل ضبتلا ياه أخدوه وطلعو بالسيارة..
زمرد:بدي أشتري طوء وحلئ للفسطان خدني لشي محل…
سيف بكره:لاتسدئي حالك هي الشغلات للبنات الي بيتسمو بنات مو ألك ..طلعت فيه وبتسمت بدون ماترد.. نزلو لمحل مجوهرات ختارت طئم الماس ناعم كتير وداخلو الماس بلون الفسطان .شتروهن وطلعو بالسيارة..
سيف:الظاهر على أد مو سارئة من الرجال عندك خبرة بالالماس.
زمردبستفزاز:أي عندك مانع…. طلع فيهابحقد
سيف:بسيطة كلشي بوئتو حلو ..أخيرن وصلو للفيلا ونزلو…
زمردبمسخرة:هاد عش الزوجية الي رح نسكن فيه….
سيف بحقد:هاد ئبرك يلي رح تندفني فيه.. فاتو عالبيت كانو أعدين الكل .جمانة لماشافت زمرد كان رح يغط ع ئلبا سلمت زمرد ع نور الدين وع سيرين ومدت أيدا لجمانة بس جمانة مامدت أيدا سحبت أيدا وأعدت عطرف…
سيرين:كيفك زمرد…
زمردببسمة:منيحة أنتي كيفك…بتسمتلاسيرين بحب وزمرد رتاحتلاكتير.
نورالدين:خلصتي غراضك بئي بس 3تيام للعرس…
زمردببسمة:أي عمو خلص وكلشي جاهز… صارو ياخدو ويعطو بالحديث ماعدا سيف الي عم يحرق زمرد بنظراتو وجمانة الي عم تموت من جوا وهي عم تفكر شورح يحكو النسوان لمايشوفو خطيبة أبناأكيد رح تصير مسخرة زمرد نتبهت عليها وعرفت مشكلتا وضحكت بقلبا حكت حالا(آه ياحماتي العزيزة لوتشوفي كنتك ههههههه يلا مو مطولة ستني)قطعلا تفكيرا ..
سيرين:زمرد يلا الكوافيرة عوصول خلينانجهز غراضنا لتجي…..
جمانةبقهر:سيرين خليا تكترلا شوية كريمات خليهاتبييض وتحسن شوي بشكلا مو نائصني فضايح… بتسم سيف بستفزاز وهو عم يطلع بزمرد وهي بادلتو البسمة بثقة أكبر… نورالدين نزعج من كلاما..
نورالدين: جمانة شو هالكلام….
زمرد:معلش عمو ماحكت شي غلط.. وئفت أدام جمانة وحكت بثقة…
زمرد:سدئيني مارح تخجلي فيني أبدن بالعكس رح تفتخري وأنتي عم تعرفي صاحباتك علي وتئولي هي كنتي…ضحكت جمانة بمسخرةوقهر بتسمت زمرد وشالت غراضا وطلعت مع سيرين لغرفتا….
سيرين بحرج:زمرد لاتزعلي من أمي هي هيك طبعا….
زمرد:ولا يهمك حبيبتي متازعلت سيرين فيني اتحمم عندك…
سيرين ببسمة:طبعآ الغرفة كلا عحسابك.. دخلت زمرد عالحمام وسكرت الباب وراها شالت الباروكة والعدسات وهي عم تضحك تحممت حمام دافي وبعد حوالي نص ساعه لفت المنشفه عحالا وطلعت كانت سيرين عم تحكي عالموبايل مع سليم سكرت الخط ولتفتت جمدت بمكان وعيونامفتوحة عالاخر
سيرين:بسم الله الرحمن الرحيم مين أنتي… ضحكت زمرد من ألبا ..
زمرد:أسفه ماخبرتك أبل مافوت أنازمرد..
سيرين بصدمة:أنت تحولتي لمافتي كنتي سمرا وعيونك وشعرك شو صار كنتي كتير بشع.. ماكملت كلمتا
زمردبضحكة:كملي ليش سكتي كنت بشعه صح طيب ياستي رح فهمك هداك الشكل كان مو شكلي وهي أناعالحئيئة…
سيرين:بس طلعتي ملكة جمال ليش كنتي هيك عاملة بحالك…
سيرين: بعدين بتعرفي يلا خلينانجهز.. بلشو يلبسو فسطاينن لبست سيرين فسطان اسود للركبة وأطع ولبست زمرد فسطانا الاحمر الي عم يلمع مع بياض جسما حطت الطوء عرئبتاالبيضة وكأنو مصنوع خصوصي لئلا حطت الحلئ وأسوارة بأيدا نتبهت ع سيرين صافنة فيها..
زمرد:شبكي صافنة فيني ماتلبسي…..
سيرين ببسمة:ماشال
له عليكي بتجنني بياضك مو طبيعي،ولون عيونك بحياتي ماشفت،متلو…
زمردببسمة:تسلميلي حبيبتي عيونك الحلوة.. شوي وأجت الكوافيرة ونعجبت بجمال زمرد كتير طلبت زمرد مكياج ناعم كتير لكن خلت الروج غامق ليبرز جمال شفايفا عملت موديل ناعم بشعرا وجمعتلا ياعطرف كتفااليمين،ليبان موديل الفسطان من ورا.. بعدماخلصت منا.
الكوافيرةبأعجاب:بسم الله ماشألله عنجد جمالك نادر أول مرة بشوف بنت بتجمع كل مواصفات جمالك بتسمتلا زمرد .كملت شعر سيرين بعد حوالي ساعتين خلصو ومشيت الكوافيرة.
سيرين:يلا خليناننزل بكونو ناطرينا ولله ليجنو لمايشوفوكي .
زمردبثقة:يلا امشي ..نزلو من عالدرج. كانت جمانة جاهزة وأعدة وهي بارمة بوزا وأعد سيف ونور الدين ..
نورالدين:تأخرو الصبايا…
جمانة:الله يمضي،هاليلة عخير .
نورالدين:خلصناجمانة لا ضلي تحكي حكي يجرح البنت حرام عليكي…. دارت وشاعنو بقهر ..سمعو صوتن نازلين من عالدرج لتفتو الكل شافو سيرين نازلة بتسملا ابوها بحنان .
سيرين:كيف طالعه .
نورالدين:قمرياعمري .جمانة:كيف طلعت هديك الي مابتتسمامشي حالا.. سمعوصوت كعبا لتفتو مرة تانية ونصدمو نفتحت عيونن عوسعا وهنن شايفين ملاك ابيض متل التلج ملفوف بفسطان أحمر وشعر عم يلمع متل الدهب والعيون لحالاحكاية نذهلو وماعاد طلع معن الكلام.. وئفت جمانة وعيونارح يطلعو من مكانن.
جمانة:مين انتي…
سيرين ببسمة:ماماهي كنتك زمرد ..صدمة تانية نزلت عليها وهنن مو مسدقين..بتسمت زمرد ومشت لأداما.
زمرد:نشالله هلئ تكوني مبسوطة.. عرفوهامن صوتا.
جمانةبصدمة:مستحيل كيف هيك مستحيل تكوني أنتي بس بس هاد صوتك…
نورالدين:فهموناشو الأصة… مشت زمرد لعندو وهو مبهور بجمالا.. طالعت الباروكة والعدسات والكريم وحطتن عالطاولة ..
زمرد:أكيد مصدومين أنااسفة اني ماخبرتكن بس حبيت أعرف ردة فعلكن شكلي هداك كان بس تمويه لخبي فيه شكلي هاد…
نورالدين:ليش يابنتي حدا ببدل هالجمال ببشاعه موحرام….
زمرد:عمو انت شفت شو صار فيني وبهداك الشكل بئا متخيل شو رح يصير بهاد لهيك كنت دائمآ مضطرة اني اخفي جمالي لحتى حافظ عحالي…سكت نور الدين ونقهر من ابنو .لف ايدو ع كتافا وباس جبينا….
نورالدين:الله يحفظك بصراحة طلعتي قمر ماتوقعت ابدن انك باهالجمال.. . مشت جمانة لعندا،وهي لسامصدومة وبلشت تتأملا..
جمانة:أنتي متأكدة انك زمرد هاد كلو طبيعي .. ضحكت زمرد: فيكي تتأكدي اذا بتحبي هلئ بروح بتحمم وبفرجيكي حالي عالحئيئة. ..
سيرين:ماماانالماشفتا
بعد ماتحممت نصدمت وماسدئت… لمعو عيون جمانة بفرح وضمت زمرد..
جمانة:ياحبيبتي شو هالجمال هاد الحمدلله يارب هلئ،فيني روح عالحفلة واناطايرةمن الفرح. ..ضحك نور الدين وسيرين…
نورالدين:سبحان من غير الاحوال أبل شوي كنتي مو طايئه تشوفيها….
جمانةبفرح:في حدا بشوف هالجمال وبضل فيو عئل ..لتفتت عزمرد. سامحيني بنتي… .
زمردببسمة:ولا يهمك بس اليلي هلئ رح تاخديني عالحفلة معك…
جمانةبفخر:طبعآ رح نروح ياالله بس يشوفوكي رح يجنو.. ..ضحكو سوا الكل لتفتت زمرد ع سيف الي وائف وملامحو جامدة طلعت بعيونو بثقة طلع فيهاوميل تموبمسخرة رغم انو نصدم متلن بجمالا لكن مستحيل ينسى شو عملت فيه وشو هو هدفا وزاد كرهابقلبو وهو كل يوم عم يشوف شي جديد مخبيتو…. شوي سمعو صوت الباب فتحو الخدم وفاتو بيت عمن جمال اول مادخلو وئفو كلن وهنن مصدومين بزمرد… .
جمانةبفرح:بعرفكن خطيبة ابني سيف زمرد…. نبهرو بجمالا سلم عليهاالعم والخالة بحب صافحت سليم..
سليم:تشرفت بمعرفتك زمرد…
زمرد:تسلم الي الشرف.
سليم بمزح:بتعرفي اسمك على اسم وحدة بعرفا بس سبحان الله الفرء من السماللأرض.. وضحك ..ضحكت زمرد وعرفت انو عم يحكي عنا… اخيرن وئفت أداماليان شافت زمرد بعيونانظرة غريبة تصافحو..
ليان:اناليان بنت عمو لسيوفي.. حكت اخركلمة بدلع… فهمت زمرد انابتحب سيف وهالشي واضح بعيونا.
زمردببسمة:الي الشرف ليان فيني الك انك حلوة كتير… بتسمت ليات وبادلتا زمرد الابتسامة..
جمانة:يلا خلونا نمشي
نورالدين:سيف انت بتاخد خطيبتك والبائي بيطلعو مع سليم…
سليم:حاضر عمو…. مشيو سوا للسيارات سليم مسك ايد سيرين وباسابعشق..
سليم:شو كل هالجمال.
سيرين بحب:تسلملي حبيبي .. طلعو متل ماحكو الكل مع سليم وزمرد وسيف لحالن.. ..مشي سليم وسيف وراه ..…
كانو ساكتين وماحدا عم يحكي….
زمردبثقة:ليش ساكت ماعلقت شي عشكلي متل البئية لتكون لسامصدوم…
لتفت عليها بمسخرة .
سيف:لتكوني مفكرة حالك أول بنت بشوفابحياتي لأنصدم مليون بنت أحلامنك وأجمل رتمو تحت صباطي ..نزعجت بقلبا من كلامو وحبت تقهرو… ضحكت ضحكة صغيرة .
زمرد:ألك سر موأنت كنت هدفي لمادخلت للشركة… طلع فيهابكره ..كملت بمسخرة.
زمرد:سليم خطيب اختك كان هدفي لكن شاء القدر وجابك لعندي… سحب بريك قوي ووئف بسيارتو ولتفت عليهابجنون مسكامن زندا بقوة..
سيف:بتعرفي لو دمعه نزلت من عيون اختي بسببك أقل شي ممكن أعملو أني قطعك وأرميكي للكلاب ..
زمردبغيظ:مابتعرف الايام شو مخبية بجوز أرجع فكر فيه من جديد… فلت أيدابقرف
سيف:زبالة وفا
جرة شو ماحكيت ئليل عليكي بس صبرك علي ان ماربيتك ترباية الكلاب… شغل السيارة ومشي وهنن منغاظين من بعض والشاطر الي بدو يكسر التاني…. وصلو لمكان الحفلة نزلو الكل وتجهو لسيارة سيف نزلت زمرد وسيف بئي مكانو ..
سليم:بس خلصتو تصلو فينالنجي ناخدكن…
سيرين:ماشي حبيبي. بتسملاوخطف بوسة عخدا وهي خجلت ضحكو عليهن الكل.. لفت زمرد لناح شباك سيف سندت أيديهاعالبلور ..
زمردبسخرية:بخاطرك بيبي نتبه عحالك. مشت أيداعخدو بستفزاز مسك ايدا بقوة .
سيف بحقد:نشالله روحابلا رجعة ..كانو شايفينن بس مو سامعين الكلام..
جمانة بفرح:شوفي أختي شو لابئين لبعض..
ميرفت:اي والله ربي يحميهن ..بعدت زمرد وهي عم تغيظ سيف بحركاتاوفاتو مع بعض عالحفلة ..
سليم: روح لنسهر بشي محل ليخلصو..
سيف: امشي… ..مشيو لوصلو أدام بار نزل سيف من السيارة وفات بسرعه ستغرب سليم من جيتو عالبار لكن عرف أنو مدايئ ومعصب لانو سيف مابيجي لهيك أماكن ألالمابعصب. دور عليه بعيونو شافو أعد وعم يشرب كاس أعد جنبو.
سليم:سيف شبك الي يومين عم استناتحكيلي حاسس في شي مو طبيعي…
سيف:رح جن ياسليم جي عبالي أدفناوطالع روحابأيدي هالحقيرة..
سليم بستغراب:منو هي شو الأصة سيف احكي… .
سيف بقهر:زمرد الكلبة. نصدم سليم .
سليم:لشو هالحكي البنت خطيبتك طالما مابتحباليش خطبتابعدين يعني شو الي مو عاجبك فيها ماشالله عليهاقمرمصور… طلع فيه سيف بغضب .سيف :تضرب هي وجمالا ورا هالجمال أفعى هي وحدة تافهة وواطية وحقيرة….
سليم:سيف اناماعم افهم عليك فهمني بالرواق…..حكالو سيف كلشي عملتو زمرد والسبب بزواجو منا…كان سليم مصدوم بشكل كبير .
سليم:هلئ هي نفسازمرد الي كانت تشتغل بالشركة لعما كيف كان شكلا وكيف صار…
سيف:هاد الي هامك شكلالوتعرف يااستاذ انو الهدف كان انت مو انالكن الخانم غيرت مخططاتا ..فتح عيونو عاأخرن.
سليم:انت شو عم تحكي شوبدامني .
سيف:هي حكتلي هالشي…
سليم:فعلآ اول فترة الي شتغلت فيهاكنت لاحظ حركات غريبة منا وشوفاكتير لكن بعد ماأجيت انت ماعدت شوفابنوب.. ضحك سيف بمسخرة
سيف:لان صرت اناالهدف….
سليم:وشو ناوي تعمل رح تتزوجا….
سيف بحقد:أبي مسدئا وانامستحيل اكسر كلامو لكن أقسم بالله لخليهاتندم عالساعه الي فكرت تفوت عالشركة تبعنا…. سكت وبلش يشرب وسليم سكت وهو لساتحت تأثير الصدمة
… بالحفلة….
دخلت جمانة خانم بكل أكابرية وجنبازمرد وهي طايرة من الفرح بقلبادخلو وستقبلتن سامية زوجة واحدمن رجال الاعمال صديق نورالدين…
سامية;اهلاوسهلانورتو
جمانة:نورك حبيبتي… نتقلت الانظار كلا لعندا حكت بصوت عالي وهي عم تأشر ع زمرد.. .
جمانةبفخر:بحب عرفكن بخطيبة أبني سيف الدين زمرد… نصدمو الكل وهنن عم يشوفو زمرد كانت فاتنة بكل معنى الكلمة
سامية:ماشالله يخزي العين عرف يختار سيف الله يهنيهن ببعض…
زمردبأكابرية:ميرسي طنط هاد من زوئك.. بلشو الكل يلتف حولا جمانة ويباركولا الاولزمرد وأغلب الصباياالحقد ملا قلبن من زمرد لأناخطفت سيف الي كان حلم أغلب البنات… كانت زمرد عم تتصرف ك سيدة من سيدات المجتمع الراقي وهالشي خلافرحة جمانة تكبر وتشوف حالا…. أعدو جنب بعض عالطاولة..
جمانة:شايفة ياأختي كيف رح تطلع عيونن .
أم سليم:هههههه الله عليكي ياجمانة شو بدك فيهن أختي…..
ليان بغيرة:يعني عادي خالتي مو ل هالدرجة.. بتسمت زمرد.
زمرد:ليان اللون الزهر بجنن عليكي طالعه كتير حلوة اليوم… بتسمت ليان بفرح ونسيت غيرتا.
ليان:عنجد لابئلي وطالعه حلوة…
زمرد:اي والله بجنن عليكي ماشالله انابلبسو بحسو عادي علي بس انتي غير…
ليان بفرح:تسلميلي حبيبتي وأنت ماشالله عليكي قمر… بتسمتلا زمرد .سيرين همست بأدن زمرد.
سيرين:برافو عليكي حطيتيا بصفك… بتسمت زمرد وهمستلا
زمرد:هي مراهقه كلمة بتاخد وكلمة بتجيبا.. وئفت سامية عندن..
سامية:شو عروستناالحلوة مابدك تفرجينارئصك يلا أومو رئصو مع الصبايا.
جمانةبفخر:أومي حبيبتي رئصي أكيد رئص كنتي بجنن متلا.. بتسمتلا زمرد ووئفت ..
زمرد:يلا سيرين وانتي ليونة خلينانرئص مع بعض.. مشيو مع بعض عساحة الرقص وبلشو يرقصو مع بعض بس كانت الانظار كلا على زمرد الي عم تتمايل بجسمابخفة ورشاقة كانت متل الحوريةبالنص. .. وحدة من الموجودات. عم تحكي للتانية.
الاولى:يخرب بيتاجمانة على هالحظ شفتي على هالكنة شو حلوة ..
التانية:اي والله بتجنن أكيد طاير عقل سيف فيها ولي عليهن شو لابئين لبعض…
الاولى:الي قاهرني انو كانت دائمن تسمعني انو بداتخطب بنتي روان لسيف شوفي بنتي كيف رح تنجلط من زعلا..
التانية:ليش بس بنتك كل البنات رح يجنو انو سيف،طار من بين ايديهن بس،شو بدك بالحكي شوهالزمرد متل اللعبة بتجنن يأاختي حئو خلال اسبوع يخطباويتجوزا... اخيرن خلصو رئص،البنات ورجعو لطاولتن ..
جمانة:بتجنني زمرد ياعمري ..
سيرين:مامابس كنتك بتجنن ونحناشو..
أم سليم:تعي حبيبتي أنتي الحلاكلو لا تزعلي…
سيرين:تسلميلي خالتي يخليلي ياكي.
أم سليم:ويخليكي لحبيب الألب سليم… ضحكت سيرين بخجل ..بعد سهرة طويلةخلصت هالحفلة وتصلو بالشباب… طلعو لبرا
وشافو السيارتين…
جمانة:زمرد حبيبتي روحي لعند سيف مشان يوصلك ونحنامنروح مع سليم..
زمرد:ماشي يلاتصبحو عخير ياجماعة.. بوستاجمانة ووالكل وراحت لعندسيف فتحت السيارة وطلعت كان عم يشرب سيجارة طفاسيجارتو بالمنفضة وشغل السيارة ومشي… .
زمردبمسخرة:هدوئك هاد مو عاجبني شو في وراك ليكون ناوي تاخدني لشي مكان وتأتلني…..
سيف ببرود:والله ياريت منى عيني شوفك ميتة بس مو حابب وسخ أدييه بزباله متلك….رفعت حاجباوميلت تما.
زمرد:حئك ياسيييف بيك…..
سيف:كم رجال بعتي حالك لئلو ئبلي….
زمردبحدة:فشرت أنت وكل رجال الدنية أناصرمايتي أشرف منكن عم تفهم… ضحك بصوت عالي وهو عم يحكي بمسخرة..
سيف:واضح شرفك ياأم الشرف أنتي ضحكي ع غيري باهالكلام مو علي أنا.
زمردبقهر:كتار كتير الرجال الي ركعو عند صرمايتي خليتن يركدو متل الكلاب،وراي وأخدت الي بدي ياه ورميتن..
وئف السيارة وطلع فيهابقرف كبير.
سيف:وأكيد كل ليلة كنتي تأضيهابتخت مع رجال يارخيصة…. كلامو طعن بقلباوجرحاوبدون وعي رفعت أيداوبكل قوتاضربتو كف..
زمرد: خرررراس صرمايتي أشرف من راسك..
سيف جن جنونو.
فتح باب سيارتو بقوة ونزل فتح باب التاني مسكامن أيدا بقوة ونزلا وهو عم يصرخ بجنون…
سيف:أيدك هي رح بئطعا ياكلبة .رفع أيدو وضرباكف قوي وهي واقفه قدامو ماتحركت.
سيف:هاد الكف رح تندمي عليه كل حياتك ورب الكون لزلك زلة الكلاب….
زمردبحدة:فشرت موأنايلي بنزل لاانت ولا الاكبر منك بيأدر يزلني وهاد الكف كل ماحكيت عن شرفي رح تشوفو أناأشرف منكن كلكن أنتو الكلاب الخاينين أنتو. برملا أيدابقوة لوراضهرا ووقفاقدامو صار ضهرا لازق بصدرو.. حكاجنب أدنا…
سيف:كل حرف رح تندمي عليه بوعدك والايام بيناتنا أن ماخليتك تبوسي صرمايتي يافاجرة مابكون أسمي سيف الدين.. فلت أيدا بقوة ورماهاعالارض.
زمرد:وأنامعك ياسيف الدين والايام بيناتنا. بزق عليهاوتركاركب سيارتو ومشي بسرعه جنونية وهي بالارض كان صدرا عم يعلى ويوطا بقوة من قهرا وغضباوصوت نفساعالي..
صرخت بصوت عالي: حيووواااااان الله ياخدك الله ياخدكن كلكن كلاب حقيرين. تحول صراخالشهقات عالية وبلشو دموعا ينزلو متل المطر وهي عم تشهق وتبكي وتحكي بهمس:بكرهكن رح أنتقم منكن كلكن ياكلاب رح جننك ياسيف ان ماكرهتك حياتك وئرفتك عيشتك ستناعلي ياحيوان.. مسحت دموعا بقوة ووئفت تكسي ورجعت للبيت والحقد والكره عم يكبر بقلباتجاه كل الرجال وسيف خصوصي…........ .
… .. ..