6/7
القائمة
روايات
بحث عن
الرئيسية/الجزء
الجزء
الجزء السادس من رواية خط احمر
الجزء السادس من رواية خط احمر
صورة مهند أدهم مهند أدهممايو 24, 20220574 6 دقائق
وفي الجزء السادس يا تري ماذا تتوقع ان يحدث مع ابطالنا من مواقف ؟ وهل ستسير الأمور علي ما يرام ؟ كل هذا وأكثر سوف نعرفه سوياً في السطور التالية بإذن الله من رواية خط احمر للكاتبة ميشو محمد .
الجزء السادس من رواية خط احمر
وشافت ايده: وين دبلتك ?!
اسكندر شاف ايده وكانت خاليه مافيهاش دبله: نسيتها ف مكتبي
رسل سيطرت ع كل شي فها: انت ادير عملتك واني لننحرق بروحي غلط تدكر ف روحك كم مره تحرقني ?!
توا جي دوري
اسكندر: انتي عارفه اني علاش جاي هني وعشان مني صح
رسل شافت للكافي لانه كان عشيه كان فاضي فيه الشاغل بس
رسل: ز ماقتلك توا انقلبت الموازن مش كل مره اني لندبس ف مصايبك ونعاني بروحي
توا جي دورك توا بنشوفك تتحمل كيف مااني تحملت ?!
اسكندر مفهمش: وشن بديري??
رسل: متخافش مش رح نظلمك كيف مادرتلي بلعكس كل شي جربتني فيه اني رح نجربك فيه ز مثلا نرتبط او خلينا نقولو نوافق ع شاب المتقدملي
اسكندر 💔:بلا سلاطه اني اهو خطبها من سنتين لكن منبيش ناخدها منبيش تخش حوشي الحوش ل انتي مختارتيله دار النوم والاتات ف اسباب خلتني نرخي بيك وناخدها افهمي رسل بلا جو عواويل اني جاي هني عشان نصلح مش عشان نزيد نكسر
رسل: اي بس لتكسر معاش يتصلح سنتين لمرو عليا تعرف كم يوم فيهم تعرف كم ساعه فيهم ف كل دقيقه مرت عليا نكره روحي ستلاف مره لاني اخترتك ومستحيل نعاود لدرته
اسكندر طلع من الكافيتريا متع المستشفى وركب مكتبه خش وهووالعه فيه نار
رسل فتحت الباب وخشت: قعد نفس الاسلوب تعصب وخش لغرفة وكسر
اسكندر قربلها عيونه حمر: اسمعي اني رح نوقف خدمه هني بشرط انك متوافقيش ع خطوبتك نوقف وتوا،، قطعاته
رسل وهي تشوف عيونه الحمر من الغيره: النار لراكبه فيك هادي قبل دقايق بس لكن اني ركبتني سنتين
اسكندر عيونه حمر:رسل ماتسفزينش
رسل قربت من المكتب ادور فتحت درج المكتب فعلا لقت دبلته خدتها وقربتله
رسل مدتله دبلته: تصدق امنيتي الوحيده شن هي امنيه وحده بس خاطري تتحقق
اسكندر: رسلل
رسل تشوف دبلته لفي ايدها: خاطري نشوفها خطيبتك لفضلتها عليا
اسكندر تنهد خدي الدبله منها : هادي مجرد دبله وخشت ايدي منها بس افهميني
رسل: اني منحبش نبرر لناس لزيك
اسكندر فتح زرين الاولات من سوريته وبان انه لابس سلسال ف رقبته :تدكري من لبسني هدا
رسل طلعت منها ابتسامه: احلف انك ماحولته بكل
اسكندر: ولا عمره انزاح 🔥
رسل تغيرت نظرتها بكره: بس هدا مجرد سلسال اكيد انت مش متوقع مني نسامحك لانك لابسه
طق طق
اسامه خش: اسكندر انت ?!
اسكندر: اي
رسل: نستادن
اسامه: رسل لحظه
رسل تلفتت:نعم
اسامه: ليا اسبوع باعت عيلتي قصدي تقدري تردي
رسل: اي اليوم بنرد ع امك حاظر واسفه ع التاخير ،، وطلعت
اسكندر فهم كل شي تعصب:شن تبي مني توا ?!
اسامه شافله: خيرك فاصل بعتوني قالولي انك جراح واني جراح، ،قاطعه
اسكندر ضاغط ع سنونه: شن تبيي توا
اسامه: مانبي شي بس لحظه ف صلة قرابه بينك وبينها ?!
اسكندر سيطر ع اعصابه: لا ممرضة هادي بس
اسامه: اسف لو ازعجتك بس بعتوني قالولي انك درت عملية ف غيابي نبي نشوف ملف المريض
اسكندر صكر زر سوريته وقعمز تنهد: المريض كويس اني نتابع فيه
اسامه: تمام بنشوف ملفه
اسكندر شافله: دكتور اسامه اني متدرب بما انك واخد اجازة خلاص المريض ليا
اسامه: ياخوي ليك نبي ملفه بسس
اسكندر طلع من غرفته وهو الدنيا دارت بيه لم عرف انه رسل انخطبت ورح توافق طلع هاتفه اتصل برقمها القديم ل مسميه (النبض ديالي)
رسل صكرت ف الاول وف التاني وف التالته ردت
رسل: نعمم دكتور
اسكندر تنهد واقف ع الشباك وهو يشوف ف رسل مع رشا وتتكلم ع لهاتف يشوفلها بدون ماتحس عليه
اسكندر:سامحيني
رسل: علاش الكلمة هادي مقلتهاش قبل ماتعرف انه بنوافق ع خطبتي
اسكندر:رسسللل اني خطبت هبه لانه،،،، وسكت
رسل: اسمها هبه حلوو
هبه واسكندر ويجيكم ولد سموه، ،،قاطعها
اسكندر:ولدي بنسميه حيدر لانه البنت لنعشقها ولنحبها ولنموت ف الارض لتمشي علها قالتلي بتسمي ولدي حيدر عشان يبدا اسمه حيدر اسكندر الرايس (رسل كانت بتسمي ولدهم حيدر)
رسل ضحكت بهزوه: تحلم انت
اسكندر تعصب يشوفلها من الشباك :علااش تكدبي ع روحك واضح من عيونك باهي قولي نكرهك اسكندر قولها ترا
رسل حدفت الهاتف ع الحيط بقوة
رشا نصدمة قربتلها
اسكندر يشوفلها من الشباك تبكي وايدها ع وجها
رسل تبكي وايدها ع وجها
رشا تبعد ف ايدها: خيرك يابنت من كلمك خيرك
رسل تبكي وقفت مسحت دموعها قربت قامت هاتفها المتكسر من الارض وخشت للمستشفى
اسكندر نزل ف الدروج :ياسر مهزله، ،نزل وشاف رسل متجهه لممر الحمامات لحقها
رسل خشت الحمام (حشاكم ) وقربت فتحت وشاحها عشان تغسل وجها بس نصدمت بلباب نفتح لبسة وشاحها وصكرت الشيشمه
رسل شافتله تتكلم وترشف ف انفها عيونها حمر: اني شن درتلك باش اديرلي هكي
باهي اني خلاص سامحتك تمام ومعاش نبي منك شي وصدقني لليوم ماعمري لليوم هدا ماعمممري دعيت عليك ولا دكرتك بكلمه مش كويسه (تنهدت) اني تعبت
اسكندر: تمام اني رح نحكيلك كل شي، ،قاطعاته
رسل بصوت واطي: اسكندر خلاص لصار صار توا انت عندك هبه اكيد تحبك اني توا خلاص مش ليك اعتبر انك متعرفنيش ولا نعرفك
اسكندر:بس، ،قاطعاته
رسل: مافيش لابس ولاشي اني مانبيش لحسيته معاك تحسهه خطيبتك منبيكش تجرحها كيف ماجرحتني تمام اوعدني
اسكندر: اني نحب غيرهااا افهمممي
رسل: اني بنسيب خدمتي هني وانت بتشوف حياتك واني بنشوف حياتي
اسكندر شد مرفقها: فسخت منك اي جرحتك اااي وخطبت اي لكن يومي كله واني نراقب فيك خدمتك وين تخرجتي من معهد تمريض كنت معاك ومن بين الهدايا لوصلوك وصلاتك هديتي
رسل فكت ايده بعنف: كويس معنها اكيد شفت وسمعت بنومي ف المستشفى وبفقدان وعيي ف عرس خوي ف وسط عرس خوي وهو فرحان قامني واسعفني انت لبسببك بابا شك فيا تخيل لاني مناكلش ولا نشرب وندوخ باباااا بسببك فكرني حامل (دمعوها نزلو) بسببك انت ضربني خوي بسببك انت امي قريب طلقها بوي فهمننني كيف تبيني نسامححك
بعد ماوقفت ع رجليا وتقوية جاينييي
(علاقة رسل بااسكندر كانت عادية علاقة ع الهاتف شايفها ف المعهد تمريض صح بس ماعمرها قربلها ولا لمسها ولا طلب منها شي
رسل حباته واسكندر عجباته وتواصلو وخدو ارقام بعض بااختصار حب ع الهاتف بس بس مش اي حب🔥 )
اسكندر: شن تبيني ندير انتي قوليلي تبيني نستقيل من هني?!
رسل: لا انت وراك عيله ،اني لرح نستقيل
اسكندر:تستقيلي من هني ننهيه اسامه متعك سامعه وانتي تعرفي اني منبصرش جربي اطلعي من المستشفى وشوفي ،،وطلع
رسل شافت روحها ف المرايا متع الحمام :انتي معاش بتخافي منه ولا رح يهزلك شعره سامعه وكيف ماقلت اني بنوافق ع خطوبتي وطبعاا اسامه ع سبله عشان يشوف وجهي اسامه هو لرح يكون حبيبي وخطيبي وبس،،وطلعت
🔥👑الكاتبة: ميشوو محمد 👑🔥
،،
طبعاا ايهاب قعد معاها ف الصاله
غزل وقفت مسحت دموعها: رجعني !!
ايهاب مقعمز شافلها:انتي هبلتي
غزل قربت من لباب شافتله: ماتخافش بنطلع بدون مايشوفلي حد،،، وفتحت الباب وطلعت
غزل نزلت وهي لابسه التوتة سروال اسود وتوتة حمراء والكبوس نزلت تجري وعيونها دموع
ايهاب لحقها
غزل مجرد مانزلت وهي تبكي ودقات قلبها متسارعه تنزل من لدروج متع العمارة درجه وراى درجه لعند طاحت وجي راسها ع الدرجه
ايهاب نزل: عرفتها بدير مصيبه ،،،نزل قرب حول الكبوس دخل ايده ف شعرها دممم قامها وركب بها قعمز وهي ف حضنه يطبطب ع خدها: شن اسمها غزل اي غزل غغززل
غزل ترمش ف عيونها
ايهاب قامها للحمام دخل راسها تحت الميه غسل راسها ليطلع ف الدم
غزل صحصت بين ايديه: راسسي
ايهاب شافلها: خودي المنشفه حطيه ع راسك
غزل شدت المنشف ع راسها وتتوجع
ايهاب قامها وطلع بها حطها ع السرير متعه وخش المطبخ جاب قهوة: نزلي راسك
غزل حولت المنشفه الملوث بدمم وقرب ايهاب من راسها بعد شعرها ودارلها شوية قهوة ع الجرح
غزل وهي ف حضنه عطرره وكيف مهتم بااصابتها: سامحني
ايهاب يلف ف شاش ع راسها: ع شنو
غزل: لبكتكك معاي وحصلتك فيا
ايهاب وهو يربط ف الشاش وسكتت بعد ووقف بعيد عن السرير: راسك متورم بس مش محتاج خياطه الجرح مع الوقت يلتم توا بنمشي نجيبلك شي حلو عشان الدوخه وجاي
غزل ابتسمت وهي ع السرير:شكرا دكتور
ايهاب تلبك طلع
#تسريع_الاحداث
بعد مرور تلاته ايام
ف التلاته ايام هادددم ركز محمود انه رناد مش نفسها العروس وعرف انها عميه خداها ورجعها لحوش عمها
محمود: شن هادي لعطيهالي من بيعنها توووا ترجعلي فلوسي
جدها: بعد شنو بعد ماخديت البنت خلاص انت خديتها
رناد ف السيارة فتحت التابلو متع السيارة تتلامس ف داخله لقت مسدس
محمود فتح الباب وخدي المسدس ونزلها سكران طينه: البنت دفعت فها الاااف واني معاش نبي لا الفلوس ولا العميه هادي
ف اللحظه هادي وصلت سيارة لشرطه عشان تاخد الجد لتحقيق لانه ولد دكرة ف التحقيق شافو المسدس نزلو كلهم
فادي: لمسدس ف ايدك رد بالك تتهور
باسم طلع مسدسه: صدقني لو تلمسها ماحنرحمك
محمود وقدامه رناد ل ع الارض سحب المسدس
وكان سكران
وطلعت رصاصه طااق ف تواني تلوث المكان بدم
يتبع ……..
لقراءة الجزء التالي : الجزء السابع من رواية خط احمر
لقراءة الجزء السابق : الجزء الخامس من رواية خط احمر
للإطلاع علي فهرس اجزاء الرواية : جميع اجزاء رواية خط احمر للكاتبة ميشو محمد
جميع الحقوق محفوظة للكاتبة ميشو محمد .
فيسبوك X بينتيريست Reddit
صورة مهند أدهم
مهند أدهم
مقالات ذات صلة
صورة جميلة لغلاف الجزء الثاني عشر من رواية محظوظ ولكن
الجزء الثاني عشر من رواية محظوظ ولكن
يونيو 18, 2022
صورة جميلة لغلاف الجزء الخامس عشر من رواية جعلني انثي
الجزء الخامس عشر من رواية جعلني انثي
مايو 28, 2022
صورة جميلة لغلاف الجزء الرابع من رواية أنت عدوي
الجزء الرابع من رواية أنت عدوي
مايو 19, 2022
صورة جميلة رائعة لغلاف الجزء العاشر من رواية بايرة حلتنا
الجزء العاشر من رواية بايرة حلتنا
يونيو 12, 2022
اترك تعليقاً
لن يتم نشر عنوان بريدك الإلكتروني. الحقول الإلزامية مشار إليها بـ *
التعليق *
الاسم *
البريد الإلكتروني *
الموقع الإلكتروني
احفظ اسمي، بريدي الإلكتروني، والموقع الإلكتروني في هذا المتصفح لاستخدامها المرة المقبلة في تعليقي.
© حقوق النشر 2026، جميع الحقوق محفوظة | من موقع قصص واقعية
فيسبوك
فيسبوك
X
واتساب القائمة
روايات
بحث عن
الرئيسية/الجزء
الجزء
الجزء السابع من رواية خط احمر
الجزء السابع من رواية خط احمر
صورة مهند أدهم مهند أدهممايو 24, 20220544 6 دقائق
وفي الجزء السابع يا تري هل ستحدث مفاجآة تقلب الأمور رأساً علي عقب مع ابطالنا ؟ ام ستكون الأمور طبيعية تماماً ؟ كل هذا وأكثر سوف نعرفه سوياً في السطور التالية بإذن الله من رواية خط احمر للكاتبة الليبية ميشو محمد .
الجزء السابع من رواية خط احمر
فادي: لمسدس ف ايدك رد بالك تتهور
باسم طلع مسدسه: صدقني لو تلمسها ماحنرحمك
محمود وقدامه رناد ل ع الارض سحب المسدس
وكان سكران
وطلعت رصاصه طااق ف تواني تلوث المكان بدم
رناد صكرت ودانها بخلعه
محمود ع الارض
باسم نزل سلاحه
فادي شاف باسم: انت انتهيت باسم!!
باسم نزل سلاحه بعصبيه بصوت 💔: كان سكران وع لحظه كان بيقتل بنت برررئيه مليهاش دنب بلصاير
رناد وقفت: مااات ?!
فادي قرب ولمس رقبت محمود: مافيش نبض
رناد تشوف قدامها: مني ضربه
باسم تنهد بتعب:اني ضربته
رناد قربت خطوه ومدت ايدها: عطيني المسدس
باسم شافلها عيونها الملونات وكيف منفوخات بشرتها شاحبه وساكت
رناد تلفتت وتمشي لعند لمست محمود قربت من رقبته وهي تتلامس فيه: ع ايش عايش في نبض
باسم قرب لمس النبض:نبضه ضعيف اسعفوه بسرعه
فادي اعتقل جد رناد
باسم شاف رناد: سلامتك
فادي قرب: اسمك رناد صح
رناد تشوف للارض : اي
فادي: اختك غزل معانا وكويسه
باسم يشوفله وبس
رناد: هي وين محبوسه ?!
فادي:لا مش محبوسه انتي خليك هني فتره وترجعلك اختك
ومشو باسم وفادي
وطلعت حنا رناد بسرعه حضنت رناد
،،
وعند اسكندر ل قرب موعد عرسه
اسكندر اتصل ب هبه: يامصيبه وينك انتي
هبه: اسكندر عدل كلامك
اسكندر: قالولي حددتو موعد العرس غير انتي وين
هبه: ف المستشفى مريضه شوية ندير ف تحليل
اسكندر:تروحي ز البنت العاقله توا
هبه: ف المستشفى يامخلوق شن هادااا
اسكندر :اي مستشفى
هبه: ف مستشفى ال،،،،
اسكندر: اني نشتغل هني انت ف اي قسم،،وصكر علها
هبه واقفه مع عبدالرحمن: برااا بسرعه هو يشتغل هني
عبدالرحمن: مش ع اساس يشتغل ف مستشفى ال،،،،
هبه: وين نعلم اني براااا
عبد الرحمن طلع
رسل طلعت التحليل: الف مبروك ربي ينوضك بسلامه
هبه طلعت الدبله من جيبها ولبستها وخدت الورقه من رسل: شكرا
رسل خشت للقسم من تاني
اسكندر نزل وشافها: استني
هبه قربتله: اهلين اسكندر
اسكندر :شن قصة الموعد
رسل طلعت من القسم وجي قدامها لكن مشفلهاش تسمعلهم وميشفوش فها
هبه: حبيبي خلاص اني نتصرف انت متخافش
اسكندر لمحح ممرضة واقفه شافلها وهني كانت الصدمه 💔
رسل شافتله شافلها تلفتت وركبت فوق من الدروج
اسكندر: تمام روحي انتي بعدين نتفاهم معاك
هبه مرعوبه روحت
اسكندر ركب شاف رسل وقفه وتشوف من الشباك قرب: تحققت امنيتك وشفتها
رسل عيونها حمر بصوت واطي شافت حوليهم: اقلب وجهك من هني
اسكندر: رسلل
رسل عيونها حمر: خاين وحيوان وسافل وكداب بس متوقعتكش تلعب ع خطيبتك (فكرتها حامل منه)
اسكندر: اني مش خاين ولا كداب ولا حيوان اعرفي شن تقولي اني قعد محترمك بزياده
رسل تلفتت بتنزل قابلتها رشا نزلت معاها
رسل: رشا استني بننزل معاك
ونزلو مع بعض
،،
ايهاب رجع وعنده ف ايده انواع شكلاطه طق ع باب غرفته: نخش ?!
غزل لبسة كبوس التوتة:خش
ايهاب خش: هادي شكلاطه عشان الدوخه
غزل بعدت الورغان ووقفت: اني توا ليا معاك حوالي اربعه ايام ومنعررفش حتى اسمك معقولا
ايهاب يتلبك لم توقف قدامه: ايهاب اسمي ايهاب
غزل: ايهاب انت وين عيلتك علاش حوشك فاضي
ايهاب بدون مايعطيها وجه: انتي شن دخلك
غزل: صح اسفه نبي منك شي واحد بس نبي عباية ووشاح نبي نطلع من هني
ايهاب: تعرفي حد بتمشيله
غزل بعصبيه: لو كنت نعرف حد كنت نقعد عندك اربعه ايام
ايهاب فنص فها: صووتك يتنقص لم تتكلمي معاي صووتك تتحكمي فيه
غزل: تمام عادي تجيبلي عباية ووشاح لو سمحت
ايهاب حط الشكلاطه ع السرير: تمام توا عندي خدمه ف ليل نرجع،،،وطلع
ايهاب طلع ركب سيارته: اني شن فهمني ف ملابس البنات،، طلع هاتفه اتصل ب موسى العامل متعه
ايهاب حاول يولعها مبتش بعد محاولات ولعت ويتكلم: هاا عم موسى وين
موسى: اهوو ف المعرض ياعم
ايهاب: ميه ميه اهو جاي، ، وصكر
وفعلا تواني ووصل
ايهاب تلببببك كيف بيتكلم خش للمكتب متع المعرض
موسى لحقه: ف شي
ايهاب تلبك: اهااا اي في
ااا قصدي بلاش مافيش
موسى تلفت بيطلع
ايهاب بصوت عالي شوية: في في تعالى نبيك ف موضوع
موسى تلفت: خيرك خاش بعضك
ايهاب تنهد: من الاخير نبي من مرتك ملابس
موسى كان شيباني فنص فيه : كيييف
ايهاب تلبك: تي لاااا فهمتني غلط مش هكي قصدي نبي مرتك تاخدلي ملابس
موسى: تاخدلك ?!
ايهاب: ملابس بنات نبي
موسى: بناات احكيلي ونفهمك
ايهاب تنهد: ياودي بلاااش اني تو ناخد بروحي خلاص اعتبر نفسك مسمعت شي
موسى: شن قصة البنات
ايهاب: عم لا مش هكي اختي طلبت مني جاكيت وحكتلي عليه واني منفهمش ف دوه هادي خلاص اني تو ناخده اطلع انت شوف شغلك
موسى طلع وايهاب طلع وراه
ايهاب: خليك ف المعرض لعند مانجي ف ليل
موسى: فهمني علاش ترقد ف المعرض
ايهاب: مالللي وحرر عندك حاجه عندي ?! ،،وركب سيارته وطلع
وقف قدام محل وقعد دقايق يشوف ف محل نسائي
ايهاب: هادي اخرتها،،ونزل
كانو يشتغلو فيه بنات
ايهاب: السلام عليكم
التنين :وعليكم السلام
ايهاب: لو سمحتي اني منفهمش ف ملابس نبي توتة بنات
البنت: تفضل اختار
ايهاب خش واختار زوز وحده زرقاء غامقه والتانيه ورديه
البنت: كويس رقمهم ?!
ايهاب: منعرفش نبي رقم 38 تقريبا
البنت جابتله التوت بنفس الرقم
ايهاب روح وكان لحوش مظلم مقدرش ينادي اسمها: يابنت
غزل طلعت من المطبخ :نعم
ايهاب مدلها الكياس: هادم ملابس
غزل خدتها :شكراا تعبتك
ايهاب: تعشيتي ?!
غزل: اموري هانيه مدورش، ،فتحت الكيسه
غزل: هدا شنوو اني نبي عبايه
ايهاب تعصب: بطولك هدا وين بنلقها العبايه كلهم طوال
غزل: متتعصبش تمام شكرا
ايهاب: مستفزه يانهار
غزل: لا مستفزه لا شي انت خلوقك ف شيشه
ايهاب: ماتبي شي من برا
غزل: لا سلامتك
طبعاا لها اربعه ايام بدون دوش وبنفس الملابس عطول خشت لدوش
ايهاب نزل ولع ولع شييي مبتش ضرب العجله برجله: عرفتها بديرها اني 😤
ركب لكن كان الحوش فاضي وسمع صوت الحمام بمعنى ادوش
ايهاب قعمز ف الصالة يدخن
دقايق وطلعت
غزل تنشف ف شعرها ولبسة التوتة الورديه شمت ريحة دخان قربت من الصالة خشت
ايهاب اول مخشت شافلها: الليلة نومتي هني بما انه السيارة وقفت
غزل المنشفه ع شعرها: وقفتت ?!
ايهاب فنص فها: اي ووقفت مش مصدقه ?!
غزل: لامش هكي استغربت بس علاش كل شوية تعيط عليا ع سبله انت؟!
ايهاب: احمدربي اني حتى اختي منساير فها زيك
غزل: هه تساير فيا بشنو…. قتلك جيب عباية جايبلي توتة
ايهاب وقف متعصب: متبيهاش التوتة هتاها
غزل فنصت فيه: لم بنرجع لحوشي بنعطيك حقهم اطممن
ايهاب سكتتت
غزل خشت لغرفة لنوم متعصبه
ايهاب كمل تدخين
تررررن ترررن
ايهاب: هاا يام،،، ف الحوش شنو،،، عادي اي لكن السيارة واقفه،،، يام السيارة واقفه،،، ولله سامحيني معنديش جناوح باش نجيك بلعربي السيارة وبلنجليزي suspend كان وصلاتك المعلومه يام… وصكر الخط
غزل رقدت
…
في الحوش
ضياء: الولد يبي يدير نظرة شرعيه قتله مش شايفها ف المستشفى قال عنده شروط
سعاد: اي عادي يتفضل
رسل: حتني عندي شروط
ادم: كبرت وبدت تتشرط 😂
اسلام يلعب كلعاده
يزن خش: السلام عليكم
كلهم: وعليكم السلام
وكلعاده مشاله اسلام يجري
اسلام هدا محبوب الغيلة وضيفته يستقبل ❤😂
رسل خشت غرفتها شافت زوز رسايل (كل شي رح نصلح ويرجع احسن من قبل صدقيني)
(رسل الله يخليك اني جاي عشانك لوو سمحتي متوافقيش) اسكندر
رسل: معادش عندي ليك علاقه ليخون مرة تبدا ساهله عليه ويعاودها بسهوله.. رقدت بدون ماترد ع رسايله
…
في المركز
باسم خش: قالو طالبني كانت ف المستشفى مع الخامر هداكا شن تبي
فادي: يسالو من سبب الرصاص
باسم: قوللهم اسمه باسم ضياء،،،،،
فادي: انت غلط لدرتها هو سكران مضربهاش
باهي نقولوو ادافع علها باهي علاش مضربتاش ف رجله ف كثفه مش ف صدره
باسم: يمللح معاش تفرق معاي تصاوب وحالته كويسه اصح مني ومنك ز الجن مذصارله شي
فادي: كويس مالا اعرف انه غضوا جايين يحقاقو معاك
باسم: اي عادي المهم كلم خوك قوله يجيب البنت ل اسمها غزل غضوا نسلموها لعيلتها
فادي تلبككك:خوي اي اي تمام
باسم: تصبح ع خير.. وطلع
فادي وقف: خوي صح .. طلع روح
….
#بااختصار_للاحداث
غزل طبعاا رفض ايهاب يرجعها لانه متاكد لو رجعت يقتلوها
غزل شكراته هلبااا وخشت ف شغل مع جارتها تشتغل ف طلبيات للعرس للاكل وهكي تمشي غزل لحوشها بحكم هي متزوجه المراة ومعندهاش صغار فا غزل تمشي تغسل معاها ف الخضرة وتفرمها وتعاونها وتاخد يوميتها
ام عند رسل مع انها مش هضماته الدكتور اسامه رفضت والشي هدا فرح اسكندر
عند ايهاب عقله وضميرة ميت ديما خدمه خدمه
…
ايهاب ف الصالة
غزل لبسة وشاحها وطلعت معاها فلوس: ايهاب شكرا لانك وقفت معاي هادم حق التوتات لخديتهملي
ايهاب يشوف ف الفلوس وبعدين قام عيونه فها: توا كان نفصل عليك تقوليلي انت عصبي وخلوقك ف حكه لمي فلوس بلا جو
غزل: لكن،،،
ايهاب: مالكنش انتي تعتبري امانه عندي لعند مانلقالك حل
…
هبه تتصل بـ عبد الرحمن لكن ميردش ❌❌
هبه بدت ترعش: حييي عليا وينه هدا من الصبح نتصل 💔
خشت اختها هدى خشت قعمزت وشاده الهاتف
هبه ايدها ع فمها وخشت الحمام (اكرمكم الله)
هدى اكبر من هبه بسنه قربت ع باب الحمام: هبه خيرك مريضه
هبه تستفرغ
هدى قعدت واقفه لعند دقايق وطلعت هبه: مريضه؟!
هبه وجها اصفر: اي ممكن
…
باسم طبعاا حقاقو معاه لانه ضرب محمود بس مدروله شي بحكم ضربه لانه خايف ع البنت رناد
ادم مع رسل واسلام وسعاد ف المنتزه
الدنيا ليل
فاتحين اغاني
مسلم ع المنصه وف ايده مايك: مساء الخير عليكم طبعاا ميخلاش يوم الخميس من مسابقات للاطفال مستعديين
ويتعايطوو
مسلم ع منصه: تمام اول شي نبو اصغر طفل هني هي وين اصغر طفل او طفله
رسل ف حضنها اسلام ويتفرجو وساكتين
مسلم قعد يشوف: هيااا وين الصغيرون فيكم
رسل وقفت: هيا نروحو راسي واسلام بيرقد
ادم وقف: هي
لم وقفو مسلم شاف اسلام ف حضن رسل
يتبع ………..
لقراءة الجزء التالي : الجزء الثامن من رواية خط احمر
لقراءة الجزء السابق : الجزء السادس من رواية خط احمر
للإطلاع علي فهرس اجزاء الرواية : جميع اجزاء رواية خط احمر للكاتبة ميشو محمد
جميع الحقوق محفوظة للكاتبة ميشو محمد .
فيسبوك X بينتيريست Reddit
صورة مهند أدهم
مهند أدهم
مقالات ذات صلة
صورة جميلة لغلاف الجزء الأول من رواية الزوجة التائهة بين الأحلام والواقع
الجزء الأول من رواية الزوجة التائهة بين الأحلام والواقع
أبريل 15, 2022
صورة جميلة لغلاف الجزء الثالث من رواية انتقام قرين
الجزء الثالث من رواية انتقام قرين
يونيو 11, 2022
صورة جميلة لغلاف الجزء الرابع عشر من رواية تزوجنا ولكن هل يبقي الحب
الجزء الرابع عشر من رواية تزوجنا ولكن هل يبقي الحب
مايو 15, 2022
صورة جميلة لغلاف الجزء الرابع عشر من رواية احببت منقذي
الجزء الرابع عشر من رواية احببت منقذي
يونيو 2, 2022
اترك تعليقاً
لن يتم نشر عنوان بريدك الإلكتروني. الحقول الإلزامية مشار إليها بـ *
التعليق *
الاسم *
البريد الإلكتروني *
الموقع الإلكتروني
احفظ اسمي، بريدي الإلكتروني، والموقع الإلكتروني في هذا المتصفح لاستخدامها المرة المقبلة في تعليقي.
© حقوق النشر 2026، جميع الحقوق محفوظة | من موقع قصص واقعية
فيسبوك
فيسبوك
X
واتساب
تيلقرام
زر الذهاب إلى الأعلى
تيلقرام
زر الذهاب إلى الأعلى