شفت الحبيبه - الفصل 11 - بقلم احلى بدويه - مكتملة | روايتك

دخلت امها عليها وشافتها منطويه على سريرها وتبكي قربت منها وضمتها صارت تقرا عليها القران تحاول تهديها حنين من بين شهقاتها: يمه ليش ليش تسون فيني كذا ليش يمه امها مازالت تقرا عليها القران حنين بحسره : يمه حرام عليكم تبنون حياة شخص على حساب انكم تهدمون حياتي والله حرام ام فيصل: حياتي امسحي دموج ولاتخلين الناس تتكلم عنا بالشين حنين بالالم : يمه تكفين لاتصيرين معهم ضدي انا ماسويت شي غلط ام فيصل وهي تقوم عنها : والي تسوينه الحين موغلط حنين وهي تشوف امها : موغلط الغلط الي سويتوه فيني وفيه ام فيصل طلعت وخلتها تبكي على خسارة ياسر ابوفيصل : شلونها الحين ام فيصل بحزن : والله البنت ميته من البكى فيصل بعصبيه : والله هذي وحده يبيلها تسنيع انا اروح اتفاهم معها تبي تفضحنا عند عمي هذي شكلها ابوفيصل : فيصل فيصل : لبيه ابوفيصل : ماابيك تمد ايدك عليها تفهم فيصل : انشالله يبه دخل عليها وشافها تبكي قرب من عندها : حنين حنين تبكي : خير فيصل بعصبيه: اسمعي ان ماقمتي الحين وتكشختي ومسحتي دموعج والله لتشوفين شي ماشفتيه حنين ودموعها تزيد: وليش انشالله اسوي كل هذا فيصل بصوت عالي: ليش لانج راح تطلعين تشوفين عبدالرحمن حنين حست كان احد عطاها كف : شنو فيصل : الي سمعتيه حنين وهي تصرخ : ومن قالك اني ابي اشوفه ولاابي اتزوج انا ماابيه ولا ابي اشوفه تفهم انت فيصل رفع ايده بس تذكر ابوه قام من عندها : لا بتطلعين وتجلسين معه وراح توافقين غصبأً عنج مو براضاج تفهمين واي شي راح تسوينه اعرفي انج راح تذبحين ابوج طلع وخلاها تكون بين نارين نار ابوها ونار ياسر بالدوانيه*** كان الملاك جالس وعلى يمينه ابو فيصل وعلى يساره عبدالرحمن وتملك عبدالرحمن حنين الملاك : الف مبروك عبدالرحمن مبسوط: الله يبارك فيك وقام وراح يسلم على عمه ابوفيصل : لااوصيك ياعبدالرحمن على حنين عبدالرحمن : ولو ياعمي حنين بعيوني فيصل وهو يسلم على عبدالرحمن : مبروك يالنسيب عبدالرحمن : الله يبارك فيك ابو عبدالرحمن يسلم على ابوفيصل: واخيرا ياخوي صرنا انسباء صار يضحك ابوفيصل وابوعبدالرحمن نواف وهو يسلم على عبدالرحمن : مبروك وترا حنون غاليه لانوصيك عبدالرحمن يضحك: ابشر طال عمرك ههههههههاي علي يضم اخوه: مبروك والله ومنك المال ومنها العيال عبدالرحمن يبوسه : الله يبارك فيك تركي وهو يحب راس اخوه : مبروك واخيرا اعرست يله الحين دوري الكل : ههههههههههههههههههههاي بغرفة حنين *** دخلت عليها غزل وشافتها تبكي ركضت لها وضمتها بكل قوتها لانها تعرف معنى الواحد لما يفارق الي يحبه غزل وهي تمسح دموع حنين : بس ياحنون مايصير اليوم ملكتج حنين تبكي : غزل تخيلي رفضوا ياسر وزوجوني عبدالرحمن ليش ياغزل ليش ليش وصارت تبكي غزل وهي تهديها : حنون تكفين حرام الي تسوينه بنفسج تكفين لاتفضحين عمرج تكفين ياحنين حاولي تتماسكين تكفين وعبدالرحمن يحبج والله انه يموت فيج حنين تشاهق : غزل ليش الفراق مكتوب علينا انا وياج غزل ودموعها انملت على وجها : هذي الحياه ياحنون تفرق بين المحبين حنين وهي تشوف غزل : غزل ليش هذا حظنا مع الي نحبهم ويحبونا "( الي نبيه عيا البخت لايجيبه والي يبينا عيت النفس تبغيه )" فتح باب الغرفه وكله غضب شاف حنين ومعها وحده اول ماشافها فز قلبه ضل يطالع فيها غزل اول مانفتح باب غرفة حنين وقفت من الخوف وصارت طالع بفيصل فيصل انجن عليها على شعرها الي مرفوع وشفايفها الورديه وعلى وعيونها الي من اول ماشافها ماقدر انها يمحيها عن باله حس بعمره وبهدؤ: حنين يله عبدالرحمن بيشوفج تجهزي وطلع حنين تبكي : شسوي ياغزل ساعديني شسوي غزل وهي طالع حنين بحزن : حنون حنين وهي ترفع راسها وتلاقت عيونهم : هلا غزل وهي تاشر على قلبها : سوي الي يريح قلبج وتحسين انج ترضين الكل حنين كان احد صاحها من غفلتها وعرفت انها الحين مستحيل تاخذ ياسر وانها لو سوت شي تعرف ان فيصل راح يذي ياسر عشان كذا فضلت انها تنهي الموضوع بدون اوجاع يكفي اوجاع الفراق قامت وغسلت وجها وحطت كريم عشان يخفي اثر دموعها حطت كحل داخلي وكلوز ولبست تيور مشجر وبدي اسود لمت شعرها كله وطلعت لها قصه من شعرها وتعطرت وتوكلت على الله غزل كانت طالعه ابتسمة لانها تعرف حنين عمرها ماتسوي شي تتحسف عليها طول عمرها مسكت ايد حنين وطلعت معها تحت جلسوا الحريم يسلمون عليها ويباركون لها ام فيصل تبكي : مبروك يابنتي حنين وهي تبوس راس امها : الله يبارك فيج يايمه وجلست مع الحريم ناداها فيصل وعرفت انه الوقت الي تشوف فيها زوجها قامت وحست برجفه وخوف مو طبيعي حست كانها رايحه للموت حست انها ترجف وتهتز دلال ضربت غزل من ايدها لفت عليها غزل : شتبين دلال بمكر : امشي خلينا نشوفها مع عبودي يله غزل تضحك: ههههههاي مجنونه انتي شبيقولون عنا دلال: ياعمتي شدراهم قامت دلال وسحبت معها غزل وراحوا ورا حنين مسك فيصل ايدها وحس برجفتها وخوفها : عادي لاتخافين مارح ياكلج شافت فيصل بنظرات كلها حزن كان جالس بالمجلس الداخلي وينتظر يشوف عروسته وحب حياته وحبه الي تتوج بالزواج دخل عليه فيصل وهو ماسك حنين الي منزله راسها ماتبي تشوفه عبدالرحمن وهويوقف وماد ايده لحنين: مبروك ياحنين حنين طولت مامدت ايدها ولاكانت تبي تمد ايدها بس فيصل حس انها طولت على عبدالرحمن ومسك ايدها وحطها بيد عبدالرحمن حنين بصوت مخنوق وزادت رجفة ايدها : الله يبارك فيك دلال وغزل كانوا يطلون من الباب وقعدو يضحكون على عبدالرحمن المرتبك وبنفس الوقت مبسوط وعلى حنين الي منزله راسها جلسها فيصل يم عبدالرحمن وطلع من عندهم دلال بخوف : غزل فيصل ماقعد معهم غزل بربكه :غريبه توقعته مارح يخليهم بروحهم دلال وهي تنحاش: شوفيه ناصينا انحاشي غزل ارجولها ماشلتها من الخوف ولفت دور دلال بس ماشافت الا غبرتها وبسرعه حاولت تنحاش بس طاحت فتح الباب وسكره اول ماشاف القمر ابتسم لها كان شكلها وهي طايحه يضحك منسدحه على الارض وثوبها على قصره ارتفع زياده رفعت راسها من الخوف وشافته يطالعها فيصل : والله هذا جزا لقافة البنات غزل وهي تنزل ثوبها تحاول تستر نفسها : اسفه فيصل وهو يمد ايده لها : ماعليه بس اهم شي انج تعلمتي غزل وجها صار احمر ولامدة ايدها فيصل وهو يشوفها باعجاب : يله مايصير تجلسين منسدحه بالطريق مدة غزل ايدها فيصل اول مامسك ايدها حس بشعور غريب ودقات قلبه الي زادت رفعت عيونها وتلاقت بعيونه كانوا حيل قراب من بعض فيصل وهو يطالعها حس ان قلبه بيوقف مكانه وغزل صارت تسب في دلال الي حطتها بهالموقف وخلتها بوجه المدفع ابتسم وهمس لها : ياليتج تتعودينها كل يوم حست كان احد صب عليها ماي بارد ماتدري ليش حست بهالخوف وبنفس الوقت الراحه قطع عليهم لحظتهم صوت امال الي كل ماله يقرب من عندهم ارتبكت غزل وارتبك فيصل وصار كل واحد يطالع الثاني فيصل وهو يطالع بعيونها الخايفه: اسمعي انا بطلع الحين وانتي خليج وانا راح الهيها وبعدها اطلعي بسرعه هزت غزل راسها وبسرع طلع فيصل لها فيصل : هلاقلبي امال بدلع: شعندك فيصل ببتسامه صفرا: ولاشي بس توني مودي حنين وطلعت امال وهي تمشي وتبي تفتح الباب وقبل لاتفتح الباب مسكها فيصل من خصرها : قلبي ابيج شوي امال تدلع: فيصل مو الحين فيصل يبتسم : قلبي ابيج بس شوي امشي معي للغرفه امال تبتسم : انشالله عمري غزل وهي تحط راسها على الباب برتياح كانت تسمع كل شي دار بين فيصل وامال وضحكة على فيصل وحركته طلعت بسرعه ولحقت دلال عشان تهزئها **************************** عبدالرحمن وهو يطالعها : شخبارج يالعروس حنين ماودها تسمع كلمة (العروس) تحس بالقهر وانها الود ودها تقوله انا مو عروس انا انسانه ميته حنين بحزن : بخير عبدالرحمن مد ايده ورفع وجها المليان وتلاقت عيونه بعيونها: حياتي ليش كل هالحزن حنين حست ان دموعها بتخونها اول مره طالع بعيون عبدالرحمن حست شقد مزيون : يتهيالك (يتخيلك) ابتسم عبدالرحمن : ياقلبي اجل تستحين حنين وهي تحاول انها ماتشوفه : أي عبدالرحمن وهو يمسك ايدها الناعمه : قلبي انا الحين زوجك يعني لاتستحين ياروح عبودي حنين حست بالكهربا بكل جسمها وناظرته بخوف: انشالله عبدالرحمن قرب وطلع من الكيس الي جنبه صندوق وفتحه قدامها حنين شافت الطقم كان روعه وناعم : ليش كلفت على عمرك عبدالرحمن وهو يطلع العقد الي من الماس : حياتي اللماس للماس وقرب منها عشان يلبسها حنين خافت وصارت ترجف اكثر : خلاص انا البس نفسي عبدالرحمن يبتسم بمكر : لاحياتي انا الي بلبسج قرب منها ولبسها العقد وهمس لها : احبج ياعمري حنين مصدومه طلع الخاتم ومسك ايدها ولبسها وباس ايدها : اوعدج حنون راح اخلي كل حياتنا سعاده حنين مازلت في حالة الصدمه وطلع الحلق عشان يكمل بس حنين قطعته :عاد لي هني وخلاص الحلق البسه بعدين يكفي العقد والخاتم ابتسم لها بحب: من عيوني ياقلبي حنين وهي تحس بالالم لما تسمع كلماته وحنانه وطيبته حست انه ماله ذنب وانها ماتدري كيف تعيش مع شخص ماتحبه وقلبها مع شخص غيره كانت كل هالافكار تلعب براس حنين ياترى ياحنين كيف راح تقدرين تعيشين مع شخصين كلهم يحبونج وكيف تقدرين تختارين وكيف راح تنسين ياسر وكيف يعيش ياسر بدونج ؟ عندما نعشق نحب ان نعشق بجنون عندما نعلم ان حبنا دام نحب ان نتخاصم عندما نشعر بنشوة الحب تاتينا لحظة فراقه عندما نبتسم لحظه نبكي لحظات دخلت على البنات الي اول ماشافو الي معلق على صدرها وهم يصارخون الجوهره : والله ماعرفت ان اخوي عنده ذووووق حصه : لاوبعد الماس ياعيني حنا حدنا ذهب ويخب دلال : مشاله والله انه حلو على حنون هي الي محليته غزل وهي تسكتهم : خلاص يابنات احرجتو حنين حنين نزلت دمعها خانت محجر عيونها: بنات لاتحسدوني عاد الكل : هههههههههههههههههههاي توقعوا انها تبكي خايفه احد يحسدها مادروانها تبكي على الي خذا روحها معه على شخص ماتدري كيف راح تكون العلاقه معه بعد كل الي حصل لها وله غزل وهي تبتسم لحنين لانها الوحيده الي عارفه مصدر الدمعه: حنوون شسويتوووو حنين طالعها بنص عين: مايخصج وشغلج عندي غزل تضحك: ليش شسويت هههههههههاي حنين : انتي عارفه انه راح يلبسني ولاتكلمتي غزل ماتت ضحك: ههههههههههاي احسن تكون مفاجئه حنين ببتسامة حزن وانكسار : اشوف فيج يوم * * * * * * * أهاتى دموعى صرخاتى ماذا أقول لقلب قد أنكسر ولروح أصبحت تعيش في الغربة تصارع أمواج اليأس دون جدوى تمارس لعبة التحديق بعين الأمل والركض خلف ظلال الشمس تكتم آهات ودموع خلف إبتسامة زائفة ترسمها على ملامح قد قتلها الحزن ليتني أستطيع أن أتنفس من خلال الآه لكتبت عن الليل الذي أقضيه وحدي وأنا التوي ألماً وأبكي وجعاً ولا يسمع صدى أنيني الا جدران الزمن الراحل وظلام الليل الذي يلفني بأحضانه وأنابين الحين والحين أشعربأنياب تنهش نبضي ويد تحمل فأساً تهدمني ويد أخرى تحاول أن تبنيني ماذاعساني أن أكتب أنا موجوعٌ حد الألم حد النزف أمالي أفراحي تعبر مثل الغيم ومع الفجر الطالع تتلاشى أحيا بين حطام نفسي ورماد يأسي وأتفتت من جديد أتكرر حتى الظلمة كالطفل الذي تاه في زحمة المارين يبحث عن طيف والديه يسمع أصواتهم من بعيد فيهيم بالبكاء ولا أحد يعير له أهتماماً ولا أحد يحس به وبمدى الرعب الذي يشعر ه بداخله كلما حاولت أن أعيد ذاكرتي أغرق بموج النسيان لا أظن أن تتلاحم أجزائي ولا أعتقد أن تتجمع أشلائي تركت بعضي هنا مودعاً وفي نفسي تصرخ أحلامي تبكي خيبة أيامي كالعصفور الذي تجمد في الريح يتعثر ويسقط ويموت لا أستطيع التحلق من جديد كل ما بداخلي قد تحطم وانكسر وتلاشي وأنتهى حتى أنتهيت * * * * * * * انتهت الملكه وكلن راح لبيته حنين منسدحه على سريرها وحست انها بحلم وان كل الي صار كابوس وتتمنى انها تقوم منه وتلقى نفسها بحظن ياسر حست انها تتعذب وتذكرت كلام سعود وصرخت باعلى صوتها اه ياسعود وينك تشوف الي انا فيها وينك ياسعود وينك وصارت تبكي وهي بحيره والم وعذاب عذاب الحب الم الفراق حيرة العاشق تمنت انها تموت ولاانها تكون بحظن غير حظن ياسر مسكت العقد على حلقها وجرت بكل قوتها ورمته على الارض حست كانه يخنقها شافت الخاتم الي على اصبعها وصارت تصرخ وعرفت انها مقيده بعبدالرحمن للأبد ومستحيل ان عبدالرحمن يتركها حست بلوعة الحرمان وقلة الحيله وجرح الزمان حست كأن هموم العالم على راسها حست بالضيقه الي تخنق انفاسها اشياء كثيره كانت ادور في بالها تعبت من التفكير والدموع جفت والكلام عجز يطلع او يذكر اسباب الي صار 00 الفراق كلمه ولكن يوجد بداخلها الف معنى الفراق هو الالم والعذاب والاااااه هو التشتت والبعاد هو الرحيل والمعاناه 00 فكم يكره العشاق الفراق وكم شتت الفراق من عشاق هو لوعة العاشق وانكساره وحزنه 00 فلماذا ايها الفراق تفعل بنا هكذا ؟؟ اجبني ارجوكـ فكل من حولي التزموا الصمت على الكلام 00 ايها الفراق لماذا تٌكتب على العشاق فقط ؟؟ لقد انهيت حياتنا وبدأت في ترتيب وفاتنا هنيئاً لكـ ايها الفراق عذابنا وحرماننا من الحب ومن الحبيب هنيئا لكـ تمنت انها تسمع صوته وماتبي تبتعد عنه من غير وداع اوكلمة حب بس كل شي كان ضدها ماكنت تقدر تسوي ولاشي غير الدموع والتمني شغلت مسجلتها وردت انسدحت على سريرها وكانت اغنية راشد الماجد < ساعات > ساعات احس ان الزمن قاسي ولا يمكن يلين وساعات احس ان الفرح محال ولا يمكن يحين هذا الي شفته بدنيتي وكل مامضالي من سنين يامن يعلمني الفرح ويفرح القلب الحزين ساااااااااعات اشكي مرارت حيرتي بدنيا ماضني بتزين واذا بدى بعيني الامل تجد احزاني وتبين روح زماني وانتهى وتركلي الجرح الدفين دنيا كفى الله شرها تخلي كل قاسي يلين سااااااااااعات سمعت حنين الاغنيه وزاد المها وعذابها تفتحت جروح في قلبها مايداويها الا الحبيب كانت حنين في حاله لاتوصف ماتدري هي بحلم ولاعلم وكل الي صار لها من فراق الحبيب وهل راح تقدر تنساه ولا لا؟؟ والي سواه فيها ابوها واخوها لمصلحتها ولسعادتها ؟؟ وهل عبدالرحمن راح يكون مصدر سعادتها مثل ماقال او مصدر تعاستها والامها؟؟ حنين راح تعيش مع عبدالرحمن الانسان الي يعشقها لدرجة الجنون وراح تترك الانسان الي عشقته لدرجة الجنون ولا راح توقف بوجه اهلها وتعيش مع الي هواه قلبها والي ملكها ببساطته وحنانه وحبه ؟؟ حنين كان تفكيرها تعبان وحست انها ارهقت اليوم كله من كثر البكا والهموم والقهر رفعت ايدها لسما ودعت الله انه يبعد الهموم من قلبها ويفرج كربها ويكتب الي فيه الخير لها 00 ________________________________________ بالأمس... كنا عاشقين متيمين حالمين نبني قصور الأمل في حياتنا يشع نور هذا الأمل علينا فنستنير به في دروب حياتنا ويبعث لنا الدفء والحنان الذي نبحث عنه ولا غنى لنا عن ذلك الشعاع السحري الذي خطف أبصارنا و بعض عقولنا وقلوبنا وخطف معها كل الروح منا واليوم... أصبحت مجرد ذكرى جميلة وفي بعض الأحيان ذكرى مؤلمة تقبع هناك في ركن الذاكرة البعيد كلما اشتقت إليك والى أيامنا الخوالي بكل ما فيها من حب ..وأشواق.. ولهفة .. وفراق ..وألم ..ولوعة ..وعذابات ذهبت إلى ذلك الركن البعيد من ذاكرتي فنفضت عنه غبار الأيام وتقادم الزمن وأستعرضت شريطه الطويل من الذكريات بكل ما فيه من معاني الحب والأحاسيس والمشاعر أتلذذ بما يحويه من حنان لأني مصاب بالحنين إليه أبتسم لتلك اللحظات الجميلة الرائعة التي كنا نعيشها أشتاق الى ذلك القلب الذي احتواني بكل دفء حنان أحس بلوعة قوية تحرقني الى درجة الإرماد أشعر بعذاب و ألم أتألم ..و أتألم الى درجة اللاوعي وعندما ينتهي شريط ذكرياتك المليء بكل ما في الحياة من أحاسيس شفافة ومشاعر فياضة وكل معاني الحب أطوي ذلك الشريط بكل عناية و أعيده الى مكانه في ركن ذاكرتي البعيدة محتفظا بكل محتوياته لأني أعلم علم اليقين أنني حتما سأعود إليه لأني محتاج إليه ... و الى حبك.. أكثر.. و أكثر .. و الى الأبد. تتامل الحديقه لاخر مره خلاص اخر منظر تبي تودعه تنهدت بقوه من قلب كيف راح تنسى الشخص الي حبته طول حياتها وهل هو يحبها ولالا اه طلعت الاه من قلبها كلها حزن وفرقى شافها فز قلبه من مكانه من غير مايحس صار قريب منها كان يتاملها وهي سراحانه ويطالع بعودها الريان وشعرها الي يطير مع لفحات الهوا البارد وخشمها لاحمر من البرد وعيونها الي تلمع بالحب وخشمها المسلول يعني جننته بجمالها وزياده على كذا كانت لابسه بدي وبنطلون جينز ومبين تفاصيل جسمها الحلو سمع تنهيدتها من غير مايحس تنهد وحط ايده على قلبه اه ياقلبي دلال بخوف لفت الا وتشوفه ماحبت تصد خلاص هي بتروح وتبي تودعه تبي تناظر وجهه لاخر مره بحياتها ماتبي تبعد عنه بهالحظه ظل الصمت بينهم ولحظه كانت العيون هي اللغه الي يتكلمون فيها حبت تكسر هالصمت وبصوت مخنوق: شتبي ياتركي تركي وهو يطالع بعيونها : شفيج يادلول ليش هالحزن بعيونج دلال بحزن : ماتدري ليش تركي بهلفه: لا ليش دلال وهي تنزل عيونها: اليوم بنسافر ابتسم تركي: وليش كل هالزعل دلال وجها احمر: والله انا تعلقت بغزل وحبيت حنين وخالتي والكل بصراحه وصعبه لحظة الوداع ياتركي تركي وهي يرفع راسها : دلول دلال وهي تشوف عيونه المليانه حنان: هلا تركي بهمس : انشالله لاجيتي مره ثانيه مارح تطلعين من بيتنا دلال عيونها امتلت بالدمع وكان النزاع بين القلب والعقل معقوله تركي يحبني معقوله ايه ماتشوفينه شيقصد يبي يتزوجك وانتي مو حاسه فيه واخيرا راح نتوج حبنا ياتركي نزلت دمعه على خدها تركي وهي يمسح دمعتها : دلال شفيج ليش كل هالدموع كل هذا فرحه انج راح تتزوجيني دلال وجها صار احمر وحطة ايدها على خصراها: لاوالله اصلاً العبره خانقتني لاني بسافر وتراي مو ميته عليك لحد يصدق عمره ولاابيك تتزوجني الحمدالله والشكر قال ايش ابكي عشاني بتزوجك وين صارت فلم هندي وراحت وهي معصبه من كلام تركي بس تركي كان اسرع منها ومسك ايدها وجرها بقوه لين صار وجها قبال وجه تركي تركي بخبث: طيب حطي عيني بيعنج عشان اعرف اذا تبيني ولا لا دلال وهي تضربه من صدره : اتركني لحد يشوفنا الحين ويسويلنا سالفه تركي وهي يشد على خصرها : خليهم يشوفونا وااحد مع حبيبته ولا بكرا راح تصيرين زوجتي يعني عادي دلال وهي تعض على شفايفها من القهر : والله اذا انت ماتخاف على نفسك انا بنت واخاف على سمعتي يله اتركني ياتركي تركي ببتسامه خلتها تنزل عيونها: تبيني اهدج دلال وهي منزله عيونها : اي تركي بخبث: طيب بس بشرط دلال وهي ترفع راسها : والله الي فاضي يتشرط اقولك الحين اتركني لايشوفنا عمي ولاخالتي ولاامي وانت تبي تتشرط علي تركي وهو يضحك: ههههههههههههاي كيفي تبين ولا تراي ماني هادج دلال وهي تصك على اسنانه من القهر: طيب قول بسرعه تركي وهو يقرب من اذنها : موافقه يادلال اني اكون زوجج دلال ذابت وحست بالدفا بكل جسمها ماعرفت تردعليه شتقوله انها تتمنى هالحظه طول عمرها انها موافقه وبطير من الفرح انها مو مصدقه كل شي يصير بهالحظه تركي وهو يهمس مره ثانيه بذنها : دلول شرايج موافقه ولا دلال وجها صار احمر وبتردد: موافقه والحين يله اتركني تركي وهو يبتسم : من عيوني ياقلب تركي فكها تركي وصارت تركض والفرحه مو سايعتها ومو مصدقه كل شي صار لها مع تركي تركي كان يطالعها وهي تركض وصار يضحك على سحاها وعفويتها الي خلته متيم بحبها اما دلال من شدة فرحتها بكلام تركي حست بالرجفه بكل جسمهاالي كله يرجف من الفرح و كان قلبها يتراقص على نغمات حبه لتركي كانت تحس انها بحلم وانها لازم تصحى منه عشان تحس انها مو بحلم وبالفعل اقرصت ايدها بقوه وكل الي حست فيه انها بالواقع وكل شي حصل بينها وبين تركي حقيقه تنهدت بقوه اه اخيرا حلمي تحقق كلنـــــا...نسأل عليك.! كلنـــــا...نوله عليك... مابقي بالدنيا ورده.. ماذبحها الشوق فيك.! آآآآآهـ .. لوتدري حبيـــــبي,, كلنـــــا .... نسأل عليك... كل هالدنيـــــا وأهلها... آآآآآهـ .. يا ماكبر زعلهـــــا. !! وقت ما ترحل حبيبي , في غيابك وش تكون ?! غير تعتيم...وسكون ! وصـــــارت الدنيـــــا مواجع ! كلها... تشـــــكي تبيــك... وصـــرنا بغيـــــابك حبيــــــــــبي كلنـــــا...كلنـــــا..... نسأل عليك ! الـزهر ... بعدك يموت!! والـعمر ... كلـــه يفوت!! حتى أصـــــوات الشوارع.. يعتريها في غيـــــابك.. كل...لحظـــــات السكوت!! والـــدروب الـــلـــي بــدونك... كيـــــف أبمشــــيها بـدونك?! والمكـــــان الـــــلـــــي جمعـــنا مــــا رضـــــي مره يخونـــك بس لو تدري...حبيـــــبي أنا...وعيـــــوني...وقلبي! منهو مــايســـــأل... عليــــك.! منهو مــايــــــوله... عليـــــك.! كلنـــــا ... يانــــور عينـــــــــي كلنـــــا...كلنــا...نسـأل عليك..! غزل بلهفه : سعود حي سعود مامات سعود وهو يقرب منها : ومنو قال اني مت غزل وهي مو مصدقه قربت منه وضمته لين حست ان ضلوع سعود بتطلع وتاكدت ان سعود حي سعود وهو يمسح على راسها : غزولتي اشتقتلج غزل ضمته بقوه وصارت تبكي حست انها مشتاقه لسعود حيل حست انها ماتبي تتركه والحين سعود الي مات صار قدامها بشحمه ولحمه سعود وهو يمسح دموعها : قلبي ليش كل هالدموع اذا تحبيني ماابي اشوفهم ياغزول غزل حست انها من الفرحه موقادره تتكلم حست انها فرحانه رجعت وضمت سعود : طلبتك يابعد روحي طلبتك لاتخليني بروحي تراي بدونك ولاشي شوف شكلي مسكة غزل يد سعود وحطتها على وجها الذبلان شوف صرت من غير روح بدونك شفت ياسعود كيف انا ماااقدر اعيش بدونك سعود حط ايده على فهمها : اشششش ماابي اسمع شي خليني ياغزول احس بالنفاسج الي تنعشني خليني اسمع دقات قلبج الي اشتقت لها خليني اطالع عيونج الي خلتني هايم فيج خليني امسك شعرج واشمه وحطه على وجهي خليني ياغزل اعيش معج هالحظات مسكة غزل سعود وصارو يركضون مع بعض انسدح من التعب وهو يركض مسك ايدها : تعالي يمي غزولتي غزل ببتسامه : كلي لك فديتك صارو جالسين على الشاطئ غزل حاطه راسها على صدر سعود وصارو يتأملون البحر وغروبه سعود : قلبي تدرين اني اموت فيج وانج مارحتي عن بالي ولا لحظه غزل وهي ترفع راسها وتشوفه : سعود اناا احبك واعشقك والله احبك انت ماتدري شصار فيني يوم اني توقعتك ميت حياتي كلها صارت هم وغم سعود ببتسامه وهو يطالع عيونها : ذبحني الشوق ياغزل كل الايام الي طافت قاعد افكر فيج غزل وهي تغرس راسها بين ضلوعه وتبكي: تكفى لاتخليني سعود خذني معك لاتخليني اعيش بدونك سعود وهو يرفعها عن صدره : تعالي ياقلبي معي غزل صارت تتبع خطوات سعود تفاجأت بالي شافته طالعت بسعود مصدومه (كان عباره عن جنه كان فيها كل شي حلو كان العشب الاخضر منتشر بكل مكان ولانهار وصوت العصافير والورود الي اشكال والوان واشياء مااقدر اوصفها ) سعود وهو يبتسم : غزول هذا مكاني غزل مصدومه : وين مكانك ياسعود سعود ابتسم وقرب من اذنها حيل : احبك ولاني احبك ابيك تنسيني ترا وضعج مو عاجبني ياعمري غزل امتلت عيونها بالدمع : بس اانا ماقدر انساك سعود انا ااحبك سعود وهو يبوس راسها ويحط كفوفه على خدها : غزول عيشي حياتج انا مارح ارجع لج ابداً مايصير الي تسوينه بعمرج انا مارح ارد ابدً حطي هالكلام حلق بذنج وعيشي حياتج من غير هم ونكد وانا عاجبتني عيشتي هني وابيج مثلي مستانسه انسيني ياغزل انسيني غزل وهي تضم سعود : لالالا لاتخليني ياسعود مااقدر صعب اني انساك مااقدر والله مااقدر قرب منها عشان يهديها ويمسح دموعها حط كفه على خدها ومسح دموعها حست بالحنان والدفى من بين ايدينه طالعت بعيونه الي احلوت كثير وتغير عن قبل حست انه الحين احلى بكثير من قبل ابتسمة وحست بالي طبع على خدها بوسه خلتها تبتسم وتستحي طالعت بسعود الي مسك خصرها وبهمس : تعالي خليني اقولج عن كل الي صار لي بغيابج وكفايه دموع وحزن وحست بوسه ثانيه تطبع على خدها ابتسمة بخجل :احبك والله احبك حست بالي شد شعرها بقوه فتحت عيونها على الاخر التفتت يمين يسار دور على سعود بس ماشافت قدامها الا دلال دلال وهي ميته ضحك: هههههههههههههاي والله انج خربانه ياغزول غزل وهي تحاول تستوعب: وين انا وشلون طلعتيلي وين سعود دلال وهي تحاول تتماسك : هههههههههههههههههههاي وش اقولج اقول انج مبسوطه على التبويس غزل اسمعة تبويس حست بالنار يطلع من راسها : وجع انشالله وش هالكلام دلال وهي تضحك :اسمعي انا من اليوم قاعده اشوفج بعدين تتغير ملامحك مره تضحكين ومره تبكين قربت من عندج هههههههههههههههاي غزل بعصبيه : تكلمي بسج تضحك يادليل لاتبطين جبدي دلال وهي تمسح دموعها من الضحك : طيب المهم قعدت ابوس فيج والمس خدودج الا واشوفج مبسوطه وصرت اضحك اخر شي حبيت اخرب عليج نومتج هههههههههههاي غزل بحزن :كل الي صار حلم لا مو معقوله دلال وهي مو فاهمه شي: شنو الي حلم غزل وهي تضم ايدينهاعلى وجها وصارت تبكي: كيف يبيني انساه كيف والله احبه ولااقدر انساه احبه دلال بسرعه راحت لغزل وصارت تهديها : اسفه ياغزول اني ازعجتك بس والله اني ابي اضحك معك ماتوقعتك راح تزعلين مني غزل وهي تبعدها : ابعدي عني ليش قومتيني ليش ماخليتيني معه ليش حرام عليج حرام دلال وهي تعقد حواجبها :غزول اسم الله عليك شفيك قومي شكلك للحين نايمه غزل وهي تحط راسها بحظن دلال: اه يادلال شفته واول ماشفته قلبي صار يدق بسرعه اه ياسعود دلال وهي تسب نفسها : غزول تراه حلم قومي غسلي وجهك يله قومي صلي لك ركعتين ياعمري واستهدي بالله غزل وهي تمسح دموعها : انشالله بعد ماصلت وخلصت صارت تضحك غزل على نفسها يوم تذكرة التبويس وعلى طول راحت لدلال دلال وهي تعدل شنطتها وتكلم نفسها : ياربي شهالتعب وربي انكسر ظهري من كثر الملابس دخلت غزل وهي تسوي روحها معصبه : دليل يالخايسه وش سالفة التبوس دلال وهي تضحك: توك تنتبهين ههههههههههههههههاي غزل وهي تمسك نفسها : قولي وش الي خلاج تكدرين علي نومتي دلال ببتسامه : شقولك اقولك اني ابي اتامل فيك قبل لااسافر ولا اقولك انا بنروح اليوم وحابه استانس بكل لحظه فيه غزل وهي تضم دلال: والله بشتاقلج يادبه دلال تضحك : تشتاقينلي ولالتبويسي ههههههههههههاي غزل وجها احمر : وجع انشالله بس انتي فهمتي غلط دلال وهي تحرها : واضح كل مابستك صرتي تضحكين واذا ماحبيتك كشرتي غزل وهي تضرب دلال : وجع خلاص فشلتيني والله ياشين الي ينام قدامج دلال وهي تركض : واضح ولا تحسبيني سعود هههههههههههاي غزل وهي تخزها : ياجعلج طيحين بموقف احرج من موقفي دلال : حياتي انا عندي حمايه ضد الاحراج خير شر ماانحرج ههههههههههههههههههههاي &&&&&&&&&&&&&&&&&&&&&& &&&&&&&&&&& &&&& دق جوال علي علي : هلاوالله فهد : هلابك شخبارك علي : تمام وانت شعلومك فهد : الحمدالله وشفيك لاسمعنالك لاحس ولاخبر علي : والله انت ادرى بالحال فهد : طيب انا داق عليك وماابيك تردني علي : ابشر بس شنو طلبك فهد: ابي اعزمك ونطلع انا وياك لسينما ونتعشى علي ببتسامه: وانا احسب عند ك شي مهم والله اني قلت عنده سالفه الحين فهد يضحك : طيب شقلت تطلع ولا علي :افا ماعاش من يردك يافهد انشالله الي تامر فيه انا حاظر فهد : مايامر عليك عدو اجل انشالله اليوم نطلع علي :اليوم اليوم وش ورانا والله اني حاب اغير من جو البيت فهد : يله اجل نتقابل علىخير اليله علي: على خير انشالله فهد : مع السلامه علي: بحفظ الرحمن &&&&&&&&&&&&&&&&& &&&&&&& &&&&&&&& الجوهره : والله موب هين عبدالرحمن والله ويعرف الحركات حصه : حنون تستاهل جواهر: ماقلنا شي بس مااشوف حنين مبسوطه حصه :اكيد مارح تبين الوحده لازم تكون ثقيله جواهر : الله يوفقهم انشالله دخلو عليهم غزل ودلال الي للحين يتهاوشون حصه تضحك : يله خلو ختامه مشاكل هههههههههههههاي غزل وهي تبوس دلال : فديتها والله انها مثل العسل روحها خفيفه وحبوبه مع شوية غثاثه الكل :ههههههههههههههههاي دلال تمد البوز: والله نشوف بكرا تدقين علي اول ماارجع لسعوديه وانواع الازعاج انا مشتاقه ومادري شنو ابيك تقولين لي نكته اقول بعد ولا كافي غزل وهي تضحك: ههههههههههاي وش بقيتي ياحسره فضحتيني الكل: ههههههههههههههههاي جواهر : الله يعينج ياغزول على الجلسه بروحج حصه : أي والله دلال وهي تغمز لهم : بالعكس عندها حنون وش تبي فينا ياحسره وعندها عبود مارح يخليها تمل دقيقه وحده غزل بحزن : صادقه راح اشتاق لكم بس عارفه انه كم شهر وانتو عندنا عشان زواج عبود عشان كذا مارح احزن عليكم دلال وهي تضمها : أي والله مابقى شي وتمشي الشهور بسرعه الا وحنا قدامك غزل وهي تبعدها : بس يادلال غطيتي على الهنود بالضم والحركات الماصخه الكل : ههههههههههههههههههههههاي دلال : حيي انا ضم مو بعض الناس الله يستر عليهم العن مني حصه : دلول جهزتي اغراضنا واغراضك دلال : أي بس بقالي كم شغله من اغراضي ماخلصتهم حصه بعصبيه : يحول نادي الخدامه خليها تساعدك ترا مافي وقت بسرعه دلال : لاحياتي اغراضي انا ابي اخلصهم حصه : طيب خلي الخدامه تنزل شنطتك دلال بعصبيه: يحول منك انا اتكلم هندي اقولك اغراضي انا الي احطهم وانزلهم حصه وهي تتأفف: خلاص لحد ياكلني بس اخلصي مابقى شي ونمشي غزل بستغراب: بنات مالاحظتوا شي على دلال حصه وجواهر : مثل شنو دلال كانت طالع غزل وهي تبتسم وضامه ادينها : شنو غزل بخبث: مدري كني اشوف ان حيويتج زايده وعيونج تلمع بقوه فيج شي بس انتي مخبيه علينا دلال تضحك: ههههههههههههههههههاي والله تصلحين تصيرين دكتوره عندج خبره حصه والجوهره: مالت عليكم الشره مو عليكم الشره على الي جالسين يسمعون سوالفكم الماصخه طلعوا وخلوا غزل ودلال ميتين من الضحك دلال : يله امشي بسرعه خلينا نرقى فوق عشان انزل شنطتي غزل تتأافف:اوووووووووف منج وليش ماتخلين الخدامه تنزلهم دلال : والله يابعد عمري انا انسانه موسوسه احب اصلح اغرضي مااحب احد يتدخل فيها مين ماكان غزل وهي تضحك: أي مشاللله عليج ذربه هههههههههاي دلال وهي تروح فوق : اقول بتجين ولا لا غزل وهي تضحك: لاياعمري بجلس اتابع التلفزيون وبعد شوي بفطر يعني مالي خلق لج دلال وهي تكش عليها : مالت عليك بس والله انك ماتقدرين احد انا اخر يوم معك وانتي مسكبتلي غزل تضحك : روحي بس اللي يشوفج يقول بتفارقينا دهر كله كم شهر وراح اشوف خشتج ههههههههاي راحت دلال عشان تنزل شنطتها ودخلت غرفة غزل بسرعه رتبت اغراضها وسكرت شنطتها وصلت الشنطه عند الدرج وصارت تسحب على ورا بقوه لأن الشنطه كانت ثقيله بهالحظه تركي كان يركض يبي يروح لغرفته لانه بيطلع ويبي يبدل ملابسه هي تسحب بكل قوتها وتركي يركض زلقت رجلها وماحست بروحها الا وهي بين حظن تركي الي طاح على ظهره بقوه لانها كانت فوقه تركي بالم : اه ياظهري يلعن خيرج احد يسحب الشنطه جذي دلال بخوف وهي تقوم من حظن تركي : اسفه والله اني اسفه مانتبهت لايكون تعورت تركي وهو يبتسم من بين المه: دلول فداج يابعد عمري ماصار الاكل الخير بس لا عاد تتعودينها دلال وهي منقهره : والله الذنب مو ذنبي يعني انت الي كنت شايف كان تنحنحت ولا انقلعت تركي وهو يحاول يقوم : الحمدالله والشكر هي انتي عدلي اسلوبج كم مره اقولج عن الكلام البايخ بس تبين الصراحه والله انج متينه يابنت الناس بغيتي تكسرين ظهري ههههههههههاي دلال حست بشياطين الدنيا على راسها : وليش شنو شايفني فيل والله انت الي عظم الحمدالله والشكر تركي وهو حاط ايده اسفل ظهره : والله شكلج مو فيل الا برميل يمشي ههههههههههههاي دلال : هي انت قاعد اضحك عمرك ,, حست دلال انه عورته بعد ماسمعت ونته من الالم :: ياويلي على حالي ياتركي لايكون صارلك شي وانا السبه تركي وهو يبتسم : لاوالله بس شكله رضه يعني عادي يله وش ورانا ناخذ ذكرى منج قبل لاتروحين دلال تبتسم : اجل تستاهل ماجاك هذا وانا خايفه واخرتها تقولي هالكلام تركي وهو يطالع بعيونها : يافديت الي يخافون علي والله دلال وهي تتهرب من نظراته : طيب روح لغرفتك الحين قبل لايشوفنا احد ولاتنسا تحط فكس تراه زين للالم ولاحط اللزقه حقة الالام ههههههاي تركي : لا والله ماادويها عشان كل ماتذكرت الالام اقول الله يذكر الفيله بالخير 00هههههههههههاي دلال وهي ماسكه نفسها من الضحك بس ماتبي تبين له :: ياملغي والله ماالوم اهلك اذا ماعطوك وجه مافيه الا الهندي الي صابر على غثاثتك 00ههههههههاي تركي : والله فديتج انتي بعد معطتني وجه ,,هههههاي زين اقول قبل لااروح شنطتج انا بنزلها وخلي عنج الهياط الي ماله داعي حنا نحب ندلع البنات فهمتي كانو كذا تركي ودلال حبهم عناد في عناد وكل واحد يكابر عالثاني ويموت في الثاني راح تركي وخل دلال الي تجلس تسب بروحها على الي سوته لونها سامعه كلام غزل واختها كان ماصارلها الي صار بس اعجبها الموقف كانت فوقه وتلاقت عيونهم حست بدفى صدره وايدينه يوم التمت على خصرها حست بهالحظه انها تموت في تركي وماتقدر تعيش بدونه وتذكرت انه عن قريب راح يكون زوج المستقبل بيت ابو فيصل*** منسدحه على سريرها وتبكي عيونها ماذاقت طعم النوم من بعد الفراق الحبيب ولاذاقت طعم الراحه ولاذاقت طعم الحياه بعد فراقه حست ان قلبها بيتقطع من بعد الي صار وانها ماتدري كيف تعيش مع شخص ماتحبه وقلبها تعلق بهوا شخص ماتدري شراح يصير عليه لما يعرف بخبر زواجها وكيف راح تقوله حست بالغصه يوم تذكرت كلام فيصل لها لوانها فكرت تسوي شي او انها تهرب مع ياسر او انها تفكر تخون عبدالرحمن ولا تفكر انها تفضحهم راح يقتل ياسر هددها بقتل ياسر وانه ماعنده أي مانع انه يخسر كل حياته بس عشان ينغص عليها عيشتها حست بجدية كلام فيصل خافت على ياسر من فيصل خافت لايذبحه ثم تجلس طول حياتها تتحسر على اليوم الي عرفت فيه ياسر وتعيش حياتها كلها بندم لانها حبته وكانت سبب في موته بكت وصارت تشاهق بقوه كل ماتذكرت انها مارح تكون لياسر وبكت لما عرفت كيف الحياه قدرت انها تفرق بينهم حست بالوعه والحرمان من كل شي حست انها مجرده من الاحاسيس ماعرفت كيف تقدر تعيش بعد ماتجردة منها كل الامشاعر حست ببرود وقررت انها تحمي ياسر من شر اخوها ووعيده قررت انها تتخذ قرر يكون بصالح ياسر بس مافكرت بنفسها ولا قدرت انها تفكر بنفسها لان في شخص دخل قلبها واستحوذ على كل تفكيرها وكيانها معه تنهدت بالم وحسره اه اه اه اه مسكت تلفونها ( طبعاً عبدالرحمن اهدا حنين جوال وشريحه جديده عشان يكلمها ) ترددت تكلمه ولالا بس قررت انها تخطو هالخطوه وتعيش كل لحظه فيها دقت على رقم الحبيب اللي ماغاب عن فكرها لحظه ياسر شاف الرقم غريب رد : الو حنين بصوت مخنوق : الو ياسر فز قلبه من سمع صوتها : هلا والله بحياتي وعمري حنين وهي تبلع ريقها : هلابك ياسر بلهفه : شفيج ادق عليج مغلق شلي صارلج احد اذاج يابعد عمري حنين وعيونها ماوقفت من الدموع: ياسر مااقدر اطول معك الكلام انا ابي اشوفك عشان نتفاهم على كل شي ياسر بستغراب: شنو نتفاهم على شنو ياحنين حنين وهي تحاول تمسح دموعها: ياسر قلتلك ابي اشوفك وهناك راح تعرف كل شي اسمعني ابي اشوفك بالمجمع 000بس مو داخل خلنا على البحر اوكي ياسر ياسر متفاجأ: حنين شفيج تكلميني بهالطريقه حنين بعصبيه : ياسر راح نتقابل ولالا ياسر : انشالله طيب وتوه بيتكلم بس حنين ماعطته فرصه انه يتكلم وسكرت التلفون بوجهه ياسر يطالع الجوال بستغراب: لا اكيد البنت فيها شي ورجع دق عليها بس حنين سكرت بوجهه مره ثانيه ياسر وهو يحاول يهدي اعصابه خلاص راح اشوفها واعرف شفيها لاتستعجل ياياسر خلك شوي متفهم واصبر حنين وهي ترمي التلفون وتحط راسها بالمخده والله ياياسر انك ماهنت علي بس لازم اخلي قلبك قاسي مثل ماخليته لين لازم اخليك قاسي وبكذا ياياسر راح يهون فراقنا عن بعض ومارح تتالم يابعد عمري لاني مابيك تتالم اموت ولا اعرف انك تتالم &&&&&&&&&&&&&&&& &&&&&&&&& &&&&