الفصل الاول
بين نارين نار ابن عمي ونار محبوبي
الفصل الاول
*-بين نارييّن نَار ولد عمّي ونار محّبوبي💔.*
*-نَو؏ــهَا سَعودييهَ:-*
*-الكاتبهہَ:#جَوري،اليافَعي𓃴١6:*
*-تَنويه الروايهَه من نسّجج الخَيال*.
*❴🔢❵الـــبـــ❴1️⃣❵ــــارت*.
〰️〰️〰️〰️〰️〰️〰️〰️
*لا تَلهيّكم الرَوآية عَن الصّلاه يالغَوالّي*
*اللهمَّ إني بَلغت اللهمَّ فشهَد🤍 :*
ـــــــــــــــــــــــــــــــــ
*اللهم صلِ وسلم على نبينا محمد🤍.*
*"سبحان الله - الحمدللَّه - ﷲ أكبر - أستغفرالله".*
ــــــــــــــــــــــــــــــــــ
كانت تركض بكل قوتها وتمسح دموعها بكمها مثل البزارين ناظرت وراها شافت محد يتبعها كملت مشيها عادي وعيونها منتفخه من كثر البكي صارت لحالها ف الشارع ولاحدٍ حولها بس ماهمها مهم تهج من البيت اللي اشبه بالسجن صارت تذكر وش صار معاها قبل ساعات....
*فلااش باااااك*.
كانت تبكي ومسكره الغرفه ع نفسها هاذي مليون مره
ابوها يصارخ عليها ويضربها عشان شيء تافه وصارت تكلم نفسها.
*ترف بغصه:* والله مليت تعبت من ذا الحال ياربي خلاص
ودي اموت وارتاح كافي اللي قاعد يصير ليه والله انا م استاهل ليه يعاملنيي كيذا ليه يحسسني كأني ماني بنته ليه مايحبني وليه تغير عليّ فجأه بعد ماكنت الدلوعه بنته لييه؟؟ مكتوب لي الشقى لييه يارب خذني وريحني والله تعبت من معاملة ابوي لي من فتره ماهي بعيني قليله والله إني حسيت بالانطفاء وانا بأول عمري.
ونهارت تبكي بعدين ناظرت لشباك وخطرت في بالها فكره
من زمان ودها تسويها قامت وعلى ثغرها إبتسامة خبث طفوليه .
سكرت الباب بالمفتاح وراحت بدلت خذت العبايه والشال وبعض ملابسها وخذت مصروفها اللي كانت تخبيه اذا احتاجت له وصارت تاخذ الشراشف وتربطهم ب بعض وترمي طرفه لبرى لشباك والطرف الثاني
ربطته ع السرير<متأثره حيل بالافلام هع.
سمت بالله خذت فونها وصارت تنزل عليها بشويش
لين ماحطت رجوالها ع الارض وركضضت صارت تركض بكل قوتها ومبتسمه كأنها قاعده تلعب ماهي داريه بالعواقب شافها الكلب حارس البيت وصار يركض وراها وهي تصارخ وتركض.
ترف بذعر:يممممممه ياويلي رحح مناك الله ياخذك ناقصني أنت
حتى تنشب لي وركضت لين ضيعته .
*الواقع*
ــــــــــــــــــــــــــ
صحت من ذاكرتها مع نزول دمعه ع وجنها الوردي مسحتها
بأبتسامة أللم ودعت ربها .
ترف ببكاء: يااااااارب أكتب لي اللي فيه الخير ودلني ع الطريق الصالح ياربي انا ماكان ودي ذا الشيء يصير بس هم أجبروني يارب أنت عالم بحالي يارب استر عليّ وأبعد عني عيال الحرام وفقني يارب .
صارت تبكي وتشهق وماهي داريه وين تروح والبرد صار اكثر بروده قررت
تمشي عشان تخفف من البرد اللي قاعده تحس فيه وماكانت مركزه ابد انها
تمشي بوسط الشارع ولا منتبه لزمور السيارات وكأنها مب من ذا العالم تمشي وتمشي لين ماجت سياره وكانت مسرعه ووو....
صوت الاسعاف والشرطه والمكان الخالي ذاك صار يعم بالضجه والازعاج
وبطلتنا مرميه وشعرها صار كله دم ومو مبين من وجهها شيء وصاحب السياره اللي صدمها صار يبعد شعرها عن وجهها وهو مرعوب ويرجف ويصارخ
ع الاسعاف يجون لان لسا في نبض اسعفوها وراحوا
وهو كمان ركب سيارته المرسيدس وهو بقمة خوفه وقلقه .
مشاري بتوتر وذكريات قديمه صحت فيه: افف ناقصني انا شسواة الحين.
ضرب بأيده ع الديركسون بغضب ومشي ورا سيارة الاسعاف وصل للمستشفى وشافهم دخلوها غرفة العمليات ركض عند الدكتور وصار يسأله .
*مشاري: دكتور طمني وش صار عليها شلون حالتها*
*عسى مافي كسور بليغه!.*
الدكتور: لاتخاف إن شاءلله مافي شيء امكن رضوض بسيطه وكسرين
واحد بالكتف واحد بالساق كلها فتره وتصير احسن إن شاءلله
بس ممكن تقلي شلون صار الحادث ؟.
مشاري: والله انا كنت ماشي فمان الله مادريت الا وهي بوجهي
الواضح كانت شارده وهي قاعده تمشي فهالشارع لا ونص الليل بعد .
الدكتور: المهم حصل خير والغلط منها ولا كان خذوك الشرطه
ع العموم انا بشرف ع حالتها وإن شاءلله مافيها الا العافيه.
*مشاري: إن شاءلله.*
قعد ع الكراسي اللي في الممر وناظر ساعته
اللي تشير ع الساعه *12:00م.*
تنهد وسند راسه ع الجدار وهو يتمتم.
مشاري: يارب مايصير لها شيء مانيب ناقص والله
وغمض عيونه وغفى بدون مايحس.
*بيت آل سعود اهل ترف*.
*الأم حصه ببكاء: اااااه ياوووويلي عععلى* *بنيتي*
*وييين راحتتت يارب ردهاا لي سالممه ييييارب أحححفظها*
*ورد لها عقلهاا ذي المهبوووله وصارت تبكي بقوه ونحيب*.
الأب خالد أبو مشعل: هيييين بنت ال** والله ان اربيها من جديد
هاللي ماتستحي على وجهها اخخخ بس لو ادري وينها فيه هالداشره والله ان يصبح عليها الصبح وهي بالقبر والله لاتوطى ببطنهاا وطت راسي
بين العربان وشلون عاد ابقوى اطلع واناظر العربان حسبي الله فيها .
أم مشعل ببحه: بسسس بسسسس حرام عليك ماتخاف الله أنت
كله منك ايه كله من وراك ماخليتها فحالها كلى تصارخ وتضرب
وتعاقب وتحرمها من كل شيء تبيه حسبي الله ضيعت بنتي وش
من أب أنت فوق مانت غلطان تبي تذبحها وتحرمني شوفتها ياظالم.
صارت تهزه وتبكي و ابو مشعل واقف ومصدوم
اول مره ترفع صوتها عليه لا وبعد تلومه مسك طرف اناملها وعيونه فيه أسف كانه تو يشوف غلطه.
أبو مشعل: اناا اسف ادري إني زودتها عليها بس والله من خوفي عليها
تدرين وش كثر احبها هي بالاخير بنتي بس انا أب وكنت خايف على بنتي
من الضياع مادريت إني قدتها بنفسي له.
نزلت دمعه من عينه وكمل بغصه: والله إني مخطي واعترف بخطاي لاكني توي اشوف تو انتبه بعد ماراحت عني تكفين ياحصه لاتزودينها عليّ بعتابك
والله إني ميتٍ خوف عليها بس حكم ربك ياحصه ماعندنا غير ندعي لها ونخبر الشرطه إن شاءلله يلقونها اكيد مابعدت عنا كثير .
أم مشعل: اااخخخ ياخالد بموت قهر عليها وينها الحين وش قاعده تسوي هي بخير ولا مب بخير قلبي وده يطلع من بين الضلوع تكفى انشد عنها فكل مكان تكفى
رجع لي بنيتي تكفى ياخالد تكف...
وماكملت كلامها الا وهي طايحه مغمى عليها .
أبو مشعل ببكاء: حصصصه حصصصه قومي شفيتس ياحصه تكفين أصحي والله بدورها والاقيهاا بس خلش وياي تكفين ياحصه لاتعبوني تكفون.
ضمهاا لصدره وصار يبكي من وين جات لهم هالمصيبه هاذي يارب عفوك .
ــــــــــــــــــــــــــــــــــــــــــ
*المتسشفى تحديداً غرفة ترف .*
ــــــــــــــــــــــــــــــــــــــــــ
الاطباء مبتلشين فيها واللي يجيب واللي يودي وطلع لازمها دم
لانها خسرت كثير طلع الدكتور وشاف مشاري مسند راسه ع الجدار هزه بشويش وفز مشاري.
*مشاري بلهفه: هاه دكتور وش صار ؟!.*
الدكتور: الحمدلله بس المريضه خسرت دم مره ومحتاحين دم الحين
ولا احتمال يصير معاها مضاعفات.
مشاري: طيب وش زمرة دمها إن شاءلله اقدر اوفرها بأسرع وقت.
الدكتور: زمرة دمها ***.
مشاري: نفس زمرة دمي.
الدكتور: ممتاز اجل تعال معانا ناخذ الفحوصات اللازمه.
مشاري: تم يلا.
تبرع مشاري بالدم لَـ ترف واستقرت حالتها
بس للحين ماصحيت مشاري رجع نفس وضعيته اللي من اشوي.
مروا من جنبه السستر <الممرضات.
وقاعد يسمع كلامهم وهو وده ينفجر فيهم من قلة ذوقهم.
1 سستر بهييام: يمممه ياربيي يهبببل ناظظري جسمه جنننننان.
سستر 2بظرات: يخخخقق اخخ ياحظ اللي بتتزوجه والله ان امها داعيه لها.
سستر3: وربي صاروخخ منجد، بس اقول بنات مو كأنو مصخناها شويتين يلا كل وحده ع شغلها.
سستر1: يووه منك يالمتناقضه اقول انا بروح اشوف شغلي ابرك احسن م الحين تفتحين لنا محاظرات.
سستر3: قطيعه درب السلامه بس وأنتِ؟ الثانيه وش تبين بعد !.
سستر2: لالالا سلامتك ولا ابي شيء وراحت تشوف شغلها .
مشاري بقهر: وعع بلف شكلك منك لها عز الله ماعاد فيه حيااء.
كان يبي يرجع ع نفس وضعيته بس حس بدوخه وقرر ينزل الكافتيريا يشرب عصير ولا شيء ييبعد الدوخه لإنه تبرع بدم كثير.
نزل وطلب كوكتيل شرب شوي الا ويجيه أتصال.
أبتسم وهو يرد: هلاا هلا بأم مشاري يالله إنك تحييّها.
أم مشاري نوره: هلا بك يولّيدي ابببك يالهايت كل ذا الوقت ولا تتصل عليّ وطمني عليك!. وانا قاعده انتظرك من بعد العشاء ولا جيت خبرني وينك فيه هااا
ليه ماتسأل ماتقول عندي امي قلبها عليّ ابد مير اخذو عقلك اخوياك وانا لي الله ليه ماا..
وقاطعها مشاري وهو يضحك..
مشاري بضحكه: يمه يالغاليه هدي شفيك ترا ماني بزر الله يهداش
تراني ادل البيت لاتخافين يالغاليه وايه تراني بنام اليوم عند اخوياي تدرين عاد واحد منهم بيسافر و ودنا نودعه لاتشغلين بالك يمه وروحي نامي .
أم مشاري: ايه اضحك عليّ بكلامك والله إني اليوم قلبي ماهوب مستريح وانا امك قاعده احاتيك كل الوقت ترا قلببي دليلي ياضناي .
مشاري بقلبه: ااهه يمه جعلني لاخلا منك شلون تحسين فيني وإني في بلشه.
مشاري: يمه ياحبيبتي ترا والله إني بخير وماعليّ وتعوذي من ابليس وروحي نامي والصباح جايك إن شاءلله.
أم مشاري: اجل خلاص ريحتني الله يرضا عليك ياعين امك فمان الله.
مشاري: فمان الكريم يالغاليه.
سكر من امه والبسمه على محياه.
مشاري: والله ماغيرك يحس فيني ويداريني وابتسم خلص العصير وطلع جنب غرفة ترف.
قعد نفس وضعيته وخذاه السبات بسبب الارهاق.
*بيت آل سعود .*
نايمه ع السرير واضح ع ملامحها التعب والارهاق صار لها 10ساعات مختفيه ماتدري وينها فيه الحين مسك اناملها ابو ترف وضعه ماهو احسن منها.
ابو مشعل: حصه شلونك الحين؟.
أم مشعل بتعب: وشلون بيكون وضعي ومانيب عارفه بنتي وينها ياخالد.
أبو مشعل: استهدي بالله ياحصه ماني خابرك ضعيفه هالقد بعون الله بنلقاها وترد لنا سلامه أنتِ ادعي لها ياحصه ادعي لها.
أم مشعل بغصه: اااه يابنيتي الله يحميتس ويخليتس لعين أمتس ياملّي
الله يسهل دروبتس وين مارحتي وجيتي ياروح امك
وبكت وابو مشعل ماقدر الا انه يبكي.
*بيت آل راشد ابو مشاري .*
البندري بضجر: ااااااف ياربي مملل والله وحتى مشاري اليوم ماهو هنا يطلعنا مشوار .
ضحى ومعاها الكتاب: اقول ورا ماتسكتين ترا طقت كبدي وانا اسمعك
من يوم فتحت عيني لين الحين وانتي تنافخين وكلى ملل وطفش قومي سوي لك شغله واشغلي نفسك فيها صرعتينا عاد .
البندري: تلايطي بسس يالدافوره خلك ع كتابك الحين
بتفتحين لي محاضراتك السامجه واللي حفظتها اكثر ماني حافظه اسمي .
ضحى وشوي بتنفجر: البنددددررررري ترا والله إن سمعتك تطقتقين عليّ
مره ثانيه ان اكلم فهد يدق راسش ف الجدار ذا فهمتي يالمخفه.
وراحت زفرت البندري: ياخي والله طفش ياناس احسن شيء أتصل فف البنات ونسولف احسن.
*الساعه4:30ص.*
صحى ع صوت الاذان قام يصلي في المسجد اللي قريب من المستشفى.
رجع وقرب من باب غرفة ترف وشاف وجهاا اللي مغطيه جهاز الاكسجين..
جاه فضول يشوفها عن قرب فتح الباب ودخل
وياليته مادخل تصنبر مكانه..
مشاري وهو مفهي: يمهه يالله إنك تستر عليّ الحين انا صدمت الملاك ذي بسيارتي انا؟؟
قرب وصار مقابلها وملامحها الحين صارت اوضح.
صار يناظرها وهو مصدوم عندها كمية البراءة مب معقوله والزين اللي
في وجهها طااقي والحلى اللي هي عليه يذبحح يحلف بالله إنه
ماعمره شاف مثل جمالها الرباني.
مشاري وايده يقربها من شعر ترف: ياربي انا وش صاير فيني نسحرت فيها
ومابعد فتحت عيونها شلون ليا فتحت الاكيد انه بيغمى عليّ .
جاء الدكتور ومشاري توهق أبعد ايده وهو حده مرتبك وش بيفكر فيه الحين.
الدكتور وهو يقيس النبض: لا ماشاءالله عليها هالبنت واضح انها قويه الله يحفظها .
مشاري بتوتر: ااا امين شلونها الحين وليه مابعد صحت؟.
الدكتور: إن شاءلله ساعتين بالكثير وتصحى اصلاً طولت مرهه.
مشاري: إن شاءلله مشكور يادكتور.
الدكتور: العفو هاذا واجبنا.
طلع الدكتور ومشاري وده يطلع بس مو قادر حاسس كأنها هالبنيه اللي ع السرير مقنطيس تشده لها تعوذ من ابليس وطلع من الغرفه
وهو محيووس صار يدور حول نفسه ماهو داري وش يسوي
لخبطته وبقوه.
قرر ينزل يفطر تحت ع بال ماتصحى ويطلع يطمن عليها ويعتذر
ويرجع لداره ولا كأن شيء صار نزل وصار يطلب فطور وجاه وصار ياكل وهو شارد اول مره بحياته بنت تشده كيذا.
*عند تررف.*
بدت تحرك ايدها وتفتح عين وتغمض عين واشعة الشمس تعمي عيونها
الواسعه العسليه بدت تصحى وهي تحس بوجع بكل مكان وراسها ثقيل
مره ويعورها تحركت شوي وتشوف رجلها مجبسه ومب قادر تحركها
تعدلت شوي وسندت راسها ع السرير وهي تتذكر وش صار معاها
من يوم طلعت من بيت اهلها الين ماصدمتها السياره.
نزلت دمعه حاره ومسحتها بطرف اناملها وهي تفكر وش تسوي الحين.
ترف: اخخ وش السواة الحين ومن ذا الدب اللي صدمني يعني كنت ناقصه مثلاً افف ياربي وش اسوي؟؟
وصارت تهز راسها وهي تتمتم: وش اسوي الحين..
لمعت ف راسها فكره بس خطيره وهي تدعي انها تظبط شافتها بمسلسل
وودها تخوض التجربه وتحمست مره بس خايفه شويتين .
ترف: والله ماعندي غير ذا الحل اذا اللي صدمني هالمخفه قاعد هني
والله لاخليه يبتلش فيني هييين والله ماكون ترف بنت خالد آل سعود اذا ماخليته يتكفلني لين م الاقي حل.
وابتسمت إبتسامتها الشقيه وهي حدها متحمسه للي تبي تسويه .
فطر وخلص وقلبه فوق وده يشوف كيفها وهي صاحيه ططلع من المطعم بخطوات مستعجله وصل باب غرفتها ومتردد يفتح ومتوتر مره يمد يده ع المغبض حق الباب ومره يرجعها
شاف الساعه اللي ع ايده كم صارت وطلعت الساعه *6:20ص.*
اكيد امداها صحيت سم بالله ودخل وهو متلبك.
رفعت راسها للي دخل بدون إستئذان وتوها كانت بتصارخ الين ماصارت عيونهم فبعض وسهت وهو كمان ساهي ع الآخر.
مشاري بقلبه: امحقققق ذي بشر ولا ملاك ابفهم.
ترف بقلبها: اممم حلو شكله اللي صدمني ههه بنتسلى والله وناسسسه.
ترف: خيير مين أنت وش تبي جاي مدرعم بدون ماتطق ع الباب وانا ويني فيه وش اسوي هنا وكيف صار عليّ كيذا وليه متصنمم عند الباب ورا م تتكلم يالأخو؟
مشاري بقلبه: ول ول ول هاذي بالعه شريط والله مو مبين عليها
انها شرانيه وكلها هذره.
مشاري: ول ول وش ذي الاسئله كلها حشى كلتيني بقشوري.
ترف: هه ماتضحك ويلا جاوب عليّ الحين حدي مروبشه
ومانيب متذكره أي شيء ماغير اسمي.
جتها الضحكه على إتقانها لدّور بشكل صحيح بس خبتها غصباً عنها وملامحها مسااعدتها مره متحكمه فيها بين البرود وعلامات الخوف والاستغراب.
مشاري: وشو منجد الحين مب متذكره شيء؟؟
ترف: لا وش رائيك اكذب عليك قدام عينك حالتي والواضح صار عليّ حادث يعني مب معقوله قاعده استهبل عليك وانا لا اعرفك ولا اصرفك.
مشاري: ابوك يالبلشه خلاص هصبري شوي بنادي الدكتور يشوف وضعك وإن شاءلله خير.
طلع وسكر الباب وهي خلاص شوي وتنفجر من الضحك ناسيه وجعها وانها مسويه حادث وسوت ايدها ع شفايفها تمنع صوت ضحكاتها لايسمعها ويدري بلعبتها بعدين.
بعد ماطلع من غرفتها ويدور ع الدكتور اللي يشرف عليها وهو باقي مشوش تفكيره.
مشاري: لاحوول الحين انا وش اللي حدني للحين قاعد هني ورا م احطها واهج وش ذي البلوه اللي ابتليت فيها انا لا وبعد فاقده ذاكرتها كملت يمشاري والله كملت وين واصرفها ذي وين اففف.
كل ذا وهو يكلم نفسه ويمشي بالهممرات لين مالغى الدكتور قباله.
مشاري: هاا دكتور تعال معاي غرفة اللي صدمت فيها
تقول انها مب متذكره شيء وش صاير لها؟
الدكتور: غريبه مع إنه كل شيء تمام وطبيعي بس امكن فقدت الذاكره
مؤقتاً مع الصدمه اللي تلقتها يعني لاتخاف ايام وكذا وترجع طبيعيه.
مشاري: اها يعني الحين كيف نسوي انا م اعرف اهلها
وهي تقول إنها ماغير تذكر اسمها شلون.
الدكتور: والله علمي علمك تعال ونشوف وش السالفه واذا كان في معاها جواز سفر او جوال ونستفسر لاتقلق انت.
مشاري: اجل يلا سريناا.
*غرفة ترف .*
قاعده ع سريرها وتفكر وتخطط وش تسوي لقدام.
ترف: اممم اصبر عليّ ياراعي السياره توك ماشفت شيء من بنت خالد والله إن اخليك تعض اصابعك عض عشانك دعستني بسيارتك ذيك النتفه هييين بس والله إن اهبل فيك واسوقك اسواقه هههههههههه مسكين والله ياعزتي لك من الحين يعني بالله مالقيت غيري ف الشارع عشان تصدمني صدق انه دب لالا لحظه والله ماهو بدب ياايي يحليله مره يهبل هي ترف اصحي وش قاعده تخبصين ركزي ع الخطه وبسس هاذا املك الوحيد وين تروحين وانتي شارده من بيت اهلك والله إن رجعت الحين ليذبحوني احسن شيء اقعد فتره بحلق راعي السياره لين مايفرجها الله واشوف لي حل ثاني ولا خطه يووه ياترف ياكثر م اهوجس عل...
قطع كلامها مع نفسها صوت طرقات ع الباب اعتدلت بجلستها وسوت الشال اللي مبين اكثر مو مخبي وابتسمت صار وقت التمثيل بأتقان
وبعدين قالت بصوت تاعب وبرئ: تفضل.
الدكتور ومشاري: السلام عليكم:
ترف: وعليكم السلام!.
الدكتور وهو مفهي بجمالها: أول شيء الحمدلله ع السلامه.
ترف: الله يسلمك يادكتور.
الدكتور: اقلك حالتك الحين الحمدلله مستقره وانتِ ماشاءالله عليك
قويه وتحملتي وإن شاءلله يومين واكتب لك خروج.
ترف: الحمدلله بس يادكتور انا م اتذكر شيء ابد ماغير اسمي.
الدكتور: بسيطه إن شاءلله ايام وتعودين تتذكرين هاذا كله من ارتجاج راسك وانا بكتب لك وصفه طبيه وتشربينها كل يوم هي بتقوي الذاكره
وإن شاءلله ماعليك الا العافيه.
ترف: إن شاءلله مشكور دكتور ماتقصر.
دكتور: العفو هاذا واجبنا.
كل ذا الكلام تحت انظار مشاري اللي يحس شوي ويتوطى ببطونهم
الدكتور ونظراته وهاذي اللي مب متغطيه زي الناس وذا يبحلق فيها وده ياكله مايدري ليه.
مشاري: طيب ماعندك جواز او جوال او أي شيء يدلنا ع اهلك؟.
ترف بقلبها: هه تبي تتخلص مني معصيي أول شئ بشيب
راسك وبعدين بمزاجي اروح.
ترف بأسف: لا والله ماعندي، وصارت تبكي دموع التماسيح.
الدكتور ومشاري بنفس اللحظه: خلاص لاتبكين!!!.
ناظروا بعض وبعدين تحاشوا النظر وتكلم مشاري.
مشاري: ااا احمم خلاص انا بنزل تحت اشوف عند الاستبرس اذا جابوا معك شيء وإن شاءلله أللقى.
ترف بصوت واطي: إن شاءلله ماتلاقي.
مشاري: عفواً قلتي شيء.
ترف: هاا ااا لالا ولا شيء قلت إن شاءلله تلاقي لاني ماعرف ولا اتذكر احد ابد وانا مابي اقعد بالمستشفى اكره المستشفيات مرهه
<وابتسمت من داخلها.
مشاري: إن شاءلله ولا يهمك، وناظر فالدكتور اللي يقال انه يسوي لها الدريب وهو كل شوي يسترق بالنظرات لها حس ان وده يخبيها
عن عيونه بقى يذبحها بنظاراته ذيك.
وناداه عشان يطلع معاه مايبي يخليه بالحاله معاها.
مشاري وهو يحاول يسيطر ع غضبه: امم دكتور بالله لاهنت
ممكن تجي معاي شوي ابيك بشيء.
الدكتور بلعثمه: همم ااا ط طيب الحين جاي.
وراح معاه ويوم راحوا صفقت ترف بأيدها وهي فرحانه.
ترف بحماس: يسسسسس يسسسسس الحيله الأولى تم نجحت والله أني ممثله مبدعه اممممحح يالذكاء.
مشاري بعد ماطلع لف ع الدكتور: اممم الحين اذا مالقينا أي شئ
يدل ع بيت أهلها وش الحل برأئيك! .
الدكتور: والله مدري نقول إن شاءلله نلقى شيء عند الاستبرس.
مشاري وهو عنده فكره بس متردد: إن شاءلله.
راحوا وسألو عند الاستقبال.
الاستبرس: وعين ع اللابتوب وعين ع مشاري مفهيه بجماله ومشاري معطيها طاف: امم جابوا معاها بس جوالها وهاذا هو ع حسب ظني
لان هي آخر حاله حادثه جتناا .
مشاري: حلو اجل هاتيه.
الدكتور: اجل يلا شف الحل وسويه انا عندي حاله طارئيه.
مشاري: فمان الله ومشكور ماقصرت.
الدكتور وهو ماشيي: فمان الكريم وماسوينا شيء.
مشاري خذا جوال ترف وكان نصه معدوم بس شغال
شاف الخلفيه ع جوالها وحسس انه يغلي كانت صورة شاب حليييواا مره مبتسم ومعضل وابتسامته تذوب وكاتبه فوقه.
: *كل ماضاقت مساليك الحياه..*
*مالقيت أطيب من علاج بسمتك.*
حس ان جوفه يغلي من الغيره.
مشاري يكلم نفسه: ااففف مشاري وش صار لك عز الله إنهبلت تغار وأنت ماتعرفها الا من اشوي بس ياترا وش يقرب لها اكيد حبيبها او زوجها
بس توها صغيره ماعتقد انها متزوجه اكيد مصاح*ه، وغبض ع ايده بعصبيه وانا وشعليّ شدخلني فيها،
ضحك بسخريه وقال: هههه ملامحها ماتوحي أنها بنت.... استغفر الله ذولي البنات عندهم اقنعه واجد الله يكفينا شرهم!.
وطلع عندها وهو يفكر وتغيرت وجهة نظره حول ترف.
*وقفه خلونا نعرفكم ع أبطال روايتنا والباقي بتعرفونهم بالبارتات الجايه .*
"*مشاري بن فارس آل راشد" من أغنياء الشرقيه وعنده خير واجد*
*وله صيته بين الناس والمجتمع هو واهله أبوه على طول بسفرياته مايلقونه الا بالسنه واحيناً يطولون لين يشوفنه.*
شاب حليوا وحلم كل بنت اسس نفسه وهو بعمر صغير واثبت جدارته ومابعد تعدا الـ30 عمره حالياً 26 سنه طوله 180 طول مره حلو مثل عارض أزياء وبشرته حنطيه فاتحه وعيون واسعه وناعسه عسليه يوم احد يناظره يحس ماوده يبعد عيونه
رموشه كثيفه وعيونه رغم نعاستها الا ان عندها حده تجذب الشخص انفه سلة سيف.
وفمه صغير وشفايفه صغار مائيلات للون الوردي فاتح عنده سكسوكه حلللوهه ومرتبه مره كأنه مرتبه بدقه فضيعه هو معضل وعننده اكتاف مناسبة طوله وعرضه مب سمين وسط شعره مب أسود ولا أشقر ولا أحمر يعني تحسه مسوي صبغه لونه حلو الا يهبل وعنده غمازه بخده الأيسر وشامه صغيره برقبته مخليته اكثر جاذبية وحواحبه عراض شوي وحادين ومرتبين بس دايم عاقدهم كأنه دايم يفكر اذا توتر عنده حركته اللي هي يحك فوق حاجه برعشه خفيفه هو غني مره بس مغرور
حبتين ومو أي احد يعجبه ومانوى يتزوج ابد بس امه قاعده فوق راسه الى يتزوج بنت خالته وهو مايدانيها بعيشة الله يقول انها ماصخه ومايعجبه دلعها الغثيث بس هي تحبه وتموت فيه مشاري من داخل مرهه حزين ويبان فعيونه نظرة حزن غامضه ودك تدخل جوفه وتشوف من وش يعاني بس بنعرف بالبارتات الجايه وش سببه هو انسان مزاجي مره وغامض ومايحب يشكي لاحدٍ همومه
هوه دينه ودين اللي يكذب عليه ويستغفله مايحب الكذب بشششكل يحب الصدق والوفاء هو أحياناً متسرع بقراراته بس يندم عليها عنده عزت نفس مب طبيعيه ومكابر مره حتى على نفسه احياناً مليغ مايضحك ولا يبتسم أبد كانه مصرف على الشعب وعصبي مررره بس مع أهله ششي غير كأنه مب مشاري ذا.
*"اما بطلتنا ترف بنت خالد آل سعود"*
*اقل مايقال عنها حورييه هم ناس مب معروفه كثير لأن ابوها يخاف عليها*
*من الهوى ومايحب يسوي صداقات ومب أجتماعي مره*
*وبنظره الابتعاد عن الناس حلو.*
عمرها 17سسنه طولها 150 جسمها حللووووو كأنها عارضة أزيااء
عندها خصصر يذبببحح وكأنها دايم مسويه دايت.
وهي تاكل الأخضر واليابس هه بيضاء بس بيااضض حللو يعني مي بيضاء
بياض ناصع لا حنطيه تميل للبياض شعرها واصل لين آخر ضهرها وكثيف مره وحرير ولونه أحمر على اسود لان تحب تسوي له حناء بين فتره وفتره
عيونها بندقيه مسحوبه مرهه واسعات رموشها كثيفه وطويله ولونهم عسلييي مرههه وفاتحه لمن تناظر بعيونها تضيع خشمها حااد مثل السيف وفمهاا متوسط وشفايفها توتيه صغيره وعندها خدود حلوه وليا استحت تصير فراوله وجهها دائري حواجبها كأنها مرسومه رسم حاده وطويله عندها غمازتين بخدودها الإثنين
وهي بززززر حرفياً شقييه مره ومشاكسه واذا في شيء براسها ماترتاح لين ماتسويه هي مزاجيييه لابعد حدد ساعه تضحك وساعه تبكي وساعه فرحانه وساعه حزينه والخخخ،،، حنونه مره ماتحب تشوف أحد حزين واذا شافت أحد يبكي بكت معه حبوبه مره وتنحب وتدخل القلب بسرعه تنسى حزنها سريع ماتحب الجو الهادي بختصار تحبب الوناسه وفلللله.
وهي زعلانه وشايله بخاطرها حيييل من ابوها لانه ولسبب غير مقنع ماخلاها اتخلص دارستها اللي هي حلمها واشياء كثيره حرمهاا منها بنعرفها بالبارتات الجايه هي تزعل بسرعه بس ترضا سريع تحب الغناء والرقص
وهي نبر ون بالرقص خصوصاً البدوي لأن امها نجديه وابوها إماراتي هي عصبيه حييل وقت تعصب اي فكره ب بالها تنفذها بدون تفكير وهي تحلم تعيش قصة حب حلوه وتتزوج عن حب ماتحب الزواج التقليدي عبر الاهل وهالخرابيط وعندها صديقه مقربببه حيل منها بنعرفها بالبارت اللي جاي واخيراً وليسا آخراً هي هلاليه تحب نادي الهلال وتشجعه من صغرها وبسس.
*مشاري طلع غرفتها ومعاه جوالها الي متكسر شوي*.
وقف باب غرفتها ودق لين سمع صوتها المبحوح وهي تقول تفضل
خققق عليه وتنح وتمنى تعيدها مره ثانيه
(أجممل واطلقق تفضل اسمعها بحياتي، لاحوللل انا وش قاعد اخربط)
دخل وعيونه لتحت.
مشاري: السلام عليكم.
ترف بوجع: وعليكم السلام.
مشاري: يوجعك شيء انادي الدكتور.
ترف: لالا مافي عادي شيء طبيعي.
مشاري: اها ماتشوفين شر إن شاءلله، احمم اا بغيت اقلك ان لقينا جوالك
والحمدلله للحين شغال مع انه فيه كسور بسيطه.
ترف:(ابوك يالنكبه هاذا دايم يخرب عليّ
الحين كيف اسوي كيف اسوي فكري تروفف فكري).
مشاري: يي وين شارده؟؟.
ترف بوهقه: هاا اا لالا هنا هنا،
وبفرحه مصتنعه: اااه الحمدلله أخيرا فيه شيء اقدر اوصله لأهلي.
مشاري مايدري ليه تضايق: ها ايه والحين خذيه فكي الباسورد
وشوفي رقم أي احد من اهلك يجي ياخذك ولا انا باخذك لهم.
ترف: ايه إن شاءلله عطني.
مشاري عطاها الجوال وهي متوهقه وش تسوي وبعدين جت براسها الأفكار.
ترف ببكاء كاذب: ااااااا اهى اهى!!.
مشاري انصدم: افااا ليه تبكين وش جاك انادي الدكتور الحين
وهو تو بيطلع وتناديه وهي تبكي.
ترف: اااا لالا مافيني شيء بس ماني بقادره أذكر
الباسورد أااا أهى أهى انا نسيتها.
مشاري اللي وده يضمها ع طفولتها: افف وش الحل الحين.
وقعد شوي وخطرت فباله فكره؟؟!..
والمشخص حالتي ماعاد فسر
عند قسم المختبر ذي يفحصون
لادواهــــم فــادني حالي مكدر
والقرب والأبر شوفهم يكذبون
والدوااء ذي يصرفونه والمخدر
مايفـيد الجسم لازاد الـطعون
قـــــــولو لـدكتور العياده لا يكثر
شف علاجي عنــــد مدعوج العيون
والمــحبه بعــــــــــدها قلبي تفطر
ياكـــــحيل الطرف يازين الجفون
ماتــــــــناسيتك ولا يمــكن أفكر
خون عهد الحب أو خون الضنون
والمحبه ياحبيبي القلب لشقر
باقيه لو انت على عهدك تصون
كل ليله أحن لك واحتار وأسر
حوه يابلحوه لانـتو تـدركوون
عادني بالحب باقي مثل عنتر
لجل عبله يجعل الغالي يهون.
*إنتظروني في البارت الجاي ولاتبخلون عليّ*
*بالتعليقات الزيينه. "*
ــــــــــــــــــــــــ