الفصل الثاني
*📚قصص||روايات||منوعة📚*
_*بإدارة 📚قصص||روايات||منوعة📚*_🧡
*❴📖❵وعد رجال* ♥
*❴🔢❵الـــبـــــــــــ❴الثاني والثالث❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:قناة:*
*📚قصص||روايات||منوعة📚*
*❴📚❵↵القناة:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*https://whatsapp.com/channel/0029VaNMcGuHFxP9VtPQOm2A*
*📚قصص||روايات||منوعة📚*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *يمان سعيد* 🧡
➖➖➖➖➖➖➖➖➖
*❴📝❵↵تـنـسـيـق:قناة:*
*📚قصص||روايات||منوعة📚*
https://whatsapp.com/channel/0029VaNMcGuHFxP9VtPQOm2A
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
📚كتب ||روايات|| منوعة📚:
الجزء الثالث...
وفجأة طلع صوتو وقال البنت يلي ماشية بالنص (يلي هي انا) مابدا تعرفنا ع حالا 🙈 بهاللحظة عصبت كتير بس بقلبي مبسوطة 😍(ياااه صوتو شو حلو)
بس مع هيك حسيتو عم يتسلا 😡...مشيت بسرعة... مشي هو ورفيقو وسبقونا ووقفو ع طرف وكان معهن ورق ولما وصلنا ضل الشب واقف ع طرف واجا رفيقو وقف قدامنا... عطاني ورقة قلي هي الك...وعطا ورقتين لرفقاتي لكل وحدة ورقة مشينا بسرعة ورجعنا علمعهد...فتحت الورقة كان مكتوب اسمو (عبد) ورقمو ومع رفقاتي اسم رفيقو لعبد (أحمد) ورقمو... رفقاتي مسكو الورقة وكبوها ... بس انا ماقدرت كبا في شي منعني مع اني ماكنت بحب هيك طريقة بلتعارف واتدايقت وخفت يكون بدو يتسلا وانا ماكنت حابة ادخل بعلاقة حب لاني صغيرة ومابدي اتعلق وبنفس الوقت صرت فكر اختي (اكبر مني) اكيد مارح ترضا حاكي شب ويمكن يكون عم يتسلا معي وانا كنت اسمع لاختي كتير واخد بنصيحتا واهلي اذا عرفو اني بحاكي شب رح تكون نهايتي وخصوصي اخي اذا كشفني
لهيك خبيت الورقة ومااتصلت فيو
راااحت الايااام وماعدت شفتو ولا اتصلت فيو بس ضليت محتفظة بلرقم .... وبيوم انا رحت ع المعهد تفاجأت فيو كان بمعهدي ودخل عند المدير هو ورفقاتو لحتى يسجل بلمعهد ماابعرف كيف بدي وصلكن هالشعور خوف على فرحة على لبكة على توتر شي من كلشي يعني....مع الاسف انو ماكان باقي محلات اعداد الطلاب كبيرة صارت وماكان في غير محل واحد لهيك نقبل رفيقو وهو ماقدر يسجل...ومن يوم مارفيقو نقبل صار يجي ع معهدي كل يوم قبل الدوام وبعدو 😍 وعلى نظرات وابتسامات وبصراحة تعودت شوفو كل يوم واذا شي يوم تأخر او ما اجا حس حالي مكركبة...
يمكن تحسو بمبالغة بما انو كان لسا بس نظرات وماكنا نحكي لحتى تعودت عليه بس هو اول شب خطف قلبي ومع اني كنت شايلة هالفكرة من بالي وتفكيري بدراستي بس...
كل ماكان يجي ع المعهد نظراتو ماتفارقني وتلحقني وين مارحت توقعت يزورني لاني ماحاكيتو بس بلبداية ضل عم يبتسم ويضحك ويجيب وردة ويضل ماسكها وعم يطلع فيني او يعدي من قدامي كل شوي...
بس بعد فترة بلشت نظراتو تقل واحيانا يتطلع فيني ومايبتسم وقتا عرفت انو كان عاطيني مهلة لحاكيه 😢 ولاني ماحاكيتو اتدايق وبطل يطلع ويبتسم فكر انو عم يدايقني بهالتصرفات...
بلش موعد نهاية المعهد يقرب وضغط دراسة وهم الشهادة زاد...
لحتى اجا اخر يوم بلمعهد طلعت وشفتو واقف برا...اتطلعت فيو وابتسمت بس هو اتطلع فيني بطريقة عادية ولف ضهرو ووقف يستنا رفيقو ليطلع من المعهد...
بهاللحظة كان جاي عبالي اشمطو بوكس هرلو سنانو 😡..وبقلبي عم قول لك فروض رقمك ضاع يازلمة تضرب 😒...
حملت حالي ورجعت ع البيت وهون كان بباقي للفحص تلت شهور كنا انا واختي مسجلين انسة خصوصي وبيوم رحنا لعندا ونحن راجعين شفتو... اتطلع فيني وزورني ونجئر وكمل طريقو 😢 وقتا عرفت انو مزعوج مني لاني ماحكيتو... بالرغم من اني ماحكيت معو بس كنت عطول حط رقمو علواتس عند اختي وراقب صورو وحالاتو 🙈فضول وكذا....
رااحت الايام ومرة كنا راجعين انا واختي ورجعت شفتو...
بس هالمرة اتطلع فيني نظرة انو لازم اعرف واخرتا معك بدك تحكي ولا لا...صار يلحقني.. بلصدفة كان تنين من قرايبيني ماشيين ورانا انا واختي وشافوه عم يلحقنا ويوما علقو مع بعض وتخاتقو وصارت مشكلة كبيرة بيناتن...كان بالي مشغول عليه وخايفة كتير وكانو هو حبيبي وبعرفو من زمان مابعرف ليش كنت حس..
ضليت عم فكر فيو وكل ماانزل اتأمل شوفو بس من وقتا ختفا وماعدت شفتو ابدا....
صرت راقب حالاتو وصورو احيانا... ومرة شفتو حاطت صورة بنت وحالة حب 😡 وبيوما العفاريت السود صارو ينطو بوشي وقلت ليش كان عم يلحقني وفي بنت بحياتو كلو بدو يتسلا ويضحك ع البنات منيح اني ماحكيت معو 😒..
اهتميت بدراستي ونسيت الموضوع...اخي كان طالب كيميا وشاطر بلمواد العلمي وكان واعدني يدرسني المواد العلمي بس خلص حفظ المواد الادبي لحالي.. كنت معلئة فيو كتير وكنا روح وحدة واغلب وقتنا بلبيت سوا عم نضحك ونمزح بس هالفرحة ماستمرت... لحتى اجا يوم ٢٠١٤/٤/٢١
.
.
.
.الجزء الرابع.....
لحتى اجا يوم ٢٠١٤/٤/٢١ يلي استشهد فيو اخي.. 💔 راحت روحي معو...سودت الدنيا بوشي وكرهت كلشي كنت دائمآ اتخيلو معي وحواليي وكنت احلم فيو كتير هالجرح اثر فيني وحسيت حالي ضعيفة ووحيدة...كنت بوقت صعب كان باقي لفحصي شهرين وماكنت مخلصة المواد العلمية وبعد مااستهشد اخي بابا صار يخاف علي كتير انا واختي ماضل عندو غير نحن وكره شي اسمو دراسة ومنعنا ندرس مع انو كان الفحص قريب بقيت اسبوعين بلا دراسة لحتى بيوم وافق اني ادرس وحتى لو ما نجحت بكون هاد شي طبيعي لانو الظرف يلي عنا مالو سهل ....قرب الفحص وكنت ضايعة ومالي عارفة شو اعمل وشو ادرس اجا رفيق اخي ودرسني فيزيا وكيميا قبل فحص الفيزيا والكيميا بيوم والحمدلله قدمت منيح واجا رفيق بابا ودرسني رياضيات قبل فحص الرياضيات بيومين وكمان قدمت منيح يمكن هالهمة اجتني لانو كان حلم اخي انو يدرسني وادخل فرع كيميا متلو كنت دائما لما اتذكر كلامو تجيني قوة واتشجع ع الدراسة....خلص الفحص والحمدلله
واجا وقت النتائج كنت متوقعة الرسوب قضيت الليل عم ابكي وادعي انو انجح بمجموع منيح لحتى اقدر كمل علمي وحقق حلم اخي... صار الصبح وطلعو النتائج اتصلت فيني رفيقتي وقالتي عطيني رقمك بسرعة عم طالع النتائج انا عطيتا يا وسكرت وبعد شوي اتصلت وقالتلي مبرووووك 🎊 🎉 نجحتي كانت لحظة مابتتصدق لدرجة نسيت اسالا عن مجموعي وبهاللحظة ماما صارت تبكي ...عطتني رفيقتي محموعي يلي كان ٢٤٦٠من ٣١٠٠
بلنسبة الي مجموعي كان ممتاز ع الظرف يلي مريت فيو فرحت العيلة وباركولي الكل ونبسطت بس كان في غصة بقلبي انو اخي ماكان معي بهالفرحة.. 😔 💔
كنت لازم اقوا لحتى اقدر كمل كانت صدمة وجرح كبير واكبر من انو تتحملو بنت طفولية وكان هما الضحك والفرح وماكانت متخيلة انو ضحكتا تنمسح بسبب فقدانا لشخص هو روحا...
قلبي صار فيو فراغ كبير وماكنت اقدر مليه تفكيري كلو بأخي..كنت كل ما اسمع غنية
لما جابو الغالي وقالو ل أمي زفيه
علي الزغرودة يا امي وبرضاكي ودعيه
كنت حس حدا عم يقطعلي قلبي بسكين...
ضليت ع هالحالة لحتى رجع الدوام وصر وبلشت سنة جديدة...ماكان الي نفس ل شي ولا حتى للحياة كلا كنت مجرد جثة بلا روح بعد اخي وماكنت اتوقع اطلع من هالجو... بابا لما شافني بهالحالة شترالي موبايل ونزلت عليه الواتس لحتى ضيع وقت شوي..بعد فترة خطرلي جيب رقم عبد وحطو ع الواتس حطيتو وصرت راقب حالاتو شي يكتب انا مسافر ادعولي وشي انا رجعت من السفر... مارجعت شفتو بلصدفة كأنو اختفا او سافر.. وبصراحة فكرت كتير ابعتلو بس الشي يلي يخليني اتردد المشكلة يلي صارت اخر مرة..
لحتى بيوم ٢٠١٤/١١/١٢ في شي خلاني فوت ع اسمو واكتب
* مسالخير √
* كيفك √
كانت الساعة حوالي ١١١ بالليل سكرت نت وانا خايفة من ردت فعلو وشو ممكن يعمل لما يعرف انو هي انا اكيد رح يعصب علي ويحظرني.. غفيت وانا عم فكر بردت فعلو.. صحيت تاني يوم وفتحت واتس..
-مين معي
* أنا حبيت أطمن عليك صرلي فترة ماعم شوفك نشغل بالي أسفة اذا ازعجتك √√
-طيب مين معي
* بقلك بس مابتعصب √√
- خلصني قول بقا مين
* اول شي أنا قولي مو قول انا بنت √√
* تاني شي انا بنت كانت تطلع بوشك كل شهر بلصدفة عرفتني؟ √√
- معقووول رقمي لهلا عندك طيب ليش ماحكيتي من هداك الوقت
* يعني مالك معصب مني بسبب المشكلة √√
- لا طبعآ
- بصراحة ستنيتك كتير لتحكي وبالاخير فقدت الامل
* رقمك عندي من هداك الوقت بس صار معي ظرف خلاني مااحكي √√
- ايواا صحي مبروك نجحتي اديش جمعتي
* اي نجحت الله يبارك فيك جمعت.... √√
- اممم مجموعك قليل
* كنت متوقعة جمع اكتر بس صار معي ظرف ماقدرت ادرس √√
- شو هو هالظرف كل شوي بتقولي ظرف ظرف
* استشهد اخي قبل الفحص بشهرين 😔 √√
وهييييك ضلينا عم نحكي طول اليوم وقضيناها اسألة واعترافات عن نظراتنا والصدف يلي كنا نجتمع فيا واذا في حدا بحياتو او بحياتي....
بيوم ٢٠١٤/١١/١٤٤ كان عيد ميلادي حطيت حالة لرفقاتي يلي عايدوني واحتفلو فيني بعيد ميلادي تسسلمولي يااحلا رفقة الله يخليلي ياكن هاد احلا عيد ميلاد 😘.. بعتلي عبودة
- كل عام وانتي بألف خير 🌷
* وأنت بألف خير ☺️ √√
وصرنا كل يوم نحكي.. صار يقلي روحي وقلبي وعمري قمت سألتو
* ممكن أعرف انت باي صفة عم تقلي روحي وقلبي وانا شو بلنسبة الك √√
- أسف اذا دايقتك بس انا....
.
*يـــــــــ͢ـོ͓ـــتبــــــــــــــོـ͓ـــ͢ــ؏*