الفصل السادس عشر
تعلن شركة.............للطيران عن وصول الرحلة رقم............ إلى مطار القاهرة الدولي
طائرة ضخمة فاخرة هبطت منها فتاة رشيقة شديدة الجمال ترتدي آخر صيحات الموضة يبدو أنها طائرة خاصة
الحارس: أهلا بوصول حضرتِك يا فندم
........: أهلاً بيك لو سمحت مش عايزة زحمة حواليا عايزة أخرج بسرعة
الحارس: تمام يا فندم
على ناحية أخرى
أسيل: حاضر جاية أنا شاكة في اللي بيخبط ده
فتحت الباب
أسيل: رهف كنت عارفه إن أنت اللي بترني بتحطي إيدك على الزرار مش بتشليه
رهف: هههههههههههه أحسن بعدين أنا مش جيالك أنا جاية لطنط حبيبتي
أسيل: طنط حبيبتك ماشي يا اختى طنط حبيبتك في المطبخ بتعمل لك بشاميل
رهف: الله مش بقول لك طنط حبيبتي
هيام: مين يا أسيل
أسيل: دي واحدة بتسأل على البشاميل قولت لها معندناش
رهف بصت لها بشر وأسيل كاتمة الضحك
هيام: مين رهف عاملة إيه يا حبيبتي وماما عاملة ايه
رهف: الحمد لله بتسلم عليكي
هيام: طب تعالي بقى عارفة إنك بتحبي تاكلي بواقي البشاميل أنت وأسيل
رهف بصت لأسيل: بحبك يا طنط حبيبتي 😝
قطع الكلام رن الجرس
أسيل: مين تاني حاضر جاية
فتحت الباب واتصدمت
أسيل: اععععععععععع هببببببه وحشتيني
رهف جت على الصوت
رهف: في إيه يا هبلة لفت لقت هبة
رهف: هبة عاملة ايه وحشتيني
هبة: وحشتوني كتير
أسيل: جيتي امتى
هبة: لسة جاية حالا من المطار قولت اعدي عليكي الأول وكنت هروح لرهف بس لقيتها هنا
أسيل: طب تعالي نتغدى واحكيلنا إيه حكايه اللبس الشيك ده وكنت فين كل ده
اتغدوا وكل واحد جواه سؤال
أسيل: ها يا ستي إيه الحكاية
هبة: بصي يا ستي
Flash back
بعد اللي حصل مع هبة مروان فضل وراها لحد وافقت بس كان بشرط أنها تقعد مع معتز
مروان: أهلاً يا معتز أخبارك إيه
معتز: الحمدلله قولي كنت عايزني في إيه
مروان: أبدا مش أنا اللي عايزك هبة اللي عايزة تتكلم معاك
معتز بتعجب 🤨: هبة غريبة عمتا هشوف عايزة ايه
ودخل معتز اوضة الضيوف واستنى هبة لحد ما دخلت
هبة: احم احم
معتز: ازيك يا هبة
هبة😒: أهلا
معتز: مروان قال إنك عايزاني
هبة اديته مصحف: أحلف الأول أنك مش هتقول لحد وأنه هيفضل سر لحد ما نموت
فعلاً معتز نفذ الكلام
معتز: ممكن أعرف حلفت ليه
هبة: بص أنا موافقة على الجواز بس بشرط أنك تخليني أكمل تعليمي بس في السر
معتز فكر شوية بعدها وافق
هبة: بس في شرط تاني بعد ما اخلص تعليمي تطلقني
معتز: وأنا موافق
هبة: غريبه وافقت بسرعة كنت فاكراك هترفض
معتز: هتعرفي بعدين حاجة تاني
هبة: لأ شكراً
وعدت الايام والشهور واتجوزوا وبتعدي عليهم الايام والشهور وكل واحد فيهم بيعامل التاني باحترام هبة بدأت تحس إن معتز شخص طيب جدا وهي مشيت في دراستها ومعتز سافر برة علشان تكمل برة وتاخد الشهادة اللي هي عايزاها وتتحقق حلمها وجه اليوم المنتظر
هبة: خلاص كدة 🥺
معتز:ده اللي كنت عايزاه
هبة: بردو مش هتقولي ليه وافقت
معتز: هقولك أنا بصراحة مجبر زيي زيك أنا كنت بحب بنت خالي بس بابا مرديش وأصر عليكي لأسباب أنا لحد دلوقتي مش عارفه بس اللي فهمته أنه كان انتقام
هبة: أنت بجد إنسان طيب وأنا بجد بعتبرك اخ ليا مش المكتوب على الورق
معتز: جاهزة
هبة: أيوة
معتز: أنتي طالق يا هبة
هبة: طب أنت هتقول لهم إيه
معتز: متقلقيش سبيها عليا
هبة: اتمنالك التوفيق وإن شاء الله هحضر فرحك شكراً
معتز: لو احتجتي حاجة أنا موجود في أي وقت
هبة: تمام هلم حاجتي وامشي
معتز: لأ أنت هتفضلي هنا دي شقتك كتبتها باسمك وأنا ليا واحدة تاني قريبة من هنا
هبة: شكراً بجد
وعدت الايام وهبة بدأت تجهز مشروعها وبدأ المعرض يكبر واسمها يتشهر لحد ما بقت التانية عالميا في الموضة والأزياء وقررت أنها تنزل مصر علشان تشوف أهلها وصحابها وتشرف على الفرع الجديد
Back
أسيل: يااااااه كل ده يا هبة حصل من غير ما تقولي لنا 🥺
هبة: أعمل إيه مكنتش عارفه اوصل لكم
أسيل: المهم سيبك من كل ده المهم إن صحبتنا بقت مصممة أزياء قد الدنيا
هبة: قولي عايزة ايه عارفاكي
أسيل: ولا حاجة مجرد خصومات 🤗
هبة: متخافيش كلكم ليكم خصومات حتى رهف
أسيل: جالك خروجة اهي يا رهف
رهف: ها بتقولوا حاجة
هبة: سرحتي في إيه
أسيل بصت لرهف وعرفت هي سرحت في إيه: أصل قصتك فكرتها بحاجة
هبة: لأ شكل في حاجات حصلت وأنا معرفش
رهف: هحكيلك الحكاية بدأت لما................