شفت الحبيبه - الفصل 15 - بقلم احلى بدويه - مكتملة | روايتك

فديت عمرك احبك اشتقتلك فديت روحك اشتقت لأنفاسك ياسر ياكل حياتي انت هوا انفاسي انت عمري كله انت الي سكنت وسط جوفي ولاغيرك قدر ياخذ محلك احبك وربي قليله بحقك انا اعشقك انا مجنونه بهواك شوف حالتي من بعد فرقاك وش الي صار فيني ليش ياسر تتخلى عني ليش ماكلمتني وبررت موقفك معي ليش صحيح طلبت منك تتركني بس انت تعرف انه من ورا قلبي اه ياسر اشتقت اسمع ضحكتك اشتقت لشوفتك اشتقت لكلمة احبك من فمك اشتقت لحياتي معك حلوها ومرها احبك والله احبك مدري شراح اسوي لاخلاص لازم اطلق من عبدالرحمن وارجع لحظن ياسر انا مااقدر تعبت وربي تعبت احبه احبه احبه كان يشوفها وهي على البلكونه وطالع البحر وعيونها تلمع مايدري شنو سر هالامعان ياحلاة شكلها وهي سرحانه حلوه شعرها طاير فمها الي كانه كرزه ولاخشمهاولا عيونها الي خبلت فيه مااستحمل ورح لها حست بالي طوق عليها بيدينه وصار راسه جنب راسها حست بالرعشه سرت بجسمها وبهمس فكني عبدالرحمن بخبث: واناا اقدر يابعد حيي شد عليها وصار يشم ريحة عطرها حنين تصلبت مكانها ولااقدرت تقاومه جلسوا فتره وهم على هالحال عبدالرحمن ماسك حنين وحنين كانت بارده من ناحيته حس عبدالرحمن ببرودها وهمس بذنها : احبــــك حنين حست ان هالكلمه مالها أي طعم لافرحت ولاحزنت حست بألامبالاه مجرد ابتسامه صفرا بوجه عبدالرحمن الي ابتسم لها ببتسامه كلها حب وحناان عبدالرحمن : قلبي جهزتي اغراضج حنين بهمس: أي واغراضك بعد عبدالرحمن وهو يبوسها : فديتج والله يله عمري خلينا ناخذ اخر لفه على لبنان قبل لانسافر حنين بهدؤ: اوكي &&&&&&&&&&&&&&&&&&& &&&&&&&&& &&&& بشاير بخوف: طمنا يادكتور الحين مر اسبوعين وياسر ماقام الدكتور : اختي ادعي لخوج انه يصحى بصراحه احتمال مايصحى واحتمال انه يموت وهو بهذي الحاله بشاير وهي تبكي: لالالا يادكتور لاتقول كذا تكفى يعني ياسر ميت الحين ياسر جسد بليا روح الدكتور: تقدرين تقولين كذا بس ادعيله وماعلى الله شي كايد بشاير منهاره وتشوف ياسر الي ماتحرك قربت منه ضمته بقوه وصارت تصيح على حظنه اخوي يالغالي راح شبابك راح عمرك راحت حياتك طول عمرك تقول مااقدر اعيش بدونها وبدونها راح اكون جسد بليا روح والحين يابعد حيي كلامك صار بمحله حنين راحت وانت صرت بدونها بهذي الحاله حرام الي يصير لك حرام والله حرام استغفر الله ياربي يارب تشفي اخوي يارب وتقومه لنا بالسلامه ام ياسر من اول ماسمعت الخبر ان ياسر محد يدري متى يصحى انهارت وعطوها مهدئات وجلست ثلاث ايام بالمستشفى بعدها كانت تزور ياسر بفترات لان حالتها ماتسمح لها تشوفه لانها كل ماشافته تبكي وتنهار عليهم اه يالدنيا بين يوم وليله تقلبين حياتنا من ضحك لدموع وتقلبين قلوبنا من حب لكره ومن قرب لفراق ليش يالدنيا انتي كذا تاخذين اغلى الناس على قلوبنا تحبين تشوفينا متعذبين تتلذذين لما تشوفينا نبكي دم وحسره على فراق الي نحبهم ويحبونا على حياتنا معهم ليش ليش محد يقدر يجاوب على سؤالي لان الكل متعذب بهذي الدنيا ولازم نعيشها بكل مافيها من حلو ومر &&&&&&&&&&&&&&&&&&&&& &&&&&&&&&&&& &&& نزلت وكلها خوف ورهبه وماتدري شراح يصير بحياتها الجديده سمت بالرحمن ودخلت مع عبدالرحمن للبيت شافت الكل مجتمع ماعدا دلال وغزل سلموا على بعض وكان الكل مبسوط لشوفت عبدالرحمن وحنين رادين بالسلامه ام عبدالرحمن : قوم ياولدي ورحوا ارتحوا بجناحكم لان اليوم عشاكم عبدالرحمن : انشالله يله استأذن عبدالرحمن قام وشاف حنين جالسه عصب عبدالرحمن حنين امشي نرتاح حنين ولاكانها تسمع ام عبدالرحمن : قومي روحي لرجلج حنين ببتسامه: والله ياعمه الحمدالله شبعانه نوم وابي اجلس معكم عبدالرحمن شافها بنص عين وطلع للغرفه وهو معصب من حركة حنين حنين خافت ولااستحملت بسرعه طلعت وراه بس قابلت دلال وغزل يتهاوشون ويصارخون غزل : حنوووووووووون بسرعه ركضت وضمتها حنين وهي تشد عليها: اشتقتلج يالخايسه دلال: افا وانا ماشتقتيلي حنين وهي تمد يدها لدلال وتضمها : وربي كلكم غاليات على قلبي ولكم وحشه جلسوا الثلاثه ضامين بعض ويبكون تركي وهو يضحك: وربي كاني اشوف فلم هندي وخرو عن الطريق خلوني امر حنين تضحك: شخبارك ياتركي هههههاي تركي يضحك: تمام انتي شخبارج وسلامت الاسفار حنين ببتسامه : تمام الحمدالله مانسال الا عنك وعن كومار الا تعال شخباره تركي يضحك: يوووووه خبرج عتيج كومار الحين انا مع هندي غير كومار بس تصدقين ان كومار اطلق منه دلال وهي معصبه وعارفه شنو يقصد تركي: اقول روح له لان ريحتك فاحة كلها هنوووووود الكل: هههههههههههههههههههاي غزل امشي لغرفتي حنون حنين وهي تضرب راسها: اقول توكلي عبدالرحمن طلع وهو معصب بعدين اقولج اخباري غزل : لنا الله والله دنيا صدق من قال من لقى احبابه نسى اصحبابه ضربتها حنين وراحت تركض لجناحها فتحت باب الغرفه بهدؤ وشافت عبدالرحمن منسدح دخلت للحمام وتروشت طلعت منه ولبست قميص نوم حريري لونه وردي وقصير لي الركبه وكان حفر نشفت شعرها وحطت كحله وكلوز وتعطرت وجلست عشان تنام جنب عبدالرحمن عبدالرحمن كان حاس فيها بس حب يأدبها وطنشها اول ماشاف وجها قبال وجه صد عنها حنين حست انه زعلان وبهمس : عبدالرحمن عبدالرحمن مطنشها:0000000 حنين بدلع : عبوود انا اسفه بس ماكان قصدي ازعلك وربي اني مشتاقه لهم وفكري كان مو معي عبدالرحمن : خلاص ابي انام الحين سكري الموضوع سكتت حنين ولاحبت تضيق خلقها وهي مبسوطه برجعتها للكويت وقربها من حبيب قلبها وكل حياته ياسر &&&&&&&&&&&&&&&&&&&& &&&&&&&&&& &&& الجوهره: غزول اسم الله عليج اليوم العيون كلها بتكون عليج غزل كانت لابسه فستان اخضر روتاني ومخصر على جسمها على الخصر كان فيه تكسيرات لين تحت خصرها ووسيع لين الركبه لابسه اكسسوار ذهبي لان فيه شك خفيف على الصدر منثور لونه ذهبي كان شكلها جنان مع شعرها الي طايح على كتوفها ولابسه طوق ذهبي جنان وحاطه مكياج خفيف وروج وردي مطلعها حلوووووووه ونعومي غزل : اقول مالي خلق نفتح هالموال جتهم دلال تركض وهي ميته من الضحك غزل بستخفاف: ضحكينا معج دلال وهي تتذكر تركي وهو يقولها لاتنسين الموعد بعدا لعشاء غزل تاشر لها: هيه نحن هنا دلال : مايخصج قامت حنين وبدلت ملابسها ولبست دراعه فخمه كان عنابي ومذهبه كانت عباره عن دقله والدقلى من ورا ذيل طووويل كان مره فخم والمكياج كان مره فخم حاطه الظل الخليجي الكثيف على العيون والروج العنابي الي مطلع فمها ولااحلى وشعرها مسويته ستريت دخلت على عبدالرحمن عشان تجهز اغراضه بس لقته طالع من زمان حست انه للحين ماخذ على خاطره وقالت لارد راح اراضيه نزلت حنين وسلمت على عمتها وجلست عشان تستقبل امها وتسلم عليها غزل : الله ياحنون تهبلين مشالله عليج اكيد اخوي انجن عليج دلال: الا اليوم بتروح فيها حنين هههههههههههههاي حنين بستحقار: وربي انكم صايعات ومنتهيات حدكم ولازم تعرسون عشان تعرفون معنى العرس غزل + دلال: ههههههههههههههههههههههههه اي ياليت الجوهره: وجع انشالله كل هذي شفاحه على العرس حصه : الا وانتي الصادقه عوووب هالبناات الكل :ههههههههههههههههههاي دخلت ام فيصل وبسرعه ضمتها حنين وهي تحاول تتماسك ولاتنهار قدام امها بكت بس ام فيصل جلست تهديها بكلامها وتضحك وام فيصل من داخلها تبكي من الشوق لبنتها ام فيصل تمسح دموع حنين: شخبارج يابنتي ويوم اعرستي لادقين ولا تسألين عنا حنين تضحك: وربي قلت لعبدالرحمن بس كل مادقينا عليكم مشغول او مايمسك الخط وقال عبدالرحمن خلينا كذا لانسمع اخبار تخرب علينا شهر عسلنا ام فيصل: معذوره يابنتي حنين : يمه شنو هذا الي وياج ام فيصل تبتسم: وين غزل نادي غزل غزل وهي تركض وتسلم على ام فيصل: هلا خاله شبغيتي ام فيصل وهي تمد الكيس : تفضلي يابنتي والف مبروك التخرج غزل بسحى : ليش كلفتي على روحج ياخاله ام فيصل: والله حلف علي فيصل مااروح وايدي خاليه وهو الي شرىالهديه لج والثانيه لدلال دلال وهي تهمس لغزل:ناس هداياهم شكبرها وناس كيس شصغره غزل تضحك: هههههههههههههاي عاد القلب ومايهوى بعدها صارو البنات رقص وضحك وخبال وغزل ودلال لبسوا ارواب التخرج وجلسوا يصورون وبعدها وقفوا على الطاوله وصارو يصارخون ويرومون كبابيسهم وكانوا مره مهسترين وانواع الضحك والخبال ام عبدالرحمن: وين ياحنون حنين وهي تروح: والله ياخاله تعبانه وبروح انام راسي صدع من صراخ دلال وغزل االكل: هههههههههههههههههاي الجوهره: بهذي صدقتي غزل وهي تكش: مالت بس ياشين الي يغارون طلعت لجناحها وبدلت ملابسه ولبست بجامه وجلست على التلفزيون لين يجي عبدالرحمن عشان تراضيه شهالزين ياقلبي كانت دلال لابسه فستان فوشي وقصير لين الركبه ولابسه جزمه ربط شرايط لونها فوشي وفيها نجمه فضيه تلمع الفستان كان شاد على جسمها كله وعليه حزام فضي تحت الصدر كان عريض ومع الحلق الفضي الكبير والمكياج الناعم والروج الوردي وشعرها الي مجعدته كانت مره جنان دلال ببتسامه : من ذوقك تركي وهو يمسك ايدها : فديت ضحكتج والله دلال وهي تبعد يدها: تركي تراك مو بصاحي اليوم بسرعه خلني اروح انت قلتلي بشوفج وهذا انت شفتني يله عاد وخر خلني اروح للبنات تركي وهو يعض على شفته بقوه: متى يجي اليوم الي ماتقدرين تبعدين عني دقيقه وحده دلال بسحى : خلاص تركي تكفى خلني اروح تركي ببتسامه حلوه: من عيوني بس قبل هذي هديتج حقت التخرج وعقبال ماتخرجين من الجامعه ياقلبي دلال وهي تاخذ الكيس بسحى : مشكور بس ليش كلفت على عمرك تركي وهي يسوي لهابوسه بالهوا :قلبي متخرج ولااعطيه هديه دلال وهي تمشي: فديت قلبك والله تركي يضحك: ناويه تجننيني انتي هههههههههاي دلال رحت وهي ميته على شكل تركي بسرعه فتحت الكيس وشافت القلب الي من ذهب فتحته وكان مكتوب فيه تركي ودلال حب للأبد ضمت السلسال لصدرها بقوه ولبسته على طول وربي احبك باست السلسال اه الله يتمم فرحتنا ياتركي ونشوف ثمار حبنا غزل تضحك: شنو هالسلسال الي على حلقج هاه دلال مخترعه: بسم الله من وين طلعتي انتي غزل وهي تقرب من دلال: يله وريني قامت دلال بسرعه وصارت تركض : مايخصج انا ماسألتج شنو هدية فصووووووووووول ههههههههههاي غزل وجها قلب الوان وضربت راسها : يوه نسيت الهديه خلني اروح اشوف شنو جابلي فتحت بتردد الهديه انبهرت بالي شافته كان عباره عن لوح صغير على شكل قلب مكتوب فيه شعر روعه قرته وكانت الكلمات ولااحلى عرف انك ماتصدق بس والله فوق والله.. والله انه راح مني نصف عمري في غيابك.. واعرف أني شلت همي تاركن حبي على الله.. كني أبعد من نجوم الليل وأقرب من ثيابك.. ياعساك وياعساني وياعسانا وياعسى الله! ياعسى الدنيا تموت وما يعيش إلا ترابك.. يا أحبك واعشقك واهواك.. وإلا يفتح الله.. ماتعودت افتخر باحساسي إلا (تحت بابك) ايه أحبك والقضيه واضحه والشاهد الله.. يطرد المظلوم خصمه.. وأنت خصمي ياهلا بك.. ياهلا بك يوم تجرح خافقي ويسامح الله.. ياهلا بك يوم تلحق غيمتي! والحق سرابك..! جابك الله في حياتي ياحياتي جابك الله.. ليش؟مدري. وين؟مدري. كيف؟ مدري. بس جابك.. كل ماقلت ابتدينا في المحبه قلت ياالله.. مادريت إن النهايه بين بعدك واقترابك.. إنظلمت ولا شكيت.. واتركت الأمر لله.. كان همي أنتظر باقي عذابك في عذابك.. الله الله إنتبه.. واحذر.. وفكر والله الله.. مثل ما أحسب حسابي في هواك أحسب حسابك.. ماطلبت المستحيل ولا رجيتك شي لله! ما طلبتك أرتفع من حجرتي واسكن سحابك.. يصرخ القلب المعذب ياالمعذب (وكل الله).. شاب حبك في عيوني وانت توك في شبابك.. رحت شي.. وجيت شي "مختلف" ياحسبك الله.. تصدق إني مابغيت اجلس مع حضرة جنابك.. غير (ذاك الزمان) ويازماني منك لله.. ليش ماغيرت فيني شي يوم إني أهابك.. ليش مايعطف حنانك علي وتوحد الله.. يعرفون انك سؤال ويعرفون اني جوابك.. ويعرفون اني حلفت ولا اعرف أغلى من الله.. والله انه راح مني نصف عمري في غيابك .. كان الصندوق منثور على ورد طبيعي ريحته حلو وفيه ورده حمرا خذتها وشمتها ولقت فيه صندوق صغير فتحته ولقت فيه حلق فخم مره ويلمع انصدمت الماس كان الحلق عباره عن الماسه دائريه لبسته وطالعت بشكلها كان روعه عليها ليش يافيصل تهديني الماس لاني تخرجت ولا لانك تحبني شريت الهديه و نظراتك لي بزواج حنين وعبدالرحمن تلميحاتك اه معقوله احبك طيب يمكن انتي ودلال نفس الشي ليش تستعجلين بس هديتي كبيره ودلال صغيره معقوله تحبني يافيصل وكلمات القصيده فيني اه شلون احبك وانا كنت حبيبة اخوك شلون اه ياسعود وينك عن تخرجي الحلم الي تمنيته ياسعود اني اتخرج وبعدها نتزوج هذا انا تخرجت انت وينك عشان تتزوجني ضمت نفسها وصارت تبكي بحرقه والم معقوله رغم مرور الشهور للحين غزل مانست سعود ومن الي يقدر ينسيها سعود معقوله فيصل يقدر معقوله تاخذ فيصل بس لانه يشبه لسعود محد يدري كيف ولا متى ولا وين ولا شراح يصير بغزل وفيصل الي قلبه صار ينبض باسم غزل دخل الغرفه شافها نايمه عند التلفزيون عرف انها كانت تنتظره ابتسم لانه حب يحسسها بس مايقدر انه يعذبها راح وشالها وسط ايدينه لين حطها على السرير ابتسم لها الله على برائتها احبها ياناس اموت فيها الى متى ياحنين السحى يمنعنا انا نقترب من بعض الى متى وربي صرت مااستحمل اشوفج ولااقدر المسج احبج ولاني احبج لازم امنع هالسحى منج عبدالرحمن يظن ان سحى حنين هو السبب عشان تبتعد عنه وتمنعه من حقه الشرعي مايدري ان حنين فكرة وجودها بحظن غير حظن ياسر يحطمها ويكسرها ويخليها كلها هم وحزن فتحت عيونها والتفتت شافت عبدالرحمن يمها انا امس نايمه بالصاله وش الي خلاني بالسرير معقوله عبدالرحمن شالني يويلي وربي اني غبيه يحول مقدر اقابله الحين خلني ابدل وانزل عند خالتي والبنات طيب وليش ماتقومين رجلج اذا نزلتي راح يزعل وانتي ماصدقتي انه رضى عليج قامت بسرعه وبدلت ملابسه ولبست تيور عودي مع بدي بيج وحطت كحله وروج ولمة شعرها كله على فوق وخذت جلال بيج وتعطرت وراحت يم عبدالرحمن عبدالرحمن يله قوم ترا الساعه 11 الظهر قوم عشان تلحق على الصلاه عبدالرحمن : امممممم طيب طيب شوي وبقوم حنين : اوكي انا بنزل وانت الحقني خلاص عبدالرحمن : اقول مافيه طلعه الا رجلي على رجلج حنين بتأفف: طيب بنتظرك بالصاله لاطول علي نزلوا عبدالرحمن وحنين وجلسوا يتقهون مع ام عبدالرحمن وابو عبدالرحمن وام حصه والجوهره وحصه وصاروا يسولفون ويضحكون ام عبدالرحمن: اربكم نمتوا زين بغرفتكم الجديده عبدالرحمن وهو يشد على يد حنين : أي والله احلى نومه نمتهاامس حنين بهالحظه حست ودها ان الارض تنشق وتبلعها شمعنى الي يقوله وش قصده ياربي نسيتي ياحنين انه ريلج ويوم راح تنامين معه وراح تحملين منه وتجيبين عيال وين مخج راح له ياحنين وين فضلت السكوت حنين بس افكارها كانت تاخذها بعيد وتوديها يمين ويسار وسط دوامه يمكن لها نهايه ويمكن مالها أي نهايه غزل شافت السلسال الي معلق بحلق دلال وهي نايمه بشويش قربت منها وفتحت القلب وقرت الي فيه وجلست تضحك وبنفس الوقت تبكي تضحك على حركات اخوها ودلال وتبكي لانها تعرف معنى الحب وكم تمنت تكون مع الي تحبه مسحت دموعها بسرعه قبل لاتحس عليها دلال وبهمس الله يوفقج يادلول وربي تستاهلين راحت للهديه الي شراها فيصل لدلال ماتدري ليش يمكن فضول فتحت ولقت فيه عطر حست بالراحه ماتدري ليش الحين انا شاريلي الماس و دلال عطر كل هذا يدل لشي واحد ان فيصل يحبني اه يافيصل مدري وش راح يصير علينا قامت بسرعه ونزلت والف فكره تدور في بالها علي اتخذ قرار نهائي خلاص راح ينفذه ولازم يسوي شي يحس بالراحه فيه شي كان سعود ناوي عليه كانوا متفقين عليه بس الحين هو الوحيد الي راح يكمل المشوار لان سعود مات لقى اهله كلهم مجتمعني ابتسم وسلم عليهم علي وهو يطالع بابوه وامه: ابي افاتحكم بموضوع مهم بالنسبه لي الكل : شنو علي : انا ابي اسافر للخارج واكمل دراستي هناك واخذ الدكتوراه ام عبدالرحمن تبكي: الله يوفقك ياولدي بس انت متأكد من قرارك ولالا علي وهو يبوس راسها: افا يالوالده وهذا انا بروح عشان اجيبلج الدكتوراه وتبجين ابو عبدالرحمن مبسوط: والله والنعم فيك ياولدي راح علي وارتمى بحظن ابوه يبكي من الفرحه ان الكل كان مبسوط بقراره والكل بنفس الوقت حزين على فراقه حنين بكت تذكرت سعود كان هذا طموحه كان ناوي على هالشي بكت لان اخوها مو عايش عشان يكمل هالمشوار مع علي ويكفي انها انحرمت من اخوها والحين راح تنحرم من علي الي فيه كثير من سعود حس عبدالرحمن فيها وبهمس : حنون تبكين من الفرحه ولا من شنو بالضبط حنين وهي تشوفه: ابكي لان علي يذكرني بسعود والحين بيروح ولاقدرت تكمل من البكى علي سمع حنين والتفت عليها: حنين هذا الشي كان يتمناه سعود وعشان سعود وحبي له اصريت اكمل بالخارج حنين زادت دموعها: الله يوفقك ياعلي وترجعلنا سالم ومعك الشهاده يارب ابتسم علي لحنين : امين الكل كان فرحان وحزين على فراق علي وفرحان على طموحه والكل عارف سببب طموحه هو سعود بعدها علي بدا بتجهيز اغراضه لسفره للخارج &&&&&&&&&&&&&&&&&& &&&&&&&&&7 &&&& تعب من صدها خلاص مايحتمل راح يصكون الشهر وهو مالمسها ولازم يسويه بالغصب ولا بالطيب طلعت وكانت لابسه قميص قصير ابيض وفاله شعرها جلست عشان تنام ماحست الا بالي رمى نفسه عليها وصار يبوسها حنين تحاول تبعده عبدالرحمن انا تعبانه ومالي خلق عبدالرحمن وحس بالعرق راح ينفجر من راسه : وانتي دايم تعبانه حنين مايصير كل هذا سحى ولاشنو كم مره تصديني ياحنين خلاص حقي باخذه بالغصب ولا بالطيب حنين بهالحظه صارت تبكي وتترجاه بس عبدالرحمن مل من كثر مايعطيها لاعذار طلع من الحمام وحاط الفوطه على خصره كانت تشوفه وعيونها غرقانه بالدمع غرست راسها بالبطانيه وصارت تبكي عبدالرحمن بعصبيه: ليش هالدموع انتي مرتي والي نسويه حلال تفهمين انتي ولاكيف يله قومي تسبحي بدل عبدالرحمن ملابسه وطلع وخلاها وسط دوامه من افكارها خلت الماي يغسل جسمها وياليت لو بهالطريقه تقدر تغسل فيها افكارها انا ليش افكر بياسر ياسر نساني وتركني وعاش حياته المفروض اعيش حياتي الى متى افكر فيه يكفي ادق على جواله واشوفه مغلق خلاص ياسر طواني وصرت مجرد صفحه من صفحات حياته والي اسويه بعبدالرحمن حرام ومايصير معقوله الي سواه عبدالرحمن فيني صحاني من غفلتي الحين هو زوجي ولازم اصير مخلصه له اه ياسر من هالحظه سكرت قلبي وراح اتقبل وضعي مع عبدالرحمن واعطيه حقوقه كلها ولاراح اقصر معه بشي عبدالرحمن مايستاهل الي يصير فيه والي اسويه انا فيه لازم افتح صفحه جديده من حياتي معه وانسى الماضي الي نساني عبدالرحمن حس بتغير حنين معه وصار مايقصر معها بشي كان معيشها ملكه بس رغم هذا الفرحه بقلب حنين مالها أي طعم عايشه بروح بدون جسد صحيح تضحك صحيح تحس بالفرح بس عمره ماوصل لقلبها &&&&&&&&&&&&&&&&&&& &&&&&&&&&& &&& ياسر اليوم اول يوم لي بالتدريس بصراحه كنت خايفه ومرتبكه لو تشوفني تموت ضحك علي كنت محتاره شنو البس باول يوم وش اسوي و البنات كلهم كانوا مندمجين معي وانا اشرح لهم الدرس حسيت بقلبي بيطلع من مكانه من الخوف والربكه امشي وسط الطالبات واسمع قصصهم وحكايتهم اه تذكرت ايامي انا وحنين وسوالفنا تذكرت ايام الدراسه والمراهقه تذكرت هبالنا ورجتنا تذكرت كل شي وانااشوف الطالبات تصدق خفت اشوف حنين باول يوم بس تذكرت ان زوجها خلاها تجلس بالبيت والكورس الثاني راح تدرس بس مدري لو عرفت انها بتكون بنفس المدرسه االي انا فيها راح اغير المدرسه ماابي اشوفها خلاص ابيها تنسانا وننساها بشاير كانت جالسه على طرف السرير قبال اخوها ياسر الي منسدح وشبه ميت وتسولف عليه كانت بشاير هذي حالتها مع اخوها تجلس عنده وتسولف تعرف انه يسمعها ومؤمنه ان يوم من الايام راح يقوم ويشوفها يمه تروح للمدرسه وترد تتغدى وبعدها تاخذ لها قيلوله وبعدها تحضر دروسها وتروح للمستشفى عند ياسر وتحكي يومها له وش الي صار لها والي ماصار بشاير خطوبها ناس كثير بس هي رافضه تبي تتملك واخوها عندها وغيره لا والكل يحس بطلبها انه ميؤس من حالة اخوها وبعدها تتفركش الخطبه هذي هي حياتهم كل واحد يعيش بهمه ومع حزنه وغمه كل واحد يعيش وسط الي يحبه ويرتاح له كل واحد يبتسم ليومه القادم بكل مافيه من حلو ومر دلال وتركي حبهم قرب يتوج بالزواج فيصل وغزل محد يدري وش راح تكون نهايتهم عبدالرحمن وحنين رغم عناد حنين وصدها الا انها استسلمت لواقعها المرير ياسر الي محد يدري حي ولا ميت بشاير الي تغيرت وصارت تعيش لأمها واخوها وبس علي الي ضحى بكل شي عشان يحقق حلم سعود وحلمه ويوصل لهدف معين في حياته الله كلهم جمعهم الحب وكلهم فرقهم الحب عاشوا حياتهم بحلوها ومرها ولا احد فكر انه يعيش حياته بدون حب رغم الي سواه فيهم الا انهم تخطو كل مرحله من حياتهم بنجاح بس ياترى هل راح يستقر وضعهم ولا راح تتغير امور كثيره وهل راح يكون فيه فراق ولا اكتفوا من الفراق محد يدري منو الي يستقر ومنو الي مو مستقر كلهم يعيشون بتقلبات الحياه وتقلبات الحب ولوعته الحياه ماتوقفت على حالهم كل يوم ولها حال مختلف عن الثاني متى تستقر احداث ابطالنا متى اشوف البسمه على شفاهم متى السفينه قربت توصل لمرساها وراح تستقر للأبد بهالمرسى