عصب الروح - الفصل الثالث | روايتك

*روايات وقصص يمنيه 📚🖋️* *روايه [عصب_الروح]* #للكاتبة_ياسمين_أمين *بارت رقم [ 3 ]* *اعمل توجيه للروايه لحفظها وتفاعل بايموجي لطيف لنستمر [ 📖🖊️]* ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ اليوم الثاني الصباح قام وهي بتجمع اغراضها في شنطه صغيرة شافت له عندما حسته استيقظ: خذني معك بيت خالتي وانت طالع العمل بهاء وقف: مسرع اثير: وماعاد باقي قد ضيوفكم بيوصلوا وانا مش قويه التفت لها وهي غلقت الشنطه: جهزت لك الفطور اخرج اكل وخرجنا بهاء: باكل خارج البسي وتعالي خرج الصاله وهي لبست وطلعت وامه خرجت: على فين؟ بهاء: باخذ اثير عند خالتها اقتربت: وليش عتسيري عند صفيه؟ انتي المفروض تتبري منهم كلهم عاد خالك الذي انتي الان في بيته الوحيد الذي اواك بعد موت ابوك والا انك مشرده بالشارع بهاء بعصبيه : يممممممه قاطعته: مافيش خرجه وانت عارفك انك بتتزوج خليها تجلس تشتغل شافت لها وبهدوء: معش اقارب كثير وبناتك اربع بيجين قاطعتها: بناتي معهن عيال كودا بيفضين بس انتي ايش معك؟ انجرحت وشافت له وخرجت وهو شاف لامه بقهر وخرج بعدها وهي تشوف بعده: اكيد ساحرته اكيد طلعت السياره وطلع جنبها وبدا يسوق وهي بتنفجر والدموع تردها غصب قاطع صمتها: لا تاخذي في خاطرك اثير: ما اخذ ما اخذ لانه مابقيش خاطر اصلا سكتت ورجع شاف لها: ما احب اشوفك تتالمي اثير: وليش اتالم؟ مش يقولوا ان الاعصاب هي نقطه الالم وانا محد مسك اعصابي عشان اتالم سكتت وكملت : الا لو في مع الروح عصب! ابتسم: مابش مع الروح اعصاب ي اثير شافت له عندما وصلوا بيت خالتها : الا معها عصب ي مهندس بهاء معها وعصب الروح هو القلب! نزلت وهو يشوف بعدها دقت الباب وفتحت لها بنت خالتها وغلقت وهو مكانه بالسياره : ليت كان معي خيار ثاني ولا ااذي عصبك ي اثير دخلت هي اول ماوصلت انفجرت بكاء والدموع المحبوسه تناثرت خالتها بقلق: يوووووه اثير مالش بنت خالتها بغداد : اثير فيش شي بنت خالتها الثانيه رهف: اثير بهاء به شي كانت تبكي ولا قدرت تتكلم صفيه: اخي به شي هزت راسها بالنفي وحاولت تتكلم: بهاء بيتزوج الخميس هذا!! بغداد بصدمه: اييييييش خخالتها: ايش بتقولي رهف: اكيد ميسون صح هزت راسها رهف: قدني عارفه العقربه ذيك طارحته في راسها اثير تحاول تتكلم والدموع تنزل: قال يشتي عيال صفيه تنهدت: كنا متوقعين ي اثير هو وحيد اهله. وقد فعل معك كل شي رهف: ولا عمل شي هو الا امه كارهه لها وتشتي بنت اختها اثير: عملت تلقيح صناعي مرتين وهم يموتوا من اول شهر بغداد بقهر: كنتي عتزيدي مره ثانيه هزت راسها بالنفي: خلاص مافيش امل لا حصلت طفل ولا بقي لي بهاء بغداد جلست جنبها وضمتها: امانه لا عاد تبكي خلاص. اثير بقهر ودموع: احس اني بموت مااقدرش اتخيل واحده ثانيه تكون معه غيري رهف بقهر: فما بالش بالعقربه ميسون صفيه شافت لها بعنف ورجعت شافت لاثير: اثير الحياه هكذا وبهاء يحبك ومابتقدرش تاخذ مكانك اثير: ععمتي تحبها بيكونين علي الثنتين بغداد: ميسون كل همها نفسها بس صدقيني بتاخذ حقك من عمتك ذي وبتخليها تعرف قيمتك كانت تبكي بلا توقف صفيه بعدت بغداد وجلست جنبها : اثير ضمتها : لا عاد تبكي بتحرقي قلب خالتش خلاص طنشي مشو اول واحد يتزوج ولا اخر واحد .......... قام هو من النوم وخرج وصوت اخوته وزوجاتهم وخواته لؤي يشوف لهم: خير ما معكم ما تخلوني انام امه شافت له: لؤي مالك بنجهز عرس اختك ابوه وقف ووصل امامه : والدكتور ايش عرفه ايش بيحصل بالبيت ما ندري اصلا متى يدخل ومتى يخرج وايام مايروحش اصلا سكت ابوه: متى عيرضى الله عليك وتتزوج وتعقل وتستقر مثل اخوتك ؟ لؤي: مشتيش زواج وازعاج ولا ترميني في فخ وقعت فيه يابه ابتسم ورفع حواجبه: اتفلسف علي .. درست وتخرجت وتوظفت وانت للان مجنون والناس يقولوا لي ابو الدكتور فلان والخريج فلان ابو اشهر دكتور نفسي جاء الاول على دفعته لكن محد داري كيف انت ولا انه ما بنبسرك اصلا كان الجاكت في يده لبسه وشاف له: خاطرك خرج وامه شافت له: مالك ع الولد رد بعنف: بسسس هو دلعك ذي وصله ذي المواصيل ماعاد بنعرف عنه شي ميسون: بسس ي بابا لا تزعل نفسك خلونا نفرح شاف لها :الله يهديه بس، كلهم سويين الا هو وصل العياده وجلس يسجر :... .......... كان يسال بغداد : مالها اثير؟ بغداد: بهاء بيتزوج اسامه بصدمه: ايييييش بغداد: قال يشتي عيال اسامه: واثير ما قالت؟ او بتطلق بغداد شافت له: انت عديم احساس ماصدقت اسامه سكت بغداد: تزوجت وخلفت وماتت زوجتك ومازلت عند اثير! اسامه: غصب عني بين احبها بغداد: لا ما بتطلق بس جاءت هنا لوما يكمل العرس اسامه: اهاا كانت هي جالسه مع رهف اول يوم بعد ما مات ابي واخي كان مازال صغير بالسن وامي مرضت وبدات تفقد ذاكرتها