الفصل الاول
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم `* *غرام.العاشقين.tt* ❤
*❴🔢❵الـــبـــــــــــ❴1️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
➖➖➖➖➖➖➖➖➖
*
رزان:يلا حاجتكن بقى خفوها
روان:على شو مستعجلة...شقفه محاضرة
اسيل:اي قولتها
رزان:بس محاضرة مهمه
اسيل:ستي ازا بدنا نرد عليكي كل المحاضرات مهمه عندك
رزان:اي ومهمه كتير
روان:يا حرام يا رزان المحاضرة مبلشه
رزان:مو مشكلة
دخلنا سوى وقعدنا حد بعض طالعت دفتر محاضراتي لاختصر واكتب الي عم يشرحو الدكتور
روان:اسيل كيف شايفه شعراتي
اسيل:لا كتير زابطين زابطه الكحلة عليي
روان:عم تتمئلسي
رزان:هس انتي وياها خلونا نفهم
روان:حلي عنا ياه بعدين شوفي ثلاثي المرح يقبر قلبي بسام كيف متل لشاطرين قاعد
اسيل:ولي على قامتي شو هالمنظر لك روان شفتي جهاد انتي
رزان:مو معبرينكن
روان:لا وحياتك لابسلي اصفر بيعرفني كتير بحبو
اسيل:بس ليش جاد عم يكتب معقول المحاضرة تخيلي
روان:لا عم يرسم قلوب حب وعيون مدمعه
اسيل:كيف عرفتي
روان:بسام خبرني
اسيل:لعمى بقلبك
رزان:بدكن تخرسو ولا روح انا من هون
اسيل:اسكتي ازعجناها لجناب الدكتورة رزان
اول مرة هيك بيردو عليي ودغري مسكن دفاترهن وبلشن عملية الطبع من دفتري وبعد ما انتهت المحاضرة كنت عم قسمها لأجزاء قبل نطلع واجو لعنا ثلاثي لمرح وكل واحد فيهن قعد قبال وحدة
بسام:ما يبلا الرمادي
روان:تسلملي
اسيل:شو جهاد مو على اساس تجاكرهن وتلبس الاسود
جهاد:ما قدرت ساووني مسخرة مبارح
اسيل:لكن لا تحكي معي من هون لشهر
جهاد:تعالي عاوزك بموضوع
روان:ونحن طالعين يلا رزان خفيها
ضبيت اغراضي بالشنته والبستها وحملت الدفتر وطلعت معهن
جاد:شو رايكن نتغدا برا اليوم
روان:ع حسابك
جاد:اي لكن على حسابك يا قشعانه
بسام:بتموتي ع البهادل
روان:لكن لابعت مسج ل اسيل حرام يروح عليها هالغدا لمدلل
جاد:بس مو هلا لبعد ما نشرب عصير على حسابك
روان:هههه ولا يهمك
كنت بس عم اطلع عليهن كيف بيتناقرو واحيانا بيغلطو على بعض وعادي بيتناقشو بشغلات مو منيحه يعني بتخجل بس انا ما بشارك براقبهن بصمت قعدنا سوى بالكفتيريا واجت اسيل وجهاد دغري وشاركونا
جاد:على حد علمي ما خلص موضوعك معها
جهاد:انت شو دخلك
روان:شو الموضوع
بسام:شغله انتو صغار عليها
اسيل:لا تردي كرمال حفله عيد الميلاد
بسام:حرقت اخت ام المفاجأة
روان:انا حافظه التاريخ يا قلبي
جاد:وكونك حافظيتو شو بدك هدية يومها
روان:انتو احلى هدية
جاد:بلشنا بالكولكه
روان:وربي ما بدي غير سلامتكن
جاد:راح جيبلك هدية ولا بتخطر ببالك وراح اعطيكي اياها بيني وبينك
روان:بتشوف يا صرمايه سامع بسام
بسام:مزح بيخجل يفوت على محل ويطلب هيك شغلات
روان:وعم تضحك بيسطه فيك
اسيل:جهاد مو عيب هالحكي سكتو ل جاد
جهاد:جاد عيب عليك لفها
جاد:انو يعني خجلكن زايد اليوم عن حدو بس انا شو شفتلك لك روان تشكيلة معروضه ع الواجهه
بسام:يخرب بيتك حاجتك الصبايا احمرو
اسيل:مو الحق عليكن علينا نحن لو مو عاطينكن وش ما بتحكو بيهك شغلات
جاد:حساسه يعني
جهاد:اي هي سنه الحياة
روان:انا ما بيعجبني غير سكوت رزان
جاد:بتكون عم تحضر للمحاضرة الجايه بفكرها
بسام:اي صحيح شاركينه ولوو
رزان:يعني على هالموضوع المهم
جاد:وشو المهم عندك انتي نحكيلك عن واجهة لكتاب والله واجهة المحل احلى بكتير
اسيل:يا ويلي انت
جاد:خلص راح غيرلكن الموضوع بتتزكرو ايهم ونور
اسيل:اكيد
جاد: مبارح بمجموعه الوتس وصلنا صورهن بوضعيات مختلفه
روان:عنجد
جاد:احكيلها اليوم بسام ...ولا خدو شوفو الصور
اعطى لروان التلفون ودغري اسيل قعدت حدا وفرطن ضحك
روان:لا مو معقول هي نور
اسيل:ييييي ....خدي شوفي رزان
رزان:لا يسلمو ما بهمني هيك صور
جهاد:والله ما حدا بيفهم قدك
بسام:تعلمي انتي وياها شوية اخلاق
اسيل:....
جاد:يمكن رزان بتحب تشوفهن بدون ما حدا يعرف
رزان:انت لا تدخل فيني لو سمحت
جاد:وليش بقى مو من مقامك يا بنت الاكابر
رزان:لا تكبر بالحكي معي
جاد:المشكلة حارتنا ضيقه ومنعرف بعض
رزان:اوووف منك
جاد:حاجتك تعقيد ولووو حلي عنا وهي شغلات الحشمه والادب مو زابطه عليكي
بسام:شبك انت وياها
رزان:احكولو انو لا يحكي معي
جاد:يييي يا ستي وبحفض لسى عامليتلي فيها المتعلمه صاحبة الاخلاق العاليه
رزان:وليش انت متدايق
جاد :من العفه الي ما الها لزوم
رزان:انا بدي روح بخاطركن
جاد:بالناقص "بومه "😂
روان:لا تردي عليه خلص جاد
جاد:....
اسيل:خلص عيب اقعدي رزان مو حلوة وانتي زعلانه
رزان:بالاول بدو بعتذر على كل كلمه
جاد:هاد الي كان ناقص انا واعتذر من مين منك انتي 😂
رزان:اي وبالصرمايه
جاد:فشرتي ...ومينك انتي لاعتذر منك
رزان:انا معاد بدي كل هالرفقه
وقفو كلهم وقفوني قبل روح وهو ضل قاعد رجل على رجل وشغل سيكارة بدون ما يعتذر
بسام:خلص كرمالي
جهاد:ازرعيها بدقني
روان:ازا بتروحي بتكوني هبلة
رزان:احكولو لا يلتكش فيني
اسيل:خلص متل ما بدك
رجعت لمكاني وهنن كمان
بسام:جاد ممنوع تحكي معها
بهدلوه وهو يا جبل ما يهزك ريح ولسى قالب خلقتو وشغل تلفونو وعلى دخان
▪▪▪▪▪▪▪
اطلعنا سوى وكل وحدة فيهن ماشية حد حبيب قلبها وانا وقفت على جنب انطر تكسي
روان:ما بدك تروحي معنا
رزان:لوين
روان:ع الغدا
رزان:لا شكرا
اسيل:بربك لا تزعلي والله هاد الي شايفيتو قلبو طيب
رزان:وانا شو دخلني فيه
بسام:يلا خلصونا
روان:رزان ما بدها تروح
جهاد:لا شو هالحكي ما بيصير
رزان:سدءوني ما بدي روح لازم ارجع ع البيت
جهاد:لا وازا كرمال جاد انا الي عازمكن
رزان:مو كرمال حدا
اجى جاد لانو كان بالحمام وشافهن عم يراضوني
جاد:شوفي
بسام:قال ما بدها تحضر الغدا لانك زعلتها
رزان:لا مو هيك
جاد:لا عنجد ....خلص ولوو ما فكرت انو عقلك متل عقل النعامه
رزان:مو هيك لازم ارجع ع البيت
روان:على شو بدك ترجعي وراكي شغل يعني
رزان:...
جاد:خلص روحو انا بقنعها
يا حبيبي كملت معي هلا جاد بدو يقنعني وانا متلو وبزعرنتو ما شفت وراحو بالفعل ووقف قبالي وشغل سيكارة وسحبني من ايدي شحط على سيارتو واستفزتني الطريقه الي عاملني فيها
رزان:اترك ايدي لو سمحت
جاد:انا ما بحب زعلك
رزان:لك ...اتركني وجعتني
جاد:انتي حساسه
قعدني بالسيارة واجى وقعد وغمزني
رزان:وصلني ع البيت
جاد:ونتغدا بدونك
رزان:ماني متعودة اتغدا برا البيت
جاد:حاجتك دلال
رزان:😤
جاد:مو حلوة وانتي معصبه ترى
رزان:بس بدون ولا كلمه والا لرمي حالي من السيارة
جاد:بامرك وهي اخرست 😂
حط ايدو على تمو وشغل السيارة وانا فتحت دفتري بدون نفس ما كان حلو هالموقف انا بموت منو وبكرهو على قد مانو وقح ولسانو طويل مع الكل وكل حكيو عن شغلات مو منيحه يعني ازا انا جن جنوني لانو مسك ايدي هو متعود على هالشغلات ويمكن عندو اياها عادي واقل من عادي
وصلنا وشفتهن نازلين ودخلنا سوى وانا مشيت ورهن كرمال ما انجمع ب جاد من جديد ..قعدنا واجى ترتيبو قدام خلقتي ودغري بعدت عيوني عنو وعملت حالي عم اتامل جمال الطبيعه الخلابه
روان:اي سيد جاد اطلبنا شي مدلل
جاد:من عيوني
طلب هو الغدا وانا عيوني تعلقت عليه بس بدي شوف فيو جانب منيح ما طلع معي شي طريقه لبسو وحركاتو ولا السنسال الي لابسو برقبتو وفاتح نص القميص وكل شوي يشغل سيكارة وكانو بيتنفس دخان مو اوكسجين تغدينا وانا مع الاكل مو زيادة يعني بشبع من كم لقمه وبنص الغدا شفت صبيه شقرا وجسمها متوسط بس مليان خدودها موردين وشفافها منفوخين ولابسه جينز مخزق وبلوزة داكه جسمها دك ووقفت ورا جاد
سهر:كيفك جاد
اتفاجئ بوجودها ودغري وقف وسلم عليها بوسها من خدودها وهو لافف ايديه على خصرها ولا اوقح من هيك
جاد:شو ايمتى اجيتي
سهر:شايف هالصدفه
جاد:كنتي خبرتني اخدتك من المطار
سهر:ما صار شي
جاد:تفضلي شاركينا
سهر:جايه مع رفقاتي
جاد:مشالله شو هاد😂سلميلي عليهن اليوم السهرة عندي اوك
سهر:بامرك انا
همستلي روان
روان:😂كحلتي عيونك ببنطلونها
رزان:😂اي
اسيل:😂الله يعدمني اياكن
روان:شفتو كيف بوستو
رزان:هو الي بدا
روان:بس كانها راح تاكلو لجاد على شوي😂
رزان:😂
اول مرة بضحك من قلبي عليهن وكاني استفزيتو اطلع فيني بوقاحه
جاد:على شو عم تضحكي
رزان:لا ولاشي
جهاد:معها حق على هالمنظر لكيوت
جاد:اي
بسام:من وين صايدها
جاد:هي رفيقتي من ايام الدراسه
"وهون كبر بعيني اكتر ازا هالنموذج رفيقتو هاد طفولتو منحرفه اكيد عم قول الوقاحه بالدم بتسري بعروقو
جاد:لحد هلا ما عرفت ليش رزان ضحكت
رزان:وانت شو دخلك
جاد:لا بالله اكيد على شي بيتعلق فيني وب سهرر
رزان:لا ولا حتى ببالي اسيل وروان بيعرفو
روان:هلا ليش باستك
جاد:عادي رفقات
اسيل:معو حق عادي
روان:يعني علاقتك فيها متينه كتير لهيك غمرتها شوي مو كتير
جاد:انتو عم تكبرو الموضوع
بسام:روان الله يرضى عليكي لا تدخلي فيه ولا تلتفتي لهي الشغلات ازا بتحبيني
جاد:كرمال يقنعك على جنب
روان:بشو
جاد:انو تجربو
بسام:فشرت ما بعملها مع رورو الا لنتزوج
جاد:يا سيدي خطبة روان ما بتفرق معها
روان:شو عرفك
جاد:حاسس فيكي
بسام:روان حاجتك تناقشيه
روان:يلا بدنا نخطب ما دخلني انا
بسام:😂اي عمري حاضر
جاد:وانتي اسيل اقنعيه ل الجحش تبعك
فرطنا ضحك عليهن وجهاد جن جنونو
جهاد:عم تضحكي عليي بسيطه انا جحش
اسيل:هو حكا مو انا لا انت شيخ الشباب وجاد الجحش مو انت
جاد:الجحش ما بيرافق الا جحش متلو
روان:الله ياخدكن بدي كمل صحني خلص
جاد:حاجتك حش بكرة بتصيري قد الدبة وخود بقى على روجيمات
روان:😂
جاد:مو كرمالك حرام مشان بسام عم يروح كل يوم ع النادي ليربى عضلات وكرمال وقت يحضنك يشبكو ايديه ببعض
روان:😂عنجد بسام
بسام:مبسوطه كمان ..جاد خربتلي افكارها حرام عليك
جاد:كرمال تنحف انا مشانك😂
جهاد:الله يكون بعونك يا بسام
جاد:السهرة عندي بدي عرفكن على رفقاتي
روان:انا مافيني مستحيل اطلع بعد المغرب
اسيل:لا انا بدي اسهر
جاد:ورزان معقدة
رزان:اي معك حق
جاد:يعني ما بدك تسهري معنا
رزان:لا اكيد
جاد:بتتسلي
رزان:ما بطلع انا المسا
جاد:انا باخدك
رزان:لا لا ما بدي
جاد:براحتكن
عرض مغري اسهر معهن وهو ياخدني على اساس هو شريف مكه لاقبل انا روح معو وبعدين شو هالسهرة الي فيها هيك وحدة متل سهر وهو
طلعنا سوى من المطعم وانا ما حبيت انو هو يوصلني وبنفس الوقت ما بدي اثبت على حالي اني معقدة بقلمي مايا الحجازي وقفت معهن كانو عم يتودعو
روان:بشوفكن يوم الاحد بكرة زايريتنا اختي
بسام:وانا متلك راح غيب
اسيل:بالناقص
جهاد:يلا اطلعي حبيبتي
روان:يلا بااي
تودعو وانا ضليت واقفه استنى جاد يحكيلي يلا
جاد:اطلعي رزان لحتى وصلك
رزان:ما بتعرف عنوان البيت
جاد:منتعرف شو ورانا
رزان:بعيد شوي
جاد:عم افتل بسبب وبدون سبب خلصيني
رزان:متل ما بدك
اطلعت معو ودغري مسك تلفونو وسند حالو ع الكرسي وبلش يحكي مع حدا
رزان:ما بدنا نمشي
جاد:بس شوي الموضوع ضروري
"اوف وعندو موضيع ضروريه 😂ضحكني .
انو يخلص ما خلص
رزان:انا ما بدي اتاخر ع البيت اكتر من هيك
جاد:طيب متل ما بدك
شغل السيارة وكأنو بدو يحكي مع حدا
جاد:ليش رديت.......اه اقنعتني هلا.....مبارح قضيت لنهار وانا اتصل فيك ليش ما رديت........كيف ما شفت الرقم .........مو مشكلة ازا انت عند وعدك تعال ......مو مشكلة المصاري اخر همي وحياتك متل صرمايتي بس ليش استغليتني ليش ضربتا ......مية مرة حكيتلك لا تمد ايدك عليها ......اي لانو ما بيضرب المراة الا كل جبان وواطي .....حرام عليك اجت علينا مكسورة وعم تبكي وباست ايدي لحتى ما روح ودعوسك انت ما بتستاهلها ابدا.......اي ناطرك
سكر وهو معصب واول مرة بشوفو هيك معصب وما قدرت ناقشو خوفي يضوج عليي
جاد:شو عنوان بيتك
رزان:مو مشكلة نزلني هون
جاد:مو رايقلك ها اعطيني العنوان
دغري اعطيتو العنوان وانا عم ارجف ولي خوفي يضربني لا ما بيعملها حكا ما بيضرب المراة الا كل واطي يمكن زوج اختو او اكيد هو وصايرة عم استنتج شغلات كتيرة .
وقف براس الحارة وانا حبيت اتسائل عليه
رزان:بدك تسهر اليوم
جاد:ليش غيرتي رايك
رزان:😂لا مو هيك بس شفتك معصب قلت مو فاضي للسهرة
جاد:اها.....لا بدي اسهر كل شي لحال
رزان:طيب ماشي يسلمو ع التوصيله
جاد:لا ولا يهمك باي
نزلت وراقبتو بعيوني لحتى طلع من الحارة ودخلت وانا عم اتمختر للبيت
بيتنا بحارة شعبيه فتحت بمفتاحي ودخلت ما كان في حدا بالبيت ماما بشغلها وزوجها ابصر وين بدلت اواعيي ودغري حطيت حالي بفرشتي حابة ارتاح تعبانه وراسي واجعني بس لشو الكزب اكتشفت فيه جانب ايجابي لاول مرة بتاريخ حياتي لانو كان مقهور ومزعوج على اختو لو سألتو يمكن جاوب لانو كان مروق وقت وصلني وودعتو ما صار شي الا ما افتح معو الموضوع شي يوم .
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡