المال الحرام - الفصل السابع - مكتملة | روايتك

المال الحرام الفصل السابع *قـصـص وروايـات عـالـمـيـة💙📚📖* *بإدارة* *يـامـن💙* *❴📖❵↵* *المال.الحرام.tt* *❴🔢❵☟الـــبـــــــــــ❴7️⃣❵ــــــــــــارت☟* ➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ *❴📖❵↵*تنسيق مشرفين مجموعة:* *❴📚❵↵*قصص وروايات عالمية📚💙* *❴💙❵↵*ننشر جميع انواع القصص والروايات العالمية* حـب💙. حـزن💙. اكشن💙. رعب💙. *❴👑❵↵*أن كنت من عشاق ومدمني القصص مكانك عندنا💙* *❴💙❵↵*رابط المجموعة للاشتراك:* ```https://whatsapp.com/channel/0029VaQogP17YSdATvOUwa1h``` ➖➖➖➖➖➖➖➖➖ فتح عيونو مصدوم وهو بقلو: لااااا معقول منك !!؟؟ لف لعندو وهو بقلو: لا لا مامني شو شايفني مجنون لحتى جيب كل هالولاد وسام: بس أنت خسرت ولادك وكأنه صابو بسهم بنص قلبو بصوت بيرجف قلو: أنت شو عم تخبص الحق عليي يلي دخلتك على بيتي وسام: أنا جيت لأعرف كل التفاصيل عن هالموضوع أبو أماني: وليش شو بهمك بكل هالموضوع عاملي حالك محامي الكل وسام: أنا بس بدي ساعد أبو أماني: لا تكون بدك تشكيني للشرطة ولا يمكن عم تسجلي أو بدك تبعت بنت متل المرة الماضية … روح بحال سبيلك أحسن الك ما تعرف شي مايعجبك وسام: شو في ليش كمان ؟؟ أبو أماني: أنت أخر واحد ممكن احكيلك هيك شي حاول وسام يهددو: بهيك وضع بقدر خبر الشرطة أبو أماني: هاد هو وجهك الأسود أنت من زمان بدك تخلص مني طلع برا المكتب ومشي لجهة باب البيت وفتحو لحقو وسام وقلو: أنا بدي ساعدك وساعد باقي الناس أبو أماني: لا كتير كريم … طلاع لبرا ما بدي شوفك أبداً قرب وسام وهو بقلو بهمس: قلي منين جبت أول عينة نطاف أبو أماني بصوت خفيف: إذا بدك تعرف روح شوف سجل مرضى الغيبوبة بالمشفى وفي شي رح تتفاجأ لما تشوفو وسكر الباب بوجهو وقف وسام مصدوم من مرضى كان ياخد العينات معقوووول شو تفكيرو هالرجال !! طلع وسام بسيارتو وهو بيحكي مع أسامة وسام: أي اسامة بدي منك نطلع سوا على المشفى متل المرة الماضية أسامة: ليش صار شي جديد وسام: أي في شي لازم أعرفو اسامة: اليوم مابقدر أبداً عندي شغل لبكرا المسا وسام بقلة صبر: ماشي بكرا منطلع سوا بعدما طالع مروان من السجن وتخلص شغلك ** تاني يوم…… دخلت أماني لغرفة أبوها شافتو قاعد بيقرا … الها من عدة أيام بتحاول ماتحتك فيه بشكل مباشر من بعد أخر مواجهة بيناتن هي ماعاد حكت معو وهو ما سأل كان دائماً عم يقعد بغرفتو وهي بس كان بدها اياه يطلع من غرفتو لتقدر تاخد المفتاح وتشوف شوفي جوا خزنة البريد سالها بقلق: بدك شي بلعت ريقها واتراجعت وهي بتقلو: جاي شوفك قبل ماروح على الشغل رجع راسو لكتابو وهو بقلها: سلامتك الله معك لهلق زعلان منها لأنها صدقت وسام وماصدقتو وعم يمثل تمثيل عليها انو مابدو يحكي معها رغم انو هالشي صعب كتير عليه … وهي قلبها عم بعمل حق بق لتعرف شوفي ورا ثناء بس ما قدرت تفتح السيرة مرة تانية مع ابوها لحتى تعرف كل شي ولو اتطرت تحكي مع ثناء شخصياً * على باب السجن كان واقف وسام عم يستنى مروان ليطلع قرب منو علاء وهو بسلم عليه: كيفك سلم عليه وهو مبتسم: اهلين علاء كيفك هز راسو بهدوء وهو بقلو: منيح الحمد لله … مطول ليطلع وسام: لا قالولي عم يرتب اغراضو … كيفك أنت دقق فيه وهو بقلو: ليش حاسسني قلبي في شي بدك تقلي اياه بس خيفان فتح عيونو وهو بقلو بتبرير: منين جبت هالكلام علاء: هيك عيونك عم يقولو وسام ليغير الموضوع: ليش بتقرأ لغة العيون هههههه هلق طلع مروان من الباب قرب منو علاء وأخد الشنتة وهو بقلو بلهفة: الحمد لله على السلامة بابا ابتسملو وسام وهو بقلو: الحمد لله على السلامة مروان بهدوء: الله يسلمكم وسام: اتفضلو لوصلكم مروان: مابدي عذبك وسام: مافي عذاب لما طلعو بالسيارة قال علاء: بابا بدك تروح لعنا على البيت مروان: لا رايح لبيت اهلي سلم على أمي وبعدين بجي بحكي مع امك ومنتفق على كل شي علاء: بدي روح معك شوف بيت جدي كمان مروان بحدة: لاخليك مع أمك بالبيت علاء: ماما رح تترك البيت بدا تشوف بيت تاني مروان: بس شوفها بحكي معها جوابو كان قاطع وكأنه مابدو حدا منن بحياتو وهالشي خلا علاء يشك أكتر * لما وصل علاء لبيتو كان عم يمشي بهدوء وهو شارد بس وقف لما شاف امو طالعة بسيارة تاكسي بسرعة البرق وقف سيارة تانية وطلع وراها وبعد وقت قصير شافها نزلت من السيارة واتجهت لكافيتيريا وشافا قعدت مع رجال كبير بالعمر بيطلع أكبر من أبوه لدقايق بقيو يحكو وبعدين شافو طالع ظرف كبير وحطو قدامها وهالظرف إذا فيه شي فأكيد هو مصاري بسبب حجمو … أخدتو أمو وطلعت من المطعم بنفس التاكسي أما علاء قرر يعرف مين هالزلمي وشو بدو من أمو وبالفعل لحقو لعرف مكان بيتو بالظبط ** بهالوقت كانت أماني واقفة عند خزنة البريد وهي بتفتحها بلهفة وكأنها رح تفتح كنز كبير أول ما اتصلت فيها سلاف وخبرتها انو ابوها طلع من البيت متل ما نبهتها من كام يوم اذا شافت ابوها طلع تحاكيها وهي بالفعل خبرتها ركضت وساقت بكل سرعتها لوصلت للبيت … أخدت المفتاح بالسر وطلعت باتجاه البريد وأخيراً بعد تفكير لأيام انفتحت الخزنة … وشافت فيها أوراق وملفات بايدين بترجف بلشت تفتح الملفات لتشوف شو فيهنكانوا سجلات خاصة بالمرضى … بس هالسجلات مبينة مصورة تصوير ما سجلات أساسية وكل سجل مرتب على حسب تاريخ معين وبكل ورقة في معلومات عن اسم الاب … اسم الام … نوع الجنين … زراعة نطاف أو بويضات … ومكتوب اسم الدكتور واسم مسؤولة قسم طفل الأنبوب وكانوا أمها وأبوها وتقرير كامل عن عملية طفل الأنبوب وأخر الشي بزاوية الورقة مكتوب إسم بخط الأيد … قلبت الورق بين ايديها وهي بتقرا لحد ما وصلت لورقة مكتوب فيها ثناء ومروان هلق قلبها هبط بين اجريها وهي بتهمس(ثناء ومروان زوجين … وواضح انهم عاملين زراعة عند بابا) شردت وهي بتقرأ التقرير وبهمس قالت شو استنتجت (ضعف نطاف وبعد العلاج تم الحمل بتوأم صبي وبنت) وبزاوية الورقة كمان مكتوب اسم بخط الأيد وانصدمت صدمة عمرا لما قرت الإسم (ربيع ال……) هالإسم بتعرفو منيح ومستحيل تنساه وهي بكامل صدمتها رجعت كل شي لجوا الخزنة وسكرت الباب وطلعت برا البريد وكأنها بتهرب وبتفكر شو دخل هالإسم بكل هالناس !! قعدت بسيارتها وهي بتفكر(ليش بابا ليخبي هيك سجلات بخزنة خاصة وهني لازم يكونو بسجل المشفى معقول في شي عاملو بعيد عن المشفى !!) رجعت بسرعة على البيت لترجع المفتاح ولما طلعت من الغرفة دخل أبوها من باب البيت وقف مصدوم وهو بقلها: أنت شو عم تعملي هون ماعندك شغل؟؟ بتلبك جاوبتو: أي بس أجيت أخد اوراق مهمة بسرعة طلعت برا باب البيت لحتى أبوها مايكشف كذبتها وبالفعل بلش يشك بتصرفاتها وهدوءها الزايد هالكام يوم فتحت الباب ونزلت على الدرج باتجاه المشفى … وعلاء كان واقف بالطابق يلي فوقها براقبها وسمع حديثها مع أبوها … وبسرعة طلع وراها بعدما وصلت للمشفى وعرف علاء مين هي ومين أبوها رجع لبيتو ليحاسب أمو ويعرف مين هالدكتور وليش لتاخد منو ظرف فيه كل هالمصاري طلع على الدرج وهو بشوف أسماء قاعدة مع بنت الجيران علاء: ليش قاعدة هون أسماء: بابا جوا عم يحكي هو وماما قالولي اطلع لبرا علاء بشك: من ايمات هو جوا ؟؟ أسماء: شي عشر دقايق قرب علاء من الباب وطالع مفتاحو شوي شوي وفتح الباب من دون ولا حركة … دور عليهن بعيونو وسمع صوتهن طالع من غرفة النوم دخل لجوا البيت وهو مقرر يسمع كل الحديث … لازم هلق يعرف وكل شي بسرعة دخلت أسماء وراه وسكرو الباب ووقفو عند باب الغرفة وهني بيتسمعوا ثناء: الله يوفقك لا تحكيلن شي والله إذا عرفو ليتركوني مروان: يمكن ما أققدر قلهن لان شي بوطي الراس بس أكيد ما بدي إياهن يضلو ورايي متل ظلي بكفي اتحملتن كتير ثناء: اعتريهم متل ولادك وانت ما جبت ولاد أبداً هني كتير بحبوك اتطلع علاء على أسماء بصدمة وهي كانوا عيونها غرقو بالدموع ومع هيك بقيو عم يسمعوا باقي الحديث مروان: بتعرفي من أكتر من عشر سنين قلت لارجع حلل شوف ليش لهلق ما حبلتي بعد هالتوأم ولما قلي الدكتور انو مستحيل جيب ولاد بهيك نطاف مشهوهة … ما صدقت الدكتور عدت التحليل ومرة واثنين وبغير مخابر وكلن كان نفس الكلام … بس لما عملت التحليل بمشفى الدكتور غيث قلي في ضعف خفيف رح ارجع أعطيك دوا لنقدر نعمل زرع متل قبل … كان عم يضحك عليي بدو يرجع يعطيني أدوية وفيتامينات على أساس مقويات وكمان هديك العلبة يلي فيها عسل ومكسرات ونوع خاص من الادوية هو على أساس اكتشفوا حطو فيهن !! … شفتي شقد انا كنت غبي … لا ولما قلتلو على الحاليل اتمنى يموت وما يواجهني … ولما سألتو منين جبت النطاف يلي زرعتن بمرتي ارتعب وعرف انو انكشف … بس هو كان اقووى مني وهددني وأنا كنت جبان وسكتت هو كان عم يحكي رغم انو الحديث ما جديد عليها بس كأنها بتسمعوا أول مرة كانت قاعدة وهي منزلة راسها بالأرض مكسورة بعكس اخر مواجهة كانت بيناتهن … كانت عم تحارب وتضرب وتتوعد لحتى ما تنخرب حياتها … بس شافت حالها إنها ماقد هالمواجة هي ضعيفة أي مارح تقدر تكون أققوى من مروان … لأن ببساطة رح تخرب حياة ولادها وهني الوحيدين المهمين بحياتها !! #بقلم_مروةآغا هلق أسماء صارت تبكي وهي بتشهق وعلاء عيونو جامد ما عم تتحرك وهي عم تدمع … معقول هني ولاد حرام معقوووول !! ماعاد يتحمل أكتر حط ايدو على مسكة الباب وهو بيفتحا وبيدخل لعندهن شهقت الأم برعب: أنتو شو عم تعملوا هون بتوتر قالت: سمعتو شو قال هز راسو علاء بانكسار وأسماء وقفت عند الباب وهي بتبكي قربت الأم لعندن وهي بتبررلن: لا تصدقو … لا تصدقو هالكلام ما صحيح أبداً أبوكن كبر وخرّف بس لما حكى مروان صدم الكل وهو بقول: لا هالحكي صحيح أنتو مانكن ولادي صرخت ثناء: لاااا أنت شو عم تقول مروان: هالقصة صار لازملها حد شهقت أسماء ووقعت بالأرض وعلاء بلش يبكي متل الولاد الصغار علاء بصوت بيرجف: كككك…كيف هيك قربت الأم وقعدت بقرب أسماء وهي بتهديها: ماما لاتصدقيه الله يوفقك ضمتا لحضها وهي بتبكي معها أما علاء وقف بكي وهو بقلها: وهاد الرجال يلي أخدتي المصاري منو اليوم هو ابونا فتحت عيونها مصدومة من كلامو وشهقت: أنت شو بتخبص مروان بشك: من مين أخدتي مصاري ثناء: مادخلكن فييقرب مروان ومسكها من ايدها وسحبها وهو بقول: ثناااااء احكي أنت لساتك على ذمتي ثناء: قلتلكن مادخلكن علاء: أنا لحقتو وعرفت انو دكتور هيك مكتوب على باب بيتو مروان بصدمة: كنتي عند غيث ثناء بتبرير: قلتلكن مادخلكن فيي أنا ما عم اعمل شي يغضب ربي مروان بصراخ: لسا الك عين تحكي وتردي جوابات وأنت عاملة كل هالعمايل ثناء: أنت تركتني وبدك تروح وأنا من حقي عيش ضربا كف وهو بقلا: لك لساتك على ذمتي ع القليلة لطلقك فلتي على حل شعرك ثناء بشراسة: خرااااس أنا ماخاينة صرخ علاء فيهن: خلاااااص احكو كل شي وفهموني وهلق هلق قال مروان كل شي وكأنه بدو ينتقم منها: أنا مابجيب ولاد من زمان بعرف من أول ما اتزوجت جربنا وماخلينا دوا ولا دكتور يعتب علينا ثناء بترجي: مروان بكفي قرب علاء وسحب مروان وهو بقلو: كمل لا تسمع أنا مستحيل اسكت عن شي بعد هاليوم ومروان كمل كان بالأول عم يسكت بس هلق مافي شي يخليه يسكت خصوصاً بعد فعايلها يلي ماعم تخلص: وبعدين ذكرولنا دكتور لنعمل تلقيح صناعي وهاد كان أخر اختيار النا … عملنا كل التحاليل اللازمة وأخدنا العلاج وبعد سنة تقريباً وصار الحمل واجيتو انتو … بس لبعد عدة سنين كنتو كبرتو شي 8 سنين حاولت انو نجيب ولد تاني أخ أو أخت رجعت عملت التحاليل من دون علم امكم وكان كل شي صفر وقلي الدكتور مستحيل اني جيب ولد علاء بانكسار: أي وبعدين كيف صار حمل وأنت ما بتجيب ولاد حطت ثناء ايدها على قلبها وهي بتقول: خلص … مشان الله خلص وأسماء كانت لساها بالأرض بتبكي وبتشهق من كل قلبها مروان: الدكتور غيث كان يجيب نطاف من رجال تاني وحطها لأمك هلق علاء وقع على الارض مكسور الخاطر وبقربو كانت أسماء لسا على وضعها قربت منن ثناء وضمتهن وهني بيبكو سوا رفع راسو علاء وواجهها بعيون بتقدح شرار وقلها: أوعك تقربي ثناء: أنا أسفة علاء بصوت مهزوز: أنتو أكتر ناس حبيتن وأكتر ناس بهالوقت بكرهن مروان وهو طالع: فيكن تضلو بالبيت رح سجلو بإسمكم علاء بصوت عالي وهو بهدي أسماء وهي بحضنو: تعال خود بيتك نحنا مابدنا شفقة ووقف وقلها لاسماء: حاج تبكي نحنا لازم نكون قوايا لنواجه كل شي ثناء برعب: شو قصدك بدكن تتركوني مارد عليها لف لجهة ابوه وهو بقلو: هاد البيت الك ونحنا رح نتركو واسكن بمكان تاني اتطمن مارح ازعجك بقربي منك وحبي إلك بعد اليوم رجف مروان من جملة علاء وحس هلق انو خسر شي مهم كتير ومستحيل يقدر يعوضو التفت لعند أسماء وهو بقلها: أنا راجع بس في شي مهم لازم أعملو طلع علاء ومشي بشوارع البلد مسك جوالو وهو بيتصل فتح الخط وهو برد: الو علاء: وسام كنت بتعرف أصل المشكلة وسام: أي مشكلة؟؟ علاء: مشكلة ماما وسام: أنت كيف عرفت؟؟ علاء: سمعتن عم يحكو وهلق بابا سكت وهو بعيد كلامو: قصدي مروان قلي كل شي شهق وسام: كييف !! وأختك كيفا ؟؟ علاء: أسماء تركتها بالبيت مع ماما وهلق رايح اخرب حياة الدكتور فتح عيونو وسام بصدمة وهو بقول: أي دكتور ؟؟ علاء: الدكتور يلي عمل العملية عندو بنت رح احكيلا كل شي عن ابوها وسام بصرااخ: لاااا لااا أوعك تحكيلا علاء: متل ما خربلنا حياتنا بدي أخربلو حياتو سكر الخط بوجهو وهو واقف عند باب المشفى وفوراً طلع لعندها على مكتبها دق الباب ودخل كانت قاعدة عم تكتب وصفة دوا لبنت صغيرة مع أمها أماني: لو سمحت استنى برا لخلص لما رفعت راسها وشافتو فوراً عرفتو … وقفت مصدومة وهي بتقلو: مين حضرتك علاء: ليش حاسس انك بتعرفيني أماني: لو سمحت ثواني بس طلع علاء وسكر الباب بسرعة كملت كتابة الوصفة وعطتها للمريضة وهي بتشرحلا كيف تاخد الدوا وطلعت لعند علاء يلي كان بيستنى عند الباب أماني: اتفضل علاء: مشان ماطول عليكي أنا جاي لخبرك شي خطير عن أبوكي أماني بترقب: إحكي علاء: أبوكي من زمان عملها عملية لماما طفل أنبوب بلعت ريقها وعيونها دمعوا وهي بتقلو: أي علاء: وزوجها ماكان بجيب ولاد أبداً بشهادة كتير أطباء رجفو شفايفها وهي بتهمس: أأأيييي علاء: وإنت دكتورة وبتعرفي قولك منين ابوكي جاب وزرع طفل انبوب لماما وأجيت أنا وأختي فوراً أماني لمع براسها الإسم المكتوب بزاوية الورقة … هاد الشخص الدخيل على هالعملية أكيد منو هو قعدت على الكرسي مهدود حيلها وهو كمل وقلها: أبوكي خرب حياتنا ولساه لهلق بقابل ماما وبيعطيها مصاري لتسكت واليوم عرفت كل شي وانا من زمان بحاول أعرفو وافهم سبب كره بابا النا وهلق عرفت … جيت خبرك لأخرب حياة أبوكي حطت إيديها على وجهها وهي بتبكي علاء: مصدقة كلامي مافيها تنكر أو تكذب هي شافت كل الملفات الخاصة بالمرضى وهاد الشي الوحيد يلي بيشرح شو معنى أبوها يخبي سجلات بعيد عن الناس هلق وصل وسام وقف مصدوم قدام باب مكتبها وهو بيلهت من كتر ماركض التفت لعند علاء وهو بقلو: شو عملت !! مارد عليه بقي عم يتطلع بعيون مذنبة رفعت عيونها لجهة وسام وهي بتقول: كنت بتعرف !؟ قرب وسام منها وهو بقول: ارتاحي هلقوبالعكس ماارتاحت زادت من شهقاتها أكتر وبلش جسمها يرجف بلوم اتطلع وسام على علاء يلي اتلبك قرب منها علاء وهو بقلها: أنا أسف كنت كتير معصب من يلي صار وقلت لاخرب حياة الدكتور يلي خربلنا حياتنا صرخ وسام فيه: علاء خلص روح علاء: بدي أعرف مين هو ابي رفعت عيونها أماني مصدومة وهي بتفكر (معقول يكون بابا أو لا يمكن عمو ربيع !!) هلق رجعت تبكي أكتر من الأول قعد وسام على ركبو قدامها وهو بقلها: لا تزعلي كل شي كان ماضي أماني: ليش ما قلتلي وسام: كيف بدك خبرك هيك شي أماني بحزن: بس بابا وماما ما بيعملوها وسام بترجي: ارتاحي هلق … ماتبكي مشان الله مابهون عليي علاء: أنت بتعرفها !! وسام: روح مشان الله انت أصل البلا علاء: لا والله ماحدا غير ابوها اصل البلا انا رايح افضح الدنيا كلها فتحت عيونها أماني مصدومة وهي بتشهق ووسام لحق علاء ليسكتو بسرعة وقفت وبدلت تيابها ونزلت وراهن كان علاء ركب بتاكسي ووسام طلع بسيارتو وهي ركبت بقربو اتصل وسام لعند ثناء وهو بقلها: ابنك خرب الدنيا اجا لعند بنت الدكتور وحكالها وكمان هلق رايح لعند الدكتور يسألو مين أبوه الحقيقي ثناء: ياااخ شو عمل هالولد أنا جاي لبيت الدكتور … يلا جاي وصل علاء قبل وهو بدق الباب بقوة فتح الباب غيث وهو بقلو: شوو فايت على خان !؟ من دون مقدمات قلو علاء: أنا أبنها لثناء وعرفت كل شي وهلق جيت لعندك لاعرف الحقيقة فتح عيونو مصدوم وسلاف كانت واقفة وواه التفت لعندها وهو بقلها: سلاف روحي اليوم لبيتك سلاف: بس الطبخة غيث: اطفي تحت كل شي وطلعي خلال لحظة بس كانت طالعة من البيت وعيون غيث وعلاء عم تقدح شرار دخل علاء لجوا البيت وسكر الباب وراه غيث: شو بدك !؟ علاء: بدي اعرف مين بابا غيث: مابعرف علاء: بنتك صارت بتعرف لف لعندو ومسكو من رقبتو وهو بقلو: أنت شو بتخبض علاء من دون شعور: أنا قلتلها هلق بلش يضربو على وجهو من دون مايدافع عن حالو أبدا … كان بيضحك وبيبكي بوجع وصلت أماني وفتحت الباب ووراها كان وسام اتطلعت عليه بعيون مكسورة نزل ايديه عن علاء وقرب من بنتو وهو بقلها: لا تصدقي كلو كذب بكيت أماني وهي بتقلو: ياريت … ياريت يا بابا بس أنا شفت سجلات المرضى بخزنة البريد بلع ريقو بانكسار وهو بقلها: كل شي كان كذبة … حياتي قبلكن كانت كذبة علاء: هلق احكولي مين ابي بقي غيث ساكت مابدو يحكي التفتت أماني لعند علاء وهي بتقول: مكتوب بالورقة اسم ربيع وبسرعة لفت راسها لعندو وفورا شافت اللون كيف انسحب من وجهوا شوي شوي *يـــــــــ͢ـོ͓ـــتبــــــــــــــོـ͓ـــ͢ــ؏* ➖➖➖➖➖➖➖➖➖ *❴📖❵↵*تنسيق مشرفين مجموعة:* *❴📚❵↵*قصص وروايات عالمية📚💙* *❴💙❵↵*ننشر جميع انواع القصص والروايات العالمية* حـب💙. حـزن💙. اكشن💙. رعب💙. *❴👑❵↵*أن كنت من عشاق ومدمني القصص مكانك عندنا💙*