الفصل 12
[{ البارت الثاني عشر }]
ثامر وماهر ومازن .. راحوا يطلبون من جسميز اما ضاري وحسام تموا قاعدين .. وهم يسولفون اقتربت وحده : حسام
حسام رفع عيونه وانصدم .. وقف على رجوله من اثر الصدمة .. وضاري ما كان اقل منه صدمة .. بلع ريقه من الشرار الي شافه بعيون حسام
حسام عقد حواجبه : خولة ؟
خولة بلعت ريقها من نظراته : حسام انا..
حسام قاطعها بحده عشان محد يحس عليهم : روحي من هني مابي اجوف رقعة ويهج
خولة دمعت عيونها : انا ماسويت الي سويته الا لاني احبك لاتسوي فيني جذي تكفى
حسام بقهر وهو يحاول يكون هادي : جب ولا كلمة وانجلعي .. الله لا يسامحج !!!!!
خولة بقهر : انا احبك ماتفهم ؟ انت عديم احساس ؟ حاولت المح لك قبل 5 سنين بس انت !! ما كنت تفهم فسويت الي سويته !!!
حسام بقهر : بس انا ماقربت صوبج انتي .. انتي الي سويتي جذي واستدرجتي بنت خالتي عشان تشوفنا وتجبريني على الزواج منج بس لا والف لا ماراح تنجحين بالي تفكرين فيه
خولة : صج خطبت بنت خالتك ؟ نفسها الي شافتنا انا وياك ؟
حسام بسخرية : اي شافت المسحرية الحلوة الي بيني وبينج
خولة بقهر : ماعندها كرامة ؟ شايفتك بهالوضع وضت فيك
حسام بقهر وكل مافيه بينفجر عليها : اقولج جب ولا كلمة .. وذلفي مابي اشوف رقعة ويهج يالحقيرة !
ضاري قرب عشان يهدي صديقه : يلا حسام خلنا نروح للشباب
حسام رفع اصبعه السبابة وهو عاقد حواجبه : سمعيني زين مابي اشوف رقعة ويهج بحيـآتي ولا بانهيج من الدنيـآ
خولة اكتفت ببكائها الي ملى ويههآ وبشرتها البيضة
حسام وضاري راحوآ عنهآ للشبآب
ضاري بهدوء : اهدى خلها تولي هالكلبة !
حسام يفتح الجاكيت واول ازارير قميصه الابيض : هذا شتبي بعد هالسنين ؟ تبي تخرررب حياتي ؟
ضاري : محترة ماعليك منها .. تبي تكمل المسرحية الغبية الي سوتها
حسام بهدوء عكس الي بداخله : عهود الي شافتنا يا ضاري عهود !! ليش قبلت فيني دامها مفكرة فيني ظن السوء ؟
ضاري ابتسم : اكيد تعرف انك مستحيل تسوي جذي
حسام : شلون تعرف .. اقولك شافتني بعيونها .. يعني شافت الي ماتتسمى بحضني .. تعمدت انها تستدرج عهود عشان تشوفنآآ وننجبر ان نتزوج
ضاري قاطعه : وانت خربت مخططهآ وفآجئتهم بسفرك والله ندري بس خلاص انسى .. انت ماسويت شي غلط وعهود الي تحبها قبلت فيك خلاص ابتدي حياة جديدة
حسام بهدوء : تدري ساعات اشوف بعيون عهود لما تطالعني انهآ تعاتبني على شي .. كأنها تعاتبني على الماضي الي مالي ذنب فيه !!
ضاري : هونهآ وتهون ياخوك !!
جـو الشباب واخذوا الاكل وطلعوا من الستي متوجهين للشاليه !
أمـآ عـنـد البنـآت
متجمعين بالصالة الفوقانية ويتابعون فلم Twilight ومتحمسين مرة وبايدهم الفوشار
خلص الفلم وهم حدهم تعبانين
في غرفة عهود و وسن
وسن بتعب : ياربي شفيها ماترقد
عهود بعد ماسرحت شعرها ورفعت "كبابة" قربت صوبها وخذت سارة من ايدها وصارت تغني لها : يلا نام يلا نام واهديلك طير الحمام روح يا حمام لا تطول ....
وسن : ههههههههههههههههههههههههه هههههههههههههههههههههههه شهالاغنية
عهود : شعرفج انتي هاي اغنية اهل الشام
وسن بحزن : الله ينصرهم ان شاء الله
عهود : آمين الله يسمع منج ..
وصارت تمشي فيها وهي تغني لها وفرحانة وآآيــد فيهآآ .. دقايق لي ماهدأت سارة ونامت بسلام .. قربت من السرير الخاص فيها بالقرب من وسن وحطتها فيه .. لحفتها وابتعدت عنها
وسن ابتسمت : عساني اشوف عيالج ان شاء الله
عهود اكتفت بابتسآمه
وسن اشرت لها للمكان الي جدامها : تعالي قعدي ابيج بسالفة
عهود قعدت : شنو ؟
وسن ابتسمت : مرتاحة لحسام ؟
عهود : ايه
وسن : الله يسعدكم ان شاء الله
عهود ابتسمت لها : ويسعدج حبيبتي
وسن تثاوبت : يلا خلنا ننآم باجر عندنآ طلعه
عهود رفع حاجبها : والله ؟
وسن : هههههههههههه اي ميساء لعبت على حسام وخلته يرضى يطلعنآ كلنآ
عهود توترت من طاري حسام : اها اوك
وسن : ههههههههههههههههههههههههه ههههههههههههههههه
عهود : ليش تضحكين الحين ؟
وسن : جوفي ويهج انقلب ههههههههههههههههههههههههه هه
عهود رمتها بالمخدة الجريبة : كلبة
وسن:ههههههههههههههههههههه� �ههههههههههههههههه
غرفة غلا وشيخة
شيخة طلعت من الغرفة بروب الحمام وشافت غلا سرحانة ورايحة بعالم ثاني .. قربت صوبها بخوف
شيخة : غلا ؟
غلا ماردت عليها سرحانة
شيخة علت صوتها اكثر : غلا !!!!!
غلا انتبهت : ها .. هلا شيوخ
شيخة بخوف : شفيج حبيبتي سرحانة
غلا : هاه .. لا مافيني شي !
شيخة بشك : متأكده ؟
غلا ابتسمت عشان تطمنهآ : اي متأكده !
شيخة : طيب يلا نامي
غلا : اوكي
في غرفة ميساء وشوق
كالعادة ميساء تحوس في البلاك بيري وشوق سارحة بخيالاتها الي توقف عند "خالد" وبس .. تفكر فيه .. راح تخلص الاجازة ويرجعون البيت وعلى طول الجامعة عشان تستانس وياه .. باقي يومين بس ويردون .. اشتقت له والله اشتقت له .. !
ميساء رمت التلفون : مابتنامين
شوق انتبهت : لاء
ميساء : انا بنام .. باي
شوق : ههههههههههههههههههههههههه ه اوكي !
انتهى البارت