2/3
القائمة
روايات
بحث عن
الرئيسية/الجزء
الجزء
الجزء الثاني من رواية خط احمر
الجزء الثاني من رواية خط احمر
صورة مهند أدهم مهند أدهممايو 24, 20220596 6 دقائق
وفي الجزء الثاني من رواية خط احمر يا تري ماذا تتوقع ان يحدث من احداث جديدة مع ابطال الرواية ؟ دعونا نعرف ذلك في السطور التالية بإذن الله للكاتبة ميشو محمد .
الجزء الثاني من رواية خط احمر
اسكندر خش شاف ايهاب: هدا انت
ايهاب ضحك سلم ع اسكندر:وين سنين ماشفتك
اسكندر:كنت نراجع ف مصر رجعت من شهر تقريبا المهم شن اخبارك
ايهاب:ماشيه
اسكندر:خيرك ف المستشفى لاباس
ايهاب: الله يسلمك لالا مافي شي غير نبي دكتور اسامه قولولي جراح كويس
اسكندر:اهاا اليوم اسامه مش مداوم اني بنداوم ف مكانه
ايهاب: تي نسيتك حقه دكتور انت
اسكندر: نساعدك بشي?!
ايهاب : مافي شي بس اني من فترة درت حادث وفي مرشه خشت ف بطني وستاصلو من الكبد
اسكندر:امتى صار
ايهاب: الاسبوع لفات المهم اني بنحول البونطوات الخياطه والدكتور متعي منعني المهم نفخهم نبي الدكتور اسماه يشوفي الجرح
اسكندر:بما انه دكتورك قالك مزال خلاص استنى لعند تلتم اللحمه
ايهاب:نومي مش ز الناس ياراجل
اسكندر:تعالى معاي نشوف جرحك
ومشوو اسكندر شاف رسل ع جنب ومشي معاه
كشفله ع جرح
اسكندر:جرحك قعد جديد ريح روحك لو تحول الخيطه مش رح يلتم الجرح متخاطرش بحياتك ياايهاب
ايهاب :زممر،،،ولبس سوريته
طق طق طق طق
اسكندر: تفضل
رسل فتحت الباب:عفوا دكتور ف حادث ياريت تجي معاي
اسكندر:يحتاج عملية ولا جروح بسيطه ?!
رسل: غارق ف دمه منعرفش قالولي انديك بس
اسكندر شاف ايهاب: ممرضة عقمي للمريض جرحه ولم تكملي الحقيني،،وطلع
رسل خشت خدت المعدات: ممكن توريني اصابتك
ايهاب رجع اتكى ع السرير وقام التيشرت ع بطنه
رسل قربت تعقمله
ايهاب وجها لسقف: ياريت بسرعه
رسل تعقم: حاظر ،،كملت وغيرت اللصقه
ايهاب قعمز نزل التيشرت: مشكور
خشت ممرضة:رسل الدكتور طلبك للعمليه
رسل:اي نعرف يلا جايه
المنرضة طلعت
رسل شافت ايهاب: عن ادنك ماتشوف شر،،وطلعت
ايهاب طلع وراها
رسل: سارة خيرك تاخرتي
سارة: اهوو جيت
رسل: تمام اني ف العمليات فوق نكمل ونجيك،،وركبت
في لعمليات اسكندر ودكتور تخدير وخشت الممرضة رسل وكانو تلاتتهم معقمين ولابسين كمامات وقلافز
رسل: نعم دكتور
دكتور التخدير:دكتور اسكندر اني خدرته بنطلع
اسكندر:تمام
رسل ساكته
اسكندر:طلبتك انتي للعملية دونان عن الكل
رسل: دكتوور انت هني دكتور وبس ياريت تفهم ومتربطش الاشياء قبل سنين بلوقت الحاظر
اسكندر فتح للمريض صدره بلمشرط: جيت لمستشفى فاشل ز هدا ويبعد ع حوشي كيلو مترات عشانك،، قطعاته
رسل: انت لنسحبت مني مش اني صدقني لو تمشي للقمر مع نشوفلك بنص عين
اسكندر:رررسسسل كنت مطططرر
رسل شافتله بكره: معاش تبررلي شي انت بعد متخليت عليا بعد اسبوع بس اسبوووع درت بيان انت وحبيبت قلبك وجاي تقولي مطرر
اسكندر بيتكلم قطعاته
رسل تمسح ف الدم من المريض: متبرر شي كل شي واضحح
اسكندر تعصب بس لانه ف عملية تحكم ف غضبه
رسل تشوف ف اسكندر فاتح للمريض القفص الصدري متعه: دكتور شن ادير خطرر عليه
اسكندر: القفص الصدري فيه كسور محتاج لحديد بنكمل معنديش حل تاني. وخصوصا انه مستشفى متعكم فاشل مافيش دكتور غيري
رسل: شن وكان قتلي فاشل مفكر بثاثر فيا هو صح صغير ومش مستشفى كويس بس المهم انه يملك اطباء وومررضين ممتازين ياريت معاش تاخد صورة ع المستشفى من شكله الخارجي
اسكندر يدير ف الحديد: قتلي شاطرين اتفق يعني جهزيلي روحك عشان الخياطه ياشاطره
رسل: جاهزة
وفعلا كمل وخيطت رسل وطلعو
ف الممر الخاص بلغرفة اسكندر حول الكمامه ولوحها وقلافز ويغسل ف ايديه
رسل طلعت لوحة الكمامه والفلافز وتغسل ف ايدها
اسكندر بعد فضول داخله: ماتقدملك حد ?!
رسل غسلت ايدها وطالعه:امبحح
اسكندر: شكلي بنتعب معاها
،،
ايهاب ف المعرض متعه: اسكندر كمل دراسته
فادي: تبصصر قصدك دكتور توا ?!
ايهاب:دكتور ومتخرج من جامعة مصر ف القاهرة
فادي: كان كملت قرايتك راك دكتور توا
ايهاب: كله بسبب لصار كان منحبست راني دكتور جراح يلا صار لصار اهو فاتح معرض. بااحدث موديلات السيارات وكل اسبوع بسيارة من زيني
فادي: رسممي
،،
انتهى دوام رسل: باي سارة
سارة: بايات
اسكندر طالع:شفتي المريض متع الصبح ولا غير تبي تروحي
رسل شافلته: هو اي شفته بس اني نعرف انه الدكتور يسهر لراحة المرضى قولي انت وين ماشي توا عليك توكه اليوم مش صح
سارة تشوفلهم من بعيد وبس
اسكندر: عندي توكه طالع نتعشى بس
رسل: بلله وخيره اكل المستشفى مش عاجبك ولا متعود ع كرونفلكس من ماما
اسكندر حك بين عيونه: بضمي فمك ولا نرنك كفف
رسل قربت خطوة بتحدي: رنه الكف كانك راجل
اسمع اهو نقولك تشتغل هني مش رح تحرك فيا شعره مجرد كللب رجع بعد سنتين من اليوم تشوفني دير روحك ماشفتني ولا رح نشوفك
اسكندر شافلها بتحدي وايديره ف جيوب جاكيته: بنشوفك وكل يوم وبنستفزك
رسل:مستغربتش هدا طبع الكلب خليك ديما ف جرتي،، وطلعت روحت ع رجليها
اسكندر غمض عيونه بغضضب: اللهم طولك ياروح
رسل روحت ع رجلاها وقلبها كله كره ومتعصبه للحظه عيونها تعبو دموع: هدا ميحبش دايرني لعبة،، ومسحت دموعها
وروحت
رسل خشت: السلام عليكم
وشافت اسلام يتمشى وجاها وهو يمشي بشوية
كانو باسم وسعاد وادم وضياء مقعمزين ف الصالون ويشوف ف اسلام يلعب قدامهم ويتفرجو عليه ماشي ل رسل
رسل ضحكت قماته: غزالي سلومه
باسم : اسلام اسمه معاش ادلعيه
رسل: اني عمته عادي ندلعه مره مره مش ديما
سعاد: صقع برا?!
رسل:اي سحاب ممكن تمطر
سعاد: نشالله تصب
رسل حطت اسلام وركبت تغير ملابسها ونزلت
ادم: رسل شفتي قيس?!
رسل: مستشفى كبير مانعرفش شفت مرضى لكن منعرفش الاسماء
ضياء:قالو كويس يا ادم
ادم: بنشوفه يابووي
باسم وقف:اني بنروح تصبحو ع خير
سعاد: ارقد هني اهو بنحط عشي
باسم: لالا بنروح ..قام اسلام: تروح معاي
اسلام يبتسم وميعرفش: انلاا
باسم ابتسم نزله: رسل ردي بالك عليه
رسل: اسلام قول لبابا باي
اسلام شاف باسم دارله باي بيده
باسم ابتسم وطلع
سعاد: مرته هدا متوفيه من عام ونص ياضياء دير حلل لولدكك
ضياء بعصبيه: هو مايبيش نغصبه بسيييف
سعاد وقفت بتكشيخ: ولده بيكبر يبي ام تقريه وتربية وتوريه ياضياء
ضياء علا صوته: بلغصصصب نقولك هو مايبيششش
سعاد: اني تو ندير حل ..ومشت للمطبخ رسل لحقتها حطو العشي تعشو كلهم معاده سعاد
ادم: كولي يام
سعاد: معاش بناكل شي نشوف ف ولدي ينسلل قدامي
رسل:يام كولي مدوريشي تو يكبر اسلام ويحس بيه ويندم
سعاد ناضت لغرفتها
،،
باسم روح لحوشه ل كان غبره ومظلمم باسم خش لغرفة نومه والضي مطفي تلوح ع السرير
باسم: جرحي يكبر والكل حاسين انه مع الوقت يبرا وهو يزيج مايتعمق كل نظرة او لمسة او ابتسمه من اسلام اليوم رسل قتله يقولي باي للحظه تمنيتك انتي لتعلمي فيه يقولي باي بيده
باسم قعمز ويشوف ف الظلام مش باين شي من الغرفة: مش مصدق انك ميته من عام ونص ،، وقعد متكي لعند خده النوم 💔
،،
رسل رقدت اسلام جنبها وقفت قدام المرايا: اسكندر بشنو فضل خطيبته عليا شنو لكان عندها ومعنديش اني (سكتت) مش واجعيني السنتين لواجعني بعد حب مجرد مارخي بيا دار خطوبة بعد اسبوع يعني كان يلعب ع الحبلين كل شي ينغفر الا الخيانه
،،
اسكندر لكان متكي ع سرير عيونه ف السقف: وراك وراك لم تعرفي الاسباب رح تعدريني سنتين تعدبت فيهم اكثر منك مجرد مافكرت بنخطبك طلعت ف وجهي بنت الحرام ريان
رح نبرر ونفهمك كل شي ياعمري
،،
الكل كانو يجهزو بيرقدو من ابطالنا الا ايهاب لكان متمنى انه يرقد بس مش قادر مش بسبب اصابته لااا بسبب 💔
في القراج
كل واحد مقعمز ع بلوكه وقدامهم نار
ايهاب يدخن: لم شفت صاحبي مكمل تعليمه ومحقق حلمه ركبتني نار يافادي
فادي: من امتى ايهاب تحسدد
ايهاب:مش حسد صدقني النار لركبتني مش نار حسد ركبتني نار كره وغيض من بوي لكان هو سبب سجني لو مانحبست راني توا دكتور جراح قلب كانت مزالي سناتين بس ونكمل
فادي: اهو ربي عوضك عندك اكبر معرض وافخم السيارات واتاجر كبير فلوس لطلع فيهم يفتحولك مستشفى خاص بيك
ايهاب حدف الدخان: علااااش متفهمش انت اني مش واجعني شي افهممم صح خسرت مستقبلي لكن لولع ناري كان سبب تحطيمي هو بووي لو مادفعت الديون ع بوي راني محبوس قعد لليوم تخيل مجرد تخيل بوووك سبب تحطيمك 💔🔥 ،،،طلع وهو متعصب
فادي يشوف ف ايهاب من بعيد بصوت واطي يوشوش لروحه:ولو تعرف رفيقك هو خوك الكبير شن رح تكون ردت فعلك 🔥،،وناض طلع من القراج متعهم وخش
نورية: هو هدا ولد بوك ?!
فادي: اي ايهاب
نورية: شايفها امه تعرفها
فادي:شايفها ونعرفها حنينه زيك يام
نورية:حاشاني من هلفعه
فادي بعصبيه:يام انتي متعرفيش انه لصار بوي راسمله شوفي وركزي معاي
بوي قبل سنين جابنا هني اني وانتي واني سجلني ف نفس مدرسة ايهاب وقتها اني كنت نقرا تالت تانوي وهو يقرا اولى تانوي تعرفت عليه وكل يقولو نشبهو لبعض مسالته ع شي لعند مرة سالته ع اسمه الكامل وقالي ايهاب احمد موسى ال،،،،، عطول بدون تفكير روحت بدون ولا كلمه تاني يوم داومت ودرنا عركة وكان تدكري وقتها ايدي نفتحت وسعفوني وتبرعلي ايهاب
نورية:وكيف توا ليكم صحاب من عشرة سنين تقريباا وهو مايعرفش لقبك
فادي: مره سالني قالي انت من عيلة مني قلتله لقبك انتي
نورية قعمزت: باهي كيف خوك وريهولي كويس ولا طايش ?!
فادي: يشبهلي هلبااا يام اسمر طويل نفس طولي عيونه بنيات نفسشي
نورية:اعزمه وعرفني بيه الله يربحك بنشوفه
فادي: نفكر فها حاظر ،، وناض غرفته وسيب امه بترقد
،،
الكلل غطو ف النوم معاده ايهاب لكان متسطح ويغرس ف قلبه كرهه لبوه
واسكندر لكان مقعمز برا ف عزز الصقع وف ايده مق نسكافيه سخون ويتخايل ف عيون رسل لكانو مليانات كره تجاهه
،،
تاني يوم
رسل انطلقت لخدمتها كلعاده بعد ستلاف بوسة من اسلام الصغيرون 🤤❤️
اسلام دارلها باي بيده
رسل طلعت تضحك
كانت مطر خفيفه وجو يهبللل بعد وين تنزل قطره مطر
رسل ايدها ف جيوبها وصلت وخشت: صباح الخير
سارة ف لرسبشن: صباح الورد شنجو
رسل:لوز وانتي ?!
سارة: صقع 😂
رسل ابتسمت وقفت ع الرسبشن: من جي ?!
سارة: تعالي جاي ياقرده امس شن صاير بينك وبين الدكتور الجديد لاسمه اسكندر?!
يتبع ……..
لقراءة الجزء التالي : الجزء الثالث من رواية خط احمر
لقراءة الجزء السابق : الجزء الأول من رواية خط احمر
للإطلاع علي فهرس اجزاء الرواية : جميع اجزاء رواية خط احمر للكاتبة ميشو محمد
جميع الحقوق محفوظة للكاتبة ميشو محمد .
فيسبوك X بينتيريست Reddit
صورة مهند أدهم
مهند أدهم
مقالات ذات صلة
صورة جميلة لغلاف الجزء الثالث عشر من رواية اريدك انت
الجزء الثالث عشر من رواية اريدك انت
يونيو 13, 2022
رواية دهمان الجني الجزء الثاني
الجزء الثاني من رواية دهمان الجني الذي ارعب ضحاياه
فبراير 28, 2022
صورة جميلة لغلاف الجزء التاسع عشر من رواية عقارب الساعة
الجزء التاسع عشر من رواية عقارب الساعة
يونيو 1, 2022
صورة جميلة لغلاف الجزء الثاني عشر من رواية حوش جدي
الجزء الثاني عشر من رواية حوش جدي
مايو 4, 2022
اترك تعليقاً
لن يتم نشر عنوان بريدك الإلكتروني. الحقول الإلزامية مشار إليها بـ *
التعليق *
الاسم *
البريد الإلكتروني *
الموقع الإلكتروني
احفظ اسمي، بريدي الإلكتروني، والموقع الإلكتروني في هذا المتصفح لاستخدامها المرة المقبلة في تعليقي.
© حقوق النشر 2026، جميع الحقوق محفوظة | من موقع قصص واقعية
فيسبوك
فيسبوك
القائمة
روايات
بحث عن
الرئيسية/الجزء
الجزء
الجزء الثالث من رواية خط احمر
الجزء الثالث من رواية خط احمر
صورة مهند أدهم مهند أدهممايو 24, 20220556 6 دقائق
وفي الجزء الثالث من رواية خط احمر يا تري ماذا تتوقع عزيزي القارئ ان يحدث من احداث مشوقة مع ابطال حكايتنا ؟ وهل ستكون سعيدة يا تري ؟ كل هذا وأكثر سوف نعرفه سوياً في السطور التالية بإذن الله للكاتبة ميشو محمد .
الجزء الثالث من رواية خط احمر
رسل ايدها ف جيوبها وصلت وخشت: صباح الخير
سارة ف لرسبشن: صباح الورد شنجو
رسل:لوز وانتي ?!
سارة: صقع 😂
رسل ابتسمت وقفت ع الرسبشن: من جي ?!
سارة: تعالي جاي ياقرده امس شن صاير بينك وبين الدكتور الجديد لاسمه اسكندر?!
رسل وقفت كويس: اسمي اني واسم اسكندر حبيبتي مايجوش ف سؤال مع بعض ولا جملة هو مجررد دكتور وبس
سارة:تعلي شرينيني كفف متخليشي ف خاطرك 🙂
رسل تعصبت: صببح ياريتك مسالتي
اسكندر خش
سارة وقفت :صباح الخير دكتور
اسكندر خش طول الممرضات يصبحو عليه وهو فايت طول
رسل شافت سارة:قعمزي بلا قواده زايده ومعاش تصبحي عليه هدا شكله شكل خير
سارة فنصت فها: خيرك تتكلمي هكي شن تعرفي عليه
رسل اتجهة لغرفة الممرضات وتجاهلة سؤال سارة
رسل لبسة الجاكيت الابيض وطلعت ادير لفه ع المرضى بس وهي تلف شافت اسكندر خش غرفة ومقعمز ويهدرز :هو مقعمز ويهدرز واني نشتغل مصح وجهه ،، خشت لغرفة المريض متع امس متع العملية
رسل ابتسمت:صباح الخير
ام المريض: صباح النور
رسل:جيت نشوف لو محتاجين شي او لازمكم شي
ام المريض:بارك الله فيك بلله نبي الدكتور نبي نطمن ع ولدي ولو وصل
رسل:اهاا حاظر دقايق ويكون عندك،، وطلعت شافت رشا ف الممر شاده هاتفها
رسل قربتلها: رشا امتى جيتي
رشا عيونها ف الهاتف: قبل شوية
رسل:خيرك ?!
رشا: فسخة خطوبتي
رسل بصدمه: علااش ?!
رشا:وصلوني صور عليه الحقير باززفت حالاته حكيت لبابا وبابا وقف معاي وفسخة وبعتتله امبارح ملابس والحاجات لباعتهم
رسل: تحبيه ?!
رشا تنهدت: تي الحق نحبه بس بعد لشفته قلبي بنلوحه ف اقرب مكب كناسة
رسل: هو تبي الحق من الاول محظمتاش اني
رشا ضحكت :بارده
اسكندر فات من جنبهم
رسل بصوت واطي: رشا قولي لدكتور هدا المريض متع عملية امس يبيه
رشا بتتكلم قطعتها رسل بصوت واطي
رسل:لا استني خليه ينزل من الدروج وقوليله باش يركب تاني
رشا استغربت
وفعلا نزل وشافتله رشا من فوق: دكتور لو سمحت طلباتك ام المريض متع عملية امس
اسكندر رجع ركب شاف رسل: اي مريض?!
رشا شافت رسل: اي مريض ?!
رسل تلبكت: اي مريض اهاا المريض اي المريض متع عملية امس ?!
اسكندر تجاهلهم وخش للغرفة المريض
رسل ضرب رشا ع ايدها: علاش هكي درتي هو فهم عليك مش قتليله متع العملية ياغبيه
رشا: تلبكت من نظراته نهاري احرف اني بننزل بنمشي لسارة،، ونزلت
رسل نزلت معاها: حبي ماتزعليش عشانه باهي ميستهلكش
وقفو ف الدروج
رشا: حطي روحك مكاني
اسكندر نازل ن الدروج
رسل بصوت عالي شوية تسمع ف اسكندر:اني مستحيل نبكي ولا يرفلي جفن عشان واحد كلب يتخلى عليا
اسكندر سمعها ونزل
رشا ضحكت ونزلت
رسل ادكرت ادم لم قال انه يبي يشوف صاحبه طلعت هاتفها اتصلت فيديو ب ادم
رسل: هاي
ادم: صبح يافتاح شن تبي
رسل: تبي تشوف قيس صاحبك
ادم: انتي تعرفيه ?!
رسل: منعرفاش بس عادي لو تبي نوريهولك
ادم: شكرا ع فكرتك الرائعه اهو فاتح نت نكلم فيه
رسل:باهي كويس هي باي،،وصكرت نزلت
رسل نزلت وصلت ف نهاية الدروج نخلعت ب اسكندر لطلع قدامها
رسل قلبت عيونها وبتفوت بس تفاجاة بيه شد مرفقها بقووه
اسكندر شاد مرفقها بقوة: جو العواويل مزال اديريه راسك نكسره تنزلي ف مستوواي قدام الممرضات ودكاتره هني مش رح نسكتلك جربي وعاودي لدرتيه
رسل دفاته بكره:كلمة الحق توجع علاش كدب لقلته
اسكندر: انتي كيف تحكي للممرضة عليا?!
رسل:اني محكيتش عليك للممرضة سالتني لو خطيبي يفسخ مني كيف نتصرف واني حكيتله بصفه عامه
اسكندر يفنص فها : كلمة امبحح وكلب معاش نسمعهم سامعه
رسل: امبحح
اسكندر تعصب: اني راني مانبصرش مع فيتك
رسل: امبحح شن بدير ?! بنقولها
اسكندر بعد: اهاا يعني بديري عكس لنسمعه اني
رسل: لا واصلا من تكون انت اني هكي بكييفي نعامل كل شخص بمستواه
اسكندر قام صبعه بتنبيه
رسل شافت الدبله لم قام ايده شافت الدبلة وشافتله
اسكندر انتبه ع الدبلة نزل ايده
رسل طلعت
اسكندر شاف ايده سحب الدبله بعنف مبتش تتحول من صبعه حاول حاول بس مبتش تعصب حاول بس مفيش مهرج
رسل عيونها تعبو دموع: دبلة ف ايده
خشت غرفة الممرضات
رسل شافت ممرضات بس انهارت بدت تبكي بدون مايحسو بس فشلت وحسو علها قربولها زوز يساولو فها خيرها بس
رسل مسحت دموعها:ولا شي شكرا،، وطلعت
رسل طلعت وغيرت لبسة جاكيتها وطلعت
سارة: وين ?!
رسل قربتلها
اسكندر نزل شافلها
رسل: خوديلي ادن بنروح،، وطلعت
اسكندر قرب لرسبشن: الدكتور ل اسمه اسامه وين?!
سارة: واخد اجازة داير عملية برا ليبيا
اسكندر:اهااا،،، وشاف للمرش متع الباب بانت غليه رسل واقفين قدامها زوز رجاله
رسل: تفضلو علاش تسالو اني ممرضة مش دكتورة
راجل: تعرفي تخيطي ?!
رسل بااستغراب:اي اكيد
اسكندر يشوفلهم
،،
ايهاب ف المعرض
خش واحد:السلام عليكم
ايهاب: وعليكم السلام تفضل !!
،،،،: اني لخديت منكم ال بي ام دبليو لمرة لفاتت ادكرتني
ايهاب: منعرفش ع كل حال تفضل في شي
،،،،: بناخد منكم سيارة توا ع السريع
ايهاب: تفضل اختار قدامك
،،،،:نبي ال بي ام الرصاصيه شفتها قبل مانخش
ايهاب وقف: تمام
وطلعو
ايهاب فتحها: تقدر تشوفها لو تبي
،،،،:لالا واتق ف مبيعاتك بحكم واخد منك سيارة من قبل اني نبي ناخدها توا ندفعلك فها ولما نفضى نكملو الاجاراءات والوراق
ايهاب استغرب: تمام
دفعله الحساب واموره لوز بس ايهاب مش مرتاح ولا مطمنله طلعو
،،،،: ياعدنان جيب الصندوق وجي لسيارة الجديده
عدنان حاول يقيم الصندوق لفي سيارة بوه بس مقدرش بروحه
ايهاب قرب: نعاونك
عدنان تلبك: اهاا لا لا اهو معاي خوي علي،،
وقموه علي وعدنان وحطوه ف السيارة الجديده
،،،،، :ركب ف السيارة مع ولاده عدنان وعلي
ايهاب استغرب هلبااا خصوصا ف الصندوق الكبير هدا
فادي خش للمعرض: شبيب خيرك واقف وتشوف ف السيارة بعتها
ايهاب يشوف ف سيارته طالعه من المعرض بشكك بصوت عالي: وقففف
موسى الغفير صكر باب المعرض
السيارة وقفت
ايهاب شاف فادي: عليهم شبها هادم
قربو الزوز
نزلوهم من السيارة التلاته
ايهاب قرب ع الصندوق
فادي شاف لبوهم: تي هدا مطلوب للمركز من جمعت دعارة
ايهاب نصدم: دعاااره
فادي اتصل بجمعته بحكم هو مخابرات وربطو الاب وولاده
موسى و ايهاب دخلو الصندوق ل غرفة المعرض
موسى طلع
ايهاب بيطلع بس جاه فضول
،،
راجل: عادي تجي معانا ف شخص محتاج خياطه
رسل خافت: خش المستشفى او جيب المصاب هني اني منقدرش
الراجل شاف يمين يسار وطلع مسدس وداره ع بطن رسل: بتجي معاي تخيطي المصاب احسن مانفتح مقبرة جماعيه هني
رسل تشوف ف الناس طالعه خاشه ع المستشفى : تت تمام نزل السلاح
الراجل شد مرفقها
اسكندر هني طلع: وقفف
الراجل وقف
رسل قلبها 💓 من الخوف
اسكندر قربلهم بس التنين ركبو سيارتهم وهربوو
اسكندر: من هادم
رسل من الخوف: سحبو عليا سلاح
اسكندر تعصب:بسبب منظرك كان لابسه عبايه راهو ميصيرش هكي
رسل شفتله بتعمق: وخيرني توا لابسة مايو
اسكندر بغضبب:رسلل حني فشارع
رسل شفتله بتفنيصه: طز فيك وف الشارع كله ومش باي،، ومشت
،،
ايهاب شخص مزاجي فات الصندوق وتلفتت بيطلع من الغرفة لعند مسمع صوت ركله ف الصندوق تلفتت باستغراب قرب خطوات بطيىء وركع قدام الصندوق و تفاجا بصوت نفس سريع
ايهاب :في شخص ينفس
غزل تسمع ف صوت شخص زادت تبكي وتتحرك بضيق وخوف ف الصندوق
ايهاب خدي ماصه وضرب القفل ونفتح القفل وفتح الصندوق الكبير نصدممم وتراجع للخلف لعند شاف بنت ب توتة ف وسط الصندوق
غزل تبكي مدت ايدها بمعنى تخطي ف وجها
ايهاب نصدم
غزل تبكي بنهيار
ايهاب عقد حواجبه ويشوفلها
غزل قربت ايدها المربوطات من فمها وحولت اللصقه كانت اللصقه قوية هلبااا حولته بقوة
غزل تبكي ون خوفها تبلع ف حروف من كلامها:ساعدني الله يخليك
ايهاب يشوفلها وساكت يستوعب لو فعلا نخطفت بسيارته كان مستحيل يطلع من السجن تعتبر جريمه خطف وتجارة بلبشرر
غزل كانت لابسة توتة شتوية حمراء قطنيه هدت شوية وتشوف ف المكان: تكلم معاي
ايهاب بعصبيه: انتي شن وصلك لصندوق بنت مني انتيي ?!
غزل: انت مني وين اني اني سمعت صوت واحد يكلم ف الشرطه صح
ايهاب بيتكلم بس قاطعه باب يطقطق بصوت عالي: منييي
موسى الغفير: يااستاد جت الشرطه وخدت فادي والجماعه ومشو
ايهاب: تمام برا لخدمتك انت
غزل وقفت وطلعت من الصندوق قربت وقفت قدام ايهاب: اسمعني اني لازم نرجع بسرعه
ايهاب بغضب وصوت عالي ضرب الباب الحديد: شن المصيييييببببه هااااادي،، قعمز وظهره مسنود ع الباب
غزل خافت ركعت قدامه بترجي:لالا متخافش اني مش رح نسببلك شي واني رح نحكي لبابا انك ساعدتني وانك كويس واكيد رح يكافيك بمنصب او فلوس
ايهاب قام راسه تنهد: مصيبه وراى مصيبه وراى مصيبه وراى مصيبه تي انتي لو شدوك ف سيارتي تعرفي شن صار ربي نجاني منك يامصيبه
غزل: اووووف باهي مش اول مره ننخطف اني اسمعني اني غزل بنت ال،،،،،،
ايهاب عقد حواجبه لم سمع الاسم: بوك كان وزير وصاحب منصب صح ?!
غزل: اني بوي سعد وكان وزير،،،،، ولخطفني هدا الحارس تبع بابا
ايهاب وقف فتح الدولاب طلع قامجو متع المنظفين: البسي هدا ع ملابسك بسرعه
غزل: هدا ?! كبيررر
ايهاب:الشرطه اكيد بتجي تفتش البسي
غزل لبسة القامجو ايهاب حول كبوسه الشمسيه ولبسهالها وركبو ف السيارة ومشو
ايهاب: اسمك ?!
غزل ابتسم: غزل
ايهاب: غزل تمام اسمعي انتي فاهمه شن لندير فيه ?!
غزل ابتسمت:اسفه مانوحيش
ايهاب بغضب ضرب للدومان:وقت بصارة ومزقره توا تجاوبي او ايدي ولكف
غزل: اوكي
ايهاب: اني بناخدك وبنكلم الشرطي صاحبي لسمعتي صوته هدا شرطي بنظم امورك وبنرجعك لبوك بدون شوشره بحكم انتي بنت وحني ف مجتمعنا نعرفو شن يعني بنت تنخطف
غزل:شن يعني بنت تنخطف
عاجي قصدي اهو اني نخطفت اربعه مرات مرة عمري سبعه سنين ومره مع امي ف السوبر ماركت ومر،،، قاطعها
ايهاب فنص فها ضغط ع سنونه:بتحكيلي قصة حياتك ناقص اني بنرفعك لشقتي وتتصلي ب بوك او براجلك المهم تنتلفي من عليا
يتبع……..
لقراءة الجزء التالي : الجزء الرابع من رواية خط احمر
لقراءة الجزء السابق : الجزء الثاني من رواية خط احمر
للإطلاع علي فهرس اجزاء الرواية : جميع اجزاء رواية خط احمر للكاتبة ميشو محمد
جميع الحقوق محفوظة للكاتبة ميشو محمد .
فيسبوك X بينتيريست Reddit
صورة مهند أدهم
مهند أدهم
مقالات ذات صلة
صورة جميلة لغلاف الجزء السابع عشر من رواية جعلني انثي
الجزء السابع عشر من رواية جعلني انثي
مايو 28, 2022
صورة مميزة لغلاف الجزء السادس والعشرون من رواية إمرأة بلا هوية
الجزء السادس والعشرون من رواية إمرأة بلا هوية
يوليو 8, 2022
صورة جميلة لغلاف الجزء السابع عشر من رواية خط احمر
الجزء السابع عشر من رواية خط احمر
مايو 24, 2022
صورة جميلة لغلاف الجزء الثامن من رواية انتقام قرين
الجزء الثامن من رواية انتقام قرين
يونيو 11, 2022
اترك تعليقاً
لن يتم نشر عنوان بريدك الإلكتروني. الحقول الإلزامية مشار إليها بـ *
التعليق *
الاسم *
البريد الإلكتروني *
الموقع الإلكتروني
احفظ اسمي، بريدي الإلكتروني، والموقع الإلكتروني في هذا المتصفح لاستخدامها المرة المقبلة في تعليقي.
© حقوق النشر 2026، جميع الحقوق محفوظة | من موقع قصص واقعية
فيسبوك
فيسبوك
X
واتساب
تيلقرام
زر الذهاب إلى الأعلى
X
واتساب
تيلقرام
زر الذهاب إلى الأعلى