الفصل الاول
*♥️بين قيوده وقلبي♥️*
🌹الحلقة الأولى🌹
تابع قناة { روايات للأحبه🌚💌🌷}
https://whatsapp.com/channel/0029VaSjh2K42DckEuRlPU3g
هو انا مش قولتلك كتير متتكلميش مع الواد محمد ده تانى
– كان محتاج قلم زيادة مش اكتر
بصلي بنظرة ضيق
:اكيد فى غيرك كتير يطلب منه
-يوه بقا
ومشيت وسبته.
أنا فيار… واللى كان بيكلمنى ده أحمد ابن عمي.
إحنا الاتنين في تالتة ثانوي، بس هو واخد دور الواصيّ على حياتي.
عايز يتحكم في لبسي…
وفي صحابي…
وفي كل تفصيلة صغيرة تخصني.
لدرجة إني بقيت أحس إني مش عارفة أتنفس من كتر القيود اللي حاططها عليّا.
ومش لاقية تفسير للي بيعمله…
غير إنه بيبعدني عن الناس كلهم من غير سبب مفهوم.
والحقيقة؟
أنا فعلاً اتخنقت.
وبعد يوم طويل من الدروس، رجعت البيت آخر النهار… مرهقة جدا
اتغديت وصليت ونمت ساعتين
صحيت على صوت مش غريب عليّا جاي من الصالة.
خرجت… ولقيت أحمد!
أحمد: إزيك يا فيار؟
فيار (ببرود): بخير.
أحمد: معلش… ما تزعليش مني. الصبح كنت متعصب وكلمتك بطريقة مش لطيفة.
فيار: خلاص… حصل خير.
مد إيده في جيبه وطلع شوكولاتة، وقدّمهالي.
أحمد: اتفضّلي.
فيار: بمناسبة إيه؟
أحمد (بضحك): دى عربون الصلح
فيار: متشكرة جدًا.
أحمد: العفو… طيب أنا همشي بقى
منار (مامت فيار): استنى يا ابني… اتعشى معانا، ده عمك زمانه جاي.
أحمد: بالهنا والشفا يا مرات عمي… أنا همشي. سلام.
منار: خد بالك من نفسك… سلام.
مشي.
فيار: محسّساني يا ماما إنه رايح آخر الدنيا… ده بيته قدامنا!
منار: عيب كده يا فيار… وبعدين طريقتك معاه باردة قوي.
فيار: هي دي طريقتي… أن كان عاجبه بقا
منار: ربنا يهديكي.
فيار: يارب يارب… أنا داخلة إذاكر لحد ما بابا ييجي.
دخلت وبدأت أذاكر.
وبعد شوية بابا جه… اتعشينا ، وأنا رجعت كملت مذاكرة
بقلم عاشقة الظلام
الكاتبة اميرة صابر
~~~~~~~~
“تاني يوم”
فيار: أنا اتأخرت على الدرس قوي يا ماما… سلام!
منار:طب افطري الاول
فيار (بستعجال): لا لا… متأخرة جدًا.
نزلت ولقيت أحمد واقف قدّام البيت!
فيار: واقف كده ليه؟
أحمد: مستنيكى عشان اوصلك
فيار: ليه هو أنا طفلة
أحمد: لا مش طفلة …بس مش حابب حد يضايقك
فيار (بضيق): مفيش فايدة… تمام، براحتك.
مشيت من قدامه من غير ما أديله أي اهتمام.
بجد مش فاهمة هو عايز إيه… أوووف!
وصلت الدرس… دخلت من غير حتى ما أبص وراّيا أشوفه لسه موجود ولا لا
دخلت ولحقت الدرس قبل ما المُستر يبدأ.
لمحت سارة صاحبتي… رحت قعدت جنبها.
سارة: أمال فين العاشق الولهان؟
فيار (باستغراب): قصدِك مين؟
سارة: أعملي نفسك مش عارفة… أحمد طبعا، هو في غيره؟
فيار (بضيق): عاشق ولهان إيه بس؟ ده إنسان مستفز ومتحكّم… غير كده مفيش!
سارة: والله يا بنتي كيوت… وخسارة فيكي.
فيار: متبرعة بيه ليكي والله… واسكتي بقى، المستر هيبدأ.
“مش فاهمة هما كلهم بيشوفو ازاى … ده بارد منكرش إنه ساعات بيبقى طيب وبيحاول يفرّحني… بس تحكّمه ده بيعصبني وبيخلّيني مش طايقة أتعامل معاه”
بقلمى اميرة صابر
عاشقة الظلام
~~~~~~~~
وبعد فترة خلصت كل الدروس…
وأحمد حاول كذا مرة يكلمني، بس أنا ماكنتش بدّيله فرصة.
بجد مش ناقصة خناق النهارده.
وأنا خارجة من آخر درس…
محمد: فيار، ممكن دقيقة؟
فيار: نعم؟ في حاجة؟
محمد: أيوة… كنت عايز أسألك على حاجة.
وقبل مايكمل كلامه،فيار لمحت احمد جاى عليهم … وشكله متعصب جدا.
بلعت ريقها بالعافية وقالت
فيار: اجري بسرعة!
محمد: نعم؟
فيار: بقولك يا بني آدم… اجري!
يتبع…