البارت 12.في يوم وليله
«في يوم وليله»
🍒🍒🍒🍒
ريم وسعاد اتفزعوا من طلبه ودموعهم نازله شلال
ريم: انت بتهزر صح شكلك عقلك راح خالص وهخلي سوسو ترجعهولك انت مش هتسبني فاهم! ?
خالد: بحزن خليك ي بني وانا اللي هسيب البيت
طارق: صدقني حضرتك انا مش قادر محتاج اقعد لوحدي فتره انا ما انكرش اني موجوع منك بس زي ما ريم قالت حضرتك ما تقصدش بس كل ده حصل بسببك.
وماما ولوجي هم اللي دفعوا التمن واللي واجعني ان حتى ما فيش جسمانهم انا ما ودعتش لوجي حتى ما فيش قبر ليهم لما احتاجهم اروح لهم انا محتاج اهدى وارتب افكاري لو سمحتوا.
ويا فارس انا عايز اقطع الاجازه وارجع. المخابرات بسرعه. وخرج طارق من غير ما يسمع ردهم. وهو موجوع عليهم وعلى نفسه.
ريم: نزلت علي الارض وعيطت بوجع. وجميله وفريحه بيموتوا من جواهم. علي الحزن. اللي سيطرعلي حياتهم.
سعاد: ب انهيار انا عايزه ابنيييي ي خاااااالد هاتوليييييي ابنيييي انا مش هعرف اسامحك لو مرجعش😭
راح طارق على شقته.
خالد اخد. سعاد ترتاح ويهديها.
عاصم نزل حزين على ابن اخوه و اللي بيحصل معاهم. وكريمه معاه عشان تهون عليه. نورا. راحت تجهز الاكل للكل.
فارس: ايه يا ريم يعني انت مش عارفه طارق مجنون ومتسرع ولما يقعد ويفكر مش هيقدر وهيرجع على طول هو ما يقدرش يبعد عنك انت و ماما سعاد. وبص على جميله وفريحه هتفضلوا تعيطوا يبقى تسيبوها وتمشوا وانا هعرف اهتم بيها انتم جنبها ليه هااا عشان تقووها وتخلوها تبطل عياط ولا عشان تضعفوها اكتر بعياطكم.
جميله: بصت في الارض هي عارفه ان فارس عنده حق لكن هما من جواهم موجوعين ومكسورين كل اللي بيحصل اكبر من طاقتهم وقدرتهم ولكن الصبر مطلوب وهو مفتاح الفرج والرضاء بما قدره الله لهم لان رب الخير لا ياتي الا بالخير.
فريحه مع فارس ع جمب
فارس: انا هروح الحق طارق. ارجعك على البيت.
فريحه: بسرعه لا لا انا هفضل جنب ريم هي محتاجانا كلنا جنبها هيا وماما سعاد.
فارس: باس على دماغها واتكلم وده الصح يا حبيبة اخوكي خلوها بس تاكل اي حاجه وتنام وما تجيبوش سيره لوجي كتير قدامها.
فريحه: ما تقلقش يا حبيبي وانت كده هون على نفسك وما تكتمش جواك كتير عشان ما تتعبش انا شايفاك حزين.
فارس: كلهم وقعوا يا فريحه وانا لازم افضل صامد عشانهم. هما محتاجين اللي يسندهم ويساعدهم على الوقوف من جديد. وانا ما ينفعش اضعف😣
طارق: في شقته دخل غرفه الرياضه وطلع كل التعب اللي جواه. في التمرين والاجهزه. وعقله عارض له الكلام حواليه. مامتك ماتت عشان انت تعيش سعاد مش امك لوجي راحت ومش هتشوفها تاني. حياتك بقت سراب كنت عايش في وهم.
طارق: بس بس كفايه وبدا يكسر كل حاجه حواليه وصدره بيعلو ويهبط بسرعه. والباب خبط
فارس: ايه يا ابني ساعه تفتح ولاحظ شكله ومعلقش.
طارق: ايه اللي جابك!
فارس: بجح طول عمرك ورقص حواجبه . حد يقول لموز جامد زيي جاي يطمن عليه ايه اللي جابك وزق طارق ودخل.
طارق: ابتسم على صاحبه،، وقال ومش خايف يا مز يا جامد وانت جاي لشاب قاعد لوحده.
فارس: ببرود ما جبتش اكل وانت جاي اصل اخوك واقع من جوه
طارق: بعصبيه فاااارس بلاش حركاتك دي معايا قول عايز ايه وامشي وسيبني عايز ارتاح.
فارس: امم يعني ما جبتش اكل كنت عارف هتنسى عشان كده طلبت اوردر بس خلي بالك انا طلبت بس انت اللي هتدفع ورقص حواجبه. وقعد على الكنبه.
طارق: بنفاذصبر من برود فارس. وهو عارف انه مش هيسيبه قال له انا داخل اخد شاور وانت تاكل وتنزل عشان عايز ارتاح.
فارس: انسى انا جاي على بيات. وكمل بتمثيل اصل انا فريحه هتبات عندكم وسايدة اللواء الحاج الكبير في مأموريه وانا مش هبات لوحدي ف انت تاخدني في حضنك وانام وغمزله😉.
طارق: سعيد من جواه على اخوه وصاحبه انه مش بيسيبه ابدا لوحده ولا لحزنه. ولكن اتكلم عكس اللي جواه واد وقح وكمل بتريقه بتخافي يا بطه
فارس: اخلص ياض انت متعب ليه روح خد شاور بدل ريحتك اللي قفلت الرئتين عندي وانا الم الحاجه اللي كسرتها دي واد متعب من يومك
وبعد فتره فارس كان لما كل حاجه وهو كمان اخد شاور
واكل طارق بالعافيه وقاعدين في البلكونه فارس: وبعدين يا صاحبي ما كنتش اعرف انك بالضعف ده
طارق: لا رد
فارس: امم هانت عليك سوسو ولا ريم اللي تعبانه ومحتاجاك ده انت عمرك ما سبتها يا طارق انا دايما بغير من علاقتك انت وريم وقربك منها حتى لو انت اخوها بس انا دلوقتي بقول لك ارجع ريم محتاجاك والدتك محتاجاك انكل خالد أكتر واحد محتاجك. وبعدين فكر معايا هو ما غلطش هو كان ضحيه واتصرف زي اي بشر. هو واجه كل حاجه لوحده لكن.
ريم كنا احنا داعم ليها وسند ليها ومعها وعشان كده اختارت صح. اما انكل خالد كان مغلوب على امره. وبعدين يا عم كفايه كلمه حضرتك اللي بتقولها دي بتوجع قلبه. وبعدين هو مهما يعمل والدك. وانت ما لكش تعترض ولا تتعامل معاه كده هو كبر ومحتاجك تسنده مش تيجي عليه. هو رباك وتعب فيك عشان يلاقي نتيجه حصاده منك احترام وتقدير وانك تسنده لما يقع. ابوك بينهار يا حضره الظابط ومحتاجك تسنده. وسعاد اللي حضرتك ربتك وحبتك زي ابنها بل هي اعتبرتك ابنها و ربتك من حقها فيك انك تبقى جنبها دلوقتي.
وانت. سايب كل ده وجاي تهرب زي الاطفال ده على كده ريم اقوى منك.
طارق: بخنقه انت اكتر واحد عارف اني ما بهربش بس انا مش قادر ماما في المستشفى قالت لي ما حمتش بنتي يا طارق انا حاسس ان انا سبب في فقدان لوجي وماما نرمين بسببي هم راحوا وبابا انا عارف انه مظلوم. بس يا صاحبي انا مش قادر لوچي دي مش حب يوم ولا اتنين دي حب 13 سنه. ولا ريم اللي كانت كمان هتروح مني واني مش عارف احميها. حسيت ف الوقت. ده اني اخ فاشل. انا سبتهم عشان مش مستحمل اشوف دموعهم ووجعهم.
فارس: حضنه ارتاح يومين وارجع بسرعه واعمل حسابك هفضل قاعد هنا على قلبك ومعاك لازق لك يا صاحبي
طارق: حضنه جامد بحبك ياض ربنا ميحرمنيش منك ومن وقوفك جمبي يحبيب اخوك انا مش عارف من غيرك كنت اعمل ايه.
فارس: قال بمرح اهو الواحد بيعمل ل اخرته وحضنه جامد بطل كلامك الخايب ده 🫂
ريم: مسكت صوره لوجي سبتيني انتِ وعدتيني هتفضلي على قلبي. ولزقالي طب انت رجعتي في كلامك ليه. على فكره
مش. هسامحك على وجع قلبي ده وعيطت جامد لو عايزاني اسامحك. ارجعي بسرعه طب انا مخنوقه وعايزه اتكلم عن اللي واجعني انت كده خلاص مش عايزه تسمعيني تاني. زهقتي مني ي چوچو وكملت بعياط طارق ساب البيت يا لوجي. انا زعلانه منه اوي سابني وانا محتاجه له انتم الاتنين سبتوني وانا مش هكلمكم تاني😭.
فريحه نامت في اوضه تانيه بطلب من ريم انها عايزه تبقى لوحدها وجميله نزلت وهتطلع الصبح وايمن مطبق في المستشفى عشان عنده حالات ونفسه. يخلص بسرعه عشان يطمن على طارق وريم وفريحه اللي وحشاه.
ريم الساعه 3:00 الفجر قامت استغفرت وتوضت تصلي ركعتين.
ريم: يا رب عبدك موجوع ومكسور اللهم لا تحملني ما لا طاقه لنا به واعفو عنا اللهم اني اشكو اليك من ضعفي وقله حيلتي اللهم اخرجني من حولي الى حولك ومن ضعفي الى قوتك يا رب رجع لي طارق اخويا بالسلامه. احفظ لي مامي وبابي وفارس واخواتي فريحه وجميله يا رب فرح قلبي برؤيه احبابي بخير. اللهم ارحم لوجي وصبرني على فراقها يا رب😭
وخلصت وبتقلع الأسدال. الباب خبط واتصدت ريم ب طارق اللي قدامها.
ريم: حضنته بدموع هانت عليه ريم يا طارق انا زعلانه منك اوي.
طارق: اسف اسف ي قلب طارق انا جمك ومش هسيبك تاني أبداً خلاص. بقي وحياتي عندك .
فارس: احم ادخل ي طارق.
طارق: تعالي ي فارس
فارس: قلبه وجعه عليها احم عامله ايه ي ريم
ريم: بقيت احسن لما شوفتكم بخير شكرا يا فارس انك رجعت لي طارق
فارس: انا اعمل اي حاجه عشان ضحتك ترجع تنور وشك تاني 🥺
طارق: ضربه بخفه علي قفاه.
فارس: اخوكي ده هركليز بجد مصحيني من الساعه 2:00 بالليل ويقول لي يلا انا راجع البيت ولا انا عشان غلبان هيجي عليا ايه هو عندوش اخوات ولاد وكمان بيضربني لا البلد فيها حكومه ي استاذ هههه
ريم: ابتسمت علي فارسها.
فارس: ايوه بقى خلي الشمس تطلع.
طارق: اطلع بره ي فارس متخلنيش اتغابي عليك.
فارس: هههههه ماشي بس انا مش راجع بيتنا وهنام في اوضتك شوف لك بقى حته انت تنام فيها بير السلم فاضي وانا لكرم اخلاقي هجبلك مخده وغطى ههه
طارق: متغاظ منه ورمى المخده عليه وفارس خرج يجري
وريم: بتحمد ربنا علي وجودهم ف حياته اللي بيفرق
طارق: جواه مفكرني مش شايف الحزن اللي في عيونك ي صاحبي ربنا ميحرمني منك
وكل واحد اخد قرار انه يخبي حزنه.
وبعد مرور شهرين بدون احداث مهمه غير فرحه سعاد برجوع طارق وذهاب طارق وفارس لمهمه للقبض على مهربين اثار.
يوم رجوع طارق وفارس
الكل متجمع عند خالد وبيسلموا على طارق وفارس وبيطمنوا عليهم انهم بخير وما فيش اصابات.
خالد: شايفك مبسوط يا فارس يا ابني. خير ان شاء الله
فارس: بسعاده اترقيت لحضرت المقدم فارس. وطارق كمان ما اعرفش ازاي بقى سيادة المقدم طارق
محظوظ طروقه ده وفارس مستمتع بشكل صاحبه اللي متعصب منه ههههههه
الجميع فرح علشانهم وباركولهم. وما صدقوا حاجه تفرحهم وخالد عمل عزومه يجمع فيها كل الاحباب
والبنات والشغالين بيجهزوا كل حاجه.
طارق: نزل ووصل قدام المملكه المنهاره وقعد وحشتيني قوي ما منسيتكيش فاكرك بس اللي اخرني وخلاني ما جيتش الوقت ده كله اني كنت في مأموريه عارفه كان نفسي ما ارجعش عشان اجي لك بس رجعت وبقيت سيادة. المقدم كان نفسي تبقي جنبي وقت الخبر ده بس ما بقاش في حاجه. ليها طعم من غيرك. بحبك يا قلب طارق غيابك بيموتني🥺
فريحه: ايه يا ايمن قول عايز ايه بسرعه البنات مستنييني وكمان طنط نورا بتبص علينا.
ايمن: ايه يا فريحه بقى لي كتير ما شوفتكيش انت مش عايزه تشوفيني ولا ايه
فريحه: بكسوف وانت لازم تشوفني كل يوم☺️
ايمن: وكل ساعه وحياتك. يومي ما بيمشيش من غيرك وحشتيني على فكره🫶
فريحه: ابتسمت في خجل.
جميله: احم احم نحن هنا وكملت بتمثيل الدكتور. فخرنا ايمن وفريحه وفي الصالون وقدام طنط نورا اه قلبي.
الحب. ولع في الشقه يا عصافير
ايه اجيب لكم شجره واتنين لمون ههههههه
فريحه جريت بسرعه ومكسوفه
ايمن: يا بت انتِ عملي الاسود ولا حد مسلطك عليا وبيقرب منها وبيمثل انه متعصب وكأنه هيمد ايده عليها.
جميله: هاه دكتورنا المبجل عنيف اويي انت وطلعت تجري
ايمن: الله يعينك ي خالو بنتك الوحيده مجنونه ههههه.
ادم: في الفون ها عاملين اكل ايه يا جميلتي.
جميله: يا رب صبرني ومين قال لك بقى اننا عاملين حسابك اصلا.
ادم: انا بحب البشاميل ويا سلام لو من ايدك يا جميلتي هيبقى في حته تانيه.
جميله: ابتسمت ومكسوفه خلصت كلام يلا بقى طرقنا انا مش فضيالك.
ادم: طرقنا! انت متأكده انك دكتوره
جميله: هي هي هي خفيف يلا ي بابا ايه معندكش مساجين.
ادم: اه وقاعد زهقان واتصلت عليكي عشان عايزه اتسلى سليني ههههههه.
جميله: بعصبيه اسليك ايه انت متصل على قرد يا بايخ انت.
ادم: بحده وتحذير جميييييييلهه متظلميش القرد ههههههههههه
جميله: اعععععععع بارد ورخم متتصلش تاني وقفلت في وشه. وبتبرطم واحد متخلف ودمج قال مظلمش الفرد وسرحت بس سكر ايححح وسرحانه🤭
فريحه وجميله بيضحكوا علي شكلها.
وبعد مرور شهرين كمان فارس عند طارق
طارق: باس على ايد خالد بابا اوعى تكون لسه زعلان مني انا اسف
خالد: بدموع انا سامحتك يا ابني وبعدين انت كان غصب عنك
فارس: ههههه والله يا عمي ما اعرفش ازاي انت استحملته السنين اللي فاتت دي كلها والله ليك الجنه
ريم: ب ضحك بس ي فارس طارق اخويا ده سكر
طارق: رقص حواجبه قلبي ي بنوتي الحلوه هسكت عشانك ومش هلعب ف وشه هههههه
فارس: بهمس براحتك كله بحسابه ي قلبي
طارق: اسمعوا وعوا انا عايز اقول ايه انا حجزت تسكرتين طيران للحاجه سعاد والحاج خالد للعمره هديه بدل الحزن والوجع الي عاشوه بسببي هههههه
ريم: بتطنطط واووووووو بجد احلي هديه ي طاروقه بجد
خالد وسعاد الفرحه مش سيعاهم وحضنوا طارق بدموع.
خالد: اجمل هديه هيا وجودك. جمبنا ي حبيب ابوك.
ريم: انا هنزل بقى عشان النهارده اول يوم جامعه وجميله وفريحه مستنيني وهرجع بسرعه نحتفل بالمفاجاءه الجميله دي اللهم بارك.
ولبست ونزلت مع البنات وطارق وفارس هيوصلوهم الجامعه والبنات كانوا مبسوطين ان ريم سابت الجامعه وجت قدمت معاهم في الجامعه دي.
ريم: سانده دماغها علي زجاج العربيه وافتكرت لوچي وانها دلوقتي كانت المفروض مستنياه وهتقابلها في الجامعه والسكن ودموعها نزلت.
فارس: لاحظ دموعها وفهم وجعها و طول الطريق يغمزلها ويرازيها عشان متفكرش كتير وتزعل
وريم: من جواه بتحمد ربنا علي وجوده جمبها 🥺
وبعد مرور الوقت
ريم بعد ما خلصت محاضراتها قعدت في كافتيريا الجامعه ومستنيه فريحه وجميله يخلصوا عشان يروحوا سوا.
وبعد فتره زمنيه
وفي مكان مهجور ريم متكتفه ومربوطه وبتفتح عينيها واحده واحده واتصدمت
ريم: لوچي ودكتور حسن 😨
♡بقلمي نيره حسين ♡✍️
ياه يعني بعد كله ده لوچي تطلع. خاينه تفتكروا
هستني الأجابه؟ 🤔🤔