الفصل الرابع
بين نارين نار ابن عمي ونار محبوبي
الفصل الرابع
*-بين نارييّن نَار ولد عمّي ونار محّبوبي💔.*
*-نَو؏ــهَا سَعودييهَ:-*
*-الكاتبهہَ:#جَوري،اليافَعي𓃴١6:*
*-تَنويه الروايهَه من نسّجج الخَيال*.
*❴🔢❵الـــبـــ❴4️⃣❵ــــارت*.
〰️〰️〰️〰️〰️〰️〰️〰️〰️
*لا تَلهيّكم الرَوآية عَن الصّلاه يالغَوالّي*
*اللهمَّ إني بَلغت اللهمَّ فشهَد🤍 :*
ـــــــــــــــــــــــــــــــــ
*اللهم صلِ وسلم على نبينا محمد🤍.*
*"سبحان الله - الحمدللَّه - ﷲ أكبر - أستغفرالله".*
ــــــــــــــــــــــــــــــــ
*عند مشاري.*
قام من النوم تروش لبس لبس عادي لإنه مو ناوي يداوم اليوم ومايدري ليه
تسبح بالعطر ونزل بنفس اللحظه شاف كل واحد من اخوانه طالع من غرفته
ومكشر.
مشاري: يالله صباح الخير هههه شفيكم كذا عابسين.
ضحى وهي تتثاوب: فينا النوم وانا اختك وخبرك تعرف طويلة العمر
كيف تصحي.
البندري وهي دايخه نوم: شفيكم واقفين هناا مثل الاصنام.
مشاري&ضحى: سلامتك.
جو مي وفي بنشاط: هااي قايز.
الكل: وعليكم السلام.
في مي: انننننننننن.
فيصل وهو نازل: صباح الخير ياعرب.
ضحكو عليه ونزلو بعدها.
وترف طلعت تتسند بعدما لبسست واخيراً وكان لبسها محتشم وطالعه كيوت.
أم مشاري: ياهلاا ياهللا وش هالطلات ماشاءالله عسى الله يرعاكم
الكل:امين.
*راحت أم مشاري تسند ترف ع كتفها وتقعدها فوق الكرسي*
*وهي تصبح عليهم.*
ضحى: صباح النور ياريت اليوم كان معانا ويكند كناا بنفلهاا والله.
البندري بطفش: اي والله مليييت من الدراسه.
فيصل: وأنتِ من متى إن شاءلله تحبينها.
البندري: شدخلك يالبزر هااا.
فيصل: يمه كلمي بنتك تعدل كلامها معي.
أم مشاري: البندري يمه عيب هاذا اخوك لاتعيدينهاا.
البندري وهي ترمق فيصل بنظراتها: إن شاءلله ييمه.
وقعدو يأكلون.
أم مشاري: تروف شبلاك حبيبتي م اكلتي شيء من يوم قعدتي.
ترف: ابد هاذاني أكل يمه.
أم مشاري: لا ماتأكلين هاتي اوكلش زين عشان تتعافين ولا ماتبين.
ترف بلعثمه: ااا الاا أبي.
صارت أم مشاري تطعميهاا ومشاري وفيصل والبنات يناظرون ب بعض
وترف حدددها مستحيه وتحس بالعجز ومي قادره ترفع نظرها وتحس نظراتهم تحرقهاا ويالله تبي تشبع عشان تقوم بسرعه.
قامو البنات وفيصل: يلاا حناا ماشين.
أم مشاري: فمان الله.
وأردفت: مشاري وصلهم ع مدارسهم دام اليوم ماخذ إجازه.
نطت البندري تمسك بيد مشاري: بربك عندك إجازه اليوم؟ تكفى طلعناا تكفى تكفى ياخوي ياقرة عيني يالنشمي يالكفو يامشاري يامغوار يا
قاطعها: يالليل الليل شكل بتصدع راسي من صباح الله خير شتبين يم الطلعات إنتِ ترا مانيب رايق لك.
ضحى: واضحه وصريحه يعني ماتسوي كيذا الى لو تبي السوق.
البندري: حبيبي اللي فاهمني خيتي وأرسلت لها بوسه بالهوى.
فيصل: وانا بعد ناقصني كتب وكذا ودي اشريهم.
في تقلد الشيبان: يامال العافيه يوليّدي طلعهم هالمساكين شوف وجيهم الطيبه والبريئه شوف بالله عليك مايستاهلون طلعه مرتبه
ياعين أمك وأبوك.
مي والبندري وهم يسبلون بعيونهم بعد ماطالعهم مشاري.
ترف بعفويه: حرامم يا مشاري طلعهم شوف على برآءة فيهم.
مشاري حسس بشعور مايوصف بعد مانطقت اسمه اول مره يسمع اسمه منهاا عقله تشوش ومو قادر يقول كلمتين حس إنه مو موجود غيرهم فالصاله.
أم مشاري اللي من أول تنادي: مشاري مشاري وللددد!.
مشاري انتبه: هاا هاا يمه سمي يالغاليه وش تبين.
أم مشاري: هو بسم الله عليك وين رحت يمه اناديك ماتسمع.
مشاري بلبكه: لالا معك يمه بس شردت اشوي.
أم مشاري بهمس لهم: زين وصل اخوانك وبعد المغرب نطلع كلناا كوفي شوب نغير جو وعشان تتغير نفسية ترف صايرره كلى تهوجس ومي طبيعيه.
مشاري: ااا إن شاءلله يمه تامرين.
أخذ مفاتيح سيارته ولحق بأخوانه اللي فرحانين بالطلعه مع ترف.
ترف: الحمدلله سفره دايمه.
أم مشاري: وه شدعوه توني أسوي لك الساندويتش الثانيه.
ترف: لا والله شبعت كثر الله خيرك بروح انسدح رجلي تعورني شوي.
أم مشاري: اجل روحي وانا أخلص واجي ادهن لك من المرهم وأعطيك الدواء.
ترف: طيب.
تعكزت بالعكازه اللي جابتها لها أم مشاري ودخلت غرفتها وهي محتاجه تكلم صديقتهاا وحاسه بالغربه هنا رغم إنهم كلهم حواليها بسس متشرده وفكرها ضايع وتحس إن ودها تبكي قعدت ع السرير ونزلت دمعه ع وجنها وتردفها دمعات لين صارت تشهق وتبكي بنحيب بالوقت اللي دخلت فيه أم شاري وإنصدمت وهي تشوفها تصيح ركضت لها بلهفه وأخذتها بحضنها بدون كلام.
أم مشاري بحنيه: هشش بسم الله عليك أهدي يابنيتي.
ترف كل مازادت بكاء وأم مشاري متقطع قلبها عليها وبس تطبطب على ضهرهاوتهمس لها بكلمات حنونه لين ماحست بإنتظام انفاسها وعرفت إنها نامت سدحتها ع السرير والدموع متعلقات برموش عينها غطتها وطلعت وهي ضايقه عشان حالتها.
:
*بسيارة مشاري .*
مي: مسكينه ترف وربي زعلانه عليها.
مشاري بأهتمام يحاول يخفيه: لييه زعلانه؟
مي: البارحه مريت من جنب غرفتها وسمعتها تبكي أكيد تحس بغربه.
ضحى بعقلانيه: اكيد الله يكون بعونها إتخيلوا بيوم ولليله تفقد ذاكرتهاا وتشوف نفسها بمكان غريب وأهل غريبين بصراحه شعور الله لايبلى أحد فيه.
البندري: إي والله صادقه لو انا مكانها هجيت من ذا البيت.
فيصل بستغراب: وليه إن شاءلله حنا معاملينها أحسن معاملة.
البندري بطقطقه: هه خل عنك المعامله بس انتم تخوفون من أصواتكم وأشكالكم هي للحين قاعده بس علشانها تحس بالأمان من شوفتي ولا لو ماني فيه كان هجت وهي مابعد دخلت.
كلهم بأصوات متفرقه: ارحمييييينننااا.
البندري بخرعه: اوف بسم الله منكم.
وأردفت: خلاص بحاول أرحمكم ولا إنتم ماتستحقون هههههههههههههههههههههههههههههههههه.
مشاري: اقول إنزلي بس ياذي النتفه وصلناا وفكوني شركم.
في: مشاري ترا انا ماتكلمت بكلمه ع الرجعه الدور عليّ هذاني قلت لك.
مشاري: لا وفي دور ع الكلام كمان ياخيرة الله ماعاد باقي الا هي.
ضحكو ونزلو البنات بمدرستهم وفيصل اللي بعدها المدرسه حق العيال.
__________
مشاري بعد ماراحو لف وناوي يرجع البيت ماله خلق لشئ هالترف من يوم جت وهو جالس يفكر فيها واذا كانت كتلة خير ولا كتلة شر
قلبه يقول إنها بريئه وعقله يقول إن في وراها سالفه ولا ليه نص الليل
وحدها فذاك الشارع وتذكر إنه شاف حولها كيس صغير وباين منه شوي
ملابس صدع راسه وهو يضرب أخماس وأسداس.
غير وجتهه وركن جنب مطعم يحبه وقرر يتصل بخويّيه ويكلمه بالسالفه
ويشوف وش يقله لإنه ماعاد صار يعرف الصح من الغلط وعقله مشوش وكله من ترف.
.... : مشاري؟ وينك يارجال من زمان عنك.
مشاري: هلا هلا صالح موجود بس تعرف أشغالي يأخوك.
صالح: ياذي الأشغال اللي ماتخلص معك هههه.
مشاري: سواة ربك هاذا حال الدنيا.
صالح: اي بالله الى وشفيه المزاج اليوم كأنه معكر.
مشاري: ابد ماغير ضغط وصداع وكذا.
صالح: الله يعينك ياخوي يلا انا أستاذن عندي مشوار مهم.
مشاري: أذنك معك.
صالح: بكره تعال الاستراحه كل الشباب بيجون.
مشاري: إن شاءلله أشوف.
صالح: لا عاد تكفى لاتشوف ولا شيء تعال بس بنفلها بلوت وبليستيشن
وجسلة طرب من اللي يحبها قلبك.
مشاري: دام كذا أبشر.
صالح: كفو أجل يلا فمان الله.
مشاري: مع السلامه.
*دخل وجلس ع طاولته المعتاده وطلع فونه وأتصل بصاحبه.*
*بمكان بعيد أول مره نروحه.*
لندن مدينة الضباب الساعه عندهم 10:00م.
الشقه معفوسه والأرضيه وسخه وكل شيء يوحي إنها شقة شباب مهملين.
جواله يرن للمره الثالثه ماله خلق لأحد عيونه تحتها هالات و منتفخه وشعره معفوس وحالته يرثى لها خرج من الحمام صاحبه ضاري وهو ينشف شعره ومكسور خاطره عشان صاحبه.
ضاري بعتب: حرام عليك أرحم نفسك لك ثلاث أيام لا آكل ولا شارب بفهم
قلي وش صاير معك مب كنت تقول انا صاحبك وعضيدك ومدري وش ولا كله كلام؟؟
.... : لارد.
ضاري: خلاص يأبن الناس رد على جوالك أزعجنا ترا.
.... : لارد.
ضاري بصرخه: متتتتتتتعب وبعديين؟؟.
متعب بغضب: ياخي انتتت شتبي فكني خلني بحالي.
ضاري: أقول رد على جوالك امكن فيه شيء مهم وسلامتك والله.
تنهد بتعب وشاف المتصل (شوشو).
أخذه ورد بإرهاق: هلا مشاري.
مشاري بخوف: واخييراً مابغيت ترد ياصاحبي وينك عن الجوال هاا
خوفتني الله ياخذك.
متعب ويحس وده يبكي: امين.
مشاري بقلق: متعب بسم الله وشفيك ياخوي وش به صوتك متغير عليّ؟.
اما على الطرف الثاني ماقدر يرد حس بعبره تخنقه مب قادر يتكلم.
مشاري بخوف كل ماله يزيد: متعب متعب ولد وش صاير معك
أنت أبخير؟؟
متعب بهدة حيل: ايه بخير ماعليّ إخلاف لاتشيل هم.
مشاري: شلون م شيل هم ها متعب ترا انا أعرفك زين أنت ماتقولي مشاري الا واللي بك كايد قولي وشفيك وين صوتك اللي كان يلعلع بأذني وين اللي يرد عليّ من ثاني رنه ويقول لي هلا شوشو وهلا شيشي وهلا ميشو ها علمني وينه وين اللي ليا ضاق أتصل عليّ وشكا لي هم دنياه
وينك لا أتصال ولا علم من أربع ايام ماهي من عوايدك؟ متعب بالله عليك قلي ياعضيدي وشفيك يمكن أقدر اساعدك والله لأوقف معك
لو كل هالدنيا عليك أنت بس أتكى عليّ.
متعب بعد ماسمع هلكلام اللي كان بحاجته ماقدر الى إنه يسكر الخط.
وينهار صار يبكي ويصارخ ويكسر أي شيء حوله ومشاري ماتعب كل شوي يتصل والخوف هز أضلوع صدره.
مسك الجوال كان بيرميه وتذكر وش جوفه وتراجع
وبس طفاه نهائياً ورد يبكي.
متعب بقهر رجال: ااااااهه للييييه ليييه كذا انا وش سويت لك ليه لييه تكسرين قلبي اللي حبتس وإنتِ بعمراً صغير ليه خليتي اللي يهواتس وشاريتس بدم قلبه وتروحين عنه ليييه قتلتي فرحتي لييييييييييييه.
دخل ضاري ع الصوت بفزع وشاف منضر ماتوقع بيوم إنه يشوفه شاف متعب بأسوا حالاته شاف اللي يعتبره قدوته بأعلى مراحل الانهيار شاف الانسان الصبور والقوي والحكيم والصديق والأب والأخ يبكي من جوف قلبه.
راح عنده وهو مرعوب ومتعب يهذزرم فكلام مافهم منه شيء.
ضاري بخوف: بسم لله متعب متعب وشفيك هدي هدي.
متعب بإنهيار: راحتتت ليييه يضاري ليييه وش فيني عيب اناا ليه تجازي تعبي وطول إنتظاري بالصد ليييه ابفهم ليييه.
ضاري: منهي هاذي ياخوويي؟وبعدين بالطقاق اللي مايبيك لاتبيه انا ماعرفتك كذا يامتعب وين اللي علمنا الصبر وين اللي كان يقول اذا راح عنك شيء زين وتحبه تأكد بيجي لك بداله شيء أزين.
متعب وهو شارد: تدري إني ماخذ من أسمي نصيب مــتعــب كأن كل التعب صار بنصيبي نص عمري بهالغربة أحقق احلام غيري وانا احلامي خذوها الناس اي خذوهاا يعني يوم خلاص بديت أخلص دراستي وأرجع..... وسكت.
ضاري: احلامك بتحقق لو طال الانتظار بس تكفى فهمني وش السالفه؟؟
وأردف: اذا هي سالفة بنت وماتبيك خل عزت نفسك فوق كل شيء وخلها بكره مع الايام بتعرف وش خسرت وبتلقى لك وحده احسن من شرواها بمليون مره ياخوك ترا العمر مايوقف عليهاا والبنت بعدها بنت
وبترجع تحب وتنحب مرةٍ ثانيه.
متعب بصوت مبحوح يقول أبيات شعر:
:
احبـها وهـي# صـدق تـنـحب
وأبـغى هـواهـا لو به#أذنـوب
# والله لـو إنـه ياضاريٍ ذنـب
لاقـول يـاللـه # مـقـدر أتــوب
) نعس العـيون اللي لـها القلب
يمسي جري بصوت مشحوب)
"ريـمـن جـفول لحـقـتها بـدرب"
(ابغاها وهـي صـدتني بصـوب)
يــحرّم عـلـيّ مـن : بعـدها حـب
قـوتي وجع والشوق .. مشروب
#يـاضاري مالـي مـن الـهوا طـب
غـديت كـني مـدمـن احـبوب##.
وكرر بوجــع:
احبـها وهي صـدق تـنحب
وأبغى هواها لو به أذنـوب
والله لـو إنـه يضاري ذنـب
لاقـول يـالله مـقدر أتــوب.
ضاري بأسى على صاحبه: الله يعين كل من طاح بشباك هالحب.
وكمل: بس تكفى لاتسوي بنفسك كيذا قوم وقف وشد حيلك
ماخبرتك ضعيف يامتعب.
متعب: ماعاد بي حيل ياضاري حيلي إنهد وانا خوك تعبت خلاص
احس كل بيبان هالدنيا تسكرت بوجهي.
ضاري وهو يقومه: ماتسكر شيء قم وقف معي وكل شيء له حل شفيك أنت منهار مثل الحرمه هاه الحين هاذا متعب اللي أشد ضهري فيه
يبكي من حرمه لاراحت ولا جت؟.
متعب بعصبيه شوي: اقول عن الغلط جاي تواسي أنت ولا تتريق.
ضاري: ههههه يوه منك يالنفسيه أهدى من كذا ياخي ترا أمزح شفيك قلبت عليّ.
متعب: لإنك تجيب كلام احياناً ماينسكت عنه.
ضاري: هاذا جزاتي الشره عليّ مب عليك امشي بس امشي.
*عند مشاري.*
زادت ضيقته ضيقه تعب من كثر م أتصل فيه يرن والحين مغلق.
ماهو داري وش يسوي وذكر ضاري وقرر يتصل عليه ويسأله عن متعب بما إنهم بنفس الشقه.
بالمطبخ يسوي كوفي الى ويدق جواله بأسم مشاري رد عليه
وهو عارف وش يبي.
ضاري: هلا ومرحب معقوله مشاري الراشد بكبره يتصل عليّ.
مشاري: اقول مب وقت سماجتك الحين وقلي وينه متعب أتصل عليه مايرد.
ضاري: انا مدري وش اللي مصبرني عليكم يالنفسيات وش اللي حدني اخاوي مثلكم اخخ ناس تطلع القولون.
مشاري بنفاذ صبر: تبي تخلص عليّ الحين ولا أسكر فوجهك.
ضاري: ياستير يارب لا واضح قافله معاكم والنفسيه سواد، ع العموم متعب بخير وجواله مسكر.
مشاري: وليه سكره وصوته يوم اتصلت فيه ماعجبني ضاري طلبتك قلي وشفيه وش صاير معاكم حاسس إن فيه سالفه.
ضاري: والله مدري وش اقول لك ياخوك بس.
مشاري بصوت: بسس وشش ضاري لاتحرق اعصابي وتكلم زين.
ضاري: اكلني اكلني بسم الله منك طيب ياخي اعصابك جايك بالكلام.
وقال ضاري لمشاري ككككل شيء من يوم تغيرت حالتة متعب.
مشاري: اما عاد كل كذا صاير وانا مدري.
ضاري: شايف كيف.
مشاري: تدري شلون انا جايكم جايكم.
ضاري: ولا تجي ولا بطيخ حنا جايينك.
مشاري: تمزح ليه؟؟
ضاري: شلون ليه ماتبينا وبعدين خلاص وش باقي نقعد فيه نسيت
ذي آخر سنه دكتوراه لنا.
مشاري: ابوك يالنسوه والله ناسي اجل متى جايين؟
ضاري: مدري نشوف متعب وش يقول وإن شاءلله مانطول.
مشاري: حلو اجل نلقاكم قريب.
ضاري: ايه ونبي حفله بعد.
مشاري: ازهلها يلا فمان الله.
ضاري: فمان الكريم.
سكر منه وضاري خذا الكوفي وراح عند متعب اللي منسدح ع الكنبه وأيده على عيونه وشكله مرهق نفسياً.
اما مشاري اللي ضايق من سالفة متعب بس ماهو قادر يسوي شيء له.
دخل ع رقمه وكتب له مسج..
:
» يــاصـاحبـي عطني همـومك والتـفاكـير«
خلني أشيل العوق عـنك وأنت بس ارتــاح
(وﷲ يـاصـاحـبي إنـي بـدونك مـو بـخير"
وممـن سمعت صوتك حالي ماهو بإرتياح)
: لاتحــسب اللـي جرالـك بالهوى كُـسر طير#
# الطير ياخـوك حـر حتى لو تكسرت لجناح
"إبـعـد مـن دروب الحـب تـراه ياخويا خطير"
وشف خـوينا صالح للحـين بلحاله م إستراح
#يــاخوك الـحب مو بسهل لاتحسبنه صغير#
اسمع من مشاري لاتفتح قلبك تجيك الجراح
قد سـمعت بروميو مهتنى بـالحب والأساطير
ماتوكبده توجعهوترك جوليتتلعببهاالرياح
نصيحتيمن الشرقيهتجيك من حب وتحاذير
منلابقاك لاتبقيهخله معمي البصيره ولو طاح#.
بقلمي✍🏽:
:
*عند الترف:*
قامت وراسها مصدع وتذكر كيف نامت بحضن أم مشاري.
ترف: ياذي الحنيه اللي بتخلي العدو يلين.
وابتسمت وبعدين صحصحت وتفكر كيف توصل لصاحبتها اللي اشتاقت لها حيل.
ترف: لقيتهاا باخذ جوال خالتي بس شلون وجلست تفكر بخطه توصلها للي تبيه.
_______
*عند أبو مشعل:*
قاعد فالسياره وراسه فوق الدركسون ويحس كل هموم الدنيا فوق راسه ويحس انه هو السبب بكل شيء صار وبيصير لو ماكان سوا اللي سواه قبل أربعه اشهر ماكان هو الحين بهالحاله قطع الهدوء والاعصارات اللي بجوفه صوت جواله اللي يرن بأسم الشخص اللي هو بهالحاله بسبته.
_______
ابو مشعل بصوت ضعيف: الوه.
مجهول بصوت جهوري: هلا هلا وين الغيبه وبخبث: وحشتنا تصدق.
ابو مشعل: ياخي حرام عليك ماتخاف الله أنت انا في بلشه وأنت تزودها.
مجهول: افااا وش فيه عسى ماشر.
وبضحكة خبث: قلنا يمكن نخدمك مثل قبل أربعه اشهر.
ابو مشعل وصلت مواصيلها معه: ياااااخخخيي شتبيييي فكنيي من شرككك وفلوسسك بتجيك بس اصبر عليّ ترا ماني بطاير عنكك يرحممم واللديك.
مجهول: اقول صوتك لا يعلى ولا نسيت من قاعد تكلم وترا مهلتك باقي شوي وتخلص حبيت اذكرك اذا ناسي ولأ بعدين لي تصرف ثاني معك.
وضحك ضحكته المستفزه.
أبو مشعل: لا ماني بناسي ويصير خير بس فكني منك الحين.
مجهول: لا واضح يبي لك قرصة إذن تكلم عدل معاي ولاتنسى وش قادر اسوي فيك.
ابو مشعل بقلة حيله: سم المعذره منك أخطينا.
مجهول بضحكه شريره: ههههههه ايه أدب.
وسكر الجوال وأبو مشعل وده لو تنشق الارض وتبلعه مصيبه مصيبه ووماهو عارف شلون يحلها.
*مشعل قاعد عـ البحر بعد يومه الطويل وهو يدور ع ترف.*
يكلم نفسه بصوت مسموع: اخخ يالله وين ممكن تكون فيه عجزت اللقاها كأنها فص ملح وذاب والله تعبت وينك ياتريف،
وضحك على طاري هالأسم وتذكر يوم يناديها فيه وتنزعج.
*فلاش بااك:*
متربعه قدام التي في والفشار بحضنها ومندمجه بالفلم الأكشن
لين قاطع خلوتها صوته اللي تحبه.
مشعل: ترييفوه.
ترف: بدأ الازعاج.
مشعل: هههههههااااي صادزه ياتريفوه.
ترف: مشييييعل وشهو ذا الدلع نعنبوه.
مشعل: كيفي انا حابه عندك إعتراض لاسمح الله.
ترف: ايه عندي انطقه عدل كيذا قاعد تخربه وهو وشزينه.
مشعل: لالا كذا زين تريفوه تريفوه تريفوه.
ترف: اعاااععع يييمه شوفي ولددك.
أم مشعل من المطبخ: مشعلووهه وش بك على خويتك.
مشعل: ههههه تكلم محامي الدفاع.
ترف بدلع: انننن غيران ادري.
مشعل: بل لاحد يسمعك بس.
ترف بدلع رباني: مقهوررررريين.
مشعل رماها بالوساده اللي بجنبه وبدأ الهواش الروتيني اللي مايكمل الا بالضحك بعدين.
صحى من التذكر وهو يمسح دمعه حايره
من عيونه وبقلبه غصه مريره عليها.
مشعل من قلب: ياااارب تستر عليها وين ماكانت وتردها لنا سلامه يالله.
بكى شوي وقام نفض ملابسه من الرمله وراح يشوف وجهته الاخيره وين.
___________
مشاري رد البيت ونفسيته بخشمه.
فتح الباب ودخل مافيه أحد وصعد غرفته ومر من جنب غرفة ترف اللي كان مفتوح الباب شوي توه بيطلع سمعها وهي تستنجد لإن رجلها عورتها لإنها طاحت عليها يوم كانت تبي تدخل الحمام.
ترف بألم خفيف: اهه رجلي ييمه وينتسس.
كان بيطلع بس ماطاوعه قلبه يخليها كذا ودق الباب وترف تحسبها أم مشاري ماركزت ع الطق.
ترف بوجع: تتتفضل.
مشاري ببرود: تبين مساعده؟
ناظرته ترف ولوت فمها وتقول بنفسها(وججع وش ذا الاسلوب).
ترف: لا شكراً أقدر اقوم بنفسي.
مشاري بقلبه:(مكابره).
مشاري بستهزاء: اوك اجل يلا قومي.
ترف بتحدي: طيب قايمه بس مب قبل ماتتفضل وتتطلع.
مشاري بعناد: والله كيفي عاجبني هنا ومابي أطلع، وتكتف يناظرها.
ترف إنفلتت اعصابها: ياذا السمجج توكل ياخي ماتستحي أنت
داخل غرفتي وتهايط بعد.
مشاري برفعة حاجب: لا ياشيخه من متى غرفتك للمعلوميه تراك ضيفه وتعاملي ع هالاساس اوكيه.
ترف بقهر: طيب والضيف كيذا تعامله ياصاحب المواجيب.
مشاري بسخريه: والله حنا نكرم الضيف ونقدره اذا كان ضيف من وجيه الخير اما اذا كان..
وسكت مع بسمه مستفزه.
ماقدرت تسكت وهي تسمعه يهينها بهالطريقه وكابرت على نفسها وقامت بسرعه بس رجلها عورتها زيييياده وكانت بتطيح بس لحقها مشاري ومسكها من خصرها.
مغمضه عيونها وعاقده حواجبها وهو يناظرها وماسكها من خصرها وهي ماسكته من الخوف من ياقة تيشرته.
يتأملها من قلبه ولا وده يفكها سحرته وبقوووه من جمالها اللي مايوصف حاس نفسه كأنه بعالم ثاني بس هو وهي موجودين فيه وتمنى الوقت يوقف عند هاللحظه قطع تأمله فيها هي يوم تفتح عين وتغمض عين.
أستوعبت هي ودفته وبلمح البصر طاح مشاري فوق الكنبه.
وهو ماسكها وطاحت فوقه وجهها صار مشتعل ومشاري عاجبه الوضع وهي تبي تختفي من قدامه وجهها صار أحمر وتحس الجو صار حار.
كانت تبي تقوم وهي تشتت نظرها وتناظر كل شيء الا مشاري وهو مايناظر غيرها توترت زياده من نظراته وقامت بسرعه بس في شيء شدها.
ترف أول مالتفتت: خخخخخخير فكني.
مشاري: ناظري شعرك وين ناشب.
ناظرت الا وشعرها متشبت بالساعه حقه.
ترف: لاححول فكها طيب وش قاعد تسوي.
مشاري: شعرك ولا شعري؟ إنتِ فكيه.
ترف: أنت مهبول ولا تستهبل فكه بسرعه.
وعشان تقهره قالت: ماتدري إني اتقرف،
وناظرته من فوق لاتحت بنظرات شماته.
مشاري عصب: حححححدك ترا زودتيها على اساس انا اللي ميت عليك.
ترف خافت بس تحلت بالشجاعه: اذا صح كلامك فك شعري منك لإني ماقدر انا شوفة عينك وورته أيدها.
مشاري لعن نفسه كيف مانتبه بس خلا الوضع كأنه ايزي.
مشاري بدون اهتمام: هاتي.
وفكه وقامت ترف بصعوبه تجمع شعرها بأيد وحده ولبست الطرحه اللي كانت يم السرير وهي عاقده حواجبها من اللم رجلها اما ايدها ماعاد صارت توجعها كثير.
مشاري للحين واقف يتأمل كل حركاتها ويحفظهم وعاجبه يوم تعقد حواجبها دلاله ع الالم بس تطلع بهالحركه كيوت.
حس على عمره وطلع ببطئ وبالغصب ماوده يفارقها يحس خلاص تعود عليها وكره هالشي مايبي يتعلق فيها ومابعد يدري عنها شيء لعن نفسه مليييون مره على كل هالمشاعر المتناقضه فيه وطلع مثل مادخل بس بأكثر ضيقه من قبل.
__________
.....: محمد وشفيه ياخي وضعك مو عاجبني.
محمد: لا مافيه شيء سلامتك.
.....: تكذب عليّ يامحمد ماتدري إني حافظك اكثر من نفسك.
محمد بضيقه: والله ياسعد مشاكل عائليه وضايقٍ منها.
سعد: ربك كريم لاتضيق ترا العمر فاني وهالمشاكل تصير في كل بيت ياخوي،وطبطب على ضهره.
محمد: ايه بالله صادق الله يعين بس.
سعد: اسمع تعال معاي اليوم فيه استراحه غير روتينك شوي ورفه عن نفسك ترا الدعوه ماتسوى وانا خوك.
محمد: لا واللي يسلمك مالي خلق أطلع مكان.
سعد: والله إنك تجي هذاني حلفت لاتردني.
محمد: الله يهديك والله ماكان ودي.
سعد: ياخي شدعوه تعال واستانس معانا ترا هالشي يصير شفيك كذا.
محمد: داري بس مالي مزاج وبس.
سعد: بتجي يعني بتجي قفل ع الموضوع.
محمد: خلاص ابشر الساعه كم.
سعد: الساعه 9.
محمد: تم.
سعد: كففو يالله اجل متواصلين.
محمد: إن شاءلله.
*لندن:*
متعب بعد النومه الموجعه فوق الكنب قام وهو يفرك رقبته من الوجع.
شغل جواله وشاف الاتصالات الهائيله واكثرهم من مشاري.
شيك ع الرسائل وشاف رسالة مشاري فتحها وتنهد بعد ماقرئ محتواها.
سكر الجوال وقام الحمام (يكرم القارئ) وطلع يصلي الفروض اللي فاته.
خلص وراح سوا له قهوه ورد مكانه وأرسل لمشاري مسج ومحتواه.
:
يقولك متعب محب قلبي جفاني
حـس في قلبي كما طعن الرمـاح
مـشكله لا عششقت مـتدلع انـاني
كل كلام الليل ينساه الصصباحح
قد سمع فيني لا كل حاسد وشاني
مـن ضـحك لـه صدقه وبالسر باح
مـادرى إنـه مسكنه وسط المحاني
يـنشرح خـاطري لا، شفته إستراح
#رد لـه قـلبي لـو طـيفـه لـفـانـي#
(او شميت العطر من مسكه وفاح)
قول حيا الله باللي جاء في مكاني
قـوم رحــب بـه إذا مـيـح ولااح#
» ماني مصدق ابد إن قلبه نساني
وانا لأجــله ياكم تحملت الجراح «
من بلي في العشق يامشاري يعاني
تكفى لاتلومه لو رفع صوته وصاح:
:
خلص الكتابه مع نزول دمعة قهر ع اللي جراله
ارسلها وقعد يتذكر أححلى ايام عمره.
*فلاش باكك قبل 5 سنوات:*
متعب: بنت بنت ناظري قدامتس يااا...
ماكمل كلامه الى والبنت اللي يناديها طاحت بالوحل<تراب وفيه مااء يعني
صدحت ضحكتها فالمكان وهو صار يضحك من ضحكتها
قرب منها ومد ايده لها وهي بس تضحك.
متعب بضحك: الحمدلله والشكر جنيتي تضحكين يومتس طايحه.
البنت ميته ضحك: ههههههههههههههه والله موقف يضحك يمه يايمه ههههههههههههههه شوف ش هههه شوف شكلي اخخخ.
متعب: مجنونه فذمتي شوفي كشتك شلون صايره كنها احبال ههههههههههه.
البنت بزعل متصنع: لاتقول عن شعري كشه ترا ازعل عليك.
متعب: لالا دخليتس كل شيء ولا زعلك ياشينه والله
البنت: انننننن تأخرت اصلاً زعلت بروح حق بابه اشتكيك.
وركضت وهو يناديها ويمثل إنه خايف.
متعب: يمه رحت وطي ترف ترررررف خلاص اسف ارجعي وبجبلك شوكلاه
سمعت شوكلاه وغيرت مسارها بسرعه وركضت له بكل قوتها
متعب اللي فاتح ايديه ومبتسم لمجنونته وصلت عنده وضمته
وهو دار فيها وهي تضحك بكل طفولة العالم
ترف: ههههه بس بس بطيح نزلني وهات الشوكلاه.
متعب: تمام بس وش قبل الشوكلاه؟؟؟
ترف بتذمر طفولي: ييوه متعب وأنت كل يوم لازم صوره
وش تسوي فيهم يالشايب!
متعب: مالك شغل ويلا قولي شيييز.
ترف بأعلى صوت: بطييييييييييخ.
متعب بضحك: ماتبطلينها يالبزر.
ترف: شقلت انا هاا لاتقولي بزر انا مانيب بزر تفهم يالشايب العايب.
وفرت منه لايضربها وهو يسوي إنه معصب
متعب: هيييين تعالي وين بتروحين مني بس هي هربت داخل
وتخبت عليه دخل يدورها وأهلهم كلهم ورا البيت فالحديقه لمح طرف فستانها البناتي وصار يتقرب شوي شوي
متعب: كمششتك.
ترف: اعععاااععع والله مب عدل ليه كل مره تلقاني.
متعب بحب: لإني ماقدر اعيش بلياتس.
ترف: يعني وشو.
متعب: ولا شيء ويلا نروح عند الأهل.
ترف: تمام هيا فالنذهب ياصديقي.
وطلعو وهم يضحكون وماسكين ايدين بعض.
---------------
*الواقع:*
تنهد من قلبه من ذكرياتها اللي كل شوي تداهم واقعه المر يزعل لانها رفضته ولا يزعل إنها انحاشت وماهو داري وينها فيه
يحس بقهر الكون كله وده يروح يدور عليها بنفسه
بس خايف خايف لايضعف بلحظة اللقاء وبعد خمس سنوات
ماهو داري وش يسوي او بوش يفكر؟؟؟
يفكر ليه رفضته وش شافت منه وهي كانت متعلقه فيه بالصغر
ولا يفكر بدافع قوي يخليها ترفضه او اذا حبت شخص من بعده عصب وضغط على ايده مجرد بس إنه فكر تفكير.
تنده وهو يبكي: ااخ ياترف وش سويتي بولد عمك خليتيني مثل المهابيل اتكلم مع نفسي وأشرد وابكي واضحك بنفس الوقت اللي يشوفني الحين يبصم بالعشر إني ماني متعب يعني لهدرجه ياتروف ماتبيني لاهدرجه تبين فرقاي تهربين بس لإني تقدمت لكك لييه معقوله في احد خذا مكاني اللي وصيتك عليه وأنتِ بعمر الـ12 لاحد ياخذه غيري او معقوله حبيتي غيري ونسيتيني؟؟ بكى من كثر التحليلات اللي تجيه وكثرة الأفكار اللي براسه بكى لين صدع راسه ونام مثل كل ليله فوق الكنبه وجواله شغال ع آخر صوره صورها ترف قبل السفر.
_________
مشاري متسدح بغرفته وقت الضهر وتعبان بس ماجاه النوم.
وبس يطالع بالسقف ويرسم احلام ورديه مع تــــــــــرف.
اما ترف نايمه بعد ماتغدت وخذت دواها ودهنت لها المرهم أم مشاري.
واللي يشوفها يقول ماعليها خلاف هالبنيه.
البندري وضحى وفي ومي وفيصل جو من مدارسهم وبدلو ونامو.
نزل من سيارة لنداكروزر بالقميص البني والشال ونظاراته المعلقه بجيبه
والبسمه على محياه دخل بشويش ويشوف البيت كن محدٍ فيه تسرق لي المطبخ يشوف امه كمان ماهي فيه دخل أول غرفه على ايده اليمين واللي كانت غرفة اللعابهم هو واخوانه
وهو يدعي إنه موجودين فيها فتح الغرفه بس للأسف محد فيها الى من اللي يشوفه فوق السرير ومتغطي باللحاف ضحك بخبث وهو يحسبها وحده من خواته مشى ببطئ لين ماوصل عندها وو.
فهد بصرخه قريبه من أذن ترف: بوووووووووووووووووووو.
ترف تربعت مثل المجانين وشعرها كله قدامها وعيونها مفتوحه
على وسعهم وتتكلم بسرعه بسرعه وماهي مركزه منو قدامها.
ترف: عععععمى عمى إن شاءلله وشهو ذا الأسلوب ياقليل الخاتمه ياللي ماتستحي على دمك يالمليق ياحلايا التمساح يييا
استوعبت وركزت بالشخص اللي قدامها وهو فتح عيونه ارباع وكلهم بنفس اللحظه.
ترف والمجهول: ااااااااااااااء.
المجهول: أنتي مين؟.
ترف: لا أنت اللي مين؟
المجهول: يابنت الناس ذا بيت اهلي مابعد جنيت.
ترف بتفحص: وش تقرب لهم؟
المجهول: انا فهد الراشد وذا بيتنا دورك الحين.
ترف: اهااااااا اجل أنت اخو ابو سياره.
فهد: مافهمت!.
ترف: اقصد انت اخو الشين مشاري.
فهد بضحك: شين وشو بس انتي عميا ماتشوفين.
ترف بغرور: الى اشوف وايه شين ولا فيه ذرة جمال.
فهد: ههههههههههههههه اقول ماقلتي لي انتي مين؟؟
غبت عن البيت فتره اجي والبيت مقلوب
ترف بفلسفه: يجي انا طال عمرك اسمي ترف واخوك جعله اللي ماني بقايله صدمني فسيارته الخرده وشوفة عينك تم فقدان الذاكرة بسبب خوك والضربه الساحقه اللي جاتني منه وهاذي انا ماذكر شيء غير إن اسمي ترف وبسس والله هاذي كل السالفه.
فهد بصدمه: ول وشهو ذا بالعه شريط انتي.
ترف: عمى بعينك قل ماشاءالله ياخي.
فهد: ههههههههههههههه ماشاءالله ماشاءالله خمسه واخميسه عليك.
ترف: انننن.
فهد خقققققق عليهاا وعلى شعرها اللي للحين ماهي مركزه إنها بلا شال.
استوعبت ترف واتححمت وفهد حس على نفسه وصد وهي لبست الشال اللي يادوب يغطي نص اصلاً هي عندها عادي وتحسب نفسها للحين صغيره بس إنها تستحي اذا احد ناظرها كذا بنظرات اعجاب ف عشان كذا تلبسه ماتبي تلفت الأنظار.
فهد وهو صاد: يالله انا طالع.
وبضحك: يارغايه.
ترف غلب لها مواجعها بهالكلمه وتذكرت شيء وبكت بصمت.
ماسمع لها صوت وخاف تكون شالت بخاطرها لإنه يحسس توها صغيره.
التفت لها وشاف عيونها وانفها احمر وتحبس الدمعات غصب.
فهد بلبكه: اااا انا انا انااا اسف ماقصدت والله امزح معك بس.
ترف لارد للحين تبكي.
فهد: ب بنت انا والله ماقصدي.
ترف بشهقات: اااا لل لالا ع عادي مي بمشكله.
فهد: اجل ليه تبكين؟
ترف بكذب: لا بس شعري دخل فعيني وعورني.
فهد اللي صدق: اهااا ع العموم انا طالع وتشرفت بمعرفتك.
ترف: وانا بعد.
طلع فهد وترف ردت تبكي.
_________
إنتهى..
هاتوا توقعاتكم وش بيصير بالبارت الخامس؟
هل محمد اخو ترف بيلاقي مشاري في نفس الاستراحه اللي بيروحها؟
وين آخر وجهة مشعل وآخر مكان بيروحهه وياترا بيلاقي شيء
يوصله لـ ترف؟
وابو مشعل وش قصته وش اللي غير معاملته على ترف
وخلاها تهج من البيت؟
ومين المجهول اللي يكلم ابو ترف ويستغله.
وفهد برائيكم بيحب ترف؟
ومتعب بيرد السعوديه وش بيصير معه؟
وهل بيلاقي ترف وكيف بتكون ردة فعله؟
ومشاري خلاص بدأ يحب ترف؟
وش قصة صالح خوييّ مشاري ومتعب؟
وخبر هروب ترف ياترا بينتشر ويعرف فيه المجهول وش ممكن يسوي؟
وآخيراً ترف مين بتحب متعب ولا مشاري؟
____________
إنتظروني في البارت الخامس وألاكثر حماسس ولا تنسون التعليقات
أتقبل اي انتقادات او مدح، وكانت معاكم محبتكم الجوري وشكراً لدعمكم لي ولفيوهاااات واجد لكل اللي يدعمني🌹.
ــــــــــــــــــــــــ