الثاني
*📚قصص||روايات||منوعة📚*
_*بإدارة 📚قصص||روايات||منوعة📚*_🧡
*❴📖❵اوقات الجنون*
*❴🔢❵الـــبـــــــــــ❴الثاني❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:قناة:*
*📚قصص||روايات||منوعة📚*
*❴📚❵↵القناة:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*https://whatsapp.com/channel/0029VaNMcGuHFxP9VtPQOm2A*
*📚قصص||روايات||منوعة📚*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *يمان سعيد* 🧡
➖➖➖➖➖➖➖➖➖
*❴📝❵↵تـنـسـيـق:قناة:*
*📚قصص||روايات||منوعة📚*
https://whatsapp.com/channel/0029VaNMcGuHFxP9VtPQOm2A
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
📚كتب ||روايات|| منوعة📚:
#أوقات_جنون_قصص
#أوقات_جنون_2 #أوقات_جنون
الحلقة الثانية
(( @rwayate ))
ليه هرب.. في شي أنا مابعرفه ؟ مش معقول بس لأنه خاف أنها تصرخ وتلم عليه الجيران متل ماحكت.. قالتلي سلمى.. أكيد في سر ولازم تعرفيه.. حكيتلها جوعانه أنا كتير .. قالتلي أنا لازم أروح ماما بترنلي.. بس اللي حسيته أنه تلفونها مارن أبداً وما ضوى حتى .. ماقدرت افهم هالبنت برغم اني مافهمت حالي أصلاً ليش تعلقت فيها.. وكنت خايفة كتير حدا يستفرد فيه بالشارع ويخطفني لأنه قصة القتل رعبتني وخوفتني من تغريد وصرت أخاف على حالي وأخد احتياطاتي بكل مكان وقررت أروّح عالبيت لأحكي مع اختي مرة تانية وتشرحلي شو اللي صار مبارح بالليل لأني ماصدقت أنه هاد اللي صار .. روّحت على البيت أسأل تغريد شو اللي صار بالزبط.. بس ماحكت شي للأسف وحكتلي مابعرف بس اللي حكيته .. قلتله لازم تحكي .. الشخص اللي دخل على البيت بالليل وكان بده يقتلني لو ماعرفنا مين هوه وما بلغنا الشرطة رح يضل وراي ويقتلني عن جد.. حكتلي ليش انتي من كتر علاقاتك بتخافي؟؟ كم مرة حكينالك انا وعايدة بطلي الي بتعمليه بس ماكنتي تردي.. قلتلها مش وقت هالحكي لازم تحكيلي كيف مواصفاته بسرعه حتى لو ماشفتي وجهه .. حكتلي انا شفت وجهه !! .. قلتلها شووو ؟؟ شفتي وجهه وليش حكيتيلي ماشفتيه.. قالتلي لأنه انتي بتستاهلي اللي بصير معك ولو حكيتلك مين هوه رح تشتكي عليه ويروح بستين داهيه والولد لو بده يقتلك كان قتلني أنا أول ودخل خلص عليكي بس هوه شكله مش هيك ومابعمل هيك واجا ليخوفك وبس.. وياريت تشيلي الفكرة من راسك مارح احكيلك كيف شكله.. قلتلها ارجوكي هالشب فعلاً بده يقتلني انتي بس احكيلي كيف شكله لأنه عم بشك بكل اللي بعرفهم وحتى نديم حبيبي .. قالتلي وليه عم تشكي فيه ؟ لأنك بطلتني تعرفي المنيح من السيء .. حكيتلها انتي بدك تضلي تعطيني نصائح وحكي فاضي .. مابدي اعرف ولو نقتلت ساعتها انبسطي.. واذا هلأ مابيجيكم عرسان كيف بس يصير في جريمة.. حكتلي رح تضلي تجرحينا انا واختك لأنه انتي الصغيرة واحنا كبار.. ومع هيك مارح احكيلك .. سحبت حالي وطلعت من الغرفة متوترة وحكيت مع سلمى .. كانت وقتها مابترد والرقم مشغول.. حكيت يمكن مشغولة مع حدا أو بتعرف حدا .. وبرغم الفترة اللي عرفنا بعض فيها الا انها ما اعترفت بكل شي وحسيتها بتتهرب من بعض الشغلات وكإنها على علاقة بحدا بس مارضيت تحكي كل شي لأنه شكلها بتخاف .. دخلت جوا كانت عايدة عم تجلي وفاتحه المسجل وأنا معصبة كتير .. حكيتلها وطيه شوي راسي نصرع حكتلي هاي طفيته يلا انبسطي وأنا داخله أنام.. تغريد دخلت تنام كمان لأنهم بنفس الغرفة وأنا مابعرف شو بحكوا بالليل عني.. كنت وقتها خايفة تحكيلها عن الشب اللي دخل البيت وتروح عايدة تحكي لبابا كل شي.. وكان بدي طريقة لأنسينهم الموضوع.. وخفت يرجع بهالليلة مرة تانية الشخص اللي بده يقتلني.. ولأني شاكة برعد .. إتصلت فيه.. حكيت معاه وقلتله انت لسه بدك ياني؟ لو بدك ياني قلي أنا مستعدة ارجعلك.. انا ماكنت وقتها بدي ارجعله لأنه انا على علاقة بنديم وبدي ياه بس بدي اتطمن من ناحية رعد أنه جد مابده يقتلني.. ويمكن تسرعت لما حكيت معاه.. حكالي ليش هسه بتحكي هيك ؟ مش كل شي بينا انتهى وانتي نهيتيه وحبيتي حدا جديد.. قلتله انت بتراقبني ؟ يعني عارف ؟ قاللي طبعاً بشوفك بتمشي معاه بالجامعه .. حكيتله ما انت يادوب تداوم هسه صرت تشوفني.. قلتله هاد مجرد زميل ولو فعلاً بدك ياني برجعلك.. حكالي مشغول هلأ عنا ورشة تصليح بالبيت وبعدهم عنا بهالليل بحكي معك بكرا سلام.. سكر الخط وتطمنت شوي.. مشطت شعري وغسلت وفرشيت سناني ورحت على غرفتي.. سكرت الباب عليه وفتحت الشباك لأنه كان الجو كتير حر .. ما كان جاييني نوم بهالليلة قلت بروح باكول شوي لحتى انعس وبشوف فيلم يمكن انام بالصالة بسبب الحر اتطلعت لقيت في شي عند الباب ماكان موجود .. شو هاد الشي .. كنت بسأل حالي.. رحت قربت ناحية الباب وشفت مغلف صغير جنب حفة الباب.. اللي حاطه راميه من تحت لحتى أشوفه.. كنت خايفة افتحه .. بس لأنه قلبي قوي فتحته.. كان في صور.. صور الي وأنا بغير ملابسي بالغرفة وبالحمام ومش لابسه ومخربش عليهم ومكتوب أنا براقبك وين ماتروحي مارح تفلتي مني أبداً ورح تموتي بسبب عملتك والصور رح تنتشر لو مارحتي بكرا على مكان .. وكان مكتوب المكان بيت بمنطقة بعيدة وبعرفها مقطوعه وماحدا بروحها ورقم البيت والحي.. ولو ما اجيت الصور رح تنتشر وبحكيلي اذا انتي شاطرة حاولي تلاقي الكاميرات اللي حطيتهم فبيتكم وبغرفتك.. نجنيت وصار بدي اصرخ بس خفت خواتي يصحوا ويلموني ويسبوني وأنا مابدي أبين قدامهم ضعيفة لأنه طول عمري قوية وماكنت مكسورة بسبب حدا.. خفت كتير وصرت ارجف واحكي وين حاطط الكاميرات وين مركبهم هالحقير.. لبست ملابس وحطيت الحرام على حالي ولفيت حالي منيح حتى ما يبين شي مني ورحت على الغرفة وصرت افتش بكل مكان ركزت بالصور وحاولت أعرف من أي زاوية ماخد الصور..
وقدرت أعرف كان بآخر الحيط من ناحية الشباك.. بس كيف وصل لفوق.. طلعت على سلم خشب وحاولت أوصل للمكان اللي فوق الستارة بالزبط وشلت الستارة كلها بس مالقيت لا كاميرا ولاشي .. طيب كيف هيك ؟؟ ومن رجفتي وخوفي وقعت عن السلم لآخر الأرض وتوجعت وخفت يصحوا خوتي على الصوت لأنه صرت أتوجع.. وقع الحرام من على جسمي.. رن تلفوني.. نغمة الواتسب.. مسكت التلفون ولقيت رقم غريب باعتلي .. حلوة عليكي البجامة الحمرة وديري بالك وانتي عم بتفتشي مرة تانية لأنه السلم قصير وانتي أطول منه هههه ! .. نصدمت وصرت ابكي واحكيله وينك ياحقير .. وبعتله على الرقم لو شو ماعملت مارح تطولني انت لسه مابتعرف دانا يا كلب.. ورقمك بكرا رح يروح للشرطة.. كتبتلي قبل مايوصل للشرطة رح يكونوا الصور بكل مكان ومع فيديو الوقعه اللي صارت قبل شوي .. حكيت شو بدي أعمل واكيد حاطط كاميرا بالحمام وبتفرج على خواتي وعليه .. اعصابي تلفت وشوي وكنت بدي ادخل عليهم اصحيهم واحكي مع تغريد احكيلها احكيلي مين هوه لأنه عمل معنا هيك وكشفنا.. بس هيه ماكانت راضية تحكي قال لأنه انا بستاهل برغم حياتي مهددة بالموت.. ضليتني أبكي بالصالون وهوه عم ببعتلي وبحكيلي افتحي التلفزيون اتسلي مبلش فيلم على ام بي سي بجنن بجنن احلى منك كمان.. وسيبك من البكا والخوف لأنه أنا بدقيقة بكون بالبيت لو بدي وباخدك وبنطير بالسما.. حكيتله انت واطي ورح اعرفك .. كنت خايفة اعمل أي حركة أندم عليها لأنه الصور والفيديو وكل شي بإيده وأنا سمعتي على الهاوية بكفي ماضل حدا ماحكا فيه وأنا مش سائلة وبعد هالعلاقات وقعت وقعه وماحدا سمّا عليه .. سبيت عليه وأجت عايدة يمكن لأنها شافت ضو التلفزيون ضاوي بالغرفة اجت تشوفني وكانت مش لابسه منيح.. حكيتلها عايدة روحي البسي بسرعه.. قالتلي ليش الجو حر مش حاسه انتي شو بدك البس؟ حكيتلها فوتي جوا بسرعه .. حكتي مالك نجنيتي احكيلي شو في شو بصير معك ؟ دخلتها على الغرفة وسكرت الباب وحكيتلها البسي واطلعي.. سكرت الباب من جوا وضليتني اشد على ايده وهيه تسحب من جوا وانا حاطه حرام على حالي.. وهيه تصرخ وتحكي مالك نجنيتي احكي معي ؟؟ راحت صحت تغريد وحكتلها شوفي اختك نجنت بتحكيلي روحي البسي بسرعه .. وانا لابسه والجو حر.. شو مالها هالبنت .. حكتلها تغريد مش عارفة بس في شي صار مبارح لازم تعرفيه .. صرت اصرخ واحكيلها تغريد لأ .. ماتحكي شو صار لأنه رح نندم .. بس هيه ماسكتت وحكتلي رح احكيلها شو بدك تعملي يعني.. بلشت تحكيلها وانا فتحت الباب ودخلت لعندهم.. قلتلها انا بحكيلها حكتلي عايدة ولأنها الكبيرة واكتر وحدة بتعطي نصايح وبخاف من كلامها برغم اني مابخاف بس اضطرينا نحكي وتغريد بلشت تحكي بعد ما سكتتني عايدة لأنها بدها تسمع من تغريد.. وحكتلها في واحد دخل على البيت وكان بده يقتل دانا وانا شفته ووقعت اللفحه من على وجهه بس أنا مابدي احكي لأنه الشب وعدني مايأذيها وتوسلي .. وأنا وعدته ومافيه اخلف وعده.. حكتلها عايدة انتي مجنونة هاي حياة اختك !!.. حكيتلها شايفة نفس ماحكيت.. في شي لازم تعرفه