الثامن
*📚قصص||روايات||منوعة📚*
_*بإدارة 📚قصص||روايات||منوعة📚*_🧡
*❴📖❵اوقات الجنون*
*❴🔢❵الـــبـــــــــــ❴الثامن❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:قناة:*
*📚قصص||روايات||منوعة📚*
*❴📚❵↵القناة:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*https://whatsapp.com/channel/0029VaNMcGuHFxP9VtPQOm2A*
*📚قصص||روايات||منوعة📚*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *يمان سعيد* 🧡
➖➖➖➖➖➖➖➖➖
*❴📝❵↵تـنـسـيـق:قناة:*
*📚قصص||روايات||منوعة📚*
https://whatsapp.com/channel/0029VaNMcGuHFxP9VtPQOm2A
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
📚كتب ||روايات|| منوعة📚:
#أوقات_جنون_8 #أوقات_جنون
الحلقة الثامنة
(( @rwayate ))
حكالي ماتجيبي هالسيرة علسانك كان قصده عسيرة المخدرات لأنه خايف من المراقبة .. وانا اخدت راحتي بالبيت ونسيت حالي وهوه بحكي معي بس روحنا برغم انه البيت مراقب بس كنت مفكرة انه خلص مافيه يمسكني او يشوفني.. وبعد ماطلع بابا من البيت وصلني مسج على التلفون بالواتسب بحكيلي سمعت كل شي .. وابوكي تاجر مخدرات كمان !! عيلة واطية وقذرة .. وخواتك بخطر .. لازم تعرفي هالشي.. طبعاً كان الرقم جديد لأنه الرقم القديم اعطيته للشرطة .. وحكالي لو الشرطة عرفت بهالرقم رح اموت خواتك .. وقد اعذر من انذر .. صرت متل المجنونة ادوّر عالكاميرات بالبيت واصرخ وكسرت كل البيت وكل شي قدامي ماخليته صالح .. وصرت ابكي .. وهوه بحكيلي.. هيك بكون عم بعذبك من بعيد .. ومافيكي تقدري تعملي شي أبداً.. وحياتك لتندمي على الشي اللي عملتيه .. وبدون ماتعرفي مين أنا .. بكيت كتير وماكان حدا معي .. رنيت على سلمى .. حكيتلها بهددني برقم جديد ولحالي بالبيت بس الشرطة تحت وهوه عم براقبني وحتى الشرطة مالقت الكاميرات اللي بالبيت انا نفسي اعرف وين حاططهم .. دورت بكل مكان مالقيت شي.. حكتلي بتكون صغيرة ومخبية بمكان صعب رؤيته حاولي تلاقيهم وضلي حاولي.. حكيتلها بس هوه بهددني لو عملت اي شي رح يأذي خواتي.. وبهاللحظة حسيت في حدا بالبيت .. حكيتلها حاسه في حدا جوا .!! انا خايفة كتير عم بسمع صوت قريب من غرفة خواتي.. حكتلي بتتوهمي لأنك لحالك.. قالتلي طيب انا رح اسكر وانتي رني على الشرطة يطلعولك بما انهم براقبو تحت .. سكرت الخط وفوراً بلشت ادق على رقم الشرطي.. وقمت .. اتطلعت على السقف لقيت في شي أسود بلمع جنب الثريا .. عرفت انها الكاميرا الصغيرة .. انبسطت وجبت السلم من جوا برغم اني خايفة ادخل بس قلت يمكن اوهام متل ماحكتلي سلمى .. حطيت السلم عشان انزع الكاميرا من الثريا.. وقبل ما اشيلها كان حدا ماسكني من ورا وموقعني .. وشد إيده على راسي وحط محرمة على تمي وبهاللحظة غبت عن الوعي.. صحيت وماكنت شايفة اشي.. غرفة سودة كلها ظلام ومابعرف مين اللي أخدني وشو صار بعد هيك .. كنت حاسة إنه رجليه مربطة وعارفة منيح إنه أغمى عليه بالبيت من المحرمة اللي حطها هالشخص على تمي.. ماكنت عارفة أنا وين .. صرخت وحكيت مين هون ؟ وين حطيتوني ووين أنا ؟ وما معي تلفوني لأنه ضل بالبيت .. وفجأة حدا ضوا الضو .. شفت الشب نفسه اللي خطفني وكان لسه حاطط اللفحة على وجهه .. قلي انتي صرتي عندي.. ولسه حسابنا ماخلص.. رح أندمك على الساعه اللي رحتي اشتكيتي عليها.. مش كنا متفقين يخلص الإتفاق بينا خلال أسبوع وأعطيكي الصور وكل شي؟ ليش خنتي هالإتفاق ؟
حكيتله لأنك استفزيتني وهددتني وأنا ما بتهدد .. طول عمري رافعه راسي ومستحيل أخلي واحد واطي يوطيلي ياه فاهم .. ضربني على وجهي وقلي لسه لسه رح تندمي أكتر.. وهاي الرقبة اللي رافعيتها على الناس رح أكسرلك ياها .. صرت أبكي وحكيتله طيب شو بدك مني هلأ ؟ يعني ما كفاك اللي عملته ؟ احكيلي وين رحت بخواتي ؟ وكيف خطفتهم ؟ كم واحد انتوا وشو بدكوا منا .. قلي خواتك مارح أأذيهم بس أنا خطفتهم عشان أفهمك إنه أنا مابنلعب معي .. كان بعرج ومش عارف يمشي .. وحسيت انه هالشي هدف لألي لأحاول أضربه أو أفك الحبل اللي رابطه على رجلي أو إيدي .. ضليت احاول أفكه بدون مايشعر أو يحس.. بس كان حامل المسدس وكل شوي عم بصوبه على راسي.. حكالي بدك تعرفي شو عملتي ؟ حكيتلي حقي أعرف .. بعد كل الإهانات اللي تعرضتلها منك .. والضرب والتهديد.. إنت كان بدك تذلني مش تقتلني هاد هدفك وأنا عارفة هالشي بس ليش أنا شو عملت ؟ اتطلع عليه بحقد وطلع من الغرفة وطفا الضو وصرت أصرخ .. بهاللحظة عنادي خلاني أضل أحاول أفك الربطات الي عرجليه .. حاولت مدة نص ساعه وما نفع شي.. صرت أصرخ لحتى يرجع لعندي.. رجع وصار يحكيلي شو بدك ؟ قلتله بدي أدخل عالحمام .. قلي ماشي .. حكيتله شو بدك تعمل وهدول الربطات اللي عرجلي ؟ حكالي رح افكك وارجع اربطك مش رح ادخل معك لا تخافي.. حكيتله محلاك وانت عاملها.. فك الربطات اللي عرجلي ودخلني على حمام صغير وكان وسخ لدرجة ماحدا بتصورها.. وقتها عرفت اني بخرابة أو بيت قديم بعيد .. وأنا جوا الحمام سمعته عم بحكي مع حدا .. وكان صوت شب تاني .. وقتها حسيت انه الصوت مش غريب عليه .. فتحت باب الحمام شوي وصرت اسمع بس كان وجهه ناحية الحمام تماماً وخفت يشوفني .. وما قدرت أهرب لأنه واقف عند الباب ووجه الشب التاني مش قادرة اشوفه بس الشخص اللي خاطفني لسه حاطط اللفحة على وجهه .. بعد دقيقة صار يصرخ ويحكيلي شو خلصتي ؟ قلتله لسه .. صرت أفكر انه شو ممكن اعمل لحتى أهرب من هون ؟ وشو لازم أساوي.. صرت أدور على اي شي بالحمام ممكن أستفيد منه .. ولقيت مقص صغير كتير .. برغم انه الحمام مافي شي أبداً الواحد يستفيد منه وحتى المقص كان مصدي وشبه خربان .. والعفن ماكل الحمام وريحته بشعه كتير .. خبيته جوا تيابي وطلعت من الحمام .. فجأة اختفى الشخص التاني وأنا ضليتني اتطلع على هالبيت القديم.. كان بيت عربي وقديم وكأنه صرله سنين وسنين ماحدا سكنه .. حكيتله انا وين بأي منطقة ؟ قلي ما تسألي وفوتي لجوا .. كان عم بعاملني بلطف شوي غير عن المرتين اللي رحتهم على شقته .. وما كنت عارفة ليه عم بعمل هيك برغم أنه حقير وما شفت منه الخير.. فوتني على الغرفة مرة تانية .. وطلبت منه ما يطفي الضو .. قلي مش عكيفك .. ربط رجليه وحكالي نخمدي موتي .. وطفاه .. طلعت المقص من تيابي وصرت أحاول أقص الحبل شوي شوي.. بس المقص ما ساعدني وكان خربان لدرجة ماعرفت أقصه لأنه الحبل خميل .. بس هاد ما منعني أضل عم بحاول.. وبعد وقت طويل من المحاولة قدرت أقص الربطة الأولى على رجلي.. انبسطت وفرحت وقلت في أمل انه الربطة الأخيرة تنقطع .. ضليتني بحاول أقص فيها لحد ما نقصت الربطة التانية .. وقتها حسيت أني عملت انجاز وانه ماضل عليه الا اني افتح الباب واطلع.. وبالفعل الباب كان قديم وخشب وما اله مفتاح وهوه كان مأمن اني مارح اقدر أقوم وأنا مربطة .. فتحت الباب وصرت اتطلع ولأني لابسه اسود ماكنت مبينة بالعتمة منيح .. وكان قاعد بشرب شاي .. وقتها كان شايل اللفحة من على وجهه بس لافف راسه وكنت يادوب شايفه طرف راس الشخص التاني بس ماقدرت أتعرف على هويته منيح لأني يادوب شايفته من بعيد .. كانو بالغرفة اللي قبالي وكان المفروض أهرب بسرعه بطريقة مايشوفوني فيها.. بس ماكنت قادرة أهرب .. الخوف انهم يلحقوني ويقتلوني أول شي وتاني شي متأكدة رح يعذبني ويأذيني.. بس الشجاعه وقوة الشخصية اللي بملكها خلتني أطلع من الغرفة شوي شوي بدون مايشوفوني .. وصلت للباب الخارجي وللأسف لقيته مسكّر .. حاولت ألف من جهة تانية بالبيت بس كان قديم وكله دخلات غريبة .. اتطلعت عالغرفة التانية لقيت شنته .. قلت أنا شايفة هالشنته .!! شايفتها وبعرفها .. ضليتني أتأمل فيها والمفروض أهرب بس شي شدني وأنا أتطلع عليها.. وقتها عرفت انها شنتة تغريد .. كيف شنتتها يعني هيه موجودة هون !؟ وليش لتجيب شنتتها معها على هالبيت ؟! يعني هيه نخطفت .. كيف لحقت تجيب غراض معها !؟ يعني يا أما هالشخصين خطفوها وسرقوا شنتتها .. يا أما هيه جابتها بإيدها معها .. وهاد غير وارد.. كيف هيك .. هالشي خلى براسي ألف علامة سؤال وصرت افتش على خواتي بالبيت بس حسيت صوتهم صار عالي وكإنهم قاموا من كراسيهم .. هربت ولقيت سور عالي شوي عالبيت .. وكان حواليه قوارير زريعه ميته وترابهم ناشف .. والسور عالي وما بقدر أطلعه بس كان جنبه كمان عامود حديد وجنبه عدادات كهربا للمي.. يعني بقدر أطلع عليهم وامسك بالعامود واحط رجليه على القوارير ..
حاولت ..وطلعت وفجأة سمعتهم بصرخو جوا وبحكوا هربت هربت .. وقعت على ضهري من السور .. وتوجعت وصرت أبكي وماكنت قادرة أقوم من الوجع .. صرت أزحف زحف وسامعتهم بحكوا .. كان المكان اللي وقعت عليه هوه دخلة بعد البيت فاضية وماكنت عارفة لوين بتودي.. التزمت الصمت وضليتني اتوجع وأنا مش قادرة أمشي
يتبع..
Mahmoud Salloum