المال الحرام - الفصل التالت - مكتملة | روايتك

المال الحرام الفصل التالت *قـصـص وروايـات عـالـمـيـة💙📚📖* *بإدارة* *يـامـن💙* *❴📖❵↵* *المال.الحرام.tt* *❴🔢❵☟الـــبـــــــــــ❴3️⃣❵ــــــــــــارت☟* ➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ *❴📖❵↵*تنسيق مشرفين مجموعة:* *❴📚❵↵*قصص وروايات عالمية📚💙* *❴💙❵↵*ننشر جميع انواع القصص والروايات العالمية* حـب💙. حـزن💙. اكشن💙. رعب💙. *❴👑❵↵*أن كنت من عشاق ومدمني القصص مكانك عندنا💙* *❴💙❵↵*رابط المجموعة للاشتراك:* ```https://whatsapp.com/channel/0029VaQogP17YSdATvOUwa1h``` ➖➖➖➖➖➖➖➖➖ طلع وسام من باب السجن وهو لساه مصدوم من كلام مروان … معقول كل هالقد صارت هالأمور سهلة عندهن … معقول كرمال شوية مال يبيعو دينن ومعتقداتهم … وتتحول لمال حرام !! قعد بسيارته وشغلها وهو بدور براسو أخر كلام قالو مروان (بدي تعرفلي اسمو ووينو هلق وشو صار فيه لازم يتعاقبو أنا هلق صرت جوا وهاد يلي كنت خايف منو بس هلق ماعاد في شي خاف منو لازم الكل يتحاسب) اتنهد وهو بيهمس: لازم حل هالقضية … لحتى اققدر كمل اخر مشواري بهالمجال شغل سيارتو وبراسو عم تدور كتير أفكار وماعرفان من وين رح يبلش وشو يعمل … بس بلحظة خطرتلو فكرة وقرر انو ينفذها وصل عند دائرة الأمن نزل من السيارة وهو بيحكي تلفون: الووو … أهلين حبيب … شو وينك … والله غاطط بهالشغل شو بدنا نعمل … أنت بمكتبك … بدي منك خدمة … أنا داخل لعندك قعد عند المكتب وهو بيحكيلو شوية تفاصيل وختم جملتو وهو بقول: بدي اياك تساعدني أسامة: ليش بدك تدخل حالك بهيك قصة قديمة وسام: لازم كمل هالقضية واكسبها لحتى أوصل لمشروع التخرج يلي بجهزلو من زمان وهالقضية بقدر ضيفها لسلسلة نجاجاتي أسامة: بس هالشي بدو تعب وشغل أنت ماعندك أسماء أي حدا فيهن ويمكن يكونو كلن ماتو وسام: أنا هاد يلي بدي اعرفو أسامة: طيب أنا شو بقدر ساعدك وسام: بدي تروح معي أنت صلاحياتك أكبر ورح يوافقو يدخلونا لنشوف الأرشيف أسامة: أنت جنيت أكيد وسام: له يا أسامة مابدك تساعد رفيق عمرك وابن عمك أسامة: لك بفديك بروحي بس هاد شغلي مابدي غامر فيه وقف وسام بدو يمشي وهو بقول: معك حق يلا براحتك … بس يلي حكيناه بدو يضل سر بيناتنا أسامة: له يا شريك أنا متدرب كتير كيف خبي أسرار مهنتي … رغم انك ماحكيتلي كل شي قلتلي بس أوراق وسجلات هههه وسام حاول يغيظو: لو ساعدتني بحكيلك أسامة: طيب موافق روح معك بس إذا صار أي شي ما بالحسبان أنا مادخلني وسام: اتفقنا كل واحد ركب بسيارتو لحتى وصلو للمكان يلي بدن يروحو عليه ودخلو سوا رفع أسامة هوية الأمن قدام موظف الريسبشن وهو بقول: جينا أنا والمحامي عنا قضية وبدنا ندخل غرفة الأرشيف _ اهلين ثواني بس إسأل المدير سكر الخط وهو بقول: تمام ماعندو مانع بس بدنا نعرف لشو اتلبك أسامة وهو بقلو: قضية قديمة كتير وفيها أسماء لدكاترة بدنا نعرفهن _ أنا فيني ساعدك شو إسم الدكاترة وسام: نحنا جينا لنعرف أسمائهن _ طيب أي سنة وقف وسام وهو بيتذكر عمو علاء وقلو: من خمسةوعشرين سنة تقريباً وقف الموظف وهو بقلو: اتفضلو معي دخلو سوا لغرفة الأرشيف غرفة كبيرة كتير وكلها دروج وخزن …كان فيها ملفات لكل المرضى يلي دخلو لهالمشفى من لما فتحت كلو برتبوه على حسب التاريخ مشي الموظف وهو بقول: من خمسة وعشرين سنة يعني سنة 1990 وقف قدام خزانة طويلة وهو بقول: هاي سنة 1990 فيها سجل المرضى والدكاترة المسؤولين شو إسم المريض قرب وسام وهو بقول: معلش نحنا نشوف حرك كتافو هو بقلو: أنا كنت بدي ساعدك على كلن إذا بتعرفو بأي شهر بتسهلو عليكن أسامة: تمام شكراً كتير _ أنا رح استناكن هون عن الباب وسام: كتير منيح لما طلع قرب وسام طالع جوالو وهو بيقرأ شو قلو مروان تواريخ… بالشهر الثاني سنة 1989 بلشو علاج بالمشفى وبعد سنة عملوا عملية الزرع بالشهر الثاني سنة 1990 راح لقسم امراض النسائية والتوليد وللشهر الثاني وبلش يمشي على الأوراق والسجلات اسم اسم … وبعد نص ساعة طلعلو اسم ثناء ومروان قرب أكتر وهو بيقرا اسم الدكتور وعيونو كانت عم تتوسع شوي شوي بصدمة وهو بشوف الإسم قرب أسامة وهو بيسألو: شو اسم الدكتور؟ وسام: مستحيل صدق أسامة: لك شبك وسام: هاد الدكتور غيث ال.... أسامة بصدمة: ماغيرو !!!! وسام: هيك مكتوب … هو أصلا هالدكتو مرتو بتشتغل معو هون بنفس المشفى وبنفس القسم بعرف أسامة: معناها هدول هني وسام: لازم نسأل ثناء لنتأكد حمل جوالو وصوّر كل شي أوراق بتوثق كلامو وطلع برا الغرفة أسامة: شكرا الك عذبناك معنا _ ولو ماعملت شي بتمنى كون فدتكن أسامة: إن شاء الله وسام: بدي إسألك عن الدكتور غيث هو ترك الشغل هون؟ _ أي من لما اتوفا ابنو ترك الشغل وقعد ببيتو وهو أصلاً صار كبير على الشغل وسام: طيب أنت كنت بتعرف شي عن شغلو السابق؟ _ كيف يعني وسام: يعني هو دكتور شاطر كتير بشغلو وكل عملياتو كانت ناجحة شو السر ورا هالشي _ صح من لما راح اغلب العمليات صارت تفشل وسام: برأيك شو السبب _ بصراحة مابعرف وسام: طيب شكرا الك أبستم أسامة وهو بقلو: يعطيك العافية لما مشيو شوي ووصلو لباب المشفى شافا واقفة عند الباب وقدامها الدكتور يلي شافو قبل بيوم معها … وقف وهو بيتطلع عليهن قرب أسامة وهو بقلو: هاي أماني ماهيك … بتشتغل هون يعني وسام: أي يلي عرفتو انها اتخرجت وبلشت تدرب هون … وليك هاد زوجها ضيق أسامة عيونو وهو بقول: بس ما مبين عليه زوجها وسام: كيف يعني؟؟أسامة: لو كان زوجها كان حكيهن مع بعض غير ماشايفها كيف بتحكي معو وهي متلبكة ما عم تطلع عليه ولا حتى منسجمة بالكلام أنا بعرفها من لما كانت معك وكنا بسن الجامعة وروح لشوفك بكليتك ونروح سوا لكلية الطب … وهلق قدامي واقفة وحدة تانية وقف وسام وهو بدقق فيهن ورجع لنفس عامل الريسبشن قرب منو وهو بيسألو: هلق بدي إسألك الدكتورة أماني متزوجة !؟ _ الدكتورة أماني لا ما متزوجة بس الكل بقول يمكن خطبتها عن قريب للدكتور إيهاب بس مابعرف ليش طولت كل هالقد فتح عيونو وقلبو بلش يخبط جوا ضلوعو رجع لجهة الباب وهو بيهمس بصوت ما مسموع: يعني في أمل !! أسامة: لا تنسى أنت تركتها كل هالسنين وسام: تركتها لأن هي بدها … أسامة: ليكها داخلة روح احكي معها ضربو على كتفو وهو بكمل بحماس: موفق بس إذا في أمل أوعك تضيع الفرصة … لان أكيد رح تكون الفرصة الأخيرة ابتسم وهو بحاول يرتب تنفسو… وأفكارو… وكلامو… ركب الدكتور بسيارتو وهي دخلت لجوا المشفى لما دخلت وقفت مصدومة وهي بتقلو: أستاذ وسام خير إن شاء الله فيك شي وسام: دكتورة أماني فيكي تفحصيني كتير تعبان اتلبكت وهي بتقلو: بس أنا دكتورة أطفال ابتسم وهو بقلها: يعني حققتي حلمك هزت راسها من دون ما ترد بس هو قلها: بس أنا ماحققت حلمي … بعد يلي صار اتحول حلمي وصار شي احلى بكتير … مابقولو عسى أن تكرهو شيئاً وهو خيراً لكم أماني بانزعاج: صح أنا كنت شر إلك وأنت شر الي لو كنت معك أكيد ما كنت حققت حلمي وصرت طبيبة أطفال وسام: طيب أنا رايح جيب ولد صغير لتعالجية لاققدر احكي معك أماني: مافي شي ينحكى وسام: وحياتك في كتييير أماني باعتراض: لو سمحت وسام: قبل كنت عم بعد عنك لان كنت مفكرك متزوجة وخلص معاد اققدر قرب منك … بس هلق عرفت انك ما متزوجة وهداك القايس حالو بالمسطرة بدو يصير خطيبك … وأنا مستحيل اسمح أماني بانفعال: لكن كيف سمحت كل السنين الماضية تركتو ومشيت وهي بتحاول تخبي دموعها وقف مصدوم من جملتها كانت عم تستناه !! عم تعاتبو لان طول عليها الغيبة !! معناها لسا بتحبو !! ابتسم بفرح وهوي بيلحقها وشافا واقفة عند باب المصعد لما انفتح الباب دخلت ولما بدو يدخل وراها رفعت ايدها قدامو وهي بتقول: أنا مابطلع بالمصعد مع حدا غريب فتح عيونو ومط شفايفو وهو بقول: هلق أنا صرت غريب !؟ جاوبتو أماني بكلمات إلها معنى: متل ما سمعت طبعاً غريب … ليش من إيمات كنت قريب؟ وسام بتحدي: بتحبي ذكرك شكلك نسيتي !! ومن دون ما تتركلو مجال ضغطت زر رقم الطابق واتسكر الباب بوجهو وقف وهو بيرفع حاجب وبنزل حاجب وبيهمس: عم تحطي حواحز … والله بدها تتعبك الدكتورة معها يا ولد … بس والله لألحقك لأخر الدنيا رفع راسو وهو بشوف رقم الطابق الخامس … وطلع ركيض على الدرج لوصل للطابق الخامس وقف قدام باب المصعد شافو مفتوح همس بقلبو (معناها وصلت قبلي !!) مشي بين غرف المكاتب وهو بيلهت لحتى قرأ إسمها على باب مكتوب عليه (الدكتورة أماني) ابتسم وهو بدق الباب وإجاه صوتها من جوا بتهمس (اتفضل) فتح الباب وشافها بتزر أخر زر بجاكيتها الأبيض الخاص بالشغل قرب وهو بقلها: أنا مريض ممكن تفحصيني أماني: لو سمحت عندي مرضى بدي شوفن وسام: بدي احكي معك لو سمحتي اشفقي عليي طلعت خمس طوابق اليوم كلو بدي ضل معضل من ورا هالطلعة خبت ابتسامتها وهي بتقول بجدية: وسام أنا وأنت مابقي شي بيناتنا خلص كل شي انتهى وأنا هلق صح ما متزوجة بس مخطوبة وعيب احكي مع حدا غريب وسام بغضب: حاج تكذبي لسا ماخطبك أماني: بس طلبني وأنا وافقت دبلت ملامحه وهو بيسألها: بتحبيه؟ أماني: أنت شو رأيك واحد وبدي اتزوجو شو بدو يكون وسام بعصبية: كذابة أماني بحدة: مابسمحلك وسام: أنت لهلق بتحبيني أماني: كتير مغرور بعدين أنت اتزوجت وصار عندك ولاد متل ما قلت وسام: اااه يعني مشان هيك وافقتي لأنك عرفتي اني متزوج !! أماني: لا قرب وسام منها وهو بقول: اتطمني أنا ما اتزوجت وحتى مافكرت بولا وحدة غيرك أماني: حاجتك كذب نسيت يلي صار معنا من سنين وسام: أنا وإنت منعرف شو صار من سنين ومنعرف مين السبب أماني: المهم صار وخلص نحنا ماظبطنا مع بعض الله يوفقك أنا مابصير احكي معك لا ديني بيسمحلي ولا حتى منظري قدام الناس وسام: حاضر معك حق بس حطي براسك أنا مستحيل اتركك بعد ما لقيتك لو شو ما صار … انت الشي الوحيد بحياتي يلي دائما كان يذكرني انو عندي قلب التفتت لجهته والتقت عيونن ببعض وقرأ كل منن شو عم يدور جوا قلبهن من كلمات … عكس تماما الحكي يلي كانت بتقولو قدامو طلع برا المكتب وهو بيبتسم ابتسامة مريرة … ورجع نزل على الدرج وهو بكامل طاقته لوصل لسيارتو وهو بيتنفس بصعوبة من تعبو … رفع راسو للسما وهو بيبتسم ابتسامة حلوة كتير فرحاً ببداية حياتو الجديدة وصل على البيت كانوا أبوه وأمو مجتمعين وعم يشوبو قهوة حمل فنجان أمو وهو بقلها: دخيل قهواتك شو طيبين أبو سام: شو بلاقيك اليوم فرحان وسام: أي والله يا أبيأم وسام: تقبر قلبي يا أمي وأخيراً بدي افرح فيك وقف ساكت وهو بقلها بصدمة: شو قصدك!؟ أم وسام: اليوم رحت مع خالتك وشفنا بنت ماشاء الله كاملة مكملة واتفقنا على الشوفة يوم الجمعة وسام بتوتر: بس أنا مابدي شهقت أمو وهي بتقلو: شووو بدك تسودلي وجهي قدام الناس وسام: ماما الله يوفقك أنا هلق مابدي اتزوج لاتخرج بعدين امبارح لسا قلتلك ما صدقتي تروحي تخطبيلي أم وسام: لك أنا بدي افرح فيك وشوف ولادك قبل ما موت ضمها وسام وهو بقول: بعيد الشر عن قلبك هلق بلشت تبكي وهي بتقلو: مابدك تتزوج وتفرحنا فيك وسام: أكيد بس مع البنت يلي بدي اياها أم وسام: أنت خيفان هالبنت تطلع غير أماني وتبلش تقارنن ببعض بس حط براسك انو أماني بتكون اتزوجت وبكون صار عندا ولاد وأنت لساتك عايش على أطلالها وسام: ماما أنا وقفت ورفعت أصبعتها قدامو وهي بتقلو: مارح احكي معك لتوافق تروح تشوف العروس وسام: ماما الله يوفقك لا تعملي هيك فيي مابدي اظلم البنت أم وسام: وأنا مابدي تظلم حالك خلص بكفي الماضي مات وسام: بابا قلها أبو وسام: معها حق أم وسام: إذا ما بتروح بتشوف العروس لا أنت ابني ولا بعرفك فتح عيونو وصار ينفخ بعصبية ودخل غرفتو أخد اغراضو يلي كان جاي كرمالن وطلع من البيت وهو بيخبط الباب وراه أبو وسام: تقلتي العيار معو أم وسام: لك قلبي محروق من أربع سنين كان لازم يكون متزوج وهو لسا بيتماهل أبو وسام: معو حق صعب ينساها أم وسام: والله لو في أمل أنا بساعدو بس خلص هي راحت بحال سبيلها أبو وسام: الله يختار الخير * #بقلم_مروةآغا ركب وسام بسيارتو وهو بحاول يهدي حالو … بشو ورط حالو !؟ هلق أمو مستحيل تتراجع عن كلامها شغل السيارة وهو بنفخ بعصبية بعد ساعة كان قاعد مع مروان بغرفة الزيارة وهو بقلو: لقيت الدكتور اسمو غيث ال…… مروان: أي صح بتذكر اسمو غيث بس ماعرفان الكنية بالظبط بس ثناء حاولت بشتى الوسائل تخفيه وسام: أنت هلق بدك بس تقدر تاخد مصرياتك من ثناء ما هيك وغيث مجرد ابتزاز الها مروان: أنا ماهمي شي بدي بس اطلع من هون وأخد حقي واترك الكل وسام: ماشي أنا رح ساعدك ورجعلك كل شي رجع لمكتبه جهز الأوراق اللازمة وفتح جوالو وهو بدق تلفون وسام: كيفك علاء علاء: أهلين أستاذ شو صار معك وسام: بدي اجي احكي مع أمك فيك تدلني على البيت خلال ربع ساعة كان قاعد قدامها وسام: أنا أسف لأن أجيت وزعجتك التفتت ثناء لعند ابنها وهي بتقلو بصرامة: روح قلا لأختك تعمل قهوة وماتجو لخبركن وسكر الباب وراك بانزعاج مشي وطلع وعمل متل ماقالتلو ثناء: شو بدو مروان وسام: صراحة حكالي كل شي وقفت وهي بتقول بصدمة: شووو عملها قليل الأصل وسام: أنت برأيك في رجال بيسكت عن هيك شي ثناء: هو كل هالسنين كان راضي وساكت وسام: لان كان في مين يهددو … هو كان خايف من السجن أو انو يخسر مصاريه … وهلق دخل السجن وخسر مصرياتو عادي ينقلب ضدك ثناء: شو بدو يعني هلق وسام: بدو يرفع قضية ضدك وضد والدكتور غيث ال… ثناء بانفعال: وأنت شو عرفك باسمو كمان؟؟ وسام: قلي زوجك انو نسيان اسم الدكتور وأنت ماحاولتي تذكريه فيه بس أنا عرفتو ثناء: يعني هلق شو بدك وسام: بدي دافع عن موكلي ثناء: يعني فهمني شقد بدك؟ وسام: اكسب القضية ثناء: ليش اذا عطيتك مصاري بترتاح وسام: لا في شي أهم ضحكت وهي بتقلو: أنت موضوعك ما بس مصاري في شي تاني وسام: صح ثناء: شو هو وسام: هاد شغلي لحالي المهم أنا جاي اعطيكي أوراق القضية يلي رافعا زوجك ثناء: وشو رح يصير بعدين شهقت وهي بتشوف شو مكتوب فيها ثناء: بس هيك الولاد رح يعرفو فتح الباب ودخل علاء وهو بقول: شو بدنا نعرف ثناء بغضب: طلاع لبرا علاء: لا بدي افهم ثناء بصراخ: خلص بكفي طلاااع وقف وسام وهو بقول: مافي شي بس أبوك رفع قضية طلاق على أمك علاء بحزن: ليش كل هاد؟ ثناء: خلص حياتنا صارت مستحيلة مع بعض وسام: أنا عن إذنكن لازم إطلع لما اتسكر الباب عليه ضمت الأوراق لحضنها وركضت ثناء لغرفتها وسكرت باب الغرفة عليها وقفلتها … وبلشت تدور عن ورقة قديمة بين أوراق كتير ولما لقتها حملتها بين ايديها وهي بتقرأ الرقم المكتوب واتصلت فيه _ الو ثناء: مرحبا دكتور غيث أنا ثناء المريضة عندك اتذكرتني غيث: : أي أي اتذكرتك … زوجك رجع حكا شي؟؟ ثناء: أي حكا كل شي للمحامي ورفع علينا قضية بالشي يلي صار من زمان واليوم إجا المحامي وعطاني أوراق القضية غيث: شووو لك الله لا يوفقك لا أنت ولا زوجك ثناء: أنا شو دخلني غيث: شوفي أنا طالعوني برا القضية وإلا والله مابتعرفو شو بصرلكن ثناء: يعني شو بدو يصير أكتر من يلي صار أنا رح أخسر ولادي غيث: أنا ما دخلني قوليلن إنك أنت يلي عملتي كل شي وإلا بحرمك من ولادك للربد سكر بوجها الخط وقعد على سريرو وهو لأول مرة بحس بالخوف … كل شي عم يدور حواليه معقول هلق نهايتو وكل شي عملو رح ينكشف !! وبعد نص ساعة اتحرك من مكانو على رنة باب البيت فتح الباب شاف قدامو شباتنهد وهو بقلو: اتفضل مد ايدو بأوراق وهو بقلو: هاي الأوراق بعتن معي شب وقال سلمك إياهن اذا ما اتعاملت بالحسنى رح يقدم الأوراق للمحكمة وترتفع قضية نظامية وتدخل السجن أخد الأوراق منو والشب مشي بسرعة … سكر الباب وهو بيقرا شو مكتوب لوصل لاسم المحامي … لمعوا عيونو بشراسة وهو بيتذكر صاحب هالاسم كتييييير منيح……… دخل على غرفتو وسكر الباب وراه … رمى الاوراق على السرير ورجع دق لثناء غيث: وصلتني أوراق المحامي وقال لسا ما رفع قضية مجرد تخويف أنت اعملي يلي بدو اياه زوجك وقولي للمحامي مافينو يثبت هالشي عليي ثناء: وأنا قلت هيك مافي إثبات أبداً غيث: أنا رح شوف شو بصير معي وأنت شو بصير احكي معي سكرت الخط وهي بتبكي معقول شو عملت بحالها … هي كانت حابكة كل شي منيح ليش هيك فجأة كلو اتغير وانقلب لضدها … بس كل شي إلا ولادها لازم تنفذ كل شي عم تخططلو وبسرعة طلعت برا الغرفة وهي بتقول: لبسو بدنا نطلع أسماء: لوين!؟ ثناء: بدي صوركن مشان اعملكن جوازات سفر علاء: ولشو الجوازات قعدت بقرب أسماء ومسكت أيد علاء وهي بتقلن: كل شي انقلب ضدنا أنا وأنتو لازم نترك هالبلد ونبلش من مكان جديد علاء: بس بابا ثناء: أبوكن مابدو إياكن علاء: ليش ثناء: لأنو أناني مابحب إلا حالو أسماء: أنا دائما بحسو مابحبنا ثناء: ومشان هيك لازم نبيع كل شي ونطلع برا هالبلد لمكان ماحدا بيعرفنا فيه علاء: والبابا ثناء: بس اطلع رح اسقط حقي عنو ليطلع من السجن علاء: مابدك تحكيلنا شو صاير ثناء: شي يوم رح تعرفو المهم هلق كرمال مصلحتكن اسمعوا كلمتي الله يرضى عليكن * وقف وسام بسيارتو عند باب المشفى وهو بيستناها لتطلع بعدما اتأكد من الشب انو عطا الأوراق للدكتور … عطاه مصاري أجار شغلتو … واجريه لحالهن اجو لعندها كان بدو يشوفها الو أكتر من ساعتين وهو ناطرها لحتى طلعت من الباب نزل من السيارة وقف وحط ايديه بجيبتو هو راكي جسمو عليها لما شافتو وقفت شوي اتنهدت ورجعت مشيت بعكس اتجاهه بس هو ما قدر يبقى لحقها ووقف مقابيلها غمضت عيونها وهي بتنفخ بعصبية: شو بدك وسام: قلتلك مستحيل اتركك أتطلعت أماني حواليها وهي بتقلو: وأنت برأيك شي حلو يشوفوني الناس مع شب غريب وأنا على وش خطبة شو بدو يصير بسمعتي وسام: معك حق من هالناحية بس لأن أنت ما تركتيلي مجال لاحكي معك … لو سمحتي خلينا نبدا صفحة جديدة أماني: وسام أنا بنت عالم وناس وصرت واعية كفاية لحتى ما أرجع وأوقع متل زمان … قبل كنت مراهقة عم الحق قلبي بس هلق صرت أعرف كيف فكر وسام: أنت بتقصدي إنو لقيتي الدكتور أنسب الك مني … وانو أنت صح بتحبيني بس دعستي على قلبك وفكرتي بعقلك ولقيتي انو الدكتور أحسن أماني بتبرير: ما قصدي هيك وسام: مشي الحال وصلني قصدك بس يكون بعلمك بعد يلي صار مستحيل اتركك أماني: بس أنت تركتني يالله رجعت تعاتبو وقلبو أبداً مابيتحمل خاطرها المكسور وسام: والله أنا تركتك لأن أنت ماعاد بدك إياني قلتيلي اتركني أماني: وأنت كان بدك كلمة بس ابتسم وعيونو بلشت تلمع بحب وهو بقول: صح لما بقولو يتمنعون وهن راغبات … انتو البنات بتقولو مابدكن بس من جوا بكون ناطف قلبكم غيرت أماني الحديث وهي بتقول: على كلن أنا مابصير وقف معك هيك لحالنا أنت غريب عني وأنا على وش خطبة وسام: قلتلك مستحيل اتركك أماني باعتراض: ولا عاد تطلع بوجهي أبداً وسام: بأحلامك … يمكن بيوم من الأيام رح نوصل ليلي فكرناه مستحيل … بدايةً من أحلامنا المشتتة لنوصل لخطواتنا المتعثرة بس أنا متأكد إنو رح نوصل لفت راسها وهي بتحاول تخفي بسمتها وتركتو ومشيت وهو رجعت ابتسامتو تتوسع أكتر من قبل … وراح ليبلش مخططو يلي بخطللو من قبل بيوم مع أسامة أما أماني ركبت بسيارتها وهي بتبتسم فرحانة أي فرحانة بشوفوتو وقربو منها بعد كل هالبعد … بتحبو أي وبتموت فيه لو كذبت على كل الناس مارح تقدر تكذب على حالها !! رغم انو قلبا حاسسها انها ما رح تكمل معها … كالعادة في شي رح يخرب عليها كل شي … بس هلق همها كيف رح تقدر تحكي مع الدكتور يلي بدو يخطبها وتبررلو وتبعد عنو … اتنهدت وهي بتشغل السيارة وبتمشي باتجاه بيتها فتحت الباب وشافت أبوها قاعد ناطرها على طاولة السفرة دخلت وهي بتقلو: يسعد مساك روحي أبو أماني: أهلين ياروح أبوكي أماني: أسفة طولت أبو أماني: بستناكي العمر كلو أماني: تقبر قلبي … يلا ثواني بغسل وبرجعلك رجعت بعد دقايق قعدت مقابيلو وبلشت تسكب وتاكل أبو أماني: شهيتك مفتوحة اليوم جمدت ملامحها وحست بخوف خصوصاً بعد يلي صار من سنين كيف رح تقدر تقنع أبوها إذا وسام كمان كان جدي هالمرة !! أماني: جعت ما أكلت من الظهر أبو أماني: صحتين أماني: بس كأنك أنت مانك على بعضك أبو أماني: بالعكس كتير منيح لما شفتك مبسوطة وعم تاكلي … مافي شي جديد كرمال العريس ايمات بدو يجي يطلبك رسمي؟ بلعت ريقها ومسكت كاسة المي شربت منها وهي بتقول: مابعرف خيفانة شويأبو أماني: هلق هيك !! كام مرة صرتي قايلة هالكلام أماني: شو بعرفني تعبت كتير من التفكير تاركتها لرب العالمين أبو أماني: الله يخترلك الخير ابتسملتو وهي بتهمس: أمييين * ثاني يوم……… قعد وسام قدام طاولة أسامة وهو بقلو: أنت أكيد انو هالبنت فيها تساعدنا أسامة: أكيد هالبنت ثقة من زمان منشتغل سوا … بس طبعاً بدنا نحكيلها كل شي بالتفصيل وسام: أكيد رح احكيلا لتعرف شو تتصرف أسامة: يلا هي قالتلي إنها على الطريق بعد دقايق دخلت من الباب وهي رافعة إيدها: سلامي صبية بأخر العشرين … بشعر ناعم قصير لحد رقبتها … ملامح هادية وناعمة … لابسة بنطلون جنز وفوقو كنزة سودة وحاطة شنتة سودة على خصرها وقف أسامة وهو بقلها: أهلييين رفعلا أيدو وسام وهو بقلها: ياهلا شذا: يلا لشوف فهموني شو صاير لأن مستعجلة أسامة: طولي بالك لنحكيلك القصة شذا: أنا والله لولا غلاتك عندي مابدخل بشي مانو قانوني بس انتو قلتو مابدكن تخبرو الشرطة وسام: لا الشرطة لا … مابدنا حدا يعرف بشي المهم أنا أعرف وصاحب القضية حتى هو ماحابب حدا يتدخل مجرد تخويف لياخد حقو شذا: طيب أنت شو فايدتك وسام: بس نخلص بقلك هلق اقعدي لاحكيلك……… * بعد ساعة………… رتبت شعرها واتنفست بهدوء ودقت الباب دقتين فتحت الباب الخادمة شذا بتوتر: الدكتور غيث موجود الخادمة: يلا ثواني بعد ثواني اجا الدكتور فتح الباب وهو بقول: اهلين اتفضلي شذا: ممكن احكي معك شوي بقدر ادخل غيث: أكيد اتفضلي دخلت قعدت بصالون البيت قعد غيث مقابيلها وهو بقلها: عم اسمعك شذا: أنا بدي اعمل عملية حقن مجهري غيث: أي بس أنا تركت الشغل شذا: أنا بدي اعمل عملية بطريقة جديدة هاي يلي بتعملها بشكل خاص فتح عيونو بصدمة وهو بقول: أنت شو بتقولي شذا: في مريضة قالتلي انو هي عملت هيك عملية عندك غيث: منين جبتي هالكلام ومين هالمريضة بدك تتبليني شذا: لو سمحت أنا بحاجة لهالولد رح اتطلق ومابدي اخرب بيتي غيث: روحي شوفي دكتور تاني شذا: بس مافي غير أنت رح تقدر تجبلي نطاف أو بويضات منيحة لاققدر احمل فيها *يـــــــــ͢ـོ͓ـــتبــــــــــــــོـ͓ـــ͢ــ؏* ➖➖➖➖➖➖➖➖➖ *❴📖❵↵*تنسيق مشرفين مجموعة:* *❴📚❵↵*قصص وروايات عالمية📚💙* *❴💙❵↵*ننشر جميع انواع القصص والروايات العالمية* حـب💙. حـزن💙. اكشن💙. رعب💙. *❴👑❵↵*أن كنت من عشاق ومدمني القصص مكانك عندنا💙