الفصل 4
[{ البارت الرابع }]
ضاري مسك يده واستغل ان يضحك .. وسحبه معاه لهناك
وقفوا جدام البنات .. عهود وشيخة رفعوا عيونهم لهم وهم مندهشين .. عهود الي تنحت في ولد خالتها وهو يضحك ومستمر بالضحك بدون ما يحس بأي شي .. وشيخة الي ابتسمت لضاري الي متنح لاخر درجة
حسام وقف ضحك وفتح عيونه وانصدم وفجأة صرخ بأعلى صوته : ضاااااااااااااااااااااري
عهود صحت من التفهي ونزلت عيونها بسرعة بدون ما تتكلم
ضاري التفت له وهو يبتسم ابتسامة بلهه : شتبي ؟
حسام طالعه بعصبية وهمس له : شنسوي احنه هني ؟
ضاري بعمد رفع صوته : شفيك انت قلت انك بتسلم على بنت خالتك ويينآآ
عهود بسرعة رفعت عيونها وتلاقت بعيون حسام
حسام غض بصره عنها وطالع ضاري بقهر ومشى عنه ..
ضاري بحرج وبتوتر : باروح اشوفه .. مع السلامة
راح وراه وهو ميت من الضحك .. مسكه من كتفه ولفه عشان يقابله
ضاري ماسك ضحكته : شفيييك ؟
حسام عاقد حواجبه وصاير شكله حده يخوف من العصبية : انت شلون تحطني بهالموقف الغبي ؟
ضاري ما تحمل : ههههههههههههههههههههههههه هههههههههههههههههههههههه
حسام : كلب !
ضاري مسك ضحكته : شفيك .. انا قلت بس تبي تسلم على بنت خالتك يعني شفيها بس انت خربتها !!
حسام بعصبية واضحه : ومن قالك اني ابي اسلم عليها
ضاري : شفيك حسام ؟ هاي بنت خالتك !
حسام بعصبية اكثر : حتى ولوو مو من حقك .. قوم عن ويهي بس مابي اجوفك
ضاري يوده من يده : ليكون زعلت ؟
حسام بصراخ : آآآي
ضاري حضنه وهو يضحك : هدي هدي مايصير تنتهي الصداقة بسبة هالاشياء التافهه
حسام بعصبية : قوم عني لا اسدحك ف الارض الحين
ضاري يمثل الحزن : مايصير احنا ربع من 4 سنين تنتهي علاقتنا بهالثانية
حسام ماتحمل وغصبن عنه ضحك : ههههههههههههههههههههههههه هههههههههه صج كلب
ضاري ضحك وياه : ههههههههههههههههههههههههه هههههه جفت شلون ماتقدر بدوني
حسام قعد يضحك ما كأنه الي من شوي كان معصب وواصل حده !!
أمـآ عند البنات
شيخة تلعب باصابعها : جفتي ولد خالتج شلون كان يطالعج
عهود رفعت عيونها : شلون كان يطالع ؟
شيخة بخبث: كان يخزج خز
عهود : هههههههههه صلي على النبي مالقيتي الا حسام
شيخة : من صجي والله كان يخزج
عهود تنهدت : صلي على النبي
شيخة : والله !
عهود تبي ترقع السالفة وقالت لها وهي تضحك بخبث : جفتي رفيجه شلون يطالعج ؟
شيخة انقلب ويهها احمر : شلون كان يطالع حده عادي
عهود : ههههههههههههههههههه أي حده عادي كان بياكلج من عيونه اصلا مبين ساحب حسام معاه عشان يتحجج اني بنت خالته بس عشان يكلمج
شيخة بعصبية : اووف عهووود !!
خلص الدوام .. طلعوا ميساء وغلا واهمه يضحكون .. بهاليوم ميساء كسبت صديقة جديدة بحياتها ويمكن راح تكون اكثر من اخت لانها دشت قلبها وتعلقت فيها من اول لحضة
ميساء حضنتها : يلا اجوفج على خير غلوو
غلا : حبيبتي والله .. من اييج ؟
ميساء : شووق اختي
غلا طالعت للسيارة : اووف شعنده ماهر ياي
ميساء رفع حاجبه : ماهر ؟
غلا : ههههههههه اي هذا اخوي
ميساء : اها
غلا باستها : يلا حبيبتي اجوفج على خير
ميساء بابتسآمه : مع السلامة !
طلعوا من المحاضرة ..
شوق بابتسامه : يلا خولة انا بمشي الحين تبين شي ؟
خولة بابتسامه : لا سلامتج بس ديري بالج على نفسج
شوق باسته : مع السلامة
خولة : باي باي
مشت شوق .. وسمعت صوت تلفونها .. حاست بشنطتها وما لقته وقعدت تتحلطم ويا روحها "اوف وينه" .. وهي تمشي تداعمت مع جسم وطاحت على الارض وغمضت عيونها
شوق فتحت عيونها بعصبية : شفيكم انتوا ما تجوفون
خالد بحرج : اسف
شوق استوعبت الصوت ورفعت عيونها : آآ خالد ؟
خالد بابتسامه : سلامات
شوق وقفت وبياضها تحول لحمرة .. : اسفة مانتبهت
خالد : وانا بعد .. شفيج شكلج مستعيلة
شوق : لا بس سمعت صوت تلفوني يرن وما نتبهت ويعني جي
خالد : طيب
شوق بلعت ريجها : اجوفك على خير
خالد ابتسم : مع السلامة
عهود طالعت لساعتها : نمشي ؟
شيخة : اي حدنا تأخرنا
عهود ابتسمت : بس حده وناسة خصوصا الاكل
شيخة : ههههههههههههههههههههه انتي همج الاكل بس
عهود : يلا جب بس عاد انتي الي كلش ما تاكلين وتترسين هالدبة
شيخة : ههههههههههههههههههههههههه هههههه اسم الله علي .. انا عود فديتني
عهود : ههههههههههههههههههههه لو ما تاكلين جان اختفيني
شيخة : يلا بس لا تقعدين تتطنزين مالي خلق ثامر يعور راسي
عهود : شفيج على اخوج ترا حده طيوب
شيخة بقفرف : خيولي المتخلف كل شي يسأل عنه .. حشا زوجته مب اخته
عهود : ههههههههههههههههههههههههه ه خايف عليج المسكين حشا
شيخة : اي اوكي معلي بس موب جذي حاكرنا
عهود بجدية : حاولي تكلمينه .. هو صح شوي غلطان بالموضوع بس هالزمن غدار ما ينعرف الصديق من العدو
شيخة تنهدت : اي والله .. بس لا نكثر كلام قومي
حاسبوا المطعم وطلعوا
دخلت السيارة وهي تتحلطم كالعاده .. شوق تعودت عليها وقامت تضحك
ميساء بعصبية : في شي يضحك بالموضوع مثلا ؟
شوق : ههههههههههههههههههههه قسم بالله جنج عيوز مقعده .. خلاص بسج تحلطم
ميساء : والله محد مخلي اعصب جذي غير حضرتج ترا صج تعصبين .. نقعتيني
شوق : شاسوي يعني انا ؟ قولي حق امي تييبلج سواق وفكينا
ميساء حطت ويهها جدام المكيف الصغير وقالت بحده : طبعا هذا الي بيصير ولا اذا تميت على جذي باصير سودة
شوق ماتت من الضحك : ههههههههههههههههههههههههه ههههههههههههههههههههههههه ههه
ميساء : حمدالله والشكر .. يلا بسرعة يمكن نلحق على خالتي وعهود ووسن
شوق : يلا بنتحــرك خلاص
حسام تنهد : قسم بالله مادري شبتقول عني البنية الحين
ضاري : هههههههههههههههههههه روق خلاص ولا كأنه صاير شي
حسام بقهر : انت احقر ما شفته بحياتي
ضاري بسخرية : وانت ابرد ما شفته بحياتي
حسام رفع حاجبه : مو ظريف ترا
ضاري : ههههههههههههههههههههههههه ههههههه وانت سخيف حدك وواثق بعد
حسام طالع لساعته : استغفر الله بس .. يلا بقوم وعدت امي اني اتغدى اليوم بالبيت .. اشوفك على خير
ضاري ابتسم : مع السلامة
انتهى البارت