بين نارين نار ابن عمي ونار محبوبي - الفصل الثالث - مكتملة | روايتك

بين نارين نار ابن عمي ونار محبوبي الفصل التالت *بين نارييّن نَار ولد عمّي ونار محّبوبي💔.* *-نَو؏ــه‍َا سَعودييه‍َ:-* *-الكاتبهہَ:#جَوري،اليافَعي𓃴١6:* *-تَنويه‍ الروايه‍َه من نسّجج الخَيال*. *❴🔢❵الـــبـــ❴3️⃣❵ــــارت*. 〰️〰️〰️〰️〰️〰️〰️〰️〰️‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ *لا تَلهيّكم الرَوآية عَن الصّلاه‍ يالغَوالّي* *اللهمَّ إني بَلغت اللهمَّ فشهَد🤍 :* ـــــــــــــــــــــــــــــــــ *اللهم صلِ وسلم على نبينا محمد🤍.* *"سبحان الله - الحمدللَّه - ﷲ أكبر - أستغفرالله".* ــــــــــــــــــــــــــــــــ *"الساعه9:00م.* جو فيصل ومشاري المستشفى لبست ترف عبايتها ابو كتف وشيلتها ونزلت مع فيصل وعند الرسبيشن كان واقف مشاري بطلته و وقفته اللي تبهر ويكلم السستر اللي غزته غز وخاقه عنده وهو مو معبرها ابد ومعطيها طاف ماتنكر إنها أعُجبت بحركته ذي وحسته إنسان راكد ومايحب ذي السوالف بس تجاهلته. وهمست لفيصل: الحين ذا مب ناوي يستعجل ترا مليت على هالكرسي مب مريحني ابد ودي احط عضامي على كنبه مريحه خله يستعجل تكفى. فيصل بنفس الهمس: أصبري الحين يجي بس يخلص الإجراءات ونمشي. ترف: اوك نستنا وش ورانا اصلاً عادي مايهم اذا تعبت او لا. فيصل: لاحححول بس. وراح عند مشاري وهمس له. فيصل: مشاري يلاا يشيخ استعجل ترا ملينا. مشاري: لا والله احلف وبعدين ترا مو بيدي كله من ذي النشبه مو مخلصتني. فيصل: اسحب عليها وماعليك. مشاري: طيب طيب. : خلص كل شيء وأخذ الادويه من الصيدليه وركبو السياره ومشاري راح يطلع ترف بكرسيها المتحرك وأول ماقرب لفح وجهها رائحة عطره الرهيبه وتوترت مره من قربه لها بهاذا الششكل وحست بقشعريره ومشاري نفس الشي وطلع ترف ورا وفيصل قدام جنب مشاري اللي يسوق. اول مادخلت ترف وهي تكلم نفسها بعجب. ترف:اببك وش ذي السياره انشهد إني ضلمتها. فيصل: قلتي شيء.؟ ترف: ها اا لالا ماقلت شيء . مشاري شغل السياره وانطلق بسرعته. ترف تمسك على قلبها: ويي ذا اخوك يبي يخلص عليّ انا حاسه. فيصل يضحك: لا شدعوه بس هو كذا يحب ينطلق بسرعه وبعدين يخفف على شوي شوي. ترف: ايي اشوى. *وعمّ السياره الصمت الا من صوت راشد الماجد.* *"هلاا باللي سبى قلبي وأخذني حسنه بقوه* *سلب روحي واخذ صبري وانفاسي من يديه* *هلاا باللي سبى قلبي وأخذني حسنه بقوه* *سلب روحي واخذ صبري وانفاسي من يديه"* وقف السياره مشاري والتفتت ترف حولها وتشوف القصر قعدت فتره تطالع فيه مبهوره من جماله وتصميمه الكلاسيكي. فيصل: ترف ياترف هيه بنت. ترف: هاه هاااه وشهو به معاك؟ فيصل: عز الله مو معي صار لي ساعه انادي فيك ولا تردين. ترف: ها لا بس كنت شارده. فيصل: ع العموم يلا ننزل ترا حنا وصلنا. ترف: تيب. نزل مشاري وهو ساكت وفتح الباب اللي من جهتها ونزل الكرسي بشويش. وترف ساكته وبس تطالع فيدها ومحرجه وتحس نفسها عاله بذا الشكل. نزلها وفيصل يناظر فيهم ومبتسم. مشاها فيصل بالكرسي ومشاري صف السياره ونزل اخذ المفاتيح ولحقهم. بصم مشاري ع الباب وإنفتح وترف بس مفهيه من اللي تشوفه والحديقه والورود والنافوره اللي على شكل دولفين ويطلع من فمه الماي يعني كل شيء فاخر من الاخر ومتعوب عليه نفتح الباب ودخلو والصاله مافيها احد. ــــــــــــ نادا مشاري بصوته: ييييمهه. نزلت ام مشاري بالمخور وطلتها البشوشه والخدامه وراها تبخر البيت اللي يلمع لمع ام مشاري وهي نازله وتهلل وترحب. أم مشاري: ياهلااا ياهلاا بالترف ارحبي حيّ الله من زار دارناا ونوره. تطالعها ترف مصدومممه من رقتها وجمالها وأسلوب حكيها وكيف ترحب فيها كأنها تعرفها من اعوام قربت من عندها وصارت مقابل ترف وسلمت عليها وحضنتها وهي مبتسمه سلمت عليها ترف وابتسمت لا إرادياً من حنانها وعطفها. : مشاري بمزح: اشوف يمه سحبتي عليناا ولا كأننا موجودين. فيصل: صادق اخوي. ام مشاري: ههههه شدعوه انتم عيالي أحد ينسى عياله. مشاري وفيصل: لاااا. ام مشاري: وجعع. اذني ههههه. ترف تناظر فيهم وكيف علاقة الأم مع عيالها متينها وحلوه. أم مشاري: اقول امشوا امشوا مو حلوه بحق ضيفتنا موقفينها عند الباب إقلطي حبيبتي البيت بيتك حياك الله. دخلو وأم مشاري مو مفارقتها ساعدتها وقفت وجلست ع الكنب شويات الا ويجون البنات وحده ورا وحده ومتكشخين كأنهم رايحين حفله. ــــــــــــــــــــــــــــــ ضحى كانت لابسه فستان لين تحت الركبه بشويش ومن فوق أسترتش ومن تحت فضفاض ولونه أحمر غامض وفيه ورود بلون أبيض واكسسورات فضي ورافعه شعرها كعكه ومنزله خصلتين على وجهاا ومسويه شدو وروج زهر وجزمات ابيض وطالعها مره كييوته. ــــــــــــــــــــــــــــــ البندري كانت لابس لبس فضافض عشانها تستحي تلبس شيء ع الجسم لانها متينه شوي وماتحب تبين هالشي وتخفي عيوبها باللبس الفضاض اللي هو تيشرت بلوفر واسع لين فوق الركبه بشوي وبدي قصير اسود ورافعه شعرها كله بمشبك ومنزله غرتها الحرير ع وجهها ومسويه ميكب جداً خفيف مع روج لحمي وجزمات بوت وطالعه مره تههبل. : التوأم كانو مثل باربي حرفياً لابسين كل شيء مثل بعض لدرجة ماتعرف ذي من ذي كانو لابسين استرتشات أبيض ع الجسم ولتحت الركبه بشويش ولابسين فوقهم جاكتات ازرق جلد وجزمات بوت ابيض وشعرهم مسوينه كيرلي وميكب بناتي مره خفيف وحلو كانو مره يهبلون نزلوا لين وصلو الصاله. : وكلهم بصوت واحد رقيق ومدلع: السلام عليكم !. الكل بأصوات متفاوته: وعليكم السلام . ضحى تقدمت لين عند ترف وسلمت عليها بالأحضان. ضحى: انا اسمي ضحى الحمدلله ع السلامه ومنوره فبيتنا ياححلوه. ترف استحت: وانا ترف منوره فيك وتسلمين ياالغلاا. البندري بدفاشه: امببييه جالسين يتغزلوا ببعض بعدي خل أسلم عليها سلمت وقالت: طبعاً انا البندري ضوء البيت وحلاوته وماتكتمل الفرحه الا فيني وماتحلو القعده الا معاي وماينامون مندوني. مشاري اللي يناظر بصمت: ابك يالغرور خفي علينا. كلهم: ههههههههههههههه. البندري بغيض: مشااااري حرام عليك تفشلني كيذا قدام توتو. ترف: هههه ولا فشله ولا شيء وه وش حلاتس. البندري: يالبيه بس تسلمي لي ياربي اموتناا على القصصف ها مشاري كيف جبهتك بالله ماطارت هههههههههههههههههههههههههه؟. مشاري بنظرات تحدي لترف: هع على وش إن شاءلله تنقصف جبهتي يالمليقه. وتقدموا التوأم سلموا عليها وقالوا اساميهم وأقعدو حد بعض ومشاري والبندري يتهاشون.. أم مشاري: اقول بس عاد تتهاوشون الحين قدام البنيه وهي توها تعبانه واردفت: اقول يمه ترف وش رائيك اوديك غرفتك اللي جهزتها لك ترتاحين شوي ترا عيالي واعرفهم اذا تكلموا مايسكتون ويوجعون الرأس. العيال كلهم: افاااا يمه. ترف وأم مشاري: هههههههههههههه. مشاري: الا صدق والله وانا بعد تعبان برقى غرفتي ارتاح شوي. أم مشاري بخوف: يمه ولدي وش فيك وش يوجعك اسوي لك شيء. مشاري: لا يمه بس شوية صداع انام ويخف إن شاءلله يلا سلام. طلع والبنات تأفافو. في: يمه امانه خلي ترف شوي عندنا ترا والله م امدانا نتكلم صح بنات.؟ مي ضحى البندري: صحح تكفين يمه خليها. فيصل اللي تكلم اخيرا: ول عليكم خلو البنت ترتاح اليوم ماهيب طايره وترا ادري فيكم كل يوم بطبون غرفتها. ضحى: بسم الله منك انت من متى هني. فيصل: من اول بس انتم مب معبريني. البندري: ماعليش نعتذر ي أخونا الصغير. في: إن شاءلله المره الجايه ماننتبه. مي: ايه إن شاءلله. فيصل: اخس عليكم تطقتطقون عليّ يالورعات. ترف بعفويه وهي حابه الجو: ههه فصولي ماعليك منهم انا بعبرك دايم. فيصل: ياوووويلي عز الله احسن من خواتي يالترف كفو عليك. ترف وهي ترفع رأسها تمثل الغرور: ابد كفوك الطيب طال عمرك. أم مشاري: ههههه الله يحفظك يابنتي شكلك توسعين الصدر. مي: اي والله يحيييه بسس طلعت نفس جوناا. ترف: ههه تسلمون والله، الى جوي فله ووناسه مير مثل منتم شايفين وسكتت... أم مشاري: ياعمري إن شاءلله بتتعافين غريب وتردين احسن من اول. ترف: إن شاءلله. أم مشاري ابتسمت: يارب، يلا الحين ادلك وين غرفتك وانا خليتها تحت عشان ماتتعبين بهالدرج. ترف: مشكوره خالتي ماقصرتي. أم مشاري: افاا شدعوه هاذا واجب وبعدين مابيك تقولين لي خالتي يشهد الله إني اشوفك مثل بناتي ومن قبل لا اعرفك ف ناديني يمه اوكي. ترف بدموع: إن شاءلله . دخلتها أم مشاري غرفتها وقعدتها فوق السرير. أم مشاري: ها يبنيتي تبين شيء بعد آمري باللي تبيه ولا تستحين مني ترا أزعل عليك. ترف: لا يمه ماقصرتي تعبتس وياي ميحتاج لو ابي شيء بطلب منتس تقدرين ترتاحين هالحزه. أم مشاري: اي عفيه عليك كذا البنات السنع الله يعوض عليّ بس. ترف: ههههه بالعكس والله بنات واحليلهم حُبيبات يالباهم. أم مشاري: هههه اي مغير يفصلون فصلات قل اعوذ برب الفلق. وضحكن كلهم: ههههههههههههه. أم مشاري: الى ماقلتي لي تروف ماتذكرين ابد انتِ من وين ولا أصلك. توترت ترف وبدت تعرق ومي بعارفه وش تقول: هاا اااا لا ماذكر شيء غير اسمي وبكت دموع التماسيح. أم مشاري: افاا افااا وليه الدموع يبنيتي والله ماقصدي شيء بس قلت أتاكد لإن كلامك غير شويتين يعني احسك مب من هناا ولا من الشرقيه ابد. ترف: وانا كمان كيذا بس مانيب داريه من وين. أم مشاري: يلاا خيرة الله إن شاءلله تعود لك ذاكرتك احسن من قبلل. ترف بصوت واطي: امين . أم مشاري: اجل انا طالعه لو تبين شيء هاذا هو الجرس عندك بس أضغطي عليه وبجيك انا ولا الشغاله اوك. ترف: اوك. ببدى اتكلم بالفصحى<هع. ذهبت أم مشاري وعادت بطلتنا لزوبعة تفكيرها والغوص في أعماق مخيلتها والتذكر وأهلها وماذا يفعلون الآن وهل أفتقدوها وووو الخخ هيا لاتنكر إنها تسرعت في الهرب من البيت وهيا تلعن غبائيها وسرعة اتخاذ القرارت المتسرعه ولاكن ماذا بيدها الان لتفعل لايفيد الندم الان كادت تسقط دمعه متسربه من عينيها الجميلتان ولاكن مسحتها بعنف وكل مامسحت دمعه تلحقها واحدهٍ تلو الاخرى حتى استسلمت لسيل دموعها الحاره ونامت وهيا تشاهق وعينيها حمراوتان وانفها الصغير أحمر كما لو إن الدم أحتقن به. *بيت آل سعود.* : كانو جميعهم مجتمعين في صالة البيت وكان الحزن واليأس فوقهم مثل لو انها غيمةٍ سوداء فوق رؤوسهم كان الصمت هوا سيد الموقف ثلاث ايام وهم يبحثون عنها تلك شمعة البيت ولاكن دون جدوى لم يتركو مكان الا وبحثو به أم مشعل ملقاه على احدى الكنب والتعب والارهاق يتدفق من وجهها المجعد وأبو ترف اللذي شاب رأسه خلال هاذي الثلاث ايام ويجلس على احدى الكنب قريب من زوجته ورأسه بين يديه ويضغط عليه بشده من الصداع الذي لم يفارقه منذ هروب أبنته المشاغبه مشعل وما إدراك م مشعل يكادُ يُجن على اخته وأقرب الناس الى قلبه يقسم ان قلبها يكادُ يتفطر من الحزن عليها وأين ممكن إن تكون ياتُرى هل هيا عائشهٍ ام ام... لايستطيع حتى نطقهاا سوفَ يموت قهراً إن لم يجدهاا ويلااه م اللعنه اللتي أصابتهم ماهاذي المصيبه الكبرى ومن اين اتت.. تحدث أخيراً ابو مشعل<ابو ترف. ابو مشعل: وش السواة الحين ماخلينا مكان مادورناا به انا بنجن وين ممكن تكون هي حيه ولا ولاا. وسكت ماقدر يكمل كلامه. محمد: يبه هدي اعصابك إن شاءلله نلقاها انا كلمت واحد خوييّ يشتغل في المخابرات ونعيّن خير إن شاءلله. عبدالله: واناا بعد قدمت عدة بلاغات بأكثر من مركز شرطه وتأكدت انو يكون سري عشان كلام الناس والله يعين. هنا أنفجر مشعل بعد سكوته من ذاك اليوم اللي يخوف. مشعل وعيونه حمر: بسس فهموني وش الشيء اللي خلاها تعصب وتهد البيت ليه محد راضي يقلي اناا مو منكم ولا وشو ترا تعبت والله تعبت طول هالثلاث الليالي وانا قاعد اضرب اخماس واسداس وافكر لييه لييه ماجت لي مثل كل مره تشكيني لييه هجت ولا عد عرفناا لها طريق يبه يمه تكفون ريحو عقلي وأشرحو لي وش الي صار لإن ذاك الي قلتوه مب سبب كافي يخليها تسوي اللي سوته انا اعرفها اعرف اختي زين هي ماتهورت الى لانها مقهورها تكفون ترا أبليس قاعد يلعب بمخي ويخليني افكر بأشياء ماودي افكر فيها ابدد الله يخليكم قولو لي ليييه.. *انهد حيله وقعد ع الكنبه بدون لاحولا منه ولا قوه.* ام مشعل انقهرت على ولدها وقررت تقول له السالفه وتريحه من التفكير. أم مشعل بنبرة ضعيفه: ييمه مشعل. رفع راسه لأمه اللي حالها مايسر العدو وهو ساكت. أكملت أم مشعل: يمه ابوك فذاك اليوم فصلها من الثانويه عشانّه خايفاً عليها حيل وهي صارخت وعصبت ليه يفصلها وهي ماجت له تشتكيه ومرتاحهٍ ومحدٍ يأذيها قام ابوك الله يهداه عصب وطقها طق وابنيتي خذت في خاطرها حيل ومن كلام أبليسس وساويسه وهجت من البيت ولادريناا. بكت أم مشعل بحرقه ومشعل عيونه شوي وتطلع ولو هي تحرق كان أحرقت ابوه مقهورر حده معقول وصلت بأبوه يضربها؟؟ هو يعرف انه يحبها ويغليها ويمكن اكثر منه ومن اخوانه بسس ليييه لييه يسوي كيذا ماقتنع أبد بهالسالفه وحس إن الموضوع فيه إنه بس ماحب يفتحه اللحين أمه ماهيب ناقصه كل هالكلام كان يدور برأس مشعل وهو بيوصل حده ف قرر ينسحب لإنه مايضمن نفسه انه يتهاوش مع ابوه صعد قرفته وهو ملتزم بالصمت لين وصل فتحها ودش وعلى طول راح التواليت "الله يعز القارئ". دخل تحت الديش وفتحه ونصب عليه الماي البارد وهو بس ساكت ودموعه تنزل و وجهه أحمر وعروق عنقه وجبينه بارزه وتخوف ضغط على يده وصرخ. مشعل بقهر: ليييييييييه ياتتترف؟؟ وأردف بصوت يملاه الحزن: لييييييييييه كيذا اخخخخ ياترف ليييه لييه ماجيتي لي مثل كل مره ليه كسرتي ضهري ليييه كيذا ليييه تسرعتي لهدرجه ماتوثقين بعضيدش اخخخ ياترف والله إن جوفي ملتهب وينتس فيه وين! كنت جاي فرحان وأبي اقول لك إني.. إني لقيت شريكة حياتي بس بس تأخرت وبكاء مشعل لين حس روحه بتطلع وطلع بعد ماتسبح وغير ثيابه ونااام. *عند مشاري.* منسدح ع السرير ونظره ضايع بنقطه معينه بالسقف شارد الذهن والبال بسس يفكر وكل تفكيره بالترف اللي جت لهم ويكلم نفسه بهمس وهو شارد مشاري: والله إني حاس ان وراك سالفه ياذي الترف بس هع والله ان اجيب اعلومك ترا لسا ماخلق اللي يضحك عليّ. : *عند ترف.* صحت من النوم وصارت تتقلب يسار ويمين راسها مصدع وظهرها يوجعها وتحس كل جسمها يعورها مب بسس الظهر. ترف بألم: اخخخ يمه وينتس اااهه بسس كله من تحت راسي استاهل اي والله استاهل اللي يجيني. بكت ونادت بس محد يسمعها لين التفتت ع يمينها وذكرت الجرس مدت ايدها بصعوبه وضغطت عليه شويات وتجي الخدامه و وراها أم مشاري اللي نهبلت يوم شافت وجه ترف شلون احمر وتبكي بحرقه. أم مشاري: ييمه يابنيتي بسم الله عليك وش جاك عسى ماشرر. ترف وهي تأن: اممم راسي احس بينفجر تكفين ي يمه ساعديني. ام مشاري بخوف: سمي. ونادت ميري: الخدامه<< ماما روحي في تحت بالصاله بالدرج حق المكتبه فوق بتلاقين فيفادول هاتيه بسرعه وجيبي ماي يلاا. ميري: اوكي ماما انا في يجي سريع. أم مشاري: هب عليك يلا روحي لايكثر. راحت ميري وأم مشاري فتحت الستاير ودخلت الشمس وضوت الغرفه وراحت يم ترف وهي تمسح وتسمي على راسها وهي حيل راحمتها. ترف تأن وتهلوس بأهلها وأم مشاري مي عارفه وش تهذرم فيه بس تقرى بصوتها واللي يبعث الطمأنينه وترف بدأت تسترخي اعصابها. ميري: ماما تفطل هادا دوى حق مدام تلف. أم مشاري: هاتي هاتي الله يخلف عليّ اسمها ترف ياميري ترف مب تلف. ميري: ماما انا مافي اعرف انطق اسم هادا غريب. أم مشاري بقلة صبر: خلاص تمام خلصينا الحين هاتي الماي. عطتها الماي وشربت ترف وانسدحت على رجول أم مشاري وهي ماعترضت بالعكس صارت تمسح على راسها وهي مبتسمه عليها واللي يشوفها بحضن أم مشاري وشلون متكوره يقول عمرها 13 او 14 مره بزر. نامت واسترخت ملامح وجهها وانفكت عقدة حواجبها علامة انو خف الوجع ونامت براحه شديدة فقدتها من ايام. أم مشاري تأكدت انو نامت وصارت تتسحب شوي شوي تبي تروح تجهز الفطور وتصحي البنات ع دواماتهم لإن الساعه صايره *7:45 صباحاً.* لحفتها وعدلت نومتها وقربت منها وباست راسها وطلعت بدون صوت. طلعت الدرج وهي تتأفف من الكسالا اللي معاها طلعت وأول غرفه قدامها حق ضحى دخلت ولفح جسمها الهوى البارد اللي قشعر منه جسدها. أم مشاري: يامال الكحه إن شاءلله وشش ذا حشى ماتحس بالبرد ذي مب صاحيه هب عليك ياوضحوه يلا اصحي وراكِ دوام يلاا. سحبت عليها اللحاف اللي بس كان يغطي نص من رجوالها والسرير معفوس شوي. ضحى بنعاس: اممم يمه تكفين خليني. أم مشاري: وصمخ إنشاءلله قومي اقول لايكثر زهقتوني ترا. ضحى بنعس اكثر: يمه بس شوي بعدني ماشبعت. أم مشاري: اللهم طولك ياروح وبعدين مع هالحاله هااه لي متى وانا اقول لاتسهرون عشان تصحون بدري ابد كني اكلم جدار لاكن هيين انا اوريكم. وراحت تسكب لها مويه من الثلاجه الصغيره اللي بالمطبخ التحضيري. ضحى بعدت اللحاف شوي تبي تشوف امها وش تسوي شافتها وهي جايه بالماي ونطت فوق السرير وهي مفتحه عيونها على وسعهم. ضحى: هاا يمه هذاني صحيت والله صحيت خلاص بروح اتسبح تتروش يعني وأنزل سريع<<. أم مشاري: مايبي لكم الا العين الحمراء ههههه. ضحى: وه ياويلي ويلاه على هالضحكه يالبى صباحي والله بضحكتك يالغاليه هاتي أبوسك امممممحححححح. أم مشاري تمسح خدها بضحك: بعدي عني يالمجنونه ويلاا بدلي بسرعه وانزلي. ضحى وهي تضرب تحيه عسكريه: حااااظر عُلم سيدي. أم مشاري وهي طالعه وتضحك: ههههه مهبوله. وهاذا جانب من شخصية أم مشاري صارمه بس حنونه حيل. دخلت غرفة البندري وياليتها مادخلت. أم مشاري وهي مبققه عيونها كانت الغرفه ابد ماتوحي انها غرفة بنت اكياس الشبس فكل مكان وزجاجات العصير بالأرض وقطعة بيتزا صغيره فوق الكومدينا والتسريحه معفوسه والمكيف شغال لآخر درجه والغرفه مثل الثلج وضلام والبندري رجل بالأرض ورجل متلحفه ونايمه بكل اريحيه وشعرها يغطي المخده ومو مبين منها شيء. أم مشاري بصدمه: وجججججع وشو ذا داخل اعصار بدارك يالبندري والا أنتِ عصدتيه؟؟؟؟. البندري: Zzzzzzzzzzz أم مشاري وصلت حدها من أهمال البندري لا وبعد نايمه صبت المويه وراحت وهي تبتسم بشماته وكبته ع البندري مره وحده. قامت وهي تناقز ع السرير ومغمضه عيونها وشعرها معفوس ولابسه بيجامة ميكي ماوس. البندري: يممممممه حرامممممييي حراممميي ساعدووونييي اعااااع أهئ مابي اموت مابي تكفى خلني وخذ كل شيء بس خلني توني بزهرة طفولتي ومابعد اعرست تكفى. أم مشاري: هههههههههههههههههههههههههههه اخخخ شكلك يموتت ضحك هههههههههههه. البندري: هييي يمه هاذا أنتِ الله يهداك أحد يصحي كذذا خرعتيني. أم مشاري وهي تمسك ضحكتها وتحاول تبين انها معصبه أم مشاري: لا تعالي طقيني احسن. البندري: محشومه يمه. أم مشاري: الحين فذمتك ذي غرفة وحده صاحيه هااهه؟ البندري بهبال: لا يمه ذي غرفة وحده نايمه. أم مشاري: وتستهبلين بعد عندك خمس دقائيق بس اشوف الغرفه تلمع ومتبدله ونازله تحت. البندري: واااي يمه قليل والله مايمديني اتروش بالخمس الدقائق هاذي. أم مشاري وهي طالعه: كلامي ماينعاد وياويلك اجي وماخلصتي. قامت البندري بتأفف وبدت شغل الغرفه. وقعدت ام مشاري تدخل غرف الباقين وتصحيهم وبعدين نزلت وبدأت تجهز الفطور وميري تحط ع السفره خلصت كل شيء وراحت تشوف ترف. دق دق. ترف: تفضلي يمه. أم مشاري: ههه وشلون عرفتيني؟. وهي تحاول تقوم من السرير ترف: هههه حسيت. أم مشاري: تعالي أساعدك . ترف: تسلمين يالغاليه. أم مشاري: ولو ادخل معاك الحمام اذا ماتقدرين. ترف بحيا: لا شدعوه اقدر الحين مب مثل اول. أم مشاري: اجل حلو ابنادي ميري تجب لك اللبس اللي وصيت عليه فلليل لين ماتدخلين التواليت ويصير عندك. ترف وفيها البكيه: يمه انا تعبتك حيل معي تكفين سامحيني. أم مشاري بحنيه: افااا افااا بسس تعالي يأم دميعه وش اللي تعبتيني الله يهداك وبعدين تعبك راحه وحنا ماغير نقوم بالواجب لاتجلسين كل شوي مشكوره ومشكوره ترا أزعل عليك هاا. ترف بعفويه: شكراً . أم مشاري: ههههههههه ماش فايده. ترف بضحكه: ههههه آخر مره. دخلت الحمام (يكرم القارئ) وام مشاري طلعت جت ميري وخلت الملابس فوق السرير وراحت. إنتظروني في البارت الجاي ياقمرات ولاتبخلون عليّ بالتعليقات الزينه عشان استمر🫶🏽. .ا ــــــــــــــــــــــــــــــ