الفصل 19
[{ البارت التاسع عشر }]
بعــد يـــوميـــن
كانت تدرس بالكوفيه .. اقتربت منها وحده لتهمس بارتباك : عهود
عهود التفتت وبصدمة : انتـــي !!
خولة برجاء : تكفين عهود قعدي ابي اقولج شي
عهود بعصبية وقفت : قومي عن ويهي مابيني وبينج أي كلام
خولة برجاء : تكفين موضوع مهم .. وماراح ارتاح اذا ماقلت لج اياه
عهود : وشنو بيني وبينج مواضيع مهمة ؟
خولة بربكة : الموضوع يخص حسام
عهود : حسام ؟
خولة : اي تكفين وماراح ياخذ الموضوع اكثر من 10 دقايق ..تكفين بس مرة وحده سمعيني
عهود برضوخ : طيب .. وجلست على الكرسي وقدامها خولة
خولة : سمعيني للاخر
عهود : طيب
خولة : قبل 5 سنين اعرف انج انتي الي جفتيني انا وحسام بوضع "سكتت شوي" .. كملت : بوضع مادري شقول عنه .. وانتي طبعا حطيتي في بالج فكرة مب زينة عن حسام .. انا ياية اليوم اقولج السالفة كلها .. حسام ماله ذنب بالي صار .. انا الي كنت حاطة عيني عليه وهو ماكان ماعطني ويه .. وكنت ادري انه كان يحبج وانتي تحبينه ومتفقين على الزواج .. سويت كل هالخطة واستدرجتج انتي وخليتج تجوفين كل هذا .. الي ابيه منج انج تصدقين حسام بكل الي يقوله .. "وقفت" .. وبس هذا الي حبيت اقوله لج وانتي حرة .. وحبيت اقولج ترا حسام وايد يحبج لدرجة اني مهما حاولت ان اغريه مايطالعني .. مخلص لج وااااااااايــــد
كانت بتمشي بس صوت عهود المصدوم وقفها : وشاللي خلاج تيين وتعترفين عقب 5 سنين
خولة بربكة : حسيت على دمي شوي
عهود ابتسمت : حلو .. بس لو تدرين انج ضيعتيني يوم انج تأخرتي !!!!!
خولة تلخبطت .. ومشت عنها .. دخلت بالممر علشان تقابله ولما شافته : صار
حسام ابتسم لها .. وهو يقدم لها الظرف : حلو .. ولاتحاولين تلعبين من وراي او تحاولين انج تخربين بيني وبين عهود لا والله وبعزة جلاله لاخليج تذوقين مر الي حسيت فيه .. ويلا توكلي على الله
خولة بخوف ابتعدت بسرعة وحرررمت انها تلعب بالنار معاه .. عرفت ان حسام مو غبي !!!
حسام طالع عهود المتوترة .. ابتسم بحب وابتعد بسرعة وهو يتصل على ضاري .. ولما ياه صوته : صااااار الي ابيه
ضاري : ههههههههههههههههههههههه والله كفو ..
حسام : اصلا ماكانت بتصدقني لو ماخليت خولة غصبن عليها تسوي الي تسويه
ضاري ابتسم : المهم انها صدقتك الحين وخولة ماراح تشوف طيفها من بعد الي سويته
حسام : خلها تعرف انها ماتلعب معاي لاني مو قدها
ضاري : يلا يا حلو اشوفك على خير
حسام : هههههههههههههههههههههه مع السلامة
دخل سيارته وشغلها وحده فرحان ومافي احد بالدنيا افرح منه اليوم .. استرجع احداث ما قبل يــومين
قبــل يــومين
اليــوم الاول
حسام يتكلم بالتلفون : ابييك تطلع لي زلة عليها .. والله ياضاري ماقمت اتحمل اي شي
ضاري ابتسم : انا اعرف شلون اخذ حقك وحق زوجتك منها هالكلبة
حسام : تكفى يا ضاري .. عهود بتخليني وبتروح
ضاري : خلاص يا حسام .. انت اخوي تعرف يعني شنو اخوي .. لو ماساعدتك اساعد مين
حسام ابتسم : الله يخلييييك والله ..
اليــوم الثــآني
حسام بفرحة : شمسكت عليها
ضاري بسخرية : والله وطلعت راعية شباب هالكلبة
حسام : تكلم
ضاري : مسكتها وهي ماسكة يد واحد من الشباب وصورتها لك .. خمس دقايق وتكون عندك ووقتها تكون ماسك عليها شيء عظيم وتهددها وتخليها هي بنفسها تروح وتعترف لعهـــود
حسام بفرحة كبيرة : الله يبشرك بالخيييييير !!
تذكر يوم هددها .. يوم ويوم .. وماراح ينسى هاليوم .. يمكن راح يبرى الجرح الاول .. وجرحج الثاني يا عهود بيبرى مع الايام !!!!
المســـآآآء
صفطت سيارتها في الباركينق .. طلعت وهي ماتتخيل شنو راح يكون موقفها مع حسام بعد ماعرفت الحقيقة .. تحس نفسها غلطانة واكبر غلطانة بعد .. دخلت البيت وابتسمت لهم .. كانوا كلهم مجتمعين والفرحة ماتوسعهم .. رفع عيونه وطاحت بعيونها التايهه .. حاول ان يسوي نفسه مايدري عن شي وانهم للحين متهاوشون وانها للحين ضانة فيه ضن السوء
عهود بابتسامه : السلام عليكم
الكل : وعليكم السلام
ميساء بفرحة : لحقي لحقي العهدي
عهود قعدت يم حسام : شنو ؟
ميساء بخبث : شوق انخطبت
عهود شهقت بفرررحة : والله ؟؟؟؟؟؟؟
شوق انقلب ويهها احمر ماتدري بشنو ترد
حسام : ههههههههههههههههههههههههه هههههه حبي لها بس الي انقلب ويهها
عهود التفتت له .. ضحكته اسرتها .. طالعها بعيونه المليانة حب له .. عرف انها ندمانه بس لف ويهه يقال انه "يتعزز" :p ..
عهود ابتسمت : مبرووك ومن خطبها
ميساء : ثامر اخو غلااوي وشيخة
عهود بصدمة : حلفوا
ميساء : ههههههههههههههههههههههههه ههههههه هذي حالتي يوم سمعت الخبر
شيخة ماتعرف شتسوي من الفرحة .. لمته بقوووة : احلللف خطبت شوق
ثامر بمثل فرحتها : والله ما اعرفها انا .. بس غلا قالت لي
شيخة بخبث : غلوو والله مو هينة
ماهر : ههههههههههههههههههههههههه هههه اخت اختها
شيخة بقهر ك: انت جب
ماهر وغلا : ههههههههههههههههههههههههه هههههههههههههه
في جناحهم .. ينتظرها تنطق .. شكلها مابتتكلمين ولا شي من كثر ماهي مرتكبة .. قرر ان هو يبتدي وهمس لها : فيج شي ؟
عهود رفعت عيونها وبلعت ريجها : لا
حسام رفع حاجبه : متاكده
عهود طالعته بصمت بعدها قالت : آسفة
حسام رفع عيونه بسرعة : على ؟
عهود قربت صوبه ودفنت نفسها بحضنه : اسفة لاني كنت غبية طول الخمس سنين
حسام همس لها : احبج
عهود كملت وهي تصيح : اسفة لاني كنت متسرعة بكل شي .. واسفة لاني ماسألتك عن أي
حسام همس لها : احبج
عهود : انا غبيــــة غبيـــــــــــــــة
حسام همس لها مرة ثانية : احبج
عهود رفعت عيونها له : قول اني انا غلطانة قول اني انا ظلمتك قول اني انا غبيــــــــة
حسام طالعها بحب : انتي حبيبتي
عهود طالعته .. تستغرب كل ردات فعله .. وهو المفروض ان يثور فيها : ليش ؟
حسام : شنو الي ليش
عهود طالعته بعيونها المغورقة بالدموع : ليش ماتعاتبني على شي
حسام بهمس وهو يقرب منها : مو كافي لاني احبج
عهود قربت منه اكثر وصار مايفصل بينهم أي شي : وانا احبـــك آكثر ............................
انتهى البارت