السادس
*📚قصص||روايات||منوعة📚*
_*بإدارة 📚قصص||روايات||منوعة📚*_🧡
*❴📖❵اوقات الجنون*
*❴🔢❵الـــبـــــــــــ❴السادس❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:قناة:*
*📚قصص||روايات||منوعة📚*
*❴📚❵↵القناة:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*https://whatsapp.com/channel/0029VaNMcGuHFxP9VtPQOm2A*
*📚قصص||روايات||منوعة📚*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *يمان سعيد* 🧡
➖➖➖➖➖➖➖➖➖
*❴📝❵↵تـنـسـيـق:قناة:*
*📚قصص||روايات||منوعة📚*
https://whatsapp.com/channel/0029VaNMcGuHFxP9VtPQOm2A
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
📚كتب ||روايات|| منوعة📚:
#أوقات_جنون_6 #أوقات_جنون
الحلقة السادسة
(( @rwayate ))
برغم اني كنت اغصبها لنروح نوكل.. بس مابترضى.. وصارت الساعه تلاتة .. رن نديم وحكالي بدي اشوفك بعد نص ساعه وينك مختفية .. حكيتله صاحبتي عازميتني على مطعم وبدنا نروح حكالي أنا بعزمك بس احكيلي وين رح تروحوا .. قلتله لأ جمعة بنات شو مجيبك .. خلص انسى.. صرخ عليه عالتلفون وحكالي انتي ابصر شو مالك شكلك بتضحكي عليه وبتتسلي ليش بتتهربي مني صرلي يومين بحكيلك تعالي نطلع وبدي اشوفك ومابترضي اكيد في شي ؟! قلتله لأ .. حكالي هيني جاي عالجامعه .. قلتله لأ انا طلعت .. وتهربت منه وسكرت السماعه وطلعنا بسرعه.. كنت خايفة يجي وهوه حس انه في شي وبرغم انا حبيته ومابدي اخسره الا انه كان عندي اصرار اعرف مين هالشخص وشو بده مني بالزبط وسلمى اصرّت تروح معي للمرة التانية لعنده وخبرت خواتي عشان يعرفو اني رايحه وصرخو عليه عالتلفون وحكولي تروحيش رح نخبر الشرطة .. بس أنا هددتهم لو خبرتوا الشرطة أنا رح اروح فيها وهوه بستفزني وبهددني خليني اعرف شو بده وانا متاكدة مارح يأذيني لدرجة الموت بس بدي اعرف شو اخرتها.. ورحت معها للمنطقة المقطوعه مرة تانية ولنفس الشقة .. بعتلي .. شفتك بالعين الساحرة مين معك ؟ ليش اخلفتي بالوعد وجبتي حدا معك احكيلي؟ قلتله هاي صاحبتي اصرّت تيجي تشوف مراحل التعذيب اللي بدك تعملها فيه للمرة التانية وتشوف هالفيلم الحلو.. فتحلنا الباب .. وسكر علينا وصار يحكي لسلمى بتقعدي هون وما بتطلعي صوت لأخلص .. والا رح اعمل فيكي متلها فاهمة .. قالتله لأ مش فاهمة وانت لازم تحكيلنا مين انت ومش هيك بتنحل الأمور ولو كنت زلمة عن جد بتحكي مين انت وبتشيل هاللفحة اللي حاططها عشان نعرف مين انت بس شكلك مش زلمة .. قاللها زلمة غصب عنك ورح أشيلها لأشوف شو بطلع معكم وشو رح تعملوا .. وهاد اذا طلعتوا من هون أصلاً !!! صفنت بسلمى وهيه عم بتحاول بالشخص المجهول بكل ثقة ومش خايفة من شي.. وبتطلب منه يشيل اللفحة من على وجهه لنعرف مين هوه .. وحكتله انت مش زلمة ولو زلمة بتشيلها .. وهالشي اللي خلاه ينجن ويحكيلها زلمة غصب عنك وبدون مايمد إيده عليها .. واجا ليشيل اللفحة غيّر رأيه .. ومسكها وربطها وحط المسدس على راسي حتى ما أصرخ وحكالها ماتطلعي صوت لأقتلك.. بس أنا حاولت أصرخ ضربني على راسي وربط تم سلمى وخلاها تتطلع عليه من بعيد وأنا بتعذب .. جاب سطل مي وصار يغرق وجهي فيه وأنا عم بختنق شوي شوي.. وروحي عم تطلع وعم بطوّل عليه الفترة اللي جوا المي .. وسلمى عم تحاول تحكي بس الشريطة اللي رابطها على تمها مانعيتها من الحكي.. مرت ساعه وهوه عم بجرّب عليه شغلات ونذليت إله ذل ما نذله بني آدم على وجه الأرض.. وبعد ماخلص رماني على الأرض وبزق عليه.. وصار وجهي أحمر من اللي شفته منه وفك سلمى وحط المسدس على وجهها وحكالها اذا بتحكي اللي صار هون رح اقتلك.. اطلعوا يلا وموعدنا بكرا.. طلعنا فوراً من المكان وضلينا نمشي ونركض لحد ماوصلنا للمنطقة اللي فيها ناس .. دخلنا مطعم ارتحنا والكل كان بتطلع عليه كإني عاملة عمله من شدة التعب اللي ملاحظينه بوجهي وأثار التعذيب وكلهم يسألوني في شي؟ بدك شي؟ وانا اهرب واتهرب من جوابهم .. طفيت تلفوني حتى مايبعتلي شي وصرت احكي لسلمى ماتحكي لحدا عن اللي صار .. هاي مشكلتي وانا بحلها.. صارت تحكيلي الشي اللي صار مش عشان شب تركتيه او هيك .. اللي شفته اكبر من هيك .. مش معقول شو مريض ومجنون .. عذبك وكمان شوي كان رح يقتلك .. انتي مش لازم تسكتي .. المفروض تحكي للشرطة خلص.. قلتلها لأ انا خايفة يفضحني .. ويطلع عليه حكي .. خلي الناس حافظة هالكم شغلة منيحه اللي عملتها معهم بحياتي احسن ما يفضحوني .. انا بعرف في كتير ناس بتكرهني وبدها عليه غلطة .. لأنه معظم الناس اللي عرفتهم ما عرفوا مني الخير.. وأنا حبيتك وحبيت صداقتك وكنتي احسن من جوانا .. حكتلي مين جوانا؟ قلتلها هاي بنت حقيرة وواطية.. تخانقت انا وياها عشان شب كانت صاحبتي والروح بالروح وطلعت بتحب تيم اللي كنت بحبه بس هوه أهبل وغبي وكان سامحلها تدخل حياته لهيك تركته وصارت خناقه بينا بنص الجامعه .. ومن وقتها ما بوثق بالبنات ابداً.. حكيتلها .. ممكن والله !! ممكن تكون هيه اللي خلت هالشب ينتقم مني عشان تيم ! .. معقول هيك ؟ حكتلي ممكن كل شي بس أنا حاسه انه الموضوع اكبر من هيك.. معقول هاد تيم !؟ حكيتلها مستحيل اصلاً هوه مش طويل كتير وهاد شفتي طوله كيف .. بس أنا متأكده اني سامعه صوته بس مستحيل يكون تيم مستحيل يكون هوه .. قالتلي طيب مين ممكن يكون .. حكيتلها في شي صار مبارح .. بس عذبني كتب شي على ظهري معقول كتب اسمه ؟ حكتلي وين .. قلتلها بنص ظهري.. حكتلي كيف بدي اشلحك بالبلوزة هون بالمطعم.. قلتلها خلينا نروح عالحمام جوا.. دخلت انا وياها على حمام البنات.. وشلحتني بلوزتي وحكيتلها شو مكتوب ؟ صفنت فيه واستغربت .. قلتلها احكيلي شو كاتب ؟ اسمه معقول ؟ قالتلي لأ مش اسمه ..
حكيتلها طيب شو ؟ قالتلي هاد جارحك بمشرط على ظهرك وظهرك كله مجروح .. كاتبلك معاقة; صرخت بنص الحمام .. الله يوخده هالواطي مافي معاق غيره الله ينتقم منه .. والله لأربيه وأمسح فيه الأرض.. وأنا شكلي بدي احكي للشرطة بس أنا صرت متأكده انه مش لحاله عم براقبني في اكتر من حدا عم بلاحقوني.. حكيتلها انا جوعانه خلينا نوكل.. قالتلي مافيه حاسه حالي رح استفرغ من بعد اللحظات المجنونة اللي شفتها منه هاد واحد مجنون انا متأكدة من هالشي.. روحي على البيت بسرعه وانا لازم اروح لأنه امي مريضة وتأخرت عليها.. حكيتلها سلامتها خير مالها ؟ قالتلي معها صرع .. وحالتنا سيئة .. انا من النوع اللي مابحب احكي عن حالي .. واللي استغربته انها ماحكت تفاصيل وخليتها تروح بس انا كنت مرتاحتلها كتير وساعدتني ووقفت معي شكرتها وخليتها تروح وأنا روحت على البيت.. شفت تغريد وعايدة بستنوني.. شافنوني مضروبة وصارو يحكولي مرة تانية ؟ لأ الوضع مابنسكت عليه.. قلتلهم ضل كم يوم ورح يعطيني الصور وكل شي .. هاد بعرف عني كل شي وبعرف كل الشباب اللي عرفتهم .. بس انا بطلت عارفة شو بدي اعمل.. انا شاكه انها جوانا .. الحقيرة ممكن ودت شباب من معارفها عشان ينتقمو مني عشان تيم .. هاد الأهبل الي يوخده ويوخد الساعه اللي عرفته فيها هالحقير.. اتصل عليه نديم وحكالي الوضع بطّل ينسكت عليه لازم اعرف انتي شو بتعملي؟ وليش مطنشيتني.. قالي رح اجي على بيتك .. حكيلته انت مجنون خواتي رح يقطعوك.. وهمه بحاله سيئة خليك محلك هيني جايتك .. حملت حالي وطلعت من البيت بعد ماشغلت تلفوني ووصلني عليه فوراً عالواتسب.. بحكيلي شفت مسجات حبيبك وبسأل عنك .. اذا بتحكيله شي من اللي صار معك ماتلومي الا حالك .. وبكرا بكون فاضحك ورح افضح كل علاقاتك يا واطية يا معاقة .. رحت على كوفي شوب وشفت نديم .. قلي خير شو عم بصير ؟ قلتله خواتي مريضات وأنا تعبانة شوي ولهيك مش عم بعرف ارد عليك وانت بتحكي بظروف صعبة وبأوقات أنا تعبانة فيها ومش ئادرة .. اتأسفلي وحكالي جد ماكنت اعرف هيك .. حكيتله مافي داعي للأعتذار بس ياريت هالفترة ماترنلي لأنه وضعنا صعب وتأكد انا بحبك وكتير كمان .. متى رح تيجي تخطبني لنرتاح تعبت وبدي حدا يحميني.. حكالي شو قصدك بحدا يحميكي في حدا عم يتعرضلك؟ حكيتله لألألأ مافي هيك شي.. بس انت عارف خوات لحالهم وانا الاصغر ومش متزوجات وكبار صارو وبدي زلمة يحميني مش قادرة اعيش هيك تحت سيطرة خواتي .. بدي ياك انت .. حكالي أنا هلأ مابقدر أخطبك لأنه اوضاعنا مكركبة وانا شغلي مش بزيادة وبعدين شو مالنا هيك عين الله علينا.. سيبينا حالياً من قصص الزواج وبس الله يفرجها بنشوف شو بصير معنا.. حكيتله هلأ هاد اللي طلع معك .. أكيد حضرتك أبصر شو سامع عني ولسه بدك تتأكد مني .. انا متأكده انه هيك ومش قصص زواج وحكي فاضي لأنه لو بدك تتزوجني بتيجي.. وانا بعرف شغلك تمام ومافي أي عارض.. حملت حالي وطلعت ونبهت عليه مايرنلي أبداً أبداً.. لأنه وضعنا سيء وكان بدي اخلص من شغلة التعذيب لمدة أسبوع ومنه
يتبع..
Mahmoud Salloum