تعال لحضني دفيني وعوض لي عمري وسنيني - الفصل 15 - بقلم اليآقوت - مكتملة | روايتك

[{ البارت الخامس عشر }] على ارض اسطنبول .. اسطنبول مدينة السحر والجمال .. بعد ما صحوا من النوم .. طلعها وهم يتمشون بشوارع اسطنبول .. ودخلوا لمقهى صغير وقعدوا فيه .. وطلبوآ قهوة تركية عشان تضبط اعصابهم حسام رفع عيونه لها وشافها شاردة الذهن : عهود ؟ عهود التفتت له : نعم حسام نزل عيونه : اسف عهود بقهر التفتت للجهه الثانية بدون ماتعطيه اي جواب حسام حط ايده على ايدها : تكفين عهود لاتسوين فيني جذي .. ماكان قصدي عهود بعدت يدها بسرعه عنه وعطته نظرة حقد والتفتت وهي تحاول انها تحبس دموعها !! .. تذكرت احداث الليلة الماضية .. لما وصلوا للفندق بعد رحلة طويلة الليلة الماضية عهود بحزم : حسام لو سمحت مو الحين حسام وكأنه مايسمعها يقرب صوبها وينشر كل بوساته حولينها عهود بقوة تحاول انها تبعده وتصرخ : حسااااااااااااااااام حسام طالعها من عيونها بألم .. وقالها بهمس : ماتبيني صح ؟ مصدقة كل شي عني صح ؟ عشان جذي ماتبيني اقرب لج صح ؟ عهود بقهر ودموعها بدت تملي ويهها ضربته كف : لااا ياغبي لااا حسام بصدمة من الي صار قرب صوبها وبقوة صار يفصخها ............................ عادت للواقع لما قالها حسام ان القهوة وصلت .. صارت تشرب القهوة وهي تتحاشى نظراته .. تتحاشى نظرة منه .. تحس انها تكرهه لانه اجبرها على شي كان ودها انها تأجله على ماتنسى المصيبة الي صارت قبل خمسس سنين .. بس انت ياحسام دمرت كل محاولاتي .. دمرت كل محاولاتي للنسيان وولدت فيني جرح ثاني .. جرح مادري شلون راح يبرى !!! البحرين دخلت باب الجامعة وهي تتأمل ان ماتشوف رقعه ويهه .. دخلت القاعه وشافت خولة قاعده ويمها بنت ماتعرفها .. راحت سلمت على خولة ومن باب الاحترام سلمت على البنت خولة ابتسمت : شلونج شوق .. وحشتيني ليش امس ماييتي شوق ابتسمت : امس عرس حسام عشان جذي ماقدرت ايي خولة بصدمة وهو توقف على ريولها : نعممممممممم !! شوق طالعتها بقهر : خولة شفيج فضحتينا خولة بقهر : شلوون شلوون يتزوج وحده غيري وهو يحبني شوق طالعتها بصدمة : شنو يحبج ؟ اقولج يحب عهود خولة بقهر رمت الكتب على الارض وطلعت من القاعه وهي تمسك دمعتها شوق التفتت للبنت وابتسمت : هلا مانتبهت لج البنت ابتسمت لها : هلا حبيبتي شوق : ممم شسمج ؟ البنت بحب : شروق شوق ابتسمت وقبل لا تتكلم سكتت لما شافته يقرب صوبهم خالد بابتسامه : شخبارج شوق شوق بابتسامه جاهدت انها تطلع : بخير وانت شخبارك خالد بحب وهو يمسك يد شروق : بخير دام هالحلوة معاي شروق من الخجل نزلت راسهاا شوق بلعت ريجها : هذي خطيبتك ؟ خالد ابتسم : اي .. تعرفتي عليها ؟. شوق وقفت وكل قهر الدنيا يسيطر عليها .. وبهمس : ايه .. عن اذنكم خالد ابتسم : طيب طلعت من القاعه وتحس ان الود ودها تذبحهه هو وياها .. تحس بالغيرة الي تشتعل قلبها .. تبي تقهره مثل ما قهرها .. بس هو مايحبني .. شلون اقهرهه ! .. يقهرني لما اشوفه ماسك يدها .. يقهرني لما يغازلها جدااااامي .. ياااارب ارحمنني .. ارحمني هالانسااان يااارب !! المدرسة الثانوية .. ميساء تتكلم بحماس : اي وان شاء الله الشهر الياي نفتك من هالفصل الي عمر .. جفتي المطر ام... ماكملت كلامها لما جافتها تصيح بقوة .. بخوف مسكت يدها : غلااوي شفيييج ؟ غلا ماكانت ترد عليها .. صارت تصيح بقوة ميساء بخوف قربت صوبها وحضنتها : غلا حياتي شفيج تكلمي .. شاللي قلب حالج غلا تمسكت بميساء .. الوحيده الي تفهمها .. الوحيده الي ترتاح بحضنها : تعباانة ميسااء ميساء بحزن وبحنية وهي تمسح على شعرها : شاللي متعب صديقتي واختي وحبيبتي ؟ غلا ببكاء : اخاف تروحين انتي بعد .. كلهم مخليني بروحي .. كلهم محسسيني اني ولا شي .. تكفين ميساء لا تخليني ميساء ضحكت : انا اخلي روحي ولا اخليج وبعدين انا مينونة وين احصل وحده مثل عقلي مثلج غلا ضحكت بقوة : كللللبة ميساء : هههههههههههههههههههه يلا مسحي دموعج بلا دراما زيادة ويلا صاح الجرس لا تيينا ذيج المعلمة ام عيون كبار والله تزلزنا غلا بسخرية وبضحكة : بارزة حق الطنازة ميساء : ههههههههههههههههههههههههه يابنت الناس في معلمات كأنهم يقولون لج غصبن عليج حشي فينا غلا : ههههههههههههههههههههههههه هههههههه اي والله !! طلعت من الجامعة وهي تحس انها تعبانة .. سرق انظارها لما شافته بسيارته البورش والنظارة الشمسية الي لابسها .. التفت لها وشافها .. ابتسم لها وراح بهدوء ضاري ابتسم : السلام عليكم شيخة بهدوء وبصوت منخفض : هلا وعليكم السلام ضاري : شلونج ؟ شيخة : آحم .. بخير وانت شلونك ؟ ضاري : بخير .. ممكن اقعد معاج وافاتحج بموضوع شيخة رفعت حاجبها : بصفتك شنو ضاري ابتسم : ماراح انطول شيخة : قول هني ضاري : موضوع مهم شيخة بقلة حيلة : ضاري لو سمحت ضاري ابتسم : طيب يا بنت الحلال .. انا ابيج على سنة الله ورسوله شيخة خذت نفس عميق .. ماتوقعت ان يكون جريئ لهالدرجة : نعم ضاري : قلت ابيج على سنة الله ورسوله شيخة : فاجئتني ضاري تنهد : خذي راحتج بالتفكير ... ومد لها الكرت : واذا خذتي قرار اتصلي شيخة بقهر : شنو اتصل لك شجايفني ماعندي كرامة ضاري ماتحمل وضحك : ههههههههههههههههههههههههه ههههههههههههههههه شيخة راقبته وهو يضحك .. ابتسمت لا تلقائيا ضاري وقف ضحك وابتسم : طيب يا بنت الحلال انا كل يوم راح تجوفيني مني وعطيني اشارة اذا قررتي انزين ؟ شيخة تنهدت : توقف بعيد ضاري : ههههههههههههههههههههههههه هههههههههه انزين شيخة ابتسمت وهي تمشي : اوكييه اسطنبول دخلوا الفندق بسرعه .. اثنينهم متضايقين .. عهود الود ودهها تهج منه .. تحس انها منقرفة .. فكرة انه جبرها على شي ماتبيه تقهرها .. احداث الماضي ترجع لها .. عهود رفعت عيونها : حسام حسام قعد ورفع راسه وغمض عيونه وبهمس : عيونه عهود بتوتر : حسام طلقني حسام بطل عيونه بصدمة : ............. انتهى البارت