1. 2
القائمة
روايات
بحث عن
الرئيسية/الجزء
الجزء
الجزء الأول من رواية بيت الشيطان
الجزء الأول من رواية بيت الشيطان
صورة مهند أدهم مهند أدهميوليو 2, 202211٬793 4 دقائق
وفي الجزء الأول من رواية بيت الشيطان دعونا نبدأ بمعرفة كيف ستبدأ احداث الرواية وعن شخصيات ابطالها ؟ كل ذلك في السطور التالية بإذن الله مع الكاتبة الموهوبة آلاء آدم إبراهيم ، نتمني لكم قراءة مشوقة سعيدة بإذن الله للجزء .
الجزء الأول من رواية بيت الشيطان
_بسم الله!! مالك ي راجل؟ م يكون واجعك شيء!!
ولعت اللمبة وشافت الساعة لقتها تلاتة صباحآ!! وقعدت جمبو وهو مبوم!! وقبل م تقوم جارية تنادي ولدو قال ليها تعالي انا كويس!! لمن شالت نفسها بصعوبة! وقالت ليهو لو م قتلتني م بترتاح إنت! قام وإتجه نحوها ومسكها من يدها وقال سامحيني ي ام جمال! قلبها لمن عمل فححح! وقالت ليهو عملت شنو!؟ قال ليها تتزكري القرض الشلتو من البنك لمشروع الإستزراع السمكي!! قالت ليهو م تحرق دمي وريني الحصل شنو!؟ قال ليها زي م عارفة المشروع فشل والبنك طالب بقروشو وانا م عندي المبلغ! وحيحجزو ع البيت لاني راهنو ليهم!! ختت يدها ف خشمها!! وقالت رهنت البيت؟ إتنفس بصعوبة وقعد ف حافة السرير وقال ليها امس إستلمت إنزار بالإخلاء وإلا حيرمونا الشارع!! بكت وقالت كيف تخاطر بمستقبل اولادك!؟ نمشي وين نحنا!! جات قعدت جمبو وقالت إرتكبت غلطة عمرك ي محمود بس انا وعدتك من زمان ف الحارة والباردة مع بعض! وح نطلع من الازمة دي سوا!! ضغط ع يدها وقال انا واثق من فيك بس بناتي كيف حيتقبلو الكلام دا!! ربتت ع كتفو وقالت ليهو خليها علي! بحاول افهمهم بطريقتي وقالت ليهو نوم ليك شوية ي الغالي! اخد تنهيدة مسموعة وقال ليها من وين يجيني النوم!؟ اصلي لي ركعتين لحدي م الصبح يأذن وقام يتوضي..)
اسرة بتتكون من سبعة افراد الام حنان والاب محمود واولادهم جمال وكمال وداليا ودلال دنيا!! اعمارهم بتتراوح م بين30_19. اسرة متعلمة ومترابطة وملتزمة! عايشين ف احد احياء الخرطوم الراقية،وضعهم المادي كان تمام بس مع ضغوطات الشغل ومرض ابوهم تدهور وضهم لدرجة انو رهن بيتو الما بقل عن عشرين مليار للبنك!!
ف صباح اليوم التاني الابو طلع مع ولدو الكبير جمال ووراهو الحصل وبقو يفتشو لبيت مناسب يشترهو لانو البنك اداهم مهلة اسبوع بس! والسماسرة إستغلو حوجتهم الماسة للبيت وبدو يتمنو فيهم!! وف المناطق المشابهة لوضهم م قدرو يشترو كلو من عشرة مليون وفوق!! وتعبو من الجري ورا ناس العقارات والسامسرة! لحدي م اشار ليهو واحد قريبهم انو ف بيت ف المنطقة الفلانية وبسعر مناسب! ف مشو يشوفوهو!؟ من م وصلو المنطقة وقبل م يشوفو البيت كمال قال ليهم حنسكن هنا!!؟ ف حي زي دا!؟ جمال حمر ليهو بالمرايا وابوه سكت م إتكلم!؟ لحدي م وصلو البيت وكمال كان ممتعض الحكاية وشوفة البيت تمت الناقصة ! مع انو بيت مناسب وبتمانهو كل سوداني بسيط!؟ بيت عقد ب طابق بس فوق م مكتمل او بالاصح م مشكبنو لشه!! لكن تحت سمح تلاتة غرف وهول ومطبخ وحمام داخلي وخارجي وسايفون ومساحتو م بطالة!! كمال إتصرف زي البنات وشغال لابوه لا لا مستحيل نسكن هنا!! من فيلة حدادي مدادي نسكن ف الخرابة دي!! وتاني كيف اصحابي يجوني هنا! هو انا خجلان منو!؟ ابوهو نهرو وقال ليهو انا تعبت وشغيت وسكنتكم فاخر وخربت طبعكم! وابوي م خلا لي عمارات ولا شركات؟ كلو بضراعي!! يلا انت ابقى راجل وإشتغل وسوي الانا سويتو!! وإنفعل شديد لمن رجف!! جمال نهر كمال وقعد ابوه ف كرسي وقال للسمسار البيت كويس بس ظاهر عليهو طول م إتسكن!! السمسار قال ليهو والله مقفل ليهو عشرة سنة!؟ سيادو إشتروه وم اتهنو بيهو..وسكت جمال قال ليهو الحصل ليهم شنو؟ السمسار م جاوب وغير الموضوع وقال ليهم المهم اصحابو عايزين فيهو خمسة مليار قابلة للتفاوض!؟ جمال شاور ابوهو ووافق!! جمال باع عربيتو والام فكت ليها كم دهبة كدا وتمت البيعة ع اربعة مليون ونص! البنات بكو وإتجرسو لانو ابوهم افلس!! بس داليا كانت متفهمة الوضع وم حسست اهلها بشيء بل بتحاول تقنع اخواتها بأنو م يحسسو اهلهم بالتقصير ولا عدم الرضا!! وف نفس يوم البيعة لانو م عندهم زمن جمال جاب عمال نضفو البيت وضربو بوماستك وجيهوه ليهم وإتعاقد معاهم إنو من الاسابيع الجاية حيبدو يكملو بناء الطابق الاول!! وبدو يرحلو ف العفش المهم بس لانو البيت م بشيل معاض الاثاث الكانت عندهم ف بيتهم الاول! وم عرفو يبيعو الباقي ولا يخلو لناس البنك ولا يأجرو ليهو مخازن!! المهم بعد يومين رحلو لبيتهم الجديد ومن هنا بدت القصة!!؟
ف صباح يوم مشمس إنتقلت الاسرة لبيتهم الجديد..البنات بقو يدارو دموعهم من اهلهم لانو داليا الكبيرة فهمتهم الحصل وانو اهلهم محتاجين الدعم النفسي قبل المادي!! بس لسوء حظهم لقو الكهرباء قاطعة ومعدات البناء مالية البيت والطوب المكسر!! فكان منظرو فظيع!؟ لانهم م اعتادو يشوفو بيوت بالمنظر دا؟ امهم زاتها إتأثرت وقلبها وجعها شدييييد وم قدرت تخبي دموعها من راجلها مسكها من يدها ودخل بيها اقرب غرفة ليهم!؟ وشال نفسو بصعوبة وقال ليها ي ام الغالين إنتي كان ضعفتي منو البسندني!؟ بكت ف كتفو وقالت انا م مغطس حجري إلا كلامك دا!! ضحك وقال ليها افوووو انا كضاب!؟ زحت منو وقالت حاشاك من الكذب!؟ إلا متهور ومستعد تجازف حتى بمستقبلنا!! صر جبينو وقال ليها معليش؟ العترة بتصلح المشي!! إبتسمت وقالت انا حفضل ماسكة إيدك لحدي م نكمل الطريق!! إبتسم وقبل م يرد!! داليا دقت الباب وجات داخلة!! قالت ليهم إخترتو الغرفة دي!! امها قالت ليها م مشكلة اي واحدة بتمشي انتو شوفو البتناسبكم!؟ البنات لانهم تلاتة شالو اكبر غرفة وبرضو دنيا زعلانة لانو ف بيتهم الاول نقت نقت ع اهلها لحدي م فصلو لدلال غرفة براها وهي انفردت بغرفتها اما هنا كل الاخوات ف نفس الغرفة!!
يتبع ………
لقراءة الجزء التالي : الجزء الثاني من رواية بيت الشيطان
للإطلاع علي فهرس اجزاء الرواية : رواية بيت الشيطان ( جميع الاجزاء كاملة ) للكاتبة آلاء آدم
جميع الحقوق محفوظة للكاتبة آلاء آدم
فيسبوك X بينتيريست Reddit
صورة مهند أدهم
مهند أدهم
مقالات ذات صلة
صورة جميلة لغلاف الجزء الثاني عشر من رواية الزوجة التائهة بين الأحلام والواقع
الجزء الثاني عشر من رواية الزوجة التائهة بين الأحلام والواقع
أبريل 18, 2022
صورة جميلة لغلاف الجزء الثامن عشر من رواية اولاد سلطان
الجزء الثامن عشر من رواية اولاد سلطان
يونيو 4, 2022
صورة جميلة لغلاف الجزء العاشر من رواية حبيبتي لا تنسيني
الجزء العاشر من رواية حبيبتي لا تنسيني
أبريل 10, 2022
صورة جميلة لغلاف الجزء العاشر من رواية أمنية الزين للكاتبة هاجر حسين
الجزء العاشر من رواية أمنية الزين للكاتبة هاجر حسين
مارس 27, 2022
تعليق واحد
يقولRedlion6404:
أغسطس 7, 2024 الساعة 1:48 م
السلام اخي / اختي
أنا عندي نقاط حول الجزء الاول من القصة
١: أن بعض الكلمات ليس مفهومه و أن بعض أحداث القصة غير واضح.
٢: افضل أن تكون قصتك بالفصحى ليس بالعامية التي تحد من انتشار قصتك.
٣: فيه ضعف بالقصة في البداية لأن الواجب عليك أن تجذبني في الجزء الاول و أن تجعل الشخصيات مثيرة للاهتمام لي . اتمنى ان تعرف عناصر القصة ،و ترتيب الاحداث الجيد؛ يساعدك على تحسين فهم عند القارئ،
آخر نقطة عندي أن تستمر حتى تنجح. القصة جميلة
و الاحداث حسب ما فهمت جميلة، معاناة جمال رب الأسرة و أثر إفلاسه على أفراد الأسرة جميل و يحاولون أن يجدوا بيت يحميهم و مشاعرهم اتجه امر جيدة و القصة جميلة و لا استطيع ان اكمل بسبب الكتابة القصصية الضعيفة لديك و اتمنى ان تكمل القصة بأسلوب جديد و مهارات كتابية جديد لأجل أن تصبح كاتب عالمي باذن الله.
رد
اترك تعليقاً
لن يتم نشر عنوان بريدك الإلكتروني. الحقول الإلزامية مشار إليها بـ *
التعليق *
الاسم *
البريد الإلكتروني *
الموقع الإلكتروني
احفظ اسمي، بريدي الإلكتروني، والموقع الإلكتروني في هذا المتصفح لاستخدامها المرة المقبلة في تعليقي.
© حقوق النشر 2026، جميع الحقوق محفوظة | من موقع قصص واقعية
فيسبوك
فيسبوك
X
واتساب
تيلقرامالقائمة
روايات
بحث عن
الرئيسية/الجزء
الجزء
الجزء الثاني من رواية بيت الشيطان
الجزء الثاني من رواية بيت الشيطان
صورة مهند أدهم مهند أدهميوليو 2, 202211٬508 2 دقائق
وفي الجزء الثاني من رواية بيت الشيطان دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة آلاء آدم .
الجزء الثاني من رواية بيت الشيطان
بكت ورمت ليها مفرش ف الارض قالت م عايزه اي سرير!! داليا ضحكت وجات قعدت جمبها وقالت ليها اصبري ي سجمانة إنتي الصغيرة المدللة يعني م بتقدري تفتحي بوزك دا وتقولي ناقصك شيء!؟ وكل العايشنو دا ظرف وحيعدي ولا اعتبريهو حلم بشع!! وقريب حنصحى منو!! بس لازم ندعم بعض ونحاول نتأقلم مع الوضع لانو دا الخيار الوحيد؟ دنيا بكت وختت رأسها ف اختها الكبيرة وقالت ليها بحاول اقنع نفسي بل غصبتها انها تتأقلم بس م قدرت!؟ دلال قالت ليها خلاص ارقدي قبلك تكوني وفرتي لينا مساحة وممكن محل سريرك اخت مكتبتي!!؟ دنيا قامت متلبة من الارض للسرير وقالت ليها اوووقسم كتبك دي م تبارينا اصلا م جايبة لينا الفقر إلا هي!! وإتشتحت ف السرير خلت اخواتها بضحكو!! جمال جا شاغلهم وقال ليهم غرفتهم زابظة وبحاول يشجعهم ويخليهم يحبوها!! كمال مدا راسو وقال ليهم مقارنتآ بحقتنا بحقتنا دي قصر عدييييل..فبقو يضحكو بصوت عالي…والدينهم لم سمعو ضحكات اولادهم إرتاحو شوية والإبتسامة العريضة كانت فاضة نفسها!! لحدي م سمعو صوت إنفجار!!؟ إفتكروه ف المطبخ!! وكلهم جارين من غرفهم وبعاينو لبعض ومخلوعين!؟ جمال جرا ع المطبخ والابو جرا برا وم عرفو مصدر الإنفجار شنو!؟ ماف نار ولا دخان ولا حتى تراب يدل ع انو ف بيت وقع!! كمال بقى يتماسخ وقال لاخواتو الليلة البيت عايز يقع!! اصلا هو خرابة!!؟ دلال ودنيا جرو لامهم وقالو صحي حيقع ع رؤسنا!! ارح نأجر شقة ولا ننزل ف فندق عادي!! لحدي م اوضاعنا تتصلح!! جمال جا بيضحك ع كلامهم وقال ليهم م تخافو ماف شيء كمال موهم ساي!! بكون دا انفجار بعيد ولا حادث سير م معروف!! امو قالت ليهو بس الصوت السمعناهو زي القول طالع من البيت دا!!؟ الابو قال ليهم م مشكلة المهم نحنا بخييير وم نعمل موضوع!! وقال لمرتو حنان نحنا متنا من الجوع وين الفطور!! ضحكت وقالت ليو طلع من بالنا وقالت لبناتها ارح قدامي ع المطبخ!!؟ دلال قالت ليها تقصدي المخزن!؟ كمال ضحك وقال ليها مسكون كمان الليلة بتموتي!!؟ وقبل م يتم ضحكتو اللمبة وراهو مباشرتآ ف الحيطة ضربت ولا ترشقت ولإ إنضربت سلاح م معروف بس كان صوتها قوي ولمت كمال قام ناطي!! جمال ضحك وقال ليهو م كان تبقى راجل وتثبت للموت البتخوف بيهو اخواتك!؟ خلاهم بيضحكو وكمال بحاول يقنعهم انو م خاف بس إتخلع ولسسه ضحكاتهم عالية!! امو قالت ليهو اي اي صدقناك م بتخاف يلا امش جيب المكنسة ولم القزاز دا!! وقالت لجمال جيب كهربجي يراجع كهرباء البيت كلها لانو الظاهر إنها محملة شديييد ولا اللمبة دي م كانت إنفجرت كدا!! كمال سأل عن محل المكانس وادوات النضافة!؟ داليا قالت ليهو ف الطابق الفوق ي داخل الحمام ي ف الاكياس الجمب السجاد! فعلآ طلع بنشاط وشاف ناحية السجاد المطوي والعفش كتير يمكن يفتش ع الفاضي! فمشي الحمام اول يتأكد!! من دخل حسى بجازبية زي المغنطيس ساحباهو لقدام!! فقلبو ضرب وبلع ريقو وم قدر يتلفت بس بقى يرجع حركة خلف عشان يصل الباب وفجأة باب الحمام إتقفل عليهو.!؟
نواصل بعدين..
لقراءة الجزء التالي : الجزء الثالث من رواية بيت الشيطان
لقراءة الجزء السابق : الجزء الأول من رواية بيت الشيطان
للإطلاع علي فهرس اجزاء الرواية : رواية بيت الشيطان ( جميع الاجزاء كاملة ) للكاتبة آلاء آدم
جميع الحقوق محفوظة للكاتبة آلاء آدم
فيسبوك X بينتيريست Reddit
صورة مهند أدهم
مهند أدهم
مقالات ذات صلة
صورة جميلة لغلاف الجزء الثامن من رواية حكاية دعاء
الجزء الثامن من رواية حكاية دعاء
يونيو 7, 2022
صورة رائعة لغلاف الجزء الخامس والعشرون من رواية عالمي
الجزء الخامس والعشرون من رواية عالمي
يوليو 6, 2022
صورة جميلة لغلاف الجزء الثامن من رواية همس العيون للكاتبة لوزة ليبية
الجزء الثامن من رواية همس العيون للكاتبة لوزة ليبية
أبريل 2, 2022
صورة جميلة لغلاف الجزء السادس عشر من رواية انتقام قرين
الجزء السادس عشر من رواية انتقام قرين
يونيو 11, 2022
تعليق واحد
يقولرضوى سليم:
يوليو 7, 2023 الساعة 11:04 م
رواية جد رائعة موفقين باذن الله تحياتي لكم
رد
اترك تعليقاً
لن يتم نشر عنوان بريدك الإلكتروني. الحقول الإلزامية مشار إليها بـ *
التعليق *
الاسم *
البريد الإلكتروني *
الموقع الإلكتروني
احفظ اسمي، بريدي الإلكتروني، والموقع الإلكتروني في هذا المتصفح لاستخدامها المرة المقبلة في تعليقي.
© حقوق النشر 2026، جميع الحقوق محفوظة | من موقع قصص واقعية
فيسبوك
فيسبوك
X
واتساب
تيلقرام
زر الذهاب إلى الأعلى
زر الذهاب إلى الأعلى