العاشر
*📚قصص||روايات||منوعة📚*
_*بإدارة 📚قصص||روايات||منوعة📚*_🧡
*❴📖❵اوقات الجنون*
*❴🔢❵الـــبـــــــــــ❴العاشر والاخير❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:قناة:*
*📚قصص||روايات||منوعة📚*
*❴📚❵↵القناة:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*https://whatsapp.com/channel/0029VaNMcGuHFxP9VtPQOm2A*
*📚قصص||روايات||منوعة📚*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *يمان سعيد* 🧡
➖➖➖➖➖➖➖➖➖
*❴📝❵↵تـنـسـيـق:قناة:*
*📚قصص||روايات||منوعة📚*
https://whatsapp.com/channel/0029VaNMcGuHFxP9VtPQOm2A
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
📚كتب ||روايات|| منوعة📚:
#أوقات_جنون_10 #أوقات_جنون
الحلقة الأخيرة
(( @rwayate ))
معقول يكون من طرف نديم.. مستحيل مستحيل .. طيب مش من طرف ولا واحد من هدول .. مين ممكن يكون ؟ فجأة فتح الباب عليه .. ودخل الشخص هاد وهوه ملثم .. ضوا الضو ووقف قبالي .. حكيتله شو بدك ؟ ليه دخلت فجأة هيك وكيف بتدخل وأنا نايمة .. كان ساكت وأنا وقتها خفت وصرت أحكي شو بده يعمل هالمجنون .. صرت لسه بدي أصرخ وفجأة شال اللفحة من على وجهه.. دخل الشخص الملثم عندي عالغرفة.. وكشف عن وجهه .. صفنت فيه واتطلعت .. وهوه نفس الشي صفن فيني واتطلع بوجهي بدون مايحكي .. وأول كلمة حكيتله ياها مين أنت ؟ قلي في حدا رح يدخل عندك عالغرفة ويحكيلك مين أنا .. اتطلعي على الباب .. اتطلعت على الباب وكل شي فيني كان عم برجف.. وفجأة دخلت بنت مقعدة على كرسي متحرك وما كنت بعرف مين هيه .. حكتلي هيك بكون أخدت حقي منك .. حكيتلها حق شو أنا مابعرفك مين انتي ؟ حكتلي طبعاً رح تحكي انك مابتعرفيني.. لأنه اللي متلك سهل عليه يجرح الناس ويكسر خاطرهم وما يهتم مين همه .. خصوصاً لو هالشخص سمع الأذية بذانه وسكت .. بس أنا مش ضعيفة ولا معاقة لحتى أسكت وذليتك وأخدت حقي وغصب عنك .. قلتلها انتي بتحكي بالألغاز أنا مابعمري شفتك ولا بعرف مين انتي ! .. حق شو وأذية شو أنا بشو أذيتك أنا أول مرة بشوفك حكتلي لأ مش أول مرة بس أنتي ناسية مين أنا .. أنا يا بنت الناس إسمي سندس بدرس بالجامعه اللي انتي فيها تخصص تمريض.. وبيوم من الأيام كنتي عم تحكي مع صاحبتك جوانا وعم تضحكوا مع بعض ومش هامكم شي.. مريت أنا وأختي اللي بتدرس معي بالجامعه واللي بتعيني دايماً وبتوصلني على كليتي.. مرينا أنا وياها من جنب كلية الهندسة اللي انتي وصاحبتك فيها واللي اختي بتدرس معكم فيها.. ووقتها شفتيها عم تمشيني بالكرسي المتحرك للكلية.. وصرتي تحكي عني.. هاي مين بده يتطلع فيها ويتزوجها وهيه معوقة هيك !! .. مستحيل تتزوج هاي او حدا ينبلي فيها.. ووقتها حكتلك جوانا حرام عليكي تحكي عنها .. حكيتيلها هوه كلمة الحق بتزعل ! .. وما همك إذا أنا سمعت هالكلام أو لأ .. بس ماكنت قادرة أتحمل أو أنسى.. أختي حاولت تهديني وتنسيني لأنه هاي أول مرة حدا بجرحني هيك !!.. حكتلي وحياتك رح أخليها تندم .. قلتلها وأنا بدي أندمها على كلامها اللي حكتلي ياه ! .. بتعرفي مين بتكون أختي ! .. أختي بتكون سلمى يا فتاة المجتمع يا مرموقة انتي حكيتلها سلمى !! .. حكتلي اه سلمى وهاد الشخص اسمه سالم أخوي حلف يمين ينتقم منك ويندمك على كل كلمة حكيتيها وجرحتيني فيها.. وطلب من سلمى تصير صاحبتك وتتقرب منك خصوصاً انها سنة أولى بالجامعه نفس تخصصك وكان سهل عليها تصير صاحبتك وتتقرب منك بعد ماتركتي جوانا بسبب شب.. وطبعاً مهوه سهل عليكي تحبي شب وتتركي غيره لأنك بلا إحساس وعندك اللعب بالمشاعر شي طبيعي وعادي.. حكالها سالم أعرفي كل شي عنها ومين بتعرف ووين ساكنه وشو بتعمل ومتى بتنام ومتى بتصحى .. وجابت كل شي عنك يا عديمة الإحساس .. وحكيتلها أوعك توكلي معها أو تعاشريها بالمعروف لأنها انسانة قذرة وهاد اللي كانت تسمعه منك سلمى من صاحباتك.. كيف بتذليهم وبتعايريهم بلقمة الأكل .. ومنهم جوانا اكيد.. بس هالبنت ما كان الها ايد معنا ولا أي شخص من اللي اشتكيتي عليهم .. كانت علاقتنا معك علاقة إنتقام وخلص.. وحددنالها أسبوع .. وما كنا بدنا نأذي خواتك لأنه ما الهم دخل بقلة إحساسك وكنتي عم تعايريهم نفس الشي بإنهم بنات عوانس ومستحيل حدا يتقدملهم .. وانتي كنتي شايفة حالك البنت اللي مافي متلها وكل الشباب قاتلين حالهم عليها.. هلأ عرفتي الحقيقة ؟ وعرفتي انك بتستاهلي ! .. بكرا بتسحبي الدعوة فاهمة ؟ وما بتحكي مع سلمى ولا بتيجي فيها .. وفي حال فكرتي تقربي عليها يا ويلك.. رح أخلي خواني يحرقوكي حرق ويكون عذابك أشد من العذاب اللي شفتيه باليومين هدلاك فاهمة !؟ حكيتلها طيب وسكتت .. وطلعت من الغرفة واخوها طلع .. صرت أبكي وأبكي ومش عارفة اسكت .. قلت كيف ما كنت شاكة بسلمى كل هالوقت ! .. معقول اللي صار !؟ طلع الصبح علينا ونادتني تغريد وعايدة .. حكولي يلا رح نطلع .. حكتلي عايدة .. متل ماحكولك سالم وسندس بتعملي.. ورح نسحب الشكوى .. البنت نجرحت منك وسببتيلها عقدة طول هالفترة .. ياريت تتعلمي .. مشيت أنا وياهم وطلعنا من البيت القديم .. وما قدرت اتطلع بوجه سندس أبداً ونظراتها اللي بترمي سم عليه.. وصلنا بيتنا .. وصرت أبكي وأحكي شو بدي أعمل هلأ .. شو بدي أساوي.. انتوا مش حاسين أنا شو حسيت طول هالفترة وما شفتوا العذاب اللي تعذبته هلأ عرفت ليش راحت سلمى معي .. هلأ فهمت كل شي.. كانت بدها تشتفي فيني وتشوفني وأنا بتعذب من أخوها حتى تبرد قلبها وترتاح .. حكتلي عايدة كل هالحكي مابفيد .. لازم نروح عالشرطة ونحكيلهم انهم رمونا بمكان وتركونا وانه ماقدرنا نعرف وين احنا لأنهم ربطو عنينا .. وحتى تتقفل هالقضية وخلص.. جهزنا حالنا ورحنا على الشرطة ..
حكوا عايدة وتغريد أقوالهم للشرطة وحكولهم انه الشباب رمونا بمكان وتركونا وماقدرنا نعرف طبيعة المكان .. أنا كان في شي جواتي عم بحكيلي بدي أعترف وبدي أحكي كل شي .. العذاب اللي شفته أكبر من كلمة حكيتها لوحدة بمزحه بدون قصد .. لازم أربيهم كلهم .. حكيت للشرطة خواتي كذابين عم بكذبوا عليكم .. أنا بعرف مين خطفني وبعرف ليه عمل معي هيك .. خواتي صفنو فيه وحكولي اسكتي ماترد عليها سيدي هاي مجنونة.. حكولي هاي مجنونة ومن آثار التعذيب وأوقات الجنون اللي عاشتها نجنت وعقلها ضرب.. حكيتلهم مافي غيركم مجنونات وعوانس .. قرف يقرفكم .. وأعترفت للشرطي بكل شي وانه صاحبتي سلمى استدرجتني عشان تنتقم لأختها وخلت أخوها يخطفني ويعذبني ويجي يهددني بالسلاح عالبيت ويقتحم حياتنا الشخصية ويركب كاميرات ويشوه صورتي ويشوفني بدون ملابس وبدون شي عملت اللي براسي وبعد ساعه كانو جايبين سالم وسلمى واعترف بكل شي عمله وكنت وقتها عم بضحك ومبسوطة بالشي اللي عمله معي .. وصرت اتمسخر على مشيته وانه كيف بعرج وقلتله هاي صرت معاق متل اختك .. الله لا يردك انت وياها كنت وقتها بقمة ألمي وظهري عم بوجعني من وقعة السور اللي وقعتها حاولت ما ابين لحدا وجعي حدا اشتفي فيهم وما حدا يشفتي فيني وخواتي حكولي هيك يا ظالمه بتعملي معهم مش بكفي اللي حسستيه لأختهم.. كنت مبسوطة ومطنشيتهم وهمه بمشو وراي بقسم الشرطة وأنا بقمة فرحي وصرت أركض حتى ما اسمع شو بحكولي وفجأة وبسبب الأزمة اللي بالممرات وقعت عن الدرج مرة تانية على ظهري.. وصرت أبكي وأتوجع وما قدرت أمشي أبداً ولا أتحرك وبعد ساعه جابولي الأسعاف لقسم بالشرطة وأخدوني.. بعد ساعه صحيت وأنا بالمستشفى وكنت مش حاسة بظهري أبداً ..شفت خواتي عم بتطلعوا عليه وببكوا بحرقة ..حكيتلهم شو في شو حكا الدكتور .. راحت تغريد من الغرفة بتبكي وعايدة حكتلي ماتخافي حكا رح يعمل عملية وان شاء الله بتتحسني العملية كانت نسبة نجاحها متدنية لأنه نكسر عندي شي بالعامود الفقري وسببلي أعاقة دائمة .. صرت سجينة كرسي متحرك بعد ما عملولي العملية وخرجوني من المستشفى وطلعت من الجامعه وما كملت تعليمي وعرفت وقتها إني كنت معاقة وكانت اعاقتي بعقلي مش بجسمي واعاقة عقلي سببتلي هالإعاقة الدائمة واللي عرفته واقتنعت فيه بهاللحظة اللي عايشتها هلأ إني مش لازم أتندم على شي أبداً واللي صارلي بخليني أقول أنا بستاهل أنا فعلاً بستاهل
هدف القصة
الإعاقة مش دائماً ممكن تكون بالجسد فقط .. ممكن نشوف ناس معاقين جسدياً لكنهم كاملين عقلياً وأخلاقياً بحترموا غيرهم وعندهم أخلاق أكتر من ناس كتير ما بجرحوا وما بستهينوا بمشاعر غيرهم بسهولة وهدول الناس همه المعاقين فكرياً لأنهم ما بعرفوا كلماتهم الجارحة شو ممكن تعمل جوا الشخص وكيف ممكن تدمر كل شي حلو جواته أو تحرق آخر أمل تبقاله في داخله وكل هالشي بكون بسبب مزحه صغيرة أو كلام جارح من شخص عديم الإحساس بالآخرين ومستهتر بمشاعرهم وما بفكر أبداً للحظة شو ممكن تسببله من جرح عميق يحرقه ويعذبه من جوا وبرأيي الشخصي أي إنسان بجرح إنسان عاجز بستاهل التعذيب من الداخل قبل مايكون من الخارج
النهاية