الفصل التامن
المال الحرام
الفصل الثامن
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵* *المال.الحرام.tt*
*❴🔢❵☟الـــبـــــــــــ❴8️⃣❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
التفتت أماني لعند علاء وهي بتقول: مكتوب بالورقة اسم ربيع
وبسرعة لفت راسها لعند وسام وفوراً شافت اللون كيف انسحب من وجهوا شوي شوي
وسام بصدمة: إسم بابا !!
هز راسو غيث وهو بقلو: أي أبوك
ركت أماني ظهرها على الحيط وراها وهي بترجع راسها وبتتنهد خلص الحقيقة كلها اتوضحت قدام عيونها
غيث: عرفت ليش من سنين أنا كنت رافضك مشان ما تنكشف هالحقيقة المخباية … مشان ما قرب من شخص الو علاقة بماضيي الأسود
رجفو شفايفو وهو بكمل بصوت مبحوح: مشان ما شوف بنتي هيك مكسورة
قرب منها وشافها كيف قعدت بالأرض … قعد بقربها وهو بقلها: كان بدي عيشكن عيشة كريمة لأن حتى الدكتور ببلدنا بعيش ذليل
بكيت وبكيت وبكيت وهي بتقلو بصوت بيرجف: مشان هيك ماتو ماما وأخواتي وأنا أكيد لاحقتهن لأن كلو كان من ورا مال الحرام
سند جبينو على جبينها وهو بيبكي معها
علاء: مافهمت شي أنا
وسام بعيون مدمعة: بس أنا فهمت
قعد وسام بقرب أماني وهو بقلها: ماتبكي مابقدر شوف دموعك
رفع راسو غيث وهو بقلو لوسام: هاد يلي كنت خايف منو … بعدتك عنها بس أنت رجعت دخلت حالك لجوا الموضوع كيف وليش مابعرف بس المهم هاد يلي كنت خايف منو توصل بنتي لهالمواصيل
وسام: أنا ماعملت شي صح أنا يلي فتحت المشكلة مع مروان بس بعدين لما عرفت في خطر سكرت على كل الموضوع وما حبيت إتدخل بس أنت بفعايلك كشفت كل شي
قرب علاء منو وسأله: ليش رجعت عطيت مصاري لماما ؟؟
غيث: لتسكت عن كل شي لأن هي يلي رجعت فتحت الموضوع وخربت علينا حياتنا كلنا
هلق اندق الباب بقوة فتح وسام الباب وهو بشوف ثناء ومروان وأسماء واقفين
دخلو وهني بشوفو أماني والدكتور قاعدين بالأرض وهني بيتطلعوا عليهن بعيون مكسورة
سألت أسماء أخوها بقلق: مين هو أبونا الحقيقي
علاء: قالو إسمو ربيع
مروان: مين ربيع
غيث من دون ما يرفع راسو: مريض عمل حادث من اكتر من سبعةوعشرين سنة وكان بغيبوبة … بعدما حكينا بالموضوع مع ثناء أنا وزوجتي واتفقنا عليه … بقيت فترة فكر من مين ممكن أخد هيك شي … ولقيتو هو الرجال الوحيد يلي بقدر اعمل عليه هيك تجربة بعدما حكت معي ثناء عن انو نجيب نطاف منيحة لنعمل عملية الزرع وأنا وزوجتي وقتها كنا خاطبين وعم نبني مستقبلنا وتمت العملية
وسام بحزن: صح بابا عمل حادث من 27 سنة وبقي بغيبوبة عدة أيام انا وقتها كنت صغير عمري شي سنتين
علاء: شو يعني كيف هيك؟؟
وسام: شو يعني برأيك !!
ترك الكل وطلع برا البيت وأماني بتناديه: وسااام
وقف عند الباب وهو بقلها: بدي إتأكد
أماني: لا تتركني
قعد على الأرض بقربها وهو بقلها: مستحيل أتركك
انكسر أبوها لما شافها استنجدت بحدا غيرو وعرف هلق انو خسرها ع الأخر
تركهن وطلع وعلاء طلع وراه هو وأسماء بدن يعرفو مين هو ابوهن … وثناء لحقتهن
أما مروان فمشي وهو منزل راسو بالأرض … شبو ليش هيك زعلان !!
ما كان هاد يلي بدو اياه من البداية … ماكان بدو يعيش لحالو بدونهم … لكن ليش هلق زعلان ومهموم وكأنه حاسس في شي بحياتو مات …!!!
طلع وسام بسيارتو والباقي بتاكسي لوصلو لبيت وسام لحقوه لعرفو مكان البيت
فتح وسام الباب وشاف أمو بغرفتها بتقرأ قرآن
وسام بلهفة: ماما بدي صور الأشعة يلي عملن بابا وقت الحادث لسا محتفظة فيهن
هزتلو براسها وهي بتسكر المصحف وقالتلو: اي هون تحت الفرشة
رفع وسام فرشة التخت وهو بشوف تحتها صور الأشعة وبيقرأ التاريخ بالضبط
قرب ابوه وهو بقلو: شبك شو بدك بالصور
وسام: في شي
سكت وهو بفكر معقول يقول هيك شي لابوه وأمو !!
حمل الصور بين أيديه وفتح الباب بس انصدم لما شاف علاء وأسماء وثناء عند الباب
وسام: شو عم تعملوا هون؟؟
علاء: اجيت اعرف مين أبي
حط وسام ايدو على تمو وهو بقول: هششش بدك تفضحنا
فتح الباب ابوه وهو بقلو: شو عم يصير هون مين حضرتهم
اتطلعوا عليه علاء وأسماء بعيون غرقانة بالدموع
قرب وسام منهم وهو بقول: امشو بلا تخبيص خلونا نتأكد بالأول
همس علاء بصوت حزين: أنا هلق متأكد انو هو ابونا
أبو وسام: شو قال ؟؟
ضرب علاء على راسو وهو بقلو: خلص سكوووت
وقربت أم وسام من ورا الباب وهي بتقول: أهلين اتفضلو
وقف وسام عند الباب وهو بقول: ماما بابا فوتو بدي اعمل شي بعدين برجع بحكيلكن
ابو وسام بصرامة: هلق هلق بتفوتو وبتحكولي كل شي بعدين بتطلعوا فهمتووو
قال وسام لعلاء بغضب: أنت كتير خبصت اليوم
علاء: من حقي أعرف
وسام: كان بدي إتأكد بالأول
فتح الباب أبوه وهو بقول: فوتو نحكي جوا
وبالفعل الكل دخلو لجوا الصالون قعدو وعيون الولاد لسا على أبو وسام وكأنهم بدن يحفظو ملامحو ويتأكدو أنهم ولادو
قربت أم وسام وهي بتطلع على أسماء وبتهمس وهي بتضحك: شو يعني هاي العروس ؟؟
لف راسو لعندها وهو بقلها: نحنا بشو وإنت بشو يمكن هالبنت تطلع اختي
انصدمت صدمة عمرها من جملتو بعدت عنو وهي بتقول: كنت متزوج عليي يا أبو وسام !!؟؟
أبو وسام: أنت شو عم تخبصي !!؟؟وسام بتبرير: لا لا ما هيك الموضوع طولو بالكن لإشرحلكن
قرب من ثناء وقلها: شوفي بهاد التاريخ بابا عمل الحادث أنت ايمات حكيتي معو
ثناء: أنا بشهر 8 سنة ال 1988 حكيت مع الدكتور ليعملي العملية اجيت لعندو لحالي وقلتلو شو بدي بعدما فكرت بالموضوع … وهو وافق على مبلغ معين بس قلي استنى ليقدر يجيب شي منيح … المهم بعد خمس شهور قلي انو حصل على نطاف سليمة يعني بالشهر الأول وفوراً بلشنا بالعلاج … عطاه ادوية لمروان ع أساس العلاج بياخد وقت بس تمويه لمروان مشان مايشك بشي … وبعد بسنة بالشهر الثاني عملت عملية الزرع يعني بسنة 1990
قربو سوا ليقرو التاريخ
وسام: تاريخ الحادث بأخر سنة 88 ممكن يكون ما هو … في شهرين فرق بين الحادث وبدأ العلاج وفيوسنة تانية كاملة لعملية الزرع مستحيل نطاف تعيش لهيك وقت
ثناء: بس في برادات بتحفظ هيك شي وطفل الأنبوب بياخد وقت ليعملولو زرع انا طولو لزرعولي اخد الموضوع أكتر من سنة لبين مايبدا علاج مروان
وسام وهو بحرك راسو باستنكار: حاسسني قلبي انو غيث مخبي شي يمكن حطها حجة حادث بابا بس هو أخد النطاف منو
علاء باستغراب: يعني أبونا هو الدكتور غيث
وقف ابوه وهو بقول: الدكتور غيث أبو خطيبتك السابقة … فهمنا وسام شو عم يصير
علاء: كنت خطيب الدكتورة؟؟
وسام: مالحقت
لف لعند أمو وشافها عم تبكي وثناء كمان صارت تبكي هي وأسماء
حط إيدو على راسو من الهم وأبوه لسا فوق راسو عم يقول: خلصني بدك تحكي ولا شووووو
صار ينفخ بصوت عالي وهو بقول: ماكنت بدي إحكي لاعمل تحليل DNA
أبو وسام: لمين التحليل
بعصبية وقف جاب كرسي وحطو قدام أمو وأبوه وهو بقول: بدكن تسمعو منيح وتفهمو يمكن الحكي يلي بدي احكيه مايكون النا دخل فيه بس رح احكيلكن كل شي من البداية اسمعوني منيح وماتبلشو تعيطو وتبكو من دون ما نتأكد
هزو براسهن برعب وامو بتقلو: احكي
وسام بتركيز: شوفو الدكتور غيث دكتور نسائية ومرتو خبيرة بقسم طفل الأنبوب هي بتشتغل بعينات الأجنة
أبو وسام: أي كمل
وسام: من أكتر من سبعةوعشرين سنة راحت هاي الأم ثناء
اتطلعوا عليها بتركيز وهي زادت تبكي أكتر من قبل
كمل وسام بنفس اللهجة: جوز سناء ما بجيب ولاد أبداً حاول مع كتير أطباء ولما أجو لعند الدكتور غيث ثناء قالتلو انو يجيب نطاف سليمة من غير جوزا ليتم الحمل
شهقت أمو وهو بتقول: يالطيييييييييف ولاد حرام
صرخ علاء: أنت شو بتخبصي لااااا نحنا ماهيك
غرقو عيون أسماء بالدموع وبلشت تبكي معهن وثناء صارت ترجف وهي بتبكي كمان
غطا وسام وجهو بايدو وهو بقلو: إذا بتحكو حرف واحد ماعاد احكيلكن شي أبداً
ابو وسام بصرامة: اسكتو كلكن بدنا نسمع وبدي افهم شو دخل الحادث
وسام: اي لكملكن … الدكتور غيث صار يحاول يشوف منين يجيب نطاف … ثناء حكت مع الدكتور بالشهر الثامن وبعد خمس شهور اتصل فيها انو جهز نطاف يعني بالشهر الأول … بس حادث بابا صار ب 13/12/1988 وقالو بعد سنة صار الزرع يعني ممكن ما يكون منك
أبو وسام: انت بتقول انو أخد النطاف مني
وسام: أي هيك قال لما كنت بغيبوبة
شهقت ام وسام بصدمة وهي بتقول: كيف وهو بغيبوبة هاد عم يضحك عليكن في واحد بكون بغيبوبة بيقدر ياخدو منو هيك شي
أبو وسام: وأنا هيك بقول في شي مخبية عليكن وعم يحطو بظهري
وسام: مشان هيك كان بدي اعمل تحليل DNA لنتأكد من الجينات
أبو وسام: قوم خدني لعند الدكتور بدي احكي معو
وسام: بابا خلينا نتأكد أول
صرخ فيه: عم قلك قوم بسرعة
وقف وقال أنا رح جهز حالي وكلنا لازم نروح ونفهم من الدكتور ومنطلع منعمل التحليل واليوم
#بقلم_مروةآغا
وبالفعل صار متل ما قال بعد ربع ساعة كانوا واقفين عند باب غيث
غيث: اهلين بابو وسام بعد زمان
أبو وسام: كان ودي اني سلم عليك واتمنى تكون حمى ابني متل الأول بس يلي سمعتو عنك ما بسر القلب ولا الخاطر
غيث: للأسف هاد الواقع فوتو لنحكي جوا
دخلو الكل وقف وسام وهو بقول: وينا أماني
غيث: جوا بغرفتها بعدما عملت عملتك شو متوقع يصير فيها
وسام: قصدك عملتك أنت
دخل غيث على مكتبو وجاب ملف علاج ثناء ومروان وحطو قدامهم: اتفضلو هاد ملف العلاج
بالفعل كان مكتوب كل شي مع التواريخ
تاريخ 5/8/1988 أول زيارة لثناء
وتاريخ 9/1/1989تاريخ تاني زيارة وبدأ العلاج مع مروان
تاريخ 29/2/1990 تمت عملية طفل الأنبوب
ومكتوب بزاوية الورقة بقلم أزرق اسم (ربيع ال………)
أبو وسام لغيث: هاد اسمي أنا يعني بفهم انو مني أنا أخدت العينة
هز راسو غيث وهو بقلو: وهاد كان سبب رفضي لزواج وسام وأماني من البداية … مابدي يصير قرب من عيلتك
وقف ابو وسام(ربيع) وهو بقول: بدك صدق انو انا لما كنت بغيبوبة حضرتك إجيت وسحب مني النطاف ؟؟
اتنهد غيث وقعد وهو بيحكي وكل تفصيل عم يمرق قدام عيونو: أي طبعاً كنت أنت بغيبوبة وموصول بأجهزة طبية متل كأنك كنت بغرفة عمليات … وأنا بسهولة بقدر خدرك تخدير موضعي وأخد منك يلي بدي إياة وخصوصاً بعمليات صغيرة مافيها جراحية كبيرة
وسام: وعم تحكي بكل ثقة كأنك عملت إنجازغيث بإنكسار: كل شي انكشف مافي شي يتخبى
أبو وسام: كمل شو صار بعدين
غيث: ببساطة عن طريق أبرة خاصة فيها ابرة طويلة شوي بتدخل لجوا الخصية وبقدر اسحب النطاف السليم والغير سليم يعني بسحب كميات كبيرة وخلال نصف ساعة لازم يتم تجميد النطاف حتى ما تموت
أبو وسام: كيف يعني ماحدا حس من الدكاترة على اي شي
غيث: أولاً هاي بتنعمل بتخدير موضعي ضربتك ابرة بأخر بطنك ليتخدر القسم السفلي وبعدين عملتلك نخذة صغيرة بالخصية بالأبرة ولأنها طويلة شوي وعملية السحب رح تاخد وقت شوي أطول رح تسبب تورم ولون أزرق خفيف وهاي خلال أيام بتروح مارح تترك أثر
أبو وسام: وهلق أنا كام ولد بدو يطلع عندي غير هدول
غيث: بس هدول
أبو وسام: بلا كذب هلق يلي اخدتو مني بس عملت فيه عملية وحدة لكن منين الك كل هالعز
اتنهد وهو بقلو: هالعمليات عملتها لناس مدسمة معها مصاري كانت تدفع مبالغ كبيرة ماعملت كتير بينعدو على الأصابع بس اتطمن منك أنت بس هالولدين وعملت عدة عمليات وفي منها برضا الطرفين
شهقو كلن: شوووو
غيث: أي طبعاً برضاهن في عالم ما بتفرق معها وفي منن لجأو لبنك النطاف باوروبا جابو عينات وانا زرعتها بمبالغ كبيرة لان كنت اعمل هالشي بسرية بالمشفى بعدما صار في الي عدة اسهم فيها من المبالغ يلي كنت أخدها
ابو وسام: كيف بدي صدقك بعد كل شي صار
غيث: انتو عرفتو كل شي ماعاد في شي يتخبى
وسام: لازم نعمل تحليل DNA بأسرع وقت
غيث: اعملوا بس هاي الحقيقة
علاء: ونحنا بدنا نتأكد كمان
اتطلع عليه ربيع وهو بيتعمن فيه وبأسماء وشاف كيف عيونن غرقت بالدموع وثناء طول القعدة وهي بتبكي بصوت خفيف وكأنها بتنوح حدا ميت جديد
أما أم وسام ماكان عاجبها شي أبدا عم تطلع بالكل بعيون بتقدح شرار وكأنها حست أنهم رح يخطفولها جوزها وحياتها وراحتها منها بعدما دخلو هالأشخاص الثلاثة على حياتها
وسام: رح نتأكد من كل شي وإذا بيطلع أي شي كذب بدنا نخبر الشرطة
أبو وسام: تخبر شوووو أنت جنيت بدك تفضحنا يعني بكفي ولدنة هاد شي ما لازم ينحكى فيه
انكسر قلب علاء وهو بشوف هالزلمي يلي ممكن يطلع أبوه عم يحكي هيك عنن وكأنن شي عيب
ووقف وهو بقول: يلا نروح
وسام: بس قبل بدي شوف أماني
هلق سمع صوتها بتركض وبتتخبا جوا غرفتها
غيث بحزن: أماني هون وكانت بتسمع كل شي
أبو وسام: امشي نروح بلا أماني بلا بطيخ
وسام: أنت شو بتقول أنا مستحيل اترك أماني
أبو وسام: وأنا مستحيل خليك تتزوجها خلونا نطلع نحلل وبعدين منحكي بالموضوع
اتصل أسامة بوسام وهو بقلو: أسف والله ما فضيت اليوم لنطلع ع المشفى
وسام: خلص ماعاد الو لزوم
أسامة: ليش؟
وسام: لأن انكشفت كل الحقيقة بس شوفك بحكيلك
خلال ساعة كانو عند مخبر التحليل عم يعطو العينات أخدو من ربيع ومن علاء كان الكل قاعد ساكت وقلقانين عيونهم بس كانت عن تحكي … في منهم زعلان ومنهم مكسور ومنهم مستنكر الموضوع ومنهم لهلق مصدوم
أما وسام فكرو عند أماني وعم يدعي ربو الف مرة ما يكون التحليل صحيح ومايطلعو أخواتو لحتى مايخسر أماني … ونفس دعوة أمو طول الوقت عم تقول بقلبها (الله يبعدهن عني وعن ولادي يارب مايطلعو ولادو )
أما علاء وأسماء من جوا قلبهم عم يدعو يطلع هالرجال أبوهم مابدن يعيشو بهالحياة بلا أب ويصيرو ينادوهم الناس ولاد حرام
بس لو شو ماعملوا يمكن رح يضل هالإسم مرافقهم طول عمرهم
مااكتفو من مخبر واحد راحو لمخبرين تانيين وهني بحللو نفس التحليل لحتى يتأكدو
وبعدين الكل اتفرق ورجعوا لحياتهن بس هالمرة يفكر جديد مشغول
امو وابوه لوسام رجعو لبيتهم وكل واحد فيهن ملازمو صمت وجمود
وسام بقي بغرفتو وهو بحاول يتصل بأماني بس من دون رد
أما علاء واختو وامو إستأجرو بيت وتركو البيت القديم بعفشو وبلبسو وبكل شي فيه
والكل بقي ناطر خبر واحد وهو أي أو لأ
أول تحليل طلع بعد أسبوع اتصلو بوسام وخبروه ليجي يستلم التحليل
فتح باب البيت وهو بحط الظرف عند أبوه
أبو وسام بلهفة: احكي شو
ركضت أم وسام ووقفت عند الباب وكانت ناطرة
وسام: ايجابي بنسبة 99%
عض أبو وسام على شفايفو ووجهو صار لونو احمر وهو بقول: مابتحكي ولاحرف لحدا ليطلع التحليل الثاني والثالث
وسام: ماشي
قربت أم وسام من زوجها وهي بتقلو: وإذا طلعو ولادك شو بدك تعمل!؟
اتهد أبو وسام وهو بقول بحيرة: مابعرف والله مابعرف
ركا راسو على الكنبة وهو بدخن وبنفخ وعقلو صار بمكان تاني كلياً
اتصل علاء بوسام وهو بقلو: كيفك
وسام ببرود: بخير
علاء: طلعت النتيجة
وسام: كتير مستعجل
علاء: هني قالو خلال أسبوع
وسام: أي ما طلع شي بس يطلع بحكيلك
علاء بحزن: طيب ماشي عذبتك معي
سكر وسام الخط بوجهو وكأنو مابدو اياه يكون بحياتو أبداً
معقول غيران منن انن يكونو اخواتو وهو بهالعمر
قعد على سريرو وهو بيتصل بأماني بس ما ردت عليه
بعتلا رسالة كاتب فيها(مابدك تعرفي نتيجة التحليل)
فتحت عيونها مصدومة وهي بتتصل فيه
رد عليها بلهفة: أماني كيفك
أماني: ماني منيحة أبداً يا وسام تعبانة كتيروسام: سلامة قلبك يا حبيبتي
أماني: لساتني حبيبتك بعد كل شي عرفتو عن بابا
وسام: أنت قلتيها ابوكي ما دخلك أنت
أماني: مستحيل أهلك يقبلو فيي بعد يلي سمعوه
وسام: مادخل أهلي بقراراتي
أماني: لا يا وسام الله يوفقك مابدنا ندخل بهالدوامة
وسام: أنا مستحيل عيش بلاكي
أماني مغيرة الموضوع: شو طلع بالتحليل
وسام: بابا مابدو نحكي أبداً لتطلع كل التحاليل وأنت لا تحكي لحدا لو سمحتي
أماني: متل مابدك
وسام: طلع التحليل ايجابي
دمعو عيونها وهي بتقول: أبوك بكون كتير زعلان
وسام: أول مرة بشوفو هيك مهموم
أماني: أنا اسفة والله ماعرفانة شو احكي
وسام: لا تحكي إنت مادخلك بشي
هلق رجعت تبكي بصوت عالي وسكرت الخط بوجهو
وهو رجع يدق بس ماكانت ترد عليه
حمل كاسة المي وكسرها بالأرض من غضبو وعبت كل الدنيا مي وأزاز
دخلت لعندو أمو ملهوفة لما سمعت صوت تكسير
شافتو قاعد على سريرو مغطي وجهو بإيديه
أم وسام: شبك ياماما
وسام: رح اختنق
أم وسام: وجهك هالفترة شاحب … كأنو إجا حدا وسرق الحياة منو !؟
وسام: ماهي كل الحياة يا أمي
ضمتو لقلبا وهي بتهديه: لا تزعل ياروحي بإذن كل مشكلة وإلها حل
هز وسام راسو وهو بقلها: إن شاء الله يارب
*
وبعد عدة أيام كمان إجت باقي نتايج التحليل
حط وسام التحاليل الثلاثة قدام أبوه وأمو وأخواتو لأن خبروهم بالموضوع
وسام بقول لابوه: شو بدنا نعمل هلق
*يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴