الفصل الاول
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم انتقام وعشق`*
*❴🔢❵الـــبـــــــــــ❴1️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
قصص وروايات 📚📖:
أنتقام وعشق💔
الجزء الأول…..
ببار من بارات باريس المشهورة كانت أعدة مع الرجال الي عمرو بالخمسين و حاسة نفساعم تلعي منو بس عم تكابر وتضحك بالغصب لحتى تاخد الي بدا ياه مسك أيدا بعشق كبير…
الرجال:شباعسلي زعلانة ومو عاجباالجو.. تصنعت الزعل وطلعت فيه ببراءةوحكت بدلع.
جيني:خلص مجودة تركني أنت مابتحبني لو بتحبني عطيتني المبلغ يلي طلبتو بس خلص عرفت غلاتي عندك.. وبرمت بوزا.. رفع ايدا وباسا ..
مجدي:ولاتزعلي ياروحي ألتلك رح اعطيكي المبلغ الي بدك ياه بس كان مامعي سيولة وهلئ مشي الحال… لمعو عيونا وبتسمت..
جيني:يعني رح تعطيني. طالع دفتر شيكات من جيبة،جاكيتو الفاخرة وبتسم…
مجدي:طبعآ مافي شي بيغلا عن القمر الي حتصير مرتي يقبرني جمالك… ضحكت ضحكة كبير وحكت بدلع.
جيني:يخليلي ياك ياحبي ولا يحرمني الطيوب… عطاها الشيك وطلعت بالرقم الكبير يلي مكتوب بتسمت بنتصار ..
جيني بدلع:يلا بيبي لازم أمشي ..
مجدي:ليش ياروحي لساالسهرة بأولا…
جيني بدلع:بيبي بدي نام مشان فيئ بكير وبلش أنزل عالسوئ أشتري غراض ولا نسيان زواجنابعد يومين… ضحك ضحكة كبيرة
مجدي:شو نسيان أنامو مسدء أمتاحطك بحضني ياروحي..
جيني:هانت حبي يلا أنت كمل سهرتك انارح امشي… ميلت حالا لعندو بدلع شم ريحتابشهوة كبيرة ..
جيني:تصبح عخير بيبي…
مجدي:الله يمضي هاليومين وتصيري عندي لحتى أكلك أكل.ضحكت بدلع ومشت لطلعت من المحل وتبدلت ملامحا للقرف حكت حالا… .
جيني:يئطع عمرك ياختيار الجن أخيرآ خلصت منك ورتحت .مسكت الشيك وضحكت ..
جيني:يخرب بيتو شو حمار في حدا بيعطي،هيك مبلغ لبنت متعرف عليهامن شهر زمان ولا ومسدئ حالو بدي اتجوزو هههههههههه الله ياخدكن ياجنس الكلاب شو حقيرين… كان واقف وراها شب وعم يسمع كلاماوكان عم يشوفا من شهر وهي صبية صغيرة مع هالرجال الكبير وهو مستغرب شافاركبت تكسي ركب،وراها تكسي تانية ومشي،وراها لوصلت لقدام بناية عادية حاسبت الشوفير ونزلت وهو نزل بدون ماتشوفو… فاتت ع مدخل البناية وتفشكلت بالكعب الي لابستو شلحتو من رجليها بعصبيه..
جيني:الله ياخدك يامجدي الكلب كنت رح أتكسر رفعت أيدا عشعرا وهي عم تمشي وسحبت الباروكة السودا لينزل شعر لتحت خصرامتل الحرير بلون الدهب ..
جيني:خيليني شيل العدسات حاسة عيوني حيطلعو منن… وئفت عطرف شالت العدسات العسليات ليبانو عيون بالون الأزرق الغامق وكأنو حبة زمرد وعم تلمع تحت الأنارة بلشت تمسح المكياج عن وشا لبانت ملامحاالطبيعية تحت نظرات الشب المصدوم باهالجمال الي عم يشوفاكانت مخبيتو .حطت الشعر والعدسات بكيس اسود وطالعت شريحة التلفون كسرتاورمتامعن وحطت الكيس عطرف لحتى ينشال مع الزبالة ومشيت لتطلع عالدرج وهي عم تضحك..
جيني:وهلئ خلصنامن دور جيني وصار لازم نغير هالبلد المعت بكفيني الي طلعتو من هون هههههههه والله أيامك بيضة يازمرد.. وهي عم تمشي حست بأيد مسكت أيدا لتفتت بخوف لتشوف شب طويل بجسم رياضي حنطي بشعر اسود وعيون عسليه كان حلو كتير فلتت أيدا منو بنزعاج..
زمرد:خير ياطير مين حضرتك وليش مسكتني بتعرفني شي
الشب:ألي شهر عم شوفك مع هالختيار واناعم ئول حرام بنت بجمالك تكون لهيك رجال بس هداك كان موجمال مقابل الي عم شوفو هلئ….
زمرد:وأنت شو خصك باهالشي روح من وشي أحسلك…
الشب:تتجوزيني.. طلعت فيه بصدمة .
زمرد:أنت مجنون ولا شربان شي روح من وشي ياماما يلا نائصني ولاد أنا…
الشب:أناعم أحكي جد حبيتك ودخلتي قلبي أنااسمي عزالدين وعمري 26سنة وعم أدرس معيد بالجامعه ورح صير دكتور قريبآ
ضحكت زمرد بمسخرة
زمرد:والله أنك نهفه ضحكتني ومالي نفس أضحك آل دكتور ومعيد لا حبيبي أنالابهمني دكتور ولا معيد لو الدراسه فيهاخير كنت كملت دراستي أناأقل من رجل أعمال تحت أيدو شركة مابرضى لهيك روح لعاب بعيد…
عز الدين:وأناأبي بكون من أكبر رجال الاعمال وحتى أخي الكبير وعنابدال الشركة تلاتة وأربعه نحناعيله معروفة ببلدنا وسألي عن نور الدين المالكي.
زمردبمسخرة:يبئا بتجوز البابا الراس الكبير مابتجوز ولد لساعم يدرس…
عزالدين:ليش مشان تنهبي متل ماعملتي مع الرجال الي كنتي معو… .
زمردبحدة:هاد مو شغلك فهمت ولاتتدخل بشي،مابخصك روح من وشي بكون أحسلك .
عز:أنالساعم أحكيكي جد ولساتني طالبك للزواج وأد مابدك بعطيكي مصاري…
زمرد:روح من وشي مشان الله مالي نفس عالحكي الزايد استغفرالله العظيم بس. تركتو ومشيت لطلعت لشئتا ضحك بعد مامشيت وحكاحالو…
عز:يخرب بيت جمالك ياشيخة شو حلوة أخرك تليني رح ضل،وراكي لاتجوزك دخلتي ألبي وبدي ياكي.. .طلع من البنايه وركب تكسي لوصلتو لمكان سيارتو…… فتحت زمرد الباب وفاتت كانت أماعم تستناها..
زمرد:مساالخير…
هالة:مساالنور ليش تأخرتي…
زمردبملل:لخلصت من ختيار الجن جهزي حالك لازم نسافر بكرا الضهر حجزت تذاكر الطيارة بعد مااسحب المصاري دغري رح نسافر….
هالةبقهر:مابكفي يازمرد رح دمري حياتك من ورا فعايلك.
زمردبملل:ماماراسي عم يوجعني وبدي نام الله يخليكي وفري نصايحك أناماممكن أتراجع عن شي لهيك رتاحي.. تركتاوفاتت ع
غرفتالتتحمم وتنام… تنهدت أمابقهر عحال بنتاالوحيدة وحكت بحزن..
هالة:الله يهديكي يابنتي ولا يسامح أبوكي الي خلاكي تتعقدي وتكرهي كل رجال الدنيا….
(زمرد بعمر 23سنة أقل مايقال بحقاأناملكة جمال بجسماالطويل والمتناسق وكأناعارضة أزياء وبشرتاالبيضا متل التلج وشعرا الدهبي الي لأخرا ضهر عيوناوساع ورموشاملفوتالون عيونابلون الزمرد الازرق الغامق وأنفا ناعم شفافا صغار ومنفوخين بطريقة مثيرة بشكل كبيرسمتا أماباهالاسم لماولدتا وشافت لون عيوناحبت يكون أسمازمرد وتكون نادرة متل الزمرد وفعلانادرة لان ماحدا بيعرف شكلا الحقيقي ألا قليل من الناس الي بشوفوهاصدفة،وعز الدين الي شافا خفية عنا لانادائمآ متنكرة بشكل جديد عايشة،هي وأمالحالن بعد ماابوهاتركن من زمان رح نعرف السبب بأحداث القصة…)تاني يوم راحت بكير سحبت المصاري الي كتبلا ياها مجدي بأسما وجهزت أمورن كاملة وركبو طيارتن وتجهو لبلدن…… المسا وصلو ركبو تكسي وتجهو بفندق أخدو غرفة وفاتو ليرتاحو…
هالة:آه مافي احلامن الواحد يكون ببلدو…
زمرد:المهم شغلي يمشي ولائي هدف جديد وأن مالئيت رح دبر بلد جديد وسافر…
هالةبحزن:بكفي زمرد ضيعتي سنين عمرك تلعبي عالرجال وتسرقين لأمتاهالحالة لك بنتي والله خايفه عليكي أخرتك تنكشفي….
زمردبلئم:بدي ضل اعمل هيك بدي ضل شوفن مذلولين تحت صرمايتي بدي ضل أخد منن لحتى يبرد ئلبي… ..
هالة:زمرد ياروحي أذا ابوكي كان كلب وواطي مو كل الرجال متلو..
زمردبحدة:لا تئولي ابي مانو أبي كلن كلاب وحقيرين ولانسيتي الكلب الي شتغلتي عندو مشان تعيشي شو عمل وغيرو وغيرو مامامشان الله لاعاد تفتحي هالموضوع لان كل ماحكيتي بيزيد أصراري أكتر من الاول. نزلت أماراسا بحزن كلام بنتامزبوط كانت فريسة سهله لكل الرجال لاناوحيدة ومالا سند والرجال الي عتبرتو سندا بعد موت أهلا ضحك عليهاونهب مصرياتا وتهمابالخيانو وتركا وهج… .
زمرد:مامااسفه لاتزعلي مني ياروحي بس من قهري عليكي هيك عم أحكي والله .
هالة:الله ينور طريقك يابنتي ويهديكي…. تركت أماودخلت عالحمام تحممت لترتاح….. بباريس مجدي قالب الدنيا ع زمرد ومالقاها وعرف انامستأجرة الشقه لشهر بس حس بالخدعه وعرف انو هالشي مقابل المصاري نقهر كتير بس فات الآوان… ..عز الدين كمان أجاوسأل عنا وعرف أناطلعت نزعج كتير وتمنى يشوفا وصورتاماعم تروح من بالو سحرتو بجمالا وتمنى يشوفا مرة تانية لكن رجع لتفت لحياتو وداستو ليخلص ويرجع لبلدو… بعد عشر تيام مرو على زمرد شترت شقة ببناية ونتقلت لتعيش هي وأمافيها نقلو وخلصووبلشت زمرد دور على هدف جديد..
بعد أسبوع كانت بالمول عم تشتري غراض للبيت سمعت صوت شب عم يحكي عالتلفون من شكلو باين عليه أنو غني وأبن عيلة وئفت تتسمع عليه…
الشب:أي ياروحي انابالمول رح أخد شوية غراض وأجي لعندك ركد يانور عيوني ..سكت شوي سمعاوكمل….
الشب:لك روحي مابتغلا عليكي سيرين ياروحي لو بتطلبي القمر بنزلو لعندك…. بتسم بعشق كبير .
سليم: أنامو بحبك أنابعشقك وبموت فيكي باي ياعمري خليني أوصلك بس.. سكر الخط ومشي ليحاسب عالغراض وزمرد عم تراقبو بهتمام وئف عند البنت
الشب:يلا ديمة عبيلي الغراض بسرعه ..
ديمة المحاسبة:من عيوني سليم بيك… عبتلو الغراض بكيس محترم عطاها البطاقه حاسب وطلع بكل اكابرية من المول الفضول قتل زمرد مشيت لعند البنت…
زمرد:مرحبا كيفك…
ديمة:أهلا فيني أخدمك بشي ولا بدك تحاسبي….
زمرد:بصراحة بدي أسألك وخجلانة.
ديمةببسمة:تفضلي سألي…
زمرد:الشب الي كان هون أبل شوي حسيت حالي بعرفو بس خجلت اسألو ..
ديمة:أصدك سليم بيك ليش في حدا مابيعرفن بكل البلد..
زمردبلهفه:ليش شو شغلتو… ضحكت ديمة
ديمة:هدول بيت المالكي من أكبر التجار ورجال الأعمال والاغنياء بالبلد ماشالله عليهن بلا حسيدة…. حست حالا سمعانة بالاسم ..
زمردبكذب:بيت المالكي آه اي اي تذكرتن…
ديمةبهيام:ماشالله عليهن فوء غناهن حلوين بجننو ماشالله لسالو تشوفي أبن عمو التاني بطير عئلك… بتسمت بنصر كبير ..
زمرد شكرن كتير ألك عذبتك حاسبت عالغراض وطلعت وهي عم تضحك…
زمرد:هههههه لئيت أخيرن هدف جديد سليم بيك هههههه باينتو مهم كتير يلا يازمرد أجاوئت الجد بس باينتو متجوز أو خاطب كان عم يحكي مع وحدة عالتلفون يلا احسن عصفورين بحجر واحد خلي هالهبلة تعرف انو خاين…وصلت عالبيت وهي مبسوطة شالت الباروكة والعدسات ورمتن تعشت ونامت لحتى تبلش تحرياتاعن سليم تاني يوم……بلشت زمرد تسأل عن كل كبير وصغير وعرفت شركة المالكي أو شركاتن بالاضافه لمجموعة فنادق الكبيرة الي عم يبنوها كانو مشهورين،كتير وسمعت كتير عن كرمن وأخلاقن لكن هالشي ماهما هماالوحيد تنتقم من كل رجال بالدنيا عرفت عن سليم بأنو شركة عم يشتغل وعرفت أنو خاطب بنت عمو الوحيد… .بعدي أكتر من عشر تيام وهي تسأل ودور طبعآ كل هالشي وهي متنكرة لكن ماأدرت توصل لطرف خيط تتوصل فيه لسليم بالاخر أدرت تتواصل مع الرجال الكبير الي بيشتغل ببوفيه الشركة لتقديم القهوة والشاي ..بعد اكتر من اربع مرات شافتو فيهن… .
زمردبحزن:والله ي
اعمو فتلت البلد ومالئيت شغل رح نصفابالشارع اناوامي العاجزة….
الرجال:لا حول ولاقوة الابالله الله يعينك والله يابنتي حبيتك،وبدي ساعدك شو رئيك احكيلك مع صحاب الشركة خلين يحطوكي بدالي لاني بكل الاحوال رح اترك الشغل لاني كبرت وتعبت….
زمردبحزن مصطنع:ياريت ياعمو والله معروفك،مابنساه لموت بس انت كيف رح تعيش…
الرجال:الله يطول بعمرن ويكتر خيرن صحاب الشركة خصصولي راتب شهري وانابلبيت….
زمرد:طيب عمو هاد رقمي اذا مشي الحال تصل فيني… بعد انتظار يومين على احر من الجمر تصل فيها الرجال وخبرا انو تستلم الشغل فرحت كتير انو حتبلش مخططا فائت بكير وئفت أدام المراية مسكت علبة كريم وبلشت تدهن وشاوايديهاليتحول بياضاالناصع لسمار حطت عدسات بنيات وباروكة شعر سودا قصيرة لتحت رقبتا لبست بنطلون اسود قديم شوي مع كنزة بنية وطلعت شافتاأما
هالةبقهر:هاد الشكل الجديد لخطتك…
زمرد:أي هاد هو ولا تبلشي لاني مستعجلة.
هالة:سكتت بس كتير بشعتي حالك كل مرة تكوني حلوة ليش هالمرة هيك… .
زمرد:ماعليكي امي المهم اشتغل باي… طلعت وتوجهت عالشركة شافت الرجال الكبير وفهماطريقة الشغل وفهماشغلات كتير بتخص الشركة والموظفين واهم الشي صحاب الشركة.
الرجال:نتبهي يابنتي الغلط ممنوع هون خصوصي عند سيف الدين بيك ماعندو مزح ابدن والغلطة بكفرة سليم بيك اهون منو بكتير بس خليكي حزرة ومحترمة لابعد الحدود ومتل مانبهتك سيف بيك عصبي ومابحب الغلط…
زمردبملل:فهمت عمو والله فهمت وهاد عمو سيف أصدي سيف بيك مارح أرب منو أبدن.. ضحك الرجال من ألبو ..
الرجال:ألتيلي عمو سيف ههههههه والله انك عنياتك يلا هلئ بلشي شغل وديري بالك عحالك الله يوفئك. تركا وطلع وهي بلشت تتعرف عالموظفين وتسمع تعليق البعض عشكلا كانت الشركة مليانة شباب وصبايابس هي مو مهتمة ومركزة عشي واحد سليم. بعد ساعتين تصلت سكرتيرة سليم وطلبت أهوة لئلو. نبسطت كتير عملت القهوة بسرعه وجهزتاومشيت لعند السكرتيرة…
السكرتيرة:انتي المستخدمة الجديدة .
زمرد:اي أناعندك مانع..
السكرتيرة بقرف:اذا شافك سليم بيك رح تصد نفسو عن القهوة.
زمردبقلبا:ياتافهة لوتشوفي شكلي بس صرمايتي احلامنك بس مو مشكلة رح اسكت لأوصل لهدف. تجاهلتاودقت الباب وفاتت شافتو عم يشتغل وعينو بالوراق.
زمردبهدوء:تفضل سليم بيك… رفع راسو وشافاوستغرب كتير بعدا تذكر…
سليم:أنتي الي شتغلتي بدل عمو كريم…
زمرد:اي يابيك ..
سليم:ممممم شو اسمك.... هالمرة زمرد ماغيرت اسما..
زمرد:اسمي زمرد يابيك… بتسم ابتسامةصغيرة.
سليم:ماشي يازمرد بدي ياكي تكوني مخلصه لشغلك لأبعد حد ماشي….
زمرد:بأمرك يابيك ونشالله رح اعجبك كتير….
سليم بجدية:مو المهم تعجبيني أناالمهم تعجبي أبن عمي الي هو الشريك وألو الحصة الاكبر بالشركة سيف عصبي بشكل كبير ومابحب الغلط ولابحب يعيد الكلمة مرتين اناعم احكيلك لحتى تنتبهي منيح لانو كتير خسرو شغلن بسبب اهمالن الي سيف ماحبو ابدن….
زمردبقلبا:تضربو انتو وهالسيف الي صرعتو راسي فيه انابدي اتجوزو انابدي ياك ياحمار واخد الي بدي ياه وبعدين امشي ونشالله بتنحرء هالشركة فيك وبسيف تبعك)
زمرد:امرك سليم بيك
سليم:فيكي تمشي لشغلك… طلعت من مكتبو وضحك سليم .
سليم:هههههه آل زمرد والله حرام فيكي هالاسم. استغفر الله العظيم…. رجع لشغلو…. بعد اسبوع شغل وزمرد عم تعرف تفاصيل عن سليم اكتر باهالاسبوع شافت نور الدين بيك الي هو ابو سيف واخوه الاصغر جمال الي هو ابو سليم وشافت اديش ألن هيبة واحترام بقلب الكبير والصغير… ..بيوم كانت عم تمشي بممرات الشركة حست بحركة الموظفين الغريبة ستغربت شوفيه وئفت مع مجموعة بنات كان مكتبن بطل على ممر الشركة وباين مين بفوت منا…
زمرد:شوفي ليش هيك الشركة مئلوبة….
رانيا:جاية عالطريئ دخيل الله رح تنور الشركة أخيرن…
ريم:اي والله الي اسبوع مو مركزة بالشغل لانو مو موجود
زمردبحيرة:لك عن شو عم تحكو ومنو هاد الي جاي ليكون شي وزير…
ريم:فشر الوزير والرئيس معو هاد سيف الدين المالكي احلا شب بالكرة الارضيه… برمت بوزا بمسخرة عشكل البنات
زمرد:أخيرن رح شوف دنجوان زمانو يلي ميتين عشوفتو ..وهنن عم يحكو نتبهت عالبنات الي رح تطلع عيونن لتفتت لتشوف عشو عم يطلعو ونصدمت لماشافتو كانت متوقعه تشوف رجال كبير شوي من الحكي لكن ختلفت الموازين كلا……
كان فايت بكل أكابرية وهيبة كل الي بشوفو يوقف احترام الو كانت مشيتو لحالا سحر لابس بنطلون مع قميص وجاكيت أسودسبور وحاطط نضارتو الشمسية اخيرن فات لمكتبو ولساكل الي بالشركة عينن عليه…
ريم:دخيل الله سبحان الخالق بخلقو شو هالبني أدم هاد آه..
رانيا:الي سنتين عم اشتغل وكل مرة بشوفو بحسا اول مرة وبنصدم بجمالو نيال الي رح يتجوزا نيالا…
زمرد بعد ماصحيت ونتبهت ع كلامن..
زمرد:هاد هو سيف بيك…
ريم:بشحمو ولحمو شفتي شو حلو لك شو حلو أولي بجنن بيهبل.
زمرد:سليم بيك بحسو عادي يعني هاد ليش هيك الكل بخافو وبهابو… .
رانيا:سيف شخصيتو قوية وبيفرض عالكل احترامو بعدين ابو صاحب القسم الاكبر بالشركة وهو مستلم
كل شغل ابوه وماشالله عمل لحالو اسم كبير بين رجال الاعمال والتجار….هزت راسا ومشيت للبوفيه وئفت وبلشت تعيد حساباتا. حكت حالا وهي صافنة.
زمرد(شكلي رح غير الخطة أكيد سيف هو الامر الناهي بالشركة وكلشي تحت أيدو يعني سليم متلو متل غيرو بس
هاد باينتو مو سهل ابدن شبكي زمرد ضعفتي انتي جبت راس الي اكبر منو وشوكة هالمغرور رح اكسرا اي رح اكسرلك هالغرور ياسيف بيك وانازمرد)نقزت عصوت التلفون وكانت سكرتيرة سيف عم تطلبلو قهوة… جهزتلو القهوة وتجهت لعندو.فاتت وشافت السكرتيرة مايكة مرايتاوعم تزبط مكياجا وتبخ عطر ضحكت عرفت انو كل هاد مشان سيف حبت تجاكرا وماخلتا تنتبه دئت الباب وفاتت كان مكتب سيف ببدايتو ممر صغير بعدا ببين مكتبو الكبير والفخم الي كل أساسو تقريبآ بلون الاسود كانت لسافايتة ونتبهت السكرتيرة ونزعجت ركدت لعندا…
السكرتيرة:هي انتي ياحمارة كيف بتفوتي هيك لا أحم ولادستور شو بيت الي خلفك .
زمردبجكر:جايبة الاهوة لسيف بيك ببعتلو ياهابالبريد مثلا.
السكرتيرة:وأناشو عم اعمل انابدخلا.
زمرد:بظن هاد شغلي واناالي لازم دخلا.
السكرتيرة:ليكون جاية تعرضي حالك عالبيك يخرب بيتك ماطلعتي عحالك بالمراية ..
زمرد وبلشت تنزعج من التعليقات عشكلاوالمسخرة وهي لوطلعت عطبيعتااحلامن كل البنات الي باهالشركة.
زمردبقهر:روحي من وشي احسن ماكب هالأهوة على وشك خليكي تصيري مسخرة….. كان أعد ورا مكتبو سمع صواتن وئف ومشي للممر وشافن حكابصوتو الرجولي…
سيف:شو عم يصير هون شو هالضجة. لتفتو التنتين بفزع وصفنت زمرد فيه وهي عم تتأملو ..
… ..مواصفات سيف…
(بجنن ومجنن كل بنت بتشوفو بجسمو الطويل الرياضي وصدرو العريض وعضلاتو المفتولة بشكل مثير شعرو اسودناعم وكثيف وطولو لعند رئبتو زادو حلاوة وجمال عيونو عسليات وانفو وتمو متناسقين مع تدويرة وجهو الرجولية ودئنو محددا،مع شواربو كانت رجولتو ووسامتو طاغية بشكل كبيرعمرو 30سنةورافض حاليآ فكرة الزواج مع انو البنات حوليه متل النحل كانت طباعو صعبة كتير ومو أي بنت بتعجبو ) عاد كلامو بحزم كبير.
سيف:هيفا عم أسألك شوفيه ليش نخرستي ومين هي. وهو عم يأشر ع زمرد..
هيفا:أسفه يابيك بس المستخدمة الجديدة وكانت رح تدخلك الاهوة وأنافكرت انو مابتحب حدا جديد يدخلك الأهوة لهيك كنت عم بهدلا.. رفع حاجبو بنزعاج.
سيف:وأنت من امتابتفكري عني ياانسة ومين الي سمحلك…
هيفابخجل:أسفه سيف بيك…
سيف:طلعي لمكتبك. طلعت وهي عم تسب وتلعن ع زمرد بقلبا ..كانت زمرد واقفة وحست بشي من الخوف من نبرة صوت سيف لتفت عليهاوحكابحزم.
سيف:وأنتي كيف بتفوتي لمكتبي بدون أذن ولامفكرة هون الدنيافلتانة…..
زمرد:أسفة يابيك بس كنت رح دء الباب ودخلك الاهوة بس اجت سكرتيرتك المجنونة وبلشت تصرخ….
سيف بعصبية:حترمي حالك لمابتحكي عن غيرك وتصرفك هاد رح تتعاقبي عليه اديش صلك هون….
زمرد:الي اسبوع يابيك
سيف بحدة:بتمري عالمحاسبة خليه يصرفلك راتب شهر وبتمشي… حكاكلماتو وفتل حالو ليدخل زمرد مصدومة كتير من تصرفو ونزعجت ع مخططاتاوتعبا الي رح يروح عالأرض أذا تركت الشغل…. لبست قناع البراءة والحزن عوشاودخلت بهدوء كان أعد ورا طاولة المكتب وعم يشتغل عالاب توب نتبه عليهافاتت رفع راسو.
سيف:ليش لساتك وائفة شو مستنية…
زمردبحزن:انااسفه يابيك والله العظيم مو أصدي مشان الله ماسدئت ولئيت الشغل أذا بتركو رح صفي بالشارع بوس أيدك سامحني هالمرة….. نفخ بنزعاج…
سيف:انابحياتي ماحكيت كلمة وتراجعت فيها لهيك تفضلي ستلمي راتبك وامشي .فتح درج صغير وطالع ربطة مصاري وزتاعالارض أداما…
سيف:هاد المبلغ فوء راتبك دبري حالك فيهن لتلائي شغل… حست بالنار شتعلت بقلباوزاد حقدا اضعاف من طريقة كلتمو معاوكأناجاي من الشارع كتمت غيظاونزلت دموعا وتصنعت الحزن ..
زمرد:سيف بيك بوس رجلك سامحني وخليني بشغلي مشان الله انت مابتعرف أديش الشغل مهم لئلي الله يخليك انامالي حدا غير الله وامي وعم اصرف عليها.. مشط شعرو بأيدو بنزعاج ..
سيف:استغفر الله روحي لشغلك بس ديري بالك اسمع صوتك بالشركة…
زمردبنتصار:حاضر يابيك امرك فتلت حالا لتطلع وئفاصوتو…
سيف:وئفي عندك… لتفتت عليه.
زمرد:نعم يابيك…
سيف:خدي هدول .وهو عم يأشر عالمصاري…مشت لعند المصاري شالتن وئفت.
زمرد:الله يرزئك ويعلي مراتبك يابيك… أشرلا بأيدو لتطلع طلعت من المكتب وسكرت الباب وراها لتنصدم عيونابعيون هيفا ويتبادلو نظرات الشر بتسمت زمرد بستفزاز ومشيت لشغلا وحقدا وكرهالسيف وصل لآخروا….. بعد مانتهى الدوام طلع سليم من مكتبو وتوجه لمكتب ابن عمو وصديقو الانتيم دخل لساكان أعد ورا مكتبو…
سليم:شو ابو شريك مشينا… .رفع راسو.
سيف:خير لوين بدي مشيك….
سليم:يخرب بيت النشافه خلص انارايح لعند بيت عمي وخطيبتي شو بدي بواحد معئد متلك… بتسم سيف ووئف…
سيف:وئف جاي بس شو المناسبه بدك تروح لعنامو ملاحظ أنك نجلئت زيادة…
سليم بفخر:رايح لعند الحب أنت شو بفهمك.
سيف بمسخرة:حبك ضريب أمشي بس لو مااختي بتحبك كنت فرجيتك ئيمتك…
سليم:هههههه لك ريتاتكفني أختك وت
طلع عئبري ..بتسملو سيف لبس جاكيتو وشال موبايلو ومفتاح سيارتو وطلعو سوا من الشركة…
سليم:نطلع بسيارتي…
سيف:لأ عيني أنامابطلع الابسيارتي بتحب تجي معي تفضل مابتحب امشي بسيارتك…
سليم:الله أكبر ع غرورك ياشيخ ماشي رح اعمل فيك حسنة واطلع بسيارتك ..فتح الباب وطلع وهو عم يضحك مشيو لوصلو لفيلا أشبه بالقصر من كبرا وجمالا نفتح الباب الاتومتيك ودخل سيف بسيارتو نزلو مناليجي واحد بيشتغل عندن وئف بحترام بعد مامشيو ركب سيارة سيف ليصفابكراج السيارات الكبير دخلو من الباب وهنن عم يحكو ويمزحو شافو سيرين جاية بتجاهن لمعو عيون سليم بعشق وهو عم يشوف حبيبة عمرو وبنت عمو الي بيعشقا.. وئفت ببتسامة حلوة…
سيرين:أهلين نورتو…
سيف باساجبينابحنان.
سيف:تسلمي حبيبتي وين أهلك…
سيرين: أعدين جوا هنن وبيت عمو… مشي سيف ليدخل لجوا طلعت بسليم وبتسمت..
سيرين:ليش وائف حبيبي… أرب لعندا وباساعجبينا…
سليم بعشق:شتأتلك .
سيرين بخجل:وأناكمان..بتسم بحب كبير رفع أيدا وباسا وطالع من جاكيتو وردة وحطا ورا أدنا…..
سليم:سيرين أنتي الروح ياروح ألبي..
سيرين:تسلمي روحك وألبك حبيبي يلا خلينانفوت لجوا عم يستنونا عالغدا….
مسك أيدا ومشي معاوهو عم يهمسلا بكلمات العشق والحب.
أعدو ع طاولة الغدا العيليتين ونور الدين ابو سيف على راس الطاولة والعيلة حوليه.
نورالدين:كيف الشغل ياشباب… .
سيف:ماشي متل الساعه… .
سليم:كلشي تمام عمي والحمدالله أرباحنا كل مالابزيادة…..
جمال:والله انكن رجال والواحد بيئدر يعتمد عليكن الله يحميكن..
سيف:تسلم عمي نحناتربايتكن… حكت ليان بنت جمال وعيوناعلى سيف..
ليان:بابي أمتابدي اشتغل بالشركة أنا…
جمال:ياروحي لساتك صغيرة عالشغل السنة عندك بكلوريا وبدي مجموع ممتاز….
نورالدين:مظبوط حبيبتي كلام ابوكي دراستك اهم خلصي ونجحي والمكتب الي بدك ياه بترفسي الباب برجلك وبتفوتي…
ليان بفرح:تسلملي عمو الله لايحرمني منك يارب.. .كان سيف عم يطلع ومو عاجبو الحكي لكن مابيئدر يحكي بوجود أبوه وعمو…
… نتعرف عالعيلتين…
(عيلة نور الدين الاب نور الدين رجال حنون بشكل كبير وصارم وعندو الغلط ممنوع ومعروف بحكمتو وكلمتو مابتصير تنتين وهالشي بينطبق عولادو مو بس عالناس الي برا يعني قد ماكان حنون كمان صارمو مابيسمحلن يغلطو أبدن..أم سيف جمانة خانم ست برغم كبر عمرا لكن محتفظة بجمالا وأناقتا بتحب كتير مظهرن دايمن،يكون لائق قدام الناس بحكم شهرتن حنونة وبتحب ولاداكتير. سيف هو الابن الكبير والي أبوه متكل عليه بكلشي وكان قد ثقة أبوه ونفس طباعو بعد سيف بيجي عزالدين الي عم يدرس بباريس هوعكس سيف يعني مالو عصبي وعندو كلشي عادي وهاد الشي الي مخلي نورالدين متكل ع سيف بكلشي عزحلو كتير وتعرفناعليه من قبل.. سيرين الصغيرة عمرا 24سنة خلصت دارسة محماة لكن حاليآ ماعم تشتغل شي بطلب من خطيباوحبيبامن ايام المراهقة سليم ابن عماوهي ومامانعت ابدن حلوة كتير وبتشبه سيف ببشرتاالبيضة وعيوناالعسليات شعرا اسود طويل وانفا ناعم وتمامتل حبات الكرز بلون شفايفاالي عطول احمر.))(عيلة جمال هو اخو نور الدين الوحيد رجال بنفس،مواصفات اخوه ومافي اي اختلاف بيناتن بحبو بعض كتير وبيتحرم اخوه بشكل كبير.. ميرفت مرت جمال وبتكون اخت جمانة مرت نور الدين يعني الاخين متجوزين الاختين حلوة وطيوبة كتير.. سليم الابن الكبير وهو بعمر سيف شب حلو كتير وبحب المزح والضحك وأهم شي عندو بالحياة حبيبتو سيرين… ليان الصغيرة عمرا 18سنة حلوة ونعومة كتير بشرتابيضة وشعرا بني وعيونازيتونيات وطولا عادي حلو كانت دلوعه كتير وبتحب سيف بشكل كبير هو منتبه عليهابس ماعم يعطيهامجال لأنو بيتعتبرا اختو مو اكتر)........
بعد مامشيت زمرد من شغلا وهي منغاظة من هالسيف وطريقتو وزاد حقدا وانتقاما عن قبل بعد ماتغدت مع اماوتحممت تسطحت بتختا وبلشت تفكر بهالسيف وكيف بدا تبلش معو…
زمرد:شكلك رح تعذبني شوي بس بوعدك ياكلب اني رح انتقم ع أهانتي والايام بيناتنا ياسيف الدين بيك…..
عالسهرة بفيلا نور الدين طلع سيف. لغرفتو ولسا العيلة سهرانين… تحمم ولبس بيجامة سودا وجاكيت أبيض وسرح شعرو وتعطر عطرو المميز سمع دء الباب .
سيف:تفضل.. دخلت ليان بنت عمو نزعج بقلبو من دخلتالعندو.
سيف:شو في ليان بدك شي…
ليان بدلع:أبدن ولا شي بس شفتك تأخرت أجيت شوفك حسيت الأعدة مو حلوة بدونك…
سيف:طيب نزلي اناشوي ونازل…
ليان:خلينا هون طالماطلعت نسهر شوي لحالنا سليم عم يسهر مع سيرين لحالن ومافي غير الكبار… فهم قصدا سيف نفخ ومسح عوشو بأيدو.
سيف:ليان حبيبتي أنتي أختي الصغيرة سدئيني لكن مو حلوة تئعدي بغرفتي لحالك وانامعك… نقهرت من كلامو وتجاهلو لمشاعرا.
ليان:سيف انت لأمتارح صل تتجاهلني هيك امتارح تفهم اني بحبك وبدي ياك….
سيف بقهر:انامية مرة حكيت أنك اختي الصغيرة وبس وغير هيك مستحيل يصير شي ليان فهميني انتي لساتك صغيرة ومراهقة وحبك مو حب بكرا بتتغير مشاعرك وتحبي الانسان الي يفهمك ويكون قريب منك… .نزلو دموعا
ليان:انامو مراهقة وانابحبك بس،انت
مابتحبني ..
سيف:ليان نتبهي انابأديش اكبر منك نحنامستحيل نزبط مع بعض….
ليان ببكي: الحب مابيعرف عمر ولابيعرف كبير ولاصغير…. تنهد مشي لعندا مسحلادموعابأيدو..
سيف:ليان فهميني بوس أيدك أنابحبك وعندي ياكي بالدنية لكن ك أختي الصغيرة مو شي تاني…
ليان:ومشاعري شومالاقيمة عندك ..
سيف:ألتلك لساتك صغيرة ومشاعرك مفكرتيهاحب بس رح تتغير مع الايام ليان لاتزعلي زعلك غالي علي ودموعك أغلى انابدي ضلي معتبرتيني أخوكي وشو مابدك بتطلبي مني واذا حدا دايئك بسحب روحو تفئنا… ضحكت من بين دموعابفرح .
ليان:ماشي بس لساتني بحبك كتير…بتسملاوباس جبينا.
سيف:وانابحبك اكتر يلا نزلي واناهلئ بنزل. نزلت وتركتو وائف نفخ بقهر ومسح بأيدو عوشو..
سيف:امتارح تكبري ياليان كل كم يوم بتعملي هالموشح يارب صبرني بس.. نزل لتحت وكملو سهرتن وهنن مبسوطين……
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`