الاول
*📚قصص||روايات||منوعة📚*
_*بإدارة 📚قصص||روايات||منوعة📚*_🧡
*❴📖❵اوقات الجنون*
*❴🔢❵الـــبـــــــــــ❴الاول❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:قناة:*
*📚قصص||روايات||منوعة📚*
*❴📚❵↵القناة:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*https://whatsapp.com/channel/0029VaNMcGuHFxP9VtPQOm2A*
*📚قصص||روايات||منوعة📚*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *يمان سعيد* 🧡
➖➖➖➖➖➖➖➖➖
*❴📝❵↵تـنـسـيـق:قناة:*
*📚قصص||روايات||منوعة📚*
https://whatsapp.com/channel/0029VaNMcGuHFxP9VtPQOm2A
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
📚كتب ||روايات|| منوعة📚:
#أوقات_جنون_1 #أوقات_جنون
الحلقة الأولى
(( @rwayate ))
كل شي بحياتي بمشي متل الساعه .. الوقت .. النظام .. الأكل.. الشرب.. البريستيج.. النوم .. كل شي إله موعد وإله وقت محدد عندي.. ومستحيل أفرط بدقيقة من وقتي.. الأحلام بالنسبة إلي واقع .. مافي عندي حلم مابتحقق لأنه عندي إصرار واللي براسي رح أعمله.. إسمي دانا .. بدلعوني دندونه عندي أختين أكبر مني .. أكبر وحدة إسمها تغريد والتانية عايدة .. كل وحدة فينا شخصيتها مختلفة عن التانية وحتى أشكالنا مختلفة والناس مابفكرونا خوات.. تغريد كتير طيبه كتير وبتخاف من كلام الناس ومستحيل تعمل شي غلط.. عكسي أنا .. دايماً بعمل الغلط ومابخاف من حدا.. بس اللي بوقفلي هيه عايدة .. شخصيتها قوية وأنانية شوي ومابتحب حدا مايسمع كلامها.. ماما سافرت وتركتنا بعد ماتطلقت من بابا لأنه تزوج عليها وسكن بعيد عنا لأنه مرته طلبت هيك ومابدها وجع راس.. وضليت أنا وأختي التنتين بالبيت .. بس اختي عايدة بتضل تتحسس من قصة اني كل مرة بحب شب وبتركه لأنه مش مناسب لإلي وعلاقاتي كتيرة ومابخاف من شي.. بس تغريد مابتعمل شي غير إنها بتنصحني وبس.. وأنا بخاف أحكيلها كلمة أجرحها خصوصاً انها اكبر مني بكتير وماتزوجت لهلأ ومافي حدا بتقدملها .. عكسي أنا.. كل مايحكي معنا بابا انه جاي عريس وحاكي معاه بتفكر انه جاي إلها ..بس بكتشفوا انه جاي لإلي.. وأنا تعبت من هالقصة كل مرة بتخانق معهم عشان قصة العرسان لأنه بيجوا لإلي وبس برغم إنه في كتير شباب بالجامعه بحبوني وبدهم مني كلمة بس أنا صعب أحب الشب من أولها.. هاي شخصياتنا وبعض من المشاكل اللي بتصير معنا .. لكن المشكلة الأكبر لسه ماصارت .. ولهون كانت حياتنا ماشية تمام ومافي غير هالمشاكل السخفية اللي بين الاخوات بتصير بسبب الأخت الصغرى والأخت الكبرى .. لحد ما أجا هداك اليوم .. اليوم اللي أجا فيه واحدو دخل علينا على البيت بدون ما حدا يحس وكان هالشي بنص الليل.. اختي تغريد كانت صاحية وقتها لأنها بتسهر وبتضل سهرانه غير أنا بسبب وحدتها القاتله ..كان الضو مطفي وصوت التلفزيون واطي.. سمعت صوت جوا ..فكرت انه القطة اللي عنا بالبيت وقعت شي أو بتتحرك وصاحيه.. بس الحركة ضلت موجودة بالكريدور ناحية الباب وأنا وعايدة نايمين.. أنا غرفتي كبيرة وبآخر البيت وغرفة عايدة وتغريد من الجهه التانية بعيد عني شوي.. قامت تغريد تشوف الحركة الغير طبيعية بالبيت.. طلعها هاد الشب بوجهها وكان مثلم وجه وماشافت ملامحه .. صارت بدها تصرخ حط إيده على تمها.. وحكالها أنا مش حرامي.. مابدي تخافي مني وخليكي طبيعية.. صار وجهها سخن وترجف وجرها لجوا.. دخلها على الغرفة وحبسها وحكالها أنا بعرفكم منيح وبعرف كل المشاكل اللي بتصير معكم.. حكالها أنا بعرفكم منيح وبعرف كل المشاكل اللي بتصير معكم .. وبعرف انك مابتحبي دانا وبتعملي حالك الأخت الحنونه عليها بس انتي مابتطيقيها لأنه معظم العرسان بيجوا لإلها وانتي وعايدة مابيجيكم حدا..وصار يحكي أنا جاي لهون لحتى أقتل دانا لأنها ضحكت عليه وخانتني وكانت تحكيلي عنكم.. وبهاللحظة وقعت اللفحه من على تمه وبيّن وجهه.. وصار يحكيلها كشفتي وجهي وممكن تبلغي عني .. بس أنا رح احكيلك شي.. أختك كتير عرفت شباب وخانتهم وأنا واحد منهم ومش تاركيتكم انتي وعايدة من شرك كمان.. وهلأ بدي أسألك .. إذا بدك ياني اقتلها رح اقتلها ورح أخلصكم منها بس إذا مابدك رح أروح ومضطر أخلي حياتكم جحيم كلكم ومارح تقدري تحكي اني اجيت لهون لأنه مافي دليل وأنا لابس كفوف وماحدا شافني بس دخلت عالبيت.. حكتله أختي لأ مستحيل أخليك تقتلها لأنها اختي وقد ماتعمل فيه مستحيل أقبل انها تموت .. سحبت حالي وصرت أحكيلها خلص بس ابقي احكيلها ترقبي اللحظات المجنونة مني وشو رح أعمل فيها وفيكم عن قريب.. وطلع من البيت.. اختي ما نامت وضلت تبكي طول الوقت.. وأنا نايمة بسابع نومه.. طلع الصبح.. وصحيت بغني ومبسوطه واختي كانت لسه بتبكي.. حكيتلها تغريد شو مالك ؟ احكيلي؟ شكله في عريس جاي جديد وماصار نصيب أو حكا انه بده ياني؟ انا تعبت من هالموضوع ارجوكي خلص بكفي شو اعمل يعني اذا العرسان بيجوا لألي.. وفجأة سكتتني وحكتلي اخرسي .. واسمعيني شوي.. في واحد اجا بالليل مبارح وهددني وحكالي انا بعرف اختك وهيه خانتني وكان ملثم ومارضي يشيل اللفحة عن وجهه وماعرفت مين هوه .. وحكالي بدي اقتل اختك بس أنا ترجيته وكنت ناوية اصرخ والم عليه الجيران بس شكله كان مسلح .. وحكالي لا تحكي لحد اللي صار لأنه رح أخلي حياتكم جحيم.. شفتي علاقاتك المتعددة شو عملت فينا ؟؟ كم مرة حكيتلك بطلي حبي واطلعي وكل مرة تحكيلي انتي غيرانه مني لأني بأول عمري وصغيرة .. وصاحبتي سلمى بتضل معي وبتنصحني وهيه متل أختي وبفهم منها لأنها قدي .. كإنه عمري أنا ميت سنة .. شفتي شو عملتي فينا .. حكيتلها ماعملت شي وأنا رح أربيه هالواطي اللي دخل بيتنا وأشتكي عليه.. حكيتلها لأ أوعك تعملي هيك أشي لأنه رح يحاول يدخل مرة تانية ..
وجد كان جاي يقتلك صدقيني.. وأنا حكيتله ماتدخل الغرفة لأنه رح أصيح وألم الجيران وأنا صوتي عالي.. لولا تهديدي كان قتلك.. وقتلني معك.. انتي لازم تقطعي علاقتك بأي شب بتعرفيه حالياً.. صرت اصرخ واحكيلها .. نديم بده يخطبني وهوه حكا هالشي وبحبني عنجد مش متل هدول .. بس لازم اعرف مين هوه .. انتي متأكده ماشفتيه.. صفنت فيها .. بعد دقيقة حكيتلها .. ماشفته ومابعرف شكله.. أنا فعلاً ماكنت اعرف شكله.. حكتلي طويل كيف حجمة لأنه انا عرفت شباب ضعاف ومنهم جهمين وناصحين احكيلي كيف لأعرف أي واحد.. حكيتلها انتي ليش باقيه تحكي أسرار البيت وكل شي للشباب؟ حكتيتلها أنا مابحكي لحد ومستحيل أحكي لحد .. حكتلي كذابة هوه بعرف كل شي وبعرف انك بتجرحيني دايماً انا وعايدة وبعرف ادق التفاصيل كمان.. حكيلتها هاد أكيد رعد هوه اللي عمل هيك.. لأنه أنا ماكنت بحكي لحد غيره.. وقتها ما كنت عارفة مين بالزبط وماكنت شاكه برعد أبداً لأنه أنا حكيت لكل الشباب اللي عرفتهم عن خواتي وعن علاقتي فيهم وعن كل المشاكل اللي كانت تصير معنا.. بس ماقدرت أجمع شكوكي بس حطيت بالظن أنه رعد هوه اللي اجا على البيت.. سحبت حالي وطلعت عالجامعه ورحت شفت سلمى.. وحتى في بنات كتير بعرفهم وبتركوني وعشرتي معهم مابتتعدى الأشهر لأني مابتواطن ويالله خواتي يحبوني.. بس هاي البنت انجذبتلها بشكل مش طبيعي.. حسيتها متلي بتفهم وزوق وراقيه وبتعرف تحكي مش دفشة ونفسية متل بعض البنات اللي عرفتهم .. وحتى انها مجنونة متلي.. بس اللي بستغربه منها إنه بس أكون معها مابترضى توكل ولا تشرب وهاد الشي اللي استغربته منها !! .. انه بنكون مع بعض بعزمها على كاسة نسكافيه مابترضى تشرب وحتى انها مابتوكل بالجامعه وعلاقاتها قلال مع الكل بس قوية معي واخدنا مع بعض مادة ومن وقتها صارت صديقتي وقريبة مني برغم اني ماعرفتها غير من شهر واحد بس صارت كل حياتي وصرت بحكيلها كل شي بصير معي بالبيت متل مابحكي للشباب اللي عرفتهم.. قلتلها عن الشب اللي دخل بيتنا .. صارت تحكيلي أنه ماتخافي منه واذا رعد روحي واجهيه وهدديه.. اخدت بنصيحتها واتصلت عليه برغم انه تركنا من شهر ونص والشب اللي بعرفه جديد نديم مابدرس معنا بالجامعه.. حكيت مع رعد وقلتله بدي اشوفك بالكفتيريا.. نزلت شفته واخدت بنصيحة سلمى كان الكفتيريا ازعاج كتير ومش سامعين شي.. طلعنا لفوق وكان الطابق فاضي.. قلتله جاوب بسرعه وبدون لف ودوران .. انت دخلت على بيتنا متل الحراميه مبارح ؟ وهددت اختي انك تقتلني؟ قلي لأ ابدا ليه لأعمل هيك..؟ قلتله لأني تركتك .. قلي صح تركتيني بس أنا مانسيت وبدي أنتقم منك بطريقة أو بأخرى بس مش بهالطريقة ومش انا اللي دخلت البيت.. روحي شوفي مين الشب اللي عرفتيه هوه اللي بده ينتقم منك.. حكيتله ماشي.. بس لو أنت ماتلوم الا حالك وماتفكر اني خايفة منك.. انا مابخاف من أي حدا فاهم.. ورنيت على سلمي واجت معي .. قلتلها حكا مش انه هوه.. بس أنا جد خايفة انقتل لأنه تغريد خوفتني وقالتلي كان جد جاي يقتلك بس انه ليه لحتى يطلع من البيت كان ممكن يربط اختي او يحبسها بمكان ويدخل يقتلني
يتابع